Djegia e pyjeve

1.1.2009, 07:13

Raportim i masave mbrotjëse në troje dhe dëmtimit të pyjeve nga zjarri për vitin 2009.

18.4.2009, 12:43

Ende pa ardhur stina e verës, në Bulqizë ka nisur "stina e zjarreve". Në orët e pasdites së të enjtes, në malin e Temlës, në Komunën e Zerqanit, rreth 10 kilometra larg qytetit të Bulqizës, janë vërejtur dhjetëra vatra zjarresh që janë djegur gjatë gjithë natës, deri në të gdhirë të ditës së djeshme, kur fikja e tyre është bërë në rrugë natyrale pa asnjë lloj ndërhyrjeje njerëzore.

Janë përshkuar nga flakët të paktën dy hektarë me pyje dushku, por megjithëse dëmi nuk është i ndjeshëm për shkak të temperaturës dhe natës së lagësht me vesë, banorët shprehen të friguar duke e konsideruar këtë si një sinjal se vera e këtij viti do të jetë "e pasur" për sa i takon zjarrvënies në pyje, duke na kujtuar verën e vitit 2007, kur u dogjën mijëra hektarë pyje dushku, ahu dhe pishe nga zjarrvënësit.

Mënyra e shfaqjes së njëkohshme të dhjetëra vatrave të zjarreve, në formën e një vije që shkonte në rreth 2 kilometra distancë, duke rrethuar një zonë të mirë pyjore të malit të Temlës, 1400 metra i lartë, të krijon bindjen për një zjarrvënie të qëllimtë, gjë që e pohojnë dhe banorët, sipas të cilëve, zjarret janë të qëllimshme dhe në më të shumtën e rasteve vihen nga barinjtë e zonës për të shtuar sipërfaqet e kullotave për bagëtitë që mbarështojnë.

http://www.gazeta-shqip.com/artikull.php?id=62620

mesdimr · 19.5.2009, 16:49

Sipas një raporti nga ndërkombëtarët (ashtu si dhe vjet në këtë kohë) do të prekemi sërish nga zjarret në pyje edhe këtë vit. Raportet "e ndërkombëtarëve" flasin për zjarre si pasojë e "ndryshimeve klimaterike" (deri dje "ngrohja globale"), por që në realitet janë zjarrvënie të qëllimshme nga persona të ngarkuar me atë punë (pa përfshirë këtu blegtorët vendas në rajone të caktuara).

Citim:

Klima, BE: Shqipëria, në rrezik nga zjarret

Përmbytje dhe zjarre si efekt i ndryshimeve klimatike. Ky është përfundimi i një raporti të fundit të publikuar nga Reuters, i cili parashikon jo pak pasoja negative edhe në Shqipëri.

Sipas administratorit të projektit, pas të cilit u publikua edhe raporti, Adam Henry Neufeldt, ndryshimi i klimës do të rrisë rrezikun e zjarreve në rajonin e Mesdheut, sidomos në juglindje, duke prekur vende si Shqipëria dhe Kroacia.

Për këtë ai ka bërë apel se duhet të mbahen pyjet nën kontroll dhe të merren masa për përballimin e situatës.

http://www.telegrafi.com/?id=3&a=3013

Këto "paralajmërime" janë pjesë e modelit të zjarrvënies që zbatohet në vende të caktuara nga struktura surrogate mjedisore të OKB-së, kështu që duhen marrë seriozisht, sepse rreziku është real. Interesat për zjarrvëniet janë të shumëfishta, por asnjë në favorin tonë.

23.5.2009, 00:29

Citim:

Frikë nga zjarret e verës, kërkohen zgjidhje urgjente

Pas publikimit të raportit të Bashkimit Evropian për klimën, se Shqipëria është një nga vendet e rajonit që do të vuajë pasojat nga zjarret, në Prefekturën e Fierit është organizuar dje një takim për marrjen e masave në prag të sezonit të verës.

(...)

Duke qenë se stina e verës është fare pranë, dhe ditët e nxehta kanë nisur tashmë, Ministria e Mjedisit ka ndërmarrë këtë aktivitet sensibilizues, por dhe informues, për të vënë në lëvizje gjithë strukturat vendore, si ato të shërbimit pyjor, por dhe vetë pushtetin vendor.

(...)

Veçanërisht përfaqësuesi i Fierit, Xhevat Mërnica, i cili ka thënë se vetëm dy nga mjetet zjarrfikëse të Fierit janë në funksion. Në këtë takim kanë qenë prezent drejtuesit e 7 qarqeve të jugut të vendit, duke nisur nga Elbasani, Korça, Gjirokastra, e deri në Sarandë, Berat, Vlorë dhe Fier.

Problemet e ngritura në këtë takim të zhvilluar nga drejtuesit e shërbimeve pyjore në jugun e vendit kanë qenë pikërisht mungesa e një bashkëpunimi serioz me pushtetin vendor. Ky bashkëpunim në vitet e mëparshme, por dhe një vit më parë, sipas të gjithë drejtuesve të shërbimit pyjor, është parë me skepticizëm, duke mos e bërë aq produktive punën, edhe pse një bashkëpunim i tillë ka ardhur duke u rritur.

Në këtë aktivitet, përveç përfaqësuesve të lartë të Ministrisë së Mjedisit, 30 drejtues rajonalë të drejtorive të shërbimit pyjor, kanë marrë pjesë dhe përfaqësues të lartë të pushtetit vendor, si dhe prefekti i Qarkut Fier, Shahin Bejdaj.

Fieri për vitin 2008 shënoi rastet më të mëdha të rënies së zjarrit në rang vendi.

http://www.gazeta-shqip.com/artikull.php?id=64768

24.5.2009, 18:17

Citim:

Digjen disa hektarë pyje në Pukë

Mesohet se flaket kane perfshire kete fundjave disa hektare pyjesh ne zonat e Pukes te cilat ende nuk jane izoluar megjithe nderhyrjen e zjarrefikesve apo banoreve te zones. Nderkohe perfaqesues te zyres se emergjencave civile apo dhe te Ministrisë se Mjedisit thone se kane marre masa te posacme per menaxhimin e situates perfshire dhe fushatat sensibilizuese për rrezikun e zjarreve.

http://www.alsat.tv/lajme/lajme_nga_...009 05249951/

mesdimr · 14.6.2009, 17:52

Filluan në Greqi zjarrvëniet për sivjet, kështu që priten tani të fillojnë dhe tek ne e deri në Kroaci. Në hartat e "ndryshimit klimaterik" në botë, është e rëndësishme që të kapet nga zjarri brezi perëndimor dhe jugor i gadishullit, gjë që na përfshin dhe ne.

17.6.2009, 17:11

Citim:

Alarmi i zjarreve në pyje, mblidhet Shtabi i Emergjencave Civile në Korçë

Për herë të parë në këtë stinë të nxehtë është mbledhur Shtabi i Emergjencave për masat parandaluese për zjarret në pyjet dhe parqet kombëtarë të rajonit. Prefekti i porsa emëruara i Korçës Koço Bello ka mbledhur strukturat shtetërore dhe drejtuesit e ndërmarrjeve pyjore, përfaqësues të policisë së shtetit, por dhe specialistët e emergjencave për të shpejtuar në marrjen e masave për luftën kundër zjarreve, në mënyrë të veçantë ndaj zjarrvënieve të qëllimshme.

Sipas prefektit Bello vetëm gjatë vitit të kaluar në qarkun e Korçës janë kthyer në hi rreth 200 hektarë pyje, teksa më të kërcënuar vazhdojnë të mbeten parqet natyrorë në pyjet e Dardhës, Voskopojës, Liqenasit etj,.

Prefekti i Korçës ka urdhëruar bashkë me reagimin në kohë të strukturave në raste emergjente masa të menjëhershme për të mos shkuar deri në startin e vatrave të zjarrit, që mund të nxiten kryesisht nga shkaqe natyrale përveç të tjerave.

Temperaturat e larta deri në 30 gradë celsius janë shqetësuese për qarkun e Korçës, ndërkohë që Shtabi i Emergjencave për mbrojtjen e pyjeve nga zjarret e ngritur këtë fillimjavë do të nisë nga puna në terren.

Prefekti iu ka kërkuar drejtuesve të njësive vendore si dhe policisë pyjore të bashkërendojë veprimet e saj me policinë e shtetit, ndërsa iu ka bërë thirrje qytetarëve të tregohen më të përgjegjshëm për të mbrojtur këtë pasuri kombëtare, ndërsa sipas tij të gjithë piromanët do të përfundojnë në burg.

Gjatë vitit të kaluar sipas Bellos vatrat e zjarreve kanë ardhur kryesisht nga zjarrvënës të qëllimshëm ku ka patur dhe 5 të arrestuar.

http://www.sot.com.al/index.php?opti...ticle&id=13018

14.7.2009, 00:22

Citim:

Sipërfaqet pyjore të qarkut të Fierit vazhdojnë të regjistrojnë dëmtime. Fondi pyjor ka konstatuar: prerje të drurëve, si dhe vatra e zjarrit të rëna në to. Kështu, flakët e zjarrit kanë dëmtuar gjatë sezonit të verës së shkuar më shumë se 70 ha pyll, përbërja e të cilit ka qenë me drurë thuajse shekullorë.

Ndërkohë që prerjet e drurëve pa kriter kanë dëmtuar një sipërfaqe më të vogël se kjo e regjistruar nga zjarret, por sërish ka tregues mjaft të lartë. Këto statistika alarmante deklarohen zyrtarisht nga burime të Drejtorisë Rajonale Pyjore në Fier, e cila ka protokolluar çdo rast të konstatimit të dëmtimit të fondit pyjor.

Por, statistikat e Repartit të Mbrojtjes nga Zjarri dhe Shpëtimi në Prefekturën e Fierit, duke u bazuar në numrin e zjarreve të rëna në pyje tregojnë se një pjesë e madhe e pyjeve dhjetëravjeçarë të Qarkut të Fierit kanë pësuar dëmtime vetëm nga zjarret e vënë në mënyrë të qëllimshme.

Zyrtarisht, Drejtoria e Pyjeve deklaron se deri një muaj më parë rojet e pyjeve që operojnë në Qarkun e Fierit kanë evidentuar më shumë se 12 raste të prerjes masive të pyjeve.

Ndër zonat ku janë konstatuar dëmtime janë pylli i Semanit, Godullës, Divjakës, Cakranit, Ruzhdies etj. Në po të njëjtat pyje janë regjistruar edhe vatrat e zjarrit. Kjo shpjegohet nga specialistët e repartit të mbrojtjes nga zjarri, si dhe nga specialistët e Drejtorisë Pyjore me faktin se si dëmtimet me prerje dhe ato me djegie kanë pasur një qëllim, krijimin e shesheve të ndërtimit nga shumë investitorë të interesuar për të ngritur aktivitetin e tyre në mes të gjelbërimit të pyjeve.

Kjo ka bërë që Drejtoria Rajonale Pyjore Fier të marrë masa shtesë, me anë të të cilave kërkon të ulë ndjeshëm dëmtimet e sipërfaqeve të pyjeve.

Sipas drejtuesve të Pyjores Fier, mësohet se për këtë vit, në bazë të një urdhri të Ministrisë së Mjedisit, si dhe të emergjencave civile është rritur numri i vrojtuesve të pyjeve, ndërkohë që numri i rojeve të pyjeve është ende shumë i ulët.

http://www.gazeta-shqip.com/artikull.php?id=67821

16.7.2009, 11:58

Citim:

Mungesë karburanti për zjarrfikëset, riparim i mjeteve në rastet kur kanë defekte, madje edhe mungesa e baterive për radiot e komunikimit ishin vetëm disa nga problemet e ngritura në takimin që prefekti i qarkut të Elbasanit, Shefqet Deliallisi, ka organizuar me drejtuesit e njësive vendore dhe të strukturave të tjera.

Problemi që u ngrit nga kryekomunarët ishte ai i mungesës së karburantit për mjetet zjarrfikëse, problem ky i vitit të kaluar. Gjithashtu për ta shqetësim ishin pjesët e këmbimit, pasi nga përvojat e mëparshme ka rezultuar se janë regjistruar defekte që e kanë penguar efektshmërinë e zjarrfikësve.

Shqetësimit të ngritur nga kryekomunari i Gramshit iu përgjigj drejtuesi i zjarrfikësve, Aleks Hodo, i cili tha se këtë vit nuk do të jetë më problem karburanti, ndërsa për riparimin e mjeteve ai tha se raste mund të ketë, por në mjetet e gatishmërisë kjo gjë është zgjidhur.

Në takim ka marrë fjalën edhe drejtori i Shërbimit Pyjor, Haxhi Murati. Ai tha se me rritjen e temperaturave do të ketë më tepër rrezik për zjarre.

Murati theksoi se inspektorët e shërbimit pyjor janë në monitorim të zonave ku ka pasur me tepër probleme. Përsa i përket komunikimit, ai ngriti shqetësimin se radiot e komunikimit të Drejtorisë së Pyjeve janë jashtë funksionit, pasi bateritë e tyre janë të veçanta dhe zgjasin vetëm një vit duke konfirmuar faktin se këtë vit nuk janë ndërruar.

Në takimin me kryekomunarët, specialistë të pyjeve, zjarrfikësve dhe drejtues të policisë, prefekti Deliallisi ka kërkuar njoftim sa më të shpejtë në rast zjarri, gatishmëri të shërbimeve zjarrfikëse, vënie në funksion dhe shtim të hidrantëve, si dhe një bashkëpunim më të ngushtë mes të gjitha strukturave për parandalimin në kohë të zjarreve.

Po kështu, prefekti ka kërkuar kontroll të imtësishëm në ato aktivitete private, ndërmarrje shtetërore ose private që janë më të ekspozuara ndaj zjarrit për masat që kanë marrë në këtë drejtim. Nga ana e vet Deliallisi theksoi edhe kujdesin që duhej treguar për zonat pyjore të Librazhdit, Gramshit dhe Elbasanit, por edhe të ullishtave, disa herë pre e zjarreve një vit më parë. Po kështu u kërkua edhe evidentimi i përdoruesve të kullotave dhe këshillimi i tyre për afrimin e ditëve të nxehta dhe mjaft të rrezikshme për rënien e zjarreve në pyje e kullota.

http://www.shekulli.com.al/2009/07/1...strukture.html

20.7.2009, 17:51

Citim:

Zjarr në Gjinokastër, afër depozitave të naftës

Një zjarr ka përfshirë rreth orës 10, kodrat e Viroit pranë fshatit Mashkullorë në Gjinokastër. Flakët kanë rrezikuar edhe depozitat e naftës të Armos, të cilat ndodhën vetëm 500 metra larg zjarrit.

Menjëherë në vendngjarje kanë shkuar forcat e zjarrëfikësve dhe të Komisariatit të Policisë. Pas 30 minutash zjarrëfikëset kanë arritur të shuajnë flakët, të cilat ishin duke u drejtuar në afërsi të depozitave të naftës, të ndihmuara edhe nga era.

Nga ana e Policisë kanë nisur hetimet për të përcaktuar shkakun e zjarrit dhe janë shoqëruar 2 barinj për t’u marrë në pyetje në lidhje me këtë ngjarje. Ky është zjarri i parë i rënë gjatë temperaturave të larta.

Edhe një vit më parë, rënia e zjarrve shkaktohet kryesisht nga barinjtë që djegin shkuret për të përfituar barin e ri. Djegia pa kontroll, shpesh herë ka dalë jashtë përmasave të parashikuara duke shkaktuar dëme të pallogaritshme.

http://www.tvklan.tv/lajmi.php?id=6240

29.7.2009, 11:13

Citim:

Digjen mbi 3 hektarë pyje

Një tjetër zjarr i fuqishëm ka përfshirë dje paradite një sipërfaqe të gjerë me pisha e shkurre në kodrat e Urës-Vajgurore. Në vendngjarje kanë shkuar punonjës e nëpunës të Ndërmarrjes së Shfrytëzimit të Pyjeve dhe një zjarrfikëse e PMNZSH-së së Beratit, me gjithë efektivin e saj. Pas 2-3 orësh ata kanë mundur të kufizojnë përhapjen e flakëve. Forcat zjarrfikëse kanë qëndruar edhe disa orë të tjera, duke e mbajtur në mbikëqyrje këtë vatër zjarri, ndërkohë që grupi i ekspertëve hetimorë po punon për zbulimin e shkakut të tij.

Drejtori i Ndërmarrjes së Shfrytëzimit pyjor, Sabri Zyka, konfirmoi se rreth orës 10.00 të ditës së djeshme, një telefonatë e ardhur nga një banor i zonës, ka njoftuar shfaqjen e vatrës së zjarrit. Sipas tij, ky zjarr i rënë në masivin me pisha 20-25-vjeçare dhe shkurre, në kodrat e Konizbaltës, u shua vetëm nga punonjësit e ndërmarrjes dhe me mjete rrethanore. Zjarri ka djegur një sipërfaqe me rreth 3 ha pyje shkurrore dhe disa qindra m2 të masivit me pisha të kultivuara. Drejtori Zyka, konfirmon, se zjarri i djeshëm ka qenë i pesti për këtë sezon veror, ndërkohë, që numri tyre në të njëjtën periudhë të vitit të kaluar, ka qenë shumë herë më i madh. Drejtori i Ndërmarrjes së

Shfrytëzimit Pyjor, në Berat nuk pranon të japë asnjë version në lidhje me shkakun dhe autorët e mundshëm të këtij zjarri, duke e konsideruar atë një detyrë ligjore të grupit të ekspertëve hetimorë. Ai shtron nevojën e plotësimit me mjetet e nevojshme logjistike, të shuarjes së zjarreve për punonjësit e tij. Drejtori Zyka nuk i fsheh edhe rezervat e tij, në lidhje me punën e bërë nga organet e drejtorisë gjatë vitit të kaluar, ku nga dhjetëra zjarrvënie të qëllimshme, nuk u ndëshkua asnjë autor.

Ndërsa mësohet se në policinë e Beratit, një grup ekspertësh hetimorë ka nisur punën për përcaktimin e shkakut të kësaj vatre zjarri, në kodrat e fshatit Konizbaltë.

http://www.gazeta-shqip.com/artikull.php?id=68797

29.7.2009, 21:42

Citim:

Shuhet zjarri në Bjeshkët e Bardhocit
29-07-2009

Flakët e zjarrit që përfshinë dje në mbrëmje një sipërfaqe të masivit pyjor të malit të Koretnikut, në afërsi të bjeshkëve të fshatit Bardhoc, rreth 10 kilometra larg qytetit verilindor të Kukësit, janë shuar plotësisht në orët e para të mëngjesit të sotëm.

Sipas drejtorit të ndërmarrjes së shfrytëzimit pyjor të rrethit të Kukësit, Fatmir Gjana, zjarri përfshiu një sipërfaqe rreth 1,5 ha dhe për shuarjen e tij, veç forcave të repartit zjarrfikës, u angazhuan dhe banorë të zonës.

"Ende nuk dihen shkaqet e rënies së këtij zjarri, por paraprakisht mendohet se shkak ka qenë një pakujdesi e barinjve të cilët kullosin bagëtitë e tyre në këtë zonë", shtoi z. Gjana.

Ky është rasti i parë i zjarrit që shfaqet në masivet pyjore të Kukësit, në këtë sezon veror.

http://www.gazeta55.net/index.php?ka...artikulli=7523

31.7.2009, 21:48

Citim:

ShV: Pyjet, kujdes nga zjarret

Rreziku është permanent për përhapjen e zjarreve pyjore kur marrim parasysh këto temperatura tropikale që po mbretërojnë këtyre ditëve. Në vitin 2007 kanë qenë të përfshira në zjarre 1.629 hektarë pyje. Këto zjarre kryesisht kanë qenë sipërfaqësore dhe vlera e dëmeve ka qenë 804.835.50 euro.

Mbi 50% të sipërfaqeve janë toka pyjore. Ministria e Bujqësisë, e Pylltarisë dhe e Zhvillimit Rural, me të gjithë mekanizmat veprues është futur në mobilizim të përgjithshëm për parandalimin e zjarreve.

Zyrtarët e MBPZHR-së thonë se tani është rrezik i madh në tokat bujqësore pas të korrave, ngase mund të ndodhë stihia e zjarrit të shkaktohet nga pakujdesia e faktorit njeri, e ndihmuar nga temperaturat e larta dhe erërat e nxehta. Prandaj ministria ka vendosur për miratimin e planit operativ për mbrojtjen e pyjeve të Kosovës dhe kujdes të posaçëm nga zjarret, mbrojtjen nga keqbërësit, dhe gjëra të tjera që i dëmtojnë pyjet.

Muzafer Luma, kryeshef ekzekutiv në Ministrinë e Bujqësisë, Pylltarisë dhe Zhvillimit Rural-Agjencia Pyjore e Kosovës, tha se kemi një përvojë të hidhur nga viti 2007, ku mijëra hektarë qenë përfshirë nga zjarret.

“Fatmirësisht, këtë vit nuk kemi pasur zjarre pyjore dhe do të dëshiroja që të mos kemi, përkundër faktit që rreziku është permanent kur marrim parasysh këto temperatura tropikale që po mbretërojnë këtyre ditëve”-tha ai.

Luma tha se në kudër të kapaciteteve dhe përgjegjësive që ka konsideron se kanë bërë aktivitete të duhura në këtë drejtim.

“Kemi bërë përgatitjen e planeve për mbrojtjen e zjarreve ku përfshihet fushata sensibilizuese me produktet e saj si broshurat, spoti televiziv, apelet e ndryshme, pastaj mobilizimi i stafit, identifikimi i vendeve me rrezik potencial, përcaktimi i vrojtoreve, identifikimi dhe përgatitja e burimeve të ujit, hapja e brezave mbrojtës etj”.

Ndërsa, sa i përket bashkëpunimit me institucionet, Luma tha se me institucionet relevante kemi një bashkëpunim në kontinuitet .Ai përmendi Departamentin e Emergjencave, Qendrën e situatave pranë zyrës së kryeministrit ku nën patronazhin e kryeministrit është duke u zhvilluar fushata sensibilizuese në këtë drejtim, pastaj bashkëpunimi me KFOR-in etj.

“Konsideroj se syçeltësia dhe kujdesi i çdo banori, pastaj mosdjegia e hamulloreve dhe gardhiqeve të ndryshme nga ana e bujqve etj., janë të domosdoshme në këtë situatë dhe preventivë adekuate për mospërhapje të zjarreve. Apelojmë që çdo qytetar, kudo që ndodhet, të ketë kujdes për çfarëdo veprimi që bën në pyje dhe afër tyre, ngase një pakujdesi e vogël e tyre, mund të sjellin dëme të pallogaritshme”-tha ai.

http://www.kosova-sot.info/?p=44541

1.8.2009, 00:59

Citim:

Saranda rrethohet nga zjarret

SARANDË - Disa hektarë me kullota e pyje janë djegur në Malin e Milesë, në kodrën e Marinës dhe në masivin mes Bregdetit dhe Rrëzomë. Zjarri në kodrat dhe shpatet e Milesë është përhapur me shpejtësi duke rrezikuar edhe antenat kompanive celulare dhe përforcuesve radiotelivzivë, të vendosura në kreshtën e Malit.

Ndërhyrja për shuarjen e zjarrit të papritur ka qenë i vështirë për shkak të terrenit të thepisur dhe shkurreve të shumta. Komandanti i shërbimit kundër zjarrit, Rakip Muzhai ,thotë se "sipërfaqja e Malit të Milesë është kullotë në përdorim nga barinjtë dhe zjarri është vënë me qëllim, për të përmbushur ritin tradicional të djegjes së barërave".

Vështirësitë në këtë rajon shtohen edhe për shkak të terrenit të thyer dhe mungesën e rrugëve për mjetet e zjarrfiksëve, të cilat nuk mund të përdoren për fikjen e zjarreve, pasi nuk mund të shkjonë në vendngjarje.

Zjarret e shfaqura në ditën e djeshme do të pasohen nga të tjerë , për shkak të psikozës të krijuar nga barinjtë se zjarri e përmirëson kullotën , paçka se specialistët e ushqimit të blegtorisë thonë të kundërtën.

Tymi dhe era kanë krijuar bezdi për pushuesit e shumtë që janë në Sarandë për sezonin e verës.

http://www.shekulli.com.al/2009/07/3...a-zjarret.html

2.8.2009, 18:25

Citim:

Gjinokastër: Digjet një pjesë e kurorës së gjelbër në kala

Një pjesë e kurorës së gjelbër në kalanë shumëshekullore të qytetit të Gjirokastrës është djegur plotësisht nga flakët e zjarrit në orët e para të mëngjesit të ditës së shtunë.

Zjarri është evidentuar nga kalimtarë të rastësishëm, të cilët kanë njoftuar shërbimin zjarrëfikës të qytetit. Vatra e zjarrit është shfaqur poshtë kullës së sahatit dhe mosndërhyrja në kohë, përveç gjelbërimit rrezikonte edhe djegien e pemëve që i japin portës lindore të kalasë një pamjte krejt të veçantë.

Shkaku i zjarrit, sipas specialistëve, mendohet të ketë qenë pakujdesia e banorëve të jetojnë në këtë zonë.

Kurora e gjelbërt e kalasë së Gjirokastrës, e cila ndodhet në kodrën më të lartë të qytetit i është nënshtruar një kujdesi të veçantë nga ana e pushtetit vendor për vetë vlerat që përmban.

Në sezonin e mbjelljes së pemëve, çdo vit në këtë kurorë shtohen me dhjetra pemë të reja, të cilat e kanë ndryshuar ndjeshëm masën e gjelbërimit brenda hapësirës publike në qytetin e Gjirokastrës.

ATSH

Citim:

Cigarja djeg pemët rreth kështjellës

Shkaku i zjarrit sipas specialistëve mendohet të ketë qenë pakujdesia ose gabim i pavullnetshëm njerëzor. Sipas disa dëshmitarëve, në zonën ku shpërtheu zjarri, pak minuta para se të dukeshin flakët, qëndronte një çift të rinjsh që konsumonin pa pushim cigare, por që qëndronin në pjesën e stolave përbri rrugës.

http://www.panorama.com.al/index.php?id=31200

2.8.2009, 18:30

Citim:

Digjen 30 ha nga pylli i Nivicës, dyshohet zjarr i qëllimshëm

Digjen të paktën 30 ha nga pylli i Brodanit në afërsi të fshatit Nivicë, Komuna Lukovë. Vatra e zjarrit është pikasur rreth orës 14.30 të ditës së djeshme dhe ende nuk dihen rrethanat se si është ndezur.

Pylli është i përbërë me ullinj qindravjeçarë dhe dëmi përllogaritet të jetë i madh.

Menjëherë në ndihmë të pushtetit vendor për shuarjen e flakëve kanë ardhur shërbimi i zjarrfikëses në Sarandë, por zjarri ka përparuar me shpejtësi, i favorizuar edhe nga fryrja e erës në orët e pasdites.

"Kjo është hera e parë që ky pyll preket nga zjarri. Kam përshtypjen se zjarrvënia më duket e qëllimshme, gjë që do ta nxjerrë në dritë marrja në analizë e fajtorëve", është shprehur kryetari i Komunës së Lukovës, Vladimir Kumi.

Sipas tij, është kërkuar ardhja e avionëve cisternë nga Greqi, por deri në orën 19.30, një gjë e tillë nuk është bërë e mundur.

http://www.gazeta-shqip.com/artikull.php?id=69169

6.8.2009, 11:14

Citim:

Zjarr në malin e Kushovicës

Zjarret kanë nisur të shfaqen në ditët e para të këtij muaji të nxehtë, në disa nga zona të vendit. Më i fundit është ai që ka rënë në zonën e Gramshit, në malin e Kushovicës.

Sipas burimeve nga vendngjarja, ky zjarr ka gati dy muaj që ka krijuar vatra të veçanta, duke mos mundur dot të shuhet.

Aktualisht rruga në këtë mal është e pakalueshme për zjarrfikëset dhe kjo ka bërë që vatrat e zjarrit të ndjekin njëra-tjetrën dhe të mos shuhen dot.

Ndërkaq, policia ka hedhur variantin e vënies me qëllim të zjarrit në këtë zonë.

http://www.gazeta-shqip.com/artikull.php?id=69346

Citim:

Zjarret shkrumbojnë kullota në Dibër dhe Kukës

Dy vatra zjarri janë shënuar gjatë dy ditëve të fundit në Bulqizë dhe në Kukës. Për pasojë disa hektarë pyje dhe dushqe janë djegur, ndërkohë që në të dyja rastet nuk dihen autorët apo shkaqet e zjarrit.

Ka qenë pasditja e së hënës kur në pyjet mbi fshatin Dragu të Komunës Fushë-Bulqizë është pikasur një vatër zjarri. Të ndihmuara edhe nga temperaturat e larta flakët janë përhapur me shpejtësi, duke përshkuar një sipërfaqe pyjore kryesisht me shkurre dushku prej rreth dy hektarësh.

Në afërsi të vatrës së këtij zjarri ka qenë edhe një parcelë me pisha, që fatmirësisht nuk janë përfshirë nga flakët.

Lokalizimi i zjarrit nga ekspertët pyjorë të rrethit ka qenë i vështirë, pasi vatrat e zjarreve të ndihmuara edhe nga temperaturat e larta dhe era, janë shtuar me shpejtësi të madhe, ndërkohë që ndërhyrja e zjarrfikëses ka qenë e pamundur, për shkak të mungesës së rrugës dhe terrenit tejet malor. Vetëm rreth mesnatës, duke u gdhirë dita e djeshme, është mundësuar fikja e zjarreve.

Nuk dihen autorët e vënies së këtij zjarri, por pyjorët dyshojnë se ai mund të ketë ardhur nga pakujdesia e hedhjes së bishtave të cigareve nga banorë të zonës ose barinj që tentojnë të shtojnë sipërfaqet e kullotave për bagëtitë e tyre.

Ndërkohë në Kukës, zjarri ka përfshirë masivet me shkurre në ekonominë pyjore të zonës Mamëz-Kalimash, përkatësisht në malet e Kolshit. Paraditen e së martës, një personel i Drejtorisë së Shërbimit Pyjor, i ndihmuar edhe dhjetëra banorë të fshatit, kanë bërë të mundur izolimin e plotë të zjarrit, duke shpëtuar kështu edhe një pjesë të mirë të prodhimeve bujqësore që rrezikonin të përfshiheshin në flakë.

Në masivet me shkurre mësohet se janë djegur rreth 5 ha, ku dëmet, siç raportohet nga shërbimi pyjor, kanë qenë minimale. Drejtues të shërbimit pyjor në Kukës thanë se me ndihmën dhe mbështetjen e komunitetit po përpiqen të mbajnë nën kontroll gjendjen edhe në kushtet e verës së sivjetme me temperatura mjaft të larta.

http://www.gazeta-shqip.com/artikull.php?id=69345

8.8.2009, 00:19

Citim:

Zjarri i tri ditëve më parë nuk është shuar ende në një fshat të Gramshit

Sërish gjatë orëve të fundit të natës së djeshme, në masivin me pisha të malit të fshatit Vidhan të Komunës Skëndërbegasi, në rrethin e Gramshit, është shfaqur zjarri.

Përmasat e zjarrit, sipas banorëve të zonës, janë mjaft të mëdha dhe shuarja është e pamundur për shkak të terrenit mjaft të vështirë.

Gjatë fundjavës së kaluar, nga një zjarr gjigant u dëmtuan rreth 20 hektarë me pisha në malin që ngrihet mbi fshatin Vidhan të Gramshit. Por, ndërsa po hetohej për zbulimin e shkaqeve të kësaj vatre zjarri, nuk vonoi ndezja e një tjetër zjarri edhe më të madh.

Për momentin, për shuarjen e flakëve janë mobilizuar shërbimet e policisë pyjore dhe ato të ushtrisë, në ndihmë të të cilave janë vënë edhe Policia e Shtetit dhe shërbimi i zjarrfikësve.

http://www.gazeta-shqip.com/artikull.php?id=69465

14.8.2009, 11:48

Citim:

Zjarret përpijnë rreth 50 ha pyje në Orosh

Gjuhë të fuqishme të një zjarri të madh po përfshijnë hapësira të pamata të pyjeve të Oroshit në Mirditë, zjarr i cili që prej tri ditësh nuk po arrihet të vihet nën kontroll.

Madje, era e fortë ka bërë që ai të shpërndahet rrezikshëm në afro 50 hektarë pyje pishe në zonën e Oroshit duke iu afruar tashmë në vetëm pak metra pyjeve të pjesës bjeshkore, e cilësuar si Zonë e Mbrojtur.

Edhe pse janë dërguar forca xheniere të ushtrisë, dhe gjithë banorët e fshatrave janë vënë në alarm për të shpëtuar banesat që po rrezikohen, flakët po përhapen me shpejtësi dhe gjendja është shumë e rëndë.

Në jo pak terrene të thyera ku forcat xheniere dhe ato të pyjores kanë krijuar prita, po rrezikohet dhe jeta e tyre. Përhapja më tej e flakëve të zjarrit mund të rrezikojë edhe disa shtëpi të lagjes Zajs të Mashtërkorit apo Vilë të Nënshejtit, si dhe të Oroshit Qendër.

Drejtuesi i komunës Orosh, Aleksandër Lala, dhe drejtori i shërbimit pyjor, Lek Mandrea, kanë apeluar që situata të merret nën kontroll nga emergjencat civile shtetërore dhe të krijohet dhe mundësia e ndihmës nga ajri, pasi zjarri i rënë dhe i përhapur mund të cilësohet ndër më të mëdhenjtë të rënë ndonjëherë në vend.

Ndërkohë që dhjetëra forca po përballen me zjarrin e pamëshirshëm, antikrimi ekonomik i drejtorisë së policisë të qarkut Lezhë, po gjurmon zjarrvënësit të cilët mendohen të jenë nga një fshat aty afër.

http://www.shekulli.com.al/2009/08/1...-ne-orosh.html

18.8.2009, 14:00

Citim:

Zjarri djeg 2 ha pyll në bregdetin e Semanit

Temperaturat e larta dhe defektet në rrjetin elektrik kanë shkaktuar katër zjarre në 24 orët e fundit në vend, duke djegur dy objekte të mbushura me ushqim për bagëtitë, një banesë dhe 2 ha pyll në zonën bregdetare të Semanit në Fier ku djegia e disa shkurreve shkaktoi përhapjen e flakëve në zonën e pyllëzuar.

Dy mjete dhe forca të shumta zjarrfikëse janë përpjekur për më se dy orë për lokalizimin e flakëve dhe parandalimin e përhapjes së tyre në pyllin me pisha.

http://www.kohajone.com/html/artikull_45719.html

1.1.2009, 07:13	#1
Anëtarësuar: 5.2008	Djegia e pyjeve Raportim i masave mbrotjëse në troje dhe dëmtimit të pyjeve nga zjarri për vitin 2009.

18.4.2009, 12:43	#2
Anëtarësuar: 5.2008	Bulqizë: Digjen dy hektarë me pyje dushku Ende pa ardhur stina e verës, në Bulqizë ka nisur "stina e zjarreve". Në orët e pasdites së të enjtes, në malin e Temlës, në Komunën e Zerqanit, rreth 10 kilometra larg qytetit të Bulqizës, janë vërejtur dhjetëra vatra zjarresh që janë djegur gjatë gjithë natës, deri në të gdhirë të ditës së djeshme, kur fikja e tyre është bërë në rrugë natyrale pa asnjë lloj ndërhyrjeje njerëzore. Janë përshkuar nga flakët të paktën dy hektarë me pyje dushku, por megjithëse dëmi nuk është i ndjeshëm për shkak të temperaturës dhe natës së lagësht me vesë, banorët shprehen të friguar duke e konsideruar këtë si një sinjal se vera e këtij viti do të jetë "e pasur" për sa i takon zjarrvënies në pyje, duke na kujtuar verën e vitit 2007, kur u dogjën mijëra hektarë pyje dushku, ahu dhe pishe nga zjarrvënësit. Mënyra e shfaqjes së njëkohshme të dhjetëra vatrave të zjarreve, në formën e një vije që shkonte në rreth 2 kilometra distancë, duke rrethuar një zonë të mirë pyjore të malit të Temlës, 1400 metra i lartë, të krijon bindjen për një zjarrvënie të qëllimtë, gjë që e pohojnë dhe banorët, sipas të cilëve, zjarret janë të qëllimshme dhe në më të shumtën e rasteve vihen nga barinjtë e zonës për të shtuar sipërfaqet e kullotave për bagëtitë që mbarështojnë. http://www.gazeta-shqip.com/artikull.php?id=62620

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

14.6.2009, 17:52	#6
mesdimr Anëtarësuar: 8.2006	Filluan në Greqi zjarrvëniet për sivjet, kështu që priten tani të fillojnë dhe tek ne e deri në Kroaci. Në hartat e "ndryshimit klimaterik" në botë, është e rëndësishme që të kapet nga zjarri brezi perëndimor dhe jugor i gadishullit, gjë që na përfshin dhe ne.

Djegia e pyjeve

Djegia e pyjeve

Bulqizë: Digjen dy hektarë me pyje dushku

Fier: Digjen pyjet për sheshe ndërtimi