Lindor: Marrëveshja e Ohrit ka dështuar, PDSH del nga parlamenti

30.7.2009, 22:24

Citim:

Imeri: Parlamenti po shkatërron të drejtat e shqiptarëve

Shefi i grupit parlamentar të PDSH-së, Imer Aliu ka shprehut të gjitha vërejtjet për punën e parlamentit në takimin me kryetarin e këtij institucioni, Trajko Veljanovski.

“Ne i shtruam vërejtjet tona serioze për sa i përket rolit të Parlamentit i cili është shndërruar në shkatërrues të të drejtave të shqiptarëve.PDSH-së deri tani në Parlament nuk i është pranuar asnjë iniciativë. Strategjia parlamentare e VMRO-së tashmë është e qartë dhe e zbuluar nga ana jonë. Ata tentojnë të konstruojnë parti politike kinse shqiptare, të konstruojnë opozitë kinse shqiptare dhe në fund kinse realizojnë projekte dhe nxjerrin e miratojnë ligje kinse në favor të shqiptarëve”, ka theksuar deputeti Imer Aliu.

Ai theksoi se presin që në ditët në vijim që iniciativa e PDSH-së për interpretim të Ligjit për amnesti të dorëzuar në Parlament para 11 muajve do të vijë në rend dite, me çka do të mbyllej çështja e rasteve të Hagës.

PDSH i ka të gatshëm ligjet për përdorim zyrtar të gjuhës shqipe dhe ligjin për amnesti ku do të përfshihet edhe rasti i Sopotit dhe shumë shpejtë do t’i dorëzojmë në procedurë parlamentare”, ka theksuar Aliu, që sipas tij, organet partiake do të vendosin për bojkot të mundshëm të Parlamentit.

Sipas Aliut, veprimi i PDSH-së në të ardhmen sa i përket dorëzimit të projekteve të tjera siç ishte edhe ligji për përdorim të gjuhës shqipe dhe të tjerat, do të varen nga sjella e shumicës parlamentare ndaj kësaj iniciative.

Nga kabineti i kryetarit të parlamentit informojnë se kanë angazhuar kryetaren e komisionit të kërkojë mendim urgjent nga qeveria lidhur me këtë çështje.

“Komisioni juridiko ligjdhënës ka dorëzuar kërkesën deri te qeveria ndërsa për fat të keq nga ekzekutivi deri më sot nuk kemi marrë mendim. Pa atë mendim, parlamenti nuk mund të debatojë. Kryetari i parlamentit sot kërkoi nga kryetarja e komisionit ti drejtohet urgjent qeverisë që të marrë mendimin nga qeveria dhe kërkesa e PDSH-së, të hyj në procedurë”, theksoi Todor Pendarov, zëdhënës i kryetarit të parlamentit.

http://www.botasot.info/?gjuha=0&category=12&id=25756

6.8.2009, 10:25

Citim:

PDSH: Marrëveshja e Ohrit e vdekur

Tetovë – Partia Demokratike Shqiptare, me rastin e tetë vjetorit të miratimit të MO-së, në një konferencë për shtyp që e udhëhoqji zv/kryetari Iljaz Halimi, për mes statistikave dhe shifrave zyrtare e shpalli të vdekur Marrëveshjen e Ohrit .

Më poshtë keni mundësi të lexoni në tërësi tekstin nga konferenca për shtyp:

Më 13 gusht 2009 mbushen 8 vite nga miratimi i MO-së. Ka paralajmërime se BDI organizon pritje në një prej hoteleve luksoze të Maqedonisë në shenjë të implementimit të kësaj marrëveshje. Madje nëpërmes disa punësimeve që paraprakisht do të bëhen atë ditë dëshirohet të lihet përshtypja se MO është realizuar.

PDSH edhe një herë i bën me dije opinionit se pretendimet e BDI-së për të paraqitur me sukses implementimin e MO-së, është edhe një tentativë e radhës për të manipuluar me elektoratin shqiptar. Të dhënat statistikore për përfaqësimin e shqiptarëve në institucionet e shtetit, veçmas në postet udhëheqëse janë alarmante. Kjo më së miri shihet në këto të dhëna:

1. Në Ministrinë e Financave përfaqësimi i shqiptarëve 6.04%, kurse në postet udhëheqëse ka vetëm 1.02%
2. Në Ministrinë e Kulturës 3.89%, në postet udhëheqëse vetëm 1.61%
3. Në Parlament përfaqësimi i shqiptarëve 8.66%, në postet udhëheqëse vetëm 1.81%
4. Në Presidencë përfaqësimi i shqiptarëve 8.91%, në vendet udhëheqëse 2.81
5. Në Qeveri përfaqësimi i shqiptarëve 11.02%, në postet udhëheqëse 0.85%
6. Në Ministrinë e Transportit dhe Lidhjeve 11.20%, postet udhëheqëse 2.00%
7. Në Ministrinë e Punës dhe Politikës Sociale 6.26%, postet udhëheqëse 0.17%

Ngjashëm është edhe në Ministritë dhe institucionet tjera. Situatë e njëjtë është edhe me implementimin e pjesëve tjera të MO-së.

Kështu kultura e shqiptarëve është e margjinalizuar tërësisht. Mungon përfaqësimi i shqiptarëve në Këshillin e Kulturës, vazhdojnë tendencat e përvetësimit të figurave tona madhore si e Nënë Terezës.

Mbi 50 mijë shqiptarë vazhdojnë të jenë pa nënshtetësi.

Anashkalohet përdorimi i gjuhës shqipe në institucionet e shtetit.

Mbi një qind mijë shqiptarë, me ligjin për përdorimin e flamurit, kanë ngel pa të drejtën e përdorimit të flamurit kombëtar.

Ndryshon grafa e shtetësisë te pasaportat në “R. E Maqedonisë”, në “maqedonase” që është akt anti kushtetues.

S’ka investime në zonat ku jetojnë shumica shqiptare, zona e lirë ekonomike në Tetovë ngeli vetëm në letër.

Vazhdojnë problemet me arsimin në gjuhën shqipe. Ndërhyn pushteti në mënyrë anti ligjore dhe brutale në USHT duke suspenduar të gjitha organet e zgjedhura në mënyrë ligjore.

Vazhdojnë problemet e nxënësve shqiptarë për tu regjistruar në shkollën e mesme të mjekësisë në Shkup, si dhe problemet tjera të nxënësve në fshatin Idrizovë dhe vendbanimet tjera shqiptare.

Kazermat u jepen në përdorim komunave me shumicë maqedonase kurse kazerma e Tetovës nuk i jepet Komunës së Tetovës.

Qeveria i ikën vendosjes së marrëdhënieve diplomatike me Republikën e Kosovës

Me qindra vite pa të drejtë u dënuan shumë banorë të Sopotit.

Qeveria aktuale largon me qindra shqiptarë nga puna edhe atë nga Ministria e Kulturës, Ministria e Mbrojtjes, Ministria e Bujqësisë, Drejtoria e të Hyrave publike, Ministria e shëndetësisë e të tjera.

Kjo është pasqyra e vërtetë e “implementimit të MO-së” të cilën me të drejtë PDSH e shpalli si të vdekur dhe në vend të kësaj ofron Marrëveshje të Re, implementimi i së cilës siguron barazi dhe ardhmëri për të gjithë në këtë shtet.

http://www.shqipmedia.com/2009/08/pd...hrit-e-vdekur/

mesdimr · 10.8.2009, 20:58

Citim:

Fuere: Nuk është realizuar Marrëveshja e Ohrit

Shkup, 10 gusht - Ambasadori i BE-së në Shkup, Ervan Fuere, ka pranuar se një pjesë e madhe e Marrëveshjes së Ohrit nuk është zbatuar ende, tetë tetë vjet pas nënshkrimit të saj.

"Ende ka çështje të cilat kanë mbetur të pazgjidhura nga konflikti i 2001. Duhet bërë shumë për të drejtat e shqiptarëve dhe të bashkësive tjera etnike, për përfaqësimin adekuat dhe për përdorimin e gjuhës shqipe", ka thënë.

Ambasadori Fuere ka thënë se "ekziston 'Ligj për gjuhët' por për zbatimin e tij duhet ende shumë punë".

Sipas tij, nëse do të ketë më shumë përpjekje për zgjidhjen e çështjeve të hapura, nuk do të realizohen kërcënimet e PDSH-së.

Fuere ka shtuar se paralajmërimet për braktisjen e Parlamentit tregojnë se punët në Maqedoni nuk ecin në drejtimin e duhur.

"Nuk është mirë që PDSH-ja ta braktisë Parlamentin. PDSH është parti e zgjedhur, si të gjitha partitë tjera, që të jetë brenda në Parlament he jo jashtë tij. Besoj se problemet dhe shqetësimet e PDSH-së do të zgjidhen dhe reaizohen më mirë në Parlament se sa jashtë tij. Shpresoj se anëtarët e PDSH-së nuk do ta realizojnë këtë kërcënim", ka thënë Fuere.

http://www.kosova.com/artikulli/55413

Do i ketë djeg kjo puna e NATO-s:

Citim:

Thaçi might ask Albania to put VETO for Macedonia’s NATO entry

After meeting the Prime Minister Sali Berisha DPA President Menduh Thaçi thought about asking Albania to put veto for Macedonia’s NATO entry. Thaçi said that he plans to do that next time. Makfax news agency reported.

As for the Parliament’s boycott, DPA announced its plan for next week due to some technical procedures.

Thaçi demanded that the leading party DUI should leave the government and join us. They will destroy themselves if they stay in the government.

He also said that the 8th anniversary of the Framework agreement is by itself a disaster and will look like a funeral. This agreement doesn’t function, Thaçi added.

http://www.makfax.com.mk/en-Us/Details.aspx?itemID=7869

10.8.2009, 21:29

Citim:

PDSH nis bojkotin e Kuvendit javën e ardhshme

Kryetari i PDSH-së Mendu Thaçi tha se partia e tij do të nis bojkotin e parlamentit, javën e ardhshme. Ne jemi opozitë serioze dhe për këtë shkak, bojkoti është masa e fundit, ndërsa kthimi eventual i PDSH-së në Parlament do të ishte vetëm largimi nga qeveria i partive që e udhëheqin.

"Janë në pyetje procedura teknike, bojkoti sipas të gjitha gjasave apo qindpërqind do të ndodh shumë shpejt, edhe në javën që vjen", paralajmëroi Menduh Thaçi, kryetar i PDSH-së.

Ndërsa, përsa i përket kërkesës së zotit Riker dhe zotit Solana lidhur me bojkotimin e parlamentit dhe funksionimin e PDSH-së, brenda dhe jo jashtë parlamentit, Thaçi tha se së shpejti do të zhvillonte edhe takim me zotin Fuere për t'i sqaruar se kjo nuk është opstrukcion dhe as ekstremizëm, por preventivë.

"Të dy ambasadorët janë miq të PDSH-së, janë miq të shqiptarëve dhe janë miq të Maqedonisë, kam mirëkuptim të plotë për shqetësimin e tyre janë njerëz serioz, por të gjithë shqetësohen vetëm qeveria nuk shqetësohet, kanë orientime shumë miqësore ndaj Maqedonisë, por fatkeqësisht ato orientime nuk i pranon qeveria e Maqedonisë. Do mundohem t’i bindi se kjo nuk është obstruksion nuk është ekstremizëm por thjeshtë është një politikë preventive e një partie me përvojë të jashtëzakonshme dhe duhet të parandalojmë më të keqen që do të ndodhë në Maqedoni", shtoi Menduh Thaçi.

Ndërsa, përsa i përket manifestimit të Marrëveshjes së Ohrit, Thaçi deklaroi se ajo mund të jetë vetëm një manifestim mortor sepse kjo marrëveshje ka marrë fund. Ai më tej, apeloi që edhe partia tjetër t’i bashkëngjitet dokumentit të PDSH-së.

http://alsat-m.tv/index.php/lajme/vendi/17449.html

11.8.2009, 15:46

Citim:

Latifi: Shtyllat kryesore të Marrëveshjës së Ohrit të pazbatuara

Edhe pas 8 viteve ende mbetet shumë punë për tu bërë në të gjitha instancat dhe segmentet institucionale sa i përket implementimit të Marrëveshjes së Ohrit, kështu shprehen për Alsat Profesorët universitar Veton Latifi dhe Denko Maleski.

Sipas Latifit e gjithë kjo është si rezultat i shtyrjeve në axhendë, rishikimeve të shumta që janë bërë tekstit të Marrëveshjes për interesa partiake dhe mos instalimin e sistemeve monitorues për progresin e shënuar.

"MO gjatë gjithë këtyre viteve është dashur, ka mundur dhe ka pasur hapësirë të zhvillohet edhe më tej, të korrigjohet dhe të plotësohet dhe këtë askush nuk ka mundur ta ndaloj mirëpo për shkak të frustrimit të partive politike maqedonase, nga ana tjetër për shkak të neglizhencës dhe mossyçelësis të faktorit politik shqiptar gjatë gjithë këtyre viteve marrëveshja e Ohrit në fakt e humbi progresin e vet dhe disi filloi të kontestohet dhe nëse ndokush duhet dhe mund të mburret me çdo progres të arritur sa i përket MO është vetëm bashkësia ndërkombëtar", vlerëson Veton Latifi, Kryetar I Institutit për zhvillim dhe demokraci.

Për Maleskin është me rëndësi implementimi kualitativ i MO sa i përket përfaqësimit të drejtë dhe adekuat duke punësuar kuadro profesional.

"Ajo që ishte disproporcion total në vitin 91 tek të punësuarit në strukturat shtetërore tani shpesh shoh se plotësohet me njerëz që kanë arsim joadekuat diçka për të cilën seriozisht duhet të punohet. Edhe përskaj asaj se duhet plotësuar kjo e drejt, shqiptarët kanë marrë përgjegjësi të mëdha për udhëheqje kualitative të shtetit, arsimit dhe të tjerat si dhe një përgjegjësi tjetër, si të krijoj shtet të përbashkët për të gjithë që jetojnë në territorin e Maqedonisë", thotë Denko Maleski, profesor universitar.

Maleski dhe Latifi shtojnë se që marrëveshja e Ohrit të mbetet edhe më tej në formën e saj nevojitet qasje dhe përmbajte të re.

"MO nga ajo që ishte planifikuar që të jetë një model, një guit për shtetformësim multietnike jo për formimin e një shoqërie multietnike sepse ajo ishte prezente por shteti multietnik nuk ishte i etabluar dhe akoma nuk është i etabluar në Maqedoni fatkeqësisht MO akoma ka shumë për tu trajtuar dhe për tu bërë në agjendën e vete kërkon një qasje më inovative më kreative nëse mbetet si model", thekson Veton Latifi.

"Adaptimi i përbashkët dhe permanent si dhe ndërtimi i unitetit ajo është detyra e madhe para nesh por nuk është e mundur të ketë ndonjë fund, ngjashëm si në jetën e përditshme, zgjidhja e një problemi hap situata të reja megjithatë shpresoj se shqiptarët nuk janë në rolin e udhëheqjes së veturës ndaj shtetit maqedonas",shton Denko Maleski.

Akoma nuk funksionojnë në mënyrë reale tre shtyllat kryesore të Marrëveshjes së Ohrit si gjuha, përfaqësimi i drejtë dhe adekuat dhe decentralizimi, konsideron Latifi. Sipas tij pikërisht Marrëveshja e Ohrit duhet të përdoret si një përparësi në rrugën drejt integrimit evropian.

http://alsat-m.tv/index.php/lajme/vendi/17467.html

11.8.2009, 15:51

Citim:

Maqedonia federatë

Shkup, 10 gusht - Një memorandum i ri për avancimin e pozitës së shqiptarëve në Maqedoni është prezantuar të hënën nga Bashkimi Demokratik Kombëtar (BDK) i Hysni Shaqirit.

Memorandumi që tanimë i është dorëzuar institucionet vendore, ambasada të huaja në vend dhe përfaqësitë tjera diplomatike, por edhe dy partive politike shqiptare - BDI dhe PDSH, theks të veçantë ka barazinë e plotë juridiko-kushtetuese të shqiptarëve në Maqedoni.

"Ashtu siç kemi njoftuar edhe më parë, protestat me karakter kombëtar të shqiptarëve në Maqedoni, do të vazhdojnë në shtator të këtij viti me qëllimin e vetëm që institucioneve vendore, por edhe faktit ndërkombëtar t'u bëhet e ditur se shqiptarët e Maqedonisë kërkojnë ndryshimin e kushtetutës dhe definimin e Maqedonisë si shtet federal i dy kombeve të barabarta shqiptarëve dhe maqedonasve. Ndërsa nga dy partitë shqiptare parlamentare - BDI dhe PDSH, të cilat në zgjedhjet e fundit parlamentare kanë marrë mandatin, por edhe përgjegjësinë që ti përfaqësojnë interesat kombëtare, kërkojmë që në organet e tyre partiake të shqyrtojnë memorandumin në fjalë dhe qëndrimin e tyre ta bëjnë publik", theksoi kreu i BDK-së, Hysni Shaqiri.

Ndërkohë, në memorandum kërkohet nxjerrja e një akti të ri kushtetues, të mbështetur mbi parimet dhe kriteret e barazisë, që do të shprehin harmonizimin e interesave ndërmjet sh

qiptarëve dhe maqedonasve, si dhe bashkësive tjera etnike në Maqedoni. Gjithashtu, memorandumi parasheh edhe "zgjidhjen e pranueshme dhe përfundimtare, për barazi të plotë kombëtare të shqiptarëve në Maqedoni".

Përveç kësaj, kreu i BDK-së ka paraparë një ripërkufizimin e Maqedonisë si shtet dykombësh (shqiptar dhe maqedonas), të tipit Republikë Federale, me dy njësi federale, me Parlament dy dhomësh, ku do të jenë të përfaqësuara edhe bashkësitë tjera etnike, si dhe çështje tjera, si shqipen gjuhë zyrtare, flamurin kombëtar shqiptar krahas atij shtetëror.

http://www.koha.com.mk/a02.html

13.8.2009, 13:55

Citim:

Uashingtoni zyrtar kundër një pakti të ri shqiptaro-maqedonas

SHKUP - Maqedonia nuk ka nevojë për një marrëveshje të re, me të cilën do të rregulloheshin marrëdhëniet mes shqiptarëve, maqedonasve dhe bashkësive të tjera etnike. Kështu është shprehur ambasadori amerikan në Maqedoni Filip Riker duke shtuar se SHBA-të dhe BE përkrahin dhe ndihmojnë zbatimin e këtij dokumenti.

Deklarata e ambasadorit Riker erdhi pas kërkesës së PDSH-së për një marrëveshje të re në vend të marrëveshjes së Ohrit.

"Ka disa ligje të cilat sipas kornizës së vendosur, duhet të zbatohen në tërësi. Njëri nga ligjet është dhe Ligji për gjuhët, të cilin e pritëm me miratim, kur edhe u votua vitin e kaluarën në Parlament dhe mendoj se tani duhet të ketë debat se si duhet të zbatohet ai ligj. Duhet të ketë debat të vazhdueshëm mes partive, mes grupeve etnike, me qëllim që të arrihet zhvillimi dhe prosperitet në vend. Proces i rëndësishëm është edhe decentralizimi si dhe shpërndarja e pushtetit në nivel lokal", - thotë Filip Riker, ambasadori Amerikan në Maqedoni.

Ambasadori amerikan kërkoi nga kreu i PDSH-së Menduh Thaci pjesëmarrjen në parlament.

"Deputetët kanë detyrime ndaj qytetarëve, ndërsa ata të cilët nuk duan të marrin pjesë në institucione, kanë problem me vetveten. Ne inkurajojmë të gjithë t’i bashkëngjiten marrëveshjes së Ohrit, me qëllim që vendi të ecë përpara. Cilado parti, si p.sh. PDSH-ja e cila do të mundohet të largohet nga institucionet, e ul vlerën dhe rolin e saj në politikën në shtet, ndërsa vlerën e saj në shtet e ul gjithnjë më shumë", vijon Riker.

Sipas Ambasadorit Rikerit, administrata amerikane përkrah punën dhe debatin për të gjitha çështjet shoqërore politike,vetëm nëse ato zhvillohen brenda institucioneve të sistemit e jo jashtë tij.

http://www.gazeta-albania.net/news.php?id=19515

13.8.2009, 13:59

Citim:

PPD: 8 vjet pas MO-së, shqiptarët ende të shtypur

Marrëveshjes kornizë të Ohrit, në një konferencë për media vlerëson se ky dokument politik nuk është realizuar pasi pozita e shqiptarëve në Maqedoni vazhdon të jetë e palakmueshme dhe nënçmuese.

Partia për Prosperitet Demokratik, 8 vjet pas nënshkrimit të "Marrëveshjes kornizë të Ohrit, në një konferencë për media vlerëson se ky dokument politik nuk është realizuar pasi pozita e shqiptarëve në Maqedoni vazhdon të jetë e palakmueshme dhe nënçmuese.

“PPD-ja shumë herët e ngriti zërin ndaj mangësive të këtij dokumenti si rezultat i një marrëveshje nënçmuese ndaj statusit juridiko-kushtetues të shqiptarëve me premisa degraduese të vet luftës së shqiptarëve për çlirim kombëtar. Konstatimet e pandërprera që vijnë madje edhe nga zyrat e institucioneve ndërkombëtare të monitoringut politik, se Dokumenti kornizë i Ohrit ende është jashtë implementimit të plotë, vetvetiu tregon për mangësitë thelbësore të këtij dokumenti", u tha në press-konferencën e PPD-së.

Nga kjo parti sërish theksuan se ky dokument ndonëse e ndali konfliktin e armatosur, nuk arriti ta arsyetoj çmimin e saj.

PPD-ja apelon që të ndërpriten qasjet iluzioniste të BDI-së dhe të politikanëve tjerë të cilët i glorifikojnë vlerat politike të këtij dokumenti që për PPD-në që nga nënshkrimi i tij e gjer më tani ka gjeneruar anti-vlera kombëtare dhe ka qenë paravan për politikë dështake të lakmitarëve për pushtet fiktiv.

Nga kjo parti theksojnë se Bashkimi Demokratik për Integrim me liderin e saj Ali Ahmetin po devalvojnë vlerat nacionale shqiptare.

“Poqëse BDI-ja vazhdon me këtë politikë të devalvimit të vlerave nacionale shqiptare shumë shpejtë do të realizohet projekti i VMRO-DPMNE-së, për konvertim të dhunshëm të shqiptarëve në maqedonas, përmes procedurave institucionale dhe pasaportave bio-metrike, ku tanimë në mënyrë flagrante shqiptarët brenda natës shëndrrohen në maqedonas”, u tha me tej në konferencën e PPD-së.

http://www.botasot.info/?gjuha=0&category=12&id=27238

Citim:

Gruevski injoron debatin për krizën politike

Debatet e fundit midis partive politike, por dhe përfaqësuesve ndërkombëtarë se sa është realizuar Marrëveshja e Ohrit, ka lënë anash edhe partitë e tjera politike maqedonase.

Pushimet verore janë zgjedhur si shkas që kryeministri Nikolla Gruevski t`i shmanget përgjegjësive lidhur me krizën aktuale politike, por edhe për shënimin e tetë vjetorit të Marrëveshjes së Ohrit

Në prag të shënimit të tetë vjetorit të Marrëveshjes së Ohrit, Qeveria është përfshirë nga heshtja totale, ndërsa në të njejtën situatë është edhe kryeministri Nikolla Gruevski, i cili po vazhdon pushimet e tij në bregdetin turk, i shoqëruar nga një pjesë e stafit të tij. Kabineti i tij ka njoftuar se po vazhdojnë pushimet e kryeministrit dhe së shpejti pritet edhe deklarimi i tij lidhur me tetë vjetorin e realizimit të Marrëveshjes së Ohrit.

Poashtu nga kabineti i Gruevskit nuk është konfirmuar pjesëmarrja ose jo e këtij të fundit në ceremoninë e festimit të tetë vjetorit të kësaj marrëveshje, që do të organizohet nën patronazhin e sekretariatit për implementimin e Marrëveshjes së Ohrit, që do të mbahet në një hotel në Mavrovë.

Debatet e fundit midis partive politike, por dhe përfaqësuesve ndërkombëtarë se sa është realizuar Marrëveshja e Ohrit, ka lënë anash edhe partitë e tjera politike maqedonase. Deri tani asnjë parti politike nuk është kyçur në këto debate që po ndodhin kryesisht në spektrin politik shqiptar, por edhe ku janë kyçur dy ambasadorët, ai amerikan Filip Riker dhe ai i BE-së, Ervan Fuere.

Edhe nga selia e VMRO-DPMNE theksojnë se një pjesë e stafit udhëheqës të partisë janë në pushime. Kryeministri Gruevski por edhe një pjesë e kabinetit të ministrave këtë verë po qëndrojnë për pushime në Turqi, ndërsa përveç tyre në rivierën turke po qëndron edhe kryetari i DR-së, Imer Selmani.

http://www.botasot.info/?gjuha=0&category=12&id=27195

13.8.2009, 14:39

Citim:

Krushevë: Shqip vetëm në shtëpi

Shkup, 12 gusht - Në Krushevë, flamuri shqiptar mund të "valëvitet" vetëm në xhep, gjuha shqipe të përdoret vetëm nëpër shtëpi dhe po të dakordohesh të mbash uniformën blu, mund të të gjendet një vend pune.

Në komunën ku numërohen mbi 20 për qind shqiptarë, Marrëveshja e Ohrit prej vitesh ka mbetur në letër. Në qytet dhe rrethinë, jo vetëm që është e paimagjinueshme të flitet për punësime, shkolla shqipe, investime, por edhe është e pamundur për të përdorur simbolet kombëtare, gjuhën amtare, flamurin e të tjera.

Liritë dhe të drejtat elementare të shqiptarëve vazhdojnë të mbeten të kufizuara prej vitesh. Ekzistojnë marrëveshje morale, zyrtare e ndërpartiake, numërohen dy deputetë shqiptarë të zonës, Tahir Hani dhe Fazli Veliu, dy këshilltarë shqiptarë komune nga BDI-ja dhe DR-ja, por mbi të gjitha mungon vullneti politik dhe qytetar për të realizuar çfarëdolloj të drejte.

Një prej këshilltarëve shqiptarë, Demirshah Dava, thotë se edhe përskaj marrëveshjes së nënshkruar në komunë, ku kreu i saj angazhohet të përmbushë shumë detyrime, situata në komunë vazhdon të mbetet e pandryshuar. Përdorimi i gjuhës shqipe është një prej problemeve kryesore, çelja e shkollës në gjuhën shqipe, punësimet dhe ndarja proporcionale e buxhetit.

"Vetëm në ëndërr mund t'i shohësh përdorimin e gjuhës, flamurin mund ta mbash vetëm në xhep. Shqiptarët janë të diskriminuar, të lënë anash, pa asnjë lloj të drejte. Me gjendjen i kam njoftuar edhe deputetët shqiptarë, kam folur edhe me kryetarin e Komunës, i cili sërish më ka drejtuar në parti, por gjithçka mbetet ashtu si ka qenë", thotë Dava.

Çdo përpjekje për të aktivizuar simbolet kombëtare ka hasur në rezistencë te ish drejtuesit dhe ato aktualë të komunës. Sipas këshilltarit, numri i të punësuarve shqiptarë arrin deri në 3 për qind, shifër kjo që është rritur me punësimet në polici.

"Çështja në Krushevë mund të lëvizë pas një aktualizimi në media", përgjigjet deputeti i zonës Tahir Hani. Kjo mesa duket është "fisheku i fundit" që duhet të përdoret për të arritur implementimin jo vetëm të Marrëveshjes së Ohrit, por edhe për përmbushjen e një tjetër marrëveshje në nivel ndërpartiak VMRO- BDI, nënshkruar në prag të zgjedhjeve mes degëve të dy partive, me kusht përkrahjen nga pjesa shqiptare e kandidaturës për kryetar komune.

"Kjo është një marrëveshje parimore, mbështetja që i dhamë kryetarit aktual, kushtëzohej me përmbushjen e disa detyrimeve, siç janë përdorimi i gjuhës, flamurit, punësimet, ndarja proporcionale e buxhetit e të tjera", thotë Hani.

Në komunën ku numërohen 21, 22 për qind shqiptarë, Hani thotë se, realizimi i të drejtave rrjedh nga kjo marrëveshje që në sensin e saj është obligative dhe program politik e prioritar i zonës.

Politika antishqiptare e ndjekur për Krushevën, u aplikua edhe me aneksimin e Zhitoshës dhe bashkimin e saj komunës Dollnenit, me qëllim uljen e numrit të shqiptarëve në këtë zonë.

http://www.koha.com.mk/a04.html

14.8.2009, 11:16

Citim:

Zhduket dokumenti origjinal i Marrëveshjes së Ohrit

Është zhdukur dokumenti origjinal i nënshkrimit të Marrëveshjes së Ohrit. Ekzistimi i tij është mohuar nga Arkivi shtetëror dhe nga kabineti i presidentit të Maqedonisë.

Arkivi Shtetëror i Maqedonisë ka njoftuar se nuk i është dorëzuar dokumenti origjinal i Marrëveshjes, që kishte qenë në gjuhën angleze. Sipas ligjeve për arkivim, Arkivi Shtetëror është kompetentë për t`u kujdesur për materiale shtetërore.

Në dokumentin original të nënshkrimit të Marrëveshjes së Ohrit ,e cila i dha fund konfliktit të armatosur të vitit 2001 në Maqedoni, kanë qenë të vendosura edhe nënshkrimet origjinale të ish kryetarit të Maqedonisë, Boris Trajkovski, ish- liderit të VMRO-DPMNE-së dhe kryeministër I mëparshëm , Lubço Georgievski, dhe të kryetarëve të atëhershëm të LSDM-së Branko Cërvenkovski, të PPD-së Imer Imeri dhe PDSH-së Arbën Xhaferi.

Në dokument, nënshkrime si dëshmitarë zyrtar kishin vendosur edhe ndërmjetësuesit ndërkombëtar Fransoa Leotar dhe Xhejms Perdju.

http://www.rtklive.com/?categoryId=3&newsId=38812

Citim:

Vetëm PDSH e PPD kanë kopjet e MO-së

Shkup, 16 gusht - Në kërkim të gjurmëve të dokumentit origjinal të Marrëveshjes së Ohrit, të nënshkruar më 13 gusht të vitit 2001, vetëm Partia Demokratike Shqiptare (PDSH) dhe Partia për Prosperitet Demokratik (PPD) kanë ruajtur kopjet e kësaj marrëveshje.

Gjashtë nënshkrimet me ngjyrë të kaltër dhe një me të zezë, ai i Branko Cërvenkovskit shihen në kopjet e Marrëveshjes së Ohrit që janë në zyret e këtyre dy partive shqiptare. Sekretari i përgjithshëm i PPD-së, Ilir Luma, ka theksuar se vëmendja e institucioneve kundrejt dokumentit të Marrëveshjes së Ohrit tregon se Maqedonia nuk është shtet serioz ndaj obligimeve që ka.

"Kjo është skajshmërish joserioze, gjë që e kemi theksuar edhe më herët se institucionet shtetërore nuk e kanë qasjen e duhur ndaj këtij dokumenti", ka thënë Luma.

Në këtë parti theksojnë se zhdukja e dokumentit origjinal të Marrëveshjes së Ohrit nuk duhet të merret si naive, por si një tregues se Maqedonisë i duhet një marrëveshje tjetër, ndaj të cilës do të ketë më shumë respekt.

Origjinali që duhej të jetë në kabinetin e presidentit Gjorge Ivanov nuk gjindet askund. Dokumentin nuk e ka as VMRO-DPMNE dhe as LSDM. Në VMRO theksojnë se e kanë kërkuar dokumentin, por se nuk e kanë gjetur akoma.

Hamendet se të njëjtin mund ta ketë marrë ish-kryetari i kësaj partie, nënshkrues i Marrëveshjes, Lubço Georgievski. Në LSDM akuzojnë protokollin shtetëror, pasi siç thonë në këtë parti, pas nënshkrimit, kopjen e marrëveshjes e kanë marrë nga Qeveria dhe se asnjëherë nuk i është kthyer e njëjta.

Por, më tragjike është rasti me kabinetin e presidentit. Përgjigja e parë që mediat morën nga zyra e Ivanovit ishte se, diku në arkiv duhet të jetë marrëveshja, pasi janë tollovitur dokumentet pas shpërnguljes në Vodno. Të nesëmen, informata vijuese e kabinetit të presidentit ishte se nuk është as aty, pasi presidenti nuk është i obliguar ta ruajë marrëveshjen, edhe pse nënshkrues kryesor ishte presidenti Boris Trajkovski. Thonë se kjo dokumenti origjinal dhe marrëveshja është politike, dhe jo dokument ekzekutiv, ndërsa me hamendje ka thënë se origjinali është marrë nga Vilma Trajkovska, gruaja e presidentit Trajkovskit. Kjo e fundit demantoi të ketë marrë origjinalin.

Për televizioni A1 është lajmëruar edhe kabineti i ish-presidentit Branko Cërvenkovski, sipas të cilëve, origjinali ka qenë në kohën kur Cërvenkovski ka qenë president, por se i njëjti nuk është parë asnjëherë pasi nuk kanë pas nevojë.

Përgjigje s'ka edhe nga Arkivi shtetëror, edhe pse sipas Ligjit, i njëjti institucion duhet të kujdeset për dokumentacionin, pasi pas 20 viteve, dokumenti duhet t'u dorëzohet nënshkruesve të saj.

Deri tani, rruga drejt kësaj marrëveshjes çon vetëm në Tetovë, tek PDSH dhe PPD, të vetmet dy parti që po kujdesen për këtë marrëveshje.

http://www.koha.com.mk/a04.html

18.8.2009, 11:55

Citim:

S'merren vesh për shqipen

Shkup, 16 gusht - Ka dështuar tentativa e grupit të punës, i cili gjatë këtyre 15 ditëve është dashur të harmonizojë qëndrimet rreth amendamenteve të Demokracisë së Re (DR), për përdorimin e gjuhës shqipe në kuadër të Ligjit për Parlamentin.

Tentativa e fundit për arritjen e një konsensusi të plotë për Ligjin në fjalë, si një ndër kushtet e nevojshme që Maqedonia të marrë raport pozitiv nga KE-ja, pritet të realizohet të hënën, ku në rend dite duhet të jetë edhe ligji për Parlamentin. Kundër amendamenteve, siç mësohet është shprehur partia e Nikolla Gruevskit, VMRO-DPMNE-ja e cila konsideron se kjo çështje rregullohet me Ligjin për përdorimin e gjuhës shqipe të miratuar një vit më parë.

Ndërkaq, partitë shqiptare i referohen amendamentit 5 të Kushtetutës, i cili mundëson dhe rregullon përdorimin e gjuhës shqipe, megjithëse burime zyrtare informojnë se as BDI nuk do t'i mbështet amendamentet e partisë së Imer Selmanit.

Eksperti i DR-së i angazhuar për Ligjin e Parlamentit, Ismet Ramadani, ka konfirmuar për "Koha" se edhe krahas dy takimeve të këtij grupi, përfaqësuesit e VMRO-së nuk kanë shprehur disponim ta interpretojnë alinenë 5 të amendamentit 5 të Kushtetutës dhe për të bërë debat lidhur me ato.

"Ata thirren në Ligjin për përdorim e gjuhëve që e flasin së paku 20 për qind e qytetarëve edhe në njësi të vetëqeverisjes lokale. Ajo që është interesante këtu në grupin punues, unë dhe përfaqësuesi i BDI-së ishim në një vijë, pra të dy ishim për një përdorim më konkret më zyrtar të gjuhës shqipe. Por pas një kohë, disa deklarata që dalin nga kryesia e BDI-së, nuk janë në vijë me atë të përfaqësuesit të grupit punues dhe janë në drejtim të afrimit të qëndrimeve të VMRO-së", tha Ramadani.

Sipas tij, madje në asnjë dispozitë kur flitet për përdorimin e gjuhëve, nuk përmendet shqipja si gjuhë e dytë zyrtare. Nga ana tjetër, partia e Ahmetit, Bashkimi Demokratik për Integrim (BDI), konsideron se ka ende kohë për të harmonizuar qëndrimet rreth këtyre dallimeve.

"Të hënën do të ndërtojmë qëndrimin tonë ku si pikë e rendit të ditës është Ligji për Parlamentin dhe ne do të duhet të informohemi për përfundimet e grupit punues. Do të shohim se me çfarë qëndrimi do të dalim", thotë koordinatori i grupit parlamentar të BDI-së, Tahir Hani.

Ai, madje nuk ka dhënë detaje nëse do të përkrahen amendamentet e DR-së lidhur me këtë ligj.

"Me insistimin tim, bëmë debat për amendamentet edhe pse VMRO-ja apriori thirret në atë ligj. E përfunduam takimin më atë se liderët e partive t'i njoftojmë veç e veç dhe vendimin politik ta marrin ata lidhur me Ligjin për përdorimin e gjuhës. Në qoftë se liderët na sugjerojnë apo autorizojnë që të takohemi edhe një herë, atëherë ne mund të bisedojmë dhe të ulemi edhe një herë", shtoi më tej Ismet Ramadani nga DR-ja.

Përndryshe, partia e Ahmetit disa herë në prononcimet e saj ka ndryshuar qëndrimin rreth kësaj çështje. Pas takimit të liderëve, ajo theksoi se kjo çështje rregullohet me Ligjin për gjuhët. Ndërkaq, partia e Imer Selmanit ka paralajmëruar se nuk do të mbështesë propozim-ligjin në fjalë nëse nuk pranohen amendamentet e tyre. Nëse kjo ndodh, atëherë Ligji nuk do të ketë konsensusin e plotë për miratim, ashtu siç kërkon faktori ndërkombëtar.

http://www.koha.com.mk/a05.html

mesdimr · 18.8.2009, 11:59

Ahmeti sa vjen e po bëhet më sllav se sllavët. Shikoni deklaratat e pardjeshme:

Citim:

Shqipëria ka politikë autonome

Shkup, 16 gusht - Shqipëria është lobistja më e mirë e Maqedonisë për në NATO. Shqipëria nuk do të dëgjojë thirrjen e Thaçit, por ka politikën e saj autonome. Kështu ka deklaruar lideri i BDI-së, Ali Ahmeti duke komentuar deklaratën e liderit të PDSH-së, Menduh Thaçi, se do të kërkoj nga Shqipëria që t'i vendosë "veto" Maqedonisë për në NATO.

"Shqipëria ka politikë autonome dhe politikë të cilësisë së mirë dhe Shqipëria është një nga vendet që ka kontribuar për paqen dhe stabilitetin në rajon. Unë nuk mendoj që cilidoqoftë nga ne këtu, t'i imponojmë Shqipërisë një politikë ndryshe nga ajo që Shqipëria po e ndërton. Maqedonia njërin nga lobistët kryesorë për anëtarësim të Maqedonisë në NATO e ka Shqipërinë", thotë Ahmeti.

Lideri i PDSH-së, Menduh Thaçi pas vizitës zyrtare në Tiranë, dhe në Prishtinë, ka paralajmëruar gjithashtu edhe një vizitë zyrtare në Sofje. Vizitat e Thaçit në vendet fqinje kanë për qëllim alarmimin për gjendjen diskriminuese të shqiptarëve në Maqedoni.

http://www.koha.com.mk/a03.html

18.8.2009, 12:05

Citim:

PDSH-ja braktis Parlamentin e Maqedonisë

Shkup, 18 gusht - Partia Demokratike Shqiptare (PDSH) në Maqedoni ka braktisur Parlamentin.

"Parlamenti është vënë në funksion të partisë më të madhe në pushtet. Mënyra e vetme për të ndërhyrë është instrumenti demokratik i bojkotit", ka thënë kryetari i grupit parlamentar të PDSH-së, Imer Aliu.

Braktisja e parlamentit ishte paralajmëruar ditë më parë nga kryetari i PDSH-së Menduh Thaçi. Kjo parti është e pakënaqur me zbatimin e Marrëveshjes së Ohrit dhe me shkallën e respektimit të të drejtave të shqiptarëve në Maqedoni.

http://www.kosova.com/artikulli/55535

18.8.2009, 12:05

19.8.2009, 02:01

Citim:

'Nata kristale' në Nerez dhe zhdukja enigmatike e 'Marrëveshjes së Ohrit.
Teki Dërvishi

Le që nuk është zbatuar fare, por “Marrëveshja e Ohrit” është zhdukur si dokument shtetëror, nuk ekziston në “arkivin” e shtetit (për çdo rast të ndonjë rishqyrtimi të mundshëm të saj nga Fuqitë e Mëdha). Dokumenti është ruajtur në arkivat partiake (shqiptare), por i ka humbur fara zyrtaritetit shtetëror të tij. Pra ai tash ka mbetur “dokument” partiak, e jo shtetëror.

Komandanti Ali Ahmeti, para tetë vjetëve, kishte zbritur nga malet e Tetovës, Haraçinës, Kumanovës… dhe ishte zhdjergur në Ohër, që të “lidhte” një marrëveshje (nuk e quajtën “armëpushim”) me shtetin e FYROM-it (“Maqedoninë”). Masandej e mori copën e merituar të pushtetit në shtetin e Shkupit, u tregua se nuk ia doli ta fitonte luftën, por e fitoi postin e lartë në një shtet antishqiptar.

Në Ohër, asohere “historik”, ishin aty ndërmjetësues zotërinjtë e Fuqive të Mëdha, të cilët nuk e lagën gojën që zyrtarisht të deklaronin se ishin (ose duhej të ishin) “garantues” të zbatimit të pritshëm të “Marrëveshjes së Ohrit” (2001). Ju e mbani mend edhe “Marrëveshjen e Konçullit” (13 shkurt 2001) për “paqësimin” e Kosovës Lindore, “marrëveshjen” e riokupimit të shtetit terrorist të Serbisë mbi territorin autokton shqiptar të “luginës”.

Shqiptarët, si popull kujdestar i gatshëm “për marrëveshje”, i cili vetëm me marrëveshje fillon “ndonjë” luftë dhe me “marrëveshje” e përfundon luftën, gjithnjë arrijnë “marrëveshje” e jo fitore. Shqiptarët asnjëherë nuk kanë arritur që të zbatojnë “marrëveshjet” e tyre “me sllavë e grekë” të ndryshëm, dhe kështu që nga Konferenca e Bujanit e deri te Pakoja e Ahtisarit.

Tash Ali Ahmeti e këshillon kryeministrin Berisha që të mos bëjë “veto” për anëtarësimin e shtetit të Shkupit në NATO. Le të mos frikohet Alia se anëtarësimi i shtetit të Shkupit në NATO nuk varet fare nga shqiptarët, andej e këndej, pos nëse Ali Ahmeti e paska dekoduar “substancën kuptimore” të “vetos” në tryezat e Fuqive të Madha. Kaq politikë e lartë kjo e Ali Ahmetit, sa t’ia bëjë me dije shqiptarëve se shteti i Shkupit i ka plotësuar standardet për NATO, edhe pse nuk e ka zbatuar “Marrëveshjen e Ohrit” dhe i mban të burgosur ushtarët e UÇK-së!

Me siguri njeriu që kupton kaq thellë politikën e lartë ndërkombëtare, mund ta dijë edhe pse është “zhdukur” dokumenti i “Marrëveshjes së Ohrit”. Për shkak se ajo “Marrëveshje” nuk është arritur për t’u zbatuar, sepse shtetformimet e reja ballkanike nuk do të jenë multietnike, ose një reprizë i përpjekjes së “liberalit” komunist Josip Broz për shtete të “bashkim-vëllazërimit” që është dëshmuar se nuk mund të ekzistojnë si të tilla, jo në Ballkan, po askund në botë.

Sigurisht Alia e di se ajo “Marrëveshje” ka qenë blerje e kohës që shteti i Shkupit të plotësojë standarde për NATO dhe BE, prandaj Shkupi as nuk e konsideron zyrtare, thjeshtë e ka “humbur”, e ka zhdukur. Pra proceset kanë një cak, shtetformimin e shteteve nacionale, dhe nuk merren fort me plotësimin e “të drejtave” etnike që i ka promovuar i pari shoku Lenin, e i dyti shoku Stalin, i treti zotëriu Bruksel.

Derisa Ali Ahmeti angazhohet për pranimin e shtetit të Shkupit në NATO, dhe nuk e bën të madhe “zhdukjen” e dokumentit të “Marrëveshjes së Ohrit” (mbi “barazinë” e gjuhëve), pikërisht kur Menduh Thaçi problematizon moszbatimin e kësaj “marrëveshjeje” (duke lëshuar Parlamentin e shtetit të Shkupit), në një paralagje të këtij qyteti (në Nerez) ndodh “nata kristale” (që simbolikisht reprizon qëndrimin e nazistëve gjermanë ndaj hebrenjve).

Policia indiferente e shtetit “multietnik” të Shkupit, dhe zyrtarët e saj të lartë, këtë “natë kristale” nuk e karakterizojnë si nazizëm sllav, por si një shfrim “sportiv” të tifozëve të KF “Vardar”. Kuptohet, shokë, shqiptarët protestojnë. Vetëm verbalisht.

Dihet se komandantët shqiptarë nuk lexojnë literaturë ushtarake, njësoj sikur “politikanët” që nuk lexojnë “literaturë politike”, përndryshe do të dinin aq sa të kuptonin se “marrëveshjet” për ta pushuar luftën, decidivohen ose si armëpushim paqeje, ose si dorëzim i luftës pa kurrfarë kushtesh, ose me kushte të ndryshme “kompromisi”.

Çka mund të thuash për komandantët, të cilët kërkojnë që shteti i Shkupit të anëtarësohet në NATO me votën e Shqipërisë, kur po ky shtet i Shkupit ende i mban në burg ushtarët e komandantit, edhe pse “Marrëveshja e Ohrit”, e nënshkruar nga Alia, garanton amnistinë e ushtarëve të tij?

Përndryshe, ata që nuk e kanë të qartë se “proceset e ndërtimit” të shteteve hibride në Ballkan zhvillohen duke zhdukur dokumente dhe duke vazhduar terrorin kulturor ndaj një etnie nacionale “pakicë”, me siguri informohen nga mediat, e jo nga dokumentet sekrete (ushtarake apo diplomatike). Këta kapadainj, po të kishin informata, do ta dinin se dikush në Ballkan që 10 vjet tashmë haptas po përgatit gjakderdhjen e re, siç thonë ata ndërmjet ortodoksëve rusë (anglisht “orthodoks rus” konsiderohen ortodoksët jogrekë) dhe “myslimanëve” të “fabrikuar” që nga vitit 1999 e deri sot te rikulturizimi i tyre modern si specie sui generis, si specie jonacionale, por etnike.

Nëse krisë ndonjë luftë, ku t’i marrim komandantët, ata që i kishim? Tash po bëjnë politikë duke lobuar anëtarësimin e shtetit të Shkupit në NATO!

http://www.botasot.info/?gjuha=0&category=20&id=27932

20.8.2009, 21:43

Reagimet e sllavëve:

Citim:

Gruevski: Vendimi i PDSH-së nuk është shumë i mirë

Bisedimet për emrin janë proces i vazhdueshëm, deklaroi të enjten kryeministri i Maqedonisë, Nikolla Gruevski gjatë përurimit të rrugës mbi manastirin në Krushevë.

Bisedimet me Greqinë për emrin me ndërmjetësimin e Mattew Nimetz janë proces i vazhdueshëm, dialog i vazhdueshëm në të cilin ne marrim pjesë, japin kontribut dhe shpresojmë se do të gjinden forca dhe mënyra që të vihet deri te ndonjë zgjidhje", tha Gruevski.

Ndërkaq, vendimi i PDSH-së për dalje nga Parlamenti maqedonas, sipas Gruevskit, nuk është shumë i mirë.

"Nuk kam koment për vendimin e PDSH-së. Esencialisht, nuk është mirë të dilet nga Parlamenti. Ky nuk është vendim shumë i mirë, por ky është vendim i PDSH-së, nuk mundem t'u përzihem. Vetëm mund të them se në qoftë se më tej mendojnë, do të kuptojnë se është më mirë të kthehen në Parlament. Kjo do të ishte më e mirë për ta dhe Republikën e Maqedonisë", deklaroi Gruevski.

http://www.telegrafi.com/?id=3&a=3626

Citim:

Cërvenkovski: Gruevski po luan me zjarr

Në një takim me gazetarët, në zyrën e re për ish-kreun e shtetit, Branko Cërvenkovski ka thënë se qeveria po luan me zjarr.

“Arsyet e përkeqësimit të marrëdhënieve ndëretnike janë teza e gabuar e kryeministri Gruevski për shpalljen e moratoriumit për zgjidhjen e çështjeve etnike. Bllokimi i integrimeve euroatlantike, dhe forcimi i projekteve mono-etnike, ku ai vërejti se ‘kryeministri i një shteti multi-etnik, të vendosë që me buxhetin e qytetarëve të ndërtojë vetëm kishë’. Nëse kjo politikë nuk ndryshon, atëherë marrëdhëniet ndëretnike, do të përkeqësohen më tej”, tha Cërvenkovski.

Lidhur me partitë shqiptare, Cërvenkovski tha se LSDM-ja tani u ka hapur atyre të gjitha kanalet për bashkëpunim.

Idenë e fundit të kreut të PDSH-së Thaçi që edhe Shqipëria të vendos veto ndaj Maqedonisë, Cërvenkovski e quajti të gabuar edhe pse ishte i sigurt se Shqipëria një gjë të tillë nuk do ta lejojë, por shtoi se me këtë tregohet mundësia që pas Greqisë edhe Shqipëria mund të pengojë vendin për integrim në NATO.

http://www.telegrafi.com/?id=3&a=3625

20.8.2009, 22:00

Citim:

Tensionet në Maqedoni, pas Menduh Thaçit në zyrën e Berishës vjen Ali Ahmeti

Vetëm pak ditë pasi kryeministri Berisha ka pritur në zyrën e tij kreun e Partisë Demokratike të shqiptarëve të Maqedonisë, Menduh Thaçi, dje ka takuar kundërshtarin e tij politik, zotin Ali Ahmeti, i cili drejton Partinë Bashkimi Demokratik për Integrim.

Këto dy takime janë zhvilluar menjëherë pas tensioneve që kanë shoqëruar jetën politike dhe publike të Maqedonisë, pas bojkotit të Parlamentit maqedonas nga PDSH-ja dhe akteve të dhunës ndaj shqiptarëve në një lagje të Shkupit.

Duke iu referuar burimeve zyrtare, thuhet se “kryeministri Berisha priti në një takim kryetarin e Bashkimit Demokratik për Integrim, zotin Ali Ahmeti. Biseda u përqendrua në marrëdhëniet shumë të mira midis dy vendeve, ku u vlerësua në mënyrë të veçantë fryma e bashkëpunimit në fushat me interes të përbashkët midis Maqedonisë dhe Shqipërisë. Kryeministri Berisha vlerësoi kontributin e zotit Ali Ahmeti dhe të BDI-së në zhvillimet e brendshme në Maqedoni”, - thotë njoftimi zyrtar i qeverisë.

Sipas tij, kryetari i BDI-së, zoti Ali Ahmeti, e uroi kryeministrin Berisha për fitoren në zgjedhjet parlamentare dhe i transmetoi atij urimet edhe të Grupit Parlamentar dhe ministrave të BDI-së. Në qendër të bisedimeve kanë qenë zhvillimet ekonomike, projektet e infrastrukturës, dhe veçanërisht Rruga e Arbrit dhe nxitja dhe zhvillimi i turizmit.

Por, takimi i kreut të BDI-së, zotit Ali Ahmeti, vjen menjëherë pas bojkotit të Kuvendit të Maqedonisë nga PDSH-ja e zotit Menduh Thaçi. Ky i fundit ka akuzuar zotin Ahmeti dhe partinë e tij për shitje të interesave të shqiptarëve dhe moszbatimin e Marrëveshjes së Ohrit.

Pak ditë më parë, Menduh Thaçi ishte në Tiranë dhe pasi u kthye në Maqedoni pohoi në media se i ka kërkuar kryeministrit Berisha që të vërë veton për integrimin e Maqedonisë në NATO nëse nuk zbaton Marrëveshjen e Ohrit dhe të drejtat e shqiptarëve etnikë. Në të njëjtën kohë, Thaçi lajmëroi edhe bojkotin e punimeve të Parlamentit të Maqedonisë pasi pretendon se nuk respektohen të drejtat e shqiptarëve nga qeveria dhe shteti maqedonas. Ky vendim është kundërshtuar nga komuniteti ndërkombëtar, e veçanërisht nga përfaqësuesit diplomatik të Uashingtonit dhe Brukselit në Shkup.

http://www.gazeta-albania.net/news.php?id=19724

12.9.2009, 11:25

Citim:

Rritet fobia kundër shqiptarëve në Maqedoni

Mungesa e precizimit të ligjeve të posaçme që kanë të bëjnë me zgjidhjen e statusit të shqiptarëve në Maqedoni, tejmase po mban në qendër të vëmendjes fobinë, e cila aplikohet në çdo sferë shoqërore dhe institucionale, por edhe në jetën private.

Shumica e institucioneve të Maqedonisë nuk praktikojnë gjuhën shqipe, por edhe refuzojnë aplikimin e saj, një situatë që shfaqë dozën e pranueshmërisë së albanofobisë. Praktikimi ndodhë në tabela treguese, faqe interneti, panoa dhe materiale të ndryshme propagandistike e deri tek treguesit e rrugëve, ku në një fshat me maqedonas në perendim të Maqedonisë, mbishkrimi në shqip është shlyer.

Në institucionet komunale vazhdon të jetë në rritje e sipër fobia ndaj çështjeve që kanë të bëjnë me shqiptarët,andaj shpeshherë praktikohen anashkalimi dhe refuzimi i kërkesave me arsyetimin se nuk janë në gjuhën zyrtare. Këto dëshmohen nga shumë dëshmitarë që janë viktima të fobisë institucionale.

Ekspertë dhe njohës të zhvillimeve politike në Maqedoni vlerësojnë se shkalla e albanofobisë në vend është në rritje e sipër. Sipas tyre, po krijohet paragjykim për shqiptarët dhe çështjet që i përkasin atyre në përgjithësi.

Analisti, Jeton Shasivari në një deklaratë për agjencinë e lajmeve INA pranon se ky fenomen destruktivë është i pranishëm në Maqedoni.

“Mendoj se kjo ka të bëjë me rënien diskrete të vlerësimit të Marrëveshjes së Ohrit e cila trajtohet si një dokument i thjeshtë për punësime të shqiptarëve nëpër institucionet e ndryshme, edhe ata si shifra e jo si pika, nga ana tjetër askush nuk mban llogari për demolimin e frymës multietnike dhe multikulturore nëpër institucionet e shtetit.

Kjo frymë assesi nuk arrin të nikoqirizohet sepse maqedonasit ende konsiderohen si më të privilegjuarit dhe më të barabartë prej të tjerëve mendoj se kjo marrëveshje është jo efikase dhe multinacionale ku bllokohet nga politika maqedonase”, thekson analisti dhe ligjëruesi universitar pranë UEJL-së në Tetovë, Jeton Shasivari.

Në të njejtën vijë është edhe ligjëruesi universitar Osman Kadriu, i cili pohon se albanofobia është e pranishme edhe në nivel institucional.

“Kjo është si rezultat i mospranimit të kërkesave të të drejtave të shqiptarëve që janë në Maqedoni. Kështu që kemi të bëjmë me një lloj averzioni ndaj asaj se çka është e drejtë dhe si duhet të realizohet.

Institucionet e Maqedonisë deri tash për shumë çështje nuk e kanë parashtruar dhe nuk e kanë garantuar të drejtën e shqiptarëve në formë institucionale”, ka theksuar Kadriu, duke shtuar se urgjentisht duhet të shmanget fobia institucionale dhe injorimi dhe të merret përgjegjësi për zhvillime të barabarta dhe respektim të ndërsjelltë.

Sipas tij, derisa në Maqedoni nuk krijohen kushte dhe të realizohen kërkesat e shqiptarëve për të drejtat e plota të tyre për barabarësi me maqedonasit, gjithmonë do të ekziston fobia ndaj shqiptarëve.

“Kjo ka qenë edhe ne sistemin nje partiak edhe tash nuk ka ndryshuar në sistemin e ri demokratik”, ka theksuar profesori universitar Osman Kadriu.

Hulumtimet e opinionit publik thonë se ky fenomen mund të marrë forma racizmi dhe diskriminimi që ndikojnë në dhunimin e të drejtave të njeriut dhe kërcënojnë direkt kohezionin social. Ekspertë dhe njohës të zhvillimeve politike në Maqedoni vlerësojnë se shkalla e albanofobisë në vend është në rritje e sipër.Ne Maqedoni mësohet se krijimi i ndjenjave antishqiptare behet me përkrahjen e haptë apo të fshehtë të disa partive maqedonase qw janw pjesëmarrëse në Qeverisjen aktuale.ina

http://www.botasot.info/?gjuha=0&category=12&id=31063

14.10.2009, 13:47

Citim:

Evropa harron Marrëveshjen e Ohrit

Shkup, 13 tetor- Raporti i Komisionit Evropian (KE) që duhet të shpallet sot (e mërkurë) dedikuar Maqedonisë, sipas gjitha gjasave ka anashkaluar shtyllat kryesore të disa obligimeve që dalin nga Marrëveshja e Ohrit e që duhet zbatuar nga Qeveria e Maqedonisë. Kjo vlen për përfaqësimin e drejtë, zbatimin e Ligjit për gjuhën shqipe, diskriminimin etnik në arsim, si dhe decentralizimin e pushtetit, që si pika reformuese çdoherë KE-ja i ka përmendur në vitet e fundit në raportet për përmbushjen e obligimeve.

Përveç që pritet të rekomandohet çelja e negociatave për anëtarësim me Maqedoninë, por pa caktuar datë, mes tjerash në progres-raportin e detajuar i cili do të publikohet të mërkurën, sipas këtyre burimeve do të thuhet se Maqedonia i ka plotësuar tetë masat e caktuara prandaj dhe Komisioni Evropian rekomandon çeljen e negociatave për anëtarësim.

Këtu, madje përmendet problemi i pazgjidhur i emrit, ndërsa kërkohen marrëdhënie të mira ndërfqinjësore dhe shmangien e akteve dhe deklaratave që i përkeqësojnë ato.

Zëdhënësja e BDI-së Ermira Mehmeti nuk pajtohet me konstatimin që në raport të anashkalohen detyrimet që dalin nga Marrëveshja e Ohrit. Sipas saj, analizë më e plotë megjithatë do t'i bëhet pas shpalljes së raportit.

"Si do të jetë strukturimi i raportit presim shpalljen e raportit, por kjo nuk mund të kalojë pa përmbledhur reformat e MO-së. Çështja e gjuhës gjithmonë ka qenë në optikën e KE-së të cilët kanë kërkuar implementimin në praktikë të saj. Njëjtë edhe decentralizimi i pushtetit ku ato reforma nuk mund të kalojnë pa përfaqësimin e drejtë", tha Ermira Mehmeti.

Edhe nga Sekretariati për implementimin e Marrëveshjes së Ohrit kohë më parë kanë vlerësuar se në kontinuitet kanë informuar Komisionin Evropian (KE), për çështjet që kanë prioritet për KE-në siç ishte decentralizimi, përfaqësimi i drejtë, gjuha dhe arsimi.

Ndërkaq numri një i PDSH-së Menduh Thaçi ka theksuar se në këtë raport nuk ka datë të precizuar dhe se është vetëm edhe një dhënie kohe dhe hapësire Qeverisë.

"Mendoj se nuk do ketë diçka, raporti do jetë që t'i jep një hapësire të shkurtë, një kohë të shkurtë qeverisë që të mbushet me mend një muaj apo një muaj e gjysmë dhe problemet me shqiptarët të zgjidhen si dhe çështja e kompromisit me Greqinë", ka thënë Thaçi.

Ndërkaq, për kreun e Demokracisë së re Imer Selmani, pikërisht dita e mërkurë kur duhet të publikohet raporti për Maqedoninë do të jetë, një udhërrëfyes për të gjithë rajonin, ku "objektivisht presim që ky raport të jetë pozitiv ku dhe do të ketë një sërë akuzash dhe vërejtje. Dhe pikërisht për atë mendoj se për Maqedoninë data për fillimin e bisedimeve për të qenë anëtare e plotë e kësaj familje të madhe evropianë do të caktohet më vonë. Dialogu në mes pozitës dhe opozitës, profesionalizimi i administratës publike, gjykata profesionale dhe të pavarura, do të jenë vetëm disa nga argumentet dhe vërejtjet të cilat do të jenë në atë raport, për të cilat duhet të angazhohemi ne të gjithë së bashku që t'i tejkalojmë ato mangësi, dhe në këtë mënyrë ta plotësojmë vullnetin e mbi 95 për qind të popullatës së vendit për një integrim të vendit në Bashkimin Evropian", tha lideri i DR-së Imer Selmani.

Ndryshe, funksionimi i Parlamentit sipas raportit gjoja se është përmirësuar, njësoj për ligjin për policinë, pjesën legjislative të strategjisë për reformën në gjyqësor, luftën kundër korrupsionit, ligjin për financimin e partive politike dhe ligjin për shërbimin civil që në projekt-strategji vërehet progres.

http://www.koha.com.mk/a02.html

15.10.2009, 11:07

Citim:

Gruevski: Ditë historike për Maqedoninë

Ditë historike për Republikën e Maqedonisë dhe për qytetarët, vlerësoi kryeministri Nikolla Gruevski publikimin e raportit pozitiv të KE-së për progresin e vendit për vitin 2009 dhe rekomandimin për fillimin e negociatave për anëtarësim në BE.

Ky është rezultat i përpjekjeve të deritanishme të Qeverisë, të qytetarëve dhe të gjithë faktorëve politik në Maqedoni, theksoi Gruevski në konferencën e përbashkët me euroambasdorin Erwan Fuere, i cili ia dorëzoi Raportin.

Mbesim të përkushtuar në reformat për arritjen e qëllimeve të projektuara, ndërsa Raporti do të jetë udhërrëfyes për hapat e ardhshme, tha kryeministri i Maqedonisë.

"Do të punojmë në marrëdhëniet dhe bashkëpunimit të fqinjësisë së mirë. Lidhur me çështjen për emrin Maqedonia në mënyrë aktive dhe konstruktive vazhdon me bisedimet në patronazh të KB-së që të vihet deri në zgjidhje të pranueshme për të dy palët", deklaroi Gruevski.

Fuere dërgoi urime për raportin e marrë pozitiv dhe rekomandimin për negociata. Kjo, siç theksoi, është mirënjohje e fuqishme për vullnetin dhe kapacitetin e Qeverisë të arrijë sukses, dhe nxitje që të përqendrohet në reformat dhe prioritetet e mbetura.

Meritën e ndajnë të gjithë qytetarët dhe faktorët politik. U dëshmua se me punë të përbashkët mund të arrihet sukses, tha Fuere. /lajmpress/

http://www.telegrafi.com/?id=3&a=4103

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar