BE-ja synon gazsjellës përmes trojeve shqiptare

16.11.2008, 16:24

Bashkimi Evropian ka prezantuar planin e vet ambicioz për gazsjellësin jugor, përmes të cilit do të transportohet energji nga burimet në Azinë e Mesme për vendet e BE-së dhe vendet tjera perëndimore, qëllimi themelor i së cilës është zvogëlimi i varësisë nga gazi rus.

Sipas mediave londineze, në 2009, BE-ja do të krijojë një konsorcium të veçantë të kompanive evropiane, të cilat do të blejnë gaz nga rajoni i Detit Kaspik dhe nga Azerbajxhani, përmes Turqisë, vendeve të Ballkanit dhe Austrisë do ta transferojnë në Evropë.

Transporti i gazit të mesëm aziatik për vendet perëndimore duhet të fillojë nga viti 2013, ndërsa BE parashikon dy rrugë kalimi.

E para, kalon përmes Rumanisë dhe Hungarisë, ndërsa e dyta përmes Maqedonisë, Kosovës, Shqipërisë, Malit të Zi, BeH-së, Kroacisë dhe Sllovenisë. Vlera e gjithë projektit llogaritet në 2 trilionë euro.

http://www.telegrafi.com/?id=46&a=1296

23.10.2009, 17:15

Citim:

Projekti: Shqipëria, pjesë e gazsjellësit strategjik “Rrjedha e Jugut”

Shqipëria do të jetë pjesë e linjës së tubacioneve të gazsjellësit “Rrjedha e Jugut”, që do të furnizojë me gaz vendet e Ballkanit dhe Bashkimit Europian. Lajmi është dhënë dy ditë më parë nga mediat elektronike italiane, të cilat e rendisnin edhe vendin tonë në atë grup vendesh ku do të kalonin tubacionet e gazsjellësit më të madh të rajonit.

Duke iu referuar takimit më të fundit të kryeministri italian, Silvio Berluskoni, me homologun e tij rus, Vladimir Putin, në Moskë, ato kanë hedhur dritë mbi projektin më të madh që pritet të furnizojë Europën me energji, duke i dhënë jetë një gazsjellësi që nis nga stepat ruse e përfundon në Europën Perëndimore.

Më e papritura e këtij lajmi, sipas së përditshmes italiane, është se ky gazsjellës ka një degëzim nëpër Shqipëri, duke ardhur nga Greqia, duke përdorur si vendkalimi Kanalin e Otrantos, me degëzim nëpër vendin tonë, për të mbërritur në Apenine.

Mediat italiane nuk kanë ngurruar që ta komentojnë këtë projekt si “një zhvillim që trondit hartën gjeopolitike të Europës, për arsye se ky gazsjellës është konkurrent direkt i gazsjellësit euro-amerikan ‘Nabuco’, që kalon nëpër Turqi”.

Mediat italiane e kanë konsideruar dhe kryeministrin e tyre, Silvio Berluskoni, si “politikanin më filosllav në Europë”, i cili ka fluturuar drejt Shën Petërburgut, ku bashkë me ish-kancelarin gjerman, Gerard Shrëder, po feston në një ‘daça’ (vilë luksoze) në periferi të qytetit 57-vjetorin e njeriut të fortë të Moskës, Vladimir Putinit, që prej kohësh ka miqësi të fortë me kreun e qeverisë italiane.

Berluskoni ishte javën e kaluar në Sofje dhe arriti ta bindë kryeministrin e ri të Bullgarisë dhe ish-kryebashkiakun e Sofjes, Boyko Borisov, që të mbështesë gazsjellësin italo-rus “South Stream” (Rrjedha e Jugut), i cili është konkurrent me euro-amerikanin “Nabuco”.

Marrëveshja

Muajin e kaluar, Bullgaria, së bashku me Turqinë, Rumaninë, Hungarinë dhe Austrinë, në prezencë të kreut të Komisionit Europian, Hoze Manuel Barroso, firmosën akordin që parashikonte ndërtimin e një gazsjellësi të madh që vinte nga Azerbajxhani, i quajtur “Nabuco”, i cili do të ulte varësinë e BE-së ndaj energjisë ruse.

Ky pakt bëhej për të zbutur pasojat e paktit të disa viteve më parë ndërmjet Putinit dhe ish-kancelarit gjerman, Gerard Shrëder, për ndërtimin e gazsjellësit nga Shën Petërburgu në Detin Baltik, i quajtur “North Stream” (Rrjedha e Veriut), i cili arrinte brigjet gjermane, duke prerë të gjitha ish-Republikat Sovjetike baltike dhe Poloninë.

Italia është vendi i parë që ka përkrahur projektin “South Stream”, që do të lidhë brigjet e Detit të Zi me Bullgarinë dhe mandej me vendet e BE-së nëpërmjet Greqisë dhe Shqipërisë.

Hyrja e Bullgarisë në “South Stream” do ta ndajë këtë vend në dy degëzime: i pari që kalon në Greqi dhe nëpërmjet Kanalit të Otrantos do të arrijë Brindisin, duke kaluar nëpër Shqipëri; dhe i dyti kalon nga Maqedonia, Serbia dhe Hungaria, dhe do të arrijë Vjenën në Veri, duke lënë jashtë Rumaninë, që tani po kërkon të bëhet pjesë e projektit.

http://www.gazeta-albania.net/news.php?id=21484

21.11.2009, 10:05

Citim:

Shqipëria mund të bëhet transit i “Nabucco”

Romë - Kryeministri i Turqisë, Rexhep Tajip Erdogan konfirmoi idenë se Shqipëria mund të marrë rolin e furnizuesit transit të gazsjellësit më të rëndësishëm të kontinentit, “Nabucco”.

Emri: nabucco3.jpg
Shikimet: 0
Madhësia: 14,0 KB

Emri: nabucco3.jpg
Shikimet: 0
Madhësia: 14,0 KB

Deklarata e Erdoganit erdhi gjatë një samiti që po zhvillohet në Romë për sigurinë botërore dhe ushqimeve, organizuar nga OKB. Ai theksoi se po punohet për zgjerimin e rrjetit të gazit natyror Nabucco drejt Greqisë, Shqipërisë dhe Italisë.

“Nabucco është një nga projektet më të rëndësishme të BE-së. Ky projekt ka tre partnerë. Ju e dini se ne furnizojmë me gaz Greqinë, dhe aktualisht po përpiqemi ta zgjasim atë drejt Shqipërisë dhe Italisë. Këtë projekt ne e konsiderojmë si një alternativë ndaj ‘Rrymës së Jugut’. Nëse 'Rryma e Jugut' nuk i plotëson kërkesat e BE-së për energji, Nabucco do të jetë një opsion i rëndësishëm”, deklaroi kryeministri turk.

Bashkimi Evropian synon të ndërtojë gazsjellësin prej 3 300 kilometrash të gjatë për të lidhur rajonin e detit Kaspik, Lindjen e Mesme dhe Egjiptin, me Evropën Qendrore e Perëndimore përmes Turqisë, Bullgarisë, Rumanisë dhe Hungarisë. Ideja e BE-së është që të ndërtojë një tubacion të madh me shumë pika furnizimi dhe shumë degëzime shpërndarëse.

Në vendin tonë mund të ndërtohet një regazifikator në Seman, si dhe një gazsjellës që do të lidhë bregdetin shqiptar me Bullgarinë.

Ndërkohë, qeveria shqiptare ka hyrë sakaq në bisedime me Katarin për të siguruar furnizime me gaz të lëngshëm. Projekti i përgatitur nga ASG Power synon të ndërtojë një regazifikator me madhësi 30 miliardë metër kub.

http://www.gazetastart.com/lajm.php?...alitet&nr=7945

16.11.2008, 16:24	#1
Anëtarësuar: 5.2008	BE-ja synon gazsjellës përmes trojeve shqiptare Bashkimi Evropian ka prezantuar planin e vet ambicioz për gazsjellësin jugor, përmes të cilit do të transportohet energji nga burimet në Azinë e Mesme për vendet e BE-së dhe vendet tjera perëndimore, qëllimi themelor i së cilës është zvogëlimi i varësisë nga gazi rus. Sipas mediave londineze, në 2009, BE-ja do të krijojë një konsorcium të veçantë të kompanive evropiane, të cilat do të blejnë gaz nga rajoni i Detit Kaspik dhe nga Azerbajxhani, përmes Turqisë, vendeve të Ballkanit dhe Austrisë do ta transferojnë në Evropë. Transporti i gazit të mesëm aziatik për vendet perëndimore duhet të fillojë nga viti 2013, ndërsa BE parashikon dy rrugë kalimi. E para, kalon përmes Rumanisë dhe Hungarisë, ndërsa e dyta përmes Maqedonisë, Kosovës, Shqipërisë, Malit të Zi, BeH-së, Kroacisë dhe Sllovenisë. Vlera e gjithë projektit llogaritet në 2 trilionë euro. http://www.telegrafi.com/?id=46&a=1296

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar