Mbi ligjin për pastërtinë e figurës (hapja e dosjeve të komunizmit)

8.5.2009, 00:39

Qeveria shq/perëndimore shprehet e bindur në vendimin e saj për hapjen e dosjeve me gjithë kundërshtimet e opozitës. Sipas ministrit të Drejtësisë, një proces i tillë është në dinjitetin e shoqërisë që pretendon të bëhet pjesë e demokracisë evropiane, që të mos hyjë në BE me hipokrizi duke mohuar çfarë ka ndodhur për 50 vjet.

“Unë besoj se vendi juaj do të ecë përpara me reformat dhe është shumë e rëndësishme që “Ligji i Lustracionit” të kalojë provën e tij në Gjykatën Kushtetuese. Sipas eksperiencës sonë, ky ligj nuk ndëshkon, por parandalon administratën të bjerë pre e shantazheve, që askush të mos i drejtojë askujt gishtin për ato që ka bërë në të shkuarën. Në fund të fundit ky ligj është i domosdoshëm për Shqipërinë, ashtu siç ishte edhe për vendin tonë, ku edhe pas rishikimit nga Komisioni i Venecias, më në fund të gjithë ranë dakord për rëndësinë e tij”, është shprehur dhe ministri çek, Cyril Svoboda, gjatë takimit me homologun shqiptar.

http://www.sot.com.al/index.php?opti...ticle&id=10188

9.5.2009, 02:24

Citim:

Ligji i dosjeve, Gjykata Kushtetuese nuk njeh konfliktin e interesit

Gjykata nisi dje shqyrtimin e ligjit të lustracionit të miratuar nga Kuvendi, ku në një seancë maratonë prej 5 orësh, dëgjoi të gjitha palët.

Në fillim nisi shqyrtimi i kërkesës së Këshillit të Ministrave, ku përfaqësuesi Viktor Gumi kërkoi që katër gjykatësit: Vladimir Kristo, Petrit Plloçi, Fehmi Avdiu dhe Kujtim Puto, të mos shqyrtojnë këtë ligj me motivacionin “kanë konflikt interesi, pasi kanë shqyrtuar në të kaluarën çështje dhe kanë marrë vendime në gjyqe politike”.

Kjo kërkesë shkaktoi një nervozizëm tek kryetari i Gjykatës, Vladimir Kristo, i cili kërkoi një pushim për shqyrtimin e saj. Në përfundim të pushimit, u lexua vendimi i cili e rrëzoi këtë kërkesë me argumentimin se cenohet ky institucion.

“Në mbështetje të Kushtetutës, Gjykata rrëzoi kërkesën për cenim të paanshmërisë, me argumentin se në raport me bllokimin e institucionit kushtetues, ka përparësi mosbllokimin e institucionit kushtetues”, - tha anëtari i Gjykatës Kushtetuese, Sokol Berberi, i cili lexoi vendimin.

Seanca vijoi më tej, ku gjykatësit dëgjuan të gjitha palët të cilat kanë ankimuar këtë ligj. Për afërsisht 5 orë u dëgjuan përfaqësuesit e Kuvendit, të qeverisë dhe Këshillit të Ministrave, që mbronin ligjin si dhe përfaqësuesit e deputetëve të PS-së, Shoqatës së Prokurorëve dhe Komitetit Shqiptar të Helsinkit, të cilët kundërshtuan ligjin.

Përfaqësuesit e Këshillit të Ministrave dhe Kuvendit deklaruan se ligji është marrë si model nga vendet ku ai është zbatuar, konkretisht Çekia. Sipas tyre, ai nuk prek Kushtetutën dhe kërkuan që Gjykata Kushtetuese të lejojë zbatimin e tij ashtu siç është miratuar me shumicë votash nga Kuvendi. Ndërkohë, përfaqësuesit e PS-së, prokurorëve, Komitetit Shqiptar të Helsinkit deklaruan se ligji prek Kushtetutën dhe kërkuan shfuqizimin e tij.

http://www.gazeta-standard.com/tekst.php?idt=18317

8.10.2009, 19:29

Citim:

Lustration in Albania, discrimination in Montenegro among highlights of Venice Commission plenary session

Venice. The Venice Commission which is a consultative body of the Council of Europe on constitutional issues, advising member states on the basis of the international standards on the legal foundations of democratic societies holds a plenary session on 9 and 10 October 2009 in Venice, Italy, the Council of Europe announced.

At its 80th plenary session, the Commission is expected to adopt the opinions on the following issues:

• Albania - at the request of the Constitutional Court of Albania, the constitutionality of the Albanian law of 22 December 2008 on lustration (*) which allows a newly created administrative body to terminate, for an indefinite period of time and through a specific procedure, the mandates of the President, the MPs, the ministers, the judges of the Constitutional and the High Courts.

• Montenegro – at the request of the former Minister for the Protection of Human and Minority Rights of Montenegro, the draft law on prohibition of discrimination. The intention of the Montenegrin authorities to adopt a single comprehensive anti-discrimination act is to be welcomed and encouraged. The act is likely to constitute a significant step in combating discrimination in the country.

• Serbia – at the request of the Public Administration and Local Authorities Ministry of Serbia, three draft electoral laws: the State Election Commission of Serbia, the draft Law on the Unified Register of Voters of Serbia and the draft Law on the Election of Councillors of Serbia.

• Ukraine – at the request of members of Verkhovna Rada, the amendments of certain legislative acts on elections of the President of Ukraine. The amendments concern the composition of electoral commissions, voters’ lists and new system of electoral disputes.

Other questions on the agenda include:

• Armenia – draft law amending the Civil code concerning the rules on compensation of victims of defamation by the press;
• Georgia – amendments to the law on occupied territories;
• Latvia – draft amendments to the Law on the Constitutional Court;
• Montenegro – amendments to the Law on the protector of human rights and freedoms.

The Commission will be informed on progress of work on the opinion on the draft revision of the Constitution of Luxembourg.

Josefine Topalli, the Speaker of Albanian Parliament, Akaki Minashvili and Chiora Taktakishvili, MPs of Georgia, as well as Andryi Portnov and Valeriy Pysarenko, Members of Verkhovna Rada of Ukraine, will take part in the discussions.

http://www.focus-fen.net/index.php?id=n196696

11.10.2009, 21:17

Citim:

Komisioni i Venecias e konsideron anti-kushtetues ligjin e dosjeve

Komisioni i Venecias një organizëm i Këshillit të Europës i përbërë nga ekspertë ligjorë e konsideroi dje si antikushtetues të ashtuquajturin ligjin e dosjeve të miratuar nga parlamenti shqiptar në fund të vitit të shkuar i cili parashikonte pengesën për të mos punuar në poste të larta të admninstratës publike persona që kanë shërbyer në funksione zyrtare gjatë regjimit komunist.

Sipas arsyetimit të bërë nga komisioni i Venecias, ligji hyn në ligjet e thjeshta e ndonëse për nga natyra e tij nuk mund të ndryshojë çka parashikohet në kushtetutë, modifikon garancitë kushtetutese të përcaktuara për funksionarët e lartë të shtetit.

Komisioni kujton se kushtetuta shqiptare përcakton specifikisht rastet dhe procedurat për ndërprerjen e mandatit të presidentit, anëtarëve të gjykatës së lartë dhe të deputetëve. Ndërkohë që ligji i dosjeve i fshin këto garanci që atyre u jep manadti, kanë shpjeguar ekspertët e komisionit të Venecias.

Duke vënë në zbatim këtë ligj, saktëson komisioni, cdokush, përvec atyre që i janë kundërvënë hapur regjimit komunist, mund të përjashtohet përgjithnjë nga cdo funksioni publik pa patur mundësinë për t’u mbrojtur apo për ta kundërshtuar vendiin. Ligji i dosjeve në Shqipëri shkaktoi një furtunë të vërtetë politike.

Thuajse të gjitha organizmat ndërkombëtare e kundërshtuan atë duke shprehur shqetësim për aspekte antikushtetuese të tij, por megjithatë shumica e djathtë e miratoi atë duke e konsideruar një akt historik.

Më pas, ishte Gjykata Kushtetuese e vënë në lëvizje nga opozita, Komiteti shqiptar i Helsinikit dhe shoqata e gjyqtarëve dhe prokurorëve, e cila pezulloi efektin e ligjit, në pritje të vendimit të djeshëm të Komisionit të Venecias.

http://www.voanews.com/albanian/2009...rss=topstories

4.11.2009, 19:53

Citim:

Ligji i dosjeve në vëmendjen e KE-së

Ecuria e shqyrtimit të ankimimit të ligjit “Për pastërtinë e figurës së funksionarëve të lartë të administratës publike dhe të të zgjedhurve” ka qenë një ndër çështjet për të cilën dy raporterët e Asamblesë Parlamentare të Këshillit të Evropës po kryejnë misionin e tyre për mbledhjen e fakteve në vendin tonë.

Për këtë arsye David Wilshire dhe Jako Lakso janë pritur me kërkesë të tyre nga kryetari i Gjykatës Kushtetuese Vladimir Kristo. Gjatë takimit raporterët e Këshillit të Europës u interesuan për ecurinë e shqyrtimit të ankimimit të ligjit nr.10034, datë 22.12.2008 “Për pastërtinë e figurës së funksionarëve të lartë të administratës publike dhe të të zgjedhurve” pas marrjes së opinionit Amicus Curiae? nga Komisioni i Venecies si dhe për çështje të tjera të shqyrtuara nga kjo gjykatë për vitin 2009.

Ligji në fjalë u ankimua nga Partia Socialiste në fund të muajit janar të këtij viti, pas hyrjes në fuqi të tij, me arsyetimin se ky ligj cenon 28 nene të Kushtetutës së Shqipërisë.

Ndërsa Gjykata Kushtetuese vendosi pezullimin e zbatimin të ligjit të dosjeve deri në një vendim përfundimtar të saj, duke pezulluar edhe procedurat parlamentare për ngritjen e Komisionit Parlamentar të Vlerësimit të Figurave.

Në fillim të muajit tetor Komisioni i Venecies dha vendimin e tij duke e cilësuar si antikushtetues ligjin për hapjen e dosjeve. Pas kërkesës së Gjykatës Kushtetuese dhe KE-së për të marrë në shqyrtim ligjin e shumëpërfolur të lustracionit, Komisioni i Venecies shprehet se ligji është në kundërshtim të plotë me Kushtetutën.

Dy raporterët KE-së, Wilshire dhe Lakso, u pritën po dje edhe nga Kryetarja e Kuvendit Jozefina Topalli. Zyra e shtypit të Kuvendit në njoftimin e saj vë në dijeni vetëm fjalën e kryeparlamentares, mes së cilës edhe ftesën e saj të përsëritur për pjesëmarrjen e opozitës në punimet e Kuvendit.

“Siç kemi provuar edhe më parë, Parlamenti është vendi i negociatave dhe i konsensusit”, - është shprehur ajo.

http://www.gazetametropol.com/tekst.php?idt=62672

30.12.2009, 17:22

Citim:

Ish-të përndjekurit: Hapni dosjet e Sigurimit të Shtetit

Në çdo kohë dhe në mënyrë të përsëritur ish-të përndjekurit i rikthehen kërkesës për hapjen e dosjeve të ish- bashkëpunëtorëve të Sigurimit të Shtetit. Kjo, sipas tyre është gjithashtu një kërkesë e Këshillit të Evropës e bërë këtë muaj në Berlin gjatë konferencës për dokumentimin e krimeve të komunizmit.

“Hapja e dosjeve, sidomos për politikanët, për institucionet kushtetuese, administratën, gazetarë dhe biznesmenë. Konferenca vuri theksin se çdo vonesë në dokumentimin e krimeve të komunizmit dhe dënimi i tyre i bën një dëm të madh shoqërisë dhe zhvillimeve të saj. Domosdoshmëria e njohjes me këto dokumente duhet të jetë prioritet i demokracisë së brishtë të Shqipërisë”, - tha Besim Ndregjoni, kryetar i shoqatës të ish-të përndjekurve.

Kërkesa për hapjen e dosjeve të ish-spiunëve vjen pas debatit të madh që shkaktoi në muajt e parë të 2009-ës ligji për hapjen e tyre dhe që u kthye nga Gjykata Kushtetuese.

http://www.standard-al.com/tekst.php?idt=25078

25.1.2010, 20:03

Citim:

Qeveria do të tërheqë ligjin për dënimin e komunizmit

Rrëzimi i ligjit për lustracionin pritet të bëjë të pazbatueshëm dhe një ligj tjetër, që ka të bëjë me ngjarjet e asaj periudhe, atë “Për krijimin e institutit të studimeve të krimeve dhe pasojave të komunizmit në Shqipëri”. Ligji është dorëzuar që më 14 janar të vitit 2009 në Kuvendin e Shqipërisë, por që burime nga Qeveria shprehen se së shpejti do të rikthehet sërish për ndryshime të mëtejshme.

Ky ligj është i kushtëzuar në miratimin e tij nga ligji për lustracionin të paktën në dy nene. I pari është neni 7, që bën fjalë për emërimin e bordit drejtues, ku në pikën 2 të tij përjashtohen të gjithë personat që preken nga ligji “Për pastërtinë e figurës së funksionarëve të lartë të administratës publike dhe të të zgjedhurve”.

Pika tjetër, ku ligji bëhet i pazbatueshëm, është neni i cili flet për evidentimin e personave përgjegjës që kanë qenë pjesë e organeve komuniste, por që nuk përjashtohen që të jenë sot në funksione publike, gjykatës, prokurorë apo dhe funksionarë të lartë të shtetit, të cilët sërish i shpëtoi rrëzimi i ligjit të parë.

Ndërkohë burime nga Qeveria shprehen se kjo ka qenë pikërisht arsyeja që drejtoria juridike pranë Këshillit të Ministrave po përgatitet të tërheqë ligjin në fjalë.

Nga ana tjetër, si nga ana e Kuvendit, ashtu dhe nga ana e Qeverisë nuk dinë të japin një përgjigje se çfarë do të bëhet me dënimin e krimeve të komunizmit, pasi ngritja e institutit kishte si qëllim pikërisht evidentimin e krimeve të tij.

Duhet theksuar se Shqipëria është vendi i fundit në Evropën lindore që nuk ka dënuar masakrat e kryera nga regjimi i kaluar, dhe duket se dhe për një periudhë relativisht të gjatë kohe nuk ka për tu ndezur drita jeshile për këtë çështje.

E para, sepse evidentimi dhe studimi i krimeve të komunizmit do të kërkojë një periudhë të gjatë kohe, pasi puna nuk do të bazohet vetëm në shqyrtimin e dokumenteve por dhe në mbledhjen e dëshmive etj.

Më pas, miratimi i një rezolute për dënimin e tij, kërkesë kjo permanente e Bashkimit Evropian. Nga ana tjetër, dhe vetë puna e institutit pritet të hapë goxha debate, pasi nuk përjashtohet që identifikimi i personave përgjegjës jo vetëm për krimet ndaj njerëzve, por edhe për mënyrën e qeverisjes, kontributin që ata kanë dhënë në luftën e klasave, në censurën meditime dhe artistike, presionet ndaj personave të ndryshëm e deri te vendosja e tollonave të ushqimit, do të jenë pjesë e detyrave që do të studiojë ky institut.

Pra me pak fjalë, në hartimin e këtij ligji duhet theksuar se mazhoranca ka vepruar faktikisht gabim, pasi më parë duhej të ishte menduar për ngritjen e institutit dhe më pas për ligjin e lustracionit.

Pra, ligji i lustracionit sipas juristëve, duhet të vinte si rrjedhojë e ligjit për dënimin e krimeve të komunizmit, i cili po mbahet peng nga procedura të stërzgjatura ligjore, sidomos nga ana e Gjykatës Kushtetuese, e cila u akuzua jo pak se në gjykimin e tij kishte konflikt interesi te së paku dy anëtarë.

Fehmi Abdiu, i akuzuar për gjyqe politike, të cilat kanë çuar deri në marrjen e jetës së një personi, por edhe Vladimir Kristo, kreu i saj, i cili përgjatë kohës së diktaturës ka qenë gjykatës, por edhe ky pjesëmarrës në gjyqe politike dhe vendime që kanë çuar individë në burgje apo në kampet e përqendrimit.

Lustracioni: Kushtetuesja ende pa vendim

Gjykata Kushtetuese ende nuk ka dalë me një vendim të saj për ligjin që ka të bëjë me pastërtinë e figurës për funksionarët e lartë. Debati që shkaktoi ky ligj, përveç dorëheqjes së një prokurori, solli dhe dërgimin e tij në Komisionin e Venecias për të dhënë një mendim. Kjo, pasi ligji në fjalë u ankimua në Gjykatën Kushtetuese nga ana e Partisë Socialiste si antikushtetues.

Debati që hapi ky ligj në atë kohë e detyroi institucionin që bën interpretimin e Kushtetutës, ti drejtohet Komisionit të Venecias, që mbështeste argumentimin se ky ligj bie ndesh me Kushtetutën. Nga ana e saj institucioni në fjalë, pra vetë Gjykata Kushtetuese, nuk di të japë një përgjigje ekzakte se kur do të japë një vendim përfundimtar duke mbajtur pezull dhe ligjin për ngritjen e institucionit që do të evidentojë dhe analizojë krimet e komunizmit.

Nga ana e saj vetë Qeverisë, nuk i mbetet gjë tjetër vetëm se të presë dhe të bëjë modifikimet e duhura në ligjin për krimet e komunizmit, por që gjithsesi duket se nuk do të jetë aspak e lehtë.

http://www.gazetametropol.com/tekst.php?idt=63835

26.1.2010, 23:39

Citim:

Të gatshëm ti zbardhin spiunët

Tetovë, 24 janar - Thirrja e Komisionit për lustrim që edhe palët e treta të ofrojnë materiale dhe argumente për procesin e lustrimit, konsiderohet si "mollë sherri" për të futur konflikt të ri mes shqiptarëve, mes viktimave dhe kodoshëve, si dhe palëve të tjera. Kështu vlerëson njëri nga ish zyrtarët e UDB-së, Nafi Çegrani, i cili ka ngritur dyshime në punën e Komisionit për lustrim.

"Kjo që thuhet është vetëm një gur sherri që mes shqiptarëve të hapin konflikte, të nxjerrin edhe më tepër informacione që u duhen dhe për shqiptarët të vazhdojë formimi i dosjeve të reja. Këta të komisionit duhet të marrin dosje prej zyrave ku janë të mbyllur në shtatë dry dhe jo të dalin në terren dhe të kërkojnë prej njerëzve që janë të lodhur edhe ashtu nga ish-sistemi. Kjo nuk ka logjikë dhe është në dëm të shqiptarëve, kryesisht të viktimave", vlerëson Nafi Çegrani.

Por, përkundër kësaj, Çegrani shprehet i gatshëm që dokumentet dhe faktet që ai i posedon, t'ia ofrojë Komisionit për lustrim nëse shfaqet interesim.

"Vullnetarisht s'kam pse të shkoj, por nëse ata duan të zbardhin këto punë dhe u intereson e vërteta, le të urdhërojnë. Unë shumë argumente dhe fakte i kam botuar në librat e mi, tani po përgatis edhe një libër me më shumë argumente dhe të gjitha këto dhe materiale të pa publikuara, jam i gatshëm t'ua jap nëse duan ta zbulojnë të vërtetën", deklaroi Nafi Çegrani.

Ai thotë se viktimat e asaj kohe mund të posedojnë vetëm një pjesë të dosjeve edhe atë vetëm personale dhe jo informacione dhe argumente të tjera. Këtë e argumenton me faktin që në dosjen e tij, e cila ishte krijuar deri sa ai ka qenë zyrtar i UDB-së dhe dosjen që e ka marrë pas daljes nga burgu, ekziston dallim, pasi Çegrani thotë se kishte ngelur vetëm 25 përqindëshi i saj.

"Për shembull, dosjen time e kam lexuar një herë vet kur kam qenë në atë vend pune, pastaj kur kam lexuar dosjen time pasi kam dalë nga burgu, kam pa që e kishin shoshitur dhe s'ishte as çereku i dosjes. Paramendoni tani çfarë dosje mund të kenë të tjerët, viktimat dhe njerëzit e thjeshtë. Janë fshehur të gjitha dosjet", deklaroi Çegrani.

Ai apelon deri te Komisioni për lustrim që të të gjitha materialet e nevojshme ti kërkojë në Beograd, meqë sipas tij, në Maqedoni ndodhen vetëm pjesët e përzgjedhura. "Maqedonia ka vetëm fotokopjet e dosjeve, ndërsa origjinalet janë në Beograd dhe duhet atje ti kërkojë komisioni e jo ti kërkojë në popull.

Deri sa unë kam punuar në atë shërbim, e kam parë me sytë e mi se janë krijuar mbi 600.000 dosje për shqiptarët dhe origjinalet edhe sot ndodhen në Beograd", thekson ish-zyrtari i UDB-së, Nafi Çegrani.

Nga ana tjetër, edhe vetë viktimat e proceseve të montuara politike në sistemin monist shprehen të gatshëm të ndihmojnë lustrimin edhe pse nuk janë optimist nëse ky proces po zhvillohet dhe do të përfundojë në mënyrë të drejtë.

Beqir Berisha, njëri nga ish të burgosurit politik, viktimë e "kodoshëve" të asaj kohe, shprehet i gatshëm që gjithashtu materialet e që ai i disponon, t'ia dorëzojë Komisionit për lustrim, por vetëm nëse këta të fundit janë të interesuar për këtë.

"Kjo më tepër po bëhet formalitet, duket vetëm si një mashtrim. Sidoqoftë unë do t'i dërgoj materialet në Komisionin e lustrimit me të gjitha faktet dhe argumentet që kam, nëse ata mi kërkojnë. Por nuk e di sa ata e duan të vërtetën. Nuk e di komisioni çfarë qëllimi ka, por dyshoj se është nën ndikimin e partive politike. Ata që kanë qenë në UDB, përsëri do të punojnë në UDB dhe nuk i zbardh kush", thotë Berisha.

Ai shprehet se posedon dokumentacione dhe fakte për shumë ish bashkëpunëtorë të UDB-së, të cilët sot mbajnë funksione të lara shtetërore.

"Njerëzit që kanë punuar kundër shqiptarëve, sot mbahen patriota dhe i udhëheqin shqiptarët. Unë jam pesimist në punën e Komisionin për lustrim. Unë kam një përvojë që nuk ka këtu drejtësi, unë kam qenë në burg, djalin në burg, dhëndrin ma vranë, ndërsa ata që deri dje kanë qenë nëpër komitete, ish UDB-ashët, sot janë nëpër funksione, marrin rroga po nga populli që e kanë shkelë deri dje", deklaroi Berisha.

http://www.koha.com.mk/a09.html

26.1.2010, 23:43

Citim:

Kur do të fillojë lustrimi në Kosovë?
Fehmi Ramadani

Në Kosovë lustrimi është një term jo shumë i njohur politik. Ky nocion rrjedh nga fjala latine, lustrato, lustrare, që do të thotë pastrim, ndërsa grekët e vjetër e përdornin fjalën katharsis, pastrim i shpirtit. Në literaturë, lustrimi ka dy kuptime; historik dhe modern. Si term historik lidhet me ritet e romakëve dhe grekëve të lashtë nga pastrimi i mëkateve. Ndërsa, versioni modern, lidhet me kufizimin e përkohshëm të spiunëve dhe informatorëve të policisë sekrete në detyrat e shërbimit civil, në procesin e dekomunizimit të një vendi.

Pas periudhës së luftës së ftohët, analistët lustrimin filluan ta trajtojnë si zgjidhje e mesme në mes të ndjekjes penale dhe të ekzekutimit ndaj atyre që kishin shkelur të drejtat themelore të njeriut gjatë së periudhës komuniste.

Në vitin 1991, pas shkatërrimit të komunizmit në Evropën Qendrore e Lindore, të parët që kishin filluan të zbatojnë ligjin e lustrimit ishin Çekët, me ç’rast ua kishin ndaluar të merren me veprimtari civile dhe politike të gjithë atyre që kishin shërbyer në periudhën komuniste prej vitit 1948 deri në vitin 1989.

Ky proces kishte vazhduar të zbatohet edhe në Shqipëri nga viti 1991, Kroaci, Hungari, Bullgari, Serbi, etj, për të vazhduar nëpër shtetet e Evropës Qendrore dhe Lindore. Vitin e kaluar edhe Maqedonia kishte filluar të hartonte një ligj të tillë.

Ndërsa, Kosova pas pavarësimit të saj, më 17 shkurt 2008 nuk ka bërë aspak përpjekje për të filluar të merret me një çështje të tillë kaq të rëndësishme për vendin, përkundër rekomandimeve të Këshillit të Evropës, i cili i obligon të gjitha vendet që dalin nga komunizmi të nxjerrin një ligj të tillë.

Duhet theksuar se, Këshilli i Evropës për këtë qëllim kishte aprovuar dy rezoluta: Rezolutën nr.1481 e miratuar në vitin 2006 dhe Rezolutën nr. 1096 e vitit 1996. KE-ja përmes këtyre rezolutave kërkon që gjatë hartimit të ligjit të lustrimit të respektohen parimet e një shteti ligjor, zbatimit të ligjeve të lustrimit, apo të masave administrative përkatëse.

Sipas, këtyre rezolutave, disa nga orientimet themelore duet të jenë:

a) Lustrimi duhet të drejtohet kundër rreziqeve, që kanosin respektimin e të drejtave themelore të njeriut dhe proceset demokratike,

b) Hakmarrja nuk duhet të jetë objektiv i këtyre ligjeve dhe duhet të evitohet përdorimi i tyre për qëllime politike e sociale,

c) Lustrimi nuk duhet të ketë për qëllim të sanksionojë prezumimin e fajtorëve, por të mbrojë demokracinë e re që lind,

ç) Lustrimi nuk duhet të aplikohet për funksionet me zgjedhje, përveç rastit kur kandidati e kërkon këtë gjë vetë,

d)Lustrimi nuk duhet të aplikohet në institucionet private apo gjysmë private,

dh) Afati i aplikimit të lustrimit nuk duhet të jetë më shumë se 5 vjet dhe konsiderohet e preferueshme në atë kohë, që masat për lustrimin duhet të përfundonin deri më 31 dhjetor të vitit 1999, si një datë që konsiderohej e mjaftueshme për konsolidimin e të gjithë regjimeve të reja demokratike,

e) Lustrimi i “bashkëpunëtorëve koshientë” lejohet vetëm në rast se aktiviteti i tyre në bashkëpunim me Shërbimin Sekret të regjimit komunist ka çuar në dhunimin e drejtave të njeriut, ka shkaktuar dëmtimin e një personi tjetër (burgim, persekutim), apo ka pasur pasoja shkatërrimtare,

ë) Lustrimi nuk duhet të aplikohet mbi personat që kanë pasur moshë më të vogël se 18 vjeç në momentin kur analizohet implikimi i tij,

f) Në asnjë rast, nuk mund të aplikohet lustrimi mbi një person pa ju garantuar të gjithë procedurat e rregullta të një gjykimi të rregullt, përfshi edhe vënien në dispozicion të avokatit mbrojtës.

http://www.botasot.info/?gjuha=0&category=20&id=44913

27.1.2010, 21:17

Citim:

Vepronin rreth 50 mijë spiunë dhe bashkëpunëtorë të Serbisë
Fehmi Ramadani

Kur do të fillojë lustrimi në Kosovë? (2)

dhe e përgatitur për një proces të tillë të nxjerrjes së ligjit të lustrimit, kur dihet se ky vend njëherë për rreth 100 vjet ishte nën okupimin sllav, rreth 45 vjet e nënshtruar nga komunizmi jugosllav dhe një dekadë ishte nën protektorat ndërkombëtar?

Po ashtu, për dallim nga vendet tjera të Evropës Qendrore e Lindore dhe ish-republikave jugosllave (të cilat më vonë u bënë shtete të pavarura), Kosova ishte një rast specifik, ishte një krahinë nën Serbi e Jugosllavi, ndaj saj zbatohej një politikë aparthejdi dhe në të zbatoheshin ligjet më diskriminuese në Evropë.

Kosova ishte vendi i vetëm në Evropë që zbatoheshin ligjet çnjerëzore dhe kishte një trajtim të egër nga aparati sllavo-komunist. Shteti komunist jugosllav kishte mekanizma të fortë represiv si: OZNA, KOS, UDB, BIA, etj, të cilat ishin shërbime tepër jo humane, sidomos ndaj shqiptarëve në përgjithësi.

Për këtë më së miri tregon fakti i trajtimit çnjerëzor të rreth 800 mijë shqiptarëve të Kosovës, të cilët kishin kaluar nëpër duart e regjimit shtypës jugosllav. Ndërsa, gjatë periudhës së luftës së vitit 1997-1999, pothuajse e tërë popullata 2 milionëshe shqiptare e Kosovës ishte në shënjestër të dëbimit kolektiv, rreth 1 milionë ishin dëbuar nga Kosova, rreth 15 mijë ishin vrarë, rreth 120 mijë shtëpi ishin djegur, pra kishte një gjenocid të hapur dhe të paparë në historinë e Evropës moderne.

Këto fakte nuk ishin karakteristikë e popujve tjerë, të cilët dolën nga komunizmi. Prandaj, edhe fillimi i procesit të lustrimit në Kosovë duhet të trajtohet si specifik për shkak të konditave të rënda.

Kushti tjetër mjaft specifik është se, edhe pse kanë kaluar dhjetë vjet nga “çlirimi” i këtij vendi dhe dy vjet nga shpallja e Pavarësisë së saj, në Kosovë ende operojnë shërbimet sekrete serbe, bile kjo haptas është bërë e ditur në prononcimet e zyrtarëve të Beogradit, se pas largimit të forcave të tyre ushtarako-policore e paramilitare serbe, në këtë vend kishin lënë të veprojnë edhe 50 mijë spiunë dhe bashkëpunëtorë të tyre.

Atëherë, vërtet shtrohet një dilemë e madhe; si do të funksionojë ky vend me kaq shumë spiunë, a do të ketë demokraci të shëndoshë dhe kohezion të brendshëm ky shtet në të ardhmen?

Pastaj, si mund të shpjegohet fakti që një pjesë e këtyre struktura kriminale serbe ishin inkorporuar në administratën e UNMIK-ut, agjencive të ndryshme private, OJQ-të, por ishin infiltruar edhe nëpër disa organizma të ndryshëm politikë? Sot e kësaj dite, një numër i tyre, ende gjendet nëpër detyra dhe funksione të larta publike e politike të Kosovës.

http://www.botasot.info/?gjuha=0&category=20&id=45050

29.1.2010, 00:36

Citim:

Verifikimi i pastërtisë së figurave publike akt demokratik
Fehmi Ramadani

Kur do të fillojë lustrimi në Kosovë? (3)

Specifikë e radhës që duhet të merret në konsideratë gjatë hartimit të këtij ligji duhet të jetë edhe verifikimi i figurave të një numri të pakicës serbe në Kosovë, e cila edhe pas gjithë kësaj tragjedie ende nuk ka përjetuar një pastrim të vetin(katarsis).

Një pjesë e pjesëtarëve të kësaj pakice për një periudhë të gjatë kishte qenë pjesë e aparatit të dhunës ndaj shqiptarëve, disa prej tyre kishin marrë pjesë direkte në krime të rënda ndaj tyre. Në luftën e fundit 1997-1999 aparati serb i dhunës kishte vrarë me mijëra civilë shqiptar, ndërsa serbët lokalë ishin bashkëzbatuesit e kësaj politike.

Sot e kësaj dite, në emër të tyre nuk ka kërkuar falje askush për krimet e shkaktuara, ndërsa nuk ka ndonjë rast që ka filluar të merret gjyqësia kosovare për krimet e bëra. Bile, me një pjesë të tyre ende është duke manipuluar Beogradi për qëllime të tyre hegjemoniste.

Beogradi është shkaktari kryesor i gjendjes së tyre, por padyshim se një pjesë të fajit e kanë edhe liderët e tyre, të cilët deri më tani nuk kanë marrë guxim qytetar dhe moral t’i kërkojnë falje shqiptarë për krimet e bëra dhe kështu të ndihmojnë procesin e pajtimit ndëretnik.

Sot e kësaj dite të gjitha dosjet sekrete janë në Beograd. Pushteti i Kosovës së bashku me faktorin ndërkombëtar duhet të kërkojnë pa asnjë kusht që Beogradi t’i kthejë dosjet sekrete shtetërore.

Zbatimit i ligjit të lustrimit në Kosovë do të ndihmonte demokracinë e vendit dhe do të forconte kohezionin e brendshëm të shtetit. Verifikimi i pastërtisë së figurave të ndryshme politike dhe civile në Kosovë është një akt demokratik, human dhe mjaft domethënës për zhvillimin e gjithëmbarshme të këtij shteti.

Kosova ka nevojë për një demokraci të shëndosh, e këtë demokraci e bëjnë vetëm kur nga detyrat publike dhe politike do të largohen njerëzit me një të kaluar të dëmshme. Kjo do të ishte sikur në trupin e njeriut të infektuar të jepet terapia shëruese në mënyrë që ky organizëm të mbrohet nga shkatërrimi i tij i plotë.

Kjo duhet të ndodhë në Kosovë dhe kjo shoqëri duhet të lirohet nga njerëzit e inflamatuar, në mënyrë që të mos inflamatohet e tërë shoqëria. Ose, si është e mundur që sot, njerëzit me rroga të zakonshme në Kosovë të kenë disa shtëpi, makina luksoze, vila dhe benefite të tjera, kur dihet se spiunët nuk kanë punuar kurrë?

Pastaj, ky ligj duhet përfshijë paragrafin ku t’i kërkohet falje të gjithë personave që kanë qenë akuzuar, proceduar, dënuar, burgosur, internuar dhe persekutuar gjatë periudhës komuniste 45 vjeçare, për dhunimin e të drejtave politike, civile, sociale, morale dhe ekonomike.

Ligji për lustrim në Kosovë duhet t’i shpallte të gjithë ata persona, të pafajshëm, po ashtu si dhe të gjithë ata që ishin arratisur, kanë vdekur, apo janë ende gjallë.

Po ashtu, ligji duhet t’ia mundësonte krahas kompensimit moral që shkonte deri në dekorimin e tyre edhe të drejtën për kompensim financiar për vitet e burgut, të internimeve dhe të dhënies së privilegjeve shoqërore.

Për të jetësuar një ligj të tillë duhet të formohet një Komision i veçantë me ekspertë vendorë dhe ndërkombëtar, të cilët do të hartonin dhe do të procedonin në Parlamentin e Kosovës, i cili do të miratojë.

Hapja e dosjeve ndaj njerëzve që ishin të përlyer në spiunim, tortura, burgosje dhe vrasje të ndryshme, padyshim se duhet të ndodhë, sepse kjo do t’i ndihmonte kësaj shoqërie që të përjetojnë një pastrim shpirtëror.

Ky ligj duhet të miratohet sa më parë në Kosovë, sepse është kërkesë e kohës, është në të mirë të pajtimit ndëretnik, të stabilitetit të rajonit, por edhe të proceseve të reja integruese euroatlantike.

Prandaj, sa do të jenë të vullnetshëm që përgjegjësit e pushtetit në Kosovë të miratojnë një ligj të tillë do të shihet në të ardhmen!

Parlamenti i Kosovës është organi më lartë i shtetit, i cili duhet të miratojë ligjin e lustrimit. Pa miratimin e këtij ligji në Kosovë nuk do të ketë demokraci të shëndoshë, pajtim ndëretnik dhe shoqëror, por nuk do të ketë edhe funksionalitet dhe kohezion të institucioneve shtetërore. / Fund

http://www.botasot.info/?gjuha=0&category=20&id=45213

3.2.2010, 01:17

Citim:

Gjykata Kushtetuese ende nuk ka bërë publik vendimin dhe arsyet e kthimit të ligjit

Vendimi i Gjykatës Kushtetuese, e cila ka kthyer ligjin për pastërtinë e figurave ose siç njihet ndryshe ligji i dosjeve, ka gjetur të pa përgatitur mazhorancën, e cila vazhdimisht ka këmbëngulur se ky ligj duhet të miratohet dhe të hyjë në fuqi për të larguar nga institucionet e larta drejtues, njerëz të cilët kanë një të kaluar të dyshimtë.

Vendimi i Gjykatës Kushtetuese marrë në fundjave për një çështje kaq të rëndësishme dhe jashtë vëmendjes së mediave, kur dihet se ky ligj ka zënë një hapësirë të madhe diskutimi në media dhe politikën shqiptarë, ka befasuar mazhorancën, e cila është njohur me vendimin nga shtypi ndërkohë që vetë institucioni i Gjykatës Kushtetuese, nuk ka bërë të qartë arsyet zyrtare pse ka vendosur të ktheje këtë ligj.

Gazeta “Sot” ka kontaktuar me disa deputetë të mazhorancës për të marrë një koment në lidhje me vendimin e fundit të Gjykatës Kushtetuese, por të gjithë kanë “ngritur supet”, duke deklaruar se nuk dinë çfarë të thonë pasi me ketë vendim janë njohur thjeshtë nga mediat, të cilat cilësojnë se lajmi është bërë i ditur nga burime, ndërkohe që vetë institucioni Kushtetues nuk ka bërë të qartë dhe publik asnjë vendim konkret.

Për çështje të cilat nuk është shprehur zyrtarisht institucioni përkatës theksojnë deputetët e PD, nuk mund të bëjmë komente. Nënkryetari i Kuvendit dhe deputeti i LSI, Nasip Naço, i cili është edhe anëtar i komisionit të Ligjeve është shprehur se nuk mund të shprehem pa parë arsyetimin e vendimit të marrë nga Gjykata Kushtetuese.

Naço ka theksuar se qëndrimi zyrtar i mazhorancës do të vijë në momentin që ata do të shohin të shkruara, se cilat janë arsyet që Gjykata Kushtetuese ka rrëzuar këtë ligj. Gjithashtu nuk kanë dashur të bëjnë shumë komente rreth rrëzimit të këtij ligji as deputet e tjerë të mazhorancës si Trashani, Noka, Hoti e të tjerë, të cilët ashtu si Naço presin të njihen zyrtarisht me vendimin e Gjykatës Kushtetuese.

Ligji për dosjet ka mëse tre vjet që është objekt diskutimi mes mazhorancës dhe opozitës. Gati tre vjet më parë mazhoranca hodhi për diskutim hartimin draftit, i cili arriti të miratohet vetëm dy vjet më pas dhe të hynte në fuqi tre muaj para zgjedhjeve të 28 qershorit të 2009. Ligji u miratua vetëm me votat e mazhorancës, pasi opozita u shpreh kundër duke e quajtur të pa saktë dhe të pa drejtë mënyrën e hartimit të tij.

Partia Socialiste, Shoqata e Prokurorëve dhe Komiteti Shqiptar i Helsinkit. Socialistët kanë kërkuar që të paktën 28 nene nga ky ligj të shpallen si antikushtetuese. Ata e ankimuan këtë ligj në Gjykatën Kushtetuese. Opozita e konsideronte këtë ligj të egër dhe joevropian, duke akuzuar qeverinë se me ligjin e dosjeve synon të godasë prokurorinë dhe gjykatat.

Ndërkaq, maxhoranca pretendonte se ligji përmbush gjithë parametrat dhe është sipas variantit çek. Ligji i dosjeve hasi edhe në mosmiratimin e heshtur të presidentit Topi, i cili i gjendur në një situatë të vështirë, zgjodhi me maturi abstenimin dhe procedurën e vetëdekretimit të ligjit pa nënshkrimin presidencial.

Natyrisht, heshtja e Presidentit linte të nënkuptueshëm refuzimin dhe mosqenien dakord me të. Ndërkombëtarët po ashtu e kanë kundërshtuar këtë ligj. Kryeministri Berisha nuk mori aprovimin e ambasadoreve të akredituar në vendin tonë. Reporterët e Këshillit evropian nxitën Gjykatën Kushtetuese të Shqipërisë dhe qeverinë, ta dërgojnë ligjin e miratuar të lustracionit në Komisionin e Venecias të KE-së, i cili bllokoi përkohësisht zbatimin e tij.

Komisioni i Venecias, një organizëm i Këshillit të Evropës i përbërë nga ekspertë ligjorë e konsideroi si antikushtetues të ashtuquajturin ligjin e dosjeve të miratuar nga parlamenti shqiptar në fund të vitit të shkuar, i cili parashikonte pengesën për të mos punuar në poste të larta të administratës publike persona që kanë shërbyer në funksione zyrtare gjatë regjimit komunist.

Komisioni kujton se kushtetuta shqiptare përcakton specifikisht rastet dhe procedurat për ndërprerjen e mandatit të presidentit, anëtarëve të gjykatës së lartë dhe të deputetëve. Ndërkohë që ligji i dosjeve i fshin këto garanci që atyre u jep mandati, kanë shpjeguar ekspertët e komisionit të Venecias.

Pas këtij vendimi kryetarja e Kuvendit Jozefina Topalli, është shprehur se të djathtët do të kërkojnë dhe votat e PS, për të miratuar një variant konsensual të ligjit të shumë debatuar të spiunëve.

Megjithatë ky ligj duket se është lënë në heshtje të plotë. Ai erdhi në mënyrë të papritur dhe të shpejt në parlament e u miratua po me të njëjtën shpejtësi para zgjedhjeve parlamentare, ndërsa tashmë nuk ka asnjë plan për shqyrtimin e tij, pasi Gjykata kushtetuese ende nuk ka dhënë një vendim për të.

http://www.sot.com.al/index.php?opti...ticle&id=22182

Citim:

PD denoncon rrëzimin e ligjit “Për pastërtinë e figurës së funksionarëve të lartë”

Mazhoranca deklaron se rrëzimi i ligjit “Për pastërtinë e figurës së funksionarëve të lartë të administratës publike dhe të të zgjedhurve” nga ana e Gjykatës Kushtetuese përbën një veprim krejtësisht të padrejtë dhe një mbështetje ndaj autorëve të krimeve politike gjatë periudhës së ditatutës komuniste në Shqipëri. Partia Demokratike shprehet tejet e indinjuar ndaj vendimit marrë nga trupa e Gjykatës.

Deputetja demokrate Mesila Doda, thekson se megjithëse vendimi shkon në linjë të kundërt me interesin për zbardhjen e krimeve të komunizmit dhe largimin e xhelatëve komunistë, PD-ja do të vazhdojë aksionet e saj politike në funksion të miratimit të këtij ligji. Ajo ka theksuar ditën e djeshme se deputetë të PD-së do të ndërmarrin hapa konkretë duke përgatitur një ligj të ri për lustracionin, njohur ndryshe si “ligji i dosjeve” dhe do t’u kërkohet qytetarëve shqiptarë të shprehen në lidhje me ligjin e vjetër.

“Së bashku me kolegë të tjerë, nuk do të ngurrojmë që të ndërmarrim nismën e një referendumi popullor, në mënyrë që xhelatët të mos qëndrojnë më në pushtet dhe që Shqipëria të ndahet një herë e përgjithmonë nga e kaluara e saj komuniste”, tha deputetja Doda. Po ashtu, ligjvënësja demokrate, duke përcjellë qëndrimin zyrtar të forcës politike që përfaqëson, tha se ligji, i cili u hodh poshtë nga Gjykata Kushtetuese, do të dërgohet në Gjykatën Evropiane për të Drejtat e Njeriut në Strasburg.

“Për të realizuar këtë do të konsiderohen disa opsione. Së pari, paraqitja e një ligji të ri në Parlament për pastërtinë e figurave të shtetit shqiptar. Së dyti, dërgimi i këtij ligji në Gjykatën Evropiane për të Drejtat e Njeriut në Strasburg”, theksoi ajo. Deputetja Doda në qëndrimin e saj ka akuzuar opozitën për presione ndaj Kushtetueses. Sipas saj, të nëntë anëtarët e Gjykatës morën vendimin për të rrëzuar “ligjin e dosjeve”, edhe për shkak të presioneve të shumta nga ana e kryetarit të Partisë Socialiste Edi Rama.

Ligji i lustracionit gjatë procesit të shqyrtimit të tij në Kuvend ka hasur oponencë të fuqishme nga të gjitha partitë në opozitë dhe nga Shoqata e Gjyqtarëve. Shoqata u bë palë me oponentët e këtij ligji në Gjykatën Kushtetuese. Pikërisht nga ky moment, Partia Demokratike mendon se vendimi unanim për të shpallur si antikushtetues ligjin vjen nga një trupë gjykuese tërësisht në konflikt interesi, e cila prekej prej tij.

“Gjykatësit që votuan për abrogimin e ligjit janë po ata, që kanë marrë vendime për vrasje njerëzish të pafajshëm deri në vitin ’89. Janë po ata, mbi të cilët rëndojnë krimet më të rënda kundër njerëzimit në këtë vend”, tha Doda. Ligjvënësja demokrate në këtë deklaratë të saj niset edhe nga fakti se disa prej anëtarëve të Gjykatës Kushtetuese, si kryetari Vladimir Kristo, Fehmi Abdiu dhe Kujtim Puto janë përfolur në shtypin shqiptar si njerëz që preken nga ligji “Për pastërtinë e figurave të zyrtarëve të lartë”.

Ky fakt u përmend edhe nga një letër, që Kryetarja e Kuvendit, Jozefina Topalli, i dërgoi rreth një vit më parë Gjykatës Kushtetuese, duke u kërkuar anëtarëve të Gjykatës që kishin konflikt interesi, sipas përcaktimeve të ligjit për lustracionin, të hiqnin dorë nga gjykimi. Në këtë letër theksohej se anëtarët e Gjykatës Kushtetuese, sipas ligjit, i nënshtrohen procesit të verifikimit.

Ecuria e shqyrtimit të ankimimit të ligjit ka qenë një ndër çështjet për të cilën dy raporterët e Asamblesë Parlamentare të Këshillit të Evropës u interesuan gjatë misionit të tyre për mbledhjen e fakteve në vendin tonë në fillim të nëntorit të kaluar. Britaniku David Uilshire dhe finlandezi Jako Lakso u interesuan për ecurinë e shqyrtimit të ankimimit në Kushtetuese.

Gjatë debateve publike dhe politike në lidhje me këtë ligj, mazhoranca ka theksuar se institucionet shtetërore duhet të pastrohen nga ish-bashkëpunëtorët e shërbimeve sekrete gjatë periudhës së komunizmit. Qëllimi i demokratëve ishte pastrimi kryesisht i organeve të sistemit të drejtësisë nga këta persona.

Ligji, që synon hapjen e dosjeve, u miratua nga Kuvendi vetëm me votat e deputetëve të mazhorancës. Forcat e majta në opozitë kundërshtuan këtë ligj, duke e cilësuar atë antikushtetues. Për këtë arsye, 36 deputetë socialistë iu drejtuan Gjykatës Kushtetuese për të kërkuar pezullimin e zbatimit të këtij ligji. Kërkesa e tyre konsistonte në shpalljen si të papajtueshëm me Kushtetutën të ligjit.

Ligji kundër krimeve të komunizmit

Rrëzimi i ligjit për lustracionin pritet të bëjë të pazbatueshëm dhe një ligj tjetër, që ka të bëjë me ngjarjet e periudhës komuniste, atë “Për krijimin e institutit të studimeve të krimeve dhe pasojave të komunizmit në Shqipëri”. Ligji është dorëzuar që më 14 janar të vitit 2009 në Kuvendin e Shqipërisë, por që burime nga Qeveria shprehen se së shpejti do të rikthehet sërish për ndryshime të mëtejshme.

Ky ligj është i kushtëzuar në miratimin e tij nga ligji për lustracionin të paktën në dy nene. I pari është neni 7, që bën fjalë për emërimin e bordit drejtues, ku në pikën 2 të tij përjashtohen të gjithë personat që preken nga ligji “Për pastërtinë e figurës së funksionarëve të lartë të administratës publike dhe të të zgjedhurve”. Pika tjetër ku ligji bëhet i pazbatueshëm është neni, i cili flet për evidentimin e personave përgjegjës që kanë qenë pjesë e organeve komuniste, por që nuk përjashtohen që të jenë sot në funksione publike, gjykatës, prokurorë apo dhe funksionarë të lartë të shtetit, të cilët sërish i shpëtoi rrëzimi i ligjit të parë.

Ndërkohë burime nga Qeveria shprehen se kjo ka qenë pikërisht arsyeja që drejtoria juridike pranë Këshillit të Ministrave, po përgatitet të tërheqë ligjin në fjalë. Nga ana tjetër, duke pasur parasysh që viti 2009 ishte dhe një vit elektoral, të djathtët kanë evituar diskutimin e tij për të mos pasur ngarkesë negative përpara fushatës. E djathta u mjaftua me diskutimi për ligjin e lustracionit, i cili hapi goxha debate.

Nga ana tjetër, si nga ana e Kuvendit, ashtu dhe nga ana e Qeverisë, nuk dinë të japin një përgjigje se çfarë do të bëhet me dënimin e krimeve të komunizmit, pasi ngritja e institutit kishte si qëllim pikërisht evidentimin e krimeve të tij. Duhet theksuar se Shqipëria është vendi i fundit në Evropën lindore, që nuk ka dënuar masakrat e kryera nga regjimi i kaluar, dhe duket se dhe për një periudhë relativisht të gjatë kohe nuk ka për t’u ndezur drita jeshile për këtë çështje.

Para së gjithash, sepse evidentimi dhe studimi i krimeve të komunizmit do të kërkojë një periudhë të gjatë kohe, pasi puna nuk do të bazohet vetëm në shqyrtimin e dokumenteve, por dhe në mbledhjen e dëshmive etj.

Gjykata Kushtetuese fsheh vendimin për dosjet

Ndonëse kanë kaluar mbi dy muaj nga vendimi që trupa e gjyqtarëve në Gjykatën Kushtetuese kanë marrë vendimin ndaj kërkesës ankimore të Partisë Socialiste për ligjin e lustracionit, ky institucion nuk e ka publikuar zyrtarisht vendimin në faqen e vet zyrtare, duke e fshehur atë.

Janë pikërisht këto institucione bazë të funksionimit të shtetit të së drejtës, që vënë theksin tek transparenca, si një nga parimet themelore të demokracisë, por janë ato të parët që nuk e respektojnë këtë parim. Burime zyrtare nga Gjykata Kushtetuese konfirmojnë vendimin e Kushtetueses, por justifikojnë mospublikimin e vendimit me moszbardhjen e arsyetimeve të detajuara që secilin anëtar e ka çuar në këtë vendimmarrje.

Nën arsyetimin se kjo tashmë është një procedurë e institucionit, ky standard nuk përdoret për të gjitha rastet e vendimeve. Jo më larg se disa ditë më parë Gjykata Kushtetuese nuk e respektoi procedurën në fjalë kur publikoi zyrtarisht vendimin e marrë prej saj ndaj një tjetër ankese të socialistëve, siç ishte ajo për marrëveshjen me Greqinë për kufijtë detarë. Vetëm pak orë pas vendimmarrjes, zyrtarisht Kushtetuesja njoftoi vendimin të shoqëruar me sqarimin se “vendimi i arsyetuar i kësaj Gjykate do të vihet në dispozicion në një kohë tjetër të përshtatshme”.

Letra e Topallit

Rreth një vit më parë, më 13 shkurt 2009, Kryetarja e Kuvendit, Jozefina Topalli, përmes një letre i ka paraqitur Gjykatës Kushtetuese të gjitha komentet e saj rreth një gjykimi kushtetues të ligjit të lustracionit, në përputhje me parimet kushtetuese të një procesi të rregullt ligjor, si dhe parimet e gjithëpranuara të së drejtës. “Ligji kërkon shprehimisht respektimin rigoroz të paanësisë dhe mungesën e çdo konflikti të interesit edhe të anëtarëve të trupës gjyqësore, që shqyrton këtë ligj”, theksohej në letrën e Topallit.

Konflikti i interesit

Në muajin maj të vitit të shkuar, Gjykata Kushtetuese rrëzoi kërkesën për konflikt interesi të saj me ligjin e lustracionit. Gjyqtarët me tetë vota pro dhe asnjë kundër e vlerësuan antikushtetuese kërkesën e përfaqësuesit të Qeverisë, zëvendësministrit të Drejtësisë Viktor Guma, për të larguar nga gjykimi i kësaj çështjeje katër nga gjyqtarët e saj. Sipas Gumit, kryetari i Kushtetueses, Vladimir Kristo dhe anëtarët Fehmi Abdiu, Kujtim Puto dhe Petrit Plloçi s’duhet të gjykojnë kërkesën e socialistëve, pasi kanë konflikt interesi.

Komisioni i Venecias

Komisioni i Venecias në përgjigjen ndaj kërkesës së Gjykatës Kushtetuese për ligjin e lustracionit, e ka vlerësuar atë antikushtetuese. Kushtetuesja iu drejtua këtij institucioni me një letër, ku i kërkoi sugjerim rreth kërkesës së deputetëve që kërkonin rrëzimin si antikushtetues të ligjit për pastërtinë e figurës të funksionarëve të lartë. Ndërsa Kryeparlamentarja Topalli, gjatë prononcimi për mediat në tetor të 2009-ës, tha se institucioni që ajo kryeson do të respektojë vërejtjet e komisionit të Venecias për këtë ligj.

http://www.gazetametropol.com/tekst.php?idt=63940

Citim:

Ish–të përndjekurit: “Lustracioni”, Kushtetuesja në konflikt interesi

Ish-të përndjekurit politikë e cilësojnë absurd vendimin e dhënë nga Gjykata Kushtetuese lidhur me ligjin për pastërtinë e figurës së zyrtarëve të lartë, i hedhur poshtë me votë unanime nga ky institucion dy ditë më parë.

Përfaqësues të shoqatave të tyre, sqarojnë se marrja e një vendimi të tillë ndaj zbardhjes së krimeve të komunizmit nga kjo gjykatë nuk përbënte aspak risi. Dhe argumentin e tyre ish-të burgosurit politikë e bazojnë në konfliktin e interesit që sipas tyre trupa gjyqësore kishte për marrjen e një vendimi ndaj ligjit.

“E prisnim këtë vendim që në gjykatë, ku 6 nga anëtarët e saj kanë konflikt interesi dhe kanë dhënë vendime deri me vdekje për të pafajshëm gjatë sistemit totalitar, siç është dhe rasti i Fehmi Abdiut, i cili urdhëroi varjen e poetit Havzi Nela”- thuhet në deklaratën për shtyp të të përndjekurve të ish regjimit komunist.

Ish–të përndjekurit shprehen të vendosur për të kërkuar deri në fund zbatimin e këtij ligji që sipas tyre e rendit Shqipërinë ndër të vetmit vende ish-komuniste ku ende nuk janë zbardhur krimet e bëra gjatë 50 viteve të diktaturës.

Sipas tyre ky ligj nuk synonte as të shëronte plagët e vjetra dhe aq më tepër hakmarrjen ndaj funksionarëve të lartë që ende dhe sot shprehen ata, janë në poste drejtuese, por nëpërmjet tij synohet që vendi të ndahet nga e kaluara e errët totalitare.

Vendimi i marrë nga Gjykata Kushtetuese për Ligjin e pastërtisë së figurës së zyrtarëve të lartë, u mor pas ankesave që Partia Socialste, Komiteti Shqiptar i Helsnkit dhe Shoqata e Prokurorëve bënë pranë këtij institucioni.

http://www.botasot.info/def.php?category=6&id=45828

18.2.2010, 03:13

Citim:

Ish–të përndjekurit protestojnë para Kushtetueses: Të ikë Abdiu

Ashtu siç ishte paralajmëruar, shoqatat e ish–të përndjekurve politikë, protestuan përballë godinës së Gjykatës Kushtetuese dukë kërkuar njëzëri largimin e njërit prej anëtarëve të këtij institucioni, Femi Abdiut.

Dhjetra përfaqësues dhe anëtarë të këtyre shoqatave, kërkuan edhe njëherë hapjen e dosjeve të ish–persekutorëve të tyre dhe miratimin e ligjit të lustracionit, duke hedhur sërish akuza ndaj disa prej anëtarëve të Gjykatës Kushtetuese.

Protesta e ish-të përndjekurve vjen pak ditë pasi në malin e Dajtit u gjenden 19 skelete të personave të ekzekutuar gjatë regjimit komunist. Protestuesit thanë se do ta përshkallëzojnë protestën përpara Gjykatës Kushtetuese, për të kërkuar pastrimin e administratës nga persona që kanë kryer krime dhe persekutime politike.

http://www.tvklan.tv/lajmi.php?id=9374

24.3.2010, 10:23

Citim:

Kushtetuesja, zbardh farsën e turpit të krimeve të Abdiut

Gjykata Kushtetuese zbardhi dje vendimin e turpshëm prej 41 faqesh dhe 114 argumentesh për rrëzimin e ligjit të Lustracionit. Me këtë vendim të paprecedentë Fehmi Avdiu dhe anëtarët e tjerë të Kushtetueses shpërfillën nenin 3 dhe 4 të ligjit të Lustracionit, që i bënte ata subjekt të verifikimit.

Kushtetuesja ishte angazhuar totalisht për ta bllokuar këtë ligj me të vetmen arsye se ky ligj do të nxirrte në shesh të palarat e Avdive të Gjykatës Kushtetuese. Gjykatësit që votuan për rrëzimin e ligjit janë po ata që kanë marrë vendime për vrasje njerëzish të pafajshëm deri në vitin 1989.

Pas këtij vendimi, Shqipëria mbetet i vetmi vend në Europë, i cili nuk është ndarë ende nga krimet barbare të diktaturës komuniste dhe nuk ka hapur dosjet e bashkëpunëtorëve të Sigurimit të Shtetit.

Që në nisje të gjykimit për ligjin e Lustracionit, mbrojtësit e këtij ligji kërkuan largimin e katër anëtarëve të Gjykatës Kushtetuese, për shkak të konfliktit të interesit që ata kishin me këtë çështje dhe detyrës që kanë pasur para viteve '90.

Përfaqësuesi i qeverisë në atë kohë, Viktor Gumi kërkoi largimin nga gjykimi i çështjes të Vladimir Kristos, Fehmi Abdiut, Kujtim Putos dhe Petrit Plloçit, sepse ishin objekt shqyrtimi i nenit 3 dhe 4 të ligjit të Lustracionit.

Gumi theksoi atëherë se disa gjyqtarë të Kushtetueses kanë dhënë dënime politike në pozicionin e prokurorit dhe gjyqtarit politik gjatë regjimit komunist. Largimin e katër anëtarëve të Gjykatës Kushtetuese e kërkuan edhe shoqatat e ish-të përndjekurve politikë.

Ligji, i cili mori votat e Kuvendit, kishte si qëllim kontrollin e pastërtisë së figurës të çdo funksionari publik të zgjedhur apo të emëruar, lidhur me pjesëmarrjen e tyre në strukturat politikëbërëse dhe zbatuese të dhunës së diktaturës, si edhe në strukturat e Sigurimit të Shtetit për periudhën 29 nëntor 1944 deri në 8 dhjetor 1990.

Një vit më parë, Partia Socialiste në mbrojtje të rrethit familjar të Ramës, paditi në këtë gjykatë ligjin, i cili kërkonte hapjen e dosjeve të kohës së komunizmit për një kategori të gjerë ish-funksionarësh shtetërorë.

Edi Rama, i cili ka bërë ankesën pranë Gjykatës Kushtetuese, ka vepruar në konflikt të plotë dhe flagrant interesi, sepse janë me dhjetëra e dhjetëra dosje, të cilat kanë firmën e njerëzve të tij më të afërt për ekzekutimin e qytetarëve shqiptarë.

Objekti i këtij ligji ishte përcaktimi i subjekteve dhe funksioneve të larta shtetërore, të cilat janë të papajtueshme me veprimtarinë publike të zyrtarit për shkak të qenies si drejtues, anëtar ose bashkëpunëtor në strukturat politikëbërëse dhe zbatuese të dhunës së diktaturës apo Sigurimit të Shtetit për periudhën 29 nëntor 1944 deri më 8 dhjetor 1990.

Ligji parashikon që procesi i lustrimit të jetë transparent dhe garantues, për pjesëmarrësit dhe publikun. Ligji i rrëzuar nga Gjykata Kushtetuese i jepte të drejtë çdo shtetasi të inspektonte dosjen personale dhe të gjente deri në çfarë mase Sigurimi i Shtetit ka ndërhyrë dhe ka ndikuar në jetën e tij.

Por, individët që inspektojnë dosjet e tyre nuk kanë të drejtë të kërkojnë informacion për personat që janë në dosjen e tij. Pra, për çdo dosje do të ruhet konfidencialiteti.

http://www.rilindjademokratike.com/R...s/politika.htm

Citim:

Ish-të përndjekurit: Dosjet, Gjykata Kushtetuese ishte në konflikt të pastër interesi

Pas rrëzimit të ligjit "Për pastërtinë e figurës" nga Gjykata Kushtetuese, ish-të përndjekurit politikë, "morën një dënim të dytë" nga Fehmi Avdiu. Ish-të përndjekurit politikë theksuan se Gjykata Kushtetuese ishte në konflikt të pastër interesi në momentin që ky ligj shqyrtohej.

Përfaqësues të shoqatave të ish-të përndjekurve, e cilësuan marrjen e një vendimi të tillë ndaj zbardhjes së krimeve të komunizmit nga kjo gjykatë të pritshëm, pasi Fehmi Avdiu nuk mund të dënonte vetveten. Argumentin e tyre ish-të burgosurit politikë e bazojnë në konfliktin e interesit që trupa gjyqësore kishte për marrjen e një vendimi ndaj ligjit.

Drejtori i Institutit të ish-të Përndjekurve Politikë, Simon Mirakaj e cilësoi aso kohe anormale rrëzimin e ligjit të Lustracionit nga Gjykata Kushtetuese. Ai do të theksonte se, anormale ishte vetë momenti i ankimimit të këtij ligji nga Partia Socialiste në Gjykatën Kushtetuese. Mirakaj do të deklaronte se vendimi i Gjykatës Kushtetuese ishte një çertifikim i dënimeve që kanë dhënë një pjesë e anëtarëve të kësaj gjykate në kohën e diktaturës.

Kryetari i Shoqatës të Intelektualëve të ish-të Përndjekurve, Agim Musta do të theksonte se, "vendimi i gjykatës nuk ka shpjegim tjetër, veçse një pjesë e atyre zotërinjve të Gjykatës Kushtetuese janë nostalgjikë të atij regjimi të kaluar dhe nuk duan t'i heqin petat lakrorit. Gykatësit e Kushtetueses janë elementë të inkriminuar dhe nuk duhet të jenë në ato poste që kanë sot".

Ndërkohë, Skënder Qendro, kryetar i Shoqatës Antikomuniste të ish-të Përndjekurve Politikë Demokratë të Shqipërisë, theksoi se, "e prisnim këtë vendim që në gjykatë, ku 6 nga anëtarët e saj kanë konflikt interesi dhe kanë dhënë vendime deri me vdekje për të pafajshëm gjatë sistemit totalitar, siç është dhe rasti i Fehmi Abdiut, i cili urdhëroi varjen e poetit Havzi Nela".

Ish-të përndjekurit shprehen të vendosur për të kërkuar deri në fund zbatimin e këtij ligji, që sipas tyre, e rendit Shqipërinë ndër të vetmit vende ish-komuniste ku ende nuk janë zbardhur krimet e bëra gjatë 50 viteve të diktaturës.

Sipas tyre, ky ligj nuk synonte as të shëronte plagët e vjetra dhe aq më tepër hakmarrjen ndaj funksionarëve të lartë që ende dhe sot, shprehen ata, janë në poste drejtuese, por nëpërmjet tij synohet që vendi të ndahet nga e kaluara e errët totalitare.

Vendimi nga Gjykata Kushtetuese për ligjin e pastërtisë së figurës së zyrtarëve të lartë, u mor pas ankesave që Partia Socialiste, Komiteti Shqiptar i Helsinkit dhe Shoqata e Prokurorëve bënë pranë këtij institucioni.

Nenet që përfshijnë Fehmi Avdiun në konflikt interesi

Neni 3
Subjektet e Verifikimit

- Presidenti i Republikës së Shqipërisë.
- Deputetët e Kuvendit të Shqipërisë.
- Anëtarët e Këshillit të Ministrave, zëvendësministrat, funksionarët politikë, sekretarët e Përgjithshëm, drejtorët e Përgjithshëm dhe drejtorët e Drejtorive të Dikastereve, si dhe të barazuarit me ta në institucione të tjera shtetërore, qëndrore ose të pavarura.
- Anëtarët e KLD-së, si dhe gjyqtarët e prokurorët pranë Gjykatave dhe Prokurorive të të gjitha niveleve.
- Funksionarë të lartë të Presidencës, të administratës së Kuvendit, të Këshillit të Lartë të Drejtësisë, të Gjykatës së Lartë, të Gjykatës Kushtetuese, të Prokurorisë së Përgjithshme, sipas rangjeve të caktuara në germën C.
- Guvernatorë, zëvendësguvenatorë dhe drejtorët e Bankës së Shqipërisë.
- Funksionarë në Forcat e Armatosura të Republikës së Shqipërisë, në Shtabin e përgjithshëm të Ushtrisë, si dhe oficerët me gradë "Gjeneral" dhe "Kolonel".
- Prefektët, kryetarët e Këshillave të Qarkut si dhe kryetarët e Bashkive dhe të Komunave.
- Në Shërbimin Informativ Shtetëror (SHISH), në Shërbimin Informativ Ushtarak (SHIU) dhe në çdo shërbim tjetër inteligjent.
- Në Gardën e Republikës.
- Drejtues të Policisë së Shtetit në nivel qarku dhe komisariati.
- Drejtues të Përfaqësive Diplomatike.
- Rektorë dhe zëvendësrektorë të universiteteve publike.
- Çdo person tjetër i dekretuar nga Presidenti i Republikës apo i zgjedhur nga Kuvendi.
- Anëtarët e Akademisë së Shkencave.

Neni 4

Pastërtia e figurës morale të funksionarit publik, të përcaktuar në Nenin 3 të këtij ligji, është e papajtueshme me mbajtjen prej tij, gjatë periudhës 29 nëntor 1944 deri më 8 dhjetor 1990, të një prej detyrave/cilësive të mëposhtme:

- Anëtar ose kandidat i Byrosë Politike, anëtar i Komitetit Qendror të PPSH-së, me përjashtim të rasteve kur ka vepruar kundër vijës zyrtare apo është larguar vetë në mënyrë publike.
- Kryetar i Gjykatës së Lartë, Prokuror i Përgjithshëm.
- Ministër, zëvendësministër i Punëve të Brendshme dhe çdo punonjës i organeve të Sigurimit të Shtetit.
- I dënuar me vendim penal të formës së prerë për krime kundër njerëzimit ose për vepra penale të shpifjes, të kallëzimit të rremë ose dëshmisë së rreme në procese politike.
- Bashkëpunëtor i organeve të Sigurimit të Shtetit me veprimtari të karakterit politik që lidhen me veprat penale politike të parashikuara nga Ligji nr. 7514, datë 30.09.1991, "Për pafajësinë, amnistinë dhe rehabilitimin e ish-të dënuarve dhe të përndjekurve politikë" (të ndryshuar), apo bashkëpunëtor vullnetar për vepra të tilla.
- Anëtar i Komitetit Qendor të Dëbim-Internimeve.
- Hetues, prokuror apo ndihmësprokuror, gjyqtar apo ndimësgjyqtar në procese politike.
- Denoncues apo dëshmitar i akuzës në proceset gjyqësore politike.

http://www.rilindjademokratike.com/R...s/politika.htm

19.4.2010, 18:35

Citim:

Një ligji të ri për 'lustracionin'

Tiranë, 19 prill 2010 Ministri i Drejtësisë, Bujar Nishani paralajmëroi dje hartimin e një ligji të ri për 'lustracionin'.

Në një prononcim për mediat, ai bëri të ditur se institucioni që ai drejton, shumë shpejt do të vihet në lëvizje për të hartuar një nismë ligjore lidhur me pastërtinë e figurës së zyrtarëve të lartë.

Sipas Nishanit, vendimi i Gjykatës Kushtetuese për të rrëzuar ligjin e dosjeve është marrë në konflikt të hapur interesi. Ministri i Drejtësisë konfirmoi se maxhoranca shumë shpejt do të japë sinjalin se ky dikaster do të rinisë punën me ligjin e dosjeve, të rrëzuar me pa të drejtë sipas tij, nga Kushtetuesja.

"Ne jemi të bindur edhe për një sërë faktesh të renditura edhe publikisht, që vendimi për rrëzimin e ligjit të pastërtisë së figurave ka qenë në konflikt të drejtpërdrejtë interesi nga një pjesë e konsiderueshme e anëtarëve të Gjykatës Kushtetuese. Pa dyshim që Ministria e Drejtësisë do të vihet në lëvizje menjëherë pas shprehjes së vullnetit të maxhorancës parlamentare", tha Nishani.

http://www.kosova.com/artikulli/61208

8.5.2009, 00:39	#21
Anëtarësuar: 5.2008	Qeveria merr mbështetjen çeke për ligjin e dosjeve Qeveria shq/perëndimore shprehet e bindur në vendimin e saj për hapjen e dosjeve me gjithë kundërshtimet e opozitës. Sipas ministrit të Drejtësisë, një proces i tillë është në dinjitetin e shoqërisë që pretendon të bëhet pjesë e demokracisë evropiane, që të mos hyjë në BE me hipokrizi duke mohuar çfarë ka ndodhur për 50 vjet. “Unë besoj se vendi juaj do të ecë përpara me reformat dhe është shumë e rëndësishme që “Ligji i Lustracionit” të kalojë provën e tij në Gjykatën Kushtetuese. Sipas eksperiencës sonë, ky ligj nuk ndëshkon, por parandalon administratën të bjerë pre e shantazheve, që askush të mos i drejtojë askujt gishtin për ato që ka bërë në të shkuarën. Në fund të fundit ky ligj është i domosdoshëm për Shqipërinë, ashtu siç ishte edhe për vendin tonë, ku edhe pas rishikimit nga Komisioni i Venecias, më në fund të gjithë ranë dakord për rëndësinë e tij”, është shprehur dhe ministri çek, Cyril Svoboda, gjatë takimit me homologun shqiptar. http://www.sot.com.al/index.php?opti...ticle&id=10188

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Mbi ligjin për pastërtinë e figurës (hapja e dosjeve të komunizmit)

Qeveria merr mbështetjen çeke për ligjin e dosjeve