Virusi arabo-islamik në Shqipëri

7.11.2009, 08:24

Citim:

Edhe Gruevski i përcolli haxhinjt në vendet e shenjta

Me fjalët, “Allahu ta bekojë kryeministrin Nikolla Gruevski” kryetari i Bashkësisë fetare Islame, Sulejman efendi Rexhepi ka përcjellur për në Mekë dhe Medine të Arabisë Saudite, 220 haxhilerët e parë nga Maqedonia.

“Nuk më mbetet asgjë tjetër, që vetëm edhe njëherë ti lutem të lartmadhëruarit, Allahut, Zotit dhe në emrin tim dhe tuajin, Allahu ta bekojë kryeministrin Nikolla Gruevski. Ju sot që filloni me karvanin e udhëtimit, në vendet e shenjta, në vendet e bekuara në Medinë dhe Meke duhet ta dini që prej këtij momenti kur do të viheni në lëvizje vetëm llogaritni se jeni mysafir të Zotit prandaj nuk duhet të keni kurrfarë brenge, ndihmën e Zotit e keni me veti, Allahu ju mëshiroftë, Zoti ju bekoftë”, deklaroi Sulejman Rexhepi – kryetar i BFI-së.

“Të nderuar besimtarë më lejoni të ju dëshiroj shumë fat, shëndet dhe mëshira e zotit të ju përcjell në këtë udhëtim dhe gjithashtu qëndrim të këndshëm në vendet e shenjta Mekë dhe Medina, le tu jep Zoti forcë që tu përmbaheni parimeve të cilat i predikon feja e juaj për kohën e këtij udhëtimi dhe shumë paqe shpirtërore pas faljes suaj dhe kthimit tuaj në Republikën e Maqedonisë”, tha në gjuhën shqipe kryeministri Nikolla Gruevski.

Ndërkohë besimtarët u shprehen të kënaqur që po kryejnë Haxhi, shtyllën e pestë që duhet ta plotësoj çdo besimtar mysliman.

Haxhinjtë të cilët u nisën sot do të shoqërohen nga një staf i përgatitur profesionalisht, nga disa teologë dhe një ambulancë e autorizuar nga Ministria e Shëndetësisë. Në ceremoninë e dërgimit të haxhinjëve ishin të pranishëm dhe përfaqësues të partive tjera politike në vend.

http://alsat-m.tv/index.php/lajme/vendi/20221.html

mesdimr · 7.11.2009, 12:46

Citim:

Edhe Gruevski i përcolli haxhinjt në vendet e shenjta

Se pse m'u duk si "harixhinjtë"... Nejse, allahu bekoftë Gruevskin, i shtroftë udhën ishalla e ja boftë hallall, se të tjerat rregullohen...

9.11.2009, 20:30

Citim:

Strugë, niset grupi i dytë i haxhilerëve

Në organizim të Agjencisë “Eurosprimt” dhe imamëve të xhamive në komunën e Strugës, dje drejt Arabisë Saudite, u nis grupi i dytë i haxhilerëve nga komuna e Strugës.

Me këtë rast, në Veleshtë, u zhvillua një ceremoni fetare, e shoqëruar me asherre Kur’anore, kënduar nga imamët dhe ilahi, kënduar nga Grupi i ilahive nga Veleshta. Për ti përcjellur haxhilerët, në sheshin e fshatit, “Te rrapi”, kishin dalë numër shumë i madh i banorëve të Veleshtës dhe vendbanimeve përreth, gra, burra e femij.

Për rëndësinë e këtij obligimi fetar, obligimin e pestë të islamit, foli Haxhi Abdulkadri ef. Shehi, ndërsa duanë e këndoi Haxhi Meqail ef.Osmani.

Këtij grupi të haxhilerëve i prinë Nasih ef. Shei, të cilit gjatë udhëtimit për në Arabinë Saudite dhe vizitave në vendet e shenjta, për mirëqenjen shëndetësore të haxhilerëve, do të kujdeset edhe ekipi mjekësor, kryesuar nga dr.Selami Zhaku.

Nga Struga, ekspedita e haxhilerëve, vazhduan rrugën drejtë Kërçovës, Gostivarit dhe Tetovës, ku është zhvilluar ceremonia qëndrore e nisjes për në haxh, prej nga është bërë nisja e karvanit të autobusëve për në udhëtimin më të preferuar të besimtarëve.

Haxhilerët, në këtë udhëtim të shenjtë, që është obligim i çdo besimtari që plotëson kushtet e haxhit, do të qëndrojnë deri në ditët e festës së Kurban bajramit, dhe kah fundi i dekadës së parë të dhjetorit, pritet të këthehen në gjirin e tyre familjar. (Mehmet Latifi/INA)

http://www.ina-online.net/Default.as...ae4d8ca70&ln=3

10.11.2009, 13:01

Citim:

Besimtarët nga Kosova u nisën për në vendet e shenjta

Prishtinë, 10 nëntor - Organizuar nga Kryesia e Bashkësisë Islame, dje nga Kosova, në linjë tokësore me tre autobus për në vendet e shenjta, Mekë e Medinë, për të kryer Haxhin, u nisën 141 besimtarë kosovarë.

Për t'i përcjellë haxhinjtë, përpos të afërmeve e farefisit dolën edhe zyrtarët e Këshillave vendorë të BI si dhe përfaqësuesit e Kryesisë së BI të Kosovës, të cili u uruan rrugë të mbarë.

Ndërkaq haxhinjët me aeroplan drejtë Medinës do të shkojnë më 12 e 13 nëntor nga Aeroporti Ndërkombëtar i Prishtinës.

Sivjet nga Kosova në vendet e shenjta për Haxh do të jenë 704 besimtarë.

http://www.kosova.com/artikulli/57350

Citim:

Gostivar: Shkuan edhe 300 haxhilerë

Gostivar, 9 nëntor - Mbi treqind haxhilerë nga regjioni i Gostivarit, kanë nisur udhëtimin drejt vendeve të shenjta, Mekë dhe Medine të Arabisë Saudite, për të kryer kushtin e pestë të fesë Islame. Vetëm nëpërmjet Bashkësisë Fetare Islame në Gostivar, këtë vit kanë udhëtuar për në vendet e shenjta 75 haxhilerë të rinj, të cilët kanë vendosur që udhëtimin për në Arabinë Saudite, të bëjnë nëpërmjet linjës ajrore me aeroplan.

Pjesa tjetër e haxhilerëve të rinj, gjegjësisht 240 veta udhëtimin për në vendet e shenjta e kanë bërë nëpërmjet linjës rrugore me organizimet e shumta të udhëtimeve me autobus nga ana e Agjencive turistike të regjionit më të gjerë të Komunës së vjetër të Gostivarit, duke përfshirë edhe dy komunat tjera rurale, Vrapçishtin dhe Rostushën.

Haxhilerët e rinj që udhëtimin për në Arabinë Saudite kanë vendosur ta bëjnë me anë të organizimeve të agjencive turistike me autobus, rrugën drejt vendeve të shenjta kryesisht e kanë nisur gjatë ditës së hënë, pas faljes së namazit të drekës.

Lokacionet më të mëdha nga ku haxhilerët nisën rrugët e tyre për të plotësuar kushtin e pesë Islam, ishin prej përpara xhamive në fshatin Çegran, Forinë, Debresh si dhe nga xhamia e Lagjes së Re në Gostivar, me ç'rast për të përcjellë të afërmit e tyre, kishin dal shumë familjarë të haxhilerëve.

Ndërkohë besimtarët u shprehen të kënaqur që po kryejnë Haxhi, shtyllën e pestë që duhet ta plotësoj çdo besimtar mysliman. Haxhilerët e rinj të cilët u nisën të hënën për në vendet e shenjta, do të shoqërohen nga një staf i përgatitur profesionalisht, nga disa teologë dhe një ambulancë e autorizuar nga Ministria e Shëndetësisë.

Para nisjes për në Arabinë Saudite, të gjithë haxhilerët pa përjashtime kanë pranuar vaksinat e nevojshme si dhe janë furnizuar me tableta barnash për aq kohë sa do të qëndrojnë në Arabinë Saudite. Vaksinat kanë qenë falas, kurse për këtë vit sasia e vaksinave ka qenë si donacion nga Republika e Turqisë.

http://www.koha.com.mk/a17.html

11.11.2009, 10:23

Citim:

Zbardhet vendimi i Gjykatës
“Artan Kristo shkruante se duhet të vrasim në emër të Xhihadit”

Pas disa javësh që hoxha nga Durrësi Artan Kristo ndodhet në qeli, zbardhet për herë të parë i plotë vendimi i Gjykatës së Tiranës. Sipas këtij vendimi, i arrestuari, nëpërmjet telefonit dhe faqes elektronike, bënte thirrje për nxitje të terrorizmit. Gazeta “Albania” ka mundur ta sigurojë të plotë këtë vendim dhe po e boton atë në numrin e sotëm. Në të jepen për herë të parë të dhënat si Shërbimi Informativ Shtetëror ka rënë në gjurmët e hoxhës.

V E N D I M
“Për kontrollin e vendeve“

Gjykata Rrethit Gjyqësor Tiranë e përbërë nga

GJYQTAR GERD HOXHA,

asistuar prej sekretares gjyqësore Elenita Zoto, sot më datë 12 tetor 2009, pasi mori në shqyrtim materialin procedues me nr. 1534 akti, që i përket:

KËRKUES : Prokuroria e Rrethit Gjyqësor Tiranë, përfaqësuar nga prokurori
Z.Ermir Beta.

OBJEKTI : Autorizimin e kontrollit të ambienteve :

• Banesë 3-katëshe, e personit nën hetim Artan Pëllumb Kristo, i njohur me emrin fetar Muhamed Abdullah Al Albani, e ndodhur në lgj.”Troplini”, fshati Rrashbull, Durrës.

• Klinikë mjekësore, e ndodhur në një banesë 2-katëshe, rrugica e Gjykatës së Apelit Durrës, Rr. ”Bajram Curri”, lagjja 14, Shkozet, Durrës, ku personi nën hetim Artan Pëllumb Kristo, i njohur me emrin fetar Muhamed Abdullah Al Albani, ushtron aktivitetin e tij.

BAZA LIGJORE : Neni 202 i K.Pr.Penale.

Gjykata, në përfundim të shqyrtimit gjyqësor, pasi administroi aktet shkresore, dëgjoi kërkesën e prokurorit, i cili kërkoi dhënien e autorizimit të kontrollit të ambienteve të lartpërmendura; si dhe pasi shqyrtoi në tërësi çështjen

V Ë R E N

Se nga Prokuroria e Rrethit Gjyqësor Tiranë është sjellë për gjykim kërkesa për dhënien e autorizimit për kontrollin e ambienteve të lartpërmendura, ambiente në të cilat dyshohet se kryhet vepra penale e “Nxitjes, thirrjes publike dhe propagandës për kryerjen e veprave me qëllime terroriste”, të parashikuar nga neni 232/a i K.Penal.

Nga shqyrtimi gjyqësor rezultoi se, Prokuroria e Rrethit Gjyqësor Tiranë, mbi bazën e materialit kallëzues të ardhur me dt.10.06.2009 nga Shërbimi Informativ Shtetëror (më poshtë SHISH) ka regjistruar procedimin penal nr.2915, viti 2009, që bën fjalë për veprën penale të «Nxitja, thirrja publike dhe propaganda për kryerjen e veprave penale me qëllime terroriste», të parashikuar nga neni 232/2 i Kodit Penal, në ngarkim të shtetasit Artan Kristo.

Nga shqyrtimi i materialeve të çështjes penale rezulton se, shtetasi Artan Kristo, i biri i Pëllumbit, ka lindur në Shkodër me dt.19.01.1978. Aktualisht është banor i fshatit Rrushbull, Durrës. Ky shtetas është i martuar me dy gra dhe ka disa fëmijë. Sipas Prokurorisë rezulton se, shtetasi në fjalë pretendon se, ka përfunduar arsimin e lartë fetar, në Libi. Aktualisht njihet si praktikues dhe predikues i fesë myslimane. Në këtë fushë personi në hetim Artan Kristo njihet me emrin «Muhamed Abdulla Al Albani».

Aktivitetin e tij fetar Artan Kristo e realizon ndërmjet të tjerave edhe nëpërmjet komunikimit në rrugë telefonike dhe elektronike. Në website (faqe elektronike) www.albselefet.net shfaqen disa pamje të shtetasit Artan Kristo, nga të cilat dyshohet se, ky shtetas synon mbështetjen ose kryerjen e veprave për qëllime terroriste.

Personi në hetim Artan Kristo prej një kohë të gjatë bën propagandë radikale islamike të llojit salafit-tekfirist, me një grup të vogël të rinjsh, në Rrashbull dhe Golem, duke dhënë këshilla radikale islamike. Këto këshilla dhe këtë propagande Artan Kristo e realizon edhe nëpërmjet website www.forum.islamik.com dhe www.udhezimedhedrita.net.

Konkretisht shtetasi Artan Kristo shprehet se:

« ...ka pasur ka dhe do të ketë Xhihad, i cili është obligim dhe detyrim për myslimanët, deri ditën e gjykimit... ; ...në Xhihad shkohet për të luftuar e për të vrarë qafirët, që janë bërë pengesë për vendosjen e shtetit islam, drejtësisë, pra duhet të kesh më se të vrasësh.... ; normalisht ne pranojmë edhe të vritemi sepse Xhihadi është luftë e shenjtë dhe obligim për myslimanin por jo vetëm të vritemi, por të vrasim... ; ne jemi pro Xhihadit, lutemi që të vij ajo ditë që të na mundësohet ta ndihmojmë islamin, ta bëjmë Xhihadin me atë të fjalës, forcës së krahut, bombës,...por duhet të përgatitemi sa më shumë që të kemi mundësi...».

Nisur nga përmbajtja e këtyre pamjeve filmike, këshillave dhe propagandës, Prokuroria pretendon se nxitet urrejtja fetare, e cila rrezikon përçarje sociale në familjet shqiptare dhe mirëkuptimin e bashkëjetesën brenda komunitetit mysliman dhe më gjerë.

Në rrugë operative janë siguruar të dhëna se, personi në hetim Artan Kristo ka në përdorim numrat e telefonisë celulare 069 20 26 900 dhe 068 23 20 860, 067 22 84 501, 067 23 32 205. Ky shtetas gjithashtu, komunikon nëpërmjet postës elektronike: eddirajeh@hotmail.com.

Me vendimet e saj nr.98Akti, dt.10.09.2009 dhe nr.98/1 Akti, dt.24.09.2009, Gjykata e Rrethit Gjyqësor Tiranë ka vendosur pranimin e kërkesës së Prokurorisë së Rrethit Gjyqësor Tiranë, për përgjimin e :

• telekomunikimeve nga/dhe me numrat e telefonisë celulare 069 20 26 900; 068 23 20 860; 067 22 84 501 dhe 067 23 32 205, të përdorur nga personi në hetim, shtetasi Artan Kristo alias “Muhamed Abdulla Al Albani.

• Telekomunikimeve të postës elektronike : eddirajeh@hotmail.com; faqes elektronike www.forum-islamic.com dhe wwwë.udhezimedhedrita.net, të përdorura nga personi në hetim Artan Kristo.

Nisur nga transkriptimet e bisedave, përmbajtja e pamjeve të shkarkuara nga website dhe nga materiali i parashtruar sa më sipër, Prokuroria e Rrethit Gjyqësor Tiranë pretendon se, ne rastin konkret kemi të bëjmë me vepër penale, me rrezikshmëri të lartë shoqërore dhe për nevoja të hetimit të kësaj vepre penale është i nevojshëm kontrolli i ambienteve të lartpërmendura.

Në rastin konkret, Gjykata vëren se, ekziston dyshimi i arsyeshëm se, në ndërtesat e lartpërmendura, ku banon dhe ushtron aktivitetin e tij personi në hetim Artan Kristo, mund të fshihen prova materiale, të dhëna apo, gjurmë të sendeve që i përkasin veprës penale, të parashikuar nga neni 232/a i K.Penal.

Këto përfundime rezultuan të provuara nga administrimi në seancë i provave të paraqitura nga Prokuroria të cilat janë: urdhër për regjistrimin e procedimit penal nr.2915, dt.27.08.2009; kërkesë nr.1845 prot, dt.27.08.2009 e SHISH për fillimin e ndjekjes penale bashkëlidhur shkresën nr.1845/1prot, dt.31.08.2009 me dokumentacionin mbështetës; vendim për këqyrjen e website www.albselefet.net etj…; vendimi nr.98 Akti, dt.10.09.2009 i Gjykatës së Rrethit Gjyqësor Tiranë; të dhëna personale të personit në hetim Artan Kristo, proces-verbale të transkriptimit të bisedave; e në tërësi materiali i procedimit penal nr.2915, viti 2009, në ngarkim të personit në hetim Artan Kristo, i sjellë për vlerësim nga Prokuroria e Rrethit Gjyqësor Tiranë.

PËR KËTO ARSYE

Gjykata, bazuar në nenet 202 e 205 të K.Pr.Penale

V E N D O S I

1 1. Autorizimin e kontrollit të ambienteve :

• Banesë 3 katëshe, e personit nën hetim Artan Pëllumb Kristo, i njohur me emrin fetar Muhamed Abdullah Al Albani, e ndodhur në lgj.”Troplini”, fshati Rrashbull, Durrës.

• Klinikë mjekësore, e ndodhur në një banesë 2 katëshe, rrugica e Gjykatës së Apelit Durrës, Rr.”Bajram Curri”, lgj.14, Shkozet, Durrës, ku personi nën hetim Artan Pëllumb Kristo, i njohur me emrin fetar Muhamed Abdullah Al Albani, ushtron aktivitetin e tij.

SEKRETARE Elenita Zoto
GJYQTAR Gerd Hoxha

http://www.gazeta-albania.net/news.php?id=21880

16.11.2009, 15:05

Citim:

Përçarja në Komunitetin Mysliman, letër krerëve të shtetit

Vijon përçarja në Komunitetin Mysliman. Një grup teologësh të këtij komuniteti nga qyteti i Durrësit u kanë drejtuar një letër krerëve të shtetit si dhe ambasadave të huaja në Tiranë, ku kërkojnë ndërhyrje. Sipas tyre, Komuniteti Mysliman është përfshirë nga korrupsioni.

“Jemi të bindur se kjo letër dhe kjo dëshirë jona që kërkon angazhimin Tuaj të vlefshëm për t’i thënë “Ndal!” këtij fenomeni, që po gërryen çdo ditë shoqërinë shqiptare në përgjithësi dhe institucionin e KMSH-së në veçanti, janë shprehje të përgjegjësive tona kombëtare, fetare dhe qytetare. Pra, ndihemi të shtrënguar të trokasim sot në dyert e autoritetit Tuaj, duke kërkuar prej Jush që me fuqinë e misionit dhe funksionit Tuaj kushtetues, të ndikoni për të vënë në lëvizje institucionet e vendit tonë për të ndaluar sa më shpejt që është e mundur dëmet morale dhe materiale që korrupsioni i krerëve me të lartë të KMSH-së e në veçanti Myftinisë së Durrësit, po i shkaktojnë një institucioni me rëndësi të veçantë kombëtare, kulturore e fetare siç është Bashkësia Islame e Shqipërisë”, - thuhet në letrën e tyre.

Ata kërkojnë që institucionet të ndërhyjnë pasi sipas tyre po grabiten pronat e komunitetit.

“Prej disa kohësh po konstatojmë me shqetësim se krerë të lartë të KMSH-së po shkelin në mënyrë flagrante Statutin e KMSH-së dhe po abuzojnë frikshëm me pronat vakëf të këtij institucioni. Këto abuzime dhe ky korrupsion me pronat vakëf janë pranuar nga vetë krerët e këtij institucioni, në qytetin e Durrësit dhe të Tiranës. Ndërsa, përgjigja që zotërinjtë drejtues të KMSH-së rezervojnë për të interesuarit rreth këtyre abuzimeve, ka qenë dhe vazhdon të jetë arroganca, brutaliteti, intransingjenca dhe kërcënimet e veshura shpeshherë me mantelin e imunitetit shtetëror dhe jo vetëm. Të veshur me imunitetin që me shumë zell dhe dëshirë u ofrohet nga drejtuesit qendrorë të KMSH-së dhe të strukur turpshëm nën ombrellën e të ashtuquajturës ‘mbrojtje e veçantë e shtetit’, drejtuesit lokalë të Myftinisë së qytetit të Durrësit sfidojnë çdo ditë e më shumë aspiratat e qytetarisë durrsake për një institucion shpirtëror të pastër e të papërfolur, shembull i virtytit dhe i devocionit”, - thuhet në letrën e teologëve të qytetit të Durrësit drejtuar krerëve të shtetit.

http://standard-al.com/tekst.php?idt=23710

18.11.2009, 12:16

Citim:

Hoxhallarët shqiptarë peticion për Kriston

DURRES – Hoxhallarët, peticion për lirimin e Artan Kristos. Janë plotë 42 hoxhallarë dhe teologë nga të gjithë rrethet e vendit, të cilët nënshkruan dy ditë më parë në Durrës një peticion, ku kërkohet lirimi i Artan Kristos.

Në fakt, avokati i Kristos, Ilir Malindi, kishte pohuar më parë se arrestimi i padrejtë i besimtarit do të sillte reagime të forta në opinionin mysliman shqiptar, peticioni është nënshkruar vetëm dy ditë para seancës së masës së sigurisë për Kriston që do të zhvillohet në Apelin e Durrësit.

Avokati kërkoi lirimin e klientit të tij që priste të bëhej baba, vuante nga zemra dhe për më tepër, sipas mbrojtjes prangosja u krye me makinacione të shërbimeve inteligjente vetëm sepse hoxha Artan Kristo nuk pranoi të rekrutohej. Por Gjykata e Durrësit vendosi që Kristo të qëndrojë në qeli në dispozicion të hetimeve.

Në deklaratën për shtyp, hoxhallarët pohojnë se: “Në vend nuk ka nevojë për prurje artificiale tensioni”, si dhe “Të njësosh terrorizmin me xhihadin është njëkohësisht cenim për besimtarët myslimanë, sepse inkriminon pa të drejtë traditën e tyre, si dhe për gjithë popullin shqiptar”.

Më tej në deklaratë thuhet se: “Në lidhje me akuzën që është ngritur ndaj Kristos, për thirrje dhe nxitje të akteve terroriste, duke u nisur nga çfarë është bërë publike në media nga organi i akuzës, ne si teologë dhe njohës të mirë të problematikave fetare konstatojmë se, çështja e xhihadit luftarak në botën islame, është një problematikë që i përket një konteksti politik të largët nga ai i yni dhe për këtë arsye, e gjykojmë si të papërshtatshëm trajtimin e temave të tilla në radhën e besimtarëve shqiptarë. Xhihadi që u intereson myslimanëve shqiptarë është predikimi i fjalëve të Zotit, bamirësia ndaj njerëzve, toleranca ndaj të tjerëve dhe nxitja për çdo vepër të mirë që lartëson virtytin e njeriut”.

“Në shprehjet e Artan Kristos, pavarësisht retorikës së përdorur, ne nuk konstatojmë se ka elemente me prapavijë nxitjen e akteve të terrorit, në të ardhmen e afërt apo të largët. Për më tepër dhe për aq sa e njohim Artan Kriston, ai është një kritik i ashpër ndaj akteve terroriste, ashtu sikurse edhe të gjithë studentët shqiptarë që kanë studiuar në universitetet islame. Kjo dëshmi e jona bazohet vetëm mbi atë çka njohim prej tij personalisht, si dhe çfarë dallohet qartë nga ligjëratat dhe shkrimet e tij”, -përfundon peticioni i nënshkruar nga 42 hoxhallarë

http://www.panorama.com.al/index.php?id=35328

Citim:

Selim Muça hedh poshtë akuzat për abuzimet me pronat e Komunitetit Mysliman

Kreu i KMSH akuzon kundërshtarët e tij për dhunë fizike dhe mashtrime

Komuniteti Mysliman Shqiptar ka reaguar dje nëpërmjet një komunikimi për mediat në lidhje me akuzat e bërë në drejtim tyre për abuzimet me pronat e këtij komuniteti.

Muça, dje, ka përgënjeshtruar të gjitha zërat duke pohuar se shitja e pronave të komunitetit janë bërë brenda rregullave të brendshme dhe ligjeve në fuqi.

“Para disa ditësh, në median e shkruar, individë “anonimë” të vetëquajtur “teologë”, kanë ngritur disa pretendime mbi keqmenaxhimin e pronave nga krerët e Komunitetit Musliman të Shqipërisë. Pavarësisht dashakeqësisë dhe pavërtetësisë apo shpifjeve të paskrupullta të artikullshkruesve e ndiejmë për detyrë qytetare e fetare, bazuar në të dhënat e drejtorisë së Vakf-Investimeve dhe Pronave, ti bëjmë të njohur opinionit publik se nuk ka pasur asnjë abuzime me pronat”, thuhet në reagimin e Muçës.

“Komuniteti Mysliman i Shqipërisë e ka pasur gjithmonë në qendër të vëmendjes, problemin e pronave. Çdo veprim që ka të bëjë me zhvillimin dhe vënien në efiçencë të pronave realizohet sipas procedurave korrekte të cilat miratohen nga forumet vendimmarrëse të tij që janë: Kryesia dhe Këshilli i Përgjithshëm.

Edhe për çështjet e ngritura para pak ditësh nga artikullshkruesit “anonimë” për Myftininë e Durrësit janë ndjekur dhe zbatuar të gjitha procedurat përkatëse të përcaktuara në statut dhe rregulloren e brendshme të KMSH-së. Institucioni më i lartë përfaqësues i myslimanëve shqiptar funksionon konform Kushtetutës së Republikës së Shqipërisë dhe Statutit të tij. Ky institucion ushtron aktivitetin e tij të organizuar në shkallë vendi sipas rregullave të përcaktuara në statutin e tij.

Megjithatë hera-herës nga individë të caktuar shfaqen prirje për t’i dhunuar këto dimensione ligjore. Për më tepër individë të tillë nuk kanë për të qenë asnjëherë pjesë e personalitetit fetar shqiptar që gëzon ky institucion.

Turbullira të caktuara nga këto pak individë të cilët nuk përfaqësojnë as teologë as mendimin teologjik mysliman në Shqipëri, kërkojnë të njollosin figurat më të larta të KMSH-së si, Kryetarit, Sekretarit dhe Myftiut. Përkundrazi, kohë më parë ata janë përjashtuar nga forumi më i lartë vendimmarrës i cili është Këshilli i Përgjithshëm për shkak të qëndrimeve të tyre jo fetare dhe abuzive”, ka pohuar Selim Muça.

Akuzat

Përveçse ka përgënjeshtruar akuzat, Muça i ka akuzuar rëndë kundërshtarët e tij duke i akuzuar edhe për ushtrim dhune.

“Tendencat e tyre me forma presioni për ta orientuar KMSH-në drejt militantizmit apo particizmit kanë marrë me kohë përgjigjen e tyre. Përbaltja që tentohet t’i bëhet KMSH-së nga këta individë, me baltë joshqiptare gjoja për shkak të “transparencës” nuk mund të fshehë nxitjen nga ana e tyre të veprimeve antikushtetuese, kërcënuese, duke manifestuar edhe dhunë fizike, të cilat bien ndesh me Kur’anin dhe normat e fesë Islame. Këto janë fenomene jofetare madje të rrezikshme edhe për sigurinë kombëtare.

KMSH-ja ka qenë dhe mbetet garant i trashëgimisë tradicionale fetare në Shqipëri dhe është e vendosur në këtë rrugë dhe në asnjë mënyrë nuk do të lejojë prishjen e saj nga frymëzime të errëta të cilat kërkojnë uzurpimin e KMSH-së dhe Institucioneve të tij, përdorjen e tij më pas jashtë funksionit fetar."

http://www.sot.com.al/index.php?opti...nike&Itemid=58

reparti kimik · 18.11.2009, 12:17

43 nacionalistë arabë në Durrës.

Rojtari i Pyllit · 18.11.2009, 12:46

Citim:

Xhihadi që u intereson myslimanëve shqiptarë është predikimi i fjalëve të Zotit, bamirësia ndaj njerëzve, toleranca ndaj të tjerëve dhe nxitja për çdo vepër të mirë që lartëson virtytin e njeriut”.

Citim:

...në Xhihad shkohet për të luftuar e për të vrarë qafirët, që janë bërë pengesë për vendosjen e shtetit islam,

Shumë e qartë!

20.11.2009, 15:06

Citim:

Apeli lë në burg Artan Kriston. Avokatët: Do të ankohemi në Strasburg

Gjykata e Apelit ka shqyrtuar apelimin e vendimit të gjykatës se rrethit gjyqësor Durrës për vendimin e dhënë në lidhje me shtetasin në hetim Artan Kristo.

Artan Kristos iu caktua si masë sigurimi para afro 4 javësh ajo e arrestit në burg për veprën penale të thirrjes dhe nxitjes së terrorizmit. ky vendim është apeluar nga personi në hetim dhe avokati i tij Ilir Malindi.

Në seancën për rishqyrtimin e masës së sigurisë në gjykatën e Apelit avokatët e Kristos Ilir Malindi dhe Rajmond Todhe kërkuan ndryshimin e masës ekstreme, duke kërkuar një masë më të butë, arrest në shtëpi ose gjykim në gjendje të lirë.

Të dy avokatët kanë argumentuar se klienti i tyre është i sëmurë duke paraqitur pranë gjykatës raportin e diagnostikimit nga një klinikë private, ku sipas tij ai vuan nga një sëmundje në shtyllën kurrizore.

Avokatët kanë paraqitur edhe një raport nga materniteti i Spitalit Durrës, ku fëmija i sapolindur i Kristos rrezikon jetën për shkak të komplikacioneve në lindje të bashkëshortes së tij tre ditë më parë.

Trupi gjykues i Apelit që ka shqyrtuar masën e sigurisë drejtohej nga Vlentina Sadiraj me ndihmës Besim Brezhnjeva dhe Valbon Çekrezi, ndërsa prokuror ishte Ferdinand Elezi. Pas dëgjimit të avokatëve dhe prokurorit, trupi gjykues ka lënë në fuqi vendimin e gjykatës së rrethit gjyqësor Durrës, atë të arrestit në burg.

Apeli ka vendosur të lërë në burg Artan Kriston duke mos pranuar asnjë nga pretendimet e të rrestuarit,apo avokatët e tij.

Dhjetëra besimtarë jashtë godinës së Apelit në Shkozet të Durrësit si dhe teolog që kanë nënshkruar deklaratën e dy ditëve më parë kanë qëndruar të grumbulluar edhe pasi kanë mësuar për vendimin.

Tashmë pala mbrojtëse dhe komuniteti mysliman kanë humbur të gjitha shpresat në një masë më të lehtë sigurie për imamin e xhamisë së Shkozetit. Avokati Ilir Malindi ka pohuar se çështjes do i shkohet deri në fund duke apeluar në Strasburg.

http://www.sot.com.al/index.php?opti...ticle&id=17766

28.11.2009, 12:32

Citim:

Kurban Bajrami, 500 shqiptarë falin mëkatet në Mekë

Këtë vit, rreth 500 besimtarë myslimanë shqiptarë kanë shkuar në Mekë për të kryer ritualet dhe ceremonitë e njohura nga besimi islam.

Sipas imamit të xhamisë Xhura, besimtarët që organizohen për të bërë haxhin, e organizojnë udhëzimin me shpenzimet e tyre. Menjëherë pas ardhjes nga Meka, sipas ritualit, besimtari merr "titullin" haxhi.

"Me të shkuar atje, të gjithë heqin rrobat, zhvishen nga e përditshmja, veshin çarçafët e bardhë dhe falin mëkatet. Ndërkohë që hedhja me gurë është një tjetër ritual, është vendi ku Ibrahimit i shfaqet djalli dhe ai aty e gjuan me gurë. Secili nga ritualet e ka një simbolikë të veçantë", sqaron imami i xhamisë Xhura, Gazmend Teqja.

http://www.gazeta-shqip.com/artikull.php?id=76497

6.12.2009, 08:59

Citim:

Artan Kristo, “non grata” në Egjipt dhe Siri
I arrestuari, lidhje të dyshimta në Maqedoni dhe Kosovë

Artan Kristo, i arrestuar pak kohë më parë nën akuzën e nxitjes së terrorizmit, rezulton të jetë shpallur person i padëshirueshëm në dy shtete, që njihen për besimin e devotshëm ndaj Islamit.

Sipas të dhënave të siguruara nga prokuroria, të cilat janë konfirmuar edhe nga autoritetet e këtyre vendeve, rezulton se Artan Kristo është shpallur person i padëshiruar në Egjipt e Siri, çka vë në dyshim veprimtarinë e tij gjatë kohës që ka qëndruar në këto vende.

Sipas prokurorisë, nuk bëhen të ditura motivet zyrtare të vendimit të marrë nga këto dy vende me pjesën dërrmuese të popullsisë myslimane, por dyshohet se shpallja e tij si person i padëshiruar mund të ketë lidhje me veprimtarinë e tij të dyshimtë.

Ndërkohë, hetimet në Shqipëri për Kriston kanë zbuluar të tjera lidhje të tij, të cilat pritet të përdoren në sallën e gjyqit. Burime nga prokuroria bëjnë me dije se dyshohet që Kristo të jetë përfshirë në një rrjet celulash, që kanë shfaqur tendenca radikale në rajon. Të paktën këto janë të dhënat që tashmë ndodhen në duart e grupit hetimor, të cilat tregojnë se Kristo, i njohur ndryshe si Muhamed Abdullahi, ka mbajtur kontakte me grupe të dyshimta në Kosovë e Maqedoni.

Burime pranë grupit hetimor konfirmojnë se këto të dhëna janë zbuluar jo vetëm në komunikimet elektronike, që i dyshuari për nxitje terroriste ka pasur gjatë kohës që ishte nën vëzhgim, por edhe nga një sërë materialesh të tjera kompromentuese që i janë gjetur pas kontrollit të ushtruar në banesën e tij.

Pas analizimit të të dhënave, prokuroria ka ngritur dyshimet se Kristo është përpjekur të vendosë kontakte, me qëllim predikimin e radikalizmit edhe në vendet e rajonit, ku gjithashtu ka të dhëna se veprojnë celula që nën koperturën e fesë islame, kryejnë veprimtari të dyshimtë, kryesisht duke predikuar rreth Xhihadit.

Burime pranë prokurorisë thonë se nga përgjimi i adresës së e-mailit “eddirajeh@hotmail.com”, që përdorej nga Artan Kristo rezulton se ai ka pasur kontakte të shumta me persona të dyshimtë në Kosovë e Maqedoni, që sipas akuzës dyshohet se kanë prirje radikale.

Për këtë qëllim, pasi kanë verifikuar emrat që ka kontaktuar Kristo, adresat dhe numrat e tyre të kontaktit, mësohet se drejtësia shqiptare u ka kërkuar autoriteteve të këtyre vendeve verifikimin e informacioneve që ata disponojnë rreth lidhjeve që Kristo ka pasur në këto dy vende.

Po ashtu, dyshimet shtohen dhe informacionet bëhen edhe më të plota për hetimin nga materialet e gjetura në banesën e Kristos, ku ndër të tjera janë kapur edhe të dhëna të plota për aktivitetin e tij në Shqipëri, Maqedoni dhe Kosovë, të cilat kryesisht kanë qenë adresa, numra telefoni, emra personash, një pjesë e të cilëve të njohur për aktivitet të dyshimtë në këto vende.

Prokuroria thotë se të gjithë këto materiale tashmë janë analizuar dhe është arritur të provohet se të paktën në Shqipëri, Artan Kristo ka predikuar mbi Xhihadin, duke zgjedhur grupe të vogla të rinjsh, në fshatin e tij të banimit, në Rrashbull të Durrësit dhe në Golem.

http://www.gazeta-agon.com/mat.php?idm=11214&l=a

15.12.2009, 14:08

Citim:

Humb gjyqin ish-n/kryetari i Komunitetit Mysliman

TIRANE - Saimir Rusheku, nënkryetari i shkarkuar nga Komuniteti Mysliman, humb gjyqin në procesin ku ai paditi institucionin duke kundërshtuar largimin e tij nga detyra.

Gjyqtarja Teuta Hoxha vendosi dje rrëzimin e padisë së Rushekut, ngritur kundër KMSH-së pas shkarkimit nga posti i nënkryetarit në fillim të muajit tetor.

Sipas gjyqtares së çështjes, padia e Rushekut ishte e pambështetur në prova dhe ligj, pasi sipas saj KMSH vepron si një organizatë joqeveritare dhe si i tillë ky institucion vendos në bazë të rregullave të veta.

Burime nga procesi pohojnë se gjatë gjykimit ishte vërtetuar se KMSH, në rastin e Rushekut, e kishte shkelur statutin mbi të cilin funksionon, por për shkarkimin e tij nga detyra ishte vendosur në mbledhjen e Këshillit të Përgjithshëm të KMSH-së.

Pas seancës së djeshme, Rusheku pohoi se tashmë priste që të merrte nga gjykata vendimin e zbardhur të kësaj çështjeje dhe më pas do i drejtohej Gjykatës së Apelit të kryeqytetit ku priste të merrte drejtësinë.

Konflikti mes Rushekut dhe KMSH-së filloi në fillim të muajit tetor, kur në mbledhjen e datës 9 tetor u vendos shkarkimi i tij nga posti i nënkryetarit të KMSH-së dhe transferimi në një detyrë më të ulët në Drejtorinë e Arsimit dhe Kulturës në këtë institucion.

Pas kësaj, Rusheku iu drejtua gjykatës duke kërkuar konstatimin absolutisht të pavlefshëm të vendimit të Kryesisë së KMSH-së, si akt në kapërcim të kufijve të kompetencave statusore, si dhe rregullimin e pasojave juridike që mund të kenë ardhur nga zbatimi i këtij akti dhe kthimin e palëve në gjendjen e mëparshme.

http://www.panorama.com.al/index.php?id=36268

23.1.2010, 16:58

Citim:

‘Xhamia Burmali’, Thaçi kundër kreut të BFI-së

Kreu i BFI-së Sulejman Rexhepi është përgjegjës për mundësinë që i ka dhënë qeverisë që në tokën shqiptare të ndërtohet kishë, ka deklaruar kryetari i PDSH-së Menduh Thaçi i cili konsiderohej si shumë i afërt me Rexhepin në kohën kur pikërisht qeveria ku bënte pjesë edhe vetë PDSH-ja kishte marrë vendimin për t’i falur tokën KOM-it. Rexhepi nuk mundte të besonte se Thaçi kishte deklaruar diçka kundër tij pa e dëgjuar.

“Është interesant se si kryetari i BFI-së, i cili bëri një blasfemi të dorës së parë kur e thirri Allahun që ta “bllagosllov” Gruevskin, tash është mshel si miu në vrimat më të skajshme. Normalisht se ai mban përgjegjësi të skajshme për këtë tolerancë dhe për këtë mundësi që në tokat e shqiptarëve të vendosen kisha dhe të pamundësohen ndërtimet e objekteve kulturore që kanë të bëjnë me fenë dhe kulturën e shqiptarëve”, deklaroi Mendu Thaçi- kryetar i PDSH-së.

Ai më tej shtoi se 180 gradë ka ndryshuar mendimin për kryetarin e BFI-së. “Nuk është problemi i imi apo partisë, por mendoj se ai duhet t’i kërkoj falje publike njëherë direkt Zotit – Allahut, mandej besimtarëve që i ka fyer. Ai ka kërkuar që Allahu ta bllagosllovit antimyslimanin dhe antishqiptarin më të madh“, u shpreh Thaçi.

Ndërsa, i pyetur në lidhje me këto akuza, kryetari i BFI-së Sulejman Rexhepi, u shpreh: “Këtë e dëgjojmë prej jush... Nuk kam koment fare, përderisa nuk kam dëgjuar unë personalisht asgjë dhe nuk kam koment në lidhje me deklaratat e askujt...”.

Thaçi nuk ka lënë pa ofenduar dhe kritikuar as Këshillin për ndërtimin e Burmali Xhamisë, duke i akuzuar ata se punojnë për shërbimet antishqiptare.
“Është edhe një i shëmtuar i paparë që paraqitet si kryetar i Këshillit iniciator për ndërtimin e kësaj xhamie. Opinioni duhet të ketë njohuri se ai dhe shokët e tij kanë punuar dhe punojnë për të gjitha shërbimet antishqiptare dhe nuk duhet pasur asnjë shpresë se persona të tillë do të arrijnë ta përmirësojnë këtë gjendje dhe këtë situatë”, theksoi Thaçi.

Ndërsa, pasoi reagimi i kryetarit të Këshillit për ndërtimin e Burmali Xhamisë, Ramadan Ramadani: “Ajo që më bie në hise të sqarojë edhe personalisht është se shkolla juridike islame të cilës i takoj unë dhe shumica e shokëve të mi parasheh që çdo prekje e qenit e prish abdesin, kurse këto janë punë të xhamisë bëhen vetëm me abdes dhe ne nuk dëshirojmë ta prishim abdesin ose të humbim diçka nga pastërtia jonë duke u marr me qen”.

Reagimet e tilla të Thaçit erdhën një ditë pasi zëvendëskryeministri Abdilhaqim Ademi në emisionin ‘Rruga drejt’ në Alsat, për herë të parë haptazi bëri publik faktin se BFI ka qenë ajo që ka bërë pazar me Gruevskin dhe ka lejuar ndërtimin e kishës në shesh, ndërsa për kompensim ka kërkuar tokë për ndërtimin e rezidencës në afërsi të Kalasë duke anashkaluar çështjen e ndërtimit të xhamisë Burmali.

http://lajmpress.com/lajme/maqedoni/3065.html

Citim:

Ademi: E vërteta për kishën në sheshin e Shkupit dhemb

E vërteta dhemb, është përgjigja e Abdilhaqim Ademimit drejtuar kreut të BFI-së Sulejman Rexhepi, i cili u kërcënua se do të padisë zëvendëskryeministrin nëse nuk kërkon falje për deklaratën e tij dhënë në emisionin Rruga drejtë në Alsat-M se BFI ka dhënë pëlqimin për ndërtimin e kishës në shesh ndërsa për kompensim ka kërkuar tokë për ndërtimin e rezidencës së BFI-së në Kala të Shkupit.

Ademi ka ftuar edhe PDSH-në të mos merret me kërcënime dhe shantazhime rreth kësaj çështje pasiqë vendimi për ndërtimin e kishës në shesh është marrë në kohën kur në pushtet ka qenë pikërisht kjo parti.

"Unë kam thënë të vërtetën dhe sigurisht se e vërteta ndonjëherë është edhe e hidhur mirëpo kjo deklaratë nuk do të duhej të shfrytëzohet nga krerët e institucioneve të ndryshme dhe krerët e partive politike për t'u marrë me shantazhe dhe kërcënime për të akuzuar njëri-tjetrin dhe për t'i ikur përgjegjësisë për vendimin e marrë për ndërtimin e kishës në kohën kur pikërisht ata të cilët akuzojnë janë koordinuar dhe kanë qenë në pushtet", përgjigjet Abdylaqim Ademi.

Edhe kryeministri Gruevski ka konfirmuar se BFI ka kërkuar t’i ndahet tokë për ndërtimin e rezidencës, por nuk u përgjigj se a ka qenë kjo pjesë e pazarllëkut që BFI të jap pëlqimin për ndërtimin e kishës në shesh. ‘Për këtë pyetni ministrin e Transportit’, ka thënë Gruevski.

"Ato bisedime i ka udhëhequr ministri i transportit dhe tek ai duhet te kerkoni pergjigje. Nga BFI-ja kishte interes qe tu ndahet ose te blejne toke per ndertimin e rezidences se tyre dhe ne po mundohemi qe të gjejme ndonjë vend që do tu përshtatej atyre", ka shtuar Nikola Gruevski.

Sulejman Rexhepi sot nuk komentoi as deklaratat e njërzve të parë të ekzekutivvit e as akuzat e djeshme të kreut të PDSH-së Menduh Thaci . Thaci dje deklaroi se Rexhepi është përgjegjës që ka lejuar në tokë “shqiptare“ të ndërtohet Kishë.

"Normalisht se ai mban përgjegjësi të skajshme për këtë tolerancë dhe për këtë mundësi që në tokat e shqiptarëve të vendosen kisha dhe të pamundësohen ndërtimet e objekteve kulturore që kanë të bëjnë me fenë dhe kulturën e shqiptarëve", akuzoi dje Menduh Thaçi, kryetar i PDSH-së.

“Nuk më mbetet asgjë tjetër, që vetëm edhe njëherë t'i lutem të lartëmadhëruarit, Allahut, Zotit dhe në emrin tim dhe tuajin, Allahu ta bekojë kryeministrin nikolla Gruevski", ka deklaruar me gjashte nëntor Sulejman Rexhepi, kryetar i BFI-së.

"180 gradë kam ndryshuar mendimin për kryetarin e BFI-së, nuk është problemi i imi apo partisë por mendoj se ai, duhet të kërkoj falje publike një herë direkt Zotit ALL-LLAHUT mandej besimtarëve që i ka fyj. E ka kërku që All-Llahu ta bllagosllovit anti muslimanin dhe antishqiptarin më të madh për njerëzit që kanë moral reflkektojnë këto", përkujtoi dje Menduh Thaçi.

Ndryshe Alsat-M sot arriti të sigurtoj vendimin e Qeverisë të marë me datë 20 janar të vitit 2008 kur në pushtet ishte pikërishtë partia e Menduh Thacit me të cilin kërkohet shpallja e konkursit nga ministria e Kulturës për ndërtimin e Kishës në sheshin e Shkupit.

http://alsat-m.tv/lajme/vendi/22483.html

reparti kimik · 23.1.2010, 18:14

Këta në IRJM kanë vajt të gjithë për lesh. Rrofsh e qofsh Azi.

23.1.2010, 18:19

Citim:

Si të trajtohen elementet "talibane" në Kosovë‏

Në Kosovë sa vjen e shpeshtohen sulmet ndaj imamëve të moderuar të xhamive të ndryshme të Kosovës nga element radikal apo nëse mund ti quajmë nga "talebanët e Kosovës" që nga dita në ditë veç sa vijnë e bëhen me agresive dhe disi dhunshëm po imponohen nëpër rajone të ndryshme të Kosovës sepse po arrijnë që të largojnë me dhunë e dajak hoxhallarë të respektuar të Kosovës që për vite e dekada i kanë shërbyer komunitetit mysliman të Kosovës si është më së miri.

Ajo çka na bën të brengosemi është fakti se këta element radikal islamik po e shfrytëzojnë faktin se në Kosovë mbizotëron mjerim e varfëri kështu që elementet radikal islamik po e shfrytëzojnë këtë gjendje të vështirë ekonomike në Kosovë për tu infiltruar në Kosovë dhe për të zgjeruar radhët e tyre sepse është shumë e lehtë që të manipulohet me njerëz që janë në krizë për ekzistencë e që mjerimisht shteti ynë i lodhtë s’po është në gjendje tu shtrije dorën dhe fatkeqësisht po u ipet mundësia elementeve radikale që ata të shfrytëzojnë këtë e të manipulojnë me njerëz në Kosovë.

Mu këta individë apo grupacione që shtirën se ja duan të mirën popullit të Kosovës, ata shpesh i vërejmë duke abuzuar me rininë e Kosovës ku në vend të ndihmave të premtuara atyre u imponohen shami e ferexhe që nga mosha 7 vjeçare në vend se tu dhurohen libra e lapsa për shkollë.

Kosova ka qenë gjithmonë oazë e tolerancës ndërfetare ku pa asnjë problem kanë jetuar dhe jetojnë njerëz te përkatësive fetare të ndryshme dhe se kurrë nuk janë regjistruar probleme fetare apo konflikte fetare, mirëpo ja që ''talebanët e instaluar në Kosovë" kanë filluar të ushtrojnë dhunë në njerëzit që e predikojnë fenë e njëjtë, mirëpo dajakun ua japin vetëm pse janë të mysliman të moderuar siç edhe duhet të jemi të gjithë.

Edhe udhëheqësit politikë edhe ata te organeve të rendit duhet që të jenë të pa kompromis në luftimin e elementeve radik islamik apo Talebanëve e vahabive që po tentojnë të instalohen dhunshëm në Kosovë sepse vetëm sa do ta dëmtojnë Kosovën dhe popullin e saj, nuk guxon të tolerohet që gati çdo dy javë të kemi të rrahur nga një hoxhe qe u kundërvihet qëndrimeve radikale teë këtyre Talebanëve që po tentojnë që pa izën e askujt ta marrin lidershipin e xhamive të Kosovës dhe lidershipin fetar pasi që nuk kanë mandat nga askush, duhet që BIK të jetë më e ashpër ndaj tyre dhe tu del në mbrojtje shërbyesve të saj që po hanë dajak shumë shpesh nga Talebanët.

Populli i Kosovës ka ditur dhe din ti respektojë fetë e ndryshme dhe di të jete tolerant, në Kosovë do të dijnë te bashkëjetojnë bashkë njerëz që besojnë në Allah dhe në Jezus Krishtin pa asnjë problem dhe se nuk ka nevojë që të lejojmë që modeli i Talebanëve të na instalohet siç është ne Afganistan e Pakistan e Jemen e në plotë vende që ku i ka shkelë këmba e tyre i ka shkrumu./Info-Kosova/

http://info-kosova.net/index.php?opt...ize&Itemid=489

3.3.2010, 05:28

Citim:

Myftinia e Manastirit ankohet për diskriminim fetar

Manastir, 28 shkurt - Duke filluar që nga viti 1992 Myftinia e Manastirit po ballafaqohet me probleme të shumta të natyrës së diskriminimit fetar dhe tjetërsimit të monumenteve të kulturës islame. Kështu është shprehur koordinatori i saj, Pllumi Veliu, gjatë një komunikimi me mediat.

"Instalimi i kryqit në sahat kullat në Manastir dhe Prilep, ndërtimi i paraklisave në oborret e xhamive të Manastirit, rrënimi dhe moslejimi i rindërtimit të objekteve të kultit fetar, siç janë rastet me xhamitë në Llëzhec dhe Prilep, uzurpimi dhe moskthimi i pronave të nacionalizuara dhe uzurpuara të BFI-së, ashtu siç ndodhi me pronat e KOM-it, për të kulminuar me gërmimet arkeologjike në Jeni xhaminë të Manastirit me pretekst të kërkimit, është një terror ndaj kulturës islame dhe myslimanëve në përgjithësi, të ushtruar nga nga shteti, sidomos kohëve të fundit nga qeveria aktuale", ka thënë koordinatori i Myftinisë së Manastirit, Pllumi Veliu.

Me miratimin e ligjit për denacionalizim, shpresuam se BFI-së do t'i kthehen pronat e shumta të plaçkitura nga sistemi komunist, por ndodhi e kundërta, tha ai.

"Përderisa KOM-it iu kthyen vetëm për tre muaj, jo vetëm që iu kthyen, por qeveria edhe u fali toka për ndërtim të kryqeve dhe kishave, ky ligj pozitiv nuk funksionoi për pronat e BFI-së, andaj jemi të detyruar që mbrojtjen dhe të drejtat tona t'i realizojmë përmes instancave ndërkombëtare", tha Veliu.

Ai ka kërkuar që pa kurrfarë kushti të fillojë rindërtimi i xhamisë në Llëzhec dhe të ndërpriten të gjitha aktivitetet në Jeni Xhami, të cilës i kërcënohet rreziku nga rrënimi total.

"Gjithashtu pa kurrfarë kushtëzimesh kërkojmë nga kryeministri dhe Qeveria e tij të ndërpresë me provokimet dhe të bëhet kryeministër i të gjithëve, jo vetëm i maqedonasve. Patjetër të kuptojë se ky është shtet edhe i shqiptarëve dhe me autoritetin e tij të ndikojë në vënien e baraspeshës mes dy konfesioneve. Ndërkaq, nga kryetari i BFIM-së haxhi Sulejman efendi Rexhepi ta përdorë autoritetin të tij që gëzon në botën islame dhe t'i ftojë shtetet islame ta bojktojnë krejtësisht Konferencën të dytë me radhë për dialog ndër religjioz dhe ndër civilizues, si dhe tërheqjen të tij nga Këshilli ndërlegjioz", ka deklaruar Pllumi Veliu, koordinator i Myftinisë së Manastirit. (Q.H)

http://www.koha.com.mk/a10.html

Citim:

BFIM mirëpret nismën për Tupan Xhaminë në Tetovë

Kryetari i Këshillit iniciativ për ndërtimin e Tupan Xhamisë në qendër të Tetovës, Abdyladi Vejseli sot ( e martë) u prit nga kryetari i Bashkësisë Fetare Islame të Maqedonisë (BFIM), Reis ul Ulema Haxhi Sulejmani ef. Rexhepi.

“Kreu i BFIM-së ka përshëndetur iniciativën e tillë dhe gatishmërinë qytetare të udhëhequr nga Abdyladi Vejseli për ndërtimin e këtij tempulli fetar, të rrënuar nga regjimi i kaluar. Kryetari i këshillit iniciativ, Abdyladi Vejseli në takim ka prezantuar dhe shpjeguar projekt-propozimin dhe konstruksionin financiar për ndërtimin e Xhamisë, me ç`rast kjo u mirëprit nga kreu i BFIM-së”, thuhet në komunikatën e Këshillit iniciativ për ndërtimin e Tupan Xhamisë

Në takim u konkludua që gjatë ditëve në vijim këshilli iniciativë do të dorëzojë pranë BFIM-së listën e anëtarëve të Këshillit iniciativ për verifikimin e saj. Gjithashtu u konkludua që BFIM së shpejti do të caktojë kohën se kur do të fillojë ndërtimi i xhamisë, thuhet më tej në komunikatë. (INA)
prapa

http://www.ina-online.net/Default.as...25514bab2&ln=3

mesdimr · 3.3.2010, 05:30

Vazhdojnë ta flasin shqipen turqisht... Nuk ka si shpjegohet ndryshe, përveç që shqipen e kanë "të mësuar".

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

18.11.2009, 12:17	#68
reparti kimik	43 nacionalistë arabë në Durrës.

23.1.2010, 18:14	#75
reparti kimik	Këta në IRJM kanë vajt të gjithë për lesh. Rrofsh e qofsh Azi.

3.3.2010, 05:30	#78
mesdimr Anëtarësuar: 8.2006	Vazhdojnë ta flasin shqipen turqisht... Nuk ka si shpjegohet ndryshe, përveç që shqipen e kanë "të mësuar".