Tiranë: METE nënshkruan me "TEE BV" për terminal gazi në Fier

Burime zyrtare në Ministrinë e Ekonomisë, Tregtisë dhe Energjetikës bëjnë të ditur se tashmë është nënshkruar kontrata me shoqërinë “Trans Europian Energy B.V” për ndërtimin dhe përdorimin e terminalit të gazit natyror të lëngëzuar (GNL) në parkun energjetik në bregdetin e qarkut Fier, të gazsjellësit nëndetar Shqipëri P. – Itali, si dhe të rrjetit të gazit në territorin shqiptar.

Paralelisht, shteti Perëndimor po përfshihet edhe në projektet rajonale të gazit. Projekti më i rëndësishëm është ai i gazsjellësit "Ionian-Adriatic Pipeline" (projekti IAP), për lidhjen e Shqipërisë Perëndimore, Malit të Zi dhe Kroacisë.

Një tjetër projekt rajonal, ku është përfshirë edhe vendi ynë, është gazsjellësi Transadriatik.

“Është punuar në drejtim të promovimit të projektit, të gjurmës së këtij gazsjellësi dhe përfshirjes në projekt të idesë së gazsjellësit të Ballkanit Perëndimor (pjesë e "Energy Community Gas Ring"), ku zhvillim pozitiv duhet konsideruar përfshirja në të e kompanisë norvege "Statoil Hydro", që tashmë është 50%/50% me "EGL". Gjithashtu janë realizuar shumë takime dhe diskutime për ecurinë e projektit TAP, si për sa i përket linjës së gazsjellësit, ashtu edhe stokimit nëntokësor të gazit në strukturën e diapirit kripor të Dumresë.“,- shprehen ekspertët e Ministrisë së Ekonomisë, Tregtisë dhe Energjetikës.

Në tregun shqiptar të gazit të lëngshëm operojnë rreth pesë subjekte të importit dhe më shumë se kaq subjekte të pakicës. Mesatarisht, çdo muaj importohet rreth 6 mijë ton gaz GLN, i cili blihet kryesisht në Greqi, Itali, Kroaci, etj.

http://www.gazeta-agon.com/mat.php?idm=8694&l=a