Çamët mashtrojnë Italinë mbi fushatën greke!

vlug

Mbas pushtimit të Shqipërisë, Italia përgatitej për pushtimin e Greqisë, shtabi i përgjithshëm italian kishte informacione se midis ushtarakëve grekë do gjehej mbështetje nëse Italia e sulmonte Greqinë. Të gjitha këto informacione i shkonin Shtabit italian, ndërmjet Jakomonit, mëkëmbësit italian në Shqipëri. Vetë Jakomoni këmbëngulte në besueshmërinë e informacionit sepse vinte nga shqiptarë "fashistë" të devotshëm dhe që kishin kontakte të ngushta në Greqi (Çamëri).

Ata që "ushqenin" Jakomonin me informacion ishin Nebil Dino dhe Nuri Dino të dy me origjinë çame.

Të vetmet informacione që mëkëmbësi italian në Tiranë merrte rreth Greqisë (përveç komunikimit zyrtar që kishte me ministrin e jashtëm grek dhe ambasadorin italian në Athinë) ishin ato që i vinin nga udhëtimet që Nebil Dino kryente në Greqi. Jakomoni i trasmetonte këto në Itali (para vendimit të fushatës greke) dhe këto informacione shërbyen si bazë për nisjen e fushatës.
Nebili i komunikonte Jakomonit se në udhëtimet që kryente në Greqi, kishte kontakte me ushtarakë simpatizantë të Italisë, dhe se ishin gati të ngriheshin në rast sulmi si dhe se krahina e Çamërisë mund të aneksohej lehtësisht dhe se do pranohej nga popullësia e saj.

Ky është mendimi i autorit (Mario Cervi) që ka botuar veprën "Storia della guerra di Grecia", pra që italianët dhe në veçanti Jakomoni i kanë besuar verbërisht dy shqiptarëve nga Çamëria dhe se kanë gabuar në gjykim. Vetë Metaksai, "diktatori" grek, në ditarin e tij thotë "ushtarakë filogjermanë ka pasur, por asnjëherë filoitalianë".

Mendoj që nëse dy shqiptarët që mashtronin italianët, dhe personalisht mendoj se i mashtronin vërtet, nuk niseshin aspak të shtyrë nga qëllime armiqësore ndaj italianëve, përkundrazi i shikonin si realizuesit e qëllimit të tyre, çlirimi i Çamërisë. Jakomoni i besonte më shumë informacioneve të këtyre shqiptarëve se sa stafit të ambasadës italiane në Athinë! Që nuk ishin në shërbim të grekëve e tregon shpallja e tyre pas lufte, si "kriminelë lufte" nga qeveria greke. Kjo nuk është arsye e fortë, por ama grekët nuk linin gjallë çam me të kaluar si ajo e Nebil e Nuri Dinos.



________
Përdorur si burim: Mario Cervi, "Storia della guera di Grecia"

Ujk

Sdq konti Çiano ka qenë miop prej natyre.

vlug

Po natyrisht që konti Çiano, ka qënë miop por dhe politika italiane ka qenë e dështuar. Por kjo është çështje tjetër.

Familja Dino ka qenë një nga familjet më patriote, dhe çlirimi i Çamërisë ishte qëllimi final.

Ujk

Nuk vihet në dyshim patriotizmi i vëllezërve Dino.