Raport për mjedisin: Shkodra qelbet

Bashkia e këtij qyteti nuk ka asnjë mundësi financiare që të ruajë dhe të mbrojë shumë monumente historike, arkeologjike, arkitekturore në qytet. Sipas raportit të konsulentëve ndërkombëtarë, bëhet e ditur se ka një landfill, i cili është ndërtuar në Bushat, “por suksesi i funksionimit kërkon një mënyrë më të mirë për mbledhjen, ndarjen dhe sistemimin e mbetjeve urbane, që sërish bashkia nuk mund ta marrë përsipër për shkak të mungesës së kapacitetit investues”.

Raporti vë në dukje se uji i pijshëm në Shkodër është në nivele të pranueshme. Por, “nuk ka një impiant pastrimi. Stacioni i pompimit nuk funksionon dhe pjesa më e madhe e ujërave të zeza derdhen në Drin dhe në liqenin e Shkodrës, duke krijuar rreziqe të mëdha për shëndetin. Edhe ujërat industriale derdhen gjithashtu në lumin e Kirit”.

Në raport theksohet se zhvillimi ekonomik i këtij qyteti nuk është i madh, pasi “shumica prej bizneseve e kanë ndërprerë aktivitetin apo po përballen me situatën e falimentimit. Zona të tëra të braktisura, fusha ngjyrë kafe (zonat e vjetra industriale), dëshmon për dobësimin e zhvillimit të qytetit”.

http://www.balkanweb.com/gazetav5/artikull.php?id=54456