49572

Epiri i Jugut është krahinë e domosdoshme për zhvillimin normal të Shqipërisë, dhe lënia e kësaj krahine shqiptare jashtë kufinjve shtetërorë sjell probleme të mëdha në vetëmjaftueshmërinë ekonomike të shtetit shqiptar, sidomos për sa i përket lëndës së pasur drusore, së bashku me pasuritë e nevojshme të ekosistemit. Këto përveç vetë pasurive kulturore dhe përkatësisë kombëtare të banorëve, të cilët jo vetëm që nuk mund të zhvillohen siç duhet nën mjedisin e tanishëm, por rrezikojnë të zhduken tërësisht. Furnizimi me material biologjik nga trungu amë duhet parë si një nga përparësitë e 50 viteve të ardhshme.

Një nga veprimet konkrete drejt rinimit të popullsisë shqiptare në Epir të Jugut është reklamimi i kësaj krahine mes emigrantëve të tashëm të shpërndarë nëpër territore të panevojshme të Greqisë. Biznesmenët shqiptarë në bashkëpunim me biznesin grek duhet t'ju bëjnë të mundur këtyre emigrantëve afrimin drejt trojeve në fjalë dhe sigurimin e punës dhe të jetesës në këto troje.

Këto biznese përfshijnë specialitete nga puna bujqësore deri në përhapje letërsie në shqip me anë të shtëpive botuese të të dy vendeve duke shfrytëzuar çdo mundësi të legjislacionit evropian. Rol kryesor duhet të luajnë mediat me zgjerimin e frekuencës apo lehtësimin e instalimit të paketave satelitore.

Banorëve të krahinës iu duhen ofruar lehtësime dhe nxitje të ndryshme të zhvillojnë turizëm në Shqipëri gjatë pushimeve të tyre. Këto lehtësime duhet të përfshijnë kryesisht transportin rrugor dhe detar për të njësuar zhvillimin kulturor.