Terrorizmi serb

29.4.2009, 20:02

Citim:

Ekstaza serbe e luftës
Enver Bytyçi

Serbët janë përsëri në luftë me shqiptarët. Ditë për ditë mblidhen, protestojnë, përdorin dhunën e armatosur për t'i ndaluar që të ndërtojnë shtëpitë e tyre. Njësoj si atëherë kur vrisnin shqiptarë serbët e Pashiçit, serbët e Rankoviçit dhe serbët e Milosheviçit. Serbët jetojnë në ekstazë, në ekstazë mitesh, luftërash, "heroizmash". Serbët bëjnë atë që nuk e bën kushdo, madje atë që nuk e bën kurrkush tjetër. E kush nga nacionalitetet e tjera në botë ka vrarë princin e një perandorie, duke shkaktuar luftë globale?! Askush, vetëm serbët!!! Kush është shpallur i çmendur pasi ka vrarë për motive nacionaliste një ministre të Jashtme, siç ka ndodhur me Anna Linn, përveçse një serbi që jetonte në Suedi?! Askush! E kush nga kombet e tjera, nga popujt e tjerë ka protestuar deri më sot kundër ndërtimit të shtëpive, siç protestojnë me dhunë serbët kundër ndërtimit të banesave nga ana e disa shqiptarëve?! Askund nuk ka ndodhur një histeri, veçse te serbët "e moderuar", që "duan paqen" dhe "janë përmbajtur prej intolerancës ndaj shqiptarëve"

Këto vlerësime për serbët nuk i bëjnë rrallë në Perëndim. Presidenti i Serbisë, Tadiq dhe ministri i Jashtëm, Jeremiq, shpesh mburren me "maturinë serbe" edhe kur ata djegin objekte e shkatërrojnë makinat e policisë. Në Mitrovicë tani kanë ndërsyer strukturat që vetë i kanë ngritur dhe i mbrojnë e ndërkohë bëjnë të paditurin. Prej mijëra shqiptarë të dëbuar me dhunë nga shtëpitë e pronat e tyre që para dhjetë vitesh, vetëm nja pesë a gjashtë po rindërtojnë shtëpitë e tyre. Por nuk është e thënë: Ata serbë që para dhjetë vitesh ua kishin vënë flakën këtyre banesave e pronave të shqiptarëve, sot kanë marrë armët për t'i detyruar të largohen përsëri me dhunë nga vendlindja.

Serbët bëjnë luftë. Dhe jo luftë me shashka, luftë të armatosur kundër shqiptarëve. Serbët e bëjnë luftë për të njëjtat qëllime si ato të vitit 1999. Ata nuk kanë ndryshuar. Përkundrazi, janë mobilizuar vullnetarisht nën udhëheqjen e kriminelëve politikë e ushtarako-policorë të Beogradit për t'i asgjësuar shqiptarët. Nëse ka ndryshuar diçka në Kosovë, kjo nuk ka lidhje me serbët. Ndryshimi është se në Kosovën e pavarur tash nuk është më UNMIK-u i OKB-së dhe i Serbisë. Në kohën e UNMIK-ut nuk kishte guxuar askush nga shqiptarët të ndërtonte shtëpi në veri të Kosovës. UNMIK-u i kishte izoluar ata "të marrë" të tillë dhe i kishte akuzuar për provokacion. Shqiptarët, që donin të jetonin në shtëpitë e tyre e në liri, quheshin "provokatorë", ndërsa serbët e armatosur të strukturave paralele quheshin "paqedashës".

Por serbët nuk mund ta bëjnë luftën. Aq më pak ta fitojnë atë. Ishte një kohë të çmendurish kur lufta shihej si mjet për ta "zgjeruar" makutërinë, në dëm të lirisë së të tjerëve. Serbët vazhdojnë të shohin ëndrra, sipas të cilave "Ata fitojnë në luftë dhe humbasin në paqe". Kjo aksiomë serbe e shndërruar në fiksion është shkaku i mobilizimit të sotëm për aksione dhune kundër shqiptarëve. Serbët janë mësuar të bëjnë të fortin, sepse në këto raste kanë gjetur përkëdheljen e shumë europianëve si dhe të OKB-së. Prandaj dhe sot janë me armë në dorë. E kanë bërë Kosovën e veriut tym e flakë.

Në Beograd ka heshtje. Askush nuk i dënon këto akte të terrorizmit serb. Sepse beogradasit qeveritarë janë autorët e vërtetë të ngjarjeve që zhvillohen. Por edhe në Prishtinë heshtet. Shqiptarët në të gjitha nivelet duan të dëshmojnë edhe në këtë rast se janë faktorë paqeje e stabiliteti. Ata janë provokuar, por nuk kanë rënë në provokimet e armiqve të përbetuar, serbët në protestë. Ata vazhdojnë të qetë të punojnë. Në vend të armës kanë mistrinë. Në vend të reagimit kanë zgjedhur heshtjen, më saktë mospërfilljen.

Bota në vend që të japë vlerësime jorealiste për "qëndrimin e matur serb", fascinohet dhe habitën me qëndrimin dhe durimin e shqiptarëve pacifistë.

http://www.botasot.info/?gjuha=0&category=20&id=14616

23.7.2009, 20:43

Citim:

Hapen shkollat për çetnikë

Trebinje, 22 korrik – Për kryetar të Këshillit Iniciues, i cili ka 107 anëtarë nga Hercegovina Lindore, është zgjedhur politikani nga Serbia, dhe pjesëtari i Partisë Radikale Serbe (SRS), Sinisa Vucinic.

Ndërkohë, kjo organizatë ka paralajmëruar edhe themelimin e qendrave arsimore për arsimimin e çetnikëve të rinj në Bosnje e Hercegovinë.

Në kumtesën e kësaj organizate joqeveritare thuhet se një prej qëllimeve të saj kryesore do të jetë kultivimi dhe ruajtja e çetnizmit, si “tradita më e rëndësishme dhe më e ndritshme serbe, dhe promovimi i çetnizmit si ideologji e së ardhmes”, njoftoi gazeta ditore sarajevase ‘Dnevni Avaz’.

Në Trebinje, Banjallukë dhe në Sarajevën Lindore do të themelohen edhe qendrat arsimore, në të cilat do të arsimohen çetnikët e rinj, mes 16 dhe 20 vjeçarë, thuhet në kumtesë.

Qendrat arsimore çetnike do të drejtohen nga Sinisa Vucinic, ndërkohë që atje do të punojnë intelektualët më eminentë serbë nga RS, Serbia, Mali i Zi dhe Maqedonia, përfundon kumtesa çetnike.

http://www.gazetaexpress.com/index.p.../11848/C5/C18/

23.7.2009, 21:28

Citim:

Çetnikët edhe në IRJM

Në Maqedoni kanë nisur fushata për themelimin e Lëvizjes së çetnikëve, ndërsa në këtë nismë janë përfshirë edhe figura të njohura të komunitetit serb që janë pjesë e institucioneve të Maqedonisë. Në këtë projekt janë të kyçur edhe intelektualë serb dhe maqedonas.

Gjithë këto lëvizje janë pjesë e projektit për formimin dhe shtrirjen e “Lëvizjes së çetnikëve” në territoret e ish-Jugosllavisë.

Në Trebinje të Republika Srpska dy ditë më parë u themelua këshilli nismëtar për këtë lëvizje, ku ishin të përfshirë emra dhe personalitete intelektuale radikaliste nga Serbia, Mali i Zi, Maqedonia dhe Republika Srpska,etj.

Në krye të këshillit nismëtar u emërua Sinisha Vuçiniç, një kriminel serb që ka qenë aktiv gjatë luftës së Kosovës, i pranishëm edhe në Maqedoni, para ndërhyrjes së NATO-s si bartës i protestave kundër pranisë ndërkombëtare në Maqedoni, por ai konsiderohet edhe një nga bashkëpunëtorët më të ngushtë të ish-kriminelit serb Sllobodan Millosheviç.

Autoritetet qeveritare në Shkup nuk kanë komentuar praninë e kësaj lëvizje edhe në Maqedoni, e cila sipas programit të veprimit është një organizatë terroriste dhe ekspansioniste. Të involvuar në këtë nismë nga Maqedonia konsiderohen të jenë Vane Veliçkoviç nga Partia Radikale Serbe në Maqedoni dhe Dragisa Miletiç, kryetar i Partisë Demokratike të Serbëve, por nuk përjashtohet edhe partia aktuale serbe që është pjesë e koalicionit qeveritar.

Projekti i “Lëvizjes çetnike” parashikon edukimin e të rinjëve nga mosha 16 deri në 22 vjet me ideologjitë e çetnikëve, ndërsa për çdo vit numri i personave të stërvitur të arrijë në 10 mijë veta.

Projekti i tyre parasheh që brenda 10 viteve të bëhen 100 mijë anëtarë. Në kuadër të projektit të trajnimit thuhet se do të përfshihen intelektualë dhe personalitete nga Srbija, Mali i Zi, Maqedonia dhe Republika Srpska.(ina)

http://www.botasot.info/?gjuha=0&category=12&id=24916

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar