Anëtarësimi në BE (Bashkim-Vëllazërimi 2014)

4.2.2010, 23:32

Citim:

Ndëshkimi i Parlamentit Europian, shkrihet Komiteti me Shqipërinë

STRASBURG - Parlamenti Europian shkel Marrëveshjen e Stabilizim-Asociimit duke mos ngritur një komitet BE-Shqipëri jashtë strukturës së vjetër të delegacionit për Ballkanin. Sipas raportimit të Top Channel, nëntë muaj pas hyrjes në fuqi të kësaj marrëveshjeje, Parlamenti i Bashkimit Europian vendosi të mos krijojë strukturën e posaçme, siç e kërkon nenet 10 dhe 122 të MSA-së.

"Konferenca e kryetarëve të delegacioneve vendosi se Komiteti i Përbashkët i Stabilizim-Asociimit me Shqipërinë do të jetë brenda Delegacionit të Parlamentit Europian për Europën Juglindore. Kjo do të thotë se brenda këtij delegacioni do të kemi një komitet special me, nuk e di..., 13 apo 15 anëtarë, që do të merren me kolegët nga Shqipëria", - shprehet kreu i Delegacionit europarlamentar për Ballkanin, Eduard Kukan.

Ndërsa Maqedonia dhe Kroacia, pas hyrjes në fuqi të MSA-ve respektive, i kanë marrëdhëniet me komitete të veçanta jashtë delegacionit për Ballkanin, për Shqipërinë është lënë në fuqi e njëjta strukturë që ekzistonte përpara ratifikimit të MSA-së, duke shtuar vetëm një pikë diskutimi në mbledhjet rutinë; zbatimin e kësaj marrëveshjeje. Takimi i parë pritet të mbahet gjatë muajit prill.

"Nuk ishte një çështje politike, por thjesht fakti që ne nuk kishim kapacitete të mjaftueshme për të krijuar delegacione të reja; për këtë arsye i mbetemi Delegacionit europarlamentar për Ballkanin, në të cilin Shqipëria është njëra palë", - shprehet europarlamentarja Doris Pak.

Si gjatë legjislaturës paraardhëse, edhe në këtë aktualen, Parlamenti Europian mundi të gjente kapacitetet e nevojshme për të ringritur komitetet e përbashkëta parlamentare me Kroacinë dhe Maqedoninë, ndërsa ka vendosur të përdorë strukturat e vjetra vetëm për rastin e Shqipërisë.

"Shqipëria nuk duhet të frikësohet nga kjo gjë; është vërtet një problem teknik në Parlamentin Europian; nuk do të thotë se ne nuk jemi të interesuar për Shqipërinë. Më besoni. Ju mund të ndieni që kjo nuk është e ndershme, por ky ishte vendimi politik që u mor dhe kjo gjë do të përdoret dhe në të ardhmen me vendet e tjera", - shton Pak.

Deklarata për vendim politik nga kreu aktual i Delegacionit për Ballkanin, Eduard Kukan, bie ndesh me atë të paraardhëses së tij Doris Pak, sipas së cilës, bëhet fjalë për një problem teknik të Parlamentit.

Tashmë pritet vendimi që Strasburgu do të marrë për ngritjen ose jo të komiteteve respektive për Malin e Zi dhe Serbinë, gjë që do të nxjerrë në pah edhe motivet që sollën mosngritjen e një strukture të ngjashme me Shqipërinë, ashtu siç e kanë edhe vendet e tjera kandidate për në BE.

http://www.gazeta-albania.net/news.php?id=23933

8.2.2010, 16:08

Citim:

Milloshoski takim me Metën, Berishën, Topin, Topallin

Zhvillimet aktuale politike në Maqedoni, marrëdhëniet dypalëshe si dhe procesi i integrimeve euroatlantike do të jenë temat kyçe të vizitës së ministrit të jashtëm të Maqedonisë, Antonio Milloshoski në Tiranë.

Vizita e cila do të realizohet ditën e hënë vjen me një iniciativë të ministrit të jashtëm shqiptar, Ilir Meta, në kuadër të nismave të tij për bashkëpunim të intensifikuar rajonal.

Shefi i diplomacisë Antonio Milloshoski do të takohet edhe me presidentin Bamir Topi, kryeministrin Sali Berisha dhe kryeparlamentaren, Jozefina Topalli.

Gjatë qëndrimit në Tiranë, Milloshoski do të nënshkruajë Protokollin për bashkëpunim midis ministrive të jashtme të të dy vendeve dhe Protokollin për bashkëpunim midis Drejtorive për edukim diplomatik pranë MPJ-së së Maqedonisë Akademisë Diplomatike Shqiptare të Shqipërisë.

Është planifikuar që Milloshoski të mbajë një ligjërate pranë pjesëmarrësve të Akademisë Diplomatike Shqiptare në Tiranë. (INA)

http://www.ina-online.net/Default.as...292fc5592&ln=3

Citim:

Berisha-Miloshoski: Prioritet Korridori 8 dhe Marrëshja e Ohrit

Kryeministri i Shqipërisë, Sali Berisha të hënën realizoi një takim me Ministrin e Jashtëm të Maqedonisë, Antonio Miloshoskin. Të dy personalitetet diskutuan për thellimin e bashkëpunimit në të gjitha fushat, në veçanti në fushën e infrastrukturave të rëndësishme për të dy vendet.

Në këtë kontekst, Kryeministri Berisha dhe Ministri i Jashtëm i Maqedonisë rikonfirmuan vullnetin e të dy qeverive për përpjekje të përbashkëta, edhe me partnerët evropianë, për të nxitur ecjen përpara të projektit Korridori 8, për të ndërtuar linjën e transmetimit dhe interkonjeksionit elektrik që do të lidhë të dy vendet, për krijimin e pikave të përbashkëta të kontrollit të kufijve dhe atij doganor, si dhe për përditësimin e marrëveshjeve ndërkombëtare midis të dy vendeve për ujërat ose basenet, ku , si pasojë e ndryshimeve klimaterike, edhe e ngrohjes globale, është kthyer në domosdoshmëri rishikimi i protokolleve të nënshkruara më parë midis të dy vendeve.

Ministri i Jashtëm maqedonas vlerësoi si shumë të rëndësishme punën që po bën qeveria shqiptare për ndërtimin e rrugës së Arbrit, e cila shkurton Shkupin me Tiranën me një distancë 100 kilometra dhe e siguroi Kryeministrin Berisha se qeveria maqedonase po ndërmerr masa për riparimin e rrugës Shkup- Dibër e madhe, për të mundësuar në të ardhmen lehtësimin e shkëmbimeve mes dy vendeve.

Të dy personalitetet rikonfirmuan qëndrimin e dy qeverive se zbatimi i plotë i Marrëveshjes së Ohrit mbetet një element i rëndësishëm për thellimin e harmonisë, tolerancës dhe bashkëpunimit ndërmjet komuniteteve në Maqedoni dhe konsolidimin e mëtejshëm të stabilitetit në këtë vend dhe në rajon.

Në fund të takimit, të dy palët rikonfirmuan dëshirën për vazhdimin e thellimin e shkëmbimeve dhe kontakteve politike në nivele më të larta, si element shumë i rëndësishëm në nxitjen dhe promovimin e zgjerimit dhe thellimit të bashkëpunimit midis dy vendeve, në të gjitha fushat. (INA)

http://www.ina-online.net/Default.as...42d4481f0&ln=3

Citim:

Debati për gjuhën maqedonase zhvendoset në Tiranë. Meta: Të ishin pyetur shqiptarët

Vendimi i qeverise maqedonase per te futur me detyrim gjuhen maqedonase per nxenesit shqiptare te shkollave fillore eshte kritikuar edhe nga zevendeskryministri dhe ministri i jashtem, Ilir Meta.

Ky i fundit gjate nje konference per mediat ne tirane sebashku me homologun maqedonas Milloshoski, u shpreh se vendime te tilla duhet te merren me pelqimin edhe te partive politike dhe komunitetit shqiptare ne Maqedoni.

Nderkohe ne arsyetimin e tij, kryediplomati maqedonas, Antonio Milloshoski u shpreh se ky veprim eshte nje mundesi per komunitetin shqiptar ne Maqedoni qe duke mesuar gjuhen zyrtare te kene shanse te barabarta ne perfaqesimin e tyre ne shtetin multietnik te Maqedonise.

“Do të thoja që Maqedonia është një nga vendet me rregjim shumë liberal të mësimit të gjuhës amtare. Në këtë drejtim do thoja që në qendrat tona arsimore nxënësit janë të lirë që të mësojnë gjithë këto gjuhë. Ndërkohë në kontaktet tona më OSBE kemi propozuar gjithashtu që këtyre komuniteteve në qendrat tona arsimore t’u krijohet mundësia për të mësuar edhe gjuhën shtetërore, gjuhën zyrtare të atij shteti. Kjo do të jetë edhe për të mirën e vetë këtyre qytetarëve që do të mësojnë gjyhën zyrtare të vendit ku jetojnë. Ne jemi të ndërgjegjshëm për faktin se në disa raste edhe projektet në fushën arsimore ndikohen nga debatet në fushën politike” tha Milloshoski ndërsa shtoi në shqip: “Maqedonia dhe Shqipëria janë vende fqinjë dhe mike. Ne kemi të njëjtat sfida dhe të njëjtat aspirata”.

"Është shumë e rëndësishme që veprime të tilla, për shkak të sensibitetet që ekzistojnë në vendet tona të ndërmerren në konsultim dhe dialog me komunitetin. Në rastin konkret në mirëkuptim dhe dialog edhe me forcat politike shqiptare dhe natyrisht në një mirëkuptim edhe me OSBE e cila ka qenë e angazhuar dhe është angazhuar në këtë çështje si dhe në çështje të tjëra. Ne në Ballkan duhet të mësojmë më shumë gjuhët e njëri- tjetrit sepse edhe zoti Milloshoski mund ta fliste edhe më mirë shqipen duke qenë se ka lindur në Tetovë” tha Meta.

Gjate takimit mes ministrave te Jashtem Meta e Milloshoski, te dy palet u shprehen entuziaste per nivelin e marredhenieve ndermjet dy vendeve ku nga njera ane Tirana mbeshten anetaresimin sa me pare te Shkupit ne NATO dhe Maqedonia nxit liberalizimin e vizave per Shqiperine ne BE.

http://www.alsat.tv/lajme-nga-vendi/...hqiptaret.html

Citim:

Presidenti Topi pret Ministrin e Jashtëm të Maqedonisë, Antonio Miloshoski

Presidenti i Republikës, Prof. Dr. Bamir Topi priti sot në Presidencë Ministrin e Jashtëm të Maqedonisë, Antonio Miloshoski dhe delegacionin që e shoqëron në kuadër të vizitës zyrtare në vendin tonë.

Pasi u uroi mirëseradhjen, Presidenti Topi vlerësoi nivelin shumë të mirë të marrëdhënieve dypalëshe në të gjitha fushat si dhe vuri në dukje rëndësinë e shkëmbimit të vizitave në nivele të larta për intensifikimin dhe zgjerimin e mëtejshëm të këtyre marrëdhënieve mes dy vendeve fqinjë dhe miq.

Në këtë kuadër, Presidenti Topi i përcolli nëpërmjet Ministrit maqedonas Miloshoski, përshëndetjet më të mira për Kreun e shtetit maqedonas, Presidentin Ivanov si dhe dëshirën për t’u takuar së afërmi me të në vazhdën e dialogut dhe bashkëpunimit të mirë politik që ekziston mes udhëheqësve të vendeve të rajonit.

Presidenti Topi vuri në dukje nevojën e zgjerimit të bashkëpunimit ekonomik dhe shkëmbimeve tregtare në fusha me interes të ndërsjelltë si infrastruktura, turizmi, transporti, ku një rëndësi të veçantë merr Korridori VII.

Kreu i shtetit shprehu mbështetjen e plotë institucionale për aspiratat integruese të Maqedonisë në strukturat euro-atlantike dhe në familjen e madhe evropiane duke e siguruar Ministrin e Jashtëm maqedonas për gatishmërinë e institucioneve shqiptare për të ofruar e ndarë me vendin fqinj gjithë përvojën tonë integruese.

Nga ana e tij, Ministri i Jashtëm maqedonas, Antonio Miloshovski, pasi falenderoi për pritjen e rezervuar, shprehu urimet më të mira për rrugën e suksesshme integruese të përshkuar ndërkaq nga vendi ynë duke ndarë bindjen se së shpejti, duke shtuar përkushtimin e saj, edhe Maqedonia do të arrijë të realizojë aspiratat e saj integruese në NATO dhe në Bashkimin Evropian.

Në kuadrin e marrëdhënieve dypalëshe si edhe ato rajonale, zoti Miloshoski vlerësoi rolin pozitiv dhe moderator të luajtur gjatë këtyre viteve nga Shqipëria në shërbim të qëndrueshmërisë dhe paqes në rajonin e Ballkanit.

Në këtë takim ishin të pranishëm edhe Ambasadorja e Republikës së Maqedonisë në Tiranë, znj. Blagorodna Mingova-Krepieva, Zëvendësministri i Punëve të Jashtme të Shqipërisë, zoti Selim Belortaja si dhe Ambasadori shqiptar në Shkup, zoti Arben Çejku.

http://www.president.al/shqip/info.asp?id=5610

mesdimr · 8.2.2010, 16:49

Citim:

Presidenti Topi pret Ministrin e Jashtëm të Maqedonisë, Antonio Miloshoski

Nuk njohin ose nuk respektojnë as standardet që vendosin vetë (http://vargmal.org/dan2898).

11.2.2010, 18:38

Citim:

Topalli takim me Miloshovskin, korridori i tetë në qendër të bisedimeve

Kryetarja e Kuvendit Jozefina Topalli, takoi ditën e djeshme ministrin e Jashtëm të Maqedonisë Antonio Miloshovski. Kryeparlamentarja duke shprehur kënaqësinë për konsolidimin e marrëdhënieve mes dy vendeve fqinjë. Ajo uroi Ministrin e Jashtëm Miloshovski për progresin drejt Bashkimit Evropian dhe miratimin e liberalizimit të vizave në hapësirën shengen.

Ajo shprehu bindjen se dhe Shqipëria do të arrijë së shpejti këtë rezultat, nisur dhe nga plotësimi i detyrimeve dhe shpërndarjes së pasaportave biometrike. Takimi mes Kryetares së Kuvendit dhe Ministrit të Jashtëm maqedonas u përqendrua më tej në projektin madhor të infrastrukturës, Korridori tetë.

Ata e cilësuan projektin një investim të madh të infrastrukturës në rajon, që do të forcojë urat e bashkëpunimit mes Shqipërisë, Maqedonisë, Italisë dhe Bullgarisë, veçanërisht në zhvillimin e ekonomisë, rritjes së biznesit, lëvizjes së lirë të mallrave etj.

Kryetarja e Kuvendit u shpreh se ka patur një lobim serioz të parlamenteve të vendeve të Korridorit tetë, duke sjellë në kujtesë, mbledhjen e anëtarëve të Komisioneve parlamentare të Transportit, vitin e kaluar në Tiranë.

“Por për realizimin e këtij projekti nevojitet një politikë më agresive nga të gjitha nivelet e pushteteve legjislativ dhe ekzekutiv, të vendeve të Korridorit 8”, u shpreh Topalli. Duke kaluar në analizën e situatës politike në vend ajo tha se bojkoti nuk është mënyrë e të menduarit dhe të vepruarit, me standarde evropiane.

Topalli siguroi Ministrin e Jashtëm të Maqedonisë, për gatishmërinë e parlamentit shqiptar për të ratifikuar marrëveshjet e bashkëpunimit mes dy vendeve, në të gjitha fushat.

http://www.sot.com.al/index.php?opti...ticle&id=22536

13.2.2010, 10:38

Citim:

Kosova, përplas ministrin serb e shqiptar në Itali

Ministri serb i Tregtisë, Slobodan Milosavljeviç, ka braktisur takimin e Forumit Ekonomik të Veronës në shenjë proteste, pasi ministri shqiptar, Dritan Prifti, ka cilësuar Kosovën si shtet tërheqës për investitorët e huaj.

Mediat serbe bëjnë të ditur se ministri serb i Tregtisë, Slobodan Milosavljeviç, ka ndërprerë fjalimin e Dritan Priftit dhe ka kërkuar të lexohej një deklaratë zyrtare në të cilën kërkohej të respektohej rezoluta 1244 e OKB-së.

“Ministri i Ekonomisë, Tregtisë dhe Energjetikës të Shqipërisë, Dritan Prifti, krahasoi disa herë Shqipërinë dhe shtetin e vetëshpallur Kosovën si vende tërheqëse për investitorët e huaj. Unë ndërpreva konferencën dhe paraqita një protestë të fortë“,- citohet ministri serb i Tregtisë nga mediat serbe. Milosavljeviç ka shpjeguar protestën e tij, pasi “po flitej për të ashtuquajturin shtet të Kosovës, i cili nuk ekziston në asnjë ligj ndërkombëtar”.

Duke cituar ministrin Milosavljeviç, mediat serbe shkruajnë se ministri italian i Zhvillimit Ekonomik i ka kërkuar falje zyrtare, duke e cilësuar “gabim organizativ” dhe në takimin që kanë zhvilluar së bashku kanë konfirmuar se do të vazhdojnë projektet në interes të biznesit italian dhe serb.

http://www.ballkan.com/index.php?pag...ws&newsID=4047

15.2.2010, 16:17

Citim:

Muret po rrëzohen

Zëvendëskryeministri i Shqipërisë, Ilir Meta ka deklaruar se muret që i ndanin vendet e Ballkanit, po rrëzohen dalëngadalë. Sipas tij, pavarësia e Kosovës po ndikon në paqen dhe stabilitetin e rajonit.

Pavarësia e Kosovës është një ngjarje shumë e rëndësishme, ajo ka luajtur një rol shumë të madh në stabilitetin e gjithë rajonit. Ky qëndrim u dha nga Zëvendëskryeministri dhe Ministri i Punëve të Jashtme të Shqipërisë, Ilir Meta, në një intervistë për Radio Kosovën.

“Besoj se e ardhmja e rajonit tonë qëndron pikërisht te bashkëpunimi i ngushtë dhe pa paragjykime i të gjithë vendeve të rajonit, natyrisht këtu nuk kam se si të përjashtoj Shqipërinë dhe Serbinë - dy faktorë shumë të rëndësishëm në rajonin tonë”, tha Meta.

Ai tha se të dy vendet nuk duhet t’i referohen të kaluarës, sepse një gjë e tillë vetëm e ngadalëson integrimin në Bashkimin Europian.

Ndërsa, sa i përket problemit të Kosovës që ka në Veri, Meta tha se për stabilizim të kësaj situate kërkohet bashkëpunim, durim dhe dialog i vazhdueshëm.

“Përpjekjet e Qeverisë së Kosovës dhe të komunitetit ndërkombëtar për stabilizimin e situatës edhe në Veri të vendit dhe për integrimin edhe të zonave problematike, duhet të vazhdojnë në përpjekje edhe në bashkëpunim të ngushtë me komunitetin ndërkombëtar, por edhe me komunitetet përkatëse”, tha ai.

Sa i përket vizitës që do të bëjë Meta në Beograd, ai theksoi që nuk do të jenë çështje diskutimi akuzat që i janë drejtuar Shqipërisë nga Serbia lidhur me “krimet” e Ushtrisë Çlirimtare të Kosovës.

“Jemi të bindur se kemi të bëjmë me akuza krejtësisht të pabaza dhe të pavenda, ashtu sikurse Shqipëria ka qenë gjithmonë e hapur për të bashkëpunuar me komunitetin ndërkombëtar në çdo drejtim, i cili veçse verifikon edhe një herë faktin që Shqipëria ka qenë dhe do të jetë një burim stabiliteti për të gjithë rajonin dhe jo një burim problemesh për të tjerët”, tha Meta.

Ai u shpreh optimist në përmirësimin e marrëdhënieve mes Kosovës dhe Shqipërisë pasi që, sipas tij, përfundimi i punës në autostradën që lidh këto dy vende do t’i japë një ritëm të ri, një dimension të ri dhe do të sjellë rezultate të jashtëzakonshme në marrëdhëniet e këtyre dy vendeve.

“Unë besoj se në një të ardhme jo fort të largët kjo autostradë do të mbërrijë deri në Serbi dhe do të jetë një korridor i rëndësishëm rajonal, korridor paqeje, stabiliteti, zhvillimi dhe integrimi ekonomik”, tha Meta.

Ndërkaq, sa i përket liberalizimit të vizave, Meta tha se muret po rrëzohen një nga një dhe se në këtë mënyrë i gjithë rajoni merr një dimension të ri të komunikimit, të integrimit dhe kuptohet edhe të bashkëjetesës.

http://www.gazetaexpress.com/web/ind...ujt/lexo/24893

17.2.2010, 04:46

Citim:

“Serbia nuk mund të ketë politika të dyfishta”

Presidenti i Republikës, Bamir Topi, shprehet mosbesues mbi njohjen së afërmi nga Serbia të pavarësisë së Kosovës, por nga ana tjetër vlerëson që ajo nuk mund të bëjë politikë me dy linja.

Kreu i shtetit shqiptar ka dhënë një intervistë për agjencinë e lajmeve “Kosova Press”, ku flet edhe për përpjekjet e Shqipërisë për njohjen e mëtejshme të këtij shteti të ri, pas dy vjetësh që ai ka fituar pavarësinë, si dhe vlerësimet për Kosovën e sotme.

“Rajoni ynë sot duhet të imponojë që mentalitete të vjetra të lidhura me retorika të betejave, që u kanë shkaktuar shumë drama popujve të Ballkanit, patjetër të dalin jashtë mode, dhe të gjithë së bashku t’i afrohen një politike të bashkëpunimit në interes të vendeve dhe popujve tanë. Askush nuk mund të bëjë politikë me ambiguitet, pra me dy linja. Në rast se ne inkurajojmë që edhe Serbia të bëhet pjesë e botës evropiane, ajo duhet të pranojë edhe vendimet që ka marrë bashkësia evropiane, të njohë Kosovën si shtet të lirë, sovran, të pavarur”, theksoi Topi.

Ai në këtë mënyrë iu përgjigj interesit të gazetarit Shkëlzen Çoça mbi reflektimin në raport me Kosovën të përafrimit që kanë paralajmëruar Kryeministri dhe ministri Jashtëm i Shqipërisë me Beogradin zyrtar.

“Ne inkurajojmë dialogun dhe natyrisht jemi kritikë aty ku ky dialogu cenohet nga deklarata ultranacionaliste dhe kjo është dëshmuar edhe në tryezat e zhvilluara kohë më parë, ku është parë edhe një tendencë e shprehur e politikës serbe për t’u kthyer në retorikat ultranacionaliste”, vijoi ai.

Më 17 shkurt Kosova feston 2-vjetorin e pavarësisë, dhe pikërisht pas dy vjetësh Presidenti Topi vlerëson arritjet e deritanishme.

“Institucionet e Kosovës, lidershipi politik, partitë politike në përgjithësi dhe shoqëria e Kosovës kanë arritur të projektojnë në mënyrë definitive ndërtimin e një shteti multietnik, çka do të thotë që pavarësisht nga traumat e së kaluarës, ky popull vital, martir, por edhe modern, di të ngrejë të ardhmen e një shteti, që detyrimisht do të dijë të veprojë me standardet e botës euroatlantike. Pjesëmarrja e autoriteteve të Kosovës dhe e Presidentit Sejdiu në tryeza e në takime bilaterale dhe rajonale është kontribut i drejtpërdrejtë i angazhimit të autoriteteve të Kosovës për të qenë pjesë e politikave të paqes dhe sigurisë rajonale”, tha kreu i shtetit shqiptar.

http://www.gazetametropol.com/tekst.php?idt=64121

3.3.2010, 01:51

Citim:

Jeremiq e cilësoi Kosovën “këndi më i errët i Evropës”

Gjenevë, 2 mars – Vetëm një ditë pasi ka takuar ministrin e Jashtëm francez, Bernard Kouchner, nga i cili ka dëgjuar për nevojën e një “kompromisi për Kosovën”, shefi i diplomacisë serbe, Vuk Jeremiq, ka vazhduar ofensivën e tij kundër Kosovës, duke e quajtur atë “këndi më i errët në Evropë”.

Dhe, duke mos u mjaftuar me kaq, Jeremiqi nuk ka ngurruar edhe që Serbinë ta shpallë “lidere në mbrojtjen e të drejtave të njeriut dhe të pakicave në rajonin e Evropës Juglindore”.

Këto deklarime ministri i Jashtëm serb i ka bërë në Pallatin e Kombeve në Gjenevë, në sesionin e Komitetit të OKB-së për të Drejtat e Njeriut.
Duke shfrytëzuar foltoren e UNHCR-së, Jeremiqi ka vazhduar t’i referohet Kosovës si territor “në kuadër të kufijve kushtetues të Serbisë”, duke akuzuar se në Kosovë standardet e respektimit të të drejtave të njeriut janë “larg nën çdo minimum të pranueshëm”.

Jeremiqi është mbështetur edhe në Rezolutën 1244 të OKB-së, duke thënë se ajo e përcakton Kosovën të jetë “nën juridiksionin e Qeverisë në Beograd”.
Sa u përket të drejtave të njeriut, Jeremiqi madje tha se “Kosova paraqet kontrast me pjesën tjetër të Serbisë, dhe pa dyshim është këndi më i errët i Evropës”.

“Gjatë dhjetëvjetëshit të fundit është përgjysmuar popullata serbe, rome dhe boshnjake e Kosovës”, ka akuzuar ai, duke u bazuar në shifrat e Komisariatit të Lartë të UNHCR-së, që thonë se në këtë periudhë brenda Kosovës janë zhvendosur 210,000 persona.

“Qindra njerëz janë vrarë, mijëra janë zhdukur pa gjurmë, përfshirë edhe ata organet e të cilëve janë hequr në kampet në Shqipërinë verilindore”, tha Jeremiq.

Ai madje u mbështet edhe në shënimet e organizatës “Transparency International” për të akuzuar Kosovën se bën pjesë ndër të katër vendet më të korruptuara në botë, ndërsa një akuzë edhe më të ashpër e bëri duke shtuar se “tregtia me drogë përbën një prej të hyrave më të rëndësishme në Kosovë”.

Jeremiqi tha edhe se në Kosovë prej vitit 1999 “janë shkatërruar më shumë se 150 manastire dhe faltore të Kishës Ortodokse Serbe, përfshirë 35 që janë shkatërruar në valën e dhunës në mars të vitit 2004”.

Edhe pse pranoi se një numër objektesh janë rindërtuar, ai e vlerësoi situatën e përgjithshme të jetë “larg nga normalja”.

“Janë të rrallë pjesëmarrësit e programit të vitit 2004 që janë dënuar, ata madje nuk janë akuzuar për krim nga urrejtja, por për prishje të rendit publik dhe për gjëra të ngjashme”, tha Jeremiqi në Gjenevë.

“Objektet e Kishës Ortodokse Serbe janë baza e identitetit tonë, ato nuk janë vetëm përmendore apo muze, por janë pjesë e historisë sonë kombëtare, sikur që do të jenë pjesë e së ardhmes evropiane të Serbisë”, tha Jeremiq, duke konstatuar se disa prej këtyre objekteve gjenden në listën e trashëgimisë botërore të UNESCO-s.

Jeremiqi më tutje akuzoi autoritetet e Kosovës se disa objekte fetare ortodokse i përmendin pa ua përmendur “prejardhjen e tyre serbe, dhe pa përmendur faktin që ato janë trashëgimi kulturore serbe”.

“Jemi të brengosur që edhe autoritetet shqiptare të Kosovës vazhdojnë ndalimin e përdorimit të shkrimit cirilik në vendet publike”, ishte akuza tjetër e Jeremiqit drejtuar shtetit të Kosovës, për shpalljen e pavarësisë të së cilës ai e vlerësoi se “ka sjellë në pikëpyetje bazën e sistemit ndërkombëtar dhe e ka ndarë botën, meqë dy të tretat e anëtarëve të OKB-së nuk e përkrahin pavarësinë e Kosovës, por vazhdojnë ta respektojnë sovranitetin dhe integritetin territorial të Serbisë”.

http://www.kohaditore.com/index.php?cid=1,24,13425

9.3.2010, 05:49

Citim:

BE: Samit i ri për perspektivën evropiane të Ballkanit

Presidenca spanjole e Bashkimit Evropian propozoi sot një takim të nivelit të lartë të Bashkimit Evropian dhe zyrtarëve nga Ballkani për të “përforcuar perspektivën evropiane të rajonit”, transmeton AFP.

“Duhet t’u tregojmë vendeve në rajon se vazhdojmë të kujdesemi më shumë se dhjetë vjet më parë”, u thanë në një komunikatë Spanja dhe Italia partnerëve të tyre në BE në takimin e ministrave të jashtëm në Kordoba të Spanjës.

”Sfidat janë të ndryshme nga ato që vendet e rajonit përballeshin 10 vjet më parë”, thuhet në letrën, e cila bën thirrje që samiti të mbahet në Sarajevë nga fillimi i qershorit.

http://alsat-m.tv/bota/29195.html

10.3.2010, 06:55

Citim:

Kryeministri Thaçi ofron integrimin pa forcë të serbëve në Kosovë

Kryeministri i Kosovës, Hashim Thaçi, tha se qeveria e tij nuk do t’i detyrojë me forcë serbët në veri të vendit të integrohen në shtetin e Kosovës me shumicë shqiptare.

Por zoti Thaçi tha sot se qeveria e tij do të përpiqet t’i afrojë serbët, të bëhen pjesë e vendit përmes një numri investimesh dhe stimujsh të tjerë. Ai i tha agjencisë Rojters se këto investime do të koordinohen me komunitetin ndërkombëtar, përfshi NATO-n dhe institucione të tjera ekonomike.

Kryeministri Thaçi tha po ashtu, se ka në plan të marrë pjesë në një konferencë rajonale të udhëheqësve politikë, që do të mbahet në Slloveni këtë muaj dhe se do pranonte me kënaqësi t’i jepet dorën Presidentit serb Boris Tadiç. Serbia deri tani i ka bojkotuar konferencat ku janë të ftuar udhëheqësit e të dy vendeve.

http://www1.voanews.com/albanian/new...-87140422.html

11.3.2010, 03:36

Citim:

“Bashkimi për Mesdheun, pjesë e politikës tonë të integrimit

Ministri i Punëve të Jashtme, Ilir Meta, dha dje një drekë pune për ambasadorët rezidentë të vendeve anëtare të Bashkimit për Mesdheun, në kuadër të së cilës u zhvilluan biseda lidhur me angazhimin politik të Shqipërisë dhe projektet konkrete të këtij organizmi.

Në fjalën e tij, Meta theksoi rëndësinë që Shqipëria i kushton bashkëpunimit në kuadër të BpM, i cili përbën një dimension relativisht të ri në politikën e jashtme shqiptare, me mundësi të reja dhe të shumta ndërveprimi, shkëmbimi e bashkëpunimi për çështje të rëndësishme në interes të vendit, të rajonit të Mesdheut e më gjerë.

“Bashkëpunimin në kuadër të Bashkimit për Mesdheun, ne e shohim si një vlerë të shtuar të politikës sonë të jashtme dhe si pjesë komplementare të procesit tonë të integrimit”, tha Meta. Ai theksoi më tej synimin e Qeverisë për të dinamizuar pjesëmarrjen e Shqipërisë jo vetëm në forumet e dialogut politik, por kryesisht në ato të bashkëpunimit konkret në fushën ekonomike, të kulturës, arsimit etj.

“Për këtë qëllim ne kemi përgatitur një plan konkret pune, ku përfshihet edhe mundësia e organizimit në Shqipëri të ndonjë takimi ministerial në fushën e energjisë apo të kulturës” tha Meta.

Nga ana e tij, përfaqësuesi i kryesisë së radhës së BE-së, ambasadori i Mbretërisë së Spanjës, Manuel Montobbio theksoi objektivat prioritare të Bashkimit për Mesdheun, që kanë të bëjnë me transformimin e ideve në realitet me qëllim krijimin e një zone paqeje, dialogu ndërkulturor dhe prosperiteti në rajonin e Mesdheut.

Në fund, bashkëbiseduesit theksuan se kjo drekë pune përkon me një periudhë të rëndësishme të riorganizimit dhe ridimensionimit të bashkëpunimit në kuadër të Bashkimit për Mesdheun, duke u ndalur edhe në objektivat që duhen arritur dhe në sfidat e bashkëpunimit për të ardhmen.

http://www.gazetametropol.com/tekst.php?idt=64519

Citim:

Ilir Meta nesër në vizitë "historike" në Beograd

Tiranë, 10 mars 2010 - Shqipëria e konsideron "historike" vizitën e nesërme të nënkryetarit të qeverisë dhe ministrit të Jashtëm Ilir Meta në Beograd, tha shefi i kabinetit të tij, Sokol Dervishaj.

Gjatë vizitës dyditore, zyrtarët shqiptarë dhe serbë do të bisedojnë për "marrëdhëniet ndërmjet dy vendeve, stabilitetin në rajon dhe integrimin e shteteve të Ballkanit në Bashkimin Evropian", transmeton AFP.

Njoftohet se Meta do takohet me presidentin Boris Tadiq, ministrin e Jashtëm Vuk Jeremiq dhe nënkryetarin e qeverisë serbe, Bozhidar Gjeliq. Kjo është vizita e parë e një zyrtari të lartë shqiptar prej vitit 2005, kur në Beograd qëndroi ish shefi i diplomacisë, Kastriot Islami.

Ndërkaq sipas mediave të Beogradit, Ilir Meta do të marrë pjesë edhe në mbledhjen përkujtimore me ratsin e përcjetorit të vrasjes së kryeministrit Zoran Gjingjiq.

http://www.kosova.com/artikulli/60297

11.3.2010, 03:58

Citim:

BE nuk guxon të dështojë në Ballkan, thotë Eshton

“Në Ballkanin Perëndimor, më tepër se kudo, Bashkimi Evropian nuk mund t’i lejojë vetes të dështojë” ,tha shefja e diplomacisë së Bashkimit Evropian Kathrin Eshton.

Në adresimin e saj në Parlamentin Evropian, lady Eshton potencoi sukseset e Bashkimit Evropian në situatat post-konfliktuale në Ballkan, si model për aksionet e ardhshme të BE-së.

http://www.rtklive.com/new/?cid=1&newsId=36560

12.3.2010, 14:43

Citim:

Beograd: Ilir Meta u takua me Boris Tadiqin

Ministri i Jashtëm i Shqipërisë, Ilir Meta është takuar sot në Beograd, me presidentin e Serbisë, Boris Tadiq, duke i filluar kështu bisedimet me zyrtarët e lartë serbë.

Zoti Meta, njëherësh zëvendës kryeministër i Shqipërisë, në orët e mbrëmjes takon edhe ministrin e brendshëm, Ivica Daçiq dhe ministrin e jashtëm, Vuk Jeremiq, ndërsa është paralajmëruar edhe takimi me nënkryetarin e qeverisë së Serbisë, Bozhidar Gjeliq.

Mendohet se temë kryesore e bisedimeve është forcimi i bashkëpunimit dypalësh, i atij rajonal dhe procesi i integrimeve evropiane.

Ministri i jashtëm i Shqipërisë, Ilir Meta, nesër merr pjesë në manifestimin e shënimit të përvjetorit të vrasjes së ish kryeministrit të Serbisë, Zoran Gjingjiq.

Ministri Meta, nesër do të vizitojë Luginën e Preshevës me ç' rast do të takohet me liderët e shqiptarëve të kësaj ane.

http://rtv21online.com/home/?section...ls&newsid=9596

Citim:

Meta e Tadic: Të rrisim bashkëpunimin

Numri dy i qeverise shqiptare, Ilir Meta, është takuar ne Beograd me presidentin serb Boris Tadic, me të cilin ka diskutuar për një seri çështjesh të rëndësishme.

Sipas një njoftimi të presidencës serbe, Meta dhe Tadic kanë biseduar për nevojën e bashkëpunimit në luftën kundër krimit të organizuar dhe terrorizmit.

Gjithashtu, thuhet në njoftim, në qendër të takimit kanë qenë edhe çështjet e integrimit, si dhe intensifikimi i marrëdhënieve dypalëshe, që aktualisht konsiderohet në nivel të ulët.

http://www.ina-online.net/default.as...2862844e7&ln=3

Citim:

Meta: Për Kosovën, pozicione krejtësisht të kundërta

Ministri i jashtëm i Shqipërisë, Ilir Meta, tha në Beograd, se për çështjen e Kosovës, qeveritë e Shqipërisë dhe të Serbisë kanë pozicione krejtësisht të kundërta.

“Për çështjen e Kosovës, dy qeveritë tona kanë pozicione krejtësisht të kundërta. Por, nga ana tjetër, ne u pajtuam që e ardhmja e gjithë rajonit është në Bashkimin Evropian, duke mos e lënë askend prapa”, tha Ilir Meta, mbrëmë në Beograd, pas takimit me ministrin e jashtëm të Serbisë, Vuk Jeremiq.

Jeremiq theksoi se dallimi për Kosovën, “nuk është zvogëluar me këto bisedime” por, sipas tij, nga ky takim ka dalë një gjë shumë pozitive e kjo është që të bëjmë përpjekje që ky dallim të izolohet në mënyrë që ajo të mos i ngarkoj raportet tona në fushat e tjera”.

Gjatë qëndirmit të tij në Beogard, Ilir Meta u takua me presidentin e Serbisë, Boris Tadiq, me ministrin e brendshëm, Ivica Daçiq dhe me nënkryetarin e qeverisë, Bozhidar Gjeliq.

http://www.botasot.info/?gjuha=0&category=6&id=51288

Citim:

Mbështetja për integrimin, Berisha falënderon Greqinë

Kryeministri Sali Berisha priti dje në një takim sekretarin e Përgjithshëm të Ministrisë së Punëve të Jashtme të Greqisë, ambasadorin Jannis Alexios Zeppos, i cili ndodhet në Shqipëri për një vizitë, si pjesë e një grupi ndërkombëtar diplomatësh dhe personalitetesh që po zhvillojnë një tur vizitash konsultimi, në kuadër të projektit për hartimin e konceptit të ri strategjik të NATO-s.

Kryeministri Berisha i uroi mirëseardhjen dhe e falënderoi përzemërsisht ambasadorin Zeppos për mbështetjen e jashtëzakonshme që Greqia, në vazhdimësi, i ka treguar Shqipërisë, si në procesin e anëtarësimit në NATO, ashtu edhe për ecjen para me shpejtësi në projektin për anëtarësim në BE dhe në procesin e liberalizimit të vizave.

Ambasadori Zeppos e falënderoi kryeministrin Berisha për pritjen e ngrohtë, duke i transmetuar atij përshëndetjet më të përzemërta të Kryeministrit të Greqisë, Jorgos Papandreu. Ai e njohu kryeministrin edhe me misionin e grupit ndërkombëtar për konceptin e ri strategjik të NATO-s.

Në takim, Berisha vlerësoi si jashtëzakonisht të rëndësishëm dhe të domosdoshëm hartimin e konceptit të ri strategjik për një aleancë efikase, të aftë për tiu përgjigjur me sukses të plotë sfidave të shekullit 21. Kryeministri i ripohoi ambasadorit vendosmërinë e Shqipërisë, si aleate e re e NATO-s, për të dhënë kontributin e saj, si në konceptin e ri strategjik, ashtu edhe për të vazhduar mbështetjen për të gjitha misionet e Aleancës, në shërbim të paqes e sigurisë globale.

Në takim u diskutua edhe për marrëdhëniet dypalëshe midis Greqisë dhe Shqipërisë dhe u shpreh angazhimi dhe vendosmëria e plotë e qeverive të të dy vendeve për të vazhduar me nivelin e shkëlqyer të marrëdhënieve mes dy vendeve dhe për ti zhvilluar ato edhe më tej në të gjitha fushat.

Berisha vlerësoi bashkëpunimin ekonomik me vendin fqinj si jashtëzakonisht të rëndësishëm, në veçanti investimet të mëdha e të suksesshme të investitorëve grekë në Shqipëri gjatë viteve të fundit.

http://www.ballkan.com/index.php?pag...ws&newsID=4601

12.3.2010, 15:01

Citim:

Meta takon Jeremiç: Marrëdhënie të mira,por i ndan Kosova

Beograd – Gjatë qëndrimit në Beograd, ministri i Jashtëm shqiptar Ilir Meta ka zhvilluar një takim me presidentin serb Boris Tadiç, me homologun Vuk Jeremiç si dhe me një sërë personaliesh të tjera të larta të shtetit serb.

Si parin e vizitës së tij, Meta e ka nisur me homazhe pranë varrit të ish-kryeministri Zoran Xhinxhiç, i vrarë nga nacionalistë serb.

Në konferencën për shtyp me Jeremiç, Meta u shpreh për një erë të re në marrëdhëniet mes Shqipërisë dhe Serbisë. Gjithashtu është rënë dakord për zgjerimin e mëtejshëm të bashkëpunimit.

“Së bashku kemi nënshkruar sot Protokollin e Bashkëpunimit mes dy Ministrive të Punëve të Jashtme, i cili afirmon bindshëm forcimin e mëtejshëm, thellimin dhe ngritjen e marrëdhënieve mes dy vendeve tona, të bazuara në vlera të përbashkëta, paqe dhe prosperitet, si një kontribut të përbashkët për të ardhmen evropiane të vendeve tona dhe të rajonit”, theksoi Meta.

Një temë tjetër e diskutimeve ishte edhe Kosova, ku Meta theksoi se dy vendet ndajnë pozicione krejtësisht të ndryshme.

“Për sa i përket Kosovës, Qeveritë tona kanë pozicione qartësisht të ndryshme. Por, nga ana tjetër, kemi rënë dakot se e ardhmja e mbarë rajonit është në gjirin e Bashkimit Evropian, duke mos lënë pas askënd”, tha Meta.

Përveç Kosovës, Jeremiç i ka kujtuar kryediplomatit shqiptar se ekziston edhe një çështje tjetër, ajo e një minoriteti serb në Shqipëri, gjë për Metën kjo kërkesë do të verifikohet, pasi deri më tani nuk është regjistruar ndonjë minoritet i tillë në vendin tonë.

http://www.gazetastart.com/lajm.php?...itike&nr=12467

Citim:

Meta: Për Kosovën, pozicione krejtësisht të kundërta

Ministri i jashtëm i Shqipërisë, Ilir Meta, tha në Beograd, se për çështjen e Kosovës, qeveritë e Shqipërisë dhe të Serbisë kanë pozicione krejtësisht të kundërta, raporton Radio Evropa e Lirë.

“Për çështjen e Kosovës, dy qeveritë tona kanë pozicione krejtësisht të kundërta. Por, nga ana tjetër, ne u pajtuam që e ardhmja e gjithë rajonit është në Bashkimin Evropian, duke mos e lënë askënd prapa”, tha Ilir Meta, mbrëmë në Beograd, pas takimit me ministrin e jashtëm të Serbisë, Vuk Jeremic.

Zoti Jeremic theksoi se dallimi për Kosovën, “nuk është zvogëluar me këto bisedime” por, sipas tij, nga ky takim ka dalë një gjë shumë pozitive e kjo është që të bëjmë përpjekje që ky dallim të izolohet në mënyrë që ajo të mos i ngarkoj raportet tona në fushat e tjera”.

Gjatë qëndrimit të tij në Beograd, Ilir Meta u takua me presidentin e Serbisë, Boris Tadic, me ministrin e brendshëm, Ivica Dacic dhe me nënkryetarin e qeverisë, Bozidar Djelic.

http://www.telegrafi.com/?id=2&a=7739

Citim:

Meta-Jeremiq: Mospajtimi rreth Kosovës nuk guxon të jetë pengesë e bashkëpunimit

Ministrat e Jashtëm të Serbisë e Shqipërisë, Vuk Jeremiq e Ilir Meta janë pajtuar mbrëmë në Beograd se përkundër faktit që midis dy vendeve ekziston mospajtim i thellë lidhur me çështjen e statusit të Kosovës, kjo nuk guxon të jetë pengesë për bashkëpunimin e dy vendeve në fushat tjera.

Pas bisedimeve të mbrëmshme me shefin e diplomacisë shqiptare, ministri serb Jeremiq u tha gazetarëve se “ekziston dallimi i madh në qëndrimet rreth çështjes së statusit të ardhshëm të Kosovës që nuk janë zvogëluar as me bisedimet tona të sotme, por jemi marrë vesh që këtë dallim ta izolojmë që të mos i ngarkojmë marrëdhëniet tona në fushat tjera”.

Ministri Meta tha se Qeveritë e Serbisë dhe Shqipërisë “kanë qëndrime të ndryshme rreth çështjes së Kosovës, por pajtohemi me atë se e ardhmja e gjithë rajonit pa përjashtim është në Bashkimin Evropian”.

Duke e vlerësuar vizitën e Metës në Serbi si “historike” Jeremiq tha se Beogradi e Tirana kanë vizion të përbashkët të së ardhmes –anëtarësimin e mbarë rajonit në Bashkimin Evropian (BE). “Paqja dhe stabiliteti në rajon do të varen shumë nga marrëdhëniet e serbëve dhe shqiptarëve dhe është me rëndësi kritike që ato marrëdhënie në të ardhmen të jenë më të mirë se ç’ka qenë rasti në të kaluarën” tha Jeremiq.

Ministri Meta vlerësoj se me këtë vizitë po nis “një epokë” e re në marrëdhëniet midis dy vendeve të cilat do të bëhen “gurthemel i paqes dhe i stabilitetit në rajon. Është koha e duhur për soliaditet të ri, partneritet dhe energji të re të vendeve të rajonit për hir të integrimeve evropiane” theksoi Meta.

Ai shtoi se Qeveritë e Serbisë e Shqipërisë duhet të luajnë rolin e vet në pajtimin e serbëve dhe shqiptarëve në rajon, me çka u pajtua edhe ministri Jeremiq duke thënë se këta dy popuj “nuk kanë shtëpi tjetër” pos kësaj në rajon.

Dy ministrat janë pajtuar se edhe pakicat kombëtare, ajo shqiptare në Serbi dhe serbe në Shqipëri duhet ti gëzojnë të drejtat më të mëdha të mundshme dhe të paraqesin lidhjen midis dy shteteve.

Serbia ka ndërmend që ne Luginën e Preshevës te bëjë prosperitete dhe pozita e pakicës kombëtare në Serbi është me rëndësi të madhe për Beogradin, tha Jeremiq duke shtuar se për Serbinë është e rëndësishme edhe pozita e pakicës serbe në Shqipëri.

“Shpresoj se serbët në Shqipëri do të kenë të drejta të njëjta si shqiptarët në Serbi”, tha Jeremiq duke shfaqur gatishmërinë e autoriteteve të Beogradit që pakicës kombëtare shqiptare në Serbi tu sigurojnë shkallë më të lartë të mundshme të drejtave minoritare.

Ministri Meta i përshëndeti “përpjekjet e autoriteteve serbe për ta përmirësuar jetën e njerëzve” në jug të Serbisë dhe shtoi se Tirana çështjen e pakicave kombëtare do ta zgjidh pas zbatimit të regjistrimti, që do të bëhet në “mënyrë transparente, në harmoni me standardet më të larta evropiane”.

Meta, gjatë vizitës së djeshme në Beograd është takuar edhe me presidentin e Serbisë Boris Tadiq, nënkryeministrin për integrime evropiane Bozhidar Gjeliq dhe me ministrin e Policisë, Ivica Daçiq. Me këtë rast janë nënshkruar disa marrëveshje, midis të cilave Marrëveshja mbi bashkëpunimin e dy Ministrive të Jashtme dhe Marrëveshja mbi luftën kundër kriminalitetit të organizuar dhe terrorizmit ndërkombëtar.

Nënkryeministri i Shqipërisë sot do të qëndrojë në Luginën e Preshevës ku do të bisedojë me përfaqësuesit politik të shqiptarëve.Vizita e Ilir Metës në Serbi është kontakti i parë dypalësh ndërmjet Tiranës e Beogradit gjatë pesë viteve të fundit. Beogradi i ka ndërprerë marrëdhëniet diplomatike me Tiranën në vitin 1999, gjatë bombardimeve të NATO-s, dhe ato janë ripërtëritur në janar të vitit 2001./fa./

http://www.rtklive.com/new/?cid=1&newsId=36621

mesdimr · 12.3.2010, 16:25

Copa e mishit me dy sy që është në krye të MPJ, veç të qenit inferior, legjitimitit të kërkesave serbe, legjitimimit të politikës së deritashme serbe ndaj shqiptarëve si dhe asgjësimit të Veriorit në nivel politike të jashtme, sapo shpiku dhe pakicë serbe në Shqipëri! Vëllai i vogël biologjik i Jeremiçit, Meta.

Me nder muhabetit, po për "të hyrë në BE" komunistët shqipfolës po lënë bythën...

13.3.2010, 13:56

Citim:

Meta në Beograd, Jeremic: Në Shqipëri ka minoritet serb

Zevendeskryeministri dhe ministri i jashtem Ilir Meta zhvilloi nje vizite dyditore ne Serbi me ftese te homologut te tij Vuk Jeremic. Ndersa e ka cilësuar si historike kete vizite kryediplomati serb, Vuk Jeremic gjate deklarates per mediat, deklaroi per here te pare se ne Shqiperi ekziston nje minoritet serb per te cilin Beogradit kërkon te njejten vëmendje dhe rendesi qe ai i kushton minoritetit shqiptar ne Luginen e Presheves.

“Serbia i kushton shumë vëmëndje Luginës së Preshevës dhe synon ta bëjë këtë pjesë më të begatë dhe më të integruar. Ndërkohë, gjendja e minoritetit etnik shqiptar është me rëndësi jashtëzakonisht të madhe për Qeverinë e Serbisë. Edhe gjendja e minoritetit Serb në Shqipëri është me rëndësi jetike. Prandaj, unë shpresoj që minoriteti etnik Serb do të gëzojë të njëjtin status si dhe minoriteti etnik shqiptar këtu në Serbi dhe ne do të bëjmë gjithçka që qytetarët e këtij vendi dhe pakicat të jetojnë në paqe dhe begati”, tha Vuk Jeremic, minister i Jashtem i Serbise.

Nderkohe ky pretendim i ngritur per here te pare nga ministri i jashtem serb Jeremic, mori garancine e Zevendeskryeministri Meta se do te trajtohet sipas standardeve nderkombetare dhe me konkretisht do te marre përgjigje nga regjistrimi i ri i popullsise ne Shqiperi ku perfshihet edhe deklarimi i kombesise.

“Për sa i përket çështjes së ngritur nga Ministri Jeremiç, për ekzistencën e një minoriteti serb në Shqipëri, qëndrimi i Qeverisë time është shumë i qartë: çështja e ngritur do të trajtohet dhe verifikohet pas regjistrimit të ri të popullësisë, i cili do të jetë shumë transparent dhe konform standardeve evropiane. Të gjitha problemet e lidhura me minoritetet e vendeve, që më parë ishin pjesë e Republikës Federative Jugosllave, do të trajtohen përmes regjistrimit të popullësisë. Në mbarë Ballkanin, kombet tona janë diku shumicë dhe diku tjetër minoritet. E vetmja zgjidhje është të aplikojmë të njëjtat standarte evropiane për minoritetet”, tha Ilir Meta, zv.kryeminister, min i Jashtem.

Te dy homologet pranuan se persa i perket ceshtjes se Kosoves, Tirana dhe Beogradi ndajne qëndrime te ndryshme por bien dakord se perspektiva evropiane e rajonit te Ballkanit nuk përjashton asnjë prej vendeve.

“Për sa i përket Kosovës, Qeveritë tona kanë pozicione qartësisht të ndryshme. Por, nga ana tjetër, kemi rënë dakort se e ardhmja e mbarë rajonit është në gjirin e Bashkimit Evropian, duke mos lënë pas askënd”, tha Meta.

“Sot, marrëdhëniet ndërmjet Shqipërisë dhe Serbisë mbajnë barrën e rëndë të mospajtimit politik lidhur me statusin e Kosovës dhe Metohisë për të cilën ndërmjet Tiranës dhe Beogradit ka dallime shumë të mëdha; këto dallime nuk u ngushtuan as në bisedimet tona të sotme. Por, ajo çka në fakt ka dalë nga diskutimet tona, si diçka e mirë dhe pozitive është se ne duhet të bëjmë të gjitha përpjekjet me qëllim që ta mbajmë të izoluar ndërmjet nesh këtë pikpamje të ndryshme”, u shpreh Jeremic.

http://www.alsat.tv/lajme-nga-vendi/...itet-serb.html

Citim:

Meta: Tirana dhe Beogradi me rol kyç për pajtimin e serbëve dhe shqiptarëve

Beograd, 12 mars 2010 - Zv/kryeministri dhe Ministri i Punëve të Jashtme të Shqipërisë, Ilir Meta ka pranuar se ndërmjet Beogradit dhe Tiranës ekzistojnë dallime sa i përket statusit të Kosovës, por ka theksuar se kjo nuk guxon të rrezikojë bashkëpunimin e ndërsjellë në fushat e tjera.

"Në këtë mënyrë do të forcojmë edhe vetë bashkëpunimin ndëretnik dhe kontaktet midis serbëve dhe shqiptarëve edhe në Kosovë, por edhe gjetkë në rajon", ka thënë Meta në një konferencë për shtyp në ditën e dytë të vizitës së tij në Beograd.

Ai ka theksuar se "megjithë mospajtimet sa i përket çështjes së Kosovës, Serbia dhe Shqipëria janë dakord se e ardhmja e rajonit është në BE dhe se të gjitha dallimet dhe mospajtimet duhet zgjidhur në mënyrë evropiane".

I pyetur nëse për këtë ka biseduar me përfaqësuesit e pushtetit në Kosovë për vizitën e tij në Beograd, Meta ka thënë se me Prishtinën është në kontakt të vazhdueshëm dhe se vizita në Serbi natyrisht se ka qenë temë e bisedimeve.

"Autoritetet e Kosovës e kuptojnë dhe e mbështesin këtë vizitë, sepse është e qartë e se Shqipëria dhe Serbia kanë një rol kyç në procesin e pajtimit të serbëve dhe shqiptarëve", ka thënë Meta, duke shtuar se në të ardhmen do të shkojë më shpesh në Serbi dhe pret vizita të shpeshta të zyrtarëve serbë në Shqipëri.

"Ajo që duhet të bëjmë është që të kuptojmë se e ardhmja është më e rëndësishme nga e kaluara", ka thënë Meta, duke shprehur bindjen se marrëdhëniet e serbëve dhe shqiptarëve do të përmirësohen dukshëm.

http://www.kosova.com/artikulli/60374

Citim:

Meta-Tadiç: “Marrëdhëniet mes dy vendeve do të jenë solide”

Zv.kryeministri, njëkohësisht ministër i Punëve të Jashtme, Ilir Meta, është takuar dje me Presidentin e Republikës së Serbisë, Boris Tadiç. Në takim Tadiç ka theksuar rëndësinë e marrëveshjes për bashkëpunim në luftën kundër krimit të organizuar, tregtisë ilegale me drogë dhe terrorizmit ndërkombëtar.

Theksi në këtë takim është vënë te përmirësimi i marrëdhënieve mes dy vendeve, veçanërisht në fushën e ekonomisë.

Kjo është vizita e parë e një zyrtari shqiptar të nivelit të lartë në Serbi, çka është përkthyer si një sinjal për përmirësimin e marrëdhënieve mes dy vendeve. Serbia dhe Shqipëria pritet të firmosin një memorandum mirëkuptimi për të bashkëpunuar në luftën kundër krimit të organizuar, tregtisë së drogës dhe terrorizmit ndërkombëtar.

Meta është takuar edhe me homologun e tij serb, Vuk Jeremiç, të cilët kanë rënë dakord se e ardhmja e rajonit është integrimi në Bashkimin Europian, por nuk kanë rënë dakord përsa i përket çështjes së Kosovës.

Ata kanë deklaruar se të dyja vendet do të luajnë rol se do të vendosin komunikim mes kombeve dhe të gjithë rajonit. Të dy kanë theksuar se paqja dhe stabiliteti i rajonit varen nga marrëdhëniet serbo-shqiptare. Ndërkohë, Jeremiç theksoi se Serbia mbështet liberalizimin e vizave për Shqipërinë si dhe integrimin e rajonit në BE.

Vizita

Meta e filloi vizitën e tij zyrtare në Serbi me homazhe pranë varrit të ish-kryeministrit serb, Zoran Xhinxhiç. Këto homazhe përkojnë me 7-vjetorin e vrasjes së Xhinxhiçit. Gjatë homazheve Meta u shoqërua nga bashkëshortja e të ndjerit, Ruzhica Xhinxhiç dhe bashkëshortja e tij, Monika Kryemadhi.

Ministri Meta u takua me presidentin serb, Boris Tadiç në Presidencën serbe. Fillimisht dy zyrtarët kanë shtrënguar duart, kanë prezantuar delegacionet që i shoqëronin. Më pas zyrtarët janë ulur në tryezë të përbashkët në praninë e mediave. Por bisedimet vazhduan më pas me dyer të mbyllura.

Gjatë homazheve pranë varrit të ish-kryeministrit Xhinxh, Meta dha një prononcim për mediat.

“Ishte një obligim i imi ta nisja këtë vizitë zyrtare në Beograd, duke bërë homazhe dhe duke nderuar kujtimin e kryeministrit të ndjerë Zoran Xhinxhiç, pikërisht këtu në banesën e tij të fundit. Xhinxhiç, pa asnjë diskutim, që mbetet një frymëzim jo vetëm për demokratët dhe forcat progresiste e pro-europiane në Serbi, por në të gjithë rajonin tonë”, - u shpreh Meta, duke nënvizuar “falë kurajës së tij të jashtëzakonshme, Serbia është në një stad të ri të integrimit europian dhe të gjithë procesit të integrimit në komunitetin ndërkombëtar. Falë këtij vizioni dhe kuraje, edhe marrëdhëniet mes dy vendeve tona kanë përparuar, ndoshta jo aq sa do të dëshironin shumë si unë”.

Ministri Meta ka vlerësuar zhvillimin e marrëdhënieve midis Shqipërisë dhe Serbisë, pasi ato do të ndikojnë në procesin e integrimit europian.

“Shpreh besimin se akoma më shumë këto marrëdhënie do të shënojnë progres dhe do të jenë solide, sepse marrëdhëniet midis Shqipërisë dhe Serbisë janë shumë të rëndësishme për perspektivën e rajonit tonë, për përshpejtimin e integrimit të tij europian, dhe janë shumë të rëndësishme për një pajtim të sinqertë, solid dhe afatgjatë midis shqiptarëve dhe serbëve, por edhe midis shqiptarëve dhe gjithë sllavëve në rajon, si një domosdoshmëri për të garantuar një të ardhme të përbashkët për të gjithë qytetarët e rajonit tonë, pavarësisht përkatësive etnike. Ne kemi përgjegjësi të madhe për të ardhmen tonë, për të ardhmen e fëmijëve tanë”, - u shpreh Meta.

Ai shprehu nderim për Ruzhica Xhinxhiç, pavarësisht angazhimeve shumë të mëdha, pasi kjo periudhë përkon edhe me 7-vjetorin e vrasjes së kryeministrit të ndjerë Xhinxhiç, e cila i nderoi duke u bashkuar në këtë homazh.

Meta tha se brenda këtij viti do të organizojë një aktivitet të rëndësishëm me fondacionin “Xhinxhiç” që ajo drejton në Shqipëri, por edhe këtu në Serbi.

“Është e rëndësishme të theksoj edhe njëherë se kuraja e këtij politikani të jashtëzakonshëm, për të cilën ai pagoi një çmim jashtëzakonisht të rëndë, do të mbetet gjithmonë një frymëzim jo vetëm për të gjithë forcat progresiste këtu, por edhe për të gjithë rajonin”, - u shpreh Meta.

Në fund të homazheve, Meta e falënderoi znj. Xhinxhiç për prezencën e saj dhe e ftoi atë për një vizitë në Shqipëri.

http://www.gazeta-albania.net/news.php?id=24827

Citim:

E ardhmja në BE pavarësisht ndarjes për Kosovën

Ministri i Jashtëm i Shqipërisë, Ilir Meta, dhe homologu i tij serb Vuk Jeremiq, kanë deklaruar në Beograd se përkundër mospajtimeve të thella për statusin e Kosovës, ardhmëria e Ballkanit është në Bashkimin Evropian.

Shefi i diplomacisë serbe ka thënë se paqja dhe stabiliteti në rajon do të varen shumë nga marrëdhëniet e serbëve dhe shqiptarëve, ndërkohë që ministri Meta në një intervistë për BBC-në foli për rëndësinë e pajtimit shqiptaro-serb.

Zoti Meta u takua edhe me presidentin serb Boris Tadiq, si dhe vizitoi rajonin me shumicë shqiptar të Luginës së Preshevës.

Me shefin e diplomacisë shqiptare Ilir Meta bisedoi gazetari Seladin Xhezairi.

BBC: Çfarë prisni nga kjo vizitë të cilën të dyja palët e cilësuan si historike?

Ilir Meta: Unë besoj se kjo vizitë zyrtare do t'i japë një impuls të fuqishëm bashkëpunimit shumë të rëndësishëm midis dy vendeve, i cili absolutish që është një element thelbësor dhe kyç për stabilitetin dhe paqëtimin e mëtejshëm të Ballkanit Perëndimor dhe njëkohësisht për të përshpejtuar integrimin evropian të Shqipërisë, Serbisë dhe të të gjitha vendeve të tjera të rajonit tonë.

Dhe, natyrisht, pavarësisht nga pikëpamjet thelbësisht të ndryshme lidhur me statusin e Kosovës, unë besoj se të dyja qeveritë dhe të dy vendet janë të angazhuara për t'i adresuar në mënyrë sa më konstruktive të gjitha mospajtimet, ashtu sikurse kjo vizitë tregoi edhe vendosmërinë për të mosi i ngadalësuar ose frenuar marrëdhëniet dypalëshe midis Shqipërisë dhe Serbisë dhe marrëdhëniet rajonale dhe integrimin rajonal për shkak të këtyre dallimeve të rëndësishme që ekzistojnë për statusin e Kosovës.

BBC: Agjencitë e lajmeve ju citojnë të keni deklaruar se qeveria e Shqipërisë dhe e Serbisë kanë rol të pazëvendësueshëm dhe vendimtar për pajtimin e shqiptarëve dhe të serbëve. Gjithnjë duke marrë parasysh, siç thatë edhe ju, qëndrimet e kundrëta për sa i përket statusit të Kosovës, a mendoni se për këtë pajtim do të duhet edhe shumë kohë?

Ilir Meta: Pikërisht për këtë duhet edhe intensifikimi marrëdhënieve midis të dy vendeve, përfshirë, jo vetëm ato midis qeverive në mënyrë të veçantë, por edhe të aktorëve të tjerë shumë të rëndësishëm të shoqërisë civile, të botës akademike, universitare, të biznesit, pra, të gjithë atyre që kërkojnë një përparim të shpejtë dhe të qëndrueshëm të vendeve tona drejt Bashkimit Evropian. Absolutisht që do të fitojmë kohë duke evituar sa më shumë retorikën, referencat e ndryshme ndaj historisë. Tani, në fund të fundit, është detyra jonë, e politikanëve, që me kurajo, me vizion, të përqëndrojmë gjithë energjitë për të ardhmen e qytetarëve tanë, për të ardhmen e fëmijëve tanë dhe të mos merremi me historinë më shumë se sa i takon.

BBC: Duke folur për BBC-në, njëri prej udhëheqësve të shqiptarëve të Luginës së Preshevës, deputeti i vetëm shqitapr në parlamentin e Serbisë, Riza Halimi, tha se shqiptarët e Luginës së Preshevës presin shumë nga shteti shqiptar, qeveria shqiptare, pas qendrimit tuaj në këtë rajon. Çfarë mund të bëjë Shqipëria për të përmirësuar gjendjen e tyre atje?

Ilir Meta: Vizita ime në Luginën e Preshevës ka qenë një dëshirë dhe ëndër për mua prej shumë vitesh, që nuk kam arritur ta realizoj shtatë vjet më parë. Tani është mundësia që të jem në këtë Luginën për herë të parë, jo thjesht si vizitor, por në radhë të parë si përfaqësues i qeverisë shqiptare për të treguar vëmendjen maksimale që ne i kushtojmë integrimit të shqiptarëve atje, progresit të standardeve në të cilat ata jetojnë, ruajtjen dhe zhvillimin e identitetit të tyre kombëtar dhe kulturor dhe natyrisht për këtë ne do të bashkëpunojmë ngushtë me qeverinë e Serbisë. Dhe natyrisht që jam shumë i kënaqur nga garancitë që kam marrë nga vetë presidenti (Boris) Tadiq për të bërë gjithçka që është e mundur për të përmirësuar kushtet e tyre dhe integrimin e tyre.

Në këtë moment që po flas me ju jam në automjetin që po udhëtoj së bashku me ministrin e Pushetit Lokal të qeverisë së Serbisë zotin Milan Markoviq dhe besojmë se absolutisht që do të ketë progres në këtë drejtim dhe shpresoj edhe në mirëkuptimin e përfaqësuesve të shqiptarëve të Luginës së Preshevës për të punuar të gjithë së bashku që edhe ky rajon, që është një nga më të varfërit të Serbisë, por jo I vetmi, të përparojë sa më shpejt.

BBC: Zoti Meta, shqiptarët e Luginës së Preshevës do të dëshironin firmosjen së shpejti të një marrëveshje bashkëpunimi në fushën e arsimit. A është e realizueshme kjo?

Ilir Meta: Unë besoj se kjo do të realizohet. Shqipëria ka paraqitur këtë projekt-marrëveshje. Është një prioritet kryesor për ne dhe besoj se kjo çështje do të realizohet në një të ardhme të afërt, ashtu si edhe çështje të tjera të cilat krijojnë mundësi dhe lehtësi praktike për shqiptarët e Preshevës, për të rinjtë e Preshevës në mënyrë që ata të kenë një perspektivë dhe të ardhme sa më të mirë.

BBC: Zoti Meta ju njiheni si një mik i ish-kryeministrit serb, Zoran Gjingjiq. Qëndrimi juaj në Beograd u përputh pikërisht me shënimin e përvjetorit të vrasjes së tij. Si e kujtoni të ndjerin Gjingjiq?

Ilir Meta: Do të thoja se sot është një ditë e veçantë për Serbinë pasi është përvjetori i shtatë që ky vend përkujton dhe nderon kujtimin e ish-kryeministrit Zoran Gjingjiq i cili ishte politikani që ndryshoi perspektivën e këtij vendi duke e orientuar drejt demokracisë dhe integrimit evropian. Njëkohësisht ai ishte dhe politikani i cili e kuptoi i pari rëndësinë e përmirësimit të marrëdhënieve midis Serbisë dhe Shqipërisë, por edhe rëndësinë e pajtimit dhe përmirësimit të marrëdhënieve midis shqiptarëve dhe serbëve në të gjithë rajonin.

http://www.bbc.co.uk/albanian/news/2...belgrade.shtml

Citim:

Meta: Jam në Beograd, sepse ne duam të jemi sa më shpejt në Bruksel

Ministri i Jashtëm, Ilir Meta deklaroi në Beograd se marrëdhëniet midis dy vendeve do të marrin dimensione të reja. “Shtatë marrëveshje janë gati nga pala shqiptare, e cila mirëpret edhe çdo marrëveshje të paraqitur nga Serbia”, vuri në dukje Meta.

Ai nuk harroi të përmendte se vizita e tij në Beograd përkon me 7 vjetorin e ndarjes nga jeta të ish-kryeministrit Zoran Gjingjiç. Ashtu si dhe një ditë më pare, Meta pohoi para përfaqësuesve të medias vlerësimin e tij për këtë politikan, të cilin, ai e quajti vizionar dhe që hapi një erë të re për Serbinë demokratike si dhe kuptoi partneritetin e rëndësishëm mes Serbisë dhe Shqipërisë në rajon.

“Ndaj, dhe vizita ime, filloi me një homazh kushtuar këtij politikani të madh dhe besoj dhe shpresoj se kjo figurë e madhe do të frymëzojë me vizionin dhe kurajën që tregoi të gjitha forcat progresiste në Serbi dhe rajon”, shtoi Meta.

Duke iu referuar pikëpamjeve që kanë për Kosovën dy shtetet, Serbia dhe Shqipëria, Meta cilësoi se “ne ndajmë pikëpamje të ndryshme, por, kemi vendosur se, pavarësisht nga këto diferenca thelbësore, të mos e frenojmë bashkëpunimin bilateral, duke besuar që në këtë mënyrë do të përmirësojmë marrëdhëniet ndëretnike në Kosovë dhe në të gjithë rajonin tonë”.

Në përgjigje të pyetjes së një gazetareje serbe për qëllimin e vizitës së tij në Beograd, Meta pohoi “jam në Beograd sepse ne duam të jemi sa më shpejt në Bruksel, jo si të ftuar, por si anëtarë të barabartë të Bashkimit Evropian. Edhe Serbia kërkon të njëjtën gjë”.

Për sa i përket pretendimit për trafik organesh gjatë luftës së Kosovës, Meta u shpreh se Shqipëria është e hapur të hetojë dhe të bashkëpunojë.

”Jemi të hapur të bashkëpunojmë me të gjithë, si me Këshillin e Evropës, ashtu dhe me gjykatën e Hagës, për t’i dhënë fund këtyre pretendimeve, që për mua nuk qëndrojnë”, tha Meta në konferencën për shtyp në Ambasadën Shqiptare në Beograd. Ish-kryeprokurorja e Gjykatës së Hagës, Carla del Ponte, në një libër të saj, pretendon se “në Shqipëri është kryer trafik organesh në periudhën e luftës në Kosovë".

I pyetur nëse autoritetet në Kosovë ishin të njoftuara për vizitën e tij në Serbi, Meta u përgjigj se Prishtina e kupton dhe e mbështetë këtë vizitë, pasi është e qartë se Shqipëria dhe Serbia kanë rol vendimtar në proceset e pajtimit ndërmjet shqiptarëve dhe serbëve.

“Duhet të kuptojmë se e ardhmja është më e rëndësishme sesa e kaluara” tha shefi i diplomacisë së Shqipërisë, Ilir Meta. Ai u bëri thirrje zyrtarëve të lartë serbë që të vizitojnë më shpesh Shqipërinë.

Meta qëndron sot edhe në Luginën e Preshevës dhe çështja e statusit të shqiptarëve atje ishte, po ashtu, në fokus të konferencës për shtyp. “Për ta është bërë shumë, por, ata ende jetojnë në kushte të rënda ashtu si edhe serbët në disa rajone. Kjo ndodh pasi në rajonin tonë ekzistojnë vise të varfra” tha Meta.

Gjatë vizitës në Beograd, ai është takuar me presidentin Boris Tadiç, homologun e tij, Vuk Jeremiq dhe ministra të tjerë, me të cilët ka nënshkruar edhe marrëveshje bashkëpunimi për luftimin e krimit të organizuar.

http://www.rtklive.com/new/?cid=1&newsId=36649

mesdimr · 15.3.2010, 03:58

Deklarata të frikshme këto për Luginën. Po përpiqem të kuptoj se ku ndryshojnë nga deklaratat e ministrave serbë. Asnjë reagim i asnjë lloji nuk është kryer nga MPJ për gjendjen e shqiptarëve në Luginë, që e kanë të ndaluar me ligj vendosjen e flamurëve shqiptarë dhe që ambasada shqiptare e vendosi për disa çaste në ndërtesën e komunës për t'i shtuar hipokrizisë. Çfarë iu rrjedh në vena këtyre njerëzve që përfaqësojnë shtetin shqiptar nuk e kam të qartë.

Vizita ka qenë përkufizim i inferioritetit nga pala shqiptare dhe kristalizimi i antishqiptarizmit nga të dy palët. Ministri i Jashtëm i Shqipërisë, si institucion, është trajtuar si një jevg i rëndomtë që fshin halet e Beogradit, flamuri shqiptar mungonte kudo, përveç zyrës së Jeremiçit. Dhomat ku MPJ jepte konferenca për shtyp ishin si bodrume, sikur ishte në kohë lufte. Agjentët serbë në Luginë kishin dy ditë që krihnin zonën, në gjithë lëvizjet e tij MPJ është shoqëruar (kontrolluar) hap pas hapi nga Markoviçi që nuk e la një çast vetëm. I gjithë protokolli ka qenë i kontrolluar deri në hollësi nga Beogradi.

Emri: 11mars02.jpg
Shikimet: 0
Madhësia: 53,6 KB

Emri: 11mars02.jpg
Shikimet: 0
Madhësia: 53,6 KB

Emri: 12mars10beograd.jpg
Shikimet: 0
Madhësia: 54,6 KB

Emri: 11mars05.jpg
Shikimet: 0
Madhësia: 42,3 KB

Në thelb tërë vizita ishte një miratim i politikës së deritanishme serbe ndaj shqiptarëve në rajon dhe ishte arritje e madhe diplomatike e Serbisë, ku MPJ i Shqipërisë bëri ç'deshi Beogradi, tha ç'deshi Beogradi. Dhe fakti që tërë këtë copa e mishit me dy sy e paraqiti si arritje të vetën, na sjell vetëm në një përfundim.

17.3.2010, 05:28

Citim:

Majko: Meta në Serbi, vizitë e gabuar në moment të gabuar

Me vizitën e tij në Serbi, ministri i Jashtëm shqiptar Ilir Meta i shërbeu interesave serbe në një moment të rëndësishëm për fatet e Kosovës thotë ish kryeministri Pandeli Majko. Vizita e gabuar në momentin e gabuar e quajti Majko.

“Kjo vizitë e gabuar në kohën e gabuar në thelb i shërben Beogradit. Aktualisht Shqipëria nga kjo vizitë nuk ka fituar asnjë gjë. Kjo është vizitë e gabuar, në kohë të gabuar. Në një mënyrë a në një tjetër e ka ndihmuar Beogradin, të paktën në perceptim të shfaqet si një qendër e rëndësishme përsëri e vendimmarrjes ballkanike. Kjo vizitë e gabuar, në kohë të gabuar realisht krijon telashe, probleme, keqintepretim dhe një perceptim negativ. Unë jam i bindur jo vetëm brenda Shqipërisë po dhe jashtë asaj. Serbia pas kësaj vizite bëhet dhe më e besueshme në qëndrimin e ashpër karshi Kosovës. Merr një fizionomi dhe më rajonale duke e përdorur këtë mbikalim që diplomacia shqiptare i bën Kosovës”, tha Pandeli Majko.

Për vizitën e Metës në Serbi, Majko sheh me dyshim trajtimin e Kosovës si një cështje të thjeshtë, ndërsa njëkohësisht tha ai na del në pah një minoritet serb i paqenë ndonjëherë në Shqipëri.

“Për fat të keq, diplomacia shqiptare cështjen e Kosovës dhe gjatë kësaj vizite e ka trajtuar si një cështje ku palët nuk bien dakord, a thua se cështja e Kosovës është si cështja e emrit të Maqedonisë në marrëdhëniet me Greqinë. Me një naivitet politik hapen diskutime që kanë të bëjnë me cështjen e ekzistencës së një minoriteti serb në Shqipëri. Minoritet serb nuk ka pasur dhe nuk mund të ketë. Mund të jetë një gango që ka ardhur e po bën namin këtu, dhe që emrin e ka Fazllic”, vijon Majko.

Ish kryeministri vërejti sjelljen inferiore të ministrit të Jashtëm Ilir Metës në Serbi, i cili fliste për të ardhmen e Ballkanit në Europën e Bashkuar, ndërkohë që serbët vazhdojnë t’i qëndrojnë agresive në interesin e tyre kombëtar.

“Ideja se kjo është një diplomaci që na con drejt Brukselit, se do të uli tensionet, se do të shmangi një përplasje në vazhdim brenda Kosovës...ai që e njeh politikën serbe, e kupton politikën serbe e di shumë mirë se nëse do të duhet respektuar në një gjë politika serbe nuk janë mënyra se si ajo të ofron protokollin për të pritur kur ka interes dhe nevojë. është politikë e Beogradit që pranon që Kosova të mos jetë në asnjë tavolinë, në mes të Tiranës, delegacioni i Serbisë u largua kur ministri i Kosovës morri fjalën”, përfundon Majko.

http://www.alsat.tv/lajme-nga-vendi/...te-gabuar.html

Citim:

Emocionet e Metës dhe vallja e Luginës!?
Fehmi Ramadani

Gjatë vizitës së tij të fundit në Beograd dhe Luginë të Preshevës, kryediplomati shqiptar Ilir Meta ishte emocionuar tej mase, së pari nga mikrpritja serbe, sa që nga emocionet e mëdha presidentin serb Boris Tadiq e kishte përshëndetur me dy duar, sikur ky të ishte nikoqir.

Ndërsa, në Luginë të Preshevës, përkatesisht në Bujanoc, po nga këto emocione ishte detyruar të futet në valle me bashkëkombasit e vet për të kërcyer “hajde mori shote, shote mashalla”, dhe kështu kishte krijuar një imazh shumë pozitiv për Beogradin para opinionit ndërkombëtar.

Ky burrështetas, në vend që të kishte emocione ndaj politikës diskriminuese dhe shumë dashakeqe serbe, si për Kosovën, Shqipërinë dhe shqiptarët e Luginës, qëndrimi i tij ishte i “moderuar, tolerant dhe vizionar për raportet e e dyanshme për të ardhmen”.

Sipas Ilir Metës, Beogradi është faktor kyç në rajon, por edhe për Shqipërinë dhe shqiptarët, andaj me Beogradin gjithmonë duhet pasur kujdesë dhe kultivuar marrëdhënie të mira.

Ky diplomat, në vend që Beogradit t’i shtrojë kërkesa të qarta, sidomos për arsyet e mospranimit të pavarësisë së Kosovës, gjendjes së vështirë të shqiptarëve të Luginës dhe braktisjes së politkës diskriminuese ndaj tyre dhe plotësimin e kërkesacve të tyre individuale e kolektive, ai kishte shfaqur qëndrime shumë të buta dhe moderne dhe kështu Beogradit, sikur nuk i kishte lënë kurrfarë mbresa.

Emocient e Ilir Metës duhet të ishin më të theksuara ndaj Beogradit, për shkaqe të eksodit të fundit të bashkëkombasve të tij, të cilët vetëm për dy muajt e fundit kishin braktisur vendin rreth 10.000 shqiptarë. Qëndrimi i tij inferior, sidomos ndaj shtetit të Kosovës tregon qartë se politika e tij e jashtme është e dobët, jo e konsoliduar, e paaftë dhe defansive në metodë dhe strategji, sidomos karshi politikës shume ofensive, agresive dhe të pabesë serbe.

Nga vizita e tij në Beograd dhe Luginë u pa se diplomacia shqiptare vuan nga shkolla e vjetër e tipit monist inferior, servilizmit, përkuljes dhe zhvlerësimit, sidomos ndaj të huajve, veçmas ndaj diplomacisë serbe. Ndërsa, politika serbe nuk ka ndryshuar ndaj shqiptarëve dhe me besnikëri i përmbahen Planit të “Naçertanjes” së Garashaninit të gjitha regjimet serbe.

Një skenarë të tillë politika serbe ia kishte përgatitur në Bujanoc duke e pritur Ilir Metën me valle dhe këngë shqiptare, kjo të përkujton pritjen dhe vajtjen e diktatorit shokut Tito, i cili sa herë që kalonte këtu pari dhe shkonte për në Shkup përcillej me valle dhe këngë popullore. Por, puna këtu nuk ishte për të vallëzuar e kënduar, por për të qarë e vajtuar, sepse popullata e Luginës sot është popullsia më e diskriminuara në këtë shtet të Evropës.

Ndërsa, pak ditë më herët nga Lugina kishin ikur hiq më pak se 10.000 shqiptarë për në shtetet e Evropës perëndimore, kurse Beogradi nuk kishte ndërmarrë asgjë në përmirësimin e kushteve të jetës së tyre. Ilir Meta duhej ta dinte se që nga viti 1999 nga Lugina janë larguar rreth 30.000 shqiptarë dhe kurrë nuk janë kthyer më. Ilir Meta duhet ta dinte se, sot Lugina është shndërruar në një zonë totale militariste dhe pasiguria për banorët e saj është fenomen i përditshëm.

Ky diplomat duhet të dinte, pse Lugina e Preshevës është rajoni më i pazhvilluar në Serbi? Pse ky popull është më i varfur dhe më i papunë në këtë shtet? Cilat janë shkaqet e vërteta të eksodit të tij nëpër vendet e Evropës perëndimore? Ilir Meta duhej të derdhte lot dhe t’i vinte keq për tragjedinë dhe gjendjen e mjerueshme të këtij populli dhe të kërkonte nga Beogradi përgjigjen për një gjendje të tillë!

Meqë, politika e jashtme shqiptare kishte prioritet kombëtar interesimin për bashkëkombasëve të vet jashtë kufinjve administrativ, atëherë shtrohet pyetja, pse Ilir Meta nuk shkoi në Likovë dhe Kumanovë të Maqedonisë, këto vendbanime shqiptare, të cilët po përjetojnë po eksod të tillë dhe mjerim ekonomik dhe të njoftohet drejtpërdrejt me gjendjen e tyre reale?

Duhet përkujtuar Ilir Metës se Presheva deri në Likovë është jo më larg se 10 km, ndërsa Kumanova ka rreth 18 km! Janë një rajon me shumicë shqiptare, flasin një gjuhë, kanë një kulturë, zakone të përbashkëta, janë në farfisni të gjerë nga Bujanoci e deri në Shkup. Por, si duket Ilir Metës më shumë i kishte pëlqyer rakija “Shlivovica”, se sa të kalonte një natë me bashkëkombasit e vet në Luginë, apo Likovë e Kumanovë.

Përfundimisht, politika shqiptare, përkatësisht diplomacia e saj duhet të ndryshojë rrënjësisht, si në shkollën e saj, strategji, por edhe të freskohet me kuadro të reja, sepse vetëm kuadrot e reja në politikën shqiptare janë më të përgatitur që të përballen me sfidat kombëtare dhe rrjedhat e saj ndërkombëtare.

Andaj, zëvendësimi i diplomacisë miope e servile shqiptare me një politike autoktone shqiptare, të fortë, ofensive dhe aktive do të ishte më frytdhënëse dhe me perspektivë për të ardhmen e popullit shqiptarë.

http://bujanoci.net/?p=1266

Citim:

I polli mushka Ilir Metës në Beograd
Doc.sci. Gani Asllani

Vizita dy ditore e zv/kryeministrit dhe ministrit të Jashtëm të Republikës së Shqipërisë Ilir Meta në Beograd, na solli qartazi përpara syve tanë bërthamën e politikës shqiptare në raport me fqinjët.

Kjo vizitë që ishte edhe strumbullari i aktiviteteve politike të zotërisë Meta qysh se ka rimarrë detyrën e shefit të diplomacisë shqiptare, na solli parasysh veçoritë specifike të diplomacisë së Tiranës në raport me botën por edhe me njerëzit e brumit të vet, pra shqiptarët e Kosovës dhe Luginës së Preshevës.

Megjithëse personalisht zotëri Meta, dhe ndonjë nga këshilltarët e tij e cilësuan këtë vizitë si shumë të suksesshme, në mendimin tim personal, profesional dhe akademik, jo vetëm që ishte e gabuar, por kjo vizitë do ti hapë edhe telashe në të ardhmen Republikës së Shqipërisë.

Zotëri Meta, shkoi në Beograd në cilësinë e një ministri fuqiplotë të një shteti sovran, por u soll përpara pritësve të tij, si një këshilltarë i një komune të harruar në kohë jashtë kontinentit tonë. Takimi me presidentin Tadic, ishte një përunjësi e pa cipë e një shqiptari i cili i shtrëngoi dorën presidentit të një shteti kriminel, fajtor për katër luftëra gjakatare gjatë një dekadë, i cili as që ka kërkuar ndjesë, e as që e përfillë ekzistencën e popullit shqiptar në Kosovë dhe Luginën e Preshevës.

Deklaratat e zotëri Metës për integrime euroatlantike të Shqipërisë dhe Serbisë tingëllonin si tentim për të vajosur një ide shumë të ndryshkur në Beograd, sepse Serbia vet akoma nuk është përcaktuar qartazi se a do të ofrohet me BE-në apo Rusinë, dhe këshillat e Ilir Metës dukeshin sikur fjalë të pa kripë.

Zotëri Meta, e para e punës gaboj edhe në orientimin e tij gjeografik. Aj e quajti disa herë Serbinë shtet fqinjë, kur dihet se qysh pas shkëputjes së Kosovës nga Serbia, tashmë Shqipëria nuk ndan as edhe një centimetër kufi me Serbinë.

Përunjësia e ministrit të Jashtëm shqiptar u tregua edhe me rastin e pyetjes së gazetarëve për Kosovën, temë që ai u mundua ta shmang me çdo kusht. Zotëri Meta foli për Kosovën në veten e tretë, pra sikur të ishte një çështje që i përket një konstelacioni tjetër të universit politik. Ai nuk mori guximin e diplomatit që t’i thotë Tadicit se Kosova duhet të njihet edhe nga Serbia nëse duam që rajoni njëmend të përparojë, ose nuk e gjeti guximin e homologut të tij Francez dr.Kushner, i cili vetëm para pak javësh ia tha jo vetëm presidentit, por edhe gjithë popullit serb, se Kosova është shtet dhe ky realitet nuk zhbëhet.

Sa i përket problemit të Luginës së Preshevës, zotëri Meta prapë me lajka nga më të ndryshmet, sillej si kameleon, duke mos gjetur guximin që t’u thotë autoriteteve serbe se vërshimi i shqiptarëve vendas të këtyre trojeve autoktone shqiptare drejt perëndimit javëve të fundit, është si pasojë e diskriminimit ekonomik dhe shkombëtarizimit sistematik të tyre që Serbia po bën me dekada me radhë. Pse për shembull zotëri Meta, nuk kërkoi investime të njëjta nga qeveria e Serbisë për komunat e Preshevës, Bujanocit dhe Mjaltëzës (Medvegjës) sikur që ndodhin me komunat e përafërta me banorë me to?

Sa për ilustrim, buxheti i sivjetmë i komunës së Vlasotincës, ka marrë 1 miliard e 300 milion dinarë investime nga qeveria qendrore e Beogradit më shumë sesa Mjaltëza, qytete këto gjeografikisht jo fort larg mes tyre.

Përpos kësaj, zotëri Metës i polli edhe mushka, kur Vuk Jeremic, duke treguar agresivitetin dhe mospërfilljen historike karakterizuese të diplomacisë serbe ndaj Shqipërisë, i nxori edhe minoritet serb në Shqipëri. Jeremic, ndryshe nga Ilir Meta, që s’bëzante fare rreth çështjes së pa zgjidhur shqiptare me fajtor kryesor pikërisht Serbinë, kërkoi “të drejta të pa kufizuara për bashkëkombësit e vet në veriun e Shqipërisë”, dhe as që lëkundi qerpikun nga frika se mos po trazohej Meta apo dikush tjetër nga delegacioni shqiptar kur e bëri këtë deklaratë.

Trajtimi me inferioritet që i bëri diplomacia serbe zotëri Metës, u dëshmua edhe me rastin e vizitës së delegacionit shqiptar në Luginën e Preshevës, kur në vend që Meta të shoqërohej nga homologu i tij Jeremic, si njeriu që edhe zyrtarisht e ka ftuar atë me protokoll në Beograd, atij i dhanë si shoqërues ministrin e Pushtetit vendor, duke neglizhuar nivelin e tij dhe të detyrës që Meta përfaqëson në qeverinë e Shqipërisë .

Dhe çështja e fundit, me sjelljen e tij prej një nxënësi të urtë që i bindet fëmijëve ngucagjinjë, zotëri Meta e çoi lart pozitën e Serbisë në arenën ndërkombëtarë duke e bërë qendër të diplomacisë rajonale, dhe duke quar drejt përdorimit të vizitës së tij nga diplomacia serbe si faktor i hapjes së Serbisë ndaj fqinjëve dhe ndaj botës.

Në studimet e mia të shumta për çështjen shqiptare, vend të rëndësishëm zënë edhe epoka e komunizmit dhe marrëdhëniet mes Shqipërisë dhe Jugosllavisë. Kështu unë para disa muajsh po lexoja një dokument arkivor ku Tito e përçmonte Enver Hoxhën kur ky po vizitonte Beogradin në vitin 1946, duke e quajtur “kalama i politikës, fshatar, langua dhe të pa edukatë”.

Nga sjellja e tyre, gjuha trupore që tregonin, dhe deklaratat që i lëshuan zyrtarisht pas takimeve me Ilir Metën, kam përshtypjen se zyrtarët e Beogradit mes vete kanë pëshpëritur po të njëjtat fjalë si edhe Tito dikur për Enver Hoxhën, në mos më keq bile.

(Autori është pedagog në Fakultetin e Shkencave Politike në Universitetin Glasgow, Britani e Madhe, bashkëpunëtor i Qendrës për Studime të Evropës Lindore në Glasgow, hulumtues shkencor në Universitetin e Varshaves, dhe anëtar korrespondent në Qendrën për Studime Strategjike në Londër)

http://www.telegrafi.com/?id=26&a=2296

17.3.2010, 05:43

Citim:

Meta: Anëtarësimi në BE, utopi pa bashkëpunuar

Tiranë – Ministri i Jashtëm i Shqipërisë, Ilir Meta deklaroi se pa u ndrequr marrëdhëniet midis fqinjësh nuk mund të ketë anëtarësim në Bashkimin Evropian.

“Anëtarësimi në Bashkimin Evropian do të jetë utopi pa përmirësimin e marrëdhënieve ndërmjet Shqipërisë dhe Serbisë, si dhe ndërmjet serbëve e shqiptarëve në tërë rajonin e Ballkanit”, ka deklaruar Meta për gazetën e Beogradit, “Blic”.

Sipas kryediplomatit, Beogradin e kishte vizituar për një qëllim të vetëm: të dy vendet synojnë të bëhen anëtare të BE-së. "Kusht i parë për atë është bashkëpunimi i afërt në rajon", vijoi Meta.

http://www.gazetastart.com/lajm.php?...itike&nr=12561

Citim:

Qeveria shqiptare ka program të veçantë për njohjen e Kosovës

Tiranë, 16 mars 2010 - Kreu i diplomacisë shqiptare Ilir Meta ka deklaruar dje se politika e jashtme dhe deklaratat e tij lidhur me marrëdhëniet e fqinjësisë në rajon janë çështje për njerëz që kuptojnë nga diplomacia dhe jo për ata që nuk kanë asnjë ide në këtë drejtim.

Duke u replikuar deklaratave të deputetit të PS së, Pandeli Majko, i cili tha pak ditë më parë se vizita e ministrit të Jashtëm shqiptar në Serbi e shndërroi çështjen e Kosovës në një problem bilateral, Meta ka sqaruar se në konferencën e përbashkët për shtyp me homologun serb u bë e qartë për të gjithë se dy vendet mbajnë qëndrime totalisht të kundërta për çështjen e Kosovës.

"Natyrisht që unë mund të flas për njerëz që e njohin politikën e jashtme dhe që i kanë konceptet e saj. Absolutisht që thelbi i kësaj vizite ka qenë se pavarësisht ndarjeve thelbësore, marrëdhëniet mes dy vendeve duhet të përparojnë në interes reciprok, në interes të integrimit rajonal, në interes të integrimit evropian", ka thënë Meta.

"Absolutisht e kemi thënë dhe e ritheksojmë se Kosova nuk është një çështje bilaterale mes Serbisë dhe Shqipërisë, sepse asnjëherë nuk ka qenë dhe asnjëherë nuk do të jetë. Njëkohësisht, do të ishte një hipokrizi e madhe po të thuhej se për këtë çështje nuk është diskutuar, sepse për këtë çështje ne diskutojmë me të gjithë, me ata që e pranojnë shtetin e Kosovës, me ata që kanë rezerva dhe me ata që nuk e pranojnë, kjo është detyra e diplomacisë. Kosova ka drejtuesit e saj, ka autoritetet e saj të cilët punojnë në këtë drejtim. Edhe Shqipëria ka angazhimet e saj, të cilat i ka bërë publike dhe të cilat janë në harmoni të plotë dhe me ato objektiva që ka lidershipi i Kosovës".

Ndërsa i pyetur nëse diplomacia shqiptare ka një aksion për të vazhduar njohjen e shtetit të Kosovës nga vendet e tjera. Meta ka thënë se ky është një program i veçantë që vazhdon dhe nuk ka lidhje me këtë vizitë.

http://www.kosova.com/artikulli/60406

Citim:

Meta: Shqipëri- Serbi, çelet një epokë e re bashkëpunimi

Ministri i Jashtëm, Ilir Meta, e ka vlerësuar si të suksesshme vizitën e tij dy ditore në Serbi, vizitë e cila, sipas tij, “do të rrisë më shumë bashkëpunimin mes dy vendeve”.

Këto komente numëri një i diplomacisë shqiptare i bëri gjatë një konferece shtypi të zhvilluar në ambientet e ambasadës shqiptare në beograd në të cilën merrnin pjesë mjaft gazetarë serbë dhe shqiptarë.

“Unë jam shumë i kënaqur për këtë vizitë, sepse mendoj që kemi pasur bisedime konstruktive, në mënyrë të veçantë me presidentin Tadiç, por edhe me kolegë të tjerë. Pavarësisht se gjatë kësaj vizite u nënshkruan vetëm dy marrëveshje, besoj se është hapur rruga për të nënshkruar edhe shumë marrëveshje të tjera shumë shpejt. Shtatë marrëveshje konkrete janë paraqitur nga pala shqiptare. Çdo marrëveshje e paraqitur nga pala serbe do të ishte shumë e mirëpritur nga ne”, ka nënvizuar Meta.

Sipas tij, Shqipëria e shikon Serbinë si një partnere shumë të rëndësishme, jo vetëm në planin e bashkëpunimit dypalësh, por sidomos për bashkëpunimin rajonal, në funksion të stabilitetit dhe paqes në rajonin tonë, sepse kjo është e vetmja mënyrë që të shpejtojmë integrimin evropian të Shqipërisë, Serbisë, dhe vendeve të tjera të rajonit.

Meta shprehu bindjen se marrëdhëniet bilateriale do të përparojnë dhe se bashkëpunimi mes dy vendeve në kuadrin rajonal do të përparojë.

“Ne ndajmë në mënyrë serioze pikëpamje të ndryshme për çështjen e Kosovës, por njëkohësisht ne kemi vendosur që pavarësisht nga këto diferenca thelbësore, të mos e frenojmë dhe ngadalësojmë bashkëpunimin dy palësh, duke besuar që në këtë mënyrë ndihmojmë dhe përmirësimin e mëtejshëm të marrëdhënieve ndëretnike në Kosovë dhe kudo në gjithë rajonin tonë. Pavarësisht nga dallimet thelbësore që kemi për Statusin e Kosovës biem dakord që e ardhmja e saj është në BE dhe kjo është çështje që duhet adresuar në mënyrë konstruktive dhe evropiane. Për Shipërinë dhe qeverinë shqiptare është e nevojshme të çlirojmë sa më shumë energji pozitive dhe të përqëndrohemi drejt se ardhmes”, ka theksuar Meta.

Ministri i Jashtëm ka detajuar me këtë rast edhe qëllimin e vizitës së tij në Serbi. Sipas Metës, Shqipëria dëshiron të bëhet anëtare në Bashkimin Evropian, ashtu sikurse të njëjtën gjë kërkon edhe Serbia. Ai ka nënvizuar se kjo mund të arrihet vetëm në sajë të konsolidimit, fuqizimit të bashkëpunimit dhe marrëdhënieve midis dy shteteve të rajonit.

“Arsyeja e vizitës është shumë e qartë. Unë jam në Beograd sepse ne duam të jemi sa më shpejt në Bruksel, jo si të ftuar, por si anëtar të barabartë të BE. Sikurse ju e dini edhe Serbia kërkon të njëjtën gjë. Kjo natyrisht kërkon në radhë të parë një bashkëpunim të ngushtë rajonal dhe ky bashkëpunim është një utopi pa përmirësimin e vazhdueshëm të marrëdhnënieve Shqipëri- Serbi dhe me gjerë, të shqiptarëve dhe serbëve, dhe akoma më gjerë të shqiptarëve dhe sllavëve në Ballkan. Unë jam i bindur që pavarësisht se marrëdhëniet mund të kishin qenë më dinamike. Besoj se kjo vizitë dhe vizita të tjera të nivelit të lartë midis dy vendeve do të sjellin një progres të shpejtë dhe të padiskutueshëm”, ka argumentuar Meta.

I pyetur nga gazetarët, Meta pranoi se përpara se të vizitonte Serbinë kishte pasur një bisedë telefonike me kryeministrin e Kosovës, Hashim Thaçi.

“Natyrisht që unë kam pasur një bisedë telefonike, thjesht duke bërë të njohur qëllimet e kësaj vizite. Natyrisht që lidershipi atje i mirëkupton këto qëllime, sepse absolutisht që Shqipëria dhe Serbia kanë një rol të pazëvendësueshëm për një pajtim të sinqertë të qëndrueshëm dhe të përhershëm midis shqiptarëve dhe serbëve”, nënvizoi Meta.

Shefi i diplomacisë shqiptare u pyet nga gazetarët edhe për mundësitë e forcimit të marrdhënieve midis Shqipërisë dhe Serbisë, për të cilat ai tha se: Marrëdhëniet ekonomike tregëtare midis Shqipërisë dhe Serbisë nuk janë aty ku ne do të donim, megjithatë janë disa herë më të mira se kur unë vizitova Beogradin shtatë vjet më parë.

Sipas tij, Shqipëria ka marrëdhenie të shkëlqyera me të gjithë vendet e tjera të rajonit dhe bilanci i shkëmbimeve ekonomike apo tregëtare është shumë më i ulët se ai me Serbinë sot.

“Unë besoj se kjo flet për mundësitë ende të paeksploruara dhe të pashfrytëzuara midis dy vendeve. Kjo është arsyeja që Shqipëria ka paraqitur dhe insiston për shumë marrëveshje, të cilat janë konkrete, siç janë ato për transportin apo për heqjen e vizave midis dy vendeve, të cilat do t’i jepnin një hov të ri marrëdhënieve ekonomike dhe tregtare”, sqaroi Meta.

I pyetur nga gazetarët, se si do i komentonte qëndrimet e skeptikëve për këtë epokë të re bashkëpunimi midis dy vendeve, Meta u shpreh se: ka ende skeptikë në Ballkan, por ne nuk kemi ndërmend të udhëhiqemi nga skeptikët, pesimistët apo nga ata që kanë mbetur peng të së kaluarës, qofshin shqiptarë apo serbë.

http://www.gazeta-albania.net/news.php?id=24869

17.3.2010, 21:50

Citim:

Fullani takim me Guvernatorin e Bankës së Serbisë

Guvernatori i Bankës së Serbisë Radovan Jelashic ka qenë në një vizitë dy ditore në Tiranë me ftesë të homologut të tij Ardian Fullani.

Gjatë takimeve që të dy krerët e lartë të bankave patën, është diskutuar për stabilitetin financiar në rajon si dhe bashkërendimi i politikave të ndryshme makroekonomike, për të ndimuar integrimin rajonal në Bashkimin Europian.

Në fjalën e tij Fullani ka deklartuuar se është e domosdoshme thellimi i bashkëpunimit midis të dyja bankave.

http://www.tvklan.tv/lajmi.php?id=9899

Citim:

Shqipëri-Serbi, bashkëpunim mes bankave qendrore

Guvernatori i Bankës së Serbisë, Radovan Jelashic, ka qenë në Shqipëri për një vizitë dyditore, me ftesë të homologut të tij Ardian Fullani. Gjatë takimeve, dy guvernatorët kanë diskutuar për stabilitetin financiar të rajonit, ku është theksuar se bashkërendimi i politikave të ndryshme makroekonomike do të ndihmonte më shumë në integrimin rajonal dhe atë europian.

Në këtë kuadër, dy krerët e lartë të bankave bënë një ekspoze të zhvillimeve më të fundit makreokonomike në vendet përkatëse, duke u fokusuar në sfidat që këto banka qendrore kanë në drejtim të stabilitetit financiar.

Një tjetër pikë e rëndësishme e diskutimit mes guvernatorëve ishte edhe thellimi i bashkëpunimit, ku aktualisht midis dy bankave është duke u zbatuar marrëveshja e bashkëpunimit teknik të nënshkruar gjatë vitit të kaluar, me qëllim shkëmbimin e eksperiencave në fusha të ndryshme të bankingut qendror.

Në kuadër të vizitës zyrtare, guvernatori serb Jelashic mbajti një leksion me temë “E ardhmja do të jetë ndryshe nga e shkuara! Rasti i Serbisë”.

Leksioni u zhvillua në hollin e Bankës së Shqipërisë, ku merrnin pjesë përfaqësues të saj, drejtues të bankave tregtare, staf pedagogjik dhe qendra të ndryshme kërkimore, si dhe përfaqësues të komunitetit të biznesit serb në Shqipëri.

http://www.gazeta-agon.com/mat.php?idm=13039&l=a

Citim:

Serbia kërkon status neutral për Kosovën

Beograd, 17 mars - Komisionari për zgjerim i Bashkimit Evropian, Stefan Fule ka shprehur sot mbështetjen e Komisionit Evropian për procesin e integrimit evropian të Serbisë.

Pas takimit me kryeministrin e Serbisë, Mirko Cvetkoviq, File u tha reporterëve se është biseduar për nevojën që të mbahet lëvizje pozitive në integrimet evropiane të Serbisë.

“Ka shumë sfida dhe detyra në rrugën për në BE, por nëse Serbia është me të vërtetë e vendosur për anëtarësim në BE, Komisioni Evropian është i vendosur që të ndihmojë”, tha Fule në Beograd
Kryeministri Cvetkoviq tha se është biseduar edhe për gjetjen e zgjidhjes teknike që Kosova, në takimet ndërkombëtare, të jetë pjesëmarrëse me status neutral.

http://www.koha.net/index.php?cid=1,17,14980

15.3.2010, 03:58	#97
mesdimr Anëtarësuar: 8.2006	Deklarata të frikshme këto për Luginën. Po përpiqem të kuptoj se ku ndryshojnë nga deklaratat e ministrave serbë. Asnjë reagim i asnjë lloji nuk është kryer nga MPJ për gjendjen e shqiptarëve në Luginë, që e kanë të ndaluar me ligj vendosjen e flamurëve shqiptarë dhe që ambasada shqiptare e vendosi për disa çaste në ndërtesën e komunës për t'i shtuar hipokrizisë. Çfarë iu rrjedh në vena këtyre njerëzve që përfaqësojnë shtetin shqiptar nuk e kam të qartë. Vizita ka qenë përkufizim i inferioritetit nga pala shqiptare dhe kristalizimi i antishqiptarizmit nga të dy palët. Ministri i Jashtëm i Shqipërisë, si institucion, është trajtuar si një jevg i rëndomtë që fshin halet e Beogradit, flamuri shqiptar mungonte kudo, përveç zyrës së Jeremiçit. Dhomat ku MPJ jepte konferenca për shtyp ishin si bodrume, sikur ishte në kohë lufte. Agjentët serbë në Luginë kishin dy ditë që krihnin zonën, në gjithë lëvizjet e tij MPJ është shoqëruar (kontrolluar) hap pas hapi nga Markoviçi që nuk e la një çast vetëm. I gjithë protokolli ka qenë i kontrolluar deri në hollësi nga Beogradi. Në thelb tërë vizita ishte një miratim i politikës së deritanishme serbe ndaj shqiptarëve në rajon dhe ishte arritje e madhe diplomatike e Serbisë, ku MPJ i Shqipërisë bëri ç'deshi Beogradi, tha ç'deshi Beogradi. Dhe fakti që tërë këtë copa e mishit me dy sy e paraqiti si arritje të vetën, na sjell vetëm në një përfundim.

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

12.3.2010, 16:25	#95
mesdimr Anëtarësuar: 8.2006	Copa e mishit me dy sy që është në krye të MPJ, veç të qenit inferior, legjitimitit të kërkesave serbe, legjitimimit të politikës së deritashme serbe ndaj shqiptarëve si dhe asgjësimit të Veriorit në nivel politike të jashtme, sapo shpiku dhe pakicë serbe në Shqipëri! Vëllai i vogël biologjik i Jeremiçit, Meta. Me nder muhabetit, po për "të hyrë në BE" komunistët shqipfolës po lënë bythën...