Tiranë: PD, PS, LSI rrëgjojnë shtetin në një lëvizje të bashkërenduar antikombëtare

Ndërsa për një javë me radhë shteti shqiptar i Veriut po përballet me imponimin e planeve për ndarje territoriale, në cenim konkret të integritetit dhe sovranitetit të tij, klasa politike e Shqipërisë Perëndimore grindet plot pasion me leckat e veta, ndërsa zyrtarët e saj vazhdojnë turizmin nëpër konferenca dhe darka, uzurpojnë Kuvendin, ulërasin dhe kërcënojnë me fjalë të lëshuara pa fre se mund të shkaktojnë trazira, saqë kanë trembur dhe përfaqësuesit diplomatikë në Tiranë.

Asnjë forcë politike shqiptaroperëndimore nuk ka nxjerrë gjysmë fjale në pozicionim të gjendjes së nderë në të cilën ndodhet Shqipëria e Veriut në këto çaste, ndërkohë që përfaqësuesit e partive dalin tre herë në ditë në të gjitha mediat e vendit duke ulëritur kundër njëri-tjetrit për karrige.

Shqipëria Perëndimore e infektuar deri në palcë nga politika dhe jevgjizmi institucional, çuditërisht gjen gjithnjë çastin e duhur për t'u destabilizuar politikisht duke i ikur përgjegjësive në nivel kombëtar dhe duke i lënë dorë të lirë faktorit antishqiptar në rajon.