Misioni antishqiptar EULEX (OKB-BE)

27.8.2009, 14:50

Citim:

Mysafirët e llastuar!
Mehmet Bislimi

Qeveria e Kosovës kundërshton, a mjafton vetëm kaq?!

Qeveria e Kosovës kundërshton marrëveshjen e protokollit ndërmjet EULEX-it dhe qeverisë së Beogradit, ndërkohë që EULEX-i anashkalon dhe margjinalizon njëanshëm dhe me dashje qeverinë e Kosovës...!

Shkurt e shqip, si edhe pararendësi i saj UNMIK-u, po të njëjtin rol po pretendon ta luajë dhe po e luan faktikisht edhe administrata e re e EULEX-it, a thua, këta njerëz nuk duan të mësojnë nga pësimet e pararendësve të vet.

Lojë kjo e qëllimshme që irriton, po aq sa edhe shqetëson dhe revolton qytetarin e Kosovës! EULEX-i, si duket, me Ministrinë e Brendshme të Serbisë do të nënshkruajë një protokoll për bashkëpunim kundër krimit të organizuar dhe akteve të tjera ilegale, duke i anashkaluar kështu plotësisht institucionet e Republikës së Kosovës, edhe përkundër faktit se ky mision (monitorues) nuk ka mandat për nënshkrimin e një marrëveshjeje të protokollit ndërmjet BE-së, në emër të vendin tonë nga njëra anë, me Ministrinë e Brendshme të Serbisë në anën tjetër, ky veprim kryeneç, anashkalon kreun politik dhe institucional të vendit tonë.

Për më shumë, me këtë akt atakohen dy çështje madhore të shtetit të brishtë të Kosovës:

Nën një, me këtë nënshkrim EULEX-i dëshiron që në mënyrë decidive të respektojë dhe të fuqizojë edhe më rezolutën 1244 të OKB-ës e cila Kosovën e njehë si pjesë përbërëse territoriale të Serbisë, dhe nën dy. Për më keq denigron faktorin politik shqiptar, i cili nuk merr pjesë si palë relevante në këtë nënshkrim! Mbase ky ishte edhe qëllim final i Serbisë, që nesër me anë të kësaj marrëveshjeje të kërkojë nga EULEX-i arrestimin e X qytetari në Kosovë, gjoja në emër të “krimeve”, si dhe më pas edhe ekstradimin e tij për në burgjet serbe, pasi që kjo marrëveshje edhe ligjërisht ia mundëson asaj një gjë të tillë...!

Urtia popullore thotë se është mirë që mysafiri ta respektojë pozicionin e vet, njëkohësisht edhe mikpritjen dhe zemërgjerësinë e nikoqirit, ashtu siç është përgjegjësi e nikoqirit që t’ia tregojë vendin mysafirit të lazdruar!

Në këtë gamë hamendjesh, ku si pasojë e tepruar e neglizhencës së institucioneve vendore, njëanshëm tejkalohen caqet e së mundshmes e më pas vështirë se mund të rikuperohen këto kërcime me “hopa, hopa!”...

Veprimi më i ri i misionit të EULEX-it, i cili “synon” zbatimin e ligjeve më të avancuara ndërkombëtare, tregon më së miri së me çfarë koncepti kapriçioz politik dëshiron t’i realizojë detyrat e besuara nga BE-ja! EULEX-i, me këtë arrogancë të veprimit, jo vetëm se cenon legjitimitetin e institucioneve tona dhe të vetë popullit shqiptar, por injoron hapur edhe Kushtetutën e Kosovës.

Kjo organizatë, me këto veprime të fshehura që kanë synim marrëveshjen me qeverinë e Beogradit, madje pa ia paraqitur fare këtë projekt para qeverisë së Kosovës (!), ky veprim, tejkalon çdo kod moral e ligjor, shkel dhe keqpërdoron besimin e këtij populli (nëse ky popull ushqente sadopak besim te ky mision).

Sjellja mospërfillëse dhe fodulle e EULEX-it nuk është më shumë veçse së një paralojë e një strategjie denigruese afatgjatë në lojën e madhe të politikës kosovare. Me këtë hap EULEX pretendon që më pas të pasojnë me dhjetëra nënshkrime e marrëveshje të tjera e të ngjashme – këtë, ai pretendon ta bëjë lehtas dhe po kaq papërfillshëm karshi institucioneve të vendit tonë...!

Shqetësimi ynë ka të bëjë jo më shumë me këto akte nënshkrimi protokollesh, sa me injorimin dhe dhunimin e parimeve, rregullave dhe të ligjeve përtej të cilave mysafirët tanë të EULEX-it duhet të mësohen të mos kalojnë...! Ndryshe, institucionet tona e humbin kuptimin e ekzistimit, qoftë si termë, qoftë si nocion.

Ne kemi përvojën e hidhur me administratën e UNMIK-ut, e cila, po në këtë stil, “fshehur” e prapa shpinës sonë, ka nxjerrë ligje e vendime si ka dashur, ku ka dashur dhe kur ka dashur!

Janë ligjet e kësaj administrate në theqafje që ndanë veriun e vendit, duke shkaktuar plagë të thella në zemrat dhe tokat tona, duke shkaktuar kaos me ligjin, duke injoruar institucionet e vendit, duke hapur mijëra dosje për çlirimtarët, duke mbajtur në burg pa kufizime dhe pa gjyqe dhjetëra pjesëtarë të UÇK-së, duke bërë diferencime dhe denigrime të popullatës, duke lejuar popullatën serbe që të ngrejë pallte e duke ndaluar popullatën shqiptare që të ngrejë kulmin mbi kokën e vet, në tokën e vet, në shtetin e vet!

Duke dubluar lojën me ligjet si ia ka dashur qejfi, duke lejuar kolonizimin e Kosovës me kolonë të rinj serbë e duke mos lejuar shqiptarët që të kthen në tokat e veta...

Ekziston dyshimi i bazuar së edhe misioni i EULEX-it do të përvidhet labirinteve të misionit pararendës, duke lënë mbrapa jo më shumë së shijen e hidhur të një koncepti të dhunshëm të veprimit, për të na treguar mbrapshtitë e të dyja anëve të një morali të çoroditur, si mënyrë unike e shthurjes etike, ku mund të thirren lirshëm në emër të mosbërjes së shtetit, ligjit dhe rendit demokratik.

Kudo në botë këto veprime janë të papranueshme, madje edhe të dënueshme, prandaj institucionet tona përkatëse duhet të veprojnë, përkatësisht mysafirëve të lazdruar vendin t’ua tregojnë...!

http://standard-al.com/tekst.php?idt=20939

27.8.2009, 15:02

Citim:

Sejdiu e Thaçi e “mbyllin” temën e Protokollit

Presidenti Fatmir Sejdiu dhe Kryeministri Hashim Thaçi kanë zhvilluar sot një takim me shefin e ICO-së, Pieter Faith dhe atë të EULEX-it, Yves de Kermabon, me ç’rast ka përsëritur qëndrimin e prerë në kundërshtim të Protokollit të Bashkëpunimit me Serbinë.

Në takim merrnin pjesë edhe zv.kryeministri Hajredin Kuqi dhe ministri i Jashtëm, Skender Hyseni.

Sipas komunikatës, pati një diskutim të gjithanshëm rreth gjendjes së përgjithshme në Kosovë, me theks të veçantë rreth situatës së krijuar me të ashtuquajturin protokoll bashkëpunimi me Republikën e Serbisë.

“Në takim liderët e Kosovës ritheksuan qëndrimin e prerë në kundërshtim të këtij Protokolli dhe theksuan se me ditën e sotme mbyllet përfundimisht çdo debat dhe bisedë në këtë temë. Institucionet e Kosovës janë institucione sovrane dhe rrjedhimisht marrin vendime sovrane ne pajtim me Kushtetutën dhe ligjet e vendit. Republika e Kosovës nuk merr asnjë obligim dhe përgjegjësi për çështjet për të cilat nuk ka vendosur në mënyrë sovrane”.

Në takim po ashtu është biseduar për gjendjen e krijuar në Mitrovicë, ku serbët po pengojnë rindërtimin e shtëpive dhe kthimin e shqiptarëve në veri.

Sipas Sejdiut dhe Thaçit, gjendja në Mitrovicë është e papranueshme dhe se duhet të krijohet ambient i përshtatshëm dhe i papengueshëm për kthimin e banorëve në pronat e tyre dhe për rindërtimin e shtëpive për të gjithë qytetarët.

http://www.gazetaexpress.com/index.p.../14115/C4/C13/

Citim:

Misioni i BE-së kthehet për ndihmë te Brukseli

Misioni i BE-së në Kosovë i ka kërkuar Brukselit udhëzime se si të veprojë më tutje për protokollin për bashkëpunim policor me Serbinë, pas kundërshtimit të prerë të Prishtinës.

Përfaqësuesi i lartë i BE-së në Prishtinë, Pieter Feith dhe shefi i EULEX-it, Yves de Kermabon nuk kanë arritur as pas takimit të së enjtes që të sigurojnë pëlqimin e institucioneve të Kosovës për nënshkrimin e një marrëveshje bashkëpunimi ndërmjet policisë së EULEX-it dhe asaj të Serbisë.

Në takimin me dyer të mbyllura, presidenti dhe kryeministri kosovar i kanë ritheksuar zyrtarëve të lartë evropianë në Prishtinë qëndrimin e tyre të prerë në kundërshtim të protokollit dhe kanë nënvizuar se prej "sot, të gjitha bisedimet dhe debatet për këtë çështje janë përfundimisht të mbyllura."

Në një deklaratë të lëshuar nga zyra e presidentit, thuhet se “institucionet e Kosovës janë institucione sovrane dhe rrjedhimisht marrin vendime sovrane në pajtim me Kushtetutën dhe ligjet e vendit”.

Udhëheqja e Prishtinës tha se Kosova nuk merr asnjë obligim dhe përgjegjësi për çështjet për të cilat nuk ka vendosur në mënyrë sovrane.

Bisedimet ndërmjet EULEX-it dhe Beogradit për zyrtarizimin e bashkëpunimit mes tyre në fushën e policisë, kanë çuar në protesta të dhunshme në Prishtinë.

Dy ditë më parë, aktivistë të lëvizjes Vetëvendosje kanë dëmtuar rreth 30 makina të misionit evropian, ndërsa gjatë ndërhyrjes së policisë për arrestimin e tyre janë lënduar lehtë disa persona.

http://www.bbc.co.uk/albanian/news/2..._leaders.shtml

27.8.2009, 18:12

Citim:

Pavarësia e të dërguarit special të OKB-së
Teki Dervishi

Solana nuk është i pari që platformizon politikën e “menaxhimit të krizave”, por është i pari për Kosovën. Para tij OKB-ja, madje që kur ekziston si një monstrum i Kinës, Rusisë dhe Evropës Qendrore, kudo që ajo ka “menaxhuar” kriza, e ka pasur obligim programor ta ruaj status kuonë e krizës, që kinse kriza të mos evoluojë në katastrofë humanitare, kurse ka evoluar në shkallë të gjenocideve të papara në histori.

Historia e kësaj organizate mafioze politike, na tregon se aty ku OKB-ja ka “menaxhuar kriza”, aty ka instaluar ferrin tokësor dhe i ka penguar zgjidhjet minimale të problemeve politike në Afrikë, Kosovë, etj.

Rasti i 1244-shit nuk mund të ishte përjashtim, kështu që pas Kumanovës, OKB-ja solli në Kosovë oficerët “humanitarë” të Darfurit dhe e zëvendësoi armatën dhe policinë serbe në Kosovë, për ta ruajtur status kuonë që kërkonte marrëveshja në letër “e dështuar” në Rambuje.

Serbia kurrë nuk nënshkruan marrëveshjet e arritura me të, dhe këtë punë ua lë shqiptarëve “të pjekur politikisht”.

Gjashtëdhjetë e dy vende e kanë pranuar pavarësinë e shtetit të Kosovës, (por në bazë) të Deklaratës së Pavarësisë që është në pajtushmëri të plotë me Propozimin Gjithëpërfshirës për Zgjidhjen e statusit të Kosovës sipas të dërguarit special të OKB-së Marti Ahtisarit.

Lobistëve volunterë dhe institucional u them këtu se pavarësia është pranuar në bazë të përpilatës dykuptimore që nënkupton se “zgjidhja e statusit të Kosovës” (do të bëhet) me praninë e -vazhdueshme- të papëcaktueshme të pranive ndërkombëtare (OKB), do të thotë, se mbi statusin e pavarësisë do të vazhdojë të kërkohet një zgjidhje e ardhshme statusore në infinit. Po, infinit, pasi që asnjëherë nuk përcaktojnë “mandate kohore” të qëndrimit të tyre në Kosovë. Prandaj sot Serbia thotë “po ju a nuk e dini se keni pavarësi të mbikëqyrur”? E dimë, por po duket se klasa politike nuk e ka kuptuar çka është kjo?

Deklaratën e Pavarësisë e kanë nënshkruar, duartrokitur dhe aprovuar të gjithë deputetët e Parlamentit të Kosovës, një enklavë kjo intelektuale në vendin pa akademi të vërtetë shkencash.

Kështu që, sot, kur Parlamenti asnjëherë nuk e debaton copëtimin de fakto dhe de jure të Kosovës, nuk bën të habitemi. Sot kur shkelet “statusi bazë” (baza e pavarësisë) juridike, dhe shkelet për të “mbikëqyrur” zbatimin në proces të një statusi tjetër të ardhshëm të pavarësisë, (!!!) që do ta zbatojë “monitorimi” (sipas Kushtetutës) i bashkësisë ndërkombëtare (lexo: BE-së), bëjnë që të gjitha këto “paqartësi” të prejudikojnë ndërtimin e një modeli “shtetëror” të “pavarësisë së mbikëqyrur”, lirisë së kontrolluar me ushtarë dhe policë ndërkombëtarë, të cilët janë partnerë zyrtar politik të Serbisë okupatore, dhe neutral ndaj “statusit bazë” të pavarësisë së Kosovës sipas dërgesës speciale të OKB-së.

Ata që deklarojnë se do ta bashkojnë Kosovën kur ta marrin pushtetin, sigurisht e kanë të qartë se për ta bashkuar Kosovën në territorin e saj kushtetues, duhet t’i kundërvihen “pranisë së vazhdueshme ndërkombëtare”, përkatësisht policisë dhe armatës së tyre.

Pra, ata që do të provojnë ta bashkojnë Kosovën, me siguri e kanë kuptuar se policia dhe armata nr.1244 e OKB-së vepron me kritere të dyfishta (një për serbë e një tjetër për kosovarë) kështu që në platformën e kritereve të dyfishta, le bashkimin e Kosovës, po veç edhe një demonstratë paqësore do ta quajnë “shkarkim kriminal”, derisa hedhjen e bombave dhe gjuajtjen me armë të natë-e-ditshme dhe krimin e organizuar shtetëror të Serbisë në Kosovë, do të përpiqen ta legalizojnë në mënyrë “juridike”, si veprojnë sot, sot që as nuk i marrin në pyetje serbët që vrasin policët e UNMIK-ut, ashtu si UNMIK-u që vret demostrantët e Vetëvendosjes dhe kjo nuk bëhet e madhe, penale, për shkak se në Kosovë drejtësia është e “mbikëqyrur”. Pra, nuk ekziston fare. Gjykatësve u është kërkuar “stazhi” në sistemin e Millosheviqit.

Deklarata e Pavarësisë mirëpret mbështetjen e vazhdueshme “nëpërmjet të pranive ndërkombëtare të themeluara në Kosovë në bazë të Rezolutës 1244, veprimin e përbashkët të Këshillit të BE-së, Misionit të OKB-së në Kosovë”. Miratimi i Kushtetutës është bërë pesë muaj më parë shtrirjeve gjashtëpikësore të EULEX-it (etj).

Pse është pritë nëntori, dhe a e ka relativizuar kjo statusin e pavarësisë pesë muaj më parë të miratuar nga Parlamenti i Kosovës? Kush ka heshtur, ose kush ka jetësuar “politikë konfidenciale” “strategjike” duke mos e konsideruar shtetin e Kosovës si palë marrëveshjesh?

Solana nuk e fsheh faktin se ai “menaxhon krizën” në Kosovë, dhe gjithnjë ka konstatuar se BE-ja është nën ombrellën (kompetencën) e OKB-së, që do të thotë 1244-shit, derisa në Kosovë e kanë gënjyer opinionin se mandati i Unmik-ut po skadon, duke i hermetizuar me deklarata dykuptimore vendimet që merreshin mbi statusin pesë muaj pas shpalljes së pavarësisë.

BE-ja asnjëherë nuk e ka fshehur se “menaxhon” krizën në bazë të Rezolutës 1244 të OKB-së, përkatësisht UNMIK-ut. Por këtë gjë e kemi fshehur ne si “bashkëpunëtorë” që jemi me “miqtë” ndërkombëtarë.

Ofansiva 1244 e Ban Ki Moon-it për relativizmin e pavarësisë së Kosovës me metoda spekulative politike që janë quajtur “paqartësi”, ka filluar menjëherë pas datës 15 qershor 2008.

Ku ishte klasa politike, ose shtylla e katërt e pushtetit - media!?

Megjithëkëtë, për një vjet e zbuluam qëllimin e misioneve të BE-së, derisa na u deshën 9 vjet ta zbulonim UNMIK-un dhe ta kuptonim se 1244 quhet sovranitet i Serbisë në Kosovë. Po ku është 1244-shi në dokumentet kushtetuese.

http://www.botasot.info/home.php?category=20&id=29055

29.8.2009, 00:00

Citim:

Ata duan t’i bëjnë të tjerët si vetja e tyre
Albin Kurti

Ligji e dënon dëmtimin e pronës. Por, çfarë prone, pronës së kujt e nga kush, për cilat arsye a motive u dëmtua ajo, çka ishte qëllimi i dëmtimit? Me këto merret gjykata. Dhe kjo çështje është gjithsesi politike sepse aksioni ishte politik. Vetëm fakti i ftohtë nuk të bën kriminel.

Martin Heidegger shkruante se fakti është ai që është vetëm në dritën e një koncepti. Kur EULEX-i e dënoi aksionin e VETËVENDOSJE!-s duke konstatuar “dëmtim kriminal”, ai i parapriu gjykatës mbi të cilën ka fuqi ekzekutive. Jo vetëm për shkak të Protokollit famëkeq, dëmtimi i 25 makinave të EULEX-it ishte dëmtim fare i vogël i një dëmtuesi të madh të Kosovës.

Të nesërmen, ndonëse kishin ndodhur të njëjtën ditë, EULEX-i e dënoi edhe sulmin e serbëve në lagjen Kroi i Vitakut. Përveç gurëve, ata kishin hedhur edhe granatë dore dhe kishin shtënë me armë zjarri kundër shqiptarëve që po ndërtonin shtëpinë e tyre. Mirëpo, veprimi i tyre nuk u quajt kriminal.

E qartë: nuk mund të quhet kriminal veprimi i atyre të cilët nuk do të arrestohen e lëre më të gjykohen a dënohen. Predikati “kriminal” është i rezervuar për ata me të cilët është paramenduar se duhet të merren policia, gardianët, prokuroria, gjyqësia. Për pasojë, Policia e Kosovës dhe EULEX-i përfunduan në anën e atyre që nuk duan t’i arrestojnë, në anën e serbëve të veriut.

Shqiptarit në Kroin e Vitakut iu ndërprenë punimet. U realizua qëllimi i strukturave paralele në veri të cilat s’kanë nevojë të protestojnë më meqë Policia e Kosovës dhe EULEX-i po e kryejnë punën e tyre atje.

Të martën, përveçqë në Prishtinë u arrestuan 21 aktivistë kurse në Mitrovicë askush, u tha se në Prishtinë janë lënduar dy protestues e tre policë, kurse në Mitrovicë janë lënduar pesë shqiptarë e dy serbë.

Tre policët e lënduar në Prishtinë dhe dy serbët në Mitrovicë janë e njëjta kategori. Ata janë rrenë. Sikur t’i kishim tre policë dhe dy serbë të lënduar a mendoni se nuk do t’i shihnim në televizion? Patjetër që do t’i shfaqnin pafund herë. Por, s’kishin se ku t’i merrnin – i lajmëruan policët dhe serbët e lënduar sa për ta zbutur pak disbalancën.

Kjo mënyrë tradicionalisht është përdorur në protestat e Lëvizjes sonë. Çdo herë kur intervenimi i policisë ka qenë brutal dhe ka pasur të lënduar, të plagosur ose edhe të vrarë nga radhët e protestuesve, policia i ka dërguar në spital nja dy a tre policë si kinse të lënduar.

Ata llogarisin në etikën e mjekut, se ai nuk mund t’i thotë atij që është lajmëruar si pacient se nuk ka asgjë. Së paku, do t’ia përshkruajë një tronditje psikike (e cila në rastin e policëve jo vetëm që mund të jetë prezente, por mund të jetë pak më e vjetër edhe se vetë polici).

Po çfarë bën ndërkohë ky Hashim Thaçi ynë i gjorë? Duket se i ka ra firma: këto ditë s’po i shiten aq prerjet e shiritave me rastin e përurimit të kanalizimeve. Nëse dikur ai kryesonte “Qeverinë në Hije” tash, pasi që erdhi në pushtet, e kryeson “Qeverinë në Frigorifer”.

Bashkë me Sejdiun tha që nuk do të ketë më debat për Protokollin. Thuajse debati na paska qenë problemi, e jo Protokolli. Ata ia dhanë fjalën Yves de Kermabonit, që nëse reagimi i tyre deri më tani kishte qenë verbal e deklarativ, tash e tutje nuk do të jetë as i tillë. S’ka më debat. S’ka më diskutime. Me fjalë të tjera, Kermaboni ka nevojë të punojë në qetësi drejt nënshkrimit të Protokollit me Serbinë.

Institucionet e Kosovës deklaruan se nuk marrin përgjegjësi për vendimet që nuk i kanë marrur ata. Është e qartë se nuk mund të marrin përgjegjësi për vendimet e veprimet e tyre meqë nuk kanë marrur kurrfarë vendimesh e nuk kanë ndërmarrur kurrfarë veprimesh. Kanë dhënë deklarata për media që nuk paraqesin vendime institucionale dhe të cilat nuk janë pasuar me kurrfarë veprimesh.

Mirëpo, institucionet e një shteti nuk kanë përgjegjësi vetëm për vendimet e veprimet e tyre, por edhe për mungesë vendimesh e veprimesh. Përgjegjësia nuk ka të bëjë vetëm me atë çfarë ke bërë, por edhe me atë që nuk e ke bërë (e është dashur ta bësh).

Ngrirja institucionale në Kosovë është e thellë. “Mos ma përmendni 6 Pikëshin. Mos ma përmendi Protokollin”. Kështu tingëllon Hashim Thaçi, i cili beson se duke mos i(a) përmendur 6 Pikëshin e Protokollin, do të vërtetohet që këto janë të vdekura, se i takojnë vetëm të kaluarës.

Për Thaçin, sikurse për Rugovën përgjatë viteve të ’90-ta, shteti është përshtypje subjektive. Nëse besojmë se kemi shtet, atëherë kemi shtet. Anipse s’kemi ushtri, s’kemi zhvillim ekonomik, s’kemi sovranitet, s’e kontrollojmë dot territorin e as resurset natyrore. Me rëndësi është që ne të besojmë se kemi shtet!

Pra, sipas Thaçit, 6 Pikëshi e Protokolli kanë vdekur dhe nëse i sheh të gjalla nuk duhet t’iu besosh syve e mendjes tënde.

Hë për hë, me 21 muaj burg u dënuan aktivistët e Lëvizjes VETËVENDOSJE!. Dënimi vazhdon. Ky është vetëm paraburgimi. Pra, fillimisht, gati dy vjet burg u ndanë për nja 50.000 euro. Jo vetëm për 50.000 euro. 50.000 euro është fakti i ftohtë për të cilin fola në fillim.

Aq shumë janë frikësuar EULEX-i e Qeveria nga aksioni ynë protestues saqë tash duan t’i frikësojnë të tjerët. Ata duan t’i bëjnë të tjerët si vetja e tyre. Ky dënim nuk ka të bëjë aq me 21 veta, por me 2 milionë qytetarë minus këta 21 veta. Më parë sesa t’i ngujojë 21 veta në burg, ky dënim synon t’i ngujojë dy milionë njerëz, minus 21 veta.

Ku t’i ngujojë kështu? Në shtëpitë e tyre e para ekraneve televizive ku defilojnë zgërdhirjet e krerëve politikë. Të ngujuarit në krye të shtetit duan t’i ngujojnë të gjithë qytetarët. Ata duan t’i bëjnë të tjerët si vetja e tyre.

http://www.gazetaexpress.com/index.p...14187/C68/C85/

allianz · 29.8.2009, 00:24

Sonte në RTK, bushtra e Solanës, një farë Gallak, ka thënë se BE-ja po e "shqyrton" gjendjen dhe nuk e ka pranuar "bllokimin" e Prishtinës, por do të dalë me vendim këto ditë "për të mirën e Kosovës" (thua ti se protokolli i duhet Prishtinës e jo Beogradit)...

Gjithashtu përmendi ndihmën kolosale që i ka dhënë EULEX-i shqiptarëve... dhe se (serbofili) Solana po "konsultohet" me Fejthin dhe Kermabonë për çështjen.

Mes gjuhës sikur po i fliste afrikanëve, Gallak shprehu dhe keqardhjen dhe vuajtjen e thellë shpirtërore për "djegien e makinave nga ekstremistët".

mesdimr · 29.8.2009, 17:10

Janë disa deklarata që kanë parë dritën e shtypit sot, kundër pasivitetit të qeverisë:

Citim:

ORA: Mungesa e kapaciteteve shtetërore nxit dhunën

Mungesa e kapaciteteve shtetërore dhe qeverisëse në vend po krijon hapësirë për përdorim të dhunës si mjet politik, thanë sot drejtues të Partisë Reformiste ORA.

Kryetarja Teuta Sahaqitja kërkoi nga Qeveria dhe institucionet shtetërore të jenë në nivel të detyrës dhe të dëshmojnë se janë në gjendje të qeverisin, në të kundërtën nxitet përdorimi i dhunës si mjet politik nga ana e qytetarëve.

Në një konferencë me gazetarë, Sahatqija tha se në Mitrovicë, në “Kroin e Vitakut”, po përdoren armët kundër qytetarëve që dëshirojnë të ndërtojnë shtëpitë e tyre, duke u rrezikuar jeta dhe shëndeti i këtyre qytetarëve. Sipas saj, policia po i ndalon ndërtuesit dhe po i lë të lirë dhunuesit e armatosur.

Ajo theksoi se Qeveria po i dënon vetëm me fjalë, pa veprime konkrete, këto aksione të dhunshme.

“Kurse EULEX-i ndërmerr hapa për marrëveshje bilaterale me një shtet tjetër, nga ai ku është vendosur; vazhdon me implementimin e 6-pikëshit, të cilin qeveria e ka dënuar me fjalë”.

“Çdo gjë vazhdon me rrjedhën e vet, EULEX-i me marrëveshjet e veta, njerëzit e armatosur me mënyrën e vet, Qeveria me demante letargjike dhe pa veprime konkrete”, shtoi kryetarja e ORA-s.

Ndërsa kur demolohen veturat e ndërkombëtarëve, Qeveria reagon vrullshëm dhe me masa konkrete.

“Fatkeqësisht, vetëm përdorimi i dhunës ndaj automjeteve të ndërkombëtarëve, si mjet politik, kuptohet seriozisht dhe duket se është e vetmja mënyrë e cila është në gjendje të nxjerrë nga letargjia Qeverinë që të mos ketë vetëm dënime verbale por edhe masa konkrete”.

"Kosova si shtet qe më se një vit, dëshmon mungesën e kapaciteteve shtetërore. Dëshmon mungesën e veprimeve konkrete në të gjitha rastet e përmendura, jo vetëm kur demolohen veturat e ndërkombëtarëve. Vetëm atëherë misioni ndërkombëtar, bashkësia ndërkombëtare, edhe qytetari i Kosovës do të mund ta merrte seriozisht Qeverinë”.

Partia Reformiste ORA vlerëson se është i papranueshëm përdorimi i dhunës, por është kundër letargjisë dhe mungesës së kapaciteteve shtetërore, të cilat në mungesë të veprimeve konkrete krijojnë hapësirën për përdorimit të dhunës nga ana e qytetarëve.

http://www.gazetaexpress.com/index.p.../14254/C4/C15/

Citim:

AAK: Mungesa e planit burim i krizës

Lideri i AAK-së, Ramush Haradinaj sërish kritikoi liderët institucionalë për mosveprim dhe pasivitet, duke thënë se çelësi i suksesit për pjesën veriore të vendit është vendosja e pikave doganore dhe funksionimi i sistemit të gjyqësisë.

Haradinaj kritikoi sot liderët institucionalë se janë të paaftë të udhëheqin me institucionet e Kosovës. Ai këto deklarata i bëri pas prezantimit të kandidatëve të AAK-së për kryetar të disa komunave të vendit.

Haradinaj tha se burimi i krizës për veriun e vendit është mungesa e një plani se si të zgjidhet problemi i veriut.

http://www.telegrafi.com/?id=2&a=5300

Citim:

LDD: Mos t’i krijojmë favore Serbisë drejt BE-së

Kosova ose dikush tjetër në emër të Kosovës, nuk duhet t’i krijojë favore Serbisë në rrugën e integrimit në Bashkimin Evropian, thanë sot zyrtarë të lartë të LDD-së në një konferencë me gazetarë.

Sekretari i Përgjithshëm i LDD-së, Lulzim Zeneli, tha se dalja në opinion apo hapja e dokumentit të famshëm, dikur nga Qeveria e Kosovës i konsideruar i vdekur, përmes një fizionomie të re, implementim praktik, të ashtuquajtur protokoll bashkëpunimi EULEX-Serbi dhe zhvillimet e fundit në pjesën veriore të Mitrovicës, janë porosi brengosëse për qytetarët e Kosovës.

“Fatkeqësisht prapë doli në pah, mungesa e politikës shtetërore, mungesa e shtetit të Kosovës në 30 për qind të territorit të saj. Cenimi i kushtetutës, cenimi i sovranitetit dhe integritetit të vendit, cenimi i pronës dhe lëvizjes së lirë, janë bërë praktikë në Kosovë”, theksoi Zeneli

LDD vlerëson se elementet e tilla antikushtetuese do të vazhdojnë të jenë prezente, derisa pushteti aktual vazhdon me logjikën e veprimit të protektoratit, me logjikën josovrane dhe të vazalitetit.

Reagimi i Qeverisë së Kosovës lidhur me protokollin e bashkëpunimit EULEX-Serbi, sipas Zenelit, ka qenë i vonshëm duke pasur parasysh se Qeveria e Kosovës ka qenë në dijeni në të gjitha fazat e bisedimeve që EULEX-i ka zhvilluar me Serbinë.

”Sloganet ditore të Qeverisë së Kosovës për pacenueshmërinë e pronës së qytetarëve, duhet të ndërpriten derisa mungojnë veprimet konkrete. Strukturat paralele të Serbisë në veri të vendit, së bashku me strukturat e UNMUK-ut në veri janë bashkëdyzuar, po pengojnë kthimin e qytetarëve të Kosovës në pronat e tyre”.

Lidhja Demokratike e Dardanisë vlerëson se është momenti i fundit që institucionet e Kosovës, në bazë të përgjegjësive Kushtetuese, t’i implementojnë politikat shtetërore të Kosovës, është momenti i fundit për të garantuar funksionalitetin e shtetit, lirinë e qytetarëve dhe pacenueshmërinë e pronës.

http://www.gazetaexpress.com/index.p.../14258/C4/C13/

mesdimr · 29.8.2009, 17:25

Problemi kryesor në tërë këtë çështjen e protokollit është fakti se nënshkrimi i protokollit për kufinjtë është kusht për liberalizimin e vizave të Serbisë me BE-në. (Blloku 2, për menaxhimin e kufinjve.) Duke pasur problem me Shqipërinë e Veriut, Serbia nuk përmbush dot kërkesat.

Ky problem, me sa duket, ishte parashikuar të kalohej pa zhurmë... nga Solana dhe EULEX-i, duke mos e bërë të qartë vlerën diplomatike dhe politike që ka për Prishtinën. Kjo do të thotë shkurtimisht se Prishtina në këto çaste ka në dorë liberalizimin e vizave BE-Serbi dhe kjo është një kartë shumë e fortë.

BE shpresonte të lajkatonte Serbinë duke i liberalizuar qarkullimin, si një lëvizje diplomatike, dhe tanimë pas këtij "problemi" me Prishtinën dhe reagimin shqiptar, BE nuk mund as ta anashkalojë kushtin për Serbinë, sepse është po ajo BE që po bën si gore për plotësimin e kushteve për shtetet e tjera në rajon (sidomos Shqipërisë Perëndimore dhe Bosnjës), kështu që është e detyruar të jetë rigoroze dhe në kushtet ndaj Serbisë.

Këtu piqen kokëçarjet e Beogradit dhe Brukselit dhe këtu edhe një herë tregohet që na trajtojnë si koloni afrikane, duke vepruar pas krahëve tona, duke shkelur çdo instancë shtetërore dhe duke bërë një lojë të tillë të ndyrë, në emër të integrimit të Serbisë.

Për më tepër, është për t'u vënë re sipas analizës që po bëhet këtu e disa muaj në Beograd, se Serbia nuk parashikon as të anëtarësohet në BE! Qeveria kërkon thjesht liberalizimin e vizave në mënyrë që të ulë presionin e qytetarëve ndaj politikës, duke i dhënë lëvizje të lirë në vendet e BE-së, por prej aty e tutje shteti mendon të ecë siç po ecën (krim i organizuar si bazë e ekonomisë shtetërore) duke e pezulluar pa afat procedurën e "integrimit" në statusin e kandidatit.

Pra, tërë vlera e drejtpërdrejtë politike që ka Prishtina tash në dorë përbën armë dhe për rrëzimin e qeverisë së Tadiçit. Sepse mosliberalizimi do të përkthehet si dështim i sigurt në zgjedhjet e ardhshme. Kjo tregon se çfarë problemi thelbësor kanë serbët me "protokollin" dhe se si as Beogradi as Brukseli "nuk po e japin veten" të pranojnë se këtu kemi të bëjmë me një vendim madhor në përcaktimin e kursit politik për Serbinë në vitet në vijim.

Këtu hyn reagimi i fundit i Jeremiçit për të hedhur hi syve me deklaratën se "Prishtina po përgatit ofensivë njohjesh të reja dhe ne do të punojmë kundër kësaj", nënkuptimi: "protokolli është pa rëndësi për ne, kemi halle të tjera", përkthimi: "protokolli ka rëndësi madhore për ne".

Këtu hyn dhe ajo "tërheqja e veshit" që i bëri Franca dje në darkë Serbisë. Situata është serioze për Serbinë, sidomos për qeverinë aktuale. Dhe kjo është vlera e vërtetë të cilën po përpiqej të vidhte EULEX-i, apo më saktë Solana dhe klika e tij prosllave në Bruksel.

Natyrisht që thirrja e Zenelit dhe LDD më lart, për moskrijimin favoresh Serbisë, është veprimi i duhur. Prishtina mund të bllokojë pa afat nënshkrimin e protokollit duke i vënë një varg të gjatë kërkesash Serbisë, që fillojnë nga njohja e pavarësisë, heqja e embargos e deri te të drejtat e shqiptarëve në Luginë, amnistia për të shpërngulurit dhe kthimi i tyre në Luginë, shkollat dhe universiteti shqip në Luginë etj. Raste të tilla nuk vijnë shpesh.

Këto nuk do të pranohen nga Serbia, por nga ana tjetër do të vendosin precedent në kërkesat zyrtare të Prishtinës. Për më tej qeveria e Tadiçit do të dëmtohet në votë.

A ka këllqe Thaçi tani të marrë realisht shtetin në dorë? Këtu është puna.

1.9.2009, 01:32

Citim:

BE-ja pajtohet që EULEX të nënshkruajë protokollin me Serbinë

Sezoni i ri i punëve në BE do të nisë me disktuime të nxehta për Kosovën. Bashkimin Evropian pajtohet që misioni i vet në Kosovë, EULEX dhe Ministria e Punëve të Brendshme e Serbisë të nënshkruajnë marrëveshje të bashkëpunimit policor, raporton agjencia beogradase e lajmeve Beta.

Sipas kësaj agjencie, burime në Bruksel i kanë thënë se është vetë Kushtetuta e Kosovës që i mundëson një gjë të tillë EULEX-it.

Zyrtarë të BE-së i referohen pikës së Kushtetutës që flet për pakon e Ahtisaarit dhe prezencën civile ndërkombëtare në Kosovë, për të justifikuar vendimet e EULEX-it. Në kryeqytetin evropian e vlerësojnë si kruciale arritjen e kësja marrëveshje si parakusht për heqjen e vizave për qytetarët e Serbisë prej 1 janarit të vitit të ardhshëm.

Gjithashtu atje thuhet se marrëveshja e tillë duhet të shikohet në prizmin e luftës kundër krimit të organizuar. I dërguari i posaçëm i BE-së në vend, Pieter Feith, është nisur në Bruksel për këtë çështje. Ai nesër do të raportojë refuzimin kosovar në raportin që do t’ia paraqesë anëtarëve të Komitetit për Marrëdhënie me Jashtë të Parlamentit Evropian.

Kjo do të jetë hera e parë që Feith raporton, pas ndërrimit të legjislaturës evropiane. Feith e Kermabon javën e kaluar e morrën JO-në përfundimtare për protokollin nga presidenti Sejdiu dhe kryeministri Thaçi, që thanë se e mbyllin çdo diskutim për çështjen.

Prezenca evropiane në Kosovë tha se për hapat e ardhshëm pritet vendimi i Bashkimit Evropian në Bruksel. Protokolli i bashkëpunimit të EULEX-it me Serbinë është kundërshtuar nga e gjithë skena politike kosovare, si dhe nga lëvizja „Vetëvendosje“ që demoloi 28 vetura të misionit evropian, për ç’gjë aktivistët e saj u dënuan me 30 ditë paraburgim.

http://www.kohavision.net/index.php?...ac=0&Itemid=40

3.9.2009, 04:57

Citim:

Faith kritikon Kuvendin se nuk e kontrollon Qeverinë

I dërguari i BE-së në Kosovë, Pieter Faith, ka kritikuar sërish Kuvendin e Kosovës se nuk është i përfshirë sa duhet në vendimmarrje dhe në mbikëqyrjen e punës së Qeverisë.

Duke folur para Komitetit për Marrëdhënie me Jashtë të Parlamentit Evropian, Faith theksoi se Kuvendi i Kosovës mbetet i angazhuar në ngritjen e reformave dhe të institucioneve të cilat aktualisht janë në vazhdim e sipër në Kosovë, megjithatë, mbetet më shumë për t’u bërë për ta arritur plotësisht rolin e vet si organi kryesor politik i Kosovës.

“Kuvendi duhet të avancojë përfshirjen e tij në vendimmarrje si dhe të përmirësojë mbikëqyrjen e Qeverisë nga ana e tij, duke siguruar kështu transparencën dhe llogaridhënien. Unë do ta ftoja këtë komision të nderuar që ta ofrojë përkrahjen e tij në këtë proces”, është shprehur ai.

Në fjalën e tij, para Parlamentit Evropian, shefi i ICO-s ka shprehur gjithashtu brengosjen lidhur me polarizimin e thellë ndërmjet liderëve politikë në Kosovë, si dhe për perceptimin e publikut lidhur me deklaratat që janë kritike ndaj pranive ndërkombëtare në Kosovë, përfshirë ato të BE-së.

“Se kjo lehtësisht çon në vandalizëm dhe dhunë në një atmosferë të ngarkuar dhe të paqëndrueshme, e kemi parë para disa ditësh”.

http://www.gazetaexpress.com/index.p.../14447/C4/C13/

Citim:

Protokolli me Serbinë, Krasniqi akuzon EULEX-in

Prishtinë - Kryetari i Kuvendit të Kosovës Jakup Krasniqi, ndonëse bashkëpunimin me EULEX in dhe ICO-n e vlerëson të mirë, por thekson se çështja e protokollit me Serbinë është një çështje "paksa jo mirë e menaxhuar nga ana e EULEX-it".

"Ndoshta kjo është vërejtja kryesore e imja si kryetar i Kuvendit të Kosovës", tha Krasniqi për Radio Kosovën. Ndërkaq, duke folur rreth problemit kryesor në rastin e protokollit të paralajmëruar EULEX Serbi, Krasniqi tha se "EULEX-i ka përgjegjësi dhe ka obligime që të ndihmojë institucionet e Kosovës për të vendosur sundimin e rendit dhe të ligjit".

Por, sipas tij, nëse protokolli ka të bëjë me vendosjen e sundimit të rendit dhe ligjit dhe për të ruajtur tërësinë territoriale të Kosovës, vendosjen e rendt dhe në dogana, "atëherë protokolli do të ishte krejt në rregull".

Megjithatë, thotë Krasniqi, nëse protokolli nuk është në bashkëpunim të plotë me institucionet e Kosovës, sidomos me ekzekutivin, "nëse ky protokoll nuk ka për qëllim që të ndërpresë kontrabandën dhe trafiqet e ndaluara që vijnë nga Serbia në Kosovë, nëse ky protokoll nuk e ka për qëllim nxjerrjen para ligjit të të gjithë atyre që në atë pjesë kanë bërë krime, atëherë EULEX-i duhet të mendojë se asnjë memorandum nuk mund të bëhet për hapësirën e Kosovës, pa një bashkëpunim dhe konsultim të gjithanshëm me institucionet e Kosovës".

I pyetur se a mund të përfshihet Kuvendi i Kosovës në çështjen e protokollit, Krasniqi konsideron se Kuvendi mund ta shqyrtojë çështjen e protokollit, "por realisht Kuvendi e ka bërë punën e vet" dhe ka miratuar Kushtetutën, ligjet, përfshirë ato që lidhen me përgjegjësitë e EULEX-it.

"Dhe, nëse gjithçka është në kuadër të Kushtetutës, të ligjeve të miratuara, atëherë për Kuvendin nuk do të duhej të konsiderohej diçka e papranueshme. Mirëpo, gjithçka që del jashtë kompetencave që parasheh Kushtetuta dhe ligjet në fuqi, atëherë edhe për Kuvendin, edhe për institucionet tjera, por edhe për qytetarët do të jetë e papranueshme" theksoi Krasniqi.

http://www.gazetastart.com/lajm.php?...iptare&nr=4205

Citim:

BE përkrah “përgatitjet teknike” EULEX – Serbi

Ambasadorët e BE-së që janë takuar sot në Bruksel nuk kanë thënë saktë nëse përkrahin, apo jo nënshkrimin e protokollit mes misionit evropian dhe Serbisë.

Ndërkohë, siç njofton Zyra për informim e EULEX-it, pas takimit që filloi në orën 10:00, vendet anëtare të BE-së i kanë dhënë përkrahje të plotë pranisë evropiane në Kosovë duke përfshirë edhe “përgatitjet teknike” me Beogradin.

Brukseli e arsyeton këtë përkrahje pasi që përgatitjet e tilla teknike me Beogradin i konsideron element tejet të rëndësishëm në luftën kundër krimit të organizuar.

Bashkimi Evropian gjithashtu thotë se do të vazhdojnë konsultimet me të gjithë aktorët relevant në Kosovë.

Ndërkohë Bashkimi Evropian ka shprehur bindjen se do të arrijë një marrëveshje me autoritetet e Prishtinës për protokollin e bashkëpunimit midis EULEX-it dhe Serbisë, tha Kristina Galak, zëdhënëse e shefit të diplomacisë së BE-së, Havier Solana.

Në një intervistë për BBC-në, Galak spikati se marrëveshja e propozuar teknike është një element i domosdoshëm në procesin e mbështetjes së Kosovës për të luftuar krimin e organizuar dhe për të pasur struktura solide të sundimit të ligjit.

Edhe zëdhënësja e EULEX-it, Karin Limdal njoftoi gjithashtu se ambasadorët e mbledhur sot në Bruksel janë informuar me zhvillimet e fundit në vendin tonë. Ata kanë dënuar ashpër shkatërrimin e veturave të EULEX-it, si dhe kanë shprehur shqetësimin e tyre për situatën e fundit në veri të Kosovës.

http://www.rtklive.com/?categoryId=1&newsId=39423

Citim:

Bashkimi Evropian mbështet protokollin EULEX – Beograd

Bashkimi Evropian i ka dhënë sot mbështetje të plotë misionit të tij për policinë dhe drejtësinë në Kosovë për protokollin e paralajmëruar për bashkëpunim policor me Beogradin.

Ky njoftim i bë i ditur sot pas takimit të Komitetit për politikë të jashtme dhe të sigurisë të Bashkimit Evropian i cili ka shqyrtuar gjendjen e krijuar në Kosovë pas refuzimit të institucioneve të Kosovës për të mbështetur protokollin e EULEX-it me Ministrinë e Punëve të Brendshme të Serbisë.

Anëtarët e komitetit kanë dëgjuar një raport të përfaqësuesit të posaçëm të Bashkimit Evropian në Kosovë Pieter Faith. Zëdhënësja e EULEX-it Karin Limdal tha sot se priten diskutime të reja me institucionet e Kosovës në funksion të gjetjes së një zgjidhjeje për këtë çështje.

“Ambasadorët e Bashkimit Evropian kanë mbështetur plotësisht punën e pranisë së këtij Bashkimi në terren në Kosovë përfshirë edhe aranzhimet teknike me Beogradin. Shtetet anëtare thanë se është thelbësore që të arrihet një gjë e tillë me qëllim të luftimit të krimit të organizuar që është në të mirë të të gjithëve në Kosovë dhe këshillimet mbi këtë çështje do të vazhdojnë me të gjithë partnerët, ndërsa qeveria e Kosovës është partneri më i rëndësishëm”, tha zëdhënësja Limdal.

Beogradi është shprehur i gatshëm të nënshkruaj protokollin, i cili është kundërshtuar ashpër deri tash nga institucionet e Kosovës, të cilat madje e kanë shpallur të mbyllur çdo debat rreth tij.

(...)

“EULEX-i beson se këto janë incidente të izoluara”, tha zëdhënësja Limdal, sipas së cilës Bashkimi Evropian ka shfaqur shqetësimin e tij edhe për zhvillimet e fundit në veriun e Mitrovicës.

Analistë vendas e të huaj kanë tërhequr vërejtjen se përplasjet rreth protokollit mund të ndikojnë në marrëdhëniet ndërmjet institucioneve të vendit dhe pranisë civile ndërkombëtare.

http://www.botasot.info/?gjuha=0&category=3&id=29745

Citim:

Komisioni parlamentar për siguri kërkon që legjislativi të thotë fjalën e fundit për protokollin

Komisioni për Siguri i Kuvendit të Kosovës ka kërkuar që organi legjislativ të thotë fjalën e fundit për nënshkrimin e mundshëm të protokollit në mes të EULEX-it dhe Ministrisë së Punëve të Brendshme të Serbisë.

Kryetari i këtij komisioni, Rrustem Mustafa, ka kërkuar nga Qeveria e Kosovës raporte të detajuara për këtë çështje, për gjendjen në veriun e Mitrovicës dhe prezenca civile ndërkombëtare në Kosovë.

Ndërkohë, anëtarët e Komisionit, Gani Geci i LDD-së dhe Melihate Tërmkolli e LDK-së, kanë kritikuar institucionet e Kosovës për qasjen ndaj protokollit, duke kërkuar që të mos anashkalohet assesi Kuvendi i Kosovës.

http://www.kohavision.net/index.php?...ac=0&Itemid=40

Citim:

Prishtina mban qëndrimin kundër protokollit edhe pas sugjerimeve të BE-së

Një ditë pas sugjerimit të Bashkimit Evropian për vazhdimin e konsultave rreth protokollit, është deklaruar Presidenti i vendit Fatmir Sejdiu, duke thënë se Prishtina vazhdon me qëndrimin e mëhershëm- kundër protokollit.

Kundër këtij protokolli po sot është shprehur edhe Komisioni për Punë të Brendshme dhe Siguri i Kuvendit të Kosovës, i cili ka debatuar për situatën e sigurisë në vend.

Ndonëse BE- i ka sugjeruar dje përfaqësuesit të tij në Kosovë, Piter Faith që të vazhdojnë konsultimet për siç janë shprehur, aranzhime teknike me Beogradin, në Prishtinë, liderët shtetëror thonë se për Prishtinë kjo mbetet çështje e mbyllur.

Presidenti Sejdiu tha se institucionet e Kosovës vazhdojnë të shprehin gatishmërinë për bashkëpunim me EULEX-in për të mirën e Kosovës, ndërsa qëndrimi për protokollin është i pandryshueshëm.

“Kemi mbyllur debatin për protokollin, por do të bashkëpunojmë me EULEX-in për të mirën e Kosovës”, ka thënë sot presidenti i vendit, Fatmir Sejdiu. Duke komentuar pëlqimin e dhënë nga Brukseli për nënshkrimin e marrëveshjes së protokollit në mes të EULEX-it dhe Serbisë, Sejdiu ka thënë se EULEX-i do të mbetet vetëm partner mbështetës për Kosovën.

Ndërkohë Komisioni për Siguri i Kuvendit të Kosovës ka kërkuar që organi legjislativ të thotë fjalën e fundit për nënshkrimin e mundshëm të protokollit me Serbinë.

http://www.rtklive.com/?categoryId=1&newsId=39465

4.9.2009, 22:58

Citim:

EULEX-i protokolle me Serbinë edhe për dogana e gjyqësi

Prishtinë, 4 shtator - Zyrtarët e EULEX it kanë konfirmuar se bashkëpunimi i tyre me Serbinë do të zgjerohet edhe në fushën e doganave dhe të gjyqësisë, megjithëse zëdhënësja e misionit të BE së për sundim të ligjit, Karin Limdal, ka thënë se nuk pritet nënshkrimi i shpejtë i këtyre marrëveshjeve "Marrëveshjet teknike në gjyqësi dhe dogana me Serbinë kanë qenë pjesë e bisedimeve, por nuk ka shenja se ato do të formalizohen tani".

Ajo theksoi se EULEX i është i interesuar që të ketë bashkëpunim për polici, drejtësi dhe gjyqësi me të gjitha vendet e rajonit dhe se formalizimi i marrëveshjeve të bashkëpunimit nuk po bëhet vetëm me Serbinë.

http://www.kosova.com/artikulli/55870

Citim:

Policia e Kosovës e painformuar për protokolin e EULEX-it

Policia e Kosovës nuk është e informuar me përmbajtjen e protokolit të EULEX-it, të cilin sunon ta nënshkruajë me Serbinë. Drejtori i Përgjithshëm i Policisë së Kosovës, Sheremet Ahmeti, megjithëse e vlerëson të domosdoshëm bashkëpunimin me fqinjtë për luftimin e krimit të organizuar, thotë se kjo duhet të bëhet në partneritet të policive të shteteve.

“Nuk kam qenë fare i konsultuar për këtë. Askush nuk e ka diskutuar me mua këtë, por nevoja e bashkëpunimit është e domosdoshme sepse krimi dhe kriminelët veprojnë pa kufij. Nevoja për bashkëpunim në luftimin e krimit është domosdoshmëri, por gjithmonë në baza të reciprociteti, mbi baza të shëndosha profesionale”,tha Sheremet Ahmeti.

Ahmeti thotë se EULEX, në rast se vendos ta nënshkruajë këtë protokol me Serbinë, duhet t’I përmbahet një memorandumi të nënshkruar më herët me Policinë e Kosovës dhe të jetë I kujdesshëm në informacionet që shkëmben me Beogradin.

“Ne e kemi memorandumin me EULEX-in dhe ai shumë mirë I rregullon çështjet. Edhe aty vlen reciprociteti sepse edhe EULEX edhe agjencionet tjera të sigurisë duhet ta respektojnë Policinë e Kosovës si partner dhe të sillen si partnerë. Do të veprohet në mënyrë reciproke”, shtoi Sheremet Ahmeti.

Prishtina zyrtare ka hedhur poshtë çdo mundësi të nënshkrimit të këtij protokoli nga ana e EULEX-it me arsyetimin se ky veprim do ta dëmtonte sovranitetin e shtetit, por Bashkimi Evropian ka mbështetur misionin e vet në Kosovës për t’I shkuar procesit deri në fund pavarësisht kundërshtimit të institucioneve në Prishtinë.

http://alsat-m.tv/index.php/lajme/rajoni/18290.html

Citim:

OVL e UÇK-së: Nuk pranojmë protokolle me Serbinë

Organizata e Veteranëve të UÇK-së nëpërmjet një letre të hapur është shprehur kategorikisht kundër nënshkrimit të mundshëm të protokoll-bashkëpunimit ndërmjet EULEX-it dhe Serbisë.

“Jemi kategorikë në mosrespektimin e cilitdo protokolli eventual EULEX-Serbi. Organizata e Veteranëve nuk pajtohet që për shtetin e pavarur të Kosovës të vendosë tjetërkush në vend të institucioneve legale e kushtetuese të saj”, thuhet në letër.

Në vazhdim në letër thuhet se Organizata e Veteranëve të UÇK-së nuk pranon asnjë akt juridik që nuk përputhet e që nuk është në harmoni me nenin 17 të Kushtetutës së Kosovës.

“OVL e UÇK-së është kundër politikës dyanësore të EULEX-it kur janë në pyetje shqiptarët dhe serbët, siç qe rasti i demonstratave të “Vetëvendosjes” dhe ndërtimeve në Kroin e Vitakut në Mitrovicë.

http://www.kohavision.net/index.php?...1461&Itemid=40

mesdimr · 5.9.2009, 16:27

Filluan të deklarojnë secili më vete:

Citim:

EULEX-i nuk është shtet

Përfaqësues të misionit të Bashkimit Evropian për forcimin e sundimit të ligjit në Kosovë ritheksojnë se nuk kanë ndërmend të anashkalojnë Prishtinën zyrtare në lidhje me nënshkrimin e të ashtuquajturave aranzhime teknike me Serbinë.

Pas këmbënguljes së autoriteteve kosovare se në raport me vendet fqinje do të merren parasysh këshillat e misioneve evropiane në Kosovë, ndërsa do të veprohet në përputhje me Kushtetutën e Kosovës, EULEX-i thekson se, si mision teknik që është, nuk mund të veprojë si shtet.

“Ne nuk po merremi me një protokoll, me një marrëveshje ndërkombëtare apo me ndonjë gjë të ngjashme. Këto gjëra nënshkruhen ndërmjet shteteve. EULEX-i nuk është shtet”, ka thënë për Radion Evropa e Lirë zëdhënësja e EULEX-it, Karin Limdal.

“Ajo që ne përpiqemi të formalizojmë është një aranzhim teknik për shkëmbimin e informatave, të ngjashme me ato që kemi nënshkruar në të kaluarën me Maqedoninë, Shqipërinë dhe Malin e Zi”, theksoi Limdal, për të shtuar se në lidhje me aranzhime të tilla do të përfshihen të gjitha palët në proces.

http://www.telegrafi.com/?id=2&a=5380

Citim:

MPB e Serbisë dhe EULEX, protokollin gjatë shtatorit?

Ministria Punëve të Brendshme (MPB) e Serbisë pritet që gjatë shtatorit ta nënshkruajë Protokollin mbi bashkëpunimin me Misionin EULEX në Kosovë, si "edhe një kanal tè bashkëpunimit", pas ndryshimit të strukturës së prezencës ndërkombëtare në Kosovës, njoftojnë mediat serbe.

Shefi i Byrosë për Punë të Jashtme dhe Integrime evropiane i MPB të Serbisë, Drazhen Maraviq ka deklaruar për mediat serbe se fjala është për çështjen teknike, sepse kontaktet dhe bashkëpunimi veç ekzistojnë prandaj nevojitet formalizimi i tyre.

“Nga njëra anë EULEX ka mandat që t’i ushtrojë disa punë në fushën e sigurisë dhe zbatimin e ligjit në territorin e Kosovës, e ne, nga ana tjetër, tashmë kemi pasur bashkëpunim me UNMIK dhe nuk ka arsyeje tash të mos bashkëpunojmë edhe me UNMIK edhe me EULEX”, ka saktësuar Maraviq, dhe ka shtuar se nënshkrimi i tij pritet gjatë shtatorit.

Ai ka shtuar se propozimi konkret i tekstit është dërguar nga pala serbe, ndonëse iniciativa ka qenë e dyanshme dhe ka rikujtuar se edhe bashkëpunimi me UNMIK “ka qenë i shprehur me një tekst që e kanë nënshkruar Qeveria e Serbisë e MPB me UNMIK”.

„Kur u bënë ndryshimet e strukturës së prezencës ndërkombëtare në Kosovë, ishte e logjikshme që bashkëpunimit ekzistues t’i shtohet edhe një kanal – midis policisë tonë dhe EULEX-it. Aty s’ka pasur asgjë kontestuese, bashkëpunohet në fushën e kompetencave të këtij Misioni si pjesë e bashkësisë ndërkombëtare që ka marrë përgjegjësi për sigurinë në territorin e Kosovës”, saktëson Maraviq.

Sipas fjalëve të tij, me EULEX janë mbajtur shumë takime në shkallë të ndryshme, si të drejtorisë ekzistuese bashkërenduese për Kosovën ashtu edhe në nivel të policisë, janë këmbyer informatat... Maroviq vë në dukje se fjala është për një aranzhman tipik pune që lidhet në fushat e tilla.

Ministri serb i policisë, Ivica Daçiq në fillim të gushtit paralajmëroi nënshkrimin e Protokollit mbi bashkëpunimin me EULEX dhe ka rikujtuar faktin se marrëveshja e nënshkruar më herët mbi bashkëpunimin policor të MPB dhe UNMIK-ut që në të vërtetë është vetëm protokoll mbi bashkëpunimin e domosdoshëm operativ.

Daçiq ka cekur se është e domosdoshme që kontrolli i “linjës administrative me Kosovën” të jetë i mirë e që, sikurse ka nënvizuar, është esenca e Protokollit me EULEX.

Daçiq pat cekur atëherë se Protokolli mbështetet në Rezolutën 1244, në vendimet përkatëse të BE dhe është në harmoni me Raportin e Sekretarit të Përgjithshëm të KB prej gjashtë pikave, që tashmë u është prezantuar qytetarëve.

http://www.rtklive.com/?categoryId=1&newsId=39593

Kandhaon · 5.9.2009, 16:46

Edhe Doris Pack, është kundër që të anashkalohet vendimi i Prishtinës zyrtare.

6.9.2009, 18:50

6.9.2009, 18:50

Citim:

BE: Protokolli do të nënshkruhet

Zëvendësshefi i Departamentit suedez për Bashkimin Evropian, Lars Wahlund, i tha BBC-së se protokolli i bashkëpunimit ndërpolicor ndërmjet EULEX-it dhe Beogradit zyrtar do të nënshkruhet së shpejti.

Ai tha se në Bruksel nuk ka vullnet për ndryshim të asnjë pjese të protokollit. Sipas tij, ajo është marrëveshje teknike ndërmjet BE-së dhe Beogradit për bashkëpunimin përreth kufirit.

Wahlund shfaqi bindjen e tij se BE-ja do ta ndryshojë qëndrimin e Prishtinës zyrtare ndaj protokollit përmes bisedimeve dhe dialogut.

Autoritetet në Prishtinë kanë ripërsëritur qëndrimin e tyre se debatet për protokollin EULEX-Serbi janë të mbyllura, por thonë se do të vazhdojnë bashkëpunimin me misionet ndërkombëtare në Kosovë.

Ndërkohë misioni i EULEX-it ka paralajmëruar nënshkrimin e dy protokolleve të tjera, atë të doganave dhe të drejtësisë.

Çështjen e protokollit për policinë zëvendësshefi i departamentit suedez për BE-në e cilësoi të jetë në interes të Prishtinës zyrtare. Ai nënvizoi se udhëheqësit politikë të Kosovës kanë qenë në dijeni të plotë për të gjitha bisedimet e misionit evropian për drejtësi dhe polici me Beogradin për protokollet.

http://www.telegrafi.com/?id=2&a=5399

7.9.2009, 18:36

Citim:

Kuçi: "Protokolli" është kundër interesit të vendit dhe në kundërshtim me Kushtetutën

Prishtinë, 7 shtator - Zëvendëskryeministri Hajredin Kuçi ka dhënë sot disa sqarime para Komisionit Parlamentar për Punë të Jashtme rreth raportit të Qeverisë me EULEX in, me theks të veçantë paralajmërimin e nënshkrimit të Protokollit të bashkëpunimit EULEX - Ministri e Brendshme e Serbisë, i cili siç është shprehur Kuçi, kontestohet në aspektin e procedurës (është hartuar në bashkëpunim me Beogradin pa u pyetur institucionet e Kosovës), të përmbajtjes (preket sovraniteti i vendit) dhe të palëve që përfshihen në të.

Ai ka pohuar se për përmbajtjen e protokollit është njoftuar vetëm më 27 korrik, pasi që i kishte drejtuar një letër të hapur shefit të EULEX it, Iv dë Kermabon, kurse ka pranuar se ka presion nga segmente të ndryshme ndërkombëtare që Kosova ta mbështesë këtë dokument.

Kryetari i Komisionit Parlamentar për Punë të Jashtme, Sabri Hamiti, ka theksuar synimet e qarta të popullit të Kosovës për integrime evropiane, prandaj edhe për marrëdhënie të mira të bashkëpunimit me EULEX in, por e ka quajtur të domosdoshëm shqyrtimin e Protokollit të bashkëpunimit EULEX - Serbi. Qeveria e Kosovës, ka thënë ai, nuk ka pse t'i nënshtrohet dokumentit, i cili është kundër interesit të vendit dhe në kundërshtim me Kushtetutën.

Nënkryetari i këtij komisioni, Xhavit Haliti, ndërkaq, ka theksuar se Qeveria e Kosovës duhet të marrë vendime në interes të vendit dhe jo nën presionin e opinionit dhe të medieve.

Edhe anëtarët e tjerë të Komisionit janë pajtuar se Protokolli i bashkëpunimit EULEX - Serbi është i dëmshëm për interesin e vendit, kurse përfaqësues të opozitës në këtë komision kanë theksuar se dokumenti derivon nga Plani gjashtëpikësh i Sekretarit të Përgjithshëm të OKB së, Ban Ki Mun, andaj është dashur të kundërshtohej që në nismë të tij, në shkurt të këtij viti.

Shumica e anëtarëve të Komisionit janë pajtuar se teksti i dokumentit duhet amendamentuar konform realiteteve të reja pas shpalljes së pavarësisë së vendit, ndryshe do të ishte i pazbatueshëm në territorin e Republikës së Kosovës, kanë theksuar ata.

http://www.kosova.com/artikulli/55924

Citim:

Ahtisaari: Vendet që nuk e njohin Kosovën pengojnë zgjerimin e BE-së

"Shtetet që kanë pasur konflikte në Ballkan nuk do të mund të hyjnë në Bashkimin Evropian, pa i normalizuar marrëdhëniet. Në këtë rast Serbia nuk mund të hyjë në BE para se ta njohë Kosovën si shtet", tha ish-ndërmjetësi i bashkësisë ndërkombëtare për statusin Martii Ahtisaari.

Ish- presidenti finlandez ka shprehur keqardhjen për ndarjet brenda BE- së lidhur me Kosovën dhe ka shtuar se "vendet që nuk e njohin Kosovën duhet të mbajnë përgjegjësi për pengimin e procesit të zgjerimit".

Ahtisaari, në Bruksel ka shtuar se nuk dëshiron që emri i tij të lidhet me ndonjë zgjidhje të statusit të Kosovës, të ndryshme nga ajo që ka propozuar.

http://www.telegrafi.com/?id=2&a=5407

Citim:

“Vetëvendosja” sërish protesta ndaj EULEX-it

Aktivistët e lëvizjes “VETËVENDOSJE” shprehën revoltën ndaj misionit të EULEX-it në Kosovës edhe sot. Rreth 10 prej tyre, e të vëzhguar nga Glauk Konjufca, shënuan në rrethojat e ndërtesës së këtij misioni, "EULEX Made in Serbia" (EULEX, prodhim i Serbisë).

Aktivisti Konjufca tha se ky mision është i padëshirueshëm për Kosovë pasi që dita ditës po merr kompetenca nga institucionet e Kosovës dhe po ua përshtat serbëve.

Ai tha se autoritetet e Prishtinës duhet të parandalojnë një gjë të tillë, pasi që kanë mundësi por që një gjë të tillë nuk e bëjnë. E arsyeja për këtë është ruajtja e karrigeve.

Sipas tij, shumë shpejt do të nënshkruhen edhe protokolle të tjera në mes të këtij misioni dhe Serbisë, për çka populli duhet të thotë JO-në e vet.

Ndryshe aksioni u zhvillua i qetë, dhe nuk pati asnjë person të arrestuar nga policia, e cila vazhdimisht qëndronte pranë tyre.

http://www.tvklan.tv/lajmi.php?id=6860

Citim:

"Vetëvendosja" paralajmëron demonstrata të reja

(...)

"Ne shkruam kështu, sepse gjithnjë e më shumë po bëhet e qartë, që kemi të bëjmë me një mision, i cili vazhdimisht është duke marrë kompetencat prej Kosovës si shtet dhe në drejtim të transhesë së bashkëpunimit me Serbinë. Tash së fundi u kuptua që EULEX i jo vetëm që është i gatshëm të nënshkruajë protokoll bashkëpunimi policor për kontrollimin e kufijve me Serbinë, po janë paralajmëruar edhe nënshkrimet të tjetra, sidomos ajo që është me e ndjeshme ka të bëjë me doganat dhe gjyqësinë", tha Konjufca.

Lëvizja "Vetëvendosje" ka paralajmëruar se së shpejti do të mbahen protesta të reja.

http://rtv21online.com/home/?section...ls&newsid=3289

mesdimr · 8.9.2009, 21:44

Një tjetër që e ka kapur fillin e peshës politike të protokollit.

Citim:

Në këmbim të protokollit, udhërrëfyes për liberalizim

Protokollet apo aranzhimet teknike me Serbinë janë të nevojshme, dhe në këmbim të tyre Kosova do të duhej të fitonte udhërrëfyesin për liberalizimin e vizave, thotë ekspertja e Iniciativës Evropiane për Stabilitet, Verena Knaus.

Në një intervistë për Radio Kosovën, Knaus e pranon se protokollet e paralajmëruara ndërmjet EUELEX-it dhe Serbisë nuk janë thjesht çështje teknike.

“Sipas meje këtu esencialisht bëhet fjalë për Serbinë dhe procesin e Serbisë drejtë liberalizimit të vizave, dhe, kjo është çështja që deri tani nuk është fokusuar edhe aq në Kosovë. Kur shikojmë çështjen e liberalizimit të vizave, Komisioni Evropian dhe pas tij të gjitha vendet anëtare të BE-së, kanë përcaktuar katër kushte të cilat Serbia duhet t’i plotësojë për të fituar liberalizimin e vizave. Njëra prej tyre është protokolli apo marrëveshja e bashkëpunimit me EULEX-in. Pra, kur Bashkimi Evropian e shikon këtë çështje, atëherë e shikon nga këndvështrimi se ajo është parakusht për Serbinë që të sigurojë liberalizimin e vizave. Por, gjithashtu, dhe mendoj se kjo nuk është kuptuar mirë në Kosovë, kjo është njëfarë mënyre për të “paketuar” njëfarë marrëveshje për Serbinë që të pranojë sërish kufijtë në veri, t’i hapë ata dhe t’i bëjë sërish funksionalë, të funksionojnë sërish normalisht doganat ashtu si para pavarësisë dhe në të njëjtën kohë për të operuar si më parë, por me EULEX-in si partner tani”.

Knaus thekson se Bashkimi Evropian ka interes të madh në vendosjen e raporteve të mira me Serbinë, ndërsa kjo gjë është edhe në interesin e Kosovës.

“Është e qartë se as Kosova, e as Serbia nuk do të përparojnë drejtë anëtarësimit në BE, apo të kenë sukses në luftimin e problemeve të veta: korrupsionit, krimit të organizuar, përmirësimit të shërbimeve doganore apo përmirësimit të jetës së qytetarëve të tyre, pa njëfarë niveli bashkëpunimi, të paktën praktik... EULEX-i është dizajnuar, si mënyrë, për vendet që kanë qenë skeptike për pavarësinë e Kosovës, që t’i mundësojë Kosovës të bëhet e pavarur dhe në të njëjtën kohë për të bindur vendet anëtare skeptike se do të ketë diçka atje, pra mision të BE-së për sundimin e ligjit, që do të marrë përsipër disa funksione të caktuara nga UNMIK-u...EULEX-i në konceptin e tij fillestar nuk kishte të bënte me raportet me Serbinë. Tani është bërë “mjeti” përmes të cilit Kosova do të flasë, apo të vazhdojë të flasë me Serbinë, pas ndërprerjes së bisedimeve ndërmjet Prishtinës dhe Beogradit, por kjo nuk ka qenë ideja fillestare”.

Por ekspertja e Iniciativës Evropiane për Stabilitet vlerëson se Serbia, me anë të këtyre protokolleve, po përpiqet edhe të ruajë ndikimin e saj mbi veriun e Kosovës. Gjë që sipas saj, është në kontradiktë me aspiratat e Serbisë për t’iu bashkuar BE-së.

“Mendoj se është shumë e qartë dhe unë plotësisht pajtohem me Marti Ahtisarin, i cili vazhdimisht e thekson se nëse Serbia vërtetë aspiron që t’i bashkohet Unionit Evropian, duhet të pranojë realitetin në Kosovë, dhe, realiteti i ri është se Kosova është e pavarur, në kufijtë aktualë që përfshijnë edhe veriun. Nuk mendoj se Serbia po e përdor këtë protokoll për të rivendosur apo rikthyer kontrollin. Ka shumë mënyra përmes të cilave Serbia mundohet të ruajë kontrollin: njëra është duke kërkuar gjithnjë rifillim të bisedimeve, mënyra tjetër është që të mbajë në të njëjtën “rrugë” pesë vendet anëtare të BE-së që ende nuk e kanë njohur Kosovën, që të mos ndërmarrin hapa përpara dhe ta njohin Kosovën. Pra, ka shumë mënyra, sipas të cilave Serbia mundohet të mbajë një nivel të intervenimit politik dhe të kontrollit politik mbi komunitetin serb në Kosovë në veçanti në veri”.

Në intervistën e gjatë për Radio Kosovën, Knaus ka thënë gjithashtu se EULEX-i ka një varg të fuqive ekzekutive, por vitet e ardhshme kjo do të tregohet e rrezikshme dhe do të shtrohet çështja e mandatit të vërtetë të EULEX-it dhe të ICO-s.

“Kjo ka qenë e domosdoshme si mënyrë dhe si parakusht për Kosovën që të arrijë pavarësinë, por vitin e ardhshëm, në 2010, në tavolinë do të shtrohet çështja se cili është mandati i EULEX-it në të ardhmen dhe cili do të jetë mandati i ICO-së në dritën e faktit se plani i Ahtisarit nuk ka marrë aprovimin e Këshillit të Sigurimit, se jo të gjitha vendet anëtare të BE-së qëndrojnë pas tij, pra shumëçka ka ndryshuar”.

Knaus konsideron se Qeveria e Kosovës është dashur të ketë qasje më taktike në raportet e saj me EULEX-in dhe të thotë: “Ne vërtetë kemi nevojë për EULEX-in në terren, ne vërtetë e duam EULEX-in këtu për të na asistuar, për të na monitoruar, për të na mentoruar e këshilluar, por me të vërtetë e duam EULEX-in këtu për të na ndihmuar në zbatimin e të gjitha atyre kushteve që janë të domosdoshme për Kosovën që të fitojë liberalizimin e vizave...”

Duke komentuar mosnjohjen e Kosovës nga ana e pesë shteteve të BE-së, Knaus pajtohet se kjo e dëmton perspektivën evropiane të Kosovës.

“Është shumë e qartë se në këtë moment është e pamundur për Kosovën dhe për Komisionin Evropian, në emër të vendeve anëtare, për të pasur marrëdhënie kontraktuese dhe për të ndërmarrë ata hapa të nevojshëm në avancimin drejtë anëtarësimit në BE. Kjo fillon me studimin e fizibilitetit si hap i parë drejtë Marrëveshjes së Stabilizim - Asociimit. Disa vende e kanë bllokuar progresin duke thënë se nuk duan studimin e fizibilitetit. Nëse shkoni tutje ato gjithashtu do të bllokojnë Marrëveshjen e Stabilizim - Asociimit. Edhe në rast se nuk do të bllokojnë Marrëveshjen, do të bllokojnë ratifikimin e saj. Do të ketë gjithnjë shumë mënyra për të bllokuar progresin e Kosovës drejtë Bashkimit Evropian”.

Edhe në rastin e udhërrëfyesit për liberalizimin e vizave, Sipas Knaus, Komisioni Evropian i ka duart e lidhura, sepse nuk ka mandat në aspektin juridik, siç ka bërë me vendet e tjera.

Por sipas saj, Komisioni dhe miqtë e tjerë të Kosovës po përpiqen të gjejnë rrugë kreative dhe disa zgjidhje që janë neutrale ndaj statusit, megjithëse thekson se pa qëndrimin e këtyre pesë vendeve, se nuk do të bllokojnë progresin dhe procesin evropian të Kosovës, do të jetë e vështirë, apo e pamundur për Kosovën që të bëjë hapa të rëndësishëm dhe të qëndrueshëm drejtë BE-së.

http://www.gazetaexpress.com/index.p.../14873/C4/C13/

Ndërsa jeremiçi lëviz dhe kartën angloçifute:

Citim:

Xhuda: Rreth protokollit bëhet zhurmë për asgjë

Pragë, 8 shtator - Analisti britanik, Tim Xhuda, thotë se Kosova nuk mund ta pengojë marrëveshjen ndërmjet EULEX it e Serbisë, meqë atë e ka mbështetur edhe presidenca suedeze e BE së. Sipas tij, kundërshtimi që Prishtina i bën kësaj marrëveshjeje ka të bëjë me çështje të brendshme politike në Kosovë.

"Mendoj se bëhet mjaft zhurmë për asgjë, për sa i përket nënshkrimit të protokollit ndërmjet EULEX it e Beogradit dhe kjo në Kosovë po bëhet për shkaqe të brendshme politike. Mendoj se Kosova nuk do të mund të bëjë shumë rreth kësaj dhe EULEX i këtë marrëveshje do ta realizojë. Nervoza të cilën e kemi parë në Kosovë nuk do të zgjasë gjatë dhe në fund do të qetësohet", tha Xhuda në një intervistë për REL.

Në anën tjetër Xhudfa nuk pajtohet me parashikimet e analistëve të huaj për rritjen e tensioneve në relacionin Prishtinë - EULEX. Ai konsideron se "marrëveshje do të kalojë, çkado që Kosova të mendojë për të".

Sipas tij me rëndësi është të kuptohet konteksti i pakënaqësisë në Prishtinë, i cili ka të bëjë me zgjedhjet lokale në Kosovë, dhe siç thotë, "secili dëshiron që sa më shumë t'i dëgjohet zëri". Madje ai mendon se "Kosova nuk do të ketë kurrfarë ndikimi në nënshkrimin e këtij protokolli" dhe se ajo "është një pikë e vogël në hartën e Evropës dhe Bashkimi Evropian do ta bëjë atë për të cilën ka mandat, i pëlqeu kjo Kosovës apo jo".

http://www.kosova.com/artikulli/55952

Deklarata duket haptas që është shkruar në Beograd për të ulur vlerën që protokolli ka për Serbinë dhe për të hedhur tym.

Dhe qëndrimi i sotëm në Prishtinë:

Citim:

Kuqi: Të dëshmojmë pjekuri qytetare dhe shtetërore

Pas një takimi me anëtarët e Komisionit për Integrime Evropiane të Kuvendit të Kosovës, Kuçi theksoi se Qeveria e Kosovës do të angazhohet për bashkëpunim rajonal, por vetëm nëse trajtohet si shtet i pavarur dhe sovran.

Anëtarët e Komisionit për Integrime Evropiane kritikuan qeverinë për mos-transparencë sa i përket çështjes së protokollit për bashkëpunim policor ndërmjet EULEX-it dhe Serbisë. Kryetarja e këtij komisioni, Zylfije Hundozi, tha se deputetët është dashur të informohen me kohë për përmbajtjen e protokollit. Megjithatë ky komision ka mbështetur qeverinë në kundërshtimin për nënshkrimin e protokollit nga ana e EULEX-it:

“Ne e përkrahim qeverinë në gjitha këto qëndrime që të ruhet sovraniteti i Qeverisë së Kosovës, por njëherit të ruhet edhe bashkëpunimi me institucionet evropiane, gjegjësisht EULEX-in pasi gjitha institucionet e Kosovës e kanë qëllimin përfundimtarë integrimin në BE”, ka thënë Zylfije Hundozi.

Pasi njoftoi anëtarët e Komisionit për kundërshtimin që institucionet po i bëjnë nënshkrimit të protokollit, zëvendëskryeministri Kuçi ftoi qytetarët, e në veçanti Lëvizjen “Vetëvendosje”, që në rast të nënshkrimit të protokollit EULEX - Serbi të mos bëjnë veprime të cilat dëmtojnë imazhin e Kosovës.

“Unë i ftoj gjithë qytetarët dhe pjesëtarët e Lëvizjes “Vetëvendosje” që të respektojnë rendin dhe ligjin në Kosovë dhe të mendojnë gjithmonë për perspektivën e vendit. Dhe, kësaj radhë të mos e qesim veten në pozitën e atyre që kundërshtojnë dike, që është ndërkombëtare. Ne kemi qëndrim që kundërshton raportin në dilema me Serbinë. Jam i bindur se rendi do të ruhet dhe vetëdija qytetare dhe e “Vetëvendosjes” është të mos prishet imazhi. I ftoj të jenë të vëmendshëm, jo në veprime emocionale dhe të mbështjellura me ndjenjën nacionale. Të shohim, jo vetëm veprimet afatshkurtra por edhe ato afatgjata”, ka theksuar zv/kryeministri Kuçi.

Anëtarët e Komisionit për Integrime Evropiane kërkuan që në ndonjërën prej seancave të ardhshme të Kuvendit të diskutohet çështja e protokollit ndërmjet EULEX-it dhe Serbisë.

Në mbledhjen e këtij komisioni, zëvendëskryeministri Hajredin Kuçi raportoi edhe për planin e ri të veprimit për Partneritet evropian.

Komisioni pati vërejtje për vëllimin e këtij plani pasi në të parashihen 598 veprime për të cilat anëtarët e komisionit thanë se institucionet nuk kanë kapacitete zbatuese.

Zv/kryeministri Kuçi theksoi se plani parasheh periudhën deri në vitin 2011 prandaj përgjegjësitë që dalin nga plani e kanë afatin e zbatimit.

”Kosova po përparon prandaj raporti i fizibilitetit me BE-në do të jetë pozitiv”, theksoi Kuçi.

http://www.botasot.info/?gjuha=0&category=3&id=30607

Citim:

Krasniqi: Protokolli për faj të EULEX-it, Presidencës dhe Qeverisë

Në mbledhjen e së martës të Kryesisë së Kuvendit të Kosovës, kreyparlamentari Jakup Krasniqi, përveç EULEX-it, i bën përgjegjëse edhe institucionet e Kosovës për çështjen e protokollit.

Pas mbledhjes, për çështjen e protokollit kryetari Krasniqi edhe një here përsëriti se fajtor të për krijimin e kësaj gjendje janë vetë institucionet e Kosovës, duke përmendur këtu Qeverinë dhe Presidencën, por duke mos anashkaluar as EULEX-in.

“Konsideroj se nuk është menaxhuar mirë kjo çështje nga të dyja palët”, tha Krasniqi pas takimit të përbashkët kryesisë së Kuvendit dhe shefave të grupeve parlamentare, në të cilën nuk është shqyrtuar çështja e protokollit për mungesë të kërkesës së deputetëve.

Ndryshe, Kryesia ka vendosur që në seancën e parë vjeshtore e Kuvendit të Kosovës, pas pushimit, e cila do të mbahet më 17 shtator, pikë e parë e rendit të ditës të jenë pyetjet parlamentare për punën e Qeverisë së Kosovës, për të proceduar pastaj me projektligjet.

Do të shqyrtohen për herë të parë: Projektligji për Qeverinë e Republikës së Kosovës, ai për Shërbimin Civil të Republikës së Kosovës dhe Projektligjit për pagat e nëpunësve civilë, projektligje këto të tërhequra nga Qeveria e Kosovës në seancën e 28 majit të këtij viti (për konsultime me faktorë ndërkombëtarë për koston financiare të implementimit të tyre).

http://www.gazetaexpress.com/index.p.../14879/C4/C13/

Citim:

Protokolli EULEX-Serbi, apo legalizim i strukturave kriminale serbe
Ramiz Bojaj

Përpjekjet e Misionit Evropian EULEX, për nënshkrimin e marrëveshjeve protokollare me Serbinë cenon në mënyrë të drejtpërdrejtë integritetin dhe sovranitetin e shtetit të pavarur të Kosovës. Nënshkrimi i protokolleve, nuk është asgjë tjetër veçse amnisti i të gjitha grupeve kriminale në veriun e territorit të vendit tonë, të cilat për dhjetë vjet me radhë janë përgjegjësit kryesor të aktiviteteve kriminale dhe mafioze.

Çfarë marrëveshje bashkëpunimi, mund të quhet protokolli i EULEX-it, kur veriu është i stërmbushur nga kriminelët mafiozët dhe policë të Serbisë. Në fakt Serbia është burim i të gjitha problemeve ekzistenciale në veri, e cila me shumë kujdes “dirigjon” strukturat ilegale dhe paralele serbe në veri.

Serbia përmes mekanizmave ilegale dhe kriminale, i ka shpallur luftë Kosovës duke djegur pikat doganore 1 dhe 31, për të vazhduar me sulme tjera kundër misionit ndërkombëtar të KFOR-it, dhe UNMIK-ut, duke lënë të vrarë(ushtari i KFOR-it i vrarë gati dy vjet me parë) dhe dhjetëra të lënduar nga radhët e misionit të OKB-së. Kjo aventurë vazhdon edhe sot, duke sulmuar banorët civilë shqiptarë, të cilët mëtojnë të kthehen në tokat e tyre autoktone dhe stërgjyshore(në shtëpitë e djegura nga strukturat paralele), alias të ‘legalizuara’ nga misionet ndërkombëtare (UNMIK-EULEX).

Gjithashtu, EULEX-i nuk mund të nënshkruajë protokolle me MUP-in serb, i cili është bashkërreshtues dhe pjesëmarrës, pothuajse në të gjitha aktet kriminale në veri dhe pjesë tjera të Kosovës.

Ajo qe është edhe më e paprecedent, Policia e Serbisë së bashku me ‘armatën’, shakatare serbe të udhëhequr nga kryekrimineli Millosheviq, dëboi rreth një milion shqiptarë nga trojet e veta etnike, duke shënuar numër të madh të civilëve të vrarë. Pa ndëshkimin e dënimin e kriminelëve serb të luftës dhe pa njohjen e pavarësisë së Kosovës nga Serbia, çdo marrëveshje protokollare, por edhe të natyrave tjera është i papranueshëm për popullin e Kosovës, vullnet i cili duhet të mbrohet gjer në fund edhe nga institucionet shtetërore të vendit tonë.

Dhe në fakt kundërshtimi i protokollit të EULEX-it, për shtetin dhe popullin e Kosovën do të thotë mbrojtje e interesit nacional dhe shtetëror. Mohimi i qeverisë së Kosovës rreth protokollit është përshëndetës për faktin se asnjë marrëveshje ndërkombëtare nuk mund të nënshkruhet pa institucionet e Kosovës.

Pikat e marrëveshjes, apo absurdi i radhës

Në dokumentin e marrëveshjes EULEX-Serbi,(tashmë të publikuar), anekset përmbajtjesore dëshmojnë për bashkëpunim hipotetik dhe të kamufluar të luftës së krimit të organizuar, ndërkufitar dhe formave tjera ilegale.

Nëse kërkohet të luftohet krimi i organizuar ai vepron gjysmë legal, por edhe legal në veri, dhe enklava tjera serbe; atëherë përse nuk luftohen strukturat paralele dhe ato kriminale në veri.

“Mes Ministrisë së Punëve të Brendshme të Republikës së Serbisë dhe EULEX-it (pjesëmarrësit) mbi bashkëpunimin policor dhe çështjet e ndërlidhura mbi hetimet e krimit të organizuar, ndërkufitar- kufitar dhe formave të tjera të veprimeve ilegale”, shkruan në aneksin e parë të marrëveshjes, duke vazhduar me “Pjesëmarrësit njohin nevojën për një bashkëpunim të vazhdueshëm në luftën kundër aktiviteteve të paligjshme”.

A thua a janë të ligjshme veprimet kriminale të cilat dogjën doganat, vranë dhe plagosën ushtarë e polic vendas e ndërkombëtarë, duke arritur kulmin me ndalimin për kthim pronash të qytetarëve shqiptarë në pjesën veriore. Dhe në fakt futja në fuqi e Rezolutës së vdekur, 1244, është kulmi i absurditetit të ‘protokollit’ EULEX-Serbi.

Aneksi origjinal: “Pjesëmarrësit bien dakord të bashkëpunojnë në bazë të Rezolutës 1244 (1999) të Këshillit të Sigurimit të Kombeve të Bashkuara, dhe në bazë të Veprimit të bashkuar të Këshillit të BE 2008124 CFSP, duke iu referuar Raportit të sekretarit gjeneral të UNMIK-ut në 24 nëntor 2008 (S2008692)”.

Rezoluta 12 44 ishtë hartuar si fazë kalimtare deri në fuqizimin e segmenteve juridiko-kushtetuese të Kosovës, e cila tashmë është ‘arkivuar’, me të hyrë në fuqi të aktit më të lartë juridik të Kosovës -Kushtetutës. Kohë më parë, zyrtarët e EULEX-it patën konfirmuar se e kanë mbështetjen e 27 vendeve anëtare që të vazhdojnë tutje me nënshkrimin e marrëveshjes, duke e përkufizuar atë si një aranzhim teknik për bashkëpunim policor, ndërkohë që është paralajmëruar finalizimi edhe i dy marrëveshjeve tjera; asaj për bashkëpunim gjyqësor dhe doganor.

Gjyqe të cilat edhe sot e kësaj dite i mbajnë të fuqizuara fletarrestet jo vetëm për qytetarë të pafajshëm të Kosovës, por edhe për burrështetasit më të mëdhenj të paqes globale, siç janë Klarku, Klintoni e personalitete tjera.

Diversiteti marrëveshjeve paraprake

Nënshkrimi i protokolleve në mes të misionit evropian për Polici dhe gjyqësi EULEX, rreth natyrës së bashkëpunimit policor dhe të sigurisë , me Republikën e Shqipërisë, Maqedonisë dhe Malit të Zi, dallon rrënjësisht nga ky i fundit i nënshkrimit (në tentativë) me Serbinë.

Në fakt, tri shtetet e para e kanë njohur pavarësinë e Kosovës, ndërsa Serbia(ish-pushtuese) vazhdon të cilësojë shtetin tonë si pjesë integrale të saj dhe në këtë kontekst, çfarëdo marrëveshje protokollare duhet të hidhet poshtë. Në fakt nënshkrimi i protokollit EULEX-Serbi, legalizon strukturat paralele dhe kriminale serbe në Kosovë, të cilat veprojnë në veri që nga mbarimi i luftës (1999) për të shtuar aktivitetet e tyre pas shpalljes së pavarësisë së Kosovës.

Problem tjetër është edhe natyra menaxhuese e strukturave paralele serbe të cilat vazhdojnë të mbështeten nga qeveria e Beogradit, me shtetin të cilin Misioni Evropian EULEX, mëton të nënshkruajë marrëveshje bashkëpunimi dhe shkëmbim informacionesh.

Paralajmërimi i EULEX-it se është i interesuar që të ketë bashkëpunim për polici, drejtësi dhe gjyqësi me të gjitha vendet e rajonit dhe se formalizimi i marrëveshjeve të bashkëpunimit nuk po bëhet vetëm me Serbinë, tregon se misioni evropian EULEX, po e humbë epiqendrën e funksionimit të saj, për çka edhe është i thirrur të veprojë në Kosovë-asistimi në polici, dogana dhe drejtësi. Nëse duhet nënshkruan protokolle jo vetëm me Serbinë, këtë duhet ta bëjë Kosova, sepse Kosova ka sovranitetin e vet vendimmarrës edhe për protokollet me vendet tjera.

Kulminacioni i strukturave kriminale serbe

Misioni Evropian, por edhe i OKB-së(UNMIK), është sulmuar disa herë nga formacione kriminale serbe në veri, të cilat në bashkëpunim me policinë e Serbisë, MUP-in, kanë lënë të vrarë një ushtarë të KFOR-it dhe dhjetëra policë të UNMIK-ut të hospitalizuar.

Një realitet i tillë ose mëton të shtrembërohet ose të anashkalohet nga Misioni Evropian, EULEX. Nëse EULEX, nuk mund të zgjidhë problemin me ‘strofullën’ e kriminelëve të luftës në veri dhe enklava tjera, atëherë duhet të lëshojë pe para institucioneve shtetërore dhe qytetarëve të Kosovës e jo para Serbisë.

A e din EULEX-i se Serbia është përgjegjësi kryesor jo vetëm i dhunës shumëvjeçare në veriun e shtetit të Kosovës, por edhe i katër luftërave tjera të përmasave ballkanike duke lënë të vrarë e të masakruar dhjetëra civilë të pafajshëm.

Është absurde të nënshkruhet marrëveshje protokollare me Serbinë, rreth krimit të organizuar, informacioneve dhe formave të tjera të veprimeve ilegale, kur tashmë janë të adresuara ‘çerdhet’ e krimit të organizuar dhe aktiviteteve mafioze në veriun e Kosovës, në të cilat fshihen edhe akterë të MUP-it serb, me të cilët EULEX, mëton të nënshkruajë protokollin e marrëveshjes.

http://www.botasot.info/?gjuha=0&category=3&id=30559

9.9.2009, 02:15

Citim:

Protokolli, Thaçi anulon vizitën në Bruksel

Kryeministri i Kosovës, Hashim Thaçi ka anuluar vizitën e tij në Bruksel, ku me shefin e Politikës së Jashtme të BE-së, Havier Solanën, do të diskutonte mbi çështjen e protokollit policor me Serbinë.

Lajmin e bëjnë të ditur mediat kosovare, të cilat iu referohen burimeve pranë kabinetit të Thaçit. Sipas këtyre të fundit, shkak i anulimit të vizitës është bërë axhenda e ngjeshur e Solanës, por edhe ajo e kryeministrit kosovar.

http://alsat-m.tv/index.php/lajme/rajoni/18459.html

Citim:

Two more agreements with EULEX in pipeline

Belgrade. Kosovo Ministry Secretary of State Oliver Ivanović says that, besides the agreement between MUP and EULEX, two further technical agreements are being prepared, B92 informed.

"Following the police agreement with EULEX, agreements on customs and the judiciary will also be on the table, because EULEX has the police, customs and the judicial component within its jurisdiction," Ivanović said in a statement for Tanjug.

“The administrative crossings in northern Kosovo will be covered by the agreement that is being prepared, and on that the Finance Ministry and the Customs Administration are working on, on the one hand, while the EULEX customs component is handling preparations on the other,“ the state secretary explained.

Ivanović underscored that the agreement between the Interior Ministry and EULEX had been based on the same principle, and that the general idea was that the other two agreements would be signed on the same grounds subsequently.

“All three agreements are technical in nature and have no political connotation,“ he said, underscoring that the other two documents would not be discussed before the police agreement was signed.

http://www.focus-fen.net/index.php?id=n193775

mesdimr · 9.9.2009, 21:51

Serbia vazhdon të hiqet sikur marrëveshja është pa vlerë për ta. Po të shihet ajo që konstatuam në fillim, vazhdon dhe BE-ja të hiqet sikur marrëveshja është "çështje teknike", pa vlerë të veçantë, pa ndonjë gjë "pse të bëhet kaq zhurmë" etj. Patetike që gjërat janë aq pa vlerë saqë kanë dy javë që japin deklarata nga zyra e Solanës, nga komisionet e këshillet e PKE-së, nga ministritë e Serbisë e tani dhe nga ambasadorët:

Citim:

Marrëveshja mes EULEX-it dhe Beogradit nga fundi i shtatorit

Beograd, 9 shtator - Beogradi paralajmëron se marrëveshja mes EULEX-it dhe Serbisë do të nënshkruhet nga fundi i shtatorit dhe se me këtë dokument duhet të përkufizohet lufta kundër të gjitha formave të kriminalitetit.

Sipas ministrit për Kosovën në qeverinë e Serbisë, Goran Bogdanoviq, Prishtina gjoja nuk është e interesuar që çështjet e krimit të zgjidhen, duke e akuzuar Kosovën si "një vrimë të zezë në tregtisë me armë, narkotikë dhe me njerëz".

Bogdanoviq thotë se marrëveshja me EULEX-n është në frymën e rezolutës 1244 dhe ka hedhur poshtë pohimet se nënshkrimi i saj do të thotë njohje direkte e shpalljes së njëaanshme të pavarësisë së Kosovës.

http://www.kosova.com/artikulli/55957

Citim:

Sparks: Protokolli nuk paraqet diçka të keqe për Kosovën

Prishtinë, 9 shtator - Ambasadori britanik në Prishtinë, Endi Sparks, thotë se protokolli për bashkëpunimin mes EULEX it dhe Serbisë nuk është në dëm të Kosovës. Ambasadori Sparks tha se debati rreth protokollit është me përmasa spekulative.

"Ka pasur shumë zhurmë dhe spekulime për nënshkrimin e këtij dokumenti, meqë thuhet se EULEX-i do ta shkelte sovranitetin e Kosovës. Si një britanik, si një mik i Kosovës, unë sinqerisht nuk besoj se ky dokument do të përfaqësonte diçka të keqe për Kosovën, se do të shkelte sovranitetin e Kosovës, apo që do të ishte për të keqen e Kosovës", ka thënë Sparks për TV Kosovën.

"Nga këndvështrimi politik i qeverisë britanike, ky protokoll nuk përbën asnjë shqetësim për Kosovën. Gjithë kjo zhurmë në media ka kaluar në përmasa jo të duhura", ka thënë ambasadori britanik në Prishtinë.

Sipas tij, "Kosova nuk do të vuajë për shkak të këtij protokolli", sepse bëhet fjalë për një "aranzhim teknik" , i cili do të mundësonte një bashkëpunim më të mirë me autoritetet e Serbisë në lidhje me kufijtë, ka shtuar Sparks.

Ambasadori britanik sugjeron që protokolli duhet të nënshkruhet mes EULEX-it dhe Serbisë, meqensëe një marrëveshje e tillë nuk mund të arrihet mes Kosovës dhe Serbisë. Protokolli, thotë ai, do të ndihmonte punën e EULEX-it në parandalimin e krimit të organizuara dhe të çfarëdo krimi tjetër, sidomos në veriun e Kosovës.

http://www.kosova.com/artikulli/55969

Për kontrast, ajo që vihet re nga "të papërfshirët":

Citim:

GNK: EULEX-i dhe Prishtina përgjegjëse për situatën e krijuar rreth protokollit

Berlin, 9 shtator - Bashkimi Evropian synon të arrijë një përparim të dukshëm në marrëdhëniet me Serbinë dhe është bërë tepër i ndieshëm ndaj interesave serbe. Prandaj ka fyer dhe destabilizuar autoritetet e Kosovës, konsiderojnë në Grupin Ndërkombëtar të Krizave.

Drejtori për Ballkanin i GNK Marko Prelec thotë se përgjegjësinë për situatën e posakrijuar duhet kërkuar edhe në anën e EULEX-it edhe në anën e Prishtinës, sepse sipas tij, kanë vepruar shumë keq në situatën rreth nënshkrimit të protokollit për bashkëpunimit policor të Serbisë dhe EULEX-it.

Aty është edhe pala e tretë, Beogradi, i cili përfaqëson pozicionet e tij, ndërsa BE-ja në situatën konkrete ishte "tepër e ndieshme ndaj interasave serbe", thotë Prelec për "Dojçe velen".

Meqenëse BE dëshiron të arrijë një progres të dukshëm në marrëdhëniet me Serbinë, që do të thotë aktualizim të regjimit të vizave, Beogradi "duhet të përmbushë të gjitha kushtet e mbetura, të cilat kryesisht kanë të bëjnë me Kosovën", thotë Prelec. Kështu Serbia vjen në situatën që ajo mund të kushtëzojë BE-në.

Sipas drejtorit për Ballkanin në Grupin Ndërkombëtar të Krizave, sikur harrohet fakti se EULEX-i nuk është aty për të çuar përpara stabilizimin e Serbisë dhe Ballkanin Perëndimor, por Kosovën, "ndërsa aty nuk po shoh shumë progres", thotë Prelec.

Në GNK konsiderojnë se në situatën konkrete nuk ka shumë hapësirë manovruese në trekëndëshin Beograd-Prishtinë-Bruksel. Kështu Beogradi vështirë se mund të pranojë protokollin i cili formalisht e përmend Kosovën.

Në anën tjetër Kosova nuk e do protokollin i cili nuk e përmend atë, ndërsa Brukseli synon një marrëveshje. Drejtori për Ballkanin në GNK Marko Prelec është i mendimit se kjo çështje nuk do të çojë drejt përshkallëzimit të konfliktit, por gjithashtu nuk mund të parashohë se si do të zgjidhet kjo nyje e Gordit.

http://www.kosova.com/artikulli/55976

10.9.2009, 07:59

Citim:

Prishtinë: Përgatitje për protestë

Nëse gjithçka shkon sipas planit, ditët në vijim pritet që me mijëra qytetarë të protestojnë kundër nënshkrimit të Protokollit për bashkëpunim policor mes Serbisë dhe EULEX-it.

Protesta pritet të jetë e ngjashme me atë të dhjetorit të vitit kaluar, kur njësoj sikurse për 6-Pikëshin famëkeq, edhe tani rreth 20 organizata dhe individë të ndryshëm kanë marrë iniciativën për të mbledhur qytetarët dhe për të protestuar kundër EULEX-it, i cili sipas tyre po vazhdon të mohojë shtetin e Kosovës si të pavarur.

”Një numër i madh i organizatave kanë konfirmuar pjesëmarrjen në këtë protestë, e cila do të jetë kundër protokollit EULEX – Serbi. Pasi që siç po shihet, EULEX-i po vazhdon nënshkrimin e dokumenteve me Serbinë, të cilat po e mohojnë pavarësinë e Kosovës”, tha Avni Zogiani, kryetar i shoqatës “ÇOHU”, njëra prej shumë organizatave që do të marrë pjesë në këtë protestë.

Sipas Zogianit, deri më tani janë 15 organizata të ndryshme që kanë konfirmuar pjesëmarrjen në këtë protestë dhe pritet që të kenë edhe mbështetje prej qytetarëve, por edhe prej figurave politike.

“Kemi kontaktuar edhe me disa figura politike nga të cilat kemi marrë përgjigje pozitive”, tha Zogiani. Sa i përket organizimit më në detaje, ai tha se janë në kontakt me organizata në vazhdimësi dhe se bashkërisht do të merren vesh se si do të mbahet kjo protestë dhe kur.

“Por mund të them se protesta do t’i ngjasojë asaj që u mbajt për 6-Pikëshin. Do të ketë ndryshime, por në përgjithësi do të jetë në atë formë”, tha ai.
Petrit Zogaj nga organizata “FOL 08”, po ashtu është i bindur se kjo protestë do të jetë e përmasave të mëdha.

“Këto ditë do të specifikohen shumë detaje rreth protestës. Ajo çfarë tash mund të them, është se protesta do të jetë e madhe dhe se ky është një vendim definitiv”, tha Zogaj.

Ai tha se kryesisht iniciativa për këtë protestë ka ardhur nga organizata Vetëvendosje, por e kanë përkrahur të gjithë, për të kundërshtuar nënshkrimin e Protokollit.

Albin Kurti, kryetar i organizatës Vetëvendosje, tha se nuk mund të flasë për asgjë derisa nuk mbahet mbledhja në mes të gjitha organizatave që do të marrin pjesë.

“Pas takimit që do të kemi këto ditë, do të mbajmë një konferencë për media, ku do t’i tregojmë detajet e protestës”, tha Kurti.

http://www.gazetaexpress.com/index.p.../14958/C4/C15/

mesdimr · 11.9.2009, 01:42

Nga "parëndësia" e protokollit, BE pas ambasadorit britanik dje, nxorri sot dhe ambasadorin gjerman, për të thënë se "protokolli nuk është i dëmshëm". Duke u marrë me "dëmet", "harrojnë" ambasadorët të përmendin "vlerën" e protokollit...:

Citim:

Steinbach: Protokolli nuk dëmton sovranitetin e Kosovës

Prishtinë - Pozicioni i nënshkrimit të marrëveshjes në mes të EULEX-it dhe Serbisë nuk do ta dëmtoj sovranitetin e Kosovës, kështu ka deklaruar ambasadori gjerman në Prishtinë Hans Dieter Steinbach.

Ambasadori gjerman tha se, Qeveria gjermane e cila ka njohur Kosovën ndër vendet e para , nuk do të mbështeste masat që shkojnë në dëm të shtetit më të ri në botë. Nga ana tjetër kryetari i Kuvendit të Kosovës Jakup Krasniqi u shpreh se pavarësia e Kosovës nuk mund të vihet në pyetje, dhe se sovraniteti i Kosovës është i garantuar.

Këto komente ambasadori gjerman në Prishtinë, dhe kryetari i Kuvendit të Kosovës Jakup Krasniqi, i bën me rastin e nënshkrimit të kontratës së IPEK-ut, me qëllim të përkrahjes së Parlamentit të Kosovës. Ndërsa shuma që do i jepet këtij institucionit është rreth 18 mijë euro. (ktv/start)

http://www.gazetastart.com/lajm.php?...iptare&nr=4694

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

29.8.2009, 00:24	#45
allianz	Sonte në RTK, bushtra e Solanës, një farë Gallak, ka thënë se BE-ja po e "shqyrton" gjendjen dhe nuk e ka pranuar "bllokimin" e Prishtinës, por do të dalë me vendim këto ditë "për të mirën e Kosovës" (thua ti se protokolli i duhet Prishtinës e jo Beogradit)... Gjithashtu përmendi ndihmën kolosale që i ka dhënë EULEX-i shqiptarëve... dhe se (serbofili) Solana po "konsultohet" me Fejthin dhe Kermabonë për çështjen. Mes gjuhës sikur po i fliste afrikanëve, Gallak shprehu dhe keqardhjen dhe vuajtjen e thellë shpirtërore për "djegien e makinave nga ekstremistët".

29.8.2009, 17:25	#47
mesdimr Anëtarësuar: 8.2006	Problemi kryesor në tërë këtë çështjen e protokollit është fakti se nënshkrimi i protokollit për kufinjtë është kusht për liberalizimin e vizave të Serbisë me BE-në. (Blloku 2, për menaxhimin e kufinjve.) Duke pasur problem me Shqipërinë e Veriut, Serbia nuk përmbush dot kërkesat. Ky problem, me sa duket, ishte parashikuar të kalohej pa zhurmë... nga Solana dhe EULEX-i, duke mos e bërë të qartë vlerën diplomatike dhe politike që ka për Prishtinën. Kjo do të thotë shkurtimisht se Prishtina në këto çaste ka në dorë liberalizimin e vizave BE-Serbi dhe kjo është një kartë shumë e fortë. BE shpresonte të lajkatonte Serbinë duke i liberalizuar qarkullimin, si një lëvizje diplomatike, dhe tanimë pas këtij "problemi" me Prishtinën dhe reagimin shqiptar, BE nuk mund as ta anashkalojë kushtin për Serbinë, sepse është po ajo BE që po bën si gore për plotësimin e kushteve për shtetet e tjera në rajon (sidomos Shqipërisë Perëndimore dhe Bosnjës), kështu që është e detyruar të jetë rigoroze dhe në kushtet ndaj Serbisë. Këtu piqen kokëçarjet e Beogradit dhe Brukselit dhe këtu edhe një herë tregohet që na trajtojnë si koloni afrikane, duke vepruar pas krahëve tona, duke shkelur çdo instancë shtetërore dhe duke bërë një lojë të tillë të ndyrë, në emër të integrimit të Serbisë. Për më tepër, është për t'u vënë re sipas analizës që po bëhet këtu e disa muaj në Beograd, se Serbia nuk parashikon as të anëtarësohet në BE! Qeveria kërkon thjesht liberalizimin e vizave në mënyrë që të ulë presionin e qytetarëve ndaj politikës, duke i dhënë lëvizje të lirë në vendet e BE-së, por prej aty e tutje shteti mendon të ecë siç po ecën (krim i organizuar si bazë e ekonomisë shtetërore) duke e pezulluar pa afat procedurën e "integrimit" në statusin e kandidatit. Pra, tërë vlera e drejtpërdrejtë politike që ka Prishtina tash në dorë përbën armë dhe për rrëzimin e qeverisë së Tadiçit. Sepse mosliberalizimi do të përkthehet si dështim i sigurt në zgjedhjet e ardhshme. Kjo tregon se çfarë problemi thelbësor kanë serbët me "protokollin" dhe se si as Beogradi as Brukseli "nuk po e japin veten" të pranojnë se këtu kemi të bëjmë me një vendim madhor në përcaktimin e kursit politik për Serbinë në vitet në vijim. Këtu hyn reagimi i fundit i Jeremiçit për të hedhur hi syve me deklaratën se "Prishtina po përgatit ofensivë njohjesh të reja dhe ne do të punojmë kundër kësaj", nënkuptimi: "protokolli është pa rëndësi për ne, kemi halle të tjera", përkthimi: "protokolli ka rëndësi madhore për ne". Këtu hyn dhe ajo "tërheqja e veshit" që i bëri Franca dje në darkë Serbisë. Situata është serioze për Serbinë, sidomos për qeverinë aktuale. Dhe kjo është vlera e vërtetë të cilën po përpiqej të vidhte EULEX-i, apo më saktë Solana dhe klika e tij prosllave në Bruksel. Natyrisht që thirrja e Zenelit dhe LDD më lart, për moskrijimin favoresh Serbisë, është veprimi i duhur. Prishtina mund të bllokojë pa afat nënshkrimin e protokollit duke i vënë një varg të gjatë kërkesash Serbisë, që fillojnë nga njohja e pavarësisë, heqja e embargos e deri te të drejtat e shqiptarëve në Luginë, amnistia për të shpërngulurit dhe kthimi i tyre në Luginë, shkollat dhe universiteti shqip në Luginë etj. Raste të tilla nuk vijnë shpesh. Këto nuk do të pranohen nga Serbia, por nga ana tjetër do të vendosin precedent në kërkesat zyrtare të Prishtinës. Për më tej qeveria e Tadiçit do të dëmtohet në votë. A ka këllqe Thaçi tani të marrë realisht shtetin në dorë? Këtu është puna.

5.9.2009, 16:46	#52
Kandhaon Bisha Anëtarësuar: 8.2006 Vendndodhja: Në breshta, mes bredhave,	Edhe Doris Pack, është kundër që të anashkalohet vendimi i Prishtinës zyrtare.

Misioni antishqiptar EULEX (OKB-BE)

Prishtinë: Opozita reagon për mosekzistencën e shtetit