Kujt mund t'i besosh në këtë kaos mediatik?! - nga Enver Bytyçi

16.5.2009, 16:50

Citim:

Shoqëria njerëzore është e ndërvarur nga një ekuilibër moral, thelbin e të cilit e përbën ajo që quhet besueshmëri. Shkalla e besueshmërisë përcakton të gjitha lidhjet njerëzore, burrë-grua, fëmijë-prind, punëdhënës-punëmarrës, partnerë në politikë, në biznes, në krijimtari, shkencë. Madje vetë gjithësia është e ndërvarur nga një ekulibër i caktuar ndërplanetor.

Të gjitha konfliktet shoqërore kanë në themel mungesën e besueshmërisë, mungesën e ekulibrit social, politik, ekonomik, fisnor, miqësor, e deri gjinor. Dhe nëse Shqipëria vuan nga destabiliteti dhe konflikti permanent, atëherë kjo ka të bëjë me mungesën e principit moral të besueshmërisë së ndërvarur. Partitë politike nuk besojnë te njëra-tjetra, opozita nuk i beson ato që bën qeveria, edhe pse i sheh ne pikë të ditës e dritë të diellit. Qeveria nuk i beson kryesueses së ODHIR, sepse para 13 vitesh ajo kishte mbajtur një qëndrim të njëanshëm në të njëjtin pozicion ku është sot. Kjo është panorama e përgjithshme.

Ndërkohë qytetarët janë të terrorizuar nga një shtyp dhe media shkatërruese e besueshmërisë së ndërvarur midis institucioneve e politikanëve. Dhe të gjitha këto vijnë si rezultat i papërgjegjshmërisë së skajshme. Një shembull: Askund në botën e civilizuar e të përgjegjshme prokurorët, hetuesit nuk venë në dispozicion të medias të dhënat që kanë nxjerrë, para se ato të marrin formën e vendimit në gjykatë. Ndryshe vendi nuk do të kishte nevojë për gjykata, por dhe do të dëmtohej procesi i hetimi. Vetëm në Shqipëri ka ndodhur që prokuroria e Arben Rakipit t'i jepte në vitin 2000 dosjen për vrasjen e Azem Hajdarit një reviste proqeveritare (majtiste). Ndërsa prokuroria e sotme po bën më shumë se prokuroria e vitit 2000. Gjithçka që kanë dosjet e hetimit politik, edhe sekondat e bisedave telefonike të një ish-ministri, një fax i shpikur i një ish-ministri tjetër janë vënë në dispozicion të gazetave antiqeveritare. Të gjitha këto përcillen si ngjarje të "vërteta" nga televizionet satelitë.

Gjithçka është instrumentalizuar në ekstrem, duke prishur çdo lloj ekuilibri moral, shoqëror e politik. Njerëzit duken të çoroditur në këtë kaos besueshmërie e mosbesueshmërie. Kujt t'i besosh e për çfarë të besosh?! Autorë e skenaristë të një situate të tillë kaotike mbeten ata që nuk e kanë ndërruar zakonin 65 vjeçar, opozitarët socialistë. Qeveria duket e paaftë t'i thotë ndal kësaj katraure mediatike.

Ndërkohë duket gjithashtu se besueshmëria e institucionit të prokurorisë është tronditur thellë, sepse ajo me metodat e hetimit të sigurimit të shtetit merr firmat e dëshmitarëve në letër të bardhë dhe pastaj i mbush ato e motivuar politikisht, për t'i servirë në mediat e vendit. Kjo papërgjegjshmëri e mungesë ekuilibri ka përhapur pabesueshmëri të skajshme. Tash është vështirë që njerëzit të orientohen e të dallojnë çfarë është e vërtetë e çfarë është e gënjeshtërt, çfarë duhet të besojnë e çfarë jo.

Ndaj vetëm në Shqipëri ndodh që në elitën politike e intelektuale, në botën mediatike të ketë ose "miq" ose armiq. Në momentin që dikush nuk e realizon aspiratën e një interesi, brenda natës kthehet në pozicionin e armikut. Secili i jep vetes të drejtë, edhe kur i di skenarët e të padrejtës. Secili shpallet hero "i zbulimeve" sensacionale, edhe kur e di se me veprime të tilla i shërben ikjes nga e vërteta. Dhe sa kohë do të ndodh kështu, aq kohë do të ketë politikë të parcializuar, institucione që i tregojnë dhëmbët e bërrylat njëri-tjetrit, gazetarë të cilët belbëzojnë në gjumë shpikjen e shpifjen e radhës, të cilën duhet ta zbardhin të nesërmen në kompjuter.

Nesër pritet të ketë zgjedhje të reja të drejta e të lira, pasnesër ndoshta pranohemi në BE. Por thelbin e ndryshimit do ta japë shkalla e besueshmërisë, fakti sesa do të jemi të besueshëm si popull e si komb. Dhe kjo besueshmëri fillon te pragu i shtëpisë, te dera e zyrës së institucionit, te tavolina e punës së politikanit a gazetarit, te secili prej nesh. Të besosh është virtyt, të mos besosh është ves.

http://www.botasot.info/?gjuha=0&category=20&id=16336

qiellikalter · 19.5.2009, 12:24

Edhe une mendoj se problemi me i madh ne Shqiperi eshte drejtesia. Sikur te fillonte te funksiononte drejtesia e pavarur, atehere edhe te gjitha anet e tjera te zhvillimit do perparonin.

Po kjo do te ndodhe kur elita qeverisese e djathte apo e majte, t'i lere te qete Prokurorine e gjykatat te bejne punen e tyre. Zgjidhja nuk eshte te sulmosh prokuroret e t'jua hapesh pengesa, por te zbatosh kerkesat e tyre, psh kur je i pandehur, te shkosh e te paraqitesh ne gjykate. Nese eshte nje proces i hapur gjyqesor ndaj teje, te kesh aq karakter sa te mos marresh pjese ne fushaten zgjedhore, si psh Mediu. Nese ne shtyp dalin akuza ndaj krereve te qeverise, atehere qeveria te mos i injoroje ato, por te vihet ne sherbim te sistemit te drejtesise per te zbardhur te verteten e per te treguar qe jane te pafajshem.

allianz · 19.5.2009, 12:41

Këtu s'është problemi që dalin në shtyp akuza, siç kanë dalë për të dy palët, por që procesi hetimor i prokurorisë "rrjedh" si pa dashje drejt një shtypi të caktuar dhe përdoret hetimi (dhe aspak vendimi) si armë politike. Këtë po thotë autori. Dhe kështu të gjithë shndërrohen në policë, në avokatë, në gjykatës, në prokurorë, në juri, etj. të gjithë "dinë" çdo gjë, me "zbulimet" e radhës, ndërkohë që hetuesia ende s'ka përfunduar hetimet e gjykata ende s'ka dhënë asnjë vendim.

Dhe del bagëtia që ha këtë lloj letërsie moderne duke vënë vula lart e poshtë, pa asnjë vendim gjyqësor, pa asnjë hetim të përfunduar, por vetëm me hamendje dhe akuza. Pra si mund të ngrihet një besim i brendshëm në shoqëri kur të paktën njëra nga forcat politike në vend përdor si armë të vetën shkatërrimin e besimit shoqëror, apo të besimit në strukturat e shtetit? Se mirë që po sulmon pozitën, po pasojat e këtyre sulmeve pa kriter, siç e ka prekur qartë dhe autori, bien mbi shtetin dhe vendin dhe shumë pak mbi pozitën.

Sidomos kur kemi precedentin që asnjë fjalë e mirë nuk thuhet nga opozita (me përjashtim të LSI-së që s'dihet ç'krah është) për rrugën Durrës-Kukës, psh. Ky është pikërisht njëri nga shembujt konkretë të politikës së ulërimave dhe jo të vendosjes së drejtësisë. N.q.s. Basha është fajtor, të dënohet. N.q.s. Rama është fajtor, të dënohet. Por derisa të shpallet vendimi, përdorimi i hetimeve dhe akuzave si armë politike, ka dhe ky natyrë kriminale, sepse dobëson kohezionin shoqëror, atë që autori quan besim.

Dhe do të çuditesh se sa shpejt kalojnë dhe në shtypin e huaj (brenda 20-45 minutash) lajmet si "Rruga e korrupsionit", "Vrasja politike e deputetit", "Vjedhja e orës së Bushit", "Shitja e kufijve detarë"... mos t'i marrim me radhë tani, që e vetmja gjë që arrijnë është të degradojnë shtetin shqiptar dhe jo "pozitën" e as "opozitën", të cilat dalin gjithnjë të lara.

allianz · 19.5.2009, 13:01

Citim:

Thënë nga Enver Bytyçi

Askund në botën e civilizuar e të përgjegjshme prokurorët, hetuesit nuk venë në dispozicion të medias të dhënat që kanë nxjerrë, para se ato të marrin formën e vendimit në gjykatë.

Megjithatë u tha dhe kjo, se prokuroria "nuk kishte dijeni" se s'i rridhnin informacionet në media të caktuara dhe për këtë kishte caktuar "përgjim" të disa gazetave. Kështu dmth. thoshte gazeta "Albania" para nja dy ditësh, gjë që u duk dhe kjo si gënjeshtra e radhës, sepse nuk u lakua aspak në shtypin më të gjerë nëse metërmend prokuroria "përgjonte" gazetat. Thjesht u duk si lajm për ta liruar prokurorinë nga përgjegjësia për rrjedhje të informacionit.

Se që prokuroria të jetë e pavarur duhet t'ia nisë përpara nga vetja dhe pastaj të merret me "faktorët e jashtëm".

qiellikalter · 21.5.2009, 16:20

Për mua është më tragjike reagimi ndaj fakteve te sjella në media, sesa rrjedhja e informacioneve në media nga ana e prokurorisë.

Më mirë këtë po e shpreh me fjalët e shkëputura nga artikullin "Komë intelektuale" të Alba Malltezit:

Citim:

"Cfarë duhet të ndodhë pas kësaj që po denoncohet nga pak media e nga pak gazetarë për aferën e Gërdecit?...

...Njerëzit janë të hutuar ndërsa shohin në arena cirqesh mediatike sesi luajnë akrobatët me të vërtetën, se si e marrin atë, e tjetërsojnë, e ngjyrosin, e maskojnë, e zhvleftësojnë, e zhdukin. Dhe në këtë hipnozë kolektive po tregojmë se kemi nostalgji për diktaturën dhe se s'kemi ç'e duam lirinë, s'e meritojmë."

http://www.balkanweb.com/sitev4/lajm.php?id=37729

allianz · 21.5.2009, 19:09

Pra po më përfshin dhe mua tek tragjikja e reaguesve ndaj "fakteve të sjella në media". Sepse dhe unë atë po të them: Cilat "fakte" (dhe cilat media)? Kur as prokuroria nuk ka përfunduar hetime për "faktet", as gjykata nuk ka dhënë vendime, as..., as... Por ndërkohë "faktet" i ka Alba Malltezi (një nga denigrueset e Shqipërisë në kryesinë e grupit "Edisud", që çdo dy ditë pjell "fakte") dhe emigrantë të ndryshëm që "informohen" nga "Edisudi"...

Dhe prej aty i kërkohet shoqërisë shqiptare të superprodhojë policë, prokurorë, gardianë, gjykatës, e më the të thashë, në çdo por të shoqërisë. Megjithëse, duke gjykuar nga mërzia e znj. Malltezi del që shqiptarët në Shqipëri nuk ia paskan fishkëllyer shumë "fakteve" të "Edisudit". Çfarë "çudie".

Apatia e shqiptarëve ndaj "informacionit" nuk është problem i shqiptarëve, përkundrazi, është problem "i informacionit". Nuk u mërzit vallë "Edisudi" duke treguar ditë e natë shqiptarët e Shqipërinë me gisht?! Duke hedhur tani akuza mbi shoqërinë shqiptare se pse nuk ia fishkëlleka "Edisudit"...

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

19.5.2009, 12:24	#2
qiellikalter	Edhe une mendoj se problemi me i madh ne Shqiperi eshte drejtesia. Sikur te fillonte te funksiononte drejtesia e pavarur, atehere edhe te gjitha anet e tjera te zhvillimit do perparonin. Po kjo do te ndodhe kur elita qeverisese e djathte apo e majte, t'i lere te qete Prokurorine e gjykatat te bejne punen e tyre. Zgjidhja nuk eshte te sulmosh prokuroret e t'jua hapesh pengesa, por te zbatosh kerkesat e tyre, psh kur je i pandehur, te shkosh e te paraqitesh ne gjykate. Nese eshte nje proces i hapur gjyqesor ndaj teje, te kesh aq karakter sa te mos marresh pjese ne fushaten zgjedhore, si psh Mediu. Nese ne shtyp dalin akuza ndaj krereve te qeverise, atehere qeveria te mos i injoroje ato, por te vihet ne sherbim te sistemit te drejtesise per te zbardhur te verteten e per te treguar qe jane te pafajshem.

19.5.2009, 12:41	#3
allianz	Këtu s'është problemi që dalin në shtyp akuza, siç kanë dalë për të dy palët, por që procesi hetimor i prokurorisë "rrjedh" si pa dashje drejt një shtypi të caktuar dhe përdoret hetimi (dhe aspak vendimi) si armë politike. Këtë po thotë autori. Dhe kështu të gjithë shndërrohen në policë, në avokatë, në gjykatës, në prokurorë, në juri, etj. të gjithë "dinë" çdo gjë, me "zbulimet" e radhës, ndërkohë që hetuesia ende s'ka përfunduar hetimet e gjykata ende s'ka dhënë asnjë vendim. Dhe del bagëtia që ha këtë lloj letërsie moderne duke vënë vula lart e poshtë, pa asnjë vendim gjyqësor, pa asnjë hetim të përfunduar, por vetëm me hamendje dhe akuza. Pra si mund të ngrihet një besim i brendshëm në shoqëri kur të paktën njëra nga forcat politike në vend përdor si armë të vetën shkatërrimin e besimit shoqëror, apo të besimit në strukturat e shtetit? Se mirë që po sulmon pozitën, po pasojat e këtyre sulmeve pa kriter, siç e ka prekur qartë dhe autori, bien mbi shtetin dhe vendin dhe shumë pak mbi pozitën. Sidomos kur kemi precedentin që asnjë fjalë e mirë nuk thuhet nga opozita (me përjashtim të LSI-së që s'dihet ç'krah është) për rrugën Durrës-Kukës, psh. Ky është pikërisht njëri nga shembujt konkretë të politikës së ulërimave dhe jo të vendosjes së drejtësisë. N.q.s. Basha është fajtor, të dënohet. N.q.s. Rama është fajtor, të dënohet. Por derisa të shpallet vendimi, përdorimi i hetimeve dhe akuzave si armë politike, ka dhe ky natyrë kriminale, sepse dobëson kohezionin shoqëror, atë që autori quan besim. Dhe do të çuditesh se sa shpejt kalojnë dhe në shtypin e huaj (brenda 20-45 minutash) lajmet si "Rruga e korrupsionit", "Vrasja politike e deputetit", "Vjedhja e orës së Bushit", "Shitja e kufijve detarë"... mos t'i marrim me radhë tani, që e vetmja gjë që arrijnë është të degradojnë shtetin shqiptar dhe jo "pozitën" e as "opozitën", të cilat dalin gjithnjë të lara.
	Ndryshuar së fundmi nga allianz : 19.5.2009 në 12:55.

21.5.2009, 19:09	#6
allianz	Pra po më përfshin dhe mua tek tragjikja e reaguesve ndaj "fakteve të sjella në media". Sepse dhe unë atë po të them: Cilat "fakte" (dhe cilat media)? Kur as prokuroria nuk ka përfunduar hetime për "faktet", as gjykata nuk ka dhënë vendime, as..., as... Por ndërkohë "faktet" i ka Alba Malltezi (një nga denigrueset e Shqipërisë në kryesinë e grupit "Edisud", që çdo dy ditë pjell "fakte") dhe emigrantë të ndryshëm që "informohen" nga "Edisudi"... Dhe prej aty i kërkohet shoqërisë shqiptare të superprodhojë policë, prokurorë, gardianë, gjykatës, e më the të thashë, në çdo por të shoqërisë. Megjithëse, duke gjykuar nga mërzia e znj. Malltezi del që shqiptarët në Shqipëri nuk ia paskan fishkëllyer shumë "fakteve" të "Edisudit". Çfarë "çudie". Apatia e shqiptarëve ndaj "informacionit" nuk është problem i shqiptarëve, përkundrazi, është problem "i informacionit". Nuk u mërzit vallë "Edisudi" duke treguar ditë e natë shqiptarët e Shqipërinë me gisht?! Duke hedhur tani akuza mbi shoqërinë shqiptare se pse nuk ia fishkëlleka "Edisudit"...
	Ndryshuar së fundmi nga allianz : 21.5.2009 në 19:24.