Parlamentarët tanë

Ujk · 28.11.2006, 18:55

Citim:

....çdo mëngjes përfaqësuesi i popullit shkon deri te selia e Parlamentit, ku në mos futet, arrin deri te paradhoma, ku gjendet lista e parlamentarëve të pranishëm; dhe në këtë listë, shërbëtori i shtetit shkruan emrin e vet, dhe është për këtë stërmundim të përditshëm që ai fut në xhep një shpërblim të majmë.

Kalojnë katër vjet, ose të paktën afrohet data e shpërbërjes së Parlamentit dhe zotërinjtë e sipërpërmendur i kaplon një shtytje e papërballueshme e ngjashme me atë të larvës që shndërrohet në flutur, kështu këta krimba parlamentarë braktisin strehën e përbashkët dhe fluturojnë jashtë, për te populli.

Rinisin përsëri t’iu flasin zgjedhësve duke iu rrëfyer se sa kokëfortë janë të tjerët dhe se si ata, përkundrazi, janë stërmunduar; qëllon ndonjëherë që populli, kjo masë mosmirënjohëse, në vend të duartrokitjeve t'iu drejtojë sharje plot urrejtje. Në përgjithësi, nëse mosmirënjohja arrin nivele të larta bëhet e nevojshme zgjidhja e vetme e mundshme, përmirësimi i programit (elektoral). Komisioni (i specialistëve) rinovohet dhe rilind për t’i dhënë jetë të re mashtrimit të përhershëm. Duke njohur mirë kokëfortësinë dhe idiotësinë e njerëzimit në përgjithësi, nuk duhet të habitemi nga rezultati.

Kështu, pra, kopeja e proletariatit dhe e borgjezisë rihyn në stallë e joshur nga programi, e gatshme të rizgjedhë ata që e kanë mashtruar.

Dhe me këtë, i zgjedhuri i popullit për ta përfaqësuar, rishndërrohet në krimb parlamentar që të ushqehet me frytet e pemës shtetërore...

Adolf Hitler, "Mein Kampf"

kodmors · 16.12.2007, 05:34

Citim:

Kaos në Kuvend, mungesa e ministrave shtyn projektligjet
Blerina Sinani / 14-12-2007

TIRANË- Mungesa e kuorumit, por edhe e ministrave të kabinetit qeverisës, ka sjellë dështimin e seancës së djeshme të Parlamentit. Pas disa orëve diskutimesh, seanca është mbyllur pa mundur të realizohet votimi i asnjë prej projektligjeve në rendin e ditës, duke përfshirë edhe dy projektligjet që kanë të bëjnë me pronat. Kjo pasi, vetëm 64 deputetë kanë qenë të pranishëm në sallë, dhe mes atyre që mungonin, një pjesë e mirë ishin anëtarë të kabinetit qeverisës, duke nisur që nga vetë Kryeministri Berisha; zëvendëskryeministri Gazmend Oketa; ministri i Bujqësisë Jemin Gjana; ministri i Mjedisit Lufter Xhuveli, si edhe ministra të tjerë të kabinetit.

Të vetmit anëtarë të qeverisë që kanë qenë dje në seancë janë ministri i Drejtësisë, Enkelejd Alibeaj, i cili nuk ka të drejtë vote pasi nuk është deputet, si dhe ministrat Ritvan Bode dhe Majlinda Bregu. Por, edhe këta të fundit nuk kanë qenë të pranishëm përgjatë gjithë seancës.

Ministri i Financave ka ardhur në Parlament vetëm pas kërkesës që bëri grupi parlamentar i PS-së për të, duke qenë se diskutohej një ndryshim në ligjin "Për tatimin mbi vlerën e shtuar", ndërsa ministrja e Integrimit ka ardhur gjatë fundit të diskutimeve të ditës.

Për shkak të mungesës së ministrave në sallë, por edhe të kuorumit, disa nga projektligjet e rendit të ditës shënojnë shtyrjen për të dytën apo për tretën herë.

Të tillë janë projektligjet për ndërtimin e fabrikës së çimentos në zonën e Krastë-Krujës, i cili nuk është diskutuar dhe votuar dje për të dytën herë, duke qenë se mungonte ministri i Mjedisit, Lufter Xhuveli, i cili ndodhet në një samit ndërkombëtar për mjedisin. Edhe në seancën e kaluar, ky projektligj nuk u votua për shkak se socialistët kërkuan shpjegime nga ministri Xhuveli, i cili sërish nuk ndodhej i pranishëm në sallë.

Ndërkohë, ndryshimet e propozuara nga deputeti Arjan Madhi në ligjin "Për kthimin dhe kompensimin e pronës" u shtynë dje për herë të tretë. Nëse dje ai nuk u votua për shkak të mungesës së kuorumit, dy seancat e kaluara ai as që u fut në diskutim; seancën e parë, për shkak se deputeti Madhi ishte në përbërje të një delegacioni jashtë vendit, ndërsa në seancën e dytë për shkak të gjendjes së tij jo të mirë shëndetësore.

Një nga arsyet e shtyrjes së procesit të votimit në seancë plenare ka të bëjë edhe me faktin se, mjaft delegacione zyrtare shoqërojnë krerët e lartë të shtetit shqiptar në vizitat që ata bëjnë jashtë vendit. Kështu, ndërsa dje të pranishëm në sallën ishin vetëm 64 deputetë, një delegacion deputetësh shoqëronte kryeparlamentaren Topalli në vizitën e saj në Organizatën e Kombeve të Bashkuara, në përbërje të të cilit ishin edhe Pandeli Majko dhe Ferdinand Xhaferri.

Një fenomen i tillë ka ndodhur edhe dy javë më parë, ku votimi u shty për shkak se të pranishëm ishin vetëm 53 deputetë, kur një pjesë e mirë e atyre që mungonin ishin në përbërje të delegacionit të Presidentit Topi dhe të Kryetares së Kuvendit, Topalli. Kjo e fundit vetëm gjatë vizitës në Turqi ishte e shoqëruar me 11 deputetë.

Projektligjet që nuk u votuan:

-"Për heqjen nga fondi pyjor kombëtar i parcelave në ekonominë pyjore Krastë-Krujë, që do të përdoren për ndërtimin e fabrikës së çimentos për karriera nga shoqëria "GENER 2" sh.p.k"
-"Për miratimin e marrëveshjes minerare të shfrytëzimit, ndërmjet Ministrisë së Ekonomisë, Tregtisë dhe Energjetikës dhe shoqërisë "GENER 2" sh.p.k"
-"Për disa shtesa në ligjin nr. 7928, datë 27.4.1995 "Për tatimin mbi vlerën e shtuar", të ndryshuar".
-Projektligji "Për disa shtesa dhe ndryshime në ligjin nr.9235, datë 29.7.2004, "Për kthimin e kompensimin e pronës", të ndryshuar".
-Projektligji "Për një shtesë në ligjin nr.7501, datë 19.7.1991, "Për Tokën", të ndryshuar".

Kush mungoi nga ministrat:

Sali Berisha
Gazmend Oketa
Lulzim Basha
Bujar Nishani
Sokol Olldashi
Jemin Gjana
Lufter Xhuveli
Fatmir Mediu
Nard Ndoka
Genc Ruli
Ylli Pango
Genc Pollo
Koço Barka

http://shekulli.com.al/news/49/ARTIC...007-12-14.html

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar