Fatmir Haxhiu (piktura heroike)

Cjapi · 4.12.2006, 13:08

Emri: 7.jpg
Shikimet: 550
Madhësia: 105,4 KB

Me shpatë në dorë – 1978 – në vaj

Përmasat: 550x450cm

Citim:

Thënë nga F.H.

Kjo është një tablo shumë e madhe, për nga përmasa, por edhe nga përmbajtja, për arsyen sepse në këtë vepër kam dashur të përgjithësoj luftrat 25-vjeçare që kryetrimi ka kryer kundër turqve, në të gjitha fitimtar. Kam bërë shumë studime për të njohur anatominë e kuajve në lëvizje, për veshjet dhe armatimet e turqve e të shqiptarëve si dhe shumë variante të zgjidhjeve kompozicionale.

Vepra u realizua brenda 6 muajve dhe u ekspozua në ekspozitën kombëtare të organizuar në vitin 1978, me rastin e 500-vjetorit të vdekjes së Kastriotit.

Citim:

Shënim: Për shumë vite ka qenë e ekspozuar në sallën e qeverisë në kryeministri, por për arsye politike e diplomatike në marrëdhëniet me shtetin turk, (për herë të parë mbas dhjetra vjetësh vinte në Shqipëri një delegacion qeveritar turk) vepra u hoq dhe gjatë çmontimit, duke mos llogaritur peshën e saj ra në dyshemenë e sallës duke u dëmtuar shumë. Tani ndodhet në fondin e Galerisë Kombëtare të Arteve në pamundësi ekspozimi për shkak të përmasës së madhe si dhe të dëmtimit të saj fizik. Një nga dëshirat e mëdha të piktorit ishte që atij t’i krijohej mundësia ta restauronte vetë këtë vepër, për të bërë që ajo të mbijetojë, por nuk ia arriti dot diçkaje të tillë.

Cjapi · 6.12.2006, 22:28

Emri: 9.jpg
Shikimet: 522
Madhësia: 98,5 KB

Tokë e zhuritur – 1985 – në vaj

Përmasat: 300x200cm

Citim:

Thënë nga F.H.

Në këtë vepër kam dashur të përgjithësoj luftrat e vazhdueshme të malësorëve në mbrojtje të trojeve të tyre kundër sulmeve të shovinizmit serb e malazez. Mu desh të njihem më mirë me historinë e kësaj periudhe. Jam frymëzuar drejtpërdrejt nga terreni i atyre anëve prandaj shkova në Tropojë, Tamarë e në zonën e Salcës ku mblodha materiale të mjaftueshme për veprën.

Tablosë i kam dhënë një zgjidhje vertikale në një terren të thyer (sipas përshkrimit e tregimeve të vendasve), duke vënë përballë dy forca të kundërta, malësorët shqiptarë në pritje, që luftojnë me heroizëm ndërsa serbët gjithashtu agresivë, por të zënë në befasi dhe pa shpresë shpëtimi. Beteja është zhvilluar në zonën malore të vendit.

Tabloja për mendimin tim është e fuqishme, e vërtetë, por edhe natyra është konkrete nga vendi. Unë jam përpjekur që t’i jap dinamikë me anën e peizazhit edhe elementëve plotësues siç janë p.sh. drita, kontrasti grafik dhe dinamika. Është botuar në fletë të veçanta, por edhe në kalendarë vjetorë në Maqedoni.

Cjapi · 6.12.2006, 22:29

Emri: Beteja e Kaqanikut.jpg
Shikimet: 505
Madhësia: 66,5 KB

Beteja e Kaçanikut – 1997 – në vaj

Përmasat: 150x200cm

Citim:

Thënë nga F.H.

Edhe në realizimin e kësaj tabloje kompozicionale jam frymëzuar nga heroizmi i forcave shqiptare kryengritëse antiosmane të krahinave të Kosovës gjatë luftimeve të ashpra të zhvilluara në Grykën e Kaçanikut në prill të vitit 1910. (Në këtë betejë forcat e ushtrisë osmane ishin katër herë më të mëdha se forcat kryengritëse shqiptare). Beteja vazhdoi me luftime të ashpra për dy ditë rresht duke kaluar deri në përleshje trup me trup. Humbjet ishin shumë të mëdha për të dyja palët, aq sa bashkëkohësit, Grykën e Kaçanikut, e kanë quajtur “Termopilet shqiptare”.

Cjapi · 8.12.2006, 21:00

Emri: beteja-e-albulenes.jpg
Shikimet: 479
Madhësia: 40,5 KB

Beteja e Albulenës – 1970 – në vaj

Përmasat 150x300cm

Citim:

Me rrënjë nga epika shqiptare me Kastriotin në krye, piktori realizoi një vepër që për nga dimensioni artistik i kishte thyer caqet e deriatëhershme të artit piktural shqiptar. Këtu merret si trajtim një nga betejat më të lavdishme të ushtrisë shqiptare kundër ushtrisë osmane, beteja e Albulenës, e cila si vepër artistike i ka të gjitha premisat e një pikture historike, ku pasqyrohet një akt sulmimi, një dramatikë ngadhënjyese e Kastriotit dhe e ushtarëve të tij.

Beteja u zhvillua më 2 shtator 1457 në fushën e Albulenës pranë lumit Mat, në perëndim te malit të Tushemishtit. Kastrioti përdori një strategji të re, e ndau ushtrinë në tri pjesë. Pjesën e parë të ushtrisë e komandonte vetë, të dytën Pjetër Emanueli, kurse të tretën Gjon Stres Balsha. Ushtria armike u godit nga të gjitha anët dhe u dërmua tërësisht. Në këtë betejë të furishme dhe të organizuar mirë, lavdia e Kastriotit kaloi kufijtë e Arbërisë drejt Evropës.

Rexhep Goçi, “Gjergj Kastrioti Skënderbeu në artet figurative”, Prishtinë 1998

Cjapi · 8.12.2006, 21:01

Emri: beteja-e-bardhetit.jpg
Shikimet: 475
Madhësia: 66,3 KB

Beteja e Bardhetit – 1979 – në vaj

Përmasat: 110x150cm

Citim:

Thënë nga F.H.

Beteja e Bardhetit është një betejë kundër turqve. Kjo ka ndodhur në vitin 1878, kur ushtria otomane kërkonte të kalonte në zonën e Malësisë së Madhe. Pengesë kryesore u bënë këtu luftëtarët e Malësisë së Madhe, të cilët zunë pritë pikërisht në lumin e Bardhetit.

Në këtë vepër kompozicionale dua të tregoj qëndresën e luftëtarëve malësorë shqiptarë kundër turqve. Turqit nuk mundën të kalonin dy o tri herë radhazi, gjë që e arritën më në fund me anën e tradhtisë. Një mbrojtje e madhe ka qenë këtu edhe vetë natyra shkëmbore. Peizazhi është konkret: vendi konkret ku janë zhvilluar luftimet. Personazhet janë marrë nga jeta. Gjithashtu jam përpjekur të pasqyroj veshjet e kohës si dhe armatimin e kohës. Për mendimin tim është një kompozim dinamik me pak elementë e sidomos me komponentin kryesor që është natyra.

Cjapi · 8.12.2006, 21:01

Emri: bashkimi-i-principatave.jpg
Shikimet: 468
Madhësia: 44,2 KB

Bashkimi i principatave shqiptare – 1982 – afresk

Përmasat: 300x800cm

Citim:

Thënë nga F.H.

Afresku i parë i realizuar pas shekullit të XIII në vendin tonë dhe me përmasa të tilla fizike e përmbajtjeje. Kam patur vetëm njohuri teorike, bile kam dhënë edhe mësim në Institutin e Lartë të Arteve në vitin e tretë e të katërt të ateliesë monumentale, por pa praktikë. Kërkova të njihem profesionalisht me teknikën, por nuk m’u dha mundësia. Me kurajë pranova ta marr përsipër. Me këmbëngulje punova një vit e gjysmë praktikë në mur të lëvizshëm me përmasa afërsisht sa realja, më tepër për të krijuar lidhjet midis figurave e për të fituar shprehi teknike. Pasi u miratua boceti nga komisioni munda ta realizoj veprën brenda 40 ditësh. Është e pabesueshme, por e vërtetë dhe kjo për arsyen e shpjegueshme se duke mos patur njohuritë e mjaftueshme, kisha guxim të pafrenuar që edhe sot kur e kujtoj më tmerron. Vepra është pëlqyer për zgjidhjen monumentale, vizatimin e saktë, shtjellimin kompozicional dhe freskinë që ka si trajtim artistik. Unë si autor do të dëshiroja që të ishte më potente në kolorit.

Citim:

Në afresk është bërë një punë e madhe këmbëngulëse jo vetëm për sa i përket kostumeve të krahinave të ndryshme të vendit tonë, këtu gjen kostume të jugut, gjen kostume të veriut, kostume të Shqipërisë së thellë malore, njëkohësisht gjen edhe të bregdetit. Po janë edhe pajisjet luftarake, janë mburojat, janë heshtat d.m.th. është bërë një punë e madhe studimore për arsyen se materiali dokumentar ka qenë i pakët, aq më tepër në një afresk të tillë kaq specifik, qoftë edhe parzmoret, qoftë edhe brezat e mesit qoftë edhe shpatat ose ato millet e shpatave, janë të gjitha elementë që kanë kërkuar një punë të madhe studimore, një punë të madhe gërmuese, hulumtuese.

Pedro Kokushta , Piktor i Merituar, 19 prill 1995

Cjapi · 8.12.2006, 21:04

Emri: skenderbeu-me-luftetaret.jpg
Shikimet: 612
Madhësia: 61,4 KB

Skënderbeu me dy luftëtarët - - në vaj

Cjapi · 8.12.2006, 21:06

Emri: vallja-e-fitores.jpg
Shikimet: 700
Madhësia: 70,7 KB

Vallja e fitores - 1999 - në vaj

Përmasat: 100x150cm

Citim:

Thënë nga F.H.

Në këtë kompozim kam dashur të paraqes një nga vallet-epike popullore tradicionale ku luftëtarët shqiptarë shprehin gëzimin e fitores.

Cjapi · 8.12.2006, 21:09

Emri: f-haxhiu.jpg
Shikimet: 448
Madhësia: 7,3 KB

Fatmir Haxhiu, 28 dhjetor 1927, Gjirokastër, Shqipëri. Rrjedh nga një familje e mesme qytetare patriotike nga qyteti i Përmetit. Në vitin 1930 familja e tij u vendos me banim në qytetin e Tiranës, ku kaloi gjithë jetën deri në ditët e fundit më 10 Mars 2001.

Sot punimet e tij gjenden kudo brënda dhe jashtë vendit. Ato janë ekspozuar apo janë pronë e Galerisë Kombëtare të Arteve, Muzeut Historik Kombëtar, Muzeut Historik të qytetit të Tropojës, Burrelit, Vlorës, Përmetit, si dhe në institucione të tjera social-kulturore. Gjithashtu shtrirja e punimeve jashtë atdheut është e gjerë dhe e admirueshme. Punimet ndodhen në koleksionet private të artdashësve në Itali, Francë, Spanjë, Austri, Greqi, Japoni, Kinë, Rusi, Amerikë, Zvicër, Hungari, Turqi, Jugosllavi, Australi, etj.

Me iniciativën e tij, prej datës 17 Tetor deri më 27 të vitit 2000 bëri një vizitë në krahinën e Kosovës, në Prishtinë e Pejë, ku u takua me punonjës të Galerisë së Arteve, me studentët dhe pedagogët e Fakultetit të Arteve, me punonjësit e Muzeut Historik, Muzeut Etnografik si dhe me personalitete të Ushtrisë Çlirimtare të Kosovës.

Në këtë mënyrë ai tentoi të njihet më afër e më thellë me betejat dhe heroizmat që janë zhvilluar në tërësi me dramën kosovare. Nga kjo njohje ai do angazhohej të realizonte disa vepra arti të karakterit monumental si "Beteja e Llapit", "Heroizmi i Adem Jasharit", "Masakrat", "Gjenocidi ose Shpërngulja", "Beteja e Fushë-Kosovës".

Që nga data 10 Mars 2001, në kavaletin e tij të punës ka mbetur zgjidhja kompozicionale në bardhë e zi, e punimit të tij të fundit që ishte një porosi e marrë nga Muzeu Historik i Kosovës. Edhe ky është një kompozim monumental, me shumë figura, i titulluar nga autori "Beteja e Fushë-Kosovës", 250x600cm.

http://www.haxhiu.net/

49572 · 9.12.2006, 16:16

Emri: vrana-konti-me-trimat.jpg
Shikimet: 451
Madhësia: 44,5 KB

Vrana Konti me trimat – 1983 – afresk

Përmasat: 110x300cm

Citim:

Porosi për Akademinë Ushtarake, realizuar në mur të aplikuar me të njëjtën teknikë si të afreskut të madh të Muzeut Kombëtar historik, me të njëjtin koncept dhe stil në trajtim. Frymëzimi është bërë si vazhdim i idesë së bashkimit të principatave shqiptare. Edhe kjo vepër shquhet për vizatim të përpiktë, plastik, të tipave me karakteristika të dallueshme shqiptare. Këtu, epoka e lavdishme e Skënderbeut pasqyrohet edhe më bindshëm ose, të themi më mirë, stoliset edhe me një krah të trimërise kombëtare, me krahun e bashkëluftëtarëve të tij, konkretisht me Vrana Kontin. Piktori si krijues i pjekur, këtë temë historike e ka realizuar me dashuri dhe përkushtim,duke u bazuar në shprehjen reale, duke u mbështetur në idealet e renesancës dhe në “ngjyrimet” e artit klasik.

Rexhep Goçi, “Gjergj Kastrioti Skënderbeu në artet figurative”, Prishtinë 1998.

8.12.2006, 21:04	#7
Cjapi insanity made flesh Anëtarësuar: 7.2006	Skënderbeu me dy luftëtarët Skënderbeu me dy luftëtarët - - në vaj

8.12.2006, 21:09	#9
Cjapi insanity made flesh Anëtarësuar: 7.2006	Fatmir Haxhiu Fatmir Haxhiu, 28 dhjetor 1927, Gjirokastër, Shqipëri. Rrjedh nga një familje e mesme qytetare patriotike nga qyteti i Përmetit. Në vitin 1930 familja e tij u vendos me banim në qytetin e Tiranës, ku kaloi gjithë jetën deri në ditët e fundit më 10 Mars 2001. Sot punimet e tij gjenden kudo brënda dhe jashtë vendit. Ato janë ekspozuar apo janë pronë e Galerisë Kombëtare të Arteve, Muzeut Historik Kombëtar, Muzeut Historik të qytetit të Tropojës, Burrelit, Vlorës, Përmetit, si dhe në institucione të tjera social-kulturore. Gjithashtu shtrirja e punimeve jashtë atdheut është e gjerë dhe e admirueshme. Punimet ndodhen në koleksionet private të artdashësve në Itali, Francë, Spanjë, Austri, Greqi, Japoni, Kinë, Rusi, Amerikë, Zvicër, Hungari, Turqi, Jugosllavi, Australi, etj. Me iniciativën e tij, prej datës 17 Tetor deri më 27 të vitit 2000 bëri një vizitë në krahinën e Kosovës, në Prishtinë e Pejë, ku u takua me punonjës të Galerisë së Arteve, me studentët dhe pedagogët e Fakultetit të Arteve, me punonjësit e Muzeut Historik, Muzeut Etnografik si dhe me personalitete të Ushtrisë Çlirimtare të Kosovës. Në këtë mënyrë ai tentoi të njihet më afër e më thellë me betejat dhe heroizmat që janë zhvilluar në tërësi me dramën kosovare. Nga kjo njohje ai do angazhohej të realizonte disa vepra arti të karakterit monumental si "Beteja e Llapit", "Heroizmi i Adem Jasharit", "Masakrat", "Gjenocidi ose Shpërngulja", "Beteja e Fushë-Kosovës". Që nga data 10 Mars 2001, në kavaletin e tij të punës ka mbetur zgjidhja kompozicionale në bardhë e zi, e punimit të tij të fundit që ishte një porosi e marrë nga Muzeu Historik i Kosovës. Edhe ky është një kompozim monumental, me shumë figura, i titulluar nga autori "Beteja e Fushë-Kosovës", 250x600cm. http://www.haxhiu.net/
	Ndryshuar së fundmi nga Cjapi : 8.12.2006 në 21:16.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar