Korridori Veri-Jug (Shkodër-Sarandë) (në ndërtim)

mesdimr · 29.6.2008, 14:25

Emri: korridori-veri-jug.png
Shikimet: 235
Madhësia: 55,8 KB

Gjatësia: 405km

Segmentet kryesore: Hani Hotit – Shkodër – Lezhë – Milot – Fushë Krujë – Mamurras – Tapizë – Vorë – Tiranë – Sukth – Durrës – Rrogozhinë – Lushnjë – Fier – Tepelenë – Gjinokastër – Kakavijë

Degëzimet: Jergucat – Sarandë – Konispol

Mbulon në shtetin Perëndimor rreth:
• 45 % të popullsisë
• 34,8% hapësirë gjeografike
• 16,5% rrjet rrugor kombëtar

6.8.2008, 18:29

Citim:

Infrastruktura Rrugore - Korridori Veri-Jug

Pjesa qendrore e këtij korridori përputhet me korridorin VIII në segmentet që tashmë janë në ndërtim, një pjesë e rëndësishme segmentesh rrugore janë rehabilituar megjithëse jo në nivelet e standardeve europiane, ndërsa një pjesë është në negocim.

Edhe në këtë rast projeksionet për trafikun pas përfundimit të të gjitha akseve rrugore janë optimiste.

http://www.mpptt.gov.al/transportet/strategjia.php

Citim:

Ruli: Drejt përfundimit të aksit rrugor Veri-Jug
26/05/2008

Ministri i Ekonomisë, Genc Ruli, ka inspektuar punimet e disa rrugëve në ndërtim në zonën e Gjirokastrës, nga ku ka deklaruar se së shpejti aksi rrugor Veri-Jug do të jetë gati. Sipas Rulit, me ndërtimin e akseve në Jug të vendit, veçanërisht në zonën e Gjirokastrës, Jugu i vendit do të jetë i lidhur direkt me Veriun, çka nënkupton një dimension të ri të qarkullimit dhe lëvizjes.

Në zonën e Gjirokastrës është në ndërtim e sipër aksi rrugor Kardhiq-Delvinë, nga ku ka përfunduar faza e parë e punimeve dhe javën që vjen pritet të fillojë faza e dytë e ndërtimit të rrugës.

(...)

Akset rrugore në ndërtim

Lushnjë-Fier, Levan-Tepelenë

Fier-Levan, Tepelenë-Gjirokastër

Patos-Fier, Kardhiq-Delvinë

By-pass-i i Fierit, Dhërmi-Sarandë

Levan-Vlorë, Shkodër-Hani i Hotit

Ura me hapje e Bunës, Korçë-Qafë Plloçë

Dhërmi-Sarandë, Qafë Plloçë-Qafë Thanë

Lezhë-Shëngjin, Krumë-Qafë Prush

---

Rruga e "Arbrit" (Ballat-Bulqizë)

Rruga Durrës-Kukës

http://www.gazeta-standard.com/tekst.php?idt=6836

Citim:

Autostrada, Levan-Tepelene, nenshkruhet kontrata
E merkure, 6 Gusht 2008

Fillimi i punimeve ne nje nga segmentet me te rendesishme, Levan-Tepelene te Korridorit, Veri-Jug ka marre udhe dje, kur ministri i Transportit, Sokol Olldashi ka firmosur kontratat e punimeve per fillimin e punimeve ne ndertimin e aksit Levan - Tepelene, i cili financohet nga BEI dhe BERZH me vlere rreth 70 milion Euro.

Burimet zyrtare ne Ministrine e Transportit njoftuan dje se, seksioni Levan - Tepelene paraqet nje rruge me gjatesi 70 km e projektuar me dy kalime, sipas standardeve evropiane te Rrugeve Nacionale. Gjeresia e asfaltuar e rruges do te jete 10.5 m (2 korsi me 3.75 m dhe 2 bankina me 1.5 m).

Projekti me vlere 2 milion euro eshte hartuar ne vitin 2004 nga kompania franceze Scetauroute.

"Pervec perfitimeve direkte ne shkembimin tranzit te mallrave drejt qendrave te banuara ne jug e me tej drejt Greqise dhe anasjelltas, rruga e re do te sjelle nje lidhje me te mire me zonen dhe pjesen tjeter te vendit", theksoi ministri Olldashi. Sipas tij, ndertimi i kesaj rruge do te lejoje banoret e fshatrave te vogla te disponojne te gjitha lehtesirat per akses te shpejte ne qendrat e zhvilluara, si dhe do te gjalleroje ekonomine lokale dhe bizneset e vogla pergjate infrastruktures.

Segmenti rrugor Levan-Tepelene eshte pjese e korridorit Veri-Jug qe shtrihet nga Hani i Hotit ne kufirin shqiptaro-malazez ne veri deri ne Kakavije ne kufirin shqiptaro-grek ne jug. Punimet e ndertimit per kete aks do te zgjasin 30 muaj dhe do te perfshijne ndertimin e 50 urave, 48 veprave te vogla arti dhe volume per zerat kryesore.

Segmenti rrugor Levan-Tepelene eshte i ndare ne dy lote, loti i I, Levan-Dames me gjatesi 37.5 km me vlere 39.1 milion euro, dhe loti i II, Dames-Tepelene me gjatesi 32.5 km dhe vlere 28.6 milion euro. Shpejtesia e parashikuar varion nga 80 deri ne 100 km. Ne seksionin e pare Levan - Dames, punimet do te kryhen nga firma italiane Todini Construzioni Generali, ndersa per seksionin e dyte nga Dames ne Tepelene punimet do te kryhen nga firma austriake Alpine Bau Gmbh.

Mbikeqyrja e punimeve me financim nga Delegacioni i Komisionit Europian me vleren 2.6 milione euro do te kryhet nga bashkimi i kompanive italiane Technital & Tecnic & Stretto di Messina. Trafiku ekzistues ne kete aks eshte 3500 mjete ne dite, ndersa ne vitin 2015 trafiku ne aksin Fier-Tepelene parashikohet te arrije ne 6000 mjete ne dite.

Per rreth 37.0 km rruga pershkon nje terren kryesisht fushor pergjate rrjedhes se Vjoses dhe bashkohet me rrugen ekzistuese Fier - Tepelene ne Dames (Fratar). Ky segment ndjek luginen e Vjoses dhe shmang plotesisht zonen e veshtire kodrinore te Ballshit. Rruga arrin me pas ne Tepelene duke ndjekur pak a shume gjurmen ekzistuese me permiresime te ndjeshme te karakteristikave gjeometrike dhe sigurise per perdoruesit.

http://www.kohajone.com/artikull.php?idm=28841&idr=2

9.4.2009, 20:50

Citim:

Rruga Lushnjë-Fier, shkurton distancën drejt jugut

Fier -Rruga Lushnjë-Fier, një investim prej 23 milionë dollarë që do të përurohet, do të shkurtojë ndjeshëm distancën drejt jugut të vendit.Duke komentuar realizimin e këtij projekti, një financim i qeverisë italiane, specialistët të transporteve thanë se "realizimi i punimeve në rrugën Lushnjë-Fier, rreth 20 kilometra e gjatë, ishte i vështirë për shkak të pjesës kënetore në këtë zonë. Për realizimin me cilësi të punimeve u përdorën materiale shtesë, që nuk ishin parashikuar në studim".

Kontrata për fillimin e punimeve të rrugës Lushnje-Fier, segment kryesor i Korridorit VIII, është firmosur në nëntor të vitit 2005. Punimet u kryen nga kompania e njohur italiane Maltauro-Delma dhe u supervizuan nga kompania Sintagma. Ndërtimi i infrastrukturës rrugore është prioritet i qeverisë shqiptare, që në 4 vjet ka realizuar projekte për ndërtimin e rreth 6 mijë km rrugë kombëtare.

Në këtë drejtim, veçohet rruga Durrës-Kukës, ndërtimi i së cilës është cilësuar si "një gjurmë" në historinë e Shqipërisë dhe kombit shqiptar. Ndërkohë, një nga angazhimet e qeverisë është fillimi i punimeve për ndërtimin e Boshtit të Jugut.

http://www.gazetastart.com/?faqe=shf...7559&isflash=1

10.4.2009, 19:53

Citim:

Mbaron autostrada Lushnjë-Fier, gati 5 rrugë të tjera në Myzeqe

Autostrada Lushnjë-Fier tashmë përfundoi duke e kthyer udhëtimin mes këtyre dy qyteteve në një komoditet. Rruga prej 21.5 kilometrash, e cila kushtoi 20 milionë euro me fond nga italianët, ka parametrat më të mirë të kohës.

Kryeministri Sali Berisha, i pranishëm në përurimin e përfundimit të ndërtimit të rrugës, tha se autostrada lidh dy epiqendrat e Myzeqesë. Ai premtoi më tej edhe 5 rrugë të tjera të rëndësishme në këtë zonë. Sipas tij, së shpejti fillon rruga Fier-Cakran, rruga Divjakë-Pushimi i Shoferit, rruga Lushnjë-Ballagat-Peqin, rruga Kosovë-Belsh.

Kryeministri tha më tej se në 3 vjet e 8 muaj është investuar 1 miliard e 600 milionë dollarë në fshat, ndërsa në mandatin e dytë premtoi 2 herë më shumë. Në ceremoninë e përurimit morën pjesë Ambasadori i Italisë në Tiranë, Saba D’Elia, ministri i Transportit, deputetë të zonës, përfaqësues të pushtetit vendor, përfaqësues të kompanisë etj.

http://www.gazeta-standard.com/tekst.php?idt=17388

13.5.2009, 22:40

Fillon segmenti Levan-Tepelenë:

Citim:

Kryeministri Berisha mori pjesë dje pasdite në inaugurimin e fillimit të punimeve për ndërtimin e segmentit Levan-Tepelenë, një projekt me vlerë 70 milion euro, financuar nga BEI dhe BERZH. Ky segment është pjesë e Korridorit Veri- Jug, që shtrihet nga Hani i Hotit deri në Kakavijë. Segmenti Levan-Tepelenë ka një gjatësi 70 kilometra, 60 për qind e së cilës do të jetë aks i ri rrugor, kurse 40 për qind do të jetë përmirësim i rrugës ekzistuese. Ky segment rrugor është projektuar me dy kalime, sipas të gjitha standardeve të rrugëve evropiane.

http://www.km.gov.al/index.php?fq=br...d=11011&gj=gj1

18.6.2009, 11:03

Citim:

Nënshkruhet kontrata për ndërtimin e segmentit rrugor Shkodër-Hani i Hotit

U nënshkrua sot, në prani të Ministrit të Punëve Publike Transportit dhe Telekomunikacionit, Sokol Olldashi dhe të Ambasadorit Italian Saba D Elia kontrata "Projekti ekzekutiv dhe ndërtimi i segmentit rrugor Shkodër-Hani i Hotit".

Kontrata në fjalë u nënshkrua nga Drejtori I Përgjithshëm i Rrugëve Andi Toma dhe nga përfaqësuesit e firmës fituese italiane ATI Claudio Salini S.p.a. & Salvatore Matarrese S.p.a.

Gjatë fjalës së tij Ministri Olldashi vlerësoi rëndësinë e këtij projekti.

"Me fillimin e punimeve në këtë aks ne bëjmë lidhjen e fundit midis një qyteti të rëndësishëm të Shqipërisë siç është Shkodra dhe pikës kufitare të Hanit Hotit. Ky projekt i jep plotësim në të gjitha dimensionet aksit rrugor Veri-Jug".

http://www.mpptt.gov.al/lajme/qershor17a.php

23.7.2009, 20:48

Citim:

Nis asfaltimi i aksit Plepa - Kavajë

Aksi tepër i rëndësishëm për nga pikëpamja strategjike e lëvizjes së afro 50 mijë automjeteve në ditë, ai Plepa - Kavajë, ka nisur të asfaltohet. Tri firma, të cilat kanë marrë përsipër të ndërtojnë dhe asfaltojnë rrugën Plepa - Kavajë - Rrogozhinë kanë nisur asfaltimin e njërit prej segmenteve kryesore, atë që lidh Shkëmbin e Kavajës me Golemin.

Drejtuesit e punimeve po punojnë me intensitet në mënyrë që procesi të përfundojë brenda dy ditëve. Kjo do ta lehtësonte mjaft trafikun e rënduar në këtë aks.

Asfaltimi i rrugës

Prej 10 ditësh pas përfundimit të procesit të punimeve për zgjerimin e rrugës Plepa - Golem, po punohet për asfaltimin e saj.

Janë tri firma: “Albashpresa”, ”Mela” dhe “Kilshberger”, të cilat po merren me asfaltimin e segmentit Shkëmbi i Kavajës - Golem, 1.5 km e gjatë. Drejtuesi i punimeve, Vladimir Veizi, tha për “standard” se “sapo ka përfunduar hedhja e shtresës së parë të asfaltit. Janë për t’u hedhur edhe dy shtresa të tjera që puna të konsiderohet e përfunduar. Ne do të punojmë pa u ndalur duke shpresuar që të mos bjerë shi, i cili do të na detyronte të ndalonim procesin”.

Segmenti që po asfaltohet, do të ndikojë në normalizimin e qarkullimit të dendur të makinave. Pjesa e rrugës që po i nënshtrohet asfaltimit, është krejtësisht e re me qëllim zgjerimin e rrugës ekzistuese.

Projekti i rrugës

Rruga, e cila i po i nënshtrohet rikonstruksionit të thellë, fillon në Plepa dhe përfundon në Rrogozhinë. Projekti është ndarë në tri faza. Faza e parë përfshin aksin Plepa - Golem,e dyta Golem - Kavajë dhe faza e tretë Kavajë - Rrogozhinë.

Për këtë projekt janë planifikuar 460 milionë lekë nga buxheti i shtetit, ndërkohë që vetëm për dëmshpërblimin e të prekurve nga ky projekt janë dhënë 4,6 milionë dollarë.

Deri tani punimet i përkasin fazës së parë. Rruga tashmë është zgjeruar duke arritur në 18 m nga 9 m që ishte më parë. Nga dy korsi tashti janë 4 të tilla. Krahas asfaltimit po punohet për zgjerimin e një ure dhe mendohet që javën e ardhshme ajo të jetë e përfunduar. Më pas, do të kalohet në mbushjen e pjesshme të rrugës ekzistuese dhe pas 10 apo 15 ditësh faza e parë e projektit do të jetë e përfunduar.

Drejtuesit e punimeve thonë se piku i sezonit veror do ta gjejë këtë segment të mbaruar. Ky është njëri ndër akset që përballon trafikun më të dendur të makinave në shkallë vendi dhe kjo sidomos në fundjavë dhe sezone turistike.

http://standard-al.com/tekst.php?idt=19767

23.7.2009, 21:32

Citim:

Lushnja dhe Peqini, lidhja një rrugë e re

Lushnja dhe Peqini do të lidhen me një rrugë të re që do të kalojë nga Komuna e Ballagatit. Fillimi i punimeve të këtij aksi u inaugurua nga kreu i qeverisë, Sali Berisha, i cili vuri theksin tek rëndësia e tij për të gjithë zonën e Dumresë dhe premtoi se ky nuk do të jetë projekti i vetëm në këtë pjesë të vendit.

http://standard-al.com/tekst.php?idt=19784

31.7.2009, 17:23

Citim:

Premtimi i Berishës: Brenda 2010, infrastruktura e re bregdetare

Kryeministri Sali Berisha premton se brenda një viti Shqipëria do të ketë të përfunduar të gjithë infrastrukturën e re bregdetare. E gjithë përpjekja e qeverisë, sipas Berishës, është për të kthyer kombin drejt detit.

Kryeministri dha dje garanci të plotë para banorëve lezhjanë, ku inauguroi rrugën Tale-Lezhë, se shumë shpejt do të ndërtohen rrugët që lidhin bregdetin me akset kombëtare. Kjo rrugë lidh autostradën me bregun e detit, për shkak të 10 kilometrave të paasfaltuara më parë, Kryeministri Berisha vuri në dukje se kjo zonë në bregun e Adriatikut e ka pasur të vështirë zhvillimin.

“Ne po përfundojmë ndërtimin e kësaj rruge, pas disa ditësh do të inaugurojmë rrugën Mamurras-Patok, nga Velipoja deri në Ksamil, në mënyrë absolute, brenda vitit 2010 nuk do të ketë rrugë dhe rrugicë që të çon drejt detit të paasfaltuar”, - u shpreh Berisha.

Kryeministri Berisha shpjegoi qëllimin e kësaj ndërhyrjeje në infrastrukturë, që lidh zonat bregdetare me rrugët kryesore dhe autostradat e vendit. Sipas tij, qytetarët shqiptarë do të kenë mundësi të shijojnë bregdetin përmes një infrastrukture tërësisht të re.

Ai u ndal në projektet e tjera shumë të rëndësishme në infrastrukturë që priten të inaugurohen në vijim, si rruga Mamurras-Patok, unaza e qytetit të Laçit dhe fillimi i punimeve për stadiumin, inaugurimi i rrugës së Patokut, inaugurimi i 2 loteve të rrugës së Arbrit, që zbresin deri në Klos etj.

http://standard-al.com/tekst.php?idt=20073

2.11.2009, 14:03

Citim:

Berisha premton ndërtimin e rrugës Shëngjin–Ulqin

Kryeministri i Republikës së Shqipërisë Sali Berisha paralajmëroi se së shpejti do të fillojë ndërtimi i rrugës Shëngjin –Ulqin, në takimin që zhvilloi të premten në Tiranë me akademikun dhe politikanin e njohur nga Kosova, akademikun Mark Krasniqi të shoqëruar nga Nikollë Shabani, përfaqësues i shoqatave të diapsorës.

“Rruga automobilistike Shëngjin-Ulqin do të fillojë së shpejti. Unë kam premtimin nga homologu im malazez, Millo Gjukanoviq se do të kryhet edhe pjesa tjetër e këtij aksi rrugor që i takon Malit të Zi”, u shpreh Berisha, konfirmojnë për “Koha javore” Krasniqi dhe Shabani.

Sipas tyre, kjo rrugë e cila do i bie shpat malit mbi zonën e maleve të plazhit të Velipojës teposhtë në drejtim të Shëngjinit, do të ishte e rëndësishme jo vetëm për Malin e Zi dhe Shqipërinë, por edhe për Kosovën si dhe do të jetë një arterie shumë e veçantë në bregdetin adriatik.

“Një mesazh shumë të fuqishëm që na përcolli z. Berisha ishte rëndësia që ai po i jep afërsisë dhe bashkëpunimit të krijuar me qeverinë malazeze dhe personalisht me kryemisnisrtin Millo Gjukanoviq. Kjo njëherazi është edhe një këshillë për shqiptarët në Malin e Zi që të gjejnë format më të perfeksionuara të cilat e sigurojnë dhe e avancojnë jetën e shqiptarëve, por me një parim ku duhen respektuar miqtë të cilët u janë gjetur shqiptarëve në ditë të vështira”, thotë Shabani.

Akademiku Krasniqi dhe z. Shabani mbështetën propozimin e paradokohshëm të kryeministrit Berisha për bashkimin kulturor të shqiptarëve jo vetëm me shtetin amë, por me të gjithë popujt e Evropës.

Në takim u diskutua edhe për çështje të tjera që preokupojnë Kosovën dhe diasporën shqiptare.

http://www.kohajavore.cg.yu/index.ph...vijest&id=8653

8.12.2009, 13:25

Citim:

Gjinokastër, zvarritet rikonstruksioni i rrugës nacionale

Një vit pas përfundimit të afatit, rruga Gjinokastër-Kakavijë ende e pambaruar

Ndonëse afati i kontratës për përfundimin e projektit të rikonstruksionit të një segmenti të rrugës nacionale Tepelenë- Kakavijë, ka të fiksuar tetorin e vitit 2008, punimet në këtë segment ende nuk kanë përfunduar.

Para festivalit folklorik kombëtar në shtator të këtij viti firma ndërtuese "Studio Projekt FEBA" e shtroi me asfalt të gjithë gjatësinë prej afro një kilometër, dhe qysh atëherë punimet nuk kanë vazhduar duke lënë këtë rrugë pa murin ndarës midis dy kalimeve, sikurse e përmban projekti.

Mandej, një vit pas përfundimit të afatit sikurse është shënuar në dy tabela informative vendosur në dy skajet e këtij segmenti, projekti i rrugës mbetet i papërfunduar edhe pse më parë janë shpronësuar dhe shpërblyer pronarët e 37 objekteve private.

Sipas specialistëve, shpërblimet kanë shkuar përafërsisht sa gjysma e vlerës së përgjithshme të akorduar për rikonstruksionin e rrugës në fjalë. Projekti përbënte pjesën e tretë të një projekti "Mbikalim rruga Virua" që përfshinte ndërhyrje për ngritjen edhe të dy segmenteve të tjera të kësaj rruge që përmbytej në mënyrë të përsëritur disa herë në vit nga vërshimet e lumit Drino.

Vlera e përgjithshme e projektit kap shifrën e 116 milionë e 163 mijë lekëve, të investuara nga Drejtoria e Përgjithshme e Rrugëve pranë MPPTT-së. Vonesat e para në ecurinë e këtij projekti erdhën nga procedurat e ngadalta të shpronësimeve.

Megjithatë, edhe pse një pjesë e konsiderueshme e tyre janë aprovuar nga KKRT-ja e bashkisë në kundërshtim me ligjin e urbanistikës, pasi janë ngritur mbi kolektorë të ujërave të bardha e të zeza, përsëri pronarët u paguan nga shteti.

Por pas shtrimit të asfaltit dhe shpërblimit të pronarëve, kur pritej që rruga të përfundonte plotësisht befas puna u ndërpre dhe askush nuk të jep përgjigje për arsyet që çuan në ndërprerjen e punimeve.

http://www.gazeta-shqip.com/artikull.php?id=77107

27.1.2010, 21:59

Citim:

Olldashi në Ulqin, plan për rrugë të reja mes dy vendeve

Ministri shqiptar i Punëve Publike, Transportit dhe Telekomunikacionit, Sokol Olldashi zhvillon një takim me homologun e tij malazez, Andria Llompar në kabinetin e kryetarit të Komunës së Ulqinit, pa praninë e medias.

Ata më pas u deklaruan gazetarëve se kishin aktualizuar idenë e ndërtimit të rrugëve rajonale ndërkufitare Plavë-Territori i Shqipërisë-Podgoricë,Velipojë-Ulqin, e sidomos valorizimi i lumit të përbashkët Buna.

Në interesimin e gazetarëve lidhur me jetësimin e Urës mbi Bunë, që lidh Shqipërinë me Malin e Zi, përkatësisht Shkodrën me Ulqinin, Olldashi tha se tashmë 75 për qind të punimeve ndërtimore të këtij objekti kanë përfunduar. Por ai nuk caktoi ndonjë afat për përfundimin e saj.

Ministri malazez i Transportit dhe Detarisë, Llompar vlerëson lartë bashkëpunimin midis dy vendeve fqinje në të gjitha fushat, duke nënvizuar rëndësinë e ndërtimit të rrugës rajonale Plavë- Territori i Shqipërisë- Podgoricë.

Ai nënvizoi se dy vendet do të konkurrojnë me projekte të përbashkëta në iniciativa rajonale, sidomos për të bërë lumin Buna të lundrueshëm. /NOA/

http://www.telegrafi.com/?id=3&a=5300

29.6.2008, 14:25	#1
mesdimr Anëtarësuar: 8.2006	Korridori Veri-Jug (Shkodër-Sarandë) (në ndërtim) Gjatësia: 405km Segmentet kryesore: Hani Hotit – Shkodër – Lezhë – Milot – Fushë Krujë – Mamurras – Tapizë – Vorë – Tiranë – Sukth – Durrës – Rrogozhinë – Lushnjë – Fier – Tepelenë – Gjinokastër – Kakavijë Degëzimet: Jergucat – Sarandë – Konispol Mbulon në shtetin Perëndimor rreth: • 45 % të popullsisë • 34,8% hapësirë gjeografike • 16,5% rrjet rrugor kombëtar

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar