Term: Letërnjoftim, jo «kartë identiteti»

mesdimr

Ndoshta është i madh tundimi i klikës mediatike dhe institucionale që të përdorë fjalë me prejardhje të huaj aty ku nuk është nevoja, sidomos dhe në pseudozellin antikomunist që e ka kapluar duke zeruar çdo gjë që është arritur në 50 vjetët e sistemit të kaluar, por deri më sot nuk qëndron kund asnjë lloj argumenti se pse duhet përdorur "kartë identiteti" në vend të "letërnjoftim", ku e dyta është më e shkurtër, më praktike dhe më shqip.

"Argumenti" që dëgjohet shpesh kundër fjalës "letërnjoftim", ështe se "i përket terminologjisë së shtetit komunist"... Ndoshta pas 19 vjetësh disa njerëz kanë ende pasoja psikologjike nga sistemi i kaluar... se nuk shpjegohen ndryshe këto lloj pseudoargumentash, që në fakt janë falsitete logjike. Shteti "komunist" i thoshte ujit, ujë. Ta quajmë uoter ne sot, apo akuë? Se "ujë" tingëllon pak si komunist dhe që të hiqemi sa më jokomunistë të mundemi, duhet të mos flasim shqip! Madje meqë "komunistët" pinin akuë, ne nuk duhet të pimë akuë...