1938: Themelimi i Radio Tiranës më 28 nëntor

“Nalt Madhni,

Administrata e Postave, telegrafave dhe telefonave asht e lumtun që N.M. e Juej ka denjue me marrë përsipër inaugurimin e Stasionit Radiofonik të ri në këte ditë të bukur të përvjetorit të pamvarësisë së kombit t’onë. Ky gjest i N.M. s’Uej na tregon në një mënyrë të kjartë kujdesin e palodhshëm që i kushtoni përherë përparimit të vendit t’onë në shkencë dhe kulturë.

Ky stasion prej tre K.W. me valë të shkurtëra i ngrehun prej shpis Marconi me famë botnore, asht fjala e fundit e teknikës së sotëshme edhe përveç se do të jetë mjeti ynë ma i fortë propagande kombëtare, plotëson njiheri edhe dy nevojat e tjera të vendit t’onë, d.m.th. telefoninë tregëtare dhe telegrafën e shpejtë me gjithë shtetet e botës.”