A/H1N1, gripi mediatik i radhës

2.5.2009, 16:16

Citim:

Deklarate shtypi mbi gripin e derrit
2 Maj 2009

Qe nga data 1 maj 2009, gripi i derrave eshte specifikuar si gripi A( H1N1). Ky vendim eshte marre nga Organizata Boterore e Shendetesise (OBSH) dhe Organizata Boterore e Shendetit te Kafsheve (OIE). Kjo eshte komunikuar dhe ne fletoren zyrtare te BE-se me date 1 maj 2009, ne vendimin e Komisionit te BE-se 2009/363/EC.

Ne si Autoritet Kompetent e bazojme vendimmarrjen ne informacionet e organizmave homologe nderkombetare. Pronocimet e tyre per virusin A H1N1 jane :

Drejtori i Pergjithshem i OIE ne datat 27,28,29,30 prill ka cilesuar ekzaktesisht: …Nuk ka ne asnje rast derra te infektuar ne zonat ku eshte shfaqur infeksioni i gripit ne njerez. Nuk eshte e nevojshme per te ndermarre masa specifike ne tregetine internacionale te derrave ose produkteve te tyre. Nuk konsiderohet rrezik per perhapjen e virusit konsumi i produkteve te derrit.

Drejtoria e Shendetit dhe Mbrojtjes se Konsumatorit ne Komisionin Europian ka komunikuar mungesen e prezences se virusit ne popullata te derrave ne zonat e shfaqjes se virusit A H1N1.Eshte provuar vetem transmetimi i virusit nga njeriu tek njeriu.Virusi nuk transmetohet nga ushqimi.Vlen per te theksuar se si ÇDO VIRUS GRIPI edhe virusi A H1N1 eshte i ndjeshem nga nxehtesia dhe shkaterrohet ne 70 grade celsius.

Kjo nuk perben asnje arsye qe Bashkimi Europian te ndryshoj qendrim ndaj importit nga Amerika e Veriut.

Autoriteti Europian i Sigurise Ushqimore, bazuar ne rezultatet e vleresimit te riskut, cileson se ky virus eshte i ndryshem nga virusi i gripit qe prek derrat. Ky virus i ri qe eshte shfaqur te njerezit, nuk eshte izoluar tek kafshet. Nuk ka asnje evidence shkencore qe te sugjeroje se virusi H1N1 mund te transmetohet tek njerezit nepermjet konsumit te mishit si ai i derrit ose nenproduktet.

Bazuar ne te gjithe raportimet e mesiperme theksojme se :

Mishi i derrit dhe produktet qe origjinojne nga ai, nuk perbejne asnje burim infeksioni, neqoftese ato trajtohen ne perputhje me normat e standarteve te sigurise ushqimore, ne praktikat e mira te higjenes dhe kur ato jane te gatuara me trajtim termik ( mbi 70 grade celsius).

Valbona Paluka
Drejtore e Pergjithshme e Sigurise Ushqimore dhe Mbrojtjes se Konsumatorit

http://www.mbumk.gov.al/lajm.asp?met...dlajm=1082&l=1

11.6.2009, 20:36

Citim:

Itali: 54 të infektuar me H1N1

Romë - Italia konfirmon katër raste të reja me virusin vdekjeprurës të gripit të derrave. Rastet e fundit e çojnë në 54 numrin total të të prekurve nga ky virus në fqinjin tonë perendimor. Lajmi është bërë publik nga vetë Ministria italiane e Punës, Shëndetit dhe Politikave Sociale.

http://www.gazetastart.com/?faqe=shf...0735&isflash=1

12.6.2009, 00:19

Stokholm - Organizata Botërore e Shëndetësisë ka shpallur gjendjen e rrezikut maksimal për virusin vdekjeprurës H1N1, të ngjashëm me gripin e derrave, duke e konsideruar tashmë përhapjen e infeksionit si epidemi në shkallë bote. Lajmi konfirmohet nga qeveria svede përmes njoftimit për shtyp të shpërndarë për mediat ndërkombëtare.

Rastet e infektimit me H1N1 po vijnë gjithnjë e në rritje, një pjesë e mirë e të prekurve nga virusi dërgohen në reanimacion. Shpallja e epidemisë në shkallë bote vjen si pasojë e gjendjes kritike të krijuar tashmë në Hong-Kong dhe Australi.

Epidemia e fundit botërore e shpallur nga OBSH është ajo e vitit 1968, e cila nisi në Hong-Kong dhe shkaktoi vdekjen e 1 milion njerëzve.

http://www.gazetastart.com/?faqe=shf...0854&isflash=1

13.6.2009, 02:30

Citim:

Përhapet gripi në Greqi - 12 raste të konfirmuara

Zbulohen edhe 5 raste të reja me gripin e derrave në Greqi. Kështu numri i rasteve të njoftuara prej datës 18 maj ka arritur në 12.

http://www.gazetaexpress.com/index.p...o/9502/C5/C18/

Citim:

Greqia ka konfirmuar brenda 48 orëve gjithsej 7 raste, duke e çuar numrin e përgjithshëm te personave te prekur ne 12 . Ky fakt ka bere qe ne mëngjesin e se premtes Ministria e Shëndetit te thërrasë një mbledhje urgjente për marrjen e masave në prag te sezonit turistik, ku pritet të vijnë me mijëra persona nga shtetet te cilat kane deklaruar raste te gripit H1N1.

http://www.rtklive.com/?categoryId=3&newsId=36842

Citim:

Vaksina e gripit të derrave gati në fillim të vjeshtës

Gjenevë - Vaksina kundër virusit H1N1 pritet të jetë gati në fillim të kësaj vjeshte. Këtë vaksinë do ta nxjerrë kompania zvicerane e farmaceutikës “Norvatis”, e cila deklaron se e ka përfunduar paketën e parë të vaksinave eksperimentale, falë një metode të re prodhimi.

Reagimi i “Norvatis” erdhi vetëm pak ditë pasi Organizata Botërore e Shëndetësisë shpalli për herë të parë pas 40 vjetësh pandeminë globale.

Në vend që të përdorte metodat tradicionale të mbjelljes në vezë, kompania provoi të krijonte virusin më të butë të vaksinës nëpër qeliza, dhe kjo dha një ndihmesë të vyer në shkurtimin e afateve kohore të prodhimit. Provat klinike të vaksinës do të nisin muajin që vjen.

http://www.gazetastart.com/?faqe=shf...0989&isflash=1

14.6.2009, 15:16

Citim:

Greqia në panik, 6 raste të gripit të derrave në 24 orë

Brenda 24 orëve të fundit, 6 raste të tjera të gripit të derrave janë konfirmuar nga organet greke të shëndetësisë, duke e çuar numrin e të infektuarve në Greqi në 20.

Rasti i fundit është një shtetase 20-vjeçare nga Peruja, e cila mbërriti nga New Yorku dhe tashmë kurohet në shtëpinë e saj me simptoma te lehta. Me herët ishin konfirmuar edhe pesë raste të reja, midis të cilave një foshnje vetëm 11 muajshe, e cila është edhe pacientja e parë që infektohet në Greqi nga kontakti me një të sëmurë me gripin A/H1N1.

Të gjithë pacientet u janë nënshtruar procedurave përkatëse kuruese që parashikojnë trajtimin mjekësor në spital apo në shtëpi, ndërsa 8 prej tyre tashmë janë shëruar krejtësisht.

Në një deklaratë për media, ministri grek i Shëndetësisë, Dhimitris Avramopulos, ka theksuar se nuk ka nevojë për panik dhe se rritja e rasteve ka të bëjë me fillimin e sezonit turistik në Greqi, çka e vërteton edhe fakti se të gjithë të sëmurët kanë ardhur nga SHBA-ja, Kanadaja apo vendet ku kane pasur kontakt me persona të infektuar.

Specialistet grekë të sëmundjeve infektive kanë paralajmëruar që gjatë gjithë verës ndoshta numri i rasteve me virusin e gripit të derrave mund të shkojë deri në 100 për shkak të dyndjes së turistëve në vend.

http://www.telegrafi.com/?id=3&a=3091

Citim:

Britani, të infektuarit me H1N1 kalojnë shifrën 1 mijë

Londër Numri i të infektuarve me virusin e gripit të derrave të tipit A (H1N1) në Britaninë e Madhe kaloi shifrën 1 000, njoftoi Ministria britanike e Shëndetësisë. Përfaqësuesit e ministrisë theksuan se në pjesën më të madhe të rasteve sëmundja kalon në fazë të lehtë. Sipas tyre, Britania e Madhe ka vaksina të mjaftueshme kundër këtij lloji gripi.

Organizata Botërore e Shëndetësisë (OBSH) më 11 qershor shpalli pandemi të gripit të derrave. Në territorin e Britanisë së Madhe më të goditura janë Glazgou dhe rrethina e tij si dhe rajoni skocez Klajd.

Deri tani, kjo sëmundje është regjistruar në 74 shtete, ka infektuar 30 000 persona dhe ka shkaktuar vdekjen e 141 prej tyre.

http://www.gazetastart.com/?faqe=shf...1011&isflash=1

16.6.2009, 00:22

Citim:

Kroacia regjistron rastin e parë me gripin e derrave

Zagreb - Virusi vdekjeprurës i gripit të derrave mbërrin edhe në Kroaci. Autoritetet e këtij vendi bëjnë të ditur se i prekuri nga virusi H1N1 ishte kthyer javën e kaluar nga një udhëtim jashtë shtetit. "Personi shfaqi simptoma të lehta gripi dhe analizat, rezultatet e të cilave u bënë të ditura sot, konfirmuan se ai ishte i infektuar me virusin H1N1", deklaroi ministri i Shëndetësisë, Darko Milinoviç.

Ministri nuk dha hollësi të tjera për pacientin, por shtoi se asnjë anëtar i familjes së tij nuk kishte shfaqur simptoma të gripit.

"Koha për mbajtjen në inkubacion përfundoi dje. Megjithatë nuk ka pasur asnjë transmetim të këtij virusi dhe dua të theksoj se pacienti nuk ka marrë mjekim të veçantë, por vetëm çaj, limon dhe ka bërë banjo të vazhdueshme", theksoi ministri kroat i Shëndetësisë.

http://www.gazetastart.com/?faqe=shf...1089&isflash=1

17.6.2009, 17:59

Citim:

Greqi, 25 raste të gripit të derrave

Dy raste të reja të gripit të derrave janë regjistruar dje në Greqi, duke e çuar në 25, numrin e përgjithshëm të rasteve të njoftuara që nga 18 maji. Pacientët e rinj janë një grua 24 vjeçe, e cila ishte kthyer nga Shtetet e Bashkuara, dhe një fëmijë 9 vjeç, i cili kishte ardhur nga Australia.

http://www.tvklan.tv/lajmi.php?id=5646

22.6.2009, 15:08

Citim:

Mali i Zi konfirmon rastin e parë

Mali i Zi ka konfirmuar rastin e parë të virusit të gripit H1N1. Lajmin e ka bërë publik vetë ministri i Shëndetësisë, Miodrag Radunoviç, gjatë një konference për shtyp dhënë sot.

Sipas tij, virusi u konstatua tek një pacient, i cili kishte mbërritur nga Shtetet e Bashkuara, ku edhe studionte.
"Pacienti është një shtetas i Malit të Zi studionte në SHBA. Ai mbërriti me aeroplan nga Nju Jorku, me anë të Munihut në Podgoricë," tha Miodrag Radunoviç.

Pacienti është në një spital dhe Podgoricë dhe gjendja e tij vjen duke u përmirësuar dhe nuk ka më temperaturë shumë të lartë.

Autoritetet malazeze kanë thënë se janë po mbajnë nën survejim njerëzit me të cilët ka qenë në kontakt pacienti, dhe janë gati t'i dërgojnë në spital nëse ata do të shfaqin simptoma të gripit.

http://www.shekulli.com.al/2009/06/2...in-e-pare.html

25.6.2009, 12:32

Citim:

Rasti i parë i gripit të derrave në Serbi

Beograd, 25 qershor - Në Serbi është regjistruar rasti i parë i gripit të derrave, i quajtur ndryshe dhe si gripi i ri H1N1. Lajmin e ka bërë të ditur ministri i Shëndetësisë, Tomica Milosavleviq. Bëhet fjalë për një 29 vjeçar nga Beogradi, i cili prej 18 deri 22 qershor kishte qëndruar në Argjentinë. Gjendja e tij shëndetësore është stabile, ka njoftuar Qeveria e Serbisë.

http://www.kosova.com/artikulli/54514

28.6.2009, 21:40

Citim:

Konfirmohet rasti i parë i gripit të derrave në Maqedoni

Fëmija katër vjeçar nga Prilepi i hospitalizuar në Klinikën e sëmundjeve infektive është bartës i Virusit A, i cili paraqet shkallë të lartë të rrezikut që të jetë i infektuar nga virusi i “Gripit të Derrave-H1 N1”. Këtë e tregojnë rezultatet e para nga analizat e bëra në Klinikën e sëmundjeve infektive, ku mbrëmë ishte vendosur fëmija bashkë me të ëmën.

Për të parë nëse vogëlushi përfundimisht është i infektuar nga virusi i “Gripit të derrave” do ta tregojnë analizat që do të bëhen në Londër. Ato do të dërgohen që sot. Drejtori i Klinikës Zvonko Milenkoviq thotë se situata e fëmijës është e qëndrueshme.

"Gjendja e fëmijës është plotësisht e qetë. Fëmia është në disponim të mirë. Simptomat për të cilat është edhe pranuar janë në fazë të zhdukjes, ndërsa i është ulur edhe temperatura", njofton Zvonko Milenkoviq, drejtori i Klinikës.

Kontrolle për infektim eventual u janë bërë edhe të afërmve të fëmijës në Prilep, ndërsa është dezinfektuar edhe hoteli, ku ai bashkë me të ëmën janë vendosur pas ardhjes nga Australia.

http://www.lajmpress.com/?faqe=shfaqlajm&id=5843

Citim:

Serbi - regjistrohen pesë raste të tjera me gripin e derrave

http://www.ata.gov.al/NewsStyle.aspx...ate=28/06/2009

29.6.2009, 16:22

Citim:

Katër raste të gripit të derrave në Mal të Zi

Podgoricë, 29 qershor - Zyrtarë shëndetësorë të Malit të Zi thonë se janë regjistruar gjithsej katër raste të gripit të derrave, ndërsa pesë pacientë të të tjerë ende po testohen lidhur me këtë virus. Të katër rastet e konfirmuara ishin infektuar pas kontaktit direkt me ata që vuanin nga gripi, tha zyrtari shëndetësor, Boban Mugosha. "Pesë njerëz të tjerë ende po testohen dhe presim që rezultatet t?i kemi gjatë dy ditëve të ardhshme", tha ai.

http://www.kosova.com/artikulli/54589

Citim:

Shqyrtohet gjendja rreth Influencës AH1N1

Prishtinë, 29 qershor - Në mjediset e Ministrisë së Shëndetësisë sot do të mbahet takim rreth Influencës AH1N1 apo gripit të derrave. Në takim do të shqyrtohet gjendja në Kosovë pas shpalljes së gatishmërisë të nivelit të katërt nga Organizata Botërore e Shëndetësisë.

Në këtë takim do të marrin pjesë përfaqësuesit e Ministrisë së Shëndetësisë, Organizatës Botërore të Shëndetësisë, Institutit Kombëtar të Shëndetësisë Publike etj.

http://www.kosova.com/artikulli/54576

Citim:

Ka arritur në 11 numri i pacientëve me gripin e derrit në Serbi

Në Serbi ka arritur në 11 numri i pacientëve me gripin e derrit. Rasti më i ri është shfaqur në jug Serbisë në Nish. Ndërsa zyrtarë shëndetësorë të Malit të Zi thanë se janë regjistruar gjithsej katër raste të gripit të derrave, ndërsa pesë pacientë të tjerë ende po testohen lidhur me këtë virus.

Edhe në Maqedoni është shfaqur tashmë rasti i parë i gripit të derrit. Fjala është për një fëmijë katërvjeçar, i cili kishte ardhur këto ditë në Maqedoni nga Australia.

http://www.rtklive.com/?categoryId=3&newsId=37411

4.7.2009, 08:00

Citim:

Margaret Chan: Nuk mund të ndalohej përhapja globale e gripit të derrave

Zyrtarja më e lartë e OKB-së për shëndetësinë, Margaret Chan ka thënë se përhapja globale e gripit të derrave, nuk mund të ndalohej. Ajo e bëri këtë deklaratë në punimet e një forumi në Meksikë, vendin ku u shfaq fillimisht virusi, ku theksoi se shumica e rasteve me virusin H1N1 ishin të lehta dhe se Meksika tani ishte një vend që mund të vizitohet pa probleme.

http://www.rtklive.com/?categoryId=3&newsId=37571

Citim:

Në Kroaci është shënuar rasti i parë me gripin e derrave

Në Kroaci është shënuar rasti i parë me gripin e derrave te një grua, e cila kishte qëndruar në Australi, ka thënë ministri i Shëndetësisë i Kroacisë Darko Milinoviq. Ai bëri të ditur se prania e virusit u konfirmua pas 4 analizash të ndryshme laboratorike.

Virusi H1 N1 është përhapur me shpejtësi në rajonin e Ballkanit, ndërsa Greqia regjistron numrin më të madh të të infektuarve, rreth 100 persona.

Sipas OBSH-së, deri më tash nga virusi i gripit të derrave në gjithë botën janë prekur rreth 90 mijë persona, prej të cilëve 380 kanë vdekur.

http://www.rtklive.com/?categoryId=3&newsId=37591

mesdimr · 4.7.2009, 11:15

Si test i mirë po më duket. Tani janë mbledhur të dhëna të mjaftueshme.

9.7.2009, 12:35

Citim:

Greqi, raste të reja të virusit H1N1. Mes tyre 3 shqiptarë

Në Greqi zbulohen të tjera raste të personave të prekur me gripin e derrave. Media vendase raporton evidentimin e nëntë rasteve të reja të infektimit me virusin e gripit H1N1 vetëm gjatë 24 orëve të fundit.

Kjo e çon në 165 numrin e të prekurve nga kjo sëmundje. Të nëntë pacientët e identifikuar me virusin e gripit të derrave janë të rinj, të cilët ishin kthyer ditët e fundit nga udhëtime në Australi, Britaninë e Madhe ose SHBA.

Shumica e personave të prekur nga gripi i derrit janë turistë të huaj që vizitojnë Greqinë, por mes tyre janë edhe dy shtetas shqiptarë - sipas listës që publikon Ministria greke e Shëndetësisë, një grua 36 vjeçe dhe një djalë 17 vjeç.

Kështu numri i shqiptarëve që banojnë në Greqi dhe që janë infektuar me virusin H1N1 ka shkuar në tre brenda vetëm një jave.

Mediat theksojnë se 75 prej të infektuarve janë shëruar plotësisht, si dhe se të tjerët nuk janë në gjendje kritike. Megjithatë ende ekziston rreziku që situata të dalë nga kontrolli.

http://www.telegrafi.com/?id=3&a=3299

10.7.2009, 08:17

Citim:

“Policët” e virusit do të paguhen me orë shtesë

Sipas Institutit të Shëndetit Publik, bëhet e ditur se është i paevitueshëm fakti i mosprekjes nga ky virus i vendit tonë, por ekspertët vazhdojnë të mendojnë dhe shpresojnë se përparësia e tyre do të jetë evidentimi në kohë i të gjithë rasteve që rezultojnë të prekura nga ky virus.

Ditën e djeshme në një dalje publike të kreut të ISHP-së u konfirmua edhe njëherë fakti i marrjes së të gjitha masave në pikat kufitare të vendit.

Në gatishmëri të plotë kanë kaluar të gjitha pikat kufitare, ndërsa inspektorët shëndetësorë që janë të vendosur nëpër pikat e kalimit kufitar do të paguhen me orë shtesë për të bërë të mundur lokalizimin e të gjitha rasteve që mund të paraqiten. Me një interes të veçantë kërkohet të trajtohen sidomos pikat kufitare me Greqinë, siç janë Kapshtica dhe Kakavija, pasi në këto kohë është edhe fluksi i madh i ardhjes së emigrantëve me pushime.

Në këto pika kufitare kërkohet ndër të tjera nga ekspertët e shëndetësisë mirëkuptimi nga ana e qytetarëve për t’iu besuar simptomat e sëmundjes së tyre të gjithë personelit që do të jetë i pranishëm për të mbikëqyrur kalimtarët.

http://www.tiranaobserver.com.al/al/...0628&Itemid=30

14.7.2009, 00:39

Citim:

H1N1-Serbi: 49 raste deri tani

Në Serbi janë konfirmuar 49 raste të infektuar me virusin e gripit të ri, në mesin e të cilëve janë edhe gjashtë pjesëmarrës të Universiadës dhe tetë vizitorë të festivalit muzikor Exit, u njoftua të hënën nga Instituti për Shëndet Publik të Serbisë ‘Dr Milan Jovanovic Batut’.

http://www.gazetaexpress.com/index.p.../11258/C5/C18/

20.7.2009, 15:47

Citim:

Ardhja e emigrantëve, ISHP dyshon për 8 raste, sot analizat

Ardhja e emigrantëve shqiptarë prej vendeve që tashmë janë prekur nga gripi i derrave, ka shtuar masën e vigjilencës dhe alarmit të bluzave të bardha në vend.

Të dyshuarit për H1N1 janë dy fëmijë të vegjël nga Vlora të sapombërritur nga Greqia, një i ri maqedonas si dhe një 27-vjeçar nga Shkodra i cili sapo ishte kthyer nga Anglia. Pranë ISHP-së janë depozituar edhe katër mostra të tjera që priten të analizohen por me simptoma më të lehta.

Deri tani ISHP ka analizuar mbi 90 raste të dyshuara nga gripi i derrit prej ku fatmirësisht asnjë prej tyre nuk ka rezultuar ai me virus AH1N1.

http://standard-al.com/tekst.php?idt=19687

21.7.2009, 08:11

Citim:

Konfirmohet rasti i parë me gripin e derrit në Shqipëri

Burimet zyrtare të shëndetësisë bëjnë me dije se i prekuri me virusin A/H1N1 është një student nga Gjirokastra.

Sipas burimeve zyrtare mësohet se përgjigja ka mbërritur sot nga laboratori i referencës në Rumani. "Analizat e bëra për mostrën e dërguar kanë dëshmuar se studenti shqiptar është i prekur me virusin e gripit të derrit"- thonë burimet.

Nuk jepet asnjë e dhënë për identitetin e të prekurit, kurse për gjendjen e tij shëndetësore thuhet se është e mirë. Ndërkohë theksohet se analizat për të janë dërguar javën e parë në laboratorin e referencës.

http://www.telegrafi.com/?id=3&a=3412

Citim:

Nga 10 monstrat e personave të dyshuar që ishin çuar për verifikim në këta laboratorë, 4 kanë rezultuar pozitiv për virusin A-H1N1.

Njëri prej të infektuarve është një student 21 vjeçar nga Gjirokastra, i cili studion në Tiranë. Ai është paraqitur rreth një javë më parë me simptoma të gripit në spitalin infektiv të kryeqytetit. Specialistët e ISHP-së konfirmojnë se virusi ka qenë i një forme mjaft të lehtë e për rrjedhojë pacienti është shëruar tërësisht.

Mësohet se studenti nuk ka ardhur nga jashtë. Ky fakt tregon se virusi është i pranishëm në Tiranë e gjetkë.

Sa u përket tre të infektuarve të tjerë, ata janë shtetas filipinas. Pas shfaqjes së simptomave ata janë paraqitur në spitalin e Durrësit, ku edhe u janë marrë analizat.

“Tre marinarët filipinas tashmë janë larguar nga Shqipëria, por ne na intereson të evidentojmë rastet që kanë hyrë në Shqipëri me këtë virus”, sqaruan specialistët.

Gjithashtu, ata pohuan se priten përgjigjet edhe për dy foshnjat nga Greqia, që u trajtuan në spitalin e Vlorës. Të gjitha gjasat janë që edhe ato të kenë virusin A-H1N1.

http://www.panorama.com.al/index.php?id=30832

Aleksandër · 21.7.2009, 14:25

Citim:

Rasti i parë me gripin e derrave në Shqipëri

Rasti është zbuluar të një person 20 vjeçar por pacienti është në gjendje të mirë shëndetësorë, ka bërë të ditur Ministrja e Shëndetësisë, Anila Godo.

Tiranë - Pas shumë dyshimesh konfirmohet rasti i parë me gripin e derrave në Shqipëri. Lajmi konfirmohet nga Ministria e Shëndetësisë e cila njofton se i prekuri është një student nga Gjirokastra. Analizat e kryera nga Instituti i Shëndetit Publik në Rumani treguan se i riu ishtë prekur nga një formë e lehtë e virusit. Nga analizat rezultoi se studenti e kaloi gripin si një grip normal. "Studenti i prekur më virusin A/H1N1 është një rast i izoluar" njofton ISHP duke pohuar se priten rezulatet edhe për 5 raste të tjera. Gjithashtu mësohet se i riu ka qenë shtruar në repartin infektiv në Qendrën Spitalore Universitare "Nënë Tereza" ku dhe iu mor mostra për kontroll.Prania e virusit u konfirmua nga analizat e bëra në Rumani ku një 20 vjeçar rezultoi pozitiv.[...]

http://www.botasot.info/home.php?category=6&id=24656

Besoj se ky grip mbivlerësohet, dhe ky mbivlerësim vjen si pasojë e fushatës për shitjen e vaksinave.

5.9.2009, 18:33

Citim:

“Gati vala e dytë të pandemisë”

“Vala e dytë e pandemisë së gripit të derrave është pranë, ndaj duhet që gjithë shtetet të jenë të përgatitur”. Ky është apeli që Organizata Botërore e Shëndetësisë u ka bërë autoriteteve qeveritare në mbarë botën Drejtoresha e Organizatës Botërore të Shëndetësisë (OBSH) Margaret Chan iu drejtua komunitetit ndërkombëtar me kërkesën për t’u përgatitur, duke nënvizuar se qeveritë do të përballen me sfida, përsa i përket furnizimit me vaksina.

“Nuk mund të thuhet se më e keqja ka kaluar ose deri në çfarë pike është’’, deklaroi Chan. OBSH-ja njoftoi në fillim të javës se vendet e Hemisferës së Veriut kanë kërkuar më shumë se një miliard doza vaksinash kundër gripit të derrave (A)H1N1 nga laboratorët farmaceutikë, që do të nisin shpërndarjen e një sasie të kufizuar vaksinash në fillim të vjeshtës.

Sipas të dhënave të fundit të kësaj organizate, virusi A(H1N1) ka shkaktuar vdekjen e 1799 personave në të gjithë planetin.

http://www.panorama.com.al/index.php?id=31897

12.6.2009, 00:19	#3
Anëtarësuar: 5.2008	OBSH: H1N1 tash epidemi botërore Stokholm - Organizata Botërore e Shëndetësisë ka shpallur gjendjen e rrezikut maksimal për virusin vdekjeprurës H1N1, të ngjashëm me gripin e derrave, duke e konsideruar tashmë përhapjen e infeksionit si epidemi në shkallë bote. Lajmi konfirmohet nga qeveria svede përmes njoftimit për shtyp të shpërndarë për mediat ndërkombëtare. Rastet e infektimit me H1N1 po vijnë gjithnjë e në rritje, një pjesë e mirë e të prekurve nga virusi dërgohen në reanimacion. Shpallja e epidemisë në shkallë bote vjen si pasojë e gjendjes kritike të krijuar tashmë në Hong-Kong dhe Australi. Epidemia e fundit botërore e shpallur nga OBSH është ajo e vitit 1968, e cila nisi në Hong-Kong dhe shkaktoi vdekjen e 1 milion njerëzve. http://www.gazetastart.com/?faqe=shf...0854&isflash=1

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

4.7.2009, 11:15	#13
mesdimr Anëtarësuar: 8.2006	Si test i mirë po më duket. Tani janë mbledhur të dhëna të mjaftueshme.

A/H1N1, gripi mediatik i radhës

A/H1N1, gripi mediatik i radhës

OBSH: H1N1 tash epidemi botërore