Virusi arabo-islamik në Shqipëri

mesdimr · 22.9.2009, 14:08

Që në 1923 është hequr ai pushtlliku aty sipër nga qeveria e Zogut http://vargmal.org/dan955. Megjithatë dhe fotot janë ca të "doktorume" se realisht qenë më pak sesa vjet.

Po dhe shteti e ka shkel laicitetin me të dy këmbët 2 vitet e fundit. Ka pas ministra si ai i Arsimit që kanë rezistu, po ca të tjerë janë ku thërret qameti. Në përgjithësi vazhdojmë të vujmë nga katunarizmi trunor, injoranca ideologjike e mungesa e shtyllës kurrizore dhe kjo pasqyrohet dhe në strukturat shtetërore (nqs. mund të quhet shtet ky që kemi).

Aleksandër · 13.10.2009, 13:43

Citim:

Arrestohet në Durrës i dyshuari për terrorizëm, Artan Kristo

Arrestohet në Durrës, Artan Kristo pasi gjykata dha vendimin arrest me burg nën akuzën e nxitjes dhe propagandës për qëllime terroriste. Kristo që njihet ndryshe si Muhamed Abdullah ka rënë në sy që në vitin 2002 për një mardhënie të acaruar me ish sekretarin e Komunitetit Mysliman Salih Tivari, i cili u ekzekutua në zyrën e tij.

DURRES- Arrestohet në Durrës përmes një operacioni të uniformave blu të kryeqytetit, Artan Kristo, menjëherë pas dhënies së masës së sigurisë për të nga gjykata. Gjykata e Tiranës dha vendimin arrest me burg për Kriston nën akuzën e nxitjes së veprave terroriste, pas një procedimi penal të kryer nga Prokuroria e Përgjithshme. Madje organi qëndror i akuzës publikoi më vonë dhe një faqe interneti që përdoret nga besimtarët myslimanë, përmes së cilës Kristo bënte thirrje dhe nxiste vepra terroriste. Në një mesazh në këtë faqe lexohet qartë shprehja se “Bin Laden është Muxhahid i madh”. Shprehja është e shkruar me pseudonimin Muhamed Abdullai me të cilin Kristo njihej që në vitin 2004. Sipas një njoftimi të Prokurorisë së Përgjithshme hetimet e këtij procedimi penal janë kryer nga Prokuroria e Rrethit Gjyqësor Tiranë dhe kanë nisur rreth dy muaj më parë. Për këtë janë shfrytëzuar një numër i madh mjetesh për kërkimin e provës, përfshi dhe ato karakterit teknik. Sipas njoftimit të Prokurorisë ka të dhëna të mjaftueshme që shtetasi Artan Kristo ka kryer vepën penale të nxitjes dhe propagandës me qëllime terroriste.

E kaluara e Artan Kristos lë shumë dyshime dhe enigma. Ai njihet ndryshe edhe si Muhamed Abdullah dhe ka rënë në sy që në vitin 2002 për një marëdhënie të acaruar me Salih Tivarin, ish sekretarin e Komuinitetit Mysliman, i cili u ezkekutua në zyrën e tij.

Kristo, një besimtar që bënte pjesë te rryma radikale, dy vite para vrasjes së sekretarit të Përgjithshëm të Komunitetit Mysliman ishte emëruar përfaqësues i fondacionit “Al Haramain”, në Shqipëri. Fondacioni, i cili me vendim të qeverisë shqiptare të vitit 2004, hyri në listën e financuesve të terrorizmit, kishte kërkuar dhjetëra herë të realizonte investime në Shqipëri. Por me një kusht: që paratë të depozitoheshin në arkën e Komunitetit Mysliman dhe më pas të investoheshin si financime të këtij institucioni. Salih Tivari e kishte kundërshtuar këtë veprim. Ndërkohë Artan Kristo kishte marrë miratim nga zyrtarë të tjerë të Komunitetit Mysliman, me të cilët shkon në zyrën e Tivarit. Dy dëshmi janë administruar nga Prokuroria. Në to thuhet se Artan Kristo dhe Salih Tivari kanë shkëmbyer fjalë të rënda dhe kërcënime në zyrë, në praninë e një zyrtari tjetër të lartë të Komunitetit Mysliman. Pak muaj para vrasjes së Tivarit, në një mbledhje në xhaminë e Durrësit, ndodhi edhe konfrontimi. Teksa Tivari po mbante fjalën e tij, Artan Kristo me një person që, sipas policisë, mbante inicialet G.D, dalin demonstrativisht nga xhamia, mbyllin derën dhe mbajnë pjesëmarrësit peng përgjatë katër orëve, deri në ndërhyrjen e forcave të policisë. Artan Kristo ishte një ndër të dyshuarit për vrsjen e Tivarit madje policia e mbajti në arrest për dy ditë dhe më pas e liroi për mungesë provash.

http://balkanweb.com/sitev4/lajme.php?id=43490

Rojtari i Pyllit · 13.10.2009, 15:19

Artan KRISTO terrorist islamik!??

Sa me probleme në kokë janë këta njerëz, tani do na dali nai kinez që vret n'emër të Odinit!

Feja i bën centrifugë mendjeve të dobta!

Kandhaon · 13.10.2009, 18:37

Po ky mos është tip që është islamizu kshtu "privatisht", pa pas naj traditë të mahershme, se ka edhe ksi të depresionum.

14.10.2009, 08:57

Citim:

Gjykata vendos "arrest me burg" për Artan Kriston

Gjykata e Tiranës ka dhënë pasditen e djeshme masën e sigurisë "arrest me burg" për shtetasin Artan Kristo, i akuzuar për nxitje të terrorizmit. Vendimi i trupit gjykues erdhi pasi prokuroria provoi se Kristo ishte i përfshirë në akte terroriste.

Ai ishte përfaqësues i fondacionit "Al Haramain", i konsideruar si ndër financuesit kryesorë të terrorizmit ndërkombëtar. Pavarësisht masës së sigurisë, pala e akuzës ka bërë të ditur se do të vazhdojë hetimet për shtetasin shqiptar.

Kristo, i njohur me emrin fetar Muhamed Abdullai, është arrestuar nga policia në Durrës, pas një urdhër arresti të lëshuar nga Gjykata e Tiranës. Ai hetohej prej afro tre muajsh nga prokuroria e kryeqytetit nën akuzën e nxitjes, thirrjes publike dhe propagandës për kryerjen e veprave me qëllime terroriste. Gjithashtu ishte denoncuar nga disa besimtarë. I arrestuari ka qenë përfshirë më herët në listën e personave të vënë nën vëzhgim, pasi bënte pjesë në rrymat me tendenca ekstremiste të besimit mysliman në Shqipëri.

Faqja e internetit, "albselefet", ku janë postuar kërcënimet publike, hapet vetëm për anëtarët e regjistruar dhe përmes saj Kristo lëshonte apele për përdoruesit. Pas fillimit të procedimit penal, nga ana e prokurorisë organizatorët e faqes kanë fshirë nga forumi postimet e tij, duke i cilësuar si "vepra që nuk kanë lidhje me diskutimet", ndërsa i janë servirur prokurorisë.

Bashkëpunimi me SHBA-në

Thirrjet për terrorizëm janë marrë në konsideratë nga zyrtarët më të lartë të Prokurorisë së Tiranës, të cilët njoftuan menjëherë eprorët në akuzën qendrore. Këta të fundit kanë lajmëruar strukturat e shërbimeve amerikane për gjetjen e prejardhjes së këtyre kërcënimeve.

Në bashkëpunim të plotë midis amerikanëve dhe Prokurorisë shqiptare, duke përdorur të gjitha mjetet teknike, është arritur të gjendet prejardhja e këtyre thirrjeve për terrorizëm. Mësohet se Kristo i lëshonte thirrjet në një tjetër emër. Pas nxjerrjes së urdhër arrestit, policia nisi kërkimet në Durrës e Kavajë dhe bëri të mundur ndalimin e Kristos në qytetin e tij të banimit, në orën 16.30.

"Në datën 27 gusht 2009, Prokuroria e Tiranës ka regjistruar procedimin penal për veprën penale të ‘nxitjes, thirrjes publike dhe propagandës për kryerjen e veprave terroriste‘, në ngarkim të shtetasit Artan Kristo. Për hetimin sa më të plotë të çështjes, janë shfrytëzuar një numër i madh mjetesh për kërkimin e provës, përfshi dhe ato të karakterit teknik", thanë burimet zyrtare nga Prokuroria e Përgjithshme.

Sipas saj, deri në këtë fazë të hetimit, në një analizë të të gjithë të dhënave të grumbulluara, është konkluduar se ka të dhëna të mjaftueshme që shtetasi Artan Kristo ka kryer veprën penale të mësipërme dhe po vijohet për mbledhjen e provave të tjera.

http://www.gazeta-shqip.com/artikull.php?id=73062

Citim:

Prokuroria, misteret e Artan Kristos
Historia

Njeriu që njihet ndryshe edhe si Muhamed Abdullah ka rënë në sy që në vitin 2002 për një raport të acaruar me Salih Tivarin. Artan Kristo, një besimtar i devotshëm që bënte pjesë te rryma radikale, dy vite para vrasjes së sekretarit të përgjithshëm të Komunitetit Mysliman ishte emëruar përfaqësues i fondacionit "Al Haramain" në Shqipëri.

Fondacioni, i cili me vendim të qeverisë shqiptare të vitit 2004 hyri në listën e financuesve të terrorizmit, kishte kërkuar dhjetëra herë të realizonte investime në Shqipëri, por me një kusht: që paratë të depozitoheshin në arkën e Komunitetit Mysliman dhe më pas të investoheshin si financime të këtij institucioni.

Salih Tivari e kishte kundërshtuar këtë veprim. Ndërkohë, Artan Kristo kishte marrë miratim nga zyrtarë të tjerë të Komunitetit Mysliman, me të cilët shkon në zyrën e Tivarit.

Dy dëshmi janë administruar nga prokuroria. Në to thuhet se Artan Kristo dhe Salih Tivari kanë shkëmbyer fjalë të rënda dhe kërcënime në zyrë, në praninë e një zyrtari tjetër të lartë të Komunitetit Mysliman.

Të paktën tri letra të dërguara nga Komuniteti Mysliman në adresë të "Al Haramain" tregojnë, sipas prokurorisë, "kërcënimet" me të cilat përballej Salih Tivari, që duhej të pranonte financimet. Pas kërkesës për financime nga "Al Haramain", sipas prokurorisë, qëndronte një tjetër pretendim i Artan Kristos.

Bëhet fjalë, sipas burimeve, për ndërtimin e pallateve dhe objekteve të tjera në tokat që ishin në pronësi të Komunitetit Mysliman në Durrës, Elbasan dhe Berat. Të gjitha këto ndërtime pallatesh dhe objektesh të tjera do të realizoheshin me paratë që do të xhiroheshin nga arka e komunitetit.

Por Tivari nuk ka pranuar jo vetëm financimet, por as ndërtimet në pronat e institucionit. Pak muaj para vrasjes së tij, në një mbledhje në xhaminë e Durrësit, ndodhi edhe konfrontimi.

Teksa Tivari po mbante fjalën e tij, Artan Kristo me një person që, sipas policisë, mbante inicialet G.D., dalin demonstrativisht nga xhamia, mbyllin derën dhe mbajnë pjesëmarrësit peng përgjatë katër orëve, deri në ndërhyrjen e forcave të policisë.

http://www.gazeta-shqip.com/artikull.php?id=73088

Citim:

Si u vra Salih Tivari
Dosje

Salih Tivari është vrarë në zyrën e tij në Komunitetin Mysliman, më 13 janar të vitit 2003. Një person ende i paidentifikuar nga Policia dhe Prokuroria e Tiranës ka hyrë në zyrën e sekretarit të komunitetit dhe e ka qëlluar atë me dy plumba pistolete.

Ishte ora 08.30 minuta e mëngjesit kur u zbulua ngjarja makabre. Tivari është transportuar për në Spitalin Ushtarak në kryeqytet nga punonjësit e komunitetit, të cilët nuk kanë lajmëruar policinë. Ata nuk kanë lajmëruar askënd për ngjarjen, por vetëm kanë transportuar trupin pa jetë në mjediset e spitalit.

Asokohe, uniformat blu të kryeqytetit janë lajmëruar nga urgjenca e spitalit dhe kur kanë shkuar në zyrën e viktimës kanë gjetur vendin e ngjarjes të prishur.

Ekspertiza ka treguar se Salih Tivari është vrarë me dy plumba, një në qafë dhe një në zemër, të cilët i kanë shkaktuar shok hemorragjik dhe më pas vdekjen. Në vendin e ngjarjes u gjetën katër gëzhoja pistolete.

Katër gëzhojat përkojnë me katër plumbat e gjetur po atë ditë në zyrë.

Përveç dy plumbave vdekjeprurës, uniformat blu kanë fiksuar edhe një plumb në dritaren e zyrës, në pjesën e duraluminit dhe tjetrin në mur. Të katër këto plumba, së bashku me gëzhojat u dërguan në laboratorin qendror të kriminalistikës për ekspertizë, e cila konfirmoi se ato kanë dalë nga gryka e së njëjtës armë.

Disa vjet pas ngjarjes, antiterrori në Policinë e Tiranës ka shoqëruar në polici pikërisht Artan Kriston, si i dyshuar për vrasjen e Tivarit. Pas verifikimeve dhe dëshmisë, ai është lënë i lirë, por pasaporta e tij është bllokuar.

http://www.gazeta-shqip.com/artikull.php?id=73089

14.10.2009, 12:58

Citim:

Shëronte SIDA-n e kancerin për 100 milionë lekë
14/10/2009

TIRANË- Një ditë pas prangosjes së Artan Kristos, akuzuar për “Nxitje, thirrje publike dhe propagandë për kryerjen e veprave me qëllim terroriste”, hetimet kanë nxjerrë fakte rrëqethëse rreth këtij personazhi misterioz.

Burime të besueshme të Prokurorisë thanë për gazetën “Metropol” se Kristo i kishte transformuar ambientet e marra me qira në Shkozet të Durrësit në një laborator të vërtetë mjekësor. Duke iu referuar të njëjtave burime mësohet se Artan Kristo pretendonte se shëronte sëmundje të rënda si SIDA, kanceri dhe leucemia. Në këmbim të këtij “shërimi hyjnor” ai kërkonte shifra marramendëse që nisnin nga çmimi fillestar prej 50 milionë lekë të vjetra e përfundonte tek 100 milionë.

Kristo vetëquhej si shërues me lidhje të drejtpërdrejtë më Allahun, ndaj duke shfrytëzuar dobësinë njerëzore në momente kaq delikate, ai ua kërkonte këto shuma pacientëve të ndryshëm. Ekspertët po mbledhin disa dëshmi që e vërtetojnë këtë fakt.

Sakaq, dje Artan Kristo ka dhënë dëshminë e tij në ambientet e policisë, ku në praninë e avokatit, mohoi kategorikisht akuzën për terrorizëm. “Nëse kam mbrojtur fenë time, kam bërë mirë dhe nuk tërhiqem në asnjë fjalë”,-mësohet të ketë deklaruar Kristo.

Hetimet

Një urdhër-arresti nga gjykata e Tiranës ishte shkaku që efektivët e policisë së kryeqytetit në bashkëpunim edhe me policinë e Durrësit të kryenin ndalimin e menjëhershëm të tij. Burime konfidenciale thanë për gazetën “Metropol” se gjykata mund të ketë perceptuar ndonjë telefonatë ku është përdorur togfjalëshi “t’i zhdukim”, teksa ky fakt ende nuk është konfirmuar.

Ekspertët dyshojnë gjithashtu se Kristo ka përmendur disa emra politikanësh të huaj që vijnë në Shqipëri herë pas here ose janë me qëndrim në vendin tonë. Specialistët sekuestruan gjatë arrestimit 600 disqe me mbishkrime arabisht, 4 serverë dhe 5 kompjuterë lap top. Sakaq, ditën e djeshme këto prova u dërguan për ekspertizë në Laboratorin e Ministrisë së Brendshme ku tek 4 serverët dyshohet se janë ruajtur mijëra materiale, shkrime shkencëtarësh e teologësh arabë.

Informacionet kalonin në rrjetin Siri-Iran, por përfshihen edhe disa shtete të tjera. Artan Kristo u arrestua rreth orës 16:30 të dy ditëve më parë. Policia shkoi në xhaminë-shtëpi, ku 4 myslimanë faleshin në dhomën 5 me 5 që kishin marrë me qira prapa Gjykatës së Apelit në qytetin bregdetar. Pasi pritën 10 minuta derisa myslimanët të faleshin u krye edhe arrestimi i Kristos.

Pas arrestimit të Kristos, kyçet dera e myslimanëve

DURRËS- Arrestimi i shtetasit Artan Kristo ka pasuar me reagime të forta në komunitetin fetar në Durrës. Krerë të myslimanëve dhe besimtarë të shumtë kanë thënë se arrestimi mund të mos ketë asnjë lloj lidhje me përkatësinë dhe besimin fetar të të prangosurit Kristo.

Dje gjatë gjithë ditës në komunitetin islam në Durrës nuk ka pasur asnjë përfaqësues për të deklaruar pozicionin pro apo kundër prangosjes së Kristos. Ky shtetas që më pas ka pranuar t’i nënshtrohet parimeve të Islamit dhe të gjitha riteve myslimane ka shërbyer për vite të tëra në këtë komunitet pa dalë në pah.

Edhe pse janë një sërë çështjesh të pa zbardhuara që nga vrasja e sekretarit të përgjithshëm të Komunitetit fetar Sali Tivari, ortodoksi Kristo i “pagëzuar” në mysliman nuk ka dijeni për këtë ngjarje të rëndë. Artan Kristo është me baba mysliman nga Shkodra dhe e ëma ortodokse, por ai ka zgjedhur në mënyrë të vullnetshme të bëhet mysliman.

Janë disa të rinj të arsimuar në vendet arabe për teologji që njihen ndryshe si radikalë islamikë dhe që për shumë arsye janë bërë objekt i vrojtimeve të strukturave investiguese të shërbimit informative shqiptar dhe atij të huaj. Të arsimuar jashtë vendi kanë qenë dhe mbeten në mendime e kahe të kundërta me të rinjtë “perëndimorë”.

Një prej kësaj kategorie është edhe ortodoksi Artan Kisto. Ai dhe mbështetës të tij janë kundër drejtuesve aktualë të Komunitetit Mysliman Shqiptar dhe bëjnë thirrje për Xhihad. Një kategori e tillë është kundër shitjes së trojeve të Komunitetit Mysliman.

Pas viteve 1992 e në vijim një pjesë e fraksioneve kundër ideatorëve të lëvizjes islamike mendojnë se ka shumë abuzime me pronësinë e komunitetit islam. Në këtë drejtim ka hamendësi lidhur me abuzimet e panumërta të bëra nga krerët e komunitetit islam.

Pikërisht këta të rinj një pjesë e të cilëve janë edukuar dhe arsimuar në vende me kulturë islame kanë radikalizuar lëvizjet e tyre. Kësisoj Artan Kristo është përfshirë në lëvizjen e madhe të ndryshimit të imazhit dhe kthimit të pronave të komunitetit islam. Kjo kategori e arsimuar në Siri është kundër mënyrës së organizimit të Haxhit, i cili mendohet se mbledh mijëra dollarë çdo vit kur besimtarët dërgohen për pelegrinazh në Mekë.

Artan Kristo u akuzua dhe dyshohej në fillim si autori që ka vrarë Salih Tivarin më 13 janar 2003, por ai ka një alibi të fortë se katër ditë para ngjarjes ka udhëtuar drejt Turqisë. Në qershor të vitit 2006 u arrestua për këtë akuzë, por u la i lirë.

Krerë të besimit islam kanë qëndruar larg pohimeve lidhur me këtë ngjarje. Kjo kategori e të rinjve në Durrës kanë qenë kundër pazareve në kurriz të besimtarëve. Radikalët islamë kanë shprehur pikëpamje të ndryshme nga pala e besimtarëve të tjerë lidhur edhe me edukimin fetar.

Dy ditë para se Sekretari i Komunitetit Islam në Shqipëri Sali Tivari të vritej në zyrën e tij, shtetasi Artan Kristo ka fluturuar për në Jordani. Studenti i Teologjisë në Siri është kthyer në vendin e tij në vitin 2002, ndërkohë që Tivari është vrarë më 13 janar 2003 në Tiranë.

Pasi Kristo kishte pranuar të bëhej besimtar mysliman Kristo ishte “pagëzuar” me pseudonimin Muhamed Abdulla. Për shtetin dhe shërbimet investigative shqiptare një veprim i tillë nuk paraqiste asnjë dyshim. Ndërrimi i emrit dhe i të dhënave personale të Artan Kristo kanë shfaqur jo pak reagime.

Çështja e pronave ka qenë për të gjithë këtë kategori të arsimuarish në vende me kulturë të hershme islame, si problematikë parësore. Komuniteti islam në Durrës është përfshirë disa herë në konflikte, të cilat kanë të bëjnë me pronat e komunitetit apo edhe me abuzimet.

http://www.gazetametropol.com/tekst.php?idt=62437

mesdimr · 14.10.2009, 13:14

Ky shkrimi absurd sipër duket si i shkruar nga ndonjë analfabet islamik e i redaktuar nja 3 herë. Se në kushte të tjera do të pyesja që kur kanë filluar shqiptarët të shkruajnë si arabë?

Përfundimisht Muhamed Abdullahu nuk është vetëm, ka një fole të tërë infeksioni që e mbulon dhe që do të prodhojë të tjerë si ai.

mesdimr · 14.10.2009, 14:37

Këta në lindje vazhdojnë kalbëzimin:

Citim:

Tetovë: Reçica e Vogël me xhami të re

Me një solemnitet fetar dhe me pjesëmarrje të shumë personaliteteve nga jeta fetare e shoqërore të hënën në Reçicë të Vogël është vendosur gurthemeli i Xhamisë së Re që njihet si Xhamia "Kadi Çeshma". Xhamia e Re vendoset pikërisht në vendin ku para më shumë se 40 viteve është ndërtuar xhamia e vjetër.

"Me iniciativë dhe me donacion komplet nga ana e Haxhi Lazim Destanit Xhamia e Re - Kadi Çeshma në Reçicë të Vogël prej dje e këndej do të shndërrohet në tempull fetar ku xhemati i këtij lokaliteti do ti kryejë ritet fetare", tha Aliriza Ef. Ajdini imam në këtë xhami. Donatori kryesor Haxhi Lazim Destani me rastin e gurthemelit të Xhamisë së Re ka falënderuar pjesëmarrësit në këtë solemnitet fetar, duke potencuar rolin e Xhamisë si tempull ku besimtarët muslimanë kryejnë obligimet dhe detyrimet fetare.

Në emër të Muftinisë së Tetovës këtë solemnitet fetar e përshëndeti edhe Muftiu Alifekri efendi Esati duke falënderuar në emër të xhematit Haxhi Lazim Destanin për këtë kontribut të jashtëzakonshëm në ndërtimin e kësaj xhamie. (U.H)

http://www.koha.com.mk/a15.html

Po menoja ia kan bo naiher pytjen vetes si ndodh që e vetmja gjë që s'i ndalo sllavi ktyne janë "xhamitë e reja"?...

15.10.2009, 11:17

Citim:

Mbetet në “burg pa afat” Artan Kristo

Artan Kristo i akuzuari që përdorte faqen e Internetit “ALBSELEFET” për të bërë publike thirrjet e tij ka marrë vlerësimin e masës së sigurisë në dhomën penale të Gjykatës së Tiranës.

Arrest me burg për Kriston të njohur dhe me pseudonimin Muhamed Abdullahi, i cili para tre vitesh u arrestua në klinikën e tij në Shijak për të dëshmuar lidhur me vrasjen e Sekretarit të Përgjithshëm të Komunitetit Musliman Salih Tivari.

Pas thirrjeve për “luftën e Shenjtë” në blogun e Internetit, Prokuroria e akuzon për thirrje dhe veprime që nxitin terrorizmin. Mësohet se gjatë vlerësimit të masës, Kristo nuk është shprehur para togave të zeza ndërsa dhoma penale e kryeqytetit ka transferuar dosjen e tij në Gjykatën e Faktit në Durrës.

http://www.tvklan.tv/lajmi.php?id=7520

Citim:

“SHIK-u arrestoi Kriston, pasi s’pranoi të bëhej spiun”

Tiranë – Avokati i të arrestuarit Artan Kristo, i dyshuar nga Prokuroria dhe Gjykata si i përfshirë në propagandë terroriste, ka deklaruar dje për mediat, se arrestimi i tij është bërë për hakmarrje, pasi Shërbimi Informativ Shtetror ka tentuar ta bëjë pjesë të tij.

“Agjentën e Shërbimit Sekret nuk arritën pas shumë vitesh këmbëngulje të rekrutonin Artan Kriston, ndaj u hakmorrën duke i vënë pranga”, theksoi dje për mediat, Ilir Malindi, avokati mbrojtës.

Ai e quan cinik veprimin e Shërbimit Sekret Shtetror, që sipas avokatit-sajuan një akuzë të tillë ndaj Kristos, i njohur ndryshe si Muhamed Abdullai. Sipas Malindit, Kristo ka publikuar në internet vetëm pjesë të Kuranit, libër ky që nuk nxit veprimet terroriste, përkundrazi përhap paqen midis njerëzve.

Artan Kristo u arrestua tre ditë më parë, lajm i cili u mbajt gjatë në mediat shqiptare edhe pse deri më tani akuzat ndaj tij ende nuk janë provuar nga Prokuroria dhe nuk është dhënë asnjë vendim nga gjykata. Gjykata e Tiranës dha vendimin dje për Kriston, “me burg pa afat”. Tashmë çështja është transferuar në Gjykatën e Durrësit, ku pritet të bëhet edhe gjykimi.

http://www.gazetastart.com/lajm.php?...alitet&nr=6406

15.10.2009, 16:52

Citim:

Imami Naci: Myslimanizmi në Shqipëri, drejt ekstremizmit
TV Klan

Arrestimi i Artan Kristos, besmitar i fesë islame, i dyshuar për nxitje dhe kryerjen e akteve terrorriste, ka hapur një debat të nxehte në komunitetin islam. Drejtues të xhamive në Tirane, pa e paragjykuar rastin në fjalë dhe duke e lënë atë në dorë të drejtësisë, thonë se në fenë myslimane në Shqipëri po shfaqen gjithnjë e më shumë tendenca ekstremiste.

Imami i Xhamisë së Tabakëve, Elvis Naçi, pranon ekzistencën e rrymave ekstremiste, për të cilat thotë se po operojnë në një terren të lirë e pa kontroll.

Përhapja e këtyre ideve të rrezikshme edhe për vetë komunitetin mysliman, sipas imamit Naçi, po bëhet përmes literaturës fetare, për të cilen, gjithashtu, sipas tij, nuk ka kontrolle. Shfaqja e rrymave të ndryshme brenda këtij komuniteti në Shqipëri, është shfaqur me konflikte të ndryshme prej disa vitesh.

Arrestimi i Artan Kristos u shtohet dyshimeve për ekzistencen e rrymave ekstremiste, por deri në zbardhjen e plotë të veprimtarisë së tij, këto mbeten vetëm dyshime.

http://www.ikubinfo.com/ikubLAJME/Ne...e-8ff4c44d0ea0

17.10.2009, 11:07

Citim:

Zbulohet mesazhi “terrorist”

Artan Kristo, besimtari mysliman nga Durrësi, i arrestuar pak ditë më parë, ka përdorur tre faqe në internet dhe adresën e tij të postës elektronike për të konsumuar elementë të veprës penale të “thirrjes për të nxitur terrorizëm”. Hetimet paraprake në ngarkim të tij kanë zbuluar se veç faqes elektronike “albselefet.net”, ai ka shfrytëzuar edhe dy faqe të tjera, “forum-islamic.com” dhe “udhezime dhe drita.net”, duke komunikuar nga adresa e tij e e-mailit eddirajeh@hotmail.com.

Sipas prokurorisë, nga kjo adresë Kristo dërgonte komente për tema të ndryshme, duke bërë deklarata që nxisin kryerjen e veprimeve terroriste. Nga transkiptimi i materialeve të gjetura në këto faqe elektronike si dhe në adresën e postës së Kristos, SHISH pohon se ka gjetur shprehje të tilla si: “ka pasur, ka dhe do të ketë Xhihad, i cili është obligim dhe detyrim për myslimanët, deri ditën e gjykimit”, “në Xhihad shkohet për të luftuar e për të vrarë qafirët, që janë bërë pengesë për vendosjen e shtetit islam, drejtësisë, pra duhet të kesh me se të vrasësh”.

Ndërkohë më tej pohohet se Kristo ka bërë deklarata si: “normalisht ne pranojmë edhe të vritemi, sepse Xhihadi është luftë e shenjtë dhe obligim për myslimanin, por jo vetëm të vritemi, por të vrasim”; “ne jemi pro Xhihadit, lutemi që të vijë ajo ditë që të na mundësohet ta ndihmojmë islamin, ta bëjmë Xhihadin me anë të fjalës, forcës së krahut, bombës, por duhet të përgatitemi sa më shumë që të kemi mundësi”.

Nisur nga përmbajtja e këtyre pamjeve filmike, këshillave dhe propagandës, Prokuroria pretendon se, nxitet urrejtja fetare, e cila rrezikon përçarje sociale në familjet shqiptare dhe mirëkuptimin e bashkëjetesën brenda komunitetit mysliman dhe më gjerë”, pohohet në vendimin e gjykatës për vendosjen e masës së sigurisë ndaj 31-vjeçarit nga Durrësi.

Më tej, gjykata argumenton se në rrugë operative Shërbimi Informativ Shtetëror, si institucion që inicioi hetimet ndaj Kristos, si dhe prokuroria, kanë siguruar katër numrat telefonikë të përdorur nga i dyshuari ku kanë përgjuar të gjitha bisedat e tij.

Në vendimin e masës së sigurisë nuk thuhet nëse ai ka konsumuar elementë të veprës penale nëpërmjet telefonit. Sipas vendimit të gjykatës, nisur nga transkriptet e bisedave të bëra në faqet elektronike dhe përmbajtja e pamjeve të shkarkuara nga faqet në internet, prokuroria ka pretenduar se në këtë rast kemi të bëjmë me vepër penale, me rrezikshmëri të lartë shoqërore dhe për nevoja të hetimit të kësaj vepre penale ka dalë i nevojshëm prangosja e të pandehurit.

Mesazhet

“...ka pasur, ka dhe do të ketë Xhihad, i cili është obligim dhe detyrim për myslimanët, deri ditën e gjykimit...”,

“...në Xhihad shkohet për të luftuar e për të vrarë qafirët, që janë bërë pengesë për vendosjen e shtetit islam, drejtësisë, pra duhet të kesh me se të vrasësh...”;

“...normalisht ne pranojmë edhe të vritemi sepse Xhihadi është luftë e shenjtë dhe obligim për myslimanin, por jo vetëm të vritemi, por të vrasim...”;

“...ne jemi pro Xhihadit, lutemi që të vijë ajo ditë që të na mundësohet ta ndihmojmë islamin, ta bëjmë Xhihadin me atë të fjalës, forcës së krahut, bombës, ... por duhet të përgatitemi sa më shumë që të kemi mundësi...”.

Kontroll banesës e klinikës

TIRANE - Në të njëjtën kohë kur agjentët e policisë vunë në pranga Artan Kriston, kolegët e tyre ushtruan kontroll në banesën e tij duke sekuestruar prej andej kompjuterin personal, që 31 vjeçari nga Durrësi përdorte prej disa kohësh.

Veç banesës së Kristos, i njohur edhe me emrin fetar Muhamed Abdullah Al Albani, e ndodhur në lagjen “Troplini” në fshatin Rrashbull, Durrës, policia kontrolloi edhe klinikën mjekësore, e ndodhur në një banesë dykatëshe, rrugica e Gjykatës së Apelit Durrës, Rruga “Bajram Curri”, lagja 14, Shkozet, Durrës, ku Kristo ushtron aktivitetin e tij.

Për këto ambiente oficerët e policisë gjyqësore që kanë kryer veprimet dispononin vendime gjyqësore.

http://www.panorama.com.al/index.php?id=34040

17.10.2009, 12:19

Citim:

Shkup: Do të shqyrtohet kërkesa për xhaminë Burmali

Komuna Qendër së shpejti do të shqyrtojë kërkesën e Këshillit për ndërtimin e Xhamisë Burmali në qendër të Shkupit. Këtë e pohoi kryetari i kësaj komune Vlladimir Todoroviq por pa caktuar datë konkrete. Sipas tij, për një vendim konkret do të vendos Këshilli i komunës në një seancë të posaçme.
“Për një vendim të këtillë do të vendos këshilli. Është vendim i madh që vetë unë personalisht të vendos”, theksoi Vlladimir Todoroviq, kryetar i komunës Qendër.

I pyetur se kur do të ndodh kjo, ai me përgjigje: “Do të shohim në një nga seancat e ardhshme do të vendoset në rend dite”.

Ndërsa sa i takon ndërtimit të Kishës ‘Shën Konstantini dhe Elena’ po ashtu në qendër të qytetit Komuna Qendër distancohet nga marrja e çfarëdo vendimi. Todoroviq tha se për këtë do të vendos vetë Kisha Ortodokse Maqedonase nëse do të ndërtojnë kishë dhe kur do të ndodh kjo.

Ndërkohë, parmbrëmë në vendin ku është paralajmëruar ndërtimi i kishës u dhanë shenjat e para të ndërtimit të saj. Persona akoma të panjohur kishin vizatuar kryqin pikërisht në këtë vend, i cili gjatë ditës së djeshme ishte fshirë nga ndërmarrja publike për mirëmbajtjen e rrugëve.

http://alsat-m.tv/index.php/lajme/vendi/19648.html

19.10.2009, 14:01

Citim:

Gurthemel xhamie në Dollogozhdë të Strugës

Më 11 Tetorë 2009 në Dologozhdë të Strugës u hodhë gurthemel për ndërtim të xhamisë së re. Në këtë solemnitet morrën pjesë Kryetari i BFI, Reis ul Ulema,Haxhi Sulejman ef. Rexhepi i shoqëruar nga Sekretari i Përgjithshëm i BFI, Afrim ef. Tairi, Myftiu i Myftinisë së Stugës, Ferat ef. Polisi, Myftiu i Myftinisë së Kërçovës, Murat ef. Huseini, Prefekti i qytetit të Strugës, z. Ramiz Merko, Koordinatori i Ohrit, Afrim ef. Xhelili si dhe qytetarë të shumtë.

http://www.bim.org.mk/index.php?option=com_content&task=view&id=593&Itemid=1

Citim:

Edhe një Xhami rindërtohet ne Luginën e Preshevës

Me iniciativën e rinisë dhe ndihmën e bashkëfshatarve në fshatin Golemidoll të Komunës së Preshevës fillon rindërtimi i Xhamis së Re pas rrënimit të Xhamis së vjetër e cila datonte që nga viti 1968.

http://www.radio-pendimi.info/modules.php?name=News&file=article&sid=1590

19.10.2009, 14:04

Citim:

Sherr për xhaminë në Ohër

Strugë, 18 tetor - Rikunstruimi i Xhamisë "Xhurxhe Bej" në Ohër ka shkaktuar mosmarrëveshje ndërmjet Myftinisë së këtij qyteti dhe disa një grupi të besimtarëve të cilat i kryejnë lutjet fetare në këtë faltore. Zënka është konfirmuar nga grupi i të pakënaqurve, të cilët theksojnë se edhe pse xhaminë e kanë rikonstruktuar në mënyrë vullnetare, veprimi ka hasur në kundërshtimin e Myftinisë së Ohrit, e cila sipas tyre e ka mbyllur xhamin dhe ka lejuar që vetëm në ditën e premte të jetë e hapur për besimtarët.

Ky hapë nuk është mirëpritur nga besimtarët. "Ne nuk e kuptojmë pse po bëhet kaq problematike kjo çështje nga ana e Myftinisë, sepse restaurimet e kryera vetëm se e kanë ndryshuar për të mirë objektin dhe ambientin për rreth saj", thekson me kusht anonimiteti njëri nga individët e pakënaqur me veprimet e Myftinisë së Ohrit.

Ndërkohë nga Myftinia e Ohrit, gjithashtu me kusht anonimiteti, konfirmojnë se nuk kanë probleme me besimtarët, por vetëm me një individ i cili duke mos pyetur fare për autoritetin e Myftinisë, ka bërë ndërhyrje në Xhaminë "Xhurxhe Bej".

Myftinia e Ohrit ka vlerësuar se është e pa tolerueshme individë pa pyetur fare institucionin të shkelin autoritetin e këtij institucioni fetarë. Në këtë institucion thonë se xhamia "Xhurxhe Bej" është funksionale për të gjithë besimtarët, por nuk do të lejohet që individët të dalin mbi gjithçka dhe të sillen në mënyrë të papërgjegjshme me objektet fetare.

Myftinia e Ohrit thotë është përgjegjëse për jetën fetare në qytet. "Ndërhyrjet që janë bërë në xhami janë bërë pa asnjë kriter duke mos ruajtur origjinalitetin e këtij objekti të vjetër, me një arkitekturë të veçantë", thonë nga Myftinia e Ohrit. Nga ky institucion apelojnë deri te individët dhe besimtarët, që objektet fetare të trajtohen si pasuri e të gjithëve.

Në Ohër ekzistojnë dhjetë xhami prej të cilave gjashtë janë funksionale për çdo ditë, ndërsa të tjerat përdoren vetëm për faljen e namazit të Xhumasë. (F.K)

http://www.koha.com.mk/a06.html

26.10.2009, 16:55

Citim:

Kristo: Skam bërë xhihat, dikush më ka provokuar

Artan Kristo, njeriu kryesor që dyshohet nga strukturat e hetimit se ka hedhur sllogane teroriste në disa faqe interneti, ka deklaruar në mënyrë të prerë se gjatë jetës së tij, nuk ka kryer asnjë aktivitet me natyrë teroriste dhe se s’kishte rekrutuar asnjë qytetar për qëllime terori.

Madje ai ka shkuar përtej këtyre zërave, duke thënë se në websitet e internetit ai është provokuar nga struktura të veçanta, në mënyrë që këto të fundit të akuzonin dhe realizonin arrestimin e tij.

I dyshuari kryesor për terorizëm në shqipëri ka mohuar akuzat, duke pohuar se në faqet e internetit çdo njeri është i lirë të shprehë mendimet e tij, për të gjitha problemet sociale dhe ekonomike që kanë përfshirë botën.

Me këto deklarata, Artan Kristo ose siç njihet ndryshe me emrin Muhamed Abdullahi, ka lënë të nënkuptohet se prokuroria e Durrësit do ta ketë të vështirë për të provuar veprën penale që është ngritur mbi supet e tij. Artan Kristo, tregon se e gjitha kjo, i ka ardhur pasi strukturat hetimore kanë dyshuar mbi aktivitetin e tij dhe lidhjet shoqërore që ka ai në shtetin e Egjiptit, Sirisë, Gazës, Iranit e disa vende të tjera të lindjes së mesme.

Në dëshminë e tij, pohohet se në faqet e internetit ku prokuroria pretendon se ai ka kryer aktivitet kriminal, thuhet se në to ai u kthente përgjigjigje të gjithëve anëtarëve të grupit, duke i shpjegur me fjalët e tija, konceptin e luftës së Xhihadit.

Në të gjitha rastet ai jepte mendimin e tij, gjë e cila sipas Artan Kristos nuk është ndonjë krim, ku njeriu mund të akuzohet dhe arrestohet në këtë mënyrë. Krsito thekson se në shumë faqe interneti, hidhen fjali të drejpërdrejta për vrasjen e liderëve botërorë, por realisht asnjëri prej tyre nuk është arrestuar për këto sllogane.

Njeriu kryesor që akuzohet për nxitje të terrorizmit në shqipëri, është shprehur në mënyrë të prerë se ai nuk ka kryer asnjë aktivitet terrorist, qoftë në terren por edhe në faqet e internetit, siç pretendohet.

Ndërkohë nga ana tjetër prokuroria, shprehet e bindur se ka prova të mjaftueshme për të provuar fajësinë e Artan Kristos në gjykatë.

http://www.gazetametropol.com/tekst.php?idt=62520

30.10.2009, 10:43

Citim:

Myslimanët shkarkojnë 6 anëtarë të KD

Mbledhja e djeshme e drejtuesve të Komunitetit Mysliman Shqiptar është kthyer në një debat të ashpër midis nënkryetarit të shkarkuar Saimir Rysheku dhe kryetarit Selim Muça. Duke u nisur nga zhvillimet e fundit mes myslimanëve, mesditën e djeshme me urdhër të kreut të KMSH, u mblodh Këshilli i Përgjithshëm Drejtues i këtij institucioni.

Menjëherë pas mbledhjes ka reaguar ashpër nënkryetari i shkarkuar i KMSH-së, Saimir Rysheku, i cili tha se në mbledhje ishte refuzuar të trajtohej në rendin e ditës si pikë e veçantë, ankimi i tij për shkarkim nga posti i numrit dy të Komunitetit.

Ai tha se në mbledhjen e djeshme i është refuzuar kërkesa për votim të fshehtë të vendimit për shkarkimin e tij nga detyra e nënkryetarit. Gjithashtu mësohet se Rysheku, duke pretenduar se po zbatonte procedurat e mbledhjes së Këshillit Drejtues, ka kërkuar të përfshihej në rendin e ditës edhe ankimi administrativ që ai ka paraqitur në gjykatë kundër shkarkimit.

Për këtë Rysheku tha se nuk ka marrë përgjigje zyrtare, duke bërë që të replikonte me kryetarin Selim Muça dhe anëtarë të tjerë të pranishëm në mbledhje. Menjëherë pas kësaj ai pohoi se në mbledhje u dëshmua vazhdimësia e shkeljeve të statutit të KMSH-së, si tendencë e hapur për të imponuar vullnetin e një grupi uzurpues të institucionit të myslimanëve.

Abuzimi me pronat

Në mbledhjen e djeshme debatet kanë prekur edhe çështjen delikate të abuzimit me pronat e Komunitetit Mysliman. “Unë denoncova në Këshillin e Përgjithshëm aferën e radhës të konsumuar nga myftiu i Durrësit, Ilir Vokshi, për shitjen e një prone vakëf me sipërfaqe 2700 metër katrorë tokë në qytetin e Durrësit.

Shitja e kësaj prone është bërë me falsifikimin e procesverbalit të mbledhjes së 24 qershorit 2009, ku nuk ishte përcaktuar të ishte në rendin e ditës. Vendimi u bë publik vetëm kur u zbardh procesverbali i mbledhjes.

Unë e kundërshtova firmosjen e këtij procesverbali të mbledhjes, duke i komunikuar kryetarit Selim Muça se kjo gjë nuk ishte diskutuar në mbledhje. Po kështu i thashë atëherë kryetarit se po bënim një falsifikim të hapur dhe për këtë kemi detyrime ligjore”, tha Rysheku.

Sipas tij, kjo ishte një tjetër përplasje me kryetarin Selim Muça, duke pohuar gjithashtu se gjatë kësaj kohe janë shënuar shumë përplasje midis tyre, pasi Muça shkelte statutin herë pas here me vendimet dhe veprimet e veta në krye të KMSH-së.

Burime nga mbledhja pohuan se më tej u diskutua edhe shkarkimi i gjashtë anëtarëve të Këshillit Drejtues, për të cilët Rysheku tha se ishte vepruar në këtë mënyrë për t’iu hequr të drejtën e fjalës, pasi këta ishin persona me integritet moral. Në mbledhjen e djeshme u shkarkuan nga detyra e anëtarit të Këshillit të Përgjithshëm Drejtues, përfaqësuesi i Këshillit të Myftinisë Lezhë; Bilishtit; Gramshit; Shkodrës dhe dy të Tiranës.

Shkarkimet e djeshme kanë sjellë debat të ashpër mes të larguarve dhe drejtuesve të mbledhjes, ku të parët kërkonin që votimi për largimin e tyre të bëhej i fshehtë, ndërsa kjo është hedhur poshtë nga drejtuesit e mbledhjes.

Pas debateve të shkarkuarit janë larguar nga mbledhja në mënyrë demonstrative. Ish-nënkryetari Rysheku tha se në mbledhje nuk kishte marrë asnjë argument për pushimin nga detyra, por i kishin thënë se në rastin e tij bëhej fjalë për qarkullim kuadri në institucion.

Rotacioni i tij në detyrë me drejtorin e Arsimit në KMSH është konsideruar si një lëvizje normale brenda institucionit, kompetenca e së cilës i përket kryetarit Selim Muça.

http://www.panorama.com.al/index.php?id=34533

Citim:

Pas shkarkimit, Rysheku denoncon abuzimet me pronat e Komunitetit

TIRANE - Saimir Rysheku, nënkryetari i shkarkuar i myslimanëve pak ditë më parë, pasi u njoh me vendimin e kryetarit të KMSH-së, Selim Muça për shkarkimin nga detyra, denoncoi në media disa raste të abuzimeve me pronat vakëf. Vetëm pasi u shkarkua nga detyra, ai denoncoi publikisht duke pretenduar se edhe më parë ka pasur të njëjtin qëndrim si nënkryetar i KMSH-së.

Sipas tij, një nga rastet tipike të abuzimeve ishte trualli mbi të cilin po ndërtohet një pallat në qendër të kryeqytetit, ku veç të tjerash biznesmeni që po e ndërton kërcënoi ish-myftiun e Tiranës. Ndërkohë në mbledhjen e djeshme, Rysheku duke vazhduar në këtë linjë, mësohet se ka denoncuar rastin e abuzimit me një pronë vakëf në qytetin e Durrësit, e cila ka një sipërfaqe të konsiderueshme prej 2700 metër katrorë.

Po kështu, Rysheku, gjatë prononcimeve të tij në media ka denoncuar edhe disa raste të tjera të abuzimeve me pronat e myslimanëve, duke pretenduar se ato janë shitur në shkelje të statutit të KMSH-së dhe parimeve të fesë.

Duke folur me hollësi për këto abuzime, Rysheku pohoi se shitjet e pronave apo kontratat për dhënie të tyre me përqindje, nuk janë diskutuar asnjëherë nëpër mbledhjet e Këshillit të Përgjithshëm të Myslimaneve, por janë firmosur në mënyrë të fshehtë nga myftinjtë e rretheve dhe kreu i KMSH-së.

http://www.panorama.com.al/index.php?id=34534

30.10.2009, 13:33

Citim:

FMSH: Shërbimi Sekret presion muslimanëve

Tiranë - Forumi Musliman i Shqipërisë ka shprehur shqetësimin e tij për përgjimin që iu bëhet muslimanëve nga ana e Shërbimit Informativ Shtetëror.
Ky Forum ka përmendur këtu arrestimin e Artan Kristos, më 12 tetor, i dyshuar nga prokuroria si i përfshirë në propagandë terroriste.

“Forumi është njohur edhe me argumentet e akuzës dhe pas kërkimeve dhe njohjes së problemit në detaje, në kontakt edhe me njohës të teologjisë dhe zhvillimeve brenda komunitetit të muslimanëve, konstaton se nuk ekziston kurrëfarë thirrje për terrorizëm në materialet e botuara nga A. Kristo”, thekson deklarata.

Forumi Musliman i Shqipërisë shprehet se i “ka përjetuar si tronditëse deklaratat e avokatit Ilir Malindi, për përpjekjet e Shërbimit Informativ Shtetëror për të rekrutuar me presion Artan Kriston me qëllim spiunimi të vëllezërve të tij në besim. Po kaq tronditës është edhe fakti i përgjimeve të paligjshme ndaj tij (të pa-autorizuara nga gjykata) dhe refuzimi për t’ia vënë në dispozicion palës mbrojtëse materialin mbi të cilin bazohet akuza”.

“Bashkësia e besimtarëve muslimanë si dhe besimtarët e feve të tjera e kanë ndjerë thellë veprimin e sigurimit të shtetit të Partisë së Punës, gjatë kohës së diktaturës komuniste nëpërmjet infiltrimit të agjenturës në mesin e tyre. Për fat të keq, mesa duket këto taktika po vazhdojnë edhe sot në Shqipëri. Situata brenda Komunitetit Musliman të Shqipërisë, është një pasqyrë e qartë e kësaj që po ndodh”, vijon deklarata.

Forumi Musliman i Shqipërisë është i shqetësuar edhe për faktin që herë pas here, në organet mediatike të vendit tonë, hidhen akuza të fryra e të pabaza kundër besimtarëve muslimanë dhe klerit musliman të vendit tonë, të cilat ndikojnë opinionin kundër fesë Islame dhe muslimanëve.

http://www.gazetastart.com/lajm.php?...alitet&nr=7043

2.11.2009, 15:27

Citim:

Turqit financojnë medresenë e femrave

Tetovë, 1 nëntor - Në afërsi të Xhamisë Eski në Tetovë, të shtunën është hapur objekti i medresesë së femrave, ku të pranishëm ishin kryetari i Bashkësisë Islame të Maqedonisë Sulejman efendi Rexhepi, Muftiu i Tetovës Alifekri efendi Esati, profesor të medresesë Isa Beu në Shkup, kryetarët e komunave të rajonit, përfaqësues të kishës ortodokse si dhe shumë hoxhallarë e nxënës.

Objekti është financuar nga donatori turk, Oskan Goskal, i cili falënderoi të pranishmit dhe Medresesë së femrave i uroi punë të mbarë për misionin që e ka. Muftiu i Tetovës Alifekri Esati ka falënderuar strukturat komunale të Tetovës për dhënien e lejes së ndërtimit të objektit.

Kryetari i BFIM-së, Sulejman efendi Rexhepi, tha se Medreseja është shkollë e edukimit të femrës myslimane. Në këtë ceremoni folën edhe profesori Ibrahim Idrizi, drejtuesi i paraleleve të Medresesë së Femrave, Bahri Aliu.

Objekti i medresesë së femrave Isa Beu në Tetovë ka gjithsej 10 klasa, një kabinet të informatikës një bife të ushqimit dhe salla për profesorë. (U.H)

http://www.koha.com.mk/a18.html

6.11.2009, 13:47

Citim:

IRJM: 60 dibranë sivjet në Haxh

Dibër, 5 nëntor - Të premten 40 dibranë që udhëtojnë në autobus do të nisen për në Haxh. Ndërsa 20 haxhilerët të cilët do të udhëtojnë me aeroplan do të nisen pas një jave.

Të enjten dibranët e falën duanë e haxhilerëve, duku iu uruar atyre shëndet dhe qëndrim të këndshëm në vendet e shenjta Mekë dhe Medinë.Myftiu i Dibrës, Ruzhdi Lata, tha se numri i haxhilerëve nga territori që mbulon kjo Myftiu është identik me numrin e viteve të kaluara.

Megjithatë, risi paraqet fakti se këtë vit për në Haxh do të udhëtojnë mbi 30 për qind të moshës së re. Interesimi i të rinjve dibran për në Haxh është në rritje dita-ditës. Haxhilerët e Dibrës i përcjellin të afërmit e tyre, duke i vizituar si tradicionalisht.

Në xhaminë e Dibrës në të cilën u fal namazi dhe u bë duaja e haxhilerëve, kishte relativisht një numër të madh të besimtarëve mysliman dhe dukej se është festë fetare, pasi që ishte e mbushur përplot me besimtar që shpërndanin llokum në shenjë të përcjelljes të atyre që nisin për në Haxh.

http://www.koha.com.mk/a21.html

Kandhaon · 6.11.2009, 14:02

60 vetë X 4.000 € shpenzime = 240.000 € kontribut Arabisë Saudite

240.000 € = 240 familje të varfëra, jetesë me standard mesatar për një vit të plotë.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

22.9.2009, 14:08	#41
mesdimr Anëtarësuar: 8.2006	Që në 1923 është hequr ai pushtlliku aty sipër nga qeveria e Zogut http://vargmal.org/dan955. Megjithatë dhe fotot janë ca të "doktorume" se realisht qenë më pak sesa vjet. Po dhe shteti e ka shkel laicitetin me të dy këmbët 2 vitet e fundit. Ka pas ministra si ai i Arsimit që kanë rezistu, po ca të tjerë janë ku thërret qameti. Në përgjithësi vazhdojmë të vujmë nga katunarizmi trunor, injoranca ideologjike e mungesa e shtyllës kurrizore dhe kjo pasqyrohet dhe në strukturat shtetërore (nqs. mund të quhet shtet ky që kemi).

13.10.2009, 15:19	#43
Rojtari i Pyllit sypetrit Anëtarësuar: 6.2009 Vendndodhja: n'kacolle	Artan KRISTO terrorist islamik!?? Sa me probleme në kokë janë këta njerëz, tani do na dali nai kinez që vret n'emër të Odinit! Feja i bën centrifugë mendjeve të dobta!

13.10.2009, 18:37	#44
Kandhaon Bisha Anëtarësuar: 8.2006 Vendndodhja: Në breshta, mes bredhave,	Po ky mos është tip që është islamizu kshtu "privatisht", pa pas naj traditë të mahershme, se ka edhe ksi të depresionum.

14.10.2009, 13:14	#47
mesdimr Anëtarësuar: 8.2006	Ky shkrimi absurd sipër duket si i shkruar nga ndonjë analfabet islamik e i redaktuar nja 3 herë. Se në kushte të tjera do të pyesja që kur kanë filluar shqiptarët të shkruajnë si arabë? Përfundimisht Muhamed Abdullahu nuk është vetëm, ka një fole të tërë infeksioni që e mbulon dhe që do të prodhojë të tjerë si ai.

6.11.2009, 14:02	#60
Kandhaon Bisha Anëtarësuar: 8.2006 Vendndodhja: Në breshta, mes bredhave,	60 vetë X 4.000 € shpenzime = 240.000 € kontribut Arabisë Saudite 240.000 € = 240 familje të varfëra, jetesë me standard mesatar për një vit të plotë.