Të drejtat e lentorit

MbV

Për shkrimet e sjella në këtë log nga çdo anëtar, të drejtat e lentorit janë të anëtarit përkatës.

Me botimin më të parë në log, anëtari i kalon Vargmalit vetëm të drejtën e ruajtjes së shkrimeve në bujtësin(t) dhe lëndburimin e Vargmalit, nëse shkrimet me radhën e vet nuk bien ndesh me strukturën, apo nëse përgjithësisht e kalojnë shoshitjen e Mbarëvajtjes.

Vargmali ruan të drejtën e riprodhimit të shkrimeve të sjella, brenda këtij lëndburimi, në përpilim elektronik, në trajtë çështjesh të shtruara për bashkëfjalim. (Për çdo trajtë tjetër (nëse ka), nëse nuk përmendet shprehimisht marrëveshje e veçantë në çështjet a projektet përkatëse, do të kërkohet leje nga anëtari.) Kjo kryhet në mënyrë që çështjet me duk, të ruhen e të lexohen prej sa më shumë njerëzve të jetë e mundur, pa kërkuar nga ana jonë që për çdo shkrim të sjellë të marrim leje prej sjellësit, pasi përveç vështirësisë teknike, kjo do të zhvleftësonte dhe vetë natyrën e logut si vend dijendërtimi dhe bashkëfjalimi.

Lënda e sjellë prej anëtarëve nuk do të përdoret në asnjë rast për arsye tregtare, dhe për çdo kërkesë të tretësh për riprodhim të dikutjetërt shkrimesh të caktuara të përmbajtura në log, kërkuesi në fjalë do të ridrejtohet tek lentori i lëndës.


Shkurtimisht: Shkrimet e tua janë të tuat; ti ruan të gjitha të drejtat e lentorit mbi to; dhe askush tjetër nuk mund t'i përdorë ato diku tjetër pa lejen tënde, gjithnjë sipas parashikimeve të Ligjit nr.9380, dt.28.4.2005. Thjesht duke botuar në këtë log, ti i jep leje Vargmalit të shfaqë shkrimet e tua në të gjitha trajtat e përpilimet elektronike që kryhen brenda natyrës çështjengritëse e bashkëfjaluese të këtij logu. Çdo përmbajtje që sillet në Vargmal, i përket, si më lart, Vargmalit dhe i nënshtrohet strukturës së tij.

_____________
Shkrimet d.m.th. krejt lënda zanoro-pamore e sjellë.
Vargmal d.m.th. faqet e ndërrjetit të regjistruara nën kahun vargmal.org.

MbV

Në vijim të qëndrimit të shprehur në fund të faqes në lidhje me lëndën e sjellë nga botime të tjera si libra, të përjavshme, të përmuajshme, hulumtime, kumtesa, trajtesa, etj. është e natyrshme dhe e detyrueshme që të sillet burimi i plotë i çdo shkrimi të treti. Kjo kërkesë do të "rëndojë" mbi të gjithë anëtarët, dhe do të kërkohet vazhdimisht nga Mbarëvajtja.

Një këshillë mes miqsh e në mirëbesim është që nëse veprat e punimet që mbarten a citohen në log, ia vlejnë vërtet e janë ende në qarkullim, t'i shtini në dorë ato. Kështu, jo vetëm që ndihmohen shkrimtarët e lentorët e tyre, njihet puna e tyre si dhe puna e botuesve të tyre, por krijohet dhe precedenti i mirë i kërkesës për punime e vepra të tilla, gjë që i shtyn dhe vetë shtëpitë botuese që t'i kushtojnë rëndësi këtyre veprave në të ardhmen.

Nëse hasni libra e punime të vjetra të cilat janë të vështira të gjenden, janë tepër të rralla, apo nuk janë më në qarkullim, atëherë, për sa i përket lirive e kufizimeve të drejtpërdorimit do të qe më me interes që të sillen në log, sesa të lihen në pluhurin e harresës.

Duke mos dashur të shkelim mbi punën e askujt, mbi djersën e askujt, logu është i hapur për çdo vërejtje, kërkesë, ndihmë apo dhe bashkëpunim në lidhje me çështjet e drejtbotimit apo e drejtpërdorimit.

MbV - Vargmal