Ohër: Zbulohen sende të shekullit 4-5 p.e.s.

mesdimr · 18.7.2009, 22:26

Citim:

Në Ohër zbulohen sende të rëndësishme arkeologjike

Një grup i arkeologëve sot në pjesën e quajtur Porta e Epërme (Gorna Porta), në Ohër gjatë një gërmimi arkeologjik gjetën sende prej ari, para, dhe artefakte tjera të rëndësishme, të cilët sipas informatave fillestare datojnë nga shekulli 4 dhe i 5-të p.e.s.

Gërmimet kanë filluar para disa muajve. Tani për tani nuk ka informata zyrtare për çka në të vërtet bëhet fjalë. Në lokalitetin Porta e Epërme (Gorna Porta), gërmon një ekip i madh arkeologjik, i udhëhequr nga Drejtori i drejtorisë nacionale për mbrojtje të trashëgimisë kulturore, arkeologut Pasko Kuzman.

Se në Portën e Epërme është gjetur diçka e vlefshme flasin edhe të dhënat se këtë pasdite lokalitetin e vizitoi edhe kryetari i shtetit Gjorge Ivanov, i cili e ndërpreu ndjekjen e maratonës në not që mbahet në Ohër.

Për gjetjet e reja arkeologjike menjëherë është informuar edhe ministria e kulturës Elizabeta Kançevska Milevska, dhe kryeministri Nikola Gruevski.

Hulumtimet arkeologjike janë ende në rrjedhë dhe presim verifikim të informatës se çka në të vërtetë është gjetur. Sendet e gjetura arkeologjike me vlerë në lokalitetin e Ohrit, vetëm se e verifikojnë rrjedhën dhe zhvillimin e civilizimit në këto troje.

Burimet tona nga drejtoria nacionale për mbrojtje të trashëgimisë kulturore thonë se mes sendeve të gjetura , më i vlefshëm është gjerdani i arit me gjatësi prej 40-50cm.

Drejtori verifikoi se bëhet fjalë për një gjetje arkeologjike shumë të vlefshme, dhe se në momentin punohet me intensitet të madh në verifikimin e vlerës së tij si dhe për periudhën prej kur daton.

Lajmi i sotëm tërhoqi vëmendje të madhe në Ohër, mes qytetarëve dhe turistëve, të cilët po drejtohen drejt vendit ku nuk është lejuar fotografim dhe incizim.

http://alsat-m.tv/lajme/kulture/16746.html

mesdimr · 19.7.2009, 18:21

Citim:

Artefaktet e reja, më të rëndësishme se sa mendohej

Artefaktet prej ari që u gjetën dje gjatë gërmimeve arkeologjike në lokalitetin Porta e Epërme në Ohër, nga një grupi arkeologësh maqedonas janë shumë më të vlefshme se edhe Maska e Arit. Artefaktet datojnë nga shekulli 4 apo 5 p.e.s dhe janë nga periudha maqedonase-helene. Ato u zbuluan në një varr në thellësi prej 2,5 metrave ku mendohet se ka qenë e varrosur një femër e moshës 16 vjeçare.

“Në sytë e saj ishte vënë ky objekt, kjo foli e artë. Ndërsa në gojë kjo pllakë e artë romboide, në zemër ky pektoral. Këta dy sende që kanë qenë të vendosura në sytë dhe gojën, paraqesin maskim të të ndjerës. Ky kombinim i maskimit është i vetmi në trojet e Ballkanit. Këtu kemi disa gjerdane të arit me përpunim filigrani. Kemi rrethoja prej bronzi dhe prej argjendi, fibula prej argjendi dhe vëthë prej ari, të cilët janë të rralla në këto vende”, deklaroi Pasko Kuzman, drejtor i Drejtorisë për mbrojtje kulturore dhe trashëgimisë historike.

Kuzman, thotë se bëhet fjalë për artefakte të rëndësishme me të cilët vërtetohet identiteti, historia dhe kultura maqedonase.

“Ajo është koha e Aleksandrit të Filhelenit, ai është Aleksandri i Parë. Ajo periudhë është maqedonase, e Maqedonisë së vjetër. Këto zbulime flasin tregojnë se mund të presim edhe zbulime tjera të ngjashme apo të ndryshme. Ndoshta do të gjejmë ndonjë krater prej argjendi apo ari që është më i vlefshëm se dy-tre maska”, shtoi Kuzman.

Gërmimet arkeologjike kanë filluar që në shtator, ndërsa pritet se do të gjenden edhe disa varre të cilat i takojnë nekropolit të dikurshëm të Lihnidës. Artefaktet e gjetura janë vetëm 6 metra larg varrit ku ka qenë e zbuluar Maska e Arit. Kuzman dhe ministrja e Kulturës, Kamçevska paralajmëruan se deri në fund të vitit i tërë ari do ti prezantohet opinionit.

http://alsat-m.tv/lajme/kulture/16769.html

mesdimr · 19.7.2009, 18:23

Që të jetë e qartë, të dyja shkrimet sipër janë nga gazetarë sllavë.

Kandhaon · 20.7.2009, 08:02

Kam dëgju se trojanët dhe akejtë i vendosnin monedha të arta në sy dhe në gojë të vdekurëve. A kanë lidhje diçka këto?

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

19.7.2009, 18:23	#3
mesdimr Anëtarësuar: 8.2006	Që të jetë e qartë, të dyja shkrimet sipër janë nga gazetarë sllavë.

20.7.2009, 08:02	#4
Kandhaon Bisha Anëtarësuar: 8.2006 Vendndodhja: Në breshta, mes bredhave,	Kam dëgju se trojanët dhe akejtë i vendosnin monedha të arta në sy dhe në gojë të vdekurëve. A kanë lidhje diçka këto?