Rruga e Arbrit (Tiranë-Shkup) (në ndërtim)

mesdimr · 10.6.2008, 13:51

Shteti Perëndimor

Gjatësia: 70km
Segmentet: Tiranë - Zall-Dajt - Muizë - Gur i Bardhë - Urë e Vashës - Plan i Bardhë - Bulqizë - Urë e Çerenecit - Gjoricë - Dibër

Emri: rruga-arbrit.png
Shikimet: 360
Madhësia: 53,9 KB

Emri: rruga-arbrit.png
Shikimet: 360
Madhësia: 53,9 KB

Shteti Lindor

(Në pritje të tenderit)

11.6.2008, 16:33

Ndërtimi i Rrugës së Arbrit shkurton në mënyrë të ndjeshme distancat e transportit që lidhin Tiranën dhe portin e Durrësit me Dibrën, Peshkopinë, Matin, Shkupin. Rruga e Dibrës, e quajtur "Rruga e Arbrit", është e gjatë 75 kilometra. Rruga parashikohet të përshkohet me shpejtësi mesatare 80 kilometra në orë, duke mënjanuar në maksimum ngjitjet malore, edhe se përgjatohet ose ndërpret vargmale me lartësi mbi 1500-2000 metra.

Rruga e Arbrit do të kalojë në 10 zona, ku do të shkurtojë 70 kilometra rrugën e sotme nga Burreli. Fillimet e saj i ka në Tiranë, më pas në Zall-Dajt, Muizë, Guri i Bardhë, Ura e Vashës, Plani i Bardhë, Bulqizë, Ura e Çerenecit, Gjoricë, Dibër.

Sipas burimeve nga Ministria e Transportit aksi rrugor i Rrugës së Arbrit, i cili fillon në Bulqizë dhe përfundon në kufi, ka filluar ndërtimin. Ndërkohë, sipas të njëjtave burime, së shpejti pritet të fillojnë punimet edhe për pjesën nga Tirana në Bulqizës. Rruga e Arbrit është ndarë në katër akse. Ndërkohë paralelisht po bëhet dhe shpronësimi i pronave të tokave ku do kalojë kjo rrugë. Burime nga Ministria e Transportit thanë se po përgatitet lista e subjekteve, të cilat do të shpronësohen. Subjektet e shpronësuara do të shpërblehen sipas vlerës së tregut. Pra për shpronësimi i këtyre subjekteve do të bëhet në saje të hartës së vlerës së tokës të përpiluar nga Agjencia e Kthimit dhe Kompensimit të Pronave.

http://www.tiranaobserver.com.al/al/...5373&Itemid=37

2.11.2008, 14:24

Rruga e Arbrit do t‘i jepte një mundësi të re dhe konkrete Portit të Durrësit, për t‘u shndërruar në një port rajonal dhe më pas kokë e një korridori panevropian. Pavarësisht deklarimeve të deritanishme, Durrësi mbetet një port kombëtar, thjesht porti më i madh në vend.

Ndërkaq, Rruga e Arbrit e shkurton me rreth 100 km distancën mes Portit të Durrësit dhe Shkupit thuajse duke u barazuar me distancën Selanik-Shkup, çka do ta fuste Durrësin dhe krejt vendin në lojën e interesave dhe ofertave, duke e shndërruar në pikë të rëndësishme transiti mallrash e kontejnerësh për në brendësi të gadishullit, si dhe do t‘i jepte një hop të ri zhvillimit ekonomiko-financiar.

http://www.gazeta-shqip.com/artikull.php?id=52690

mesdimr · 26.1.2009, 10:06

Foto të këtij muaji nga gazeta vendore "Rruga e Arbërit":

Emri: rruga-arbrit1.jpg
Shikimet: 171
Madhësia: 77,9 KB

Emri: rruga-arbrit2.jpg
Shikimet: 170
Madhësia: 61,8 KB

Emri: rruga-arbrit3.jpg
Shikimet: 168
Madhësia: 92,0 KB

6.2.2009, 23:22

Shkup, 5 shkurt - Për biznesmenët shqiptarë të organizuar në Odën Ekonomike të Maqedonisë Veriperëndimore është i papranueshëm vendimi i fundit i qeverisë së IRJM-së që të financohet projekti për ndërtimin e aksit rrugor të Korridorit 8, që kalon përmes Gostivarit, Kërçovës dhe fshatit Izvor me destinacion të fundit Dibrën.

"Shumë më herët, Qeverisë së Gruevskit i kemi dorëzuar projektin falas për ndërtimin e Rrugës së Arbrit. Si duket, ky projekt po mbetet vetëm si dekor plus për të zbukuruar raftet e kabinetit të tij", tha Shefki Aliti, projektues i projektit "Rruga e Arbrit".

"Në vend që të financohet projekti që do të shkurtonte rrugën Shkup - Tiranë për 190 km përmes projektit të njohur tek shqiptarët si Rruga e Arbrit, kjo qeveri pranon projektin rrugor që është për 180 kilometra më i gjatë" thotë Aliti.

Sipas Alitit, qeveria në vend që të zgjedhë projektin e ekspertëve shqiptarë të Maqedonisë, e cila duhej të kalonte përmes aksit rrugor Gostivar-Mavrovë - Lugina e Radikës dhe Dibër, qeveria ka zgjedhur aksin rrugor të Korridorit 8 që kalon përmes Gostivarit në Kërçovë, në fshatin Izvor e deri në Dibër.

"Është vendim skandaloz dhe absurd. Qëllimi i ndërtimit ose realizimit të projektit Rruga e Arbrit ishte të shkurtohet distanca e udhëtimit e jo të zgjatet, kurse rruga ekzistuese në Korridorin 8, e cila duhet të ndërtohet, ka distancë prej 370 kilometra.

Aliti thekson se vlera e ndërtimit të Rrugës së Arbrit Gostivar-Dibër, në pjesën e Maqedonisë, kap shifrat prej 400 milion euro, ndërsa projekti që ka kaluar në Qeveri, është parashikuar të përfundojë brenda 6 viteve dhe bashkë me Korridorin 8, që brenda saj përfshinë edhe projekte të infrastrukturës, hekurudhë, energjisë elektrike dhe telekomunikime, arrijnë vlerën prej 1.4 miliardë euro.

http://www.koha.com.mk/a02.html

9.4.2009, 13:26

Tashmë, kur afati kohor i përfundimit të punimeve për ndërtimin e Rrugës së Arbrit ka tejkaluar çdo parashikim të mundshëm, kjo më tepër se shqetësim është kthyer në një alarm të vërtetë për dibranët. Sipas kontratës së nënshkruar nga firmat kontraktore dhe Drejtorisë së Përgjithshme të Rrugëve Tiranë, segmenti Bulqizë-Ura e Çerenecit, prej 17 kilometrash duhet të përfundonte që në datën 4 dhjetor të vitit të kaluar. Por, deri më tani është realizuar vetëm 50 deri në 60 për qind e punimeve, në të gjithë gjatësinë e saj.

Firma tenderuese ka pretenduar se zvarritja e punimeve ka ardhur për shkak të problemeve në procesin e shpronësimeve të tokave të pronarëve ku kalon rruga. Por, për autoritetet vendore, vonesat kanë ardhur për shkak të neglizhencës në punime. Nënprefekti i Bulqizës, Agim Perhati, pohon se njësitë vendore nuk kanë krijuar asnjë vonesë në lidhje me shpronësimet e tokave.

Ndërkohë, drejtuesit e automjeteve që kalojnë në këtë segment rrugor, shprehen se prej më shumë se një viti lëvizja në këtë pjesë rruge është kthyer në një torturë të vërtetë, pasi nga punimet e lëna përgjysmë rruga është shkatërruar krejt.

http://www.gazeta-shqip.com/artikull.php?id=62091

12.6.2009, 14:54

Citim:

S'ka para për "Rrugën e Arbërit"
Zejnulla VESELI

Shkup, 11 qershor - Ministria e Transportit dhe Lidhjeve me miratimin e strategjisë për ndërtimin e infrastrukturës rrugore, ka paralajmëruar se deri në fund të viti 2011 do të përfundohet Korridori 8, dhe do të fillohet me ndërtimin e 7 projekteve tjera rrugore.

"Do të ndërtohet rruga magjistrale Shkup-Bllacë, e cila dukshëm do të ndikojë në qarkullimin sa më të mirë të transportierëve. Tani më me hapjen e rrugës Prishtinë-Kukës- Durrës, edhe qytetarëve të Maqedonisë u jepet mundësia që të shkojnë më shpejtë drejt qyteteve të Shqipërisë", thotë Dragan Simonovski, zëdhënës i Ministrisë së Transportit dhe Lidhjeve.

Ndërkaq, për ndërtimin e "Rrugës së Arbërit", projekt i përgatitur nga Oda Ekonomike e Maqedonisë Veriperëndimore (OEMVP), Qeveria tash për tash nuk parasheh mjete, me arsyetim se kushton shumë. Por, përfaqësuesit e OEMVP mendojnë ndryshe.

"Shqipëria po harxhon miliona euro për ndërtimin e autostradave që lidhin vendin me vendet fqinje. Në ndërtimin e sipër është ndërtimi i rrugës me katër korsi nga Tirana drejt kufirit shqiptaro-maqedonas në Dibër. Mirëpo, e njëjta gjë nuk ndodh më Qeverinë e Maqedonisë edhe pse projekti është i gatshëm", thotë Shefki Aliu përfaqësues i OEMVP-së.

Fjala është për ndërtimin e një autostrade prej 52 kilometrave që kap një kosto prej 180 milionë euro. Sipas Aliut, ky projekt para tre viteve i është dorëzuar kryeministrit Nikolla Grujevski.

"Jo vetëm këtë projekt, por kemi dorëzuar edhe projektin e ndërtimit të autostradës Tetovë-Jazhincë dhe Tetovë-Prizren në një distancë prej 43 kilometra. Për realizmin e këtyre projekteve nevojiten rreth 250 milionë euro që të kemi lidhje infrastrukturore edhe me Shqipërinë përmes Kosovës", thotë Aliu.

Mosfinansimin e këtyre projekteve, ai e vlerëson si një dështim të kësaj qeveria, për shkak se nuk i njeh mirë parametrat ekonomike të shteteve ballkanike.

"Me mosrealizmin e këtyre projekteve, Maqedonia humb shumë dhe do të shndërrohet në një zorrë qore. I gjithë transporti do të kalojë nga Turqia përmes Bullgarisë, Serbisë, Kosovës dhe do të përfundojë në Durrës", thotë Aliu.

http://www.koha.com.mk/a09.html

allianz · 7.8.2009, 23:16

Kanë rinisur punimet në Rrugën e Arbrit.

22.8.2009, 15:49

Citim:

Nisin punimet në Urë e Vashës - Bulqizë

Kryeministri Berisha mori pjesë sot në inaugurimin e fillimit të punimeve për ndërtimin e Lotit 1 dhe 2 të rrugës së Arbrit, që përfshin segmentin dalje Ura e Vashës- Bulqizë.

Loti 1 i segmentit dalje Ura e Vashës - Bulqizë, realizohet me investim të buxhetit të shtetit, me vlerë 838'621'133.9 lekë. Ky lot ka një gjatësi 3.9 km dhe gjerësia e rrugës, duke përfshirë edhe pjesën e bankinës, është 11 m.

Edhe Loti 2 i segmentit dalje Ura e Vashës - Bulqizë, i rrugës së Arbrit realizohet me investim të buxhetit të shtetit, me vlerë 748'248'264 lekë. Ky lot ka gjatësi rreth 3.8 km dhe gjerësia e rrugës në total është 11 metra. Rruga kalon në anën e djathtë të përroit Zalli i Planit të Bardhë dhe të fshatit në këtë zonë.

Projekti i ndërtimit të këtyre dy loteve përfshin ndërtimin e një rruge me të gjitha parametrat bashkëkohor të një rruge funksionale europiane.

Kjo rrugë, theksoi Kryeministri, afron Peshkopinë, Bulqizën me Tiranën me një kohë 2 herë më të shkurtër se sa koha që u duhet sot, si dhe afron Shkupin me Tiranën, me rreth 100 kilometra.

http://km.gov.al/?fq=brenda&m=news&lid=11737

15.10.2009, 12:07

Citim:

Rruga e Arbërit, detajet e projektit nga Bulqiza në Tiranë
Dr. Ing. Faruk Kaba flet për projekt zbatimin e rrugës dhe për procesin e ndërtimit të saj

Projektideja është dorëzuar në D P të Rrugëve dhe pritet të shqyrtohet shumë shpejt nga ky organizëm. Ka qenë një projekt shumë i vështirë për zgjidhje, pasi pothuaj mungonin alternativat, ndërsa luginat kanë një zhvillim, që nuk përputhej me ato ç'ka kërkohen nga rrugë të këtyre standardeve. Megjithatë, zgjidhjet përfundimtare janë gjetur dhe tani pritet të miratohen, për t'u materializuar në projekt zbatimin e rrugës dhe menjëherë me procesin e ndërtimit të saj.

Sidoqoftë, ka qenë e nevojshme që të kapërcehet Qafa e Murrizës me një tunel rreth 3.5 kilometra të gjatë dhe më pas një tunel në afërsi të Gurit të Bardhë, me gjatësi rreth 0.6 kilometra. Por nuk ka qenë vetëm kjo vështirësi. Në një pjesë të konsiderueshme pranë Urës së Vashës, terreni në luginën e lumit Mat është tejet i aksidentuar, i thyer. Kjo na ka detyruar të kalojmë me gërmime të mëdha, me mure dhe ndoshta kur të merren të gjitha detajet e terrenit, pasi të përcaktohet varianti përfundimtar, edhe me ndonjë tunel tjetër.

Vështirësia tjetër më e madhe ka qenë kapërcimi i Luginës së Matit me urë, pranë Urës së vjetër të Vashës. Edhe për këtë janë bërë me dhjetëra tentativa dhe së fundi është përgatitur ajo që e mendojmë si zgjidhja më e mirë: një urë e një tipi të veçantë, e pandërtuar ndonjëherë në vendin tonë, me gjatësi rreth 300 metra, me tre hapësira, ku hapësira më e madhe është 140 metra. Ky tip, që në teknikën botërore quhet "me konsola" apo "kantilever", do të përdoret për herë të parë. E veçantë është se lartësia e urës është rreth 133 metra, pra, më shumë se tre herë lartësia e hotelit në qendër të Tiranës ose rreth 50 metra më e lartë se ura më e lartë në aksin Rrëshen-Kalimash.

Rruga do të ketë edhe një serë veprash të tjera, ndër të cilat spikasin tre viadukte me lartësi mbi 20-25 metra secili, dhjetëra ura të tjera të shumta më të vogla, mure në formën e "terra armata", një teknologji e veçantë kjo për urat e këtyre madhësive e të tjerë vepra më të vogla. Do të lëvizin rreth 2 milion e 300 mijë metra kub dhera, pjesa më e madhe shkëmbore. Rruga do të jetë e asfaltuar me gjerësi 9 metra të asfaltit dhe dy bankina të paasfaltuara nga 1 metër, pra gjithsej 11.0 metra. Parametrat gjeometrike janë të tillë që do të lejojnë një lëvizje me shpejtësi 80 deri 100 kilometra në orë pa probleme, pasi e gjithë rruga do të shoqërohet me një sinjalistikë moderne bashkëkohore. Rruga do të shoqërohet me sinjalistikë dhe masa inxhinierike për një siguri të lartë dhe komode në lëvizje.

Rruga do të ketë dhe një lidhje të veçantë me rrugën nacionale Burrel-Klos-Bulqizë, e cila nga Klosi tek Ura e re e Vashës do të jete 3 kilometra e gjatë. Në këtë mënyrë edhe Burreli do të lidhet me Tiranën në një distancë prej vetëm 57 kilometra, ndërsa Klosi me vetëm 40 kilometra.

-Si pjesë e Rrugës së Arbërit, një tunel rreth 3.3 kilometra, është në përfundim të fazës së projektidesë dhe pritet vetëm hartimi në detaj për inspektimet si dhe miratimi dhe këshillat teknike. A mund të jepni detaje të kësaj projektideje?

Siç e përmenda dhe më lart, projekti përfshin dhe një tunel me gjatësi 3.3 kilometra, që mund të jetë dhe alternativa fituese, pasi janë paraqitur edhe dy variante të tjerë me tunele me gjatësi 3.6 dhe 4.2 kilometra. Tuneli është me të vërtetë një vepër shumë e vështirë. Ai krijon mundësinë e kapërcimit të Qafës së Murrizit me kuotë rreth 1320 metra, që ndan malësinë e Tiranës me atë të Matit. Tuneli është projektuar të kalojë në kuotë 800-820 metra, që bën të mundur kushte më të favorshme nga pikëpamja e dëborës dhe faktorëve të tjerë atmosferikë. Ulja në kuota më të ulëta ka qenë pothuaj e pamundur, pasi do të duhej të zgjatej në mënyrë të jashtëzakonshme ky tunel, dhe sigurisht është kostoja e tij dhe vështirësia.

Megjithatë, mund të themi se kjo pjesë rruge dhe në përgjithësi rruga e Arbërit, kanë një kosto tejet të lartë, rezultat ky i terrenit ku kalon. Vetëm tuneli i Murrizit, kushton rreth 90 milion euro. Vështirësia e tij shtohet po të kemi parasysh kushtet gjeologjike ku kalon ky tunel, të cilat janë nga më të dobëtat. Për të përcaktuar pozicionin më të përshtatshëm të tij janë bërë tentativa të shumta dhe grupi i inxhinerëve është i besimit se ka gjetur pozicionin më të përshtatshëm.

Tuneli fillon në shtëpitë e sipërme të fshatit Murrizë nga krahu i Tiranës dhe del në grykën e lumit të Mashnorit, pranë shtëpive të fshatit Xibër, poshtë shkollës së këtij fshati, në kuota rreth 820 metra mbi nivelin e detit. Afati i ndërtimit të tij, në një farë mënyre do të kondicionojë edhe afatin e ndërtimit të të gjithë rrugës, por përderisa Kryeministri Berisha ka deklaruar një afat rreth 2-vjeçar, mendoj se kjo do të realizohet plotësisht.

-Ç'mund të thoni për ecurinë e deritanishme dhe cilat do të jenë avantazhet e ndërtimit të kësaj rruge?

Deri tani kanë përfunduar ose janë në përfundim 4 nga 5 Lote të rrugës së Arbërit. Loti i 5 është një lot i shkurtër rreth 5 kilometra, jo i vështirë, por që kërkon dhe marrjen e miratimin nga pala maqedonase për pikën e kalimit të kufirit. Pra, mund të themi se projekti është çështje e mbyllur. Ndërkohë, pothuaj ka përfunduar një lot (nga Bulqiza në Urën e Cerenecit) dhe ka filluar puna në lotin paraardhës nga Bulqiza në Klos (Ura Vashës). Menjëherë me dorëzimin e projekt-zbatimit të dy loteve të tjerë, Tiranë (Ura Brarit) - Tunel Qaf Murrizë dhe Tunel Qaf Murrizë - Ura Vashës (Klos) do të fillojnë punimet. Madje, ne si projektues po na kërkohet ky projekt sa më parë të jetë e mundur, për të filluar ndërtimin e saj.

Ndërtimi, dhe veçanërisht vënia në shfrytëzim e kësaj rruge do të ketë një impakt të jashtëzakonshëm, jo vetëm për Dibrën, por edhe për trevat e banuara nga shqiptarët në Maqedoni, për zonën e Matit pa përjashtim (pavarësisht skepticizmit të disa personave), por pse jo edhe për Tiranën, Durrësin e të gjithë vendin. Pasuritë e jashtëzakonshme të trevave të Dibrës andej dhe këtej kufirit do të vihen në lëvizje si kurrë më parë. Madje edhe një kuriozitet: Sofja, kryeqendra e Bullgarisë, me rrugën e Arbërit bëhet me afër me Durrësin, pra me Detin Adriatik se sa me Detin e Zi. Në kushtet e një Europe të bashkuar dhe pa kufij, kjo është shumë domethënëse.

Por, nga të gjithë trevat ato që janë më pranë rrugës do të kenë edhe përfitimet më të mëdha. Dhe kjo është e natyrshme. Kjo është edhe arsyeja përse dibranët mezi e presin këtë vepër të rëndësishme rrugore, të mirat e cilës do t'i shijojnë të gjithë shqiptarët.

Rruga e Arbërit, duke patur këto cilësi është edhe një alternativë shumë tërheqëse e Korridorit të 8-të Paneuropian dhe si e tillë do të jetë tërheqëse për një transport shumë më të gjerë se ai që përmendëm deri këtu. Personalisht uroj që të përfundojë sa më parë të jetë e mundur, për të mbyllur një epokë të vështirë transporti dhe për të hapur një epokë të re. "Via vita est" thonin romakët dhe për Dibrën kjo shprehje është mëse domethënëse dhe kuptimplotë.

" Me ndërtimin e Rrugës së Arbërit, pasuritë e jashtëzakonshme të trevave të Dibrës andej dhe këtej kufirit do të vihen në lëvizje si kurrë më parë

" Sofja, kryeqendra e Bullgarisë, me rrugën e Arbërit bëhet me afër me Durrësin, pra me Detin Adriatik se sa me Detin e Zi. Në kushtet e një Europe të Bashkuar dhe pa kufij, kjo është shumë domethënëse

" Qafa e Murrizës do të kalohet me një tunel rreth 3.5 kilometra të gjatë dhe më pas një tunel në afërsi të Gurit të Bardhë me gjatësi rreth 0.6 kilometra

" Një urë e një tipi të veçantë, e pandërtuar ndonjëherë në vendin tonë, me gjatësi rreth 300 metra, me tre hapësira, ku hapësira më e madhe është 140 metra do të ndërtohet mbi urën e Vashës

" Rruga do të ketë edhe një serë veprash të tjera, ndër të cilat spikasin tre viadukte me lartësi mbi 20-25 metra secili, dhjetëra ura të tjera të shumta më të vogla, mure në formën e "terra armata", një teknologji e veçantë kjo për urat e këtyre madhësive e të tjerë vepra më të vogla

" Rruga do të jetë e asfaltuar me gjerësi 9 metra të asfaltit dhe dy bankina të paasfaltuara nga 1 metër, pra gjithsej 11 metra

" Parametrat gjeometrike janë të tillë që do të lejojnë një lëvizje me shpejtësi 80 deri 100 kilometra në orë pa probleme, pasi e gjithë rruga do të shoqërohet me një sinjalistikë moderne bashkëkohore

" Rruga do të ketë dhe një lidhje të veçantë me rrugën nacionale Burrel -Klos - Bulqizë, e cila nga Klosi tek Ura e re e Vashës do të jetë 3 kilometra e gjatë. Në këtë mënyrë edhe Burreli do të lidhet me Tiranën në një distancë prej vetëm 57 kilometra, ndërsa Klosi me vetëm 40 kilometra

" Tuneli fillon në shtëpitë e sipërme të fshatit Murrizë nga krahu i Tiranës dhe del në grykën e lumit të Mashnorit, pranë shtëpive të fshatit Xibër, poshtë shkollës së këtij fshati, në kuota rreth 820 metra mbi nivelin e detit

http://www.rilindjademokratike.com/R... %C3%AB%20saj

25.10.2009, 15:40

Citim:

Shqipëria gati, Maqedonia çalon

Tetovë, 25 tetor - Shqipëria nga ana e saj është gati të fillojë që këtë vit me përgatitjet rreth punimeve për rrugën e Arbërit nga pjesa e saj. Ndërsa nga pjesa e Maqedonisë, Qeveria e Gruevskit as që e përmend këtë projekt.

Lideri i BDI-së, Ali Ahmeti, këtë neglizhencë e ka arsyetuar me krizën ekonomike, ndërsa ka përmendur projekte tjera infrastrukturore që pritet të realizohen në pjesët me popullsi shqiptare.

"Këtë vit duhet të fillohet dhe është hapur tender për rregullimin e një pjese të rrugës Tetovë-Jazhincë, po ashtu edhe rruga për në vendkalimin kufitar Bllacë, andaj këtë vit nuk mund të fillohet me Rrugën e Arbërit", ka deklaruar Ahmeti, pas takimit me ambasadorin e Shqipërisë në Shkup, Arben Çejku në Tetovë.

Nga ana tjetër, ambasadori Çejku, tha se nga pjesa e Shqipërisë shumë shpejt, bile këtë vit do të fillohet me punë.

"Është projekt që për një orë të arrihet në portin e Durrësit nga Shkupi dhe në këtë drejtim, të dy shtetet duhet që më shumë të kontribuojnë rreth ndërtimit të infrastrukturës rrugore që është shumë e rëndësishme për zhvillimin ekonomik", tha Çejku.

Edhe Ahmeti edhe ambasadori shqiptar janë shprehur se shqyrtohet mundësia e lidhjes së dy vendeve përmes hekurudhës dhe kjo është në plan të dy qeverive. Kohë më parë, Qeveria e Maqedonisë i shtoi edhe disa kilometra të kësaj rruge. Qeveria e Maqedonisë në fillim të këtij viti ka miratuar edhe projektin e ri të rrugës Shkup-Tiranë prej 370 km, ose 180 km më të gjatë se projekti që tek shqiptarët njihet si Rruga e Arbërit me gjatësi prej 190 km.

Ndryshe, edhe Qeveria e Shqipërisë që nga korriku ka paralajmëruar se është në kërkim të firmës që do të fillojë këtë projekt, dhe sipas tyre, ndërtimi i Rrugës së Arbërit shkurton distancën aktuale mes Tiranës dhe Shkupit me rreth 100 km. Kjo rrugë do të kalojë në 10 zona në Shqipëri, ndërsa vazhdimi i Rrugës së Arbërit në territorin e Maqedonisë, pas kalimit të kufirit shqiptar, fillon në Gjoricë, në luginën e Drinit të Zi, poshtë urës së vjetër me harqe të Spiles, e cila është mbuluar nga diga e hidrocentralit të Dibrës së Madhe.

Nga Dibra, në drejtim të Gostivarit rruga kalon nëpër grykën e Radikës, duke vazhduar në drejtim të Gostivarit, Tetovës, Shkupit e Sofjes.

http://www.koha.com.mk/a02.html

16.11.2009, 14:23

Citim:

Prioritet Rrugës së Arbrit

Dibër, 15 nëntor - Zëvendëskryeministri Abdylaqim Ademi gjatë qëndrimit në Dibër ka shpalosur projektet qeveritare për planet zhvillimore të Dibrës. Ai ka theksuar se prioritet kanë projektet infrastrukturore që ndërlidhen me Rrugën e Arbrit.

"Projektet infrastrukturore, sidomos rruga Ura e Boshkut deri në kufirin Bllatë me Republikën e Shqipërisë do të ketë prioritet. Kjo rrugë pastaj do të lidhet me Rrugën e Arbërit. Ndërkaq, planifikohet edhe përfundimi i projektit të Hamamit të qytetit, që ka një rëndësi tejet të madhe kulturore, pastaj financimin e festivalit 'Teatri Shqiptar në Maqedoni', por edhe projekte të tjera", ka deklaruar Ademi.

Ai këto komente i bëri me rastin e shënimit të Ditës së drurit, ku në dy lokacionet në Dibër morën pjesë nxënësit e Gjimnazit dhe shkollave fillore, por edhe të punësuar në administratën shtetërore, lokale dhe institucione të tjera.

Zëvendëskryeministri Abylaqim Ademi i shoqëruar nga kryetari i Dibrës, Argëtim Fida, vizitoi pjesëmarrësit e këtij aktiviteti dhe në lokacionin në afërsi të Liqenit të Dibrës mbolli disa fidane së bashku me kryetarin Fida.

Kryetari i Dibrës, Argëtim Fida deklaroi se në Dibër dhe rrethinë janë mbjellë 70 hektarë në dy lokacione, atë në Tatar Elevcë dhe lokacionin në afërsi të Liqenit të Dibrës. Ai shtoi se aksioni ka hasur në masivitet, ndërsa e ka vlerësuar si domethënës për mjedisin jetësor në këtë qytet.

http://www.koha.com.mk/a15.html

14.4.2010, 07:41

Citim:

Rruga e Arbrit, shkurtohet tuneli

Shkurtimi i tunelit 3.5 kilometra në rrugën e Arbërit krijon mundësinë që kjo vepër të ndërtohet më shpejt dhe me kosto më të ulta. Projektuesi i rrugës inxhinieri Faruk Kaba thotë se po punohet që tuneli do të shkurtohet me rreth 700 metra lineare dhe se projekti përfundimtar mund të jetë gati për afërsisht dy muaj.

"Është vendosur që të ngrihet tuneli në kuotë, nga kuotat rreth 820 në kuota 930-940, pra, rreth 100-120 metra. Kjo do të ketë një impakt pozitiv, si në koston e ndërtimit të këtij tuneli, në sigurinë e këtij ndërtimi, sepse takohen formacione te mira, nga pikëpamja gjeologjike, gjithashtu dhe në afatet e ndërtimit të këtij tuneli, që është shumë e rëndësishme", tha Faruk Kaba, drejtor Infratransprojekt.

Shkurtimi i tunelit ul kostot e ndërtimit por ndryshe nga se ka qenë parashikuar në studimin e fizibilitetit kjo rrugë do të jetë më e shtrenjtë. "Nga Tirana deri në urën e Cerenecit do kushtojë rreth 300 milionë euro", vijoi Kaba.

Rruga e Arbërit është një nga arteriet e rëndësishme që lidh Tiranën me pjesën lindore të vendit. Ajo e shkurton distancën aktuale Tiranë-Peshkopi e më tej me 100 kilometra.

http://www.alsat.tv/ekonomi/rruga-e-...et-tuneli.html

20.4.2010, 06:50

Citim:

“Rruga e Arbërit” që lidh Maqedoninë e Shqipërinë para përfundimit

Shkup, 19 prill - Rruga Durrës-Tiranë-Dibër është në përfundim e sipër. Kjo autostradë, e njohur me emrin Rruga e Arbërit, duhet te lidhë Detin Adriatik dhe Detin e Zi. Këtë e deklaroi inxhinjeri kryesor i rrugës, Faruk Kaba, i cili shtoi se rruga do të ndihmojë edhe në transportim më të shpejtë të mallrave dhe njerëzve në tregjet italiane.

Ndërtuesit shqiptarë kanë disa sfida në ndërtimin e kësaj rruge që do të shkurtojë distancën me Tiranën për 100 kilometra. Problem kyç në ndërtimin e kësaj rruge është ndërtimi i tunelit 3 kilometra e gjysëm të gjatë.

Përveç rëndësisë së madhe që ka në planin rajonal, duke lidhur Shqipërinë, Maqedoninë dhe Bullgarinë, ka edhe rëndësi nacionale. Ajo do të përmirësojë transportin e brendshëm ndërmjet Tiranës dhe Durrësit dhe të gjithë pjesës veriore të Shqipërisë, poashtu edhe transportin e brendshëm në Maqedoni.

Për këtë arsye, qeveria shqiptare rrugën e ndërton sa më shpejt të jetë e mundur, duke punuar njëkohësisht në dy pjesë. Projekti për rrugën u mbarua nga gjysma e vitit të kaluar që këtë vit ajo të jetë gati.

http://www.koha.net/index.php?cid=1,5,18584

29.6.2010, 06:25

Citim:

DR: Të ndahen fonde për ‘Rrugën e Arbrit’

As në buxhetin e kaluar, dhe as në propozimin qeveritar për rishikimin e buxhetit nuk ka fonde për ndërtimin e rrugës që duhet të lidhë Maqedoninë dhe Shqipërinë përmes Dibrës.

Deputetët e partisë opozitare Demokracia e Re, sot kërkuan që qeveria të ndjekë shembullin e Shqipërisë dhe me rebalancin të investojë 100 milion denarë për rrugën, tepër e rëndësishme për banorët e Maqedonisë Perëndimore.

Pasi shumica e refuzoi këtë propozim, DR-ja akuzoi partinë në pushtet BDI se megjithë premtimet, nuk bën asgjë që ‘Rruga e Arbrit’ të fitojë mbështetjen nga qeveria.

Të revoltuar nga refuzimi i vazhdueshëm i amendamenteve të tyre, numri i të cilëve i kalon 100 për këtë rebalanc, nga Demokracia e Re paralajmëruan se do të braktisin debatin në komisionin parlamentar.

Nga partia në pushtet BDI-ja megjithatë, e mbështetën amendamentin për ‘Rrugën e Arbrit’, por thonë se kolegët e tyre nga DR nuk janë njoftuar aspak me projektin. Deputetja Marku sqaroi se në atë temë vazhdimisht ka takime mes ministrive të transportit dhe lidhjeve, të Shqipërisë dhe Maqedonisë.

Deputetët opozitar të DR-së paraqitën 152 amendamente në propozimin për rebalanc të buxhetit prej të cilëve deri tani shumica refuzoi 37. Qeveria me rishikimin e buxhetit planifikon të shkurtojë 76 milion euro.

http://alsat-m.tv/lajme/vendi/41396.html

11.7.2010, 07:11

Citim:

Ndërtimi i Rrugës së Arbrit do të presë edhe shumë kohë?!

Ndërtimi i koridorit 8, ndryshe i njohur edhe si Rruga e Arbrit do të presë edhe shumë vite që të ndërtohet. As versioni i vërtetë i këtij aksi rrugor i cili duhet të kalojë përmes Gostivarit, Mavrovës Luginës së Radikës, deri në Dibër, e as ai i ndryshuari i cili duhet të kalojë përmes Gostivarit, Kërçovës fshatit Izvor e deri në Dibër, nuk janë në agjendën e qeverisë për këtë vit.

Me ndërtimin e këtij aksi rrugor do të shkurtohet udhëtimi nga Shkupi në Tiranë. Ministri i Transportit Mile Janakievski, thotë se për këtë pjesë të koridorrit këtë vit duhet të përfundojë studimi i fizibilitetit për pjesën hekurudhore e asgjë më tepër.

“Për koridorin 8 këtë vit do t’i përfundojmë të gjitha projektet. Do të thotë projekti ideor dhe studimi i fizibilitetit për aksin rrugor drejt Kërçovës për pjesën hekurudhore është i hartuar dhe tani bëhet rishikim i projektit dhe më pas me te do të konkurojmë për fondet IPA”, shtoi ministri Janakievski.

Ndërsa ministri i Financave Zoran Stavreski, theksoi se me rishikimin e buxhetit të vitit 2010 nuk janë parashikuar fonde për investime kapitale.

“Rishikimi i buxhetit është në drtejtim të uljes së shpenzimeve buxhetore, gjë për të cilën janë bërë shkurtime atje ku duhet. Do të thotë nuk ka vend që me rishikim të ndahen fonde për projekte të reja”, tha Stavreski.

Por zëvendëskryeministri Abdylaqim Ademi, për ALSAT-M thotë se në qeveri deri në shtator korridori 8 do të ketë projekt kryesor e jo studim të fizibilitetit.

“Pjesë të këtyre projekteve mund ta konsiderojmë edhe rrufgëm që lidh Kërçovën me Dibrën dhe sa i takon kësaj rruge për momentin agjencioni për rrugë është duke përgatitur projektin kryesor, sepse një pjesë e kësaj rruge është e padepëryeshme, dhe eventualisht nëse këtë vit do jetë gati këtë vit do të fillojë ndërtimi i një pjesë të kësaj rruge”, theksoi Ademi.

Rruga e Arbrit duhej të fillojë të ndërtohet në pjesën e dytë të vitit 2009. Vlera e ndërtimit të rrugës Shkup-Gostivar-Dibër, kap shifrën 400 milion euro. Projekti për rrugën Gostivar- Kërçovë- Dibër, ka kaluar në qeveri para një viti dhe është parashikuar të përfundoj brenda gjashtë viteve.

Qeveria si prioritet e ka koridorin 10 në pjesën hekurudhore për të cilin nga banka evropiane për zhvillim ka marrë kredi në vlerë prej 17.6 milion euro me kamatë prej 2 % dhe periudhë kthimi prej 15 vjet.

http://alsat-m.tv/ekonomi/41612.html

30.7.2010, 03:14

Citim:

Tiranë: Rruga e Arbrit përfundon brenda vitit 2013

Tiranë, 27 korrik 2010 - Ndërtimi i Rrugës së Arbërit do të shoqërohet me një sërë avantazhesh dhe përfitimesh ekonomike për Shqipërinë. Por këto përfitime ekonomike nuk do të shikohen vetëm në fushën e turizmit, por edhe në shkëmbimet tregtare që Shqipëria do të ketë me Maqedoninë dhe vende të tjera.

Zëvendësministri i Transporteve, Ernest Noka ka deklaruar se Drejtoria e Përgjithshme e Rrugëve të Shqipërisë ka përfunduar, si dhe ka detajuar tërësisht projektin e kësaj rruge madhore.

Sipas tij, pritet vetëm aprovimi i këtij projekti, ndërsa deri në fund të këtij viti qeveria shqiptare do të ketë marrë të gjitha masat për vënien në zbatim të tij.

Ai shton gjithashtu se kostoja totale e parashikuar për ndërtimin e rrugës, është mbi 200 milionë euro, ndërsa rruga parashikohet që të përfundojë në pranverën e vitit 2013.

http://www.kosova.com/artikulli/63893

10.6.2008, 13:51	#1
mesdimr Anëtarësuar: 8.2006	Rruga e Arbrit (Tiranë-Shkup) (në ndërtim) Shteti Perëndimor Gjatësia: 70km Segmentet: Tiranë - Zall-Dajt - Muizë - Gur i Bardhë - Urë e Vashës - Plan i Bardhë - Bulqizë - Urë e Çerenecit - Gjoricë - Dibër Shteti Lindor (Në pritje të tenderit)

11.6.2008, 16:33	#2
Anëtarësuar: 5.2008	Si do zbatohet projekti i Rrugës së Arbrit Ndërtimi i Rrugës së Arbrit shkurton në mënyrë të ndjeshme distancat e transportit që lidhin Tiranën dhe portin e Durrësit me Dibrën, Peshkopinë, Matin, Shkupin. Rruga e Dibrës, e quajtur "Rruga e Arbrit", është e gjatë 75 kilometra. Rruga parashikohet të përshkohet me shpejtësi mesatare 80 kilometra në orë, duke mënjanuar në maksimum ngjitjet malore, edhe se përgjatohet ose ndërpret vargmale me lartësi mbi 1500-2000 metra. Rruga e Arbrit do të kalojë në 10 zona, ku do të shkurtojë 70 kilometra rrugën e sotme nga Burreli. Fillimet e saj i ka në Tiranë, më pas në Zall-Dajt, Muizë, Guri i Bardhë, Ura e Vashës, Plani i Bardhë, Bulqizë, Ura e Çerenecit, Gjoricë, Dibër. Sipas burimeve nga Ministria e Transportit aksi rrugor i Rrugës së Arbrit, i cili fillon në Bulqizë dhe përfundon në kufi, ka filluar ndërtimin. Ndërkohë, sipas të njëjtave burime, së shpejti pritet të fillojnë punimet edhe për pjesën nga Tirana në Bulqizës. Rruga e Arbrit është ndarë në katër akse. Ndërkohë paralelisht po bëhet dhe shpronësimi i pronave të tokave ku do kalojë kjo rrugë. Burime nga Ministria e Transportit thanë se po përgatitet lista e subjekteve, të cilat do të shpronësohen. Subjektet e shpronësuara do të shpërblehen sipas vlerës së tregut. Pra për shpronësimi i këtyre subjekteve do të bëhet në saje të hartës së vlerës së tokës të përpiluar nga Agjencia e Kthimit dhe Kompensimit të Pronave. http://www.tiranaobserver.com.al/al/...5373&Itemid=37

2.11.2008, 14:24	#3
Anëtarësuar: 5.2008	Rruga e Arbrit në funksion të porteve shqiptare Rruga e Arbrit do t‘i jepte një mundësi të re dhe konkrete Portit të Durrësit, për t‘u shndërruar në një port rajonal dhe më pas kokë e një korridori panevropian. Pavarësisht deklarimeve të deritanishme, Durrësi mbetet një port kombëtar, thjesht porti më i madh në vend. Ndërkaq, Rruga e Arbrit e shkurton me rreth 100 km distancën mes Portit të Durrësit dhe Shkupit thuajse duke u barazuar me distancën Selanik-Shkup, çka do ta fuste Durrësin dhe krejt vendin në lojën e interesave dhe ofertave, duke e shndërruar në pikë të rëndësishme transiti mallrash e kontejnerësh për në brendësi të gadishullit, si dhe do t‘i jepte një hop të ri zhvillimit ekonomiko-financiar. http://www.gazeta-shqip.com/artikull.php?id=52690

6.2.2009, 23:22	#5
Anëtarësuar: 5.2008	Shkup: Rrugës së Arbrit i ndërrohet drejtimi Shkup, 5 shkurt - Për biznesmenët shqiptarë të organizuar në Odën Ekonomike të Maqedonisë Veriperëndimore është i papranueshëm vendimi i fundit i qeverisë së IRJM-së që të financohet projekti për ndërtimin e aksit rrugor të Korridorit 8, që kalon përmes Gostivarit, Kërçovës dhe fshatit Izvor me destinacion të fundit Dibrën. "Shumë më herët, Qeverisë së Gruevskit i kemi dorëzuar projektin falas për ndërtimin e Rrugës së Arbrit. Si duket, ky projekt po mbetet vetëm si dekor plus për të zbukuruar raftet e kabinetit të tij", tha Shefki Aliti, projektues i projektit "Rruga e Arbrit". "Në vend që të financohet projekti që do të shkurtonte rrugën Shkup - Tiranë për 190 km përmes projektit të njohur tek shqiptarët si Rruga e Arbrit, kjo qeveri pranon projektin rrugor që është për 180 kilometra më i gjatë" thotë Aliti. Sipas Alitit, qeveria në vend që të zgjedhë projektin e ekspertëve shqiptarë të Maqedonisë, e cila duhej të kalonte përmes aksit rrugor Gostivar-Mavrovë - Lugina e Radikës dhe Dibër, qeveria ka zgjedhur aksin rrugor të Korridorit 8 që kalon përmes Gostivarit në Kërçovë, në fshatin Izvor e deri në Dibër. "Është vendim skandaloz dhe absurd. Qëllimi i ndërtimit ose realizimit të projektit Rruga e Arbrit ishte të shkurtohet distanca e udhëtimit e jo të zgjatet, kurse rruga ekzistuese në Korridorin 8, e cila duhet të ndërtohet, ka distancë prej 370 kilometra. Aliti thekson se vlera e ndërtimit të Rrugës së Arbrit Gostivar-Dibër, në pjesën e Maqedonisë, kap shifrat prej 400 milion euro, ndërsa projekti që ka kaluar në Qeveri, është parashikuar të përfundojë brenda 6 viteve dhe bashkë me Korridorin 8, që brenda saj përfshinë edhe projekte të infrastrukturës, hekurudhë, energjisë elektrike dhe telekomunikime, arrijnë vlerën prej 1.4 miliardë euro. http://www.koha.com.mk/a02.html

9.4.2009, 13:26	#6
Anëtarësuar: 5.2008	Rruga e Arbrit: Janë ndërprerë punimet Tashmë, kur afati kohor i përfundimit të punimeve për ndërtimin e Rrugës së Arbrit ka tejkaluar çdo parashikim të mundshëm, kjo më tepër se shqetësim është kthyer në një alarm të vërtetë për dibranët. Sipas kontratës së nënshkruar nga firmat kontraktore dhe Drejtorisë së Përgjithshme të Rrugëve Tiranë, segmenti Bulqizë-Ura e Çerenecit, prej 17 kilometrash duhet të përfundonte që në datën 4 dhjetor të vitit të kaluar. Por, deri më tani është realizuar vetëm 50 deri në 60 për qind e punimeve, në të gjithë gjatësinë e saj. Firma tenderuese ka pretenduar se zvarritja e punimeve ka ardhur për shkak të problemeve në procesin e shpronësimeve të tokave të pronarëve ku kalon rruga. Por, për autoritetet vendore, vonesat kanë ardhur për shkak të neglizhencës në punime. Nënprefekti i Bulqizës, Agim Perhati, pohon se njësitë vendore nuk kanë krijuar asnjë vonesë në lidhje me shpronësimet e tokave. Ndërkohë, drejtuesit e automjeteve që kalojnë në këtë segment rrugor, shprehen se prej më shumë se një viti lëvizja në këtë pjesë rruge është kthyer në një torturë të vërtetë, pasi nga punimet e lëna përgjysmë rruga është shkatërruar krejt. http://www.gazeta-shqip.com/artikull.php?id=62091

26.1.2009, 10:06	#4
mesdimr Anëtarësuar: 8.2006	Foto të këtij muaji nga gazeta vendore "Rruga e Arbërit":

7.8.2009, 23:16	#8
allianz	Kanë rinisur punimet në Rrugën e Arbrit.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Rruga e Arbrit (Tiranë-Shkup) (në ndërtim)

Rruga e Arbrit (Tiranë-Shkup) (në ndërtim)

Si do zbatohet projekti i Rrugës së Arbrit

Rruga e Arbrit në funksion të porteve shqiptare

Shkup: Rrugës së Arbrit i ndërrohet drejtimi

Rruga e Arbrit: Janë ndërprerë punimet