Vlorë: Miratohet TEC-i 100MW naftë/gaz

11.4.2009, 16:48

Termocentrali i Vlorës, me kapacitet 100 MW ka marrë miratimin e Entit Rregullator të Energjisë për nisjen e punës. Leja. Sipas testeve që po kryhen tani, prodhimi i energjisë do të nisë në mesin e qershorit 2009. Nga të dhënat që paraqet zyrtarisht ERE, mësohet se "dokumentacioni i drejtuesve të KESH-it, të cilët kanë në varësi Drejtorinë e TEC-it të Vlorës, janë përmbushur në përgjithësi të gjitha detyrimet teknike, përveç asaj financiare, e cila është shtyrë për t‘u paguar në një kohë tjetër".

TEC-i do të djegë naftë (me nën 0.1% squfur) dhe gaz natyror (kur ka gjendje në vend) me cikël të kombinuar duke prodhuar energji elektrike jo vetëm nga gazi, por edhe avulli, duke kapur parametra rendimenti mbi 50 për qind.

http://www.gazeta-shqip.com/artikull.php?id=62208

19.7.2009, 20:37

Citim:

KESH zhvillon tenderin, në shtator nis puna e plotë për termocentralin

TEC-i i Vlorës sapo ka përfunduar zhvillimin e tenderit për blerjen e rreth 30 milionë litrave naftë. Tashmë është bërë e ditur që termocentrali me kapacitet 100 megavat do të funksionojë me lëndë të parë, naftën, por që KESH garanton impaktin në minimum për kabinetin.

Drejtues të TEC-it garantojnë se cilësia e naftës do të jetë ndër më të mirat. Një tjetër avantazh për Korporatën Elektroenergjetike Shqiptare do të jetë sigurimi i sasisë, vetëm në rastet kur do të kërkohet, edhe pse kontrata mund të jetë lidhur para 2-3 muajsh. E gjithë kjo masë bëhet për të shmangur luhatjet e çmimit në bursat ndërkombëtare.

Pak ditë më parë, në mbledhjen e radhës së Këshillit të Ministrave, Kryeministri Sali Berisha foli me superlativa për TEC-in e Vlorës. Kreu i qeverisë e cilësoi si projekt ambicioz, ndërsa garantoi një pastërti për mjedisin, edhe pse lënda e parë që do të përdoret për prodhimin e energjisë elektrike, do të jetë nafta.

Megjithatë, plani i KESH-it në të ardhmen mbetet zëvendësimi i lëndës së parë nga naftë në gaz natyror. Tashmë që ligji i ri ka hyrë në fuqi, qeverisë nuk i mbetet veçse të lidhë marrëveshje me kompani private për furnizimin e vendit me gaz natyror.

E gjithë vlera e investimit për ndërtimin e TEC-it arriti në rreth 100 milionë euro, ku pjesa më e madhe u sigurua nga kredia e marrë në bankat private, por edhe nga donatorë.

http://www.gazeta-shqip.com/artikull.php?id=68223

29.9.2009, 23:16

Citim:

Vihet në punë TEC-i i Vlorës

Dje është vënë në punë termocentrali i Vlorës, vepra më e re energjetike në vend. Lajmi konfirmohet për gazetën “Agon” nga Muharrem Stojku, nëndrejtor i përgjithshëm i Korporatës Elektroenergjetike Shqiptare. Sipas tij, TEC-i ndodhet në fazën e komisionimit të energjisë, ndërkohë që aparaturat janë vënë në punë dhe kjo vepër energjetike ka nisur funksionimin normalisht.

“Tashmë i kemi kryer provat në termocentralin e Vlorës. Vepra është vënë në punë dhe ndodhemi në fazën e komisionimit të energjisë. Kemi parashikuar që gjatë muajit tetor të përfitojmë nga TEC-i i Vlorës një sasi energjie, që në total do të arrijë në 45 milionë kilovat orë”,- shprehet Stojku.

Korporata Elektroenergjetike Shqiptare e ka përmbushur kështu objektivin e saj për vënien në punë të këtij TEC-i brenda muajit shtator. Ky afat u la në qershor, kur u kryen edhe provat e para në këtë vepër energjetike, në prani të kryeministrit të vendit, Sali Berisha, dhe ambasadorit italian në Tiranë, Saba D’Elia.

http://www.gazeta-agon.com/mat.php?idm=9820&l=a

1.11.2009, 09:38

Citim:

Në fillim të muajit nëntor do të nisë punën Termocentrali i Vlorës, një nga investimet kapitale më të mëdha të 20 viteve të fundit, në fushën e energjetikës në Shqipëri. Kontribuues është edhe qeveria gjermane me investimet e rëndësishme të saj.

"Është vepra e parë prodhuese që bëhet në Shqipëri pas 30 vjetësh. TEC`i do t`i shërbejë gjithë Shqipërisë dhe gjithë komunitetit. Është pothuajse 100 megavat, d.m.th 7-8 për qind e gjithë fuqisë energjetike që prodhon Shqipëria dhe do të shesë energji, pra do hedhë energji në treg në fillim të muajit nëntor", tha ministri i Ekonomisë dhe i Energjitikës, Dritan Prifti.

http://www.gazetaexpress.com/index.p.../18194/C4/C14/

8.2.2010, 00:35

Citim:

TEC-i i Vlorës pas disa ditësh për prodhimin e energjisë

Vlorë – TEC-i i Vlorës pritet të jetë i gatshëm pas disa ditësh për prodhimin e energjisë elektrike, pasi të përfundojë plotësisht procesi i provave me ngarkesë (komisionimi).

Drejtori i Përgjithshëm i Korporatës Elektroenergjitike Shqiptare (KESH), Muharrem Stojku ka deklaruar, se komisionimi i përgjithshëm i objektit do të bëhet në datën 15 shkurt në prani të përfaqësuesve të palëve dhe kompanisë ndërtuese italiane, TECMOND.

"Në 15 shkurt do të mbyllen të gjitha procedurat e provës së përgjithshme në ngarkesë dhe TEC-i do të jetë gati për t’u futur në procesin e prodhimit", tha Stojku. Ai sqaroi se janë marrë të gjitha masat dhe është siguruar sasia e nevojshme e lëndës djegëse(naftë) për këtë qëllim.

Për shkak të situatës së favorshme hidrike që ka aktualisht vendi, kreu i KESH shtoi se pas provës, TEC-i do të mbahet në gatishmëri, ndërsa në periudhën e verës do të bëhet pjesë e prodhimit të energjisë elektrike.

Ndërtimi i TEC-it të ri, 7 km në veriperëndim të qytetit të Vlorës, përbën investimin e parë pas rreth tre dekadave në sistemin e prodhimit të energjisë në vend.

Sistemi i prodhimit të TEC-it do të jetë i alternuar. Turbina e gazit do të realizojë 2/3 e kapacitetit të prodhimit të TEC-it, ndërsa ajo e avullit do të gjenerojë pjesën tjetër të këtij kapacitetit.

Punimet për ndërtimin e TEC-it në Vlorë nisën në shtator 2007. Projekti me një vlerë prej rreth 92 milionë euro, është financuar nga Banka Botërore, Banka Evropiane për Rindërtim e Zhvillim(BERZH), Banka Evropiane e Investimeve(BEI), si dhe KESH.

http://www.gazetastart.com/lajm.php?...litet&nr=10940

11.4.2009, 16:48	#1
Anëtarësuar: 5.2008	Vlorë: Miratohet TEC-i 100MW naftë/gaz Termocentrali i Vlorës, me kapacitet 100 MW ka marrë miratimin e Entit Rregullator të Energjisë për nisjen e punës. Leja. Sipas testeve që po kryhen tani, prodhimi i energjisë do të nisë në mesin e qershorit 2009. Nga të dhënat që paraqet zyrtarisht ERE, mësohet se "dokumentacioni i drejtuesve të KESH-it, të cilët kanë në varësi Drejtorinë e TEC-it të Vlorës, janë përmbushur në përgjithësi të gjitha detyrimet teknike, përveç asaj financiare, e cila është shtyrë për t‘u paguar në një kohë tjetër". TEC-i do të djegë naftë (me nën 0.1% squfur) dhe gaz natyror (kur ka gjendje në vend) me cikël të kombinuar duke prodhuar energji elektrike jo vetëm nga gazi, por edhe avulli, duke kapur parametra rendimenti mbi 50 për qind. http://www.gazeta-shqip.com/artikull.php?id=62208

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar