I Zgjedhuri

Doja të përqendrohesha pak tek të dhënat që japin të huajt për përqindjen e dinarikëve në Shqipëri dhe përse nënraca norike na qenkërsh nordike e jo dinarike...

Teoria se 10% e shqiptarëve janë alpinë, për mendimin tim, nuk ka kurrfarë prove vërtetuse. Ky gabim vjen nga përshtypja fillestare e shprehur me forcë në fillim edhe nga Kuni (Coon) se toskët na qenkërshin alpinë, pastaj studimet e tjera në terren e hodhën poshtë këtë fantazim nga ata tipikët e perëndimorëve.

Për mendimin tim, mungesa reale e studimit masiv ka sjellë përqindje të gabuara. Milaj ka bërë një tabelë shumë interesante ku ka përmbledhur gjithë studiuesit. Mendoj se tek kategoria alpinët 10% janë përfshirë elementet shtatshkurtër e kafkëgjerë të gjetur midis shqiptarëve. Duke qenë se alpinët janë rreth 1,62 (vitet '30), krejt kafkëgjerët përreth kësaj gjatësie u përfshinë në mënyre akademike tek alpinët. Për mendimin tim, po të bëhen studime të hajrit, do dalë se ky 10%, ose shumica, janë dinarikë të mesdhetarizuar, pra shtatshkurtër si mesdhetarët, por me tiparet e fytyrës krejt dinarike e jo alpine.

Kur bëra vizitën në Gubbio tek varri i mbretit Gent, pata mundësinë të vija re tipin e pastër alpin dhe ju garantoj, se në Shqipëri nuk ekzistojnë shqiptarë të atillë... Mbase tipi alpin mund të ndryshojë nga vendi në vend, por kam bindjen se ky 10% do hollohet tej mase në rastin e një studimi cilësor...

Të mos harrojmë se raca alpine nga ajo ilirike, dallohet në terren më shumë sesa në letër... Në letër dallimi vjen gati vetëm prej shtatlartësisë.

Po ashtu do doja që kur të flitet për përqindjet të kihet parasysh se raca mesdhetare në trojet shqiptare vihet re më së shumti në Ultësirën Perëndimore
e sa më në brendësi futemi, aq më pak vihet re... Pra tokat lindore shqiptare, Kosovë + Maqedoni kanë shumë më pak mesdhetarë sesa Ultësira Perëndimore. Po ashtu mendoj se nuk duhet të flasim për mesdhetarë, por për mesdhetarë të dinarizuar, pasi me gjetë në Shqipëri një mesdhetar të pastër duhet të jesh kërkues me shumë fat...

Elementi gjenetik gështenjë njihet si element i pavarur prej bjondit dhe të ziut
e përqindja e flokut gështenjë në Shqipëri është dominante në absolut, shumë gështenja të zëna i përfshijnë te floku i zi, ashtu sikundër ndodh që gështenja e hapur ose kafe e hapur quhet bjond ose vjen si bjond...