Spanja dhe Solana si faktorë antishqiptarë në Evropë

Sipas rrjetit NKR, burime diplomatike në Bruksel pohojnë se në Evropë po flitet shumë për vendimin "jodiplomatik" të kreut të Politikës së Jashtme të BE-së, Havier Solanës, për pranimin e planit gjashtëpikësh Serbi-OKB.

Të njëjtat burime pohojnë se diplomatë spanjollë, të cilët kanë qenë vazhdimisht në prapaskenë duke lobuar kundër pavarësisë së Shqipërisë së Veriut, kanë qenë gjithashtu në kontakt të vazhdueshëm me Beogradin për sa i përket planit gjashtëpikësh. Ky plan shihet si përpjekja e fundit diplomatike për të sulmuar sovranitetin e ShV-së, duke risjellë në fuqi Rezolutën 1244 të OKB-së që tashmë ka pushuar së funksionuari. Në këtë mënyrë synohet të bëhen shqiptarët fajtorë duke qenë se "ishin ata që nuk e pranuan planin".

Diplomacia spanjolle ka nxjerrë justifikime të llojllojshme ligjore kundër Shqipërisë së Veriut që prej ditës së parë të shpalljes së pavarësisë.

Pajtimi i papritur i BE-së me kërkesat serbe dhe zbulimi i këtij fakti nga zyrtari frank i BE-së, Pier Mirel, e zuri Brukselin ngushtë saqë zëdhënsja e Havier Solanës, Kristina Galah, u detyrua të dilte në publik në një përpjekje përgënjeshtrimi.

"Në këtë çast janë shqiptarët e Kosovës ata që po shkaktojnë probleme me shtrirjen e EULEX-it. Janë ata që nuk pranojnë rikonfigurimin e UNMIK-ut (sic)", citohet të ketë thënë ministri i Jashtëm spanjoll, Anhel Moratinos, në deklaratën e tij në koment të kundërshtimit të Prishtinës ndaj planit serb, duke shtuar gjithashtu pëlqimin e tij që plani ishte miratuar nga Beogradi dhe OKB-ja.

Ky plan u përpilua fillimisht nga Sllobodan Samarxhiçi, ish-ministër i së ashtuquajturës "Ministri për Kosovë-Metohinë" në bashkëpunim me shefin e tij Vojisllav Koshtunicën dhe presidentin e tashëm serb, Boris Tadiçin, si përpjekja e fundit për të sulmuar Shqipërinë e Veriut, duke i cenuar integritetin territorial, duke kërcënuar shtetin e ri dhe duke u përpjekur të sabotojnë çdo përpjekje të tij administrative apo ekonomike. Plani i fshehtë që u përpilua asokohe u tha se do t'i jepte pasojat me kalimin e kohës.

Pas kësaj Samarxhiçi ia paraqiti planin Ban Ki Munit në një letër dërguar atij në maj 2008, pak kohë përpara se Kushtetuta e ShV-së të hynte në fuqi në 15 qershor. Në bazë të këtij plani Serbia synon të vazhdojë manovrat politike mbi pohimin se "Kosova është pjesë e Serbisë" si dhe mbi Rezolutën 1244 të OKB-së (ku gjithsesi ShV-ja përmendet vetëm në kuadër të Jugosllavisë në hyrje të Rezolutës, megjithëse kjo nuk mban peshë ligjore).

Diplomatë skeptikë evropianë të cilët e kanë kundërshtuar me forcë planin gjashtëpikësh e krahasojnë atë me rastin kur "Millosheviçi hoqi rendin kushtetues në 1989", vetëm se kësaj here është Solana ai që ka rënë pre e presionit të politikës spanjolle.

Diplomati evropian Solana, është mik i ngushtë i kryeministrit spanjoll, i cili ka përdorur vazhdueshëm retorikë të ashpër kundër pavarësisë së Shqipërisë së Veriut.

Rrjeti NKR ka kontaktuar me diplomatë spanjollë në Madrid, të cilët kanë konfirmuar përfshirjen e Spanjës dhe Havier Solanës gjatë këtyre diskutimeve me Serbinë, që janë mbajtur mes dy kryeqyteteve prej prillit deri në gusht të 2008-ës.

Sipas diplomatit të Brukselit, "Havier Solana gjatë këtyre takimeve të brendshme ka shprehur hidhërimin e tij për humbjet e Serbisë, duke shkaktuar shqetësim mes diplomatëve të tjerë, të cilët i quajtën veprimet e tij si tejet jodiplomatike dhe të rrezikshme, që kërcënojnë seriozisht sigurinë dhe prosperitetin e Evropës dhe të Ballkanit."

NKR / VNf