Propaganda mediatike "Shqipëria, vend mysliman"

mesdimr · 11.4.2007, 05:52

Grumbullim artikujsh që vënë në dukje mbulimin tendencioz të mediave në vend dhe jashtë, të cilat as më pak e as më shumë shpifin se "Shqipëria është vend mysliman", "70% e shqiptarëve janë myslimanë" etj.

11.6.2007, 10:17

Tiranë: Xhorxh Bushi kthen "vend mysliman" në "vend me tolerancë fetare":

Citim:

Bush vetëkorrigjohet: Jeni simbol i tolerancës fetare

Presidenti amerikan Bush ka korrigjuar qëndrimin e tij lidhur me perceptimin e situatës fetare në Shqipëri. Ndonëse pak ditë më parë, ai kishte deklaruar se “Shqipëria është një vend musliman”, gjatë qëndrimit në Tiranë, ai vlerësoi “bashkëjetesën mes besimeve fetare”. Presidenti i SHBA-së u takua rreth orës 10 të paradites me presidentin Moisiu në Pallatin e Brigadave dhe zhvilloi një bisedë e cila u zhvendos që nga statusi i Kosovës e deri tek integrimi në NATO.

http://www.balkanweb.com/gazetav5/artikull.php?id=14671

9.6.2009, 12:39

Uidhersi thotë që Shqipëria është vend islamik:

Citim:

Një keqkuptim i z. Withers
Andrea Nikaj | 09/06/2009

(...)

Ajo që ka të bëjë me atë që unë e quaj "keqkuptim", është fakti se z. Withers mendon se ndodhet në një vend islamik.

Dje, thelbi i fjalës së tij mund të përqendrohet në shprehjen: "ëndrra e botës islame, këtu është realitet" dhe më tej, "Presidenti Obama ka aftësi shumë të mira komunikimi dhe fjalimi i tij padyshim do të jetë i shkëlqyer, por ai fjalim do të kishte qenë akoma dhe më i arrirë nëse Obama do të kishte ardhur në Shqipëri, këtu në Durrës, para shkuarjes në Egjipt. Ato që ai i sheh si shpresë në jetën e Egjiptit dhe më tutje, janë realitet këtu". (gazeta Shqip. dt. 04 qershor. 2009).

Këtë shprehje unë e gjej të pakuptimtë e të pavend në kontekstin shqiptar. Si mund të bëhen realitet në Shqipëri ëndrrat e botës islame! Ndoshta z. Withers akoma nuk e ka vënë re, por Shqipëria, për Kushtetutë, nuk është vend as islamik, as katolik, as ortodoks e as bektashian.

Në Kushtetutën e Shqipërisë është shkruar në mënyrë të qartë, pa asnjë ekuivok dhe nuk lihet vend për asnjë lloj interpretimi tjetër, se Shqipëria është vend laik dhe nuk ka fe zyrtare. (Art. 10 i Kushtetutës Shqiptare).

E them këtë, pasi ai bën një paralelizëm ndërmjet Shqipërisë dhe Egjiptit e botës islame në përgjithësi, dhe në fjalën e tij e përfshin në mënyrë të qartë Shqipërinë në botën islame.

Kjo që them provohet edhe nga paralelizmi që ai ka gjetur për të mbajtur fjalimin e tij në të njëjtën kohë kur Presidenti Obama po mbante fjalimin e tij në Kajro dhe, nga ana tjetër, thotë se ajo që Presidenti Obama uron në Egjipt, është bërë realitet në Shqipëri!

Mendoj se ambasadori Withers i është përshtatur, nuk e di nëse në mënyrë të pavetëdijshme apo jo, përqasjes së ish-Presidentit Bush, i cili para se të vizitonte Shqipërinë, në një intervistë thoshte se, sa herë dëgjonte diçka mbi Shqipërinë, i vinte mendja tek një vend ku kishte myslimanë paqësorë!

Në favor të argumentit tim do të doja të sillja në vëmendje edhe dy artikuj të Kushtetutës së Egjiptit.

Në artikullin 2 të kësaj Kushtetute, thuhet tekstualisht: "Islam is the religion of the state and Arabic its official language. Islamic jurisprudence is the principal source of legislation.- Islami është fe shtetërore dhe arabishtja është gjuhë zyrtare.

Drejtësia islamike është burimi kryesor i legjislacionit", ndërkohë që në artikullin19 thuhet: "Religious education shall be a principal subject in the courses of general education. - Shkollimi fetar duhet të jetë subjekt parësor në kurset e shkollimit të përgjithshëm".

Pra Egjipti është një vend islamik dhe zgjedhja e Presidentit Obama është perfekte, pasi ai në fjalimin e tij shtjellon gjashtë argumente tejet të rëndësishme për marrëdhëniet e SHBA-së me botën islame dhe Egjipti e përfaqëson një partner të vërtetë për një diskutim në këtë optikë, por paralelizmi i z. Withers me Shqipërinë, mjerisht nuk është i goditur.

Ndërkohë, për të bërë një dallim të qartë të dy realiteteve, theksoj se në artikullin 57 të Kushtetutës shqiptare, ku bëhet fjalë për shkollimin, asgjëkund nuk përmendet fjala "religjion".

Çfarë dua të them me këtë? Që Egjipti dhe Shqipëria, pa patur asnjë paragjykim, as mbi njërin as mbi tjetrin shtet, janë dy realitete kulturore fetare të ndryshme dhe çdo analogji, duke ju referuar termave fetarë, do ishte jo e saktë. E përfundoj këtë shkrim me bindje se artikulli do të lexohet me përqasjen e duhur dhe me qëllimin e mirë që dëshiron të përçojë.

http://www.shekulli.com.al/2009/06/0...z-withers.html

mesdimr · 9.6.2009, 14:38

Në politikën e jashtme disa funksionarë amerikanë e shesin modelin e Shqipërisë si model që duhet ndjekur nga bota islamike, për bashkëjetesën e feve. Kjo është nxitur dhe nga gazetarë amerikano-çifutë dhe nga gazetarë izraelitë, sepse ka pasur përhapje në shkrime që kanë dalë dhe në rrjet.

Ajo që mund të bëjmë ne është t'ia vëmë vazhdimisht në dukje këtë që ka bërë autori më sipër, që shteti shqiptar nuk ka fe zyrtare, feja nuk mësohet në shkolla, simbolika fetare është e ndaluar në shkolla dhe institucione shtetërore, sipas sondazheve deri në 75% e popullsisë janë pa përkatësi fetare, ne kemi historikun e shtetit të parë ateist në botë dhe përgjithësisht të dhëna në këtë vijë, që t'i zbythet keqkuptimi që kanë krijuar në kokë sikur Shqipëria është vend mysliman.

Dhe anëtarësimi ynë në OKI, që tashmë është antikushtetues, është kryer për arsye politike (dhe ekonomike) dhe s'ka të bëjë me përkatësinë fetare. Analogji që mund të përdoret për rastin e OKI-t është që Shqipëria është dhe anëtare me të drejta të plota në Konferencën Frankofone, po kjo nuk dmth se në Shqipëri flitet frëngjisht. Anëtarësimet në organizma janë kryer me kritere politike.

11.4.2007, 05:52	#1
mesdimr Anëtarësuar: 8.2006	Propaganda mediatike "Shqipëria, vend mysliman" Grumbullim artikujsh që vënë në dukje mbulimin tendencioz të mediave në vend dhe jashtë, të cilat as më pak e as më shumë shpifin se "Shqipëria është vend mysliman", "70% e shqiptarëve janë myslimanë" etj.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

9.6.2009, 14:38	#4
mesdimr Anëtarësuar: 8.2006	Në politikën e jashtme disa funksionarë amerikanë e shesin modelin e Shqipërisë si model që duhet ndjekur nga bota islamike, për bashkëjetesën e feve. Kjo është nxitur dhe nga gazetarë amerikano-çifutë dhe nga gazetarë izraelitë, sepse ka pasur përhapje në shkrime që kanë dalë dhe në rrjet. Ajo që mund të bëjmë ne është t'ia vëmë vazhdimisht në dukje këtë që ka bërë autori më sipër, që shteti shqiptar nuk ka fe zyrtare, feja nuk mësohet në shkolla, simbolika fetare është e ndaluar në shkolla dhe institucione shtetërore, sipas sondazheve deri në 75% e popullsisë janë pa përkatësi fetare, ne kemi historikun e shtetit të parë ateist në botë dhe përgjithësisht të dhëna në këtë vijë, që t'i zbythet keqkuptimi që kanë krijuar në kokë sikur Shqipëria është vend mysliman. Dhe anëtarësimi ynë në OKI, që tashmë është antikushtetues, është kryer për arsye politike (dhe ekonomike) dhe s'ka të bëjë me përkatësinë fetare. Analogji që mund të përdoret për rastin e OKI-t është që Shqipëria është dhe anëtare me të drejta të plota në Konferencën Frankofone, po kjo nuk dmth se në Shqipëri flitet frëngjisht. Anëtarësimet në organizma janë kryer me kritere politike.