Anëtarësimi në BE (Bashkim-Vëllazërimi 2014)

18.3.2010, 21:58

Citim:

Ahmeti: Meta në Beograd i shërben fqinjësisë së mirë

Vizita e Ilir Metës në Beograd i shërben fqinjësisë së mirë, paqes dhe stabilitetit të vendeve të Ballkanit Perëndimor. Kështu e velërson Kryetari i Bashkimit Demokratik për Integrim, Ali Ahmeti vizitën e Ministrit të Jashtëm të Shqipërisë, Ilir Meta në Serbi duekshtuar se vendet e Ballkanit Perëndimor duhet të integrohen në Bashkimin Evropian duke lënë pas armiqësitë e vjetra.

“Mendoj që vizita e zotit Meta në Beograd është një kontribut i Shqipërisë në forcimin e raporteve me vendet e rajonit, të Ballkanit perëndimor. Që synim i të gjithëve është që edhe ky rajon më në fund të marrë rrugën e integrimit të plotë si në NATO ashtu edhe në Bashkimin Evropian. Mendoj se me hasmëri shekullore nuk mund të arrihet as paqe, as siguri e s stabilitet”, u shpreh Ali Ahmeti, Kryetar i BDI-së.

Pas vizitës në Beograd, shefi I diplomacisë shqiptare ka zhvilluar një takim me kryetarin e BDI-së, Ali Ahmeti, me të cilin ka biseduar rreth procesit të integrimit të vendeve të rajonit në NATO dhe BE.

“Parimisht për nevojën dhe punët që duhet të realizohen në drejtim të avancimeve të mëtejshme për integrimin e rajonit në NATO dhe Bashkimin Europian. Ka qenë një takim miqësor, sigurisht që kemi biseduar për shumë çështje, kemi biseduar edhe për vizitën që ka realizuar zoti Meta në Serbi, por edhe për një vizitë të mundshme të zotit Meta në Maqedoni. Gjithashtu dëgjova impresionimet të zotit Meta për pritjen që i ka bërë komuniteti shqiptarë në Luginën e Preshevës”, vijoi Ahmeti.

Ministri i Jashtëm i Shqipërisë, Ilir Meta gjatë vizitës së tij në Beograd ka zhvilluar takime me krerët më të lartë të shtetit serb si dhe ka takuar liderët shqiptarë në Luginën e Preshevës..

http://www.alsat.tv/lajme-nga-rajoni...e-se-mire.html

Citim:

Hashim Thaçi: Vizita e Metës në Beograd lehtëson njohjen e Kosovës

Kryeministri i Kosovës, Hashim Thaçi, ka vlerësuar vizitën e ministrit shqiptar të Jashtëm, ilir Meta, në Beograd duke deklaruar se kjo vizitë do të shërbejë për njohje të mëtejshme të shtetit të Kosovës. Gjatë një vizite në Prizren, Thaçi vlerësoi se kjo vizitë paraqet një hap pozitiv për ndërtimin e raporteve fqinjësore dhe stabilitetin në rajon, që do të reflektohet në raportet Serbi - Kosovë.

“Ne duhet të gjithë të angazhohemi për ndërtimin e fqinjësisë së mirë ndërshtetërore, prandaj është një mesazh i mirë për paqen, stabilitetin, bashkëpunimin rajonal dhe mendoj se është një mesazh që Beogradi të ndërtojë raporte të mira me shtetet që e kanë njohur Kosovën shtet të pavarur, sovran dhe demokratik. Është një ndihmesë për Serbinë që më pas ta njohë shtetin e pavarur dhe demokratik të Kosovës...”, - deklaroi Thaçi.

http://www.standard.al/index.php/abi/3817.html

Citim:

Jeremiç falënderon vendet që nuk e kanë njohur Kosovën

Serbia u ka falënderuar vendeve anëtare të Lëvizjes së të Painkuadruarve që kanë refuzuar ta njohin pavarësinë e Kosovës.

Ministri i Jashtëm, Vuk Jeremiç, u tha delegatëve në takimin në Manila të Filipineve se më shumë se 80 % të vendeve anëtare të lëvizjes nuk i kanë njohur “separatistët në Kosovë”.

“Është me rëndësi që ju e mbajtët qëndrimin tuaj parimor, sepse ky rast paraqet precedent të fuqishëm”, tha Jeremiç.

“Është e para herë që Gjykata Ndërkombëtare e Drejtësisë është kërkuar që ta shqyrtojë ligjshmërinë e përpjekjes së njëanshme të një pakice etnike për ta ndarë një shtet anëtar të Kombeve të Bashkuara”, tha shefi i diplomacisë serbe.

Ai tha se konkluzat nga rasti do të kenë pasoja të gjera për bashkësinë ndërkombëtare, përfshirë Lëvizjen e të Painkuadruarve.

“Imagjinoni se sa vende të përfaqësuara në këtë sallë do të prekeshin nga legjitimimi i ndarjes”, tha Jeremiç./rel/

http://www.ina-online.net/Default.as...aebc21598&ln=3

19.3.2010, 21:09

Citim:

Samiti BE-Ballkan rrezikon të dështojë nga qëndrimi i Serbisë

Mosmarrëveshja e Serbisë dhe Kosovës për titullin që do të marrë përfaqësimi i Prishtinës në samitin ballkanik në Bërdo, Slloveni, po rrezikon suksesin e takimit.

Presidenti i Bashkimit Evropian, Herman Van Rompi, është takuar me Kryeministrin e Sllovenisë, Borut Pahor, pasi ky i fundit zhvilloi një vizitë surprizë në Beograd, por pas takimit nuk është dhënë ndonjë njoftim për mediat.

Pahor tha shkurt se “nesër është ditë e re” dhe nuk dha shpjegime se a do të marrë pjesë zoti Rompi në samitin BE-Ballkani, në Bërdo afër Kranjit, më 20 të këtij muaji. Burime nga BE dhe ato sllovene nuk u kanë dhënë gazetarëve informacione se a do të marrë pjesë Rompi në këtë samit apo jo.

Më herët është raportuar se ai ndoshta nuk do të marrë pjesë për shkak të mospajtimeve ndërmjet Kosovës e Serbisë. Ndërkohë të gjitha vendet e kanë konfirmuar pjesëmarrjen e tyre, përfshirë edhe Kosovën, e cila konfirmoi se do të prezantohet si shtet dhe jo nën petkun e UNMIK-ut.

“Kosova do të përfaqësohet në konferencën e Bërdos si shtet i barabartë me vendet tjera”, ka rikonfirmuar zv.Kryeministri Hajredin Kuçi. Serbia insiston që Kosova të përfaqësohet atje në kuadër të UNMIK-ut. Një kërkesë e tillë është hedhur poshtë nga Prishtina zyrtare.

Ndërsa po vazhdojnë përpjekjet diplomatike të Sllovenisë për organizimin dhe përfaqësimin e të gjithë liderëve të rajonit në konferencën e Bërdos, Qeveria e Kosovës përsërit qëndrimin se në këtë takim, Kosova mund të përfaqësohet vetëm si shtet i barabartë me vendet tjera.

Zv.Kryeministri Hajredin Kuçi thotë se ftesa për pjesëmarrje, Kryeministrit Hashim Thaçi i është dërguar në cilësinë e kryeministrit të një shteti sovran dhe në këtë cilësi do të shkohet në Bërdo.

“Kosova do të përfaqësohet si e barabartë kudo në forume ndërkombëtare. Edhe në rastin e takimit të Bërdos, afër Kranjit, jam i bindur se Kryeministri i vendit do ta ketë përfaqësimin e shtetit të Kosovës në mënyrë dinjitoze dhe të barabartë me të gjitha shtetet tjera pjesëmarrëse në atë takim”, thotë Kuçi.

Kryeministri i Sllovenisë, Borut Pahor, gjatë vizitës së tij në Kosovë deklaroi se nuk janë tejkaluar mosmarrëveshjet në lidhje me organizimin e konferencës së liderëve të Ballkanit Perëndimor, në Bërdo afër Kranjit.

Fule: Të gjithë në samit

Komisioneri i BE-së për Zgjerimin, Stephan Fule deklaroi se konferenca, që do të zhvillohet në Slloveni, do të japë mesazhe pozitive dhe se atje duhet të jenë të gjithë liderët e rajonit.

“Konferenca zhvillohet për bashkëpunimin rajonal dhe kjo është arsyeja që përfaqësuesit e të gjitha vendeve të jenë atje”, deklaroi Fule për televizionin serb, “B92”.

“Sipas kritereve të Kopenhagës, bashkëpunimi rajonal dhe marrëdhëniet e mira mes vendeve fqinje janë të një rëndësie të madhe”, shtoi ai.

“BE kërkon ta ndihmojë Serbinë në afrimin drejt Evropës dhe entuziazmi i parë në fund të vitit 2009 dhe në fillim të këtij viti duhet ruajtur”, theksoi komisioneri i Bashkimit Evropian për Zgjerimin, Stephan Fule në vizitën zyrtare në Serbi.

Nga ana e tij, Kryeministri serb ka deklaruar se Kosova duhet të jetë pjesëmarrëse në samit si vend me status neutral.

http://www.panorama.com.al/index.php?id=39392

20.3.2010, 07:36

Citim:

Pse Ilir Meta ia ktheu shpinën Medvegjës?
Dashnim Hebibi

Këto ditë thuajse në të gjitha mediat e shkruara dhe ato elektronike, një ndër temat kryesore të lajmeve, ishte vizita e zv.kryeministrit dhe ministrit të jashtëm shqiptarë z.Ilir Meta, që ia bëri Beogradit, Bujanocit dhe Preshevës, që në fund të vizitës së tij, shkruhej, se Ilir Meta e vizitoi Luginën e Preshevës.

Të flasësh për emërtimin e Luginës së Preshevës, sigurisht, se do na duhej që të shtjellojmë gjerë e gjatë këtë temë, se nga erdhi ky emërtim dhe cili është emri i vërtetë i Preshevës, Medvegjës dhe Bujanocit, por kësaj radhe nuk do të ndalemi për të komentuar shkurtimisht, por do ia lëmë kohës edhe pse disa herë kemi shkruar në disa media për emërtimin origjinal të këtyre trevave shqiptare, që të gjithë e dimë se në çfarë situate është politike, ekonomike dhe sociale është Albania e vogël.

Pas shumë dekadave, këto treva shqiptare, ishin jetime, përjashto disa intelektualë, artistë, që kanë vizituar Preshevën dhe Bujanocin dhe Medvegjën, por politikanë, nuk ka ndodhur, ka pasur, por jo haptas, këto të dhëna i mbështesim nga burimet që i kemi siguruar nga disa liderë shqiptarë. Para ca ditësh në një koment, ngritëm zërin e kujtesës për liderët tanë, që të mos e harrojnë Preshevën, Medvegjën dhe Bujanocin, ishte koment, me rastin e vizitës së presidentit serb që ia bëri Kosovës, vizitë në mes të serbëve.

Medvegja mbeti duke pritur zv.kryeministrin shqiptar

U shkruajt shumë dhe u komentua për këtë vizitë, por nuk pamë dikund që iu kujtua Ilir Metës, se edhe Medvegja është shqiptare. Gjersa në Preshevë pritet dhe vallëzon e në Bujanoc cakërron gotat, medvegjasit humbasin shpresat edhe më shumë për tu kthyer, apo për të mbijetuar në ato toka stërgjyshërore.

Me tu kthyer nga Beogradi, z.Meta, ka pasur pak mundësi të ndalej në Medvegjë dhe të pijë ujë medvegje dhe të niset pastaj për në Bujanoc. Medvegja kreshnike, me ata pak banorë që i ka në ato treva shqiptare, do ta kishin pritur me zemër të hapur. Kjo vizitë do të ishte shumë historike për medvegjasit dhe shumë kuptimplote.

Nëse Medvegja harrohet nga liderët tanë, atëherë çka presim...

Më mirë do ishte të vizitohet Medvegja dhe ti thuhet qeverisë serbe, se ku janë medvegjasit, pse janë shpërngulur medvegjasit, pse nuk ka zhvillim ekonomik në Medvegjë, pse është përplot me ushtarë e kazerma të ushtrisë ky vend, e pse maltretohen qytetarët e saj e kështu me radhë.

Presheva dhe Bujanoci janë në një gjendje tjetër, edhe pse është e lidhur me një nyje gardiane, ajo i përballon këtyre stuhive, për arsye të njohura, por Medvegja, ka mbetur jetime dhe po trajtohet si jetime. Gjersa liderët serbë, vizitojnë veriun e Kosovës, duke ditur, se ajo tokë është shqiptare, e vizitojnë fshatra të banuara me serb, për ti dhënë vullnet jete dhe elan shprese, ne harrojmë vetë Medvegjën.

Si janë ndjerë medvegjasit atë ditë

Ndjenjat e medvegjasit, sikur të atyre që janë në Medvegjë, Kosovë apo diasporë, kanë qenë dëshpëruese. Kur medvegjasit, solidarizohen me Kosovën në situata të ndryshme, ku edhe janë solidarizuar me qindra herë, gjithashtu edhe me Shqipërinë, ata po harrohen dhe po trajtohen sikurse të dorës së dytë. Takim historik do të ishte, sikurse të vizitohet Medvegja dhe jo Presheva e Bujanoci.

Medvegja jetime, medvegja e përbuzur dhe e harruar, pret ditë më të mira e medvegjasit, nuk humbin shpresat, ata presin ditë më të mira dhe takime e kujtesa nga liderët tanë, sepse më vonë do të na gjykoj historia.

U komentua dhe do të komentohej pozitivisht dhe diku edhe negativisht kjo vizitë e Ilir Metës, por të shkruhet dhe të ngritet zëri, që liderët tjerë shqiptarë, të vizitojnë Medvegjën, këtë tokë shqiptare, që dita ditës, do ti mbetet në duar të tjerëve, sikurse që jemi mësuar të mësojmë nga historia jonë kombëtare.

E vitet ecin dhe dekadat e shekujt, por realitetin nuk do mundemi ta shtrembërojmë edhe pse historinë e shkruajnë njerëzit, sepse Medvegja është shqiptare dhe duhet të ngremë zërin e ta vizitojmë, të pimë ujë atje e jo t`a lëmë në mëshirën e shitjes së shtëpive dhe truallit.

http://www.telegrafi.com/?id=26&a=2299

mesdimr · 20.3.2010, 08:59

Citim:

Pse Ilir Meta ia ktheu shpinën Medvegjës?

Se lëvizte me protokoll të Beogradit. Duhen parë llogaritë e Metës dhe LSI-së në Zvicër, çfarë luhatje pësuan pas "vizitës".

20.3.2010, 14:20

Citim:

Tadiç nuk do të marrë pjesë në samitin e Sllovenisë

Kosova do të marrë pjesë si e barabartë mes shteteve në samitin e Sllovenise, ku do të diskutohet për problemet e vendeve të Ballkanit Perëndimor.

Kryeministri Hashim Thaçi u nis sot për në Slloveni, për të marrë pjesë në Konferencën rajonale.

Ndërkohe Serbia njoftoi vendimin për të mos marrë pjesë në takim për shkak të pranisë atje të kryeministrit kosovar.

Kjo konferencë është shndërruar kohët e fundit në temë debatesh, pas kushtëzimeve të Serbisë, që Kosova të përfaqësohet nën logon e UNMIK-ut.

Autoritetet e Prishtinës e kanë kundërshtuar këtë kushtëzim, duke thënë se në takime të këtilla, Kosova do të përfaqësohet vetëm si shtet.

http://www.ora-news.com/mat1.php?idm=50736

Citim:

Liderët e Ballkanit mblidhen në Slloveni

Liderët e vendeve të Ballkanit Perëndimor janë mbledhur Bërdo Pri Kranju të Sllovenisë ku po diskutojnë mbi situatën në rajon dhe proceset integruese.

Në Samit është i pranishëm edhe kryeministri Sali Berisha, ai i Kosovës, Hashim Thaçi, në një kohë që mungon Presidenti serb, Boris Tadiç, i cili vendosi të bojkotojë samitin për shkak të pjesëmarrjes së Prishtinës zyrtare.

Në samitin e organizuar nga Kroacia dhe Sllovenia me temë “Së bashku në Bashkimin Europian: Kontributi i Ballkanit Perëndimor për të ardhmen europiane” merr pjesë edhe komisioneri për zgjerim, Stefan Fule.

Qëllimi i kësaj konference të nivelit të lartë është angazhimi për zgjidhjen e problemeve bilaterale si dhe ndihma e bashkëpunimi mes vendeve të rajonit në kuadër të proceseve integrues në bllokun 27-anëtarësh.

http://www.tvklan.tv/lajmi.php?id=9955

Citim:

Fjala e Kryeministrit Thaçi në takimin me liderë të rajonit në Bërdo, Slloveni

Fjala e kryeministrit të Republikës së Kosovës, Hashim Thaçi, mbajtur në sesionin plenar të konferencës “Bashkë në Unionin Evropian – Kontributi i Ballkanit Perëndimor për Perspektivën Evropiane”

Të nderuar nikoqirë, znj. Kosor dhe z. Pahor,

Të nderuar përfaqësues të lartë të Bashkimit Evropian,

Të nderuar liderë të shteteve të Ballkanit Perëndimor,

Me lejoni të filloj duke ju përshëndetur në emër të Qeverisë së Republikës së Kosovës dhe të qytetarëve të saj. Është një nder dhe kënaqësi e veçantë të jem këtu në këtë forum shumë të respektuar, në mesin e liderëve të shteteve të rajonit dhe përfaqësuesëve të lartë të Bashkimit Evropian.

Një falenderim i veçantë u takon organizatorëve të këtij takimi, Kryeministres së Republikës së Kroacisë, znj. Jadranka Kosor dhe Kryeministrit të Republikës së Sllovenisë, z. Borut Pahor. Iniciativa e juaj është shumë e çmueshme dhe jemi këtu me bindjen se ky takim do të ndikojë në fillimin e një kapitulli të ri të bashkëpunimit rajonal dhe bilateral ndërmjet shteteve të Ballkanit Perëndimor.

Më lejoni në fillim të ju njoftoj se deri sot, Republika e Kosovës është njohur nga 65 vende të botës dhe është pranuar si anëtare në Fondin Monetar Ndërkombëtar, si dhe në Bankën Botërore. Jemi duke punuar që së shpejti të anëtarësohemi edhe në Bankën Evropiane për Rindërtim dhe Zhvillim. Me ndihmën edhe të partnerëve tanë ndërkombëtar në Kosovë, jemi duke implementuar Kushtetutën tonë moderne, të bazuar në Propozimin Gjithpërfshirës të Presidentit Ahtisaari.

Siç e dini, në fund të vitit të kaluar, ne organizuam zgjedhjet e para të lira në Kosovën e pavarur. Ky proces zgjedhor dëshmoi se institucionet dhe qytetarët e Kosovës mund të realizojnë zgjedhje të lira, demokratike, të drejta dhe të pranueshme. Shtete të shumta dhe vëzhguesit ndërkombëtarë, me të drejtë kanë vlerësuar se këto zgjedhje i kanë përmbushur standardet ndërkombëtare.

Shqiptarët, serbët dhe komunitetet e tjera votuan dhe i zgjodhën përfaqësuesit e tyre legjitim, dhe, si rezultat i këtyre zgjedhjeve, u krijuan edhe tri komuna të reja me shumicë serbe – Komuna e Graçanicës, e Kllokotit dhe e Ranillugut. Këto komuna tanimë kanë filluar funksionimin e tyre efikas me mbështetjen e plotë dhe të gjithëanshme të Qeverisë së Republikës së Kosovës dhe të partnerëve tanë ndërkombëtare.

Si çdo vend demokratik, në këto zgjedhje synuam pjesëmarrjen e të gjithë qytetarëve tanë, dhe ne këtë e kemi arritur me pjesëmarrjen më të madhe ndonjëherë të komunitetit serb të Kosovës, të cilët përmes pjesëmarrjes në këtë proces demokratik dërguan një mesazh të qartë: mesazhin e zhvillimit demokratik dhe të jetës më të mirë në kuadër të sistemit juridik dhe politik të Republikës së Kosovës.

Përkundër suksesit evident në pjesën më të madhe të Kosovës, serbët në pjesën veriore të vendit ende janë peng të ndikimit dezintegrues të Beogradit zyrtar dhe të individëvë të caktuar, apo të të ashtuquajturave “struktura paralele”.

Për të tejkaluar këtë situatë, Qeveria që unë drejtoj, së bashku me Zyren Civile Ndërkombëtare ka hartuar një qasje gjithëpërfshirëse për të vendosur legjitimitetin institucional edhe në këtë pjesë të vendit, gjithnjë në funksion të përmirësimit të mirëqenies së qytetarëve tanë në veri, si në kuptimin social dhe ekonomik, ashtu edhe në atë legal dhe politik.

Të nderuar zonja dhe zotrinj,

Në dy vitet e pavarësisë së saj, Republika e Kosovës ka shënuar arritje në shumë fusha, por pa dyshim që si shtet i ri, ballafaqohet edhe me sfida të shumta. Këto sfida, që paraqesin edhe prioritetet e Qeverisë që unë drejtoj, janë theksuar edhe në Raportin e Progresit për Kosovën të vitit 2009 nga Komisioni Evropian dhe institucionet tona tashmë kanë koncentruar resurset e nevojshme me qëllim të tejkalimit të këtyre sfidave dhe përbushjes së kritereve dhe standardeve demokratike për integrim evropian.

Ne e mirëpresim qëndrimin e qartë dhe të theksuar në vazhdimësi nga përfaqësuesit e Bashkimit Evropian se Kosova, njejtë si i gjithë rajoni, ka perspektivë evropiane dhe se e ardhmja e saj është në familjen evropiane. Kjo është bërë e qartë edhe në Studimin për Kosovën, të publikuar vitin e kaluar nga Komisioni Evropian, që i ka hapur vendit tim perspektivën e sigurt për marrëdhënie tregtare me Bashkimin Evropian, për liberalizimin e vizave, si dhe për dialogun në procesin e Stabilizim – Asocimit.

Ne tashmë kemi pranuar pyetësorin për marrëdhënie tregtare me Bashkimin Evropian dhe presim që shumë shpejtë të marrim edhe udhërrëfyesin për liberalizimin e vizave, deri sa jemi të përqëndruar fuqishëm në dialogun për procesin e Stabilizim-Asocimit. Kosova dhe populli i saj e ka synim të qartë anëtarësimin në Bashkimin Evropian dhe në NATO, prandaj besojmë që përparimi i Kosovës në procesin e integrimeve Evropiane dhe Euro-atlantike do ta shpërblejë këtë vullnet të qytetarëve tanë.

Në këtë drejtim, duke mirëpritur hyrjen në fuqi të Traktatit të Lisbonës, ne besojmë se Bashkimi Evropian duhet të vazhdojë të mbajë derën e hapur për anëtarësim për të gjitha shtetet e Ballkanit Perëndimor, meqë procesi integrues është nxitja më efikase për thellimin e reformave të nevojshme dhe për arritjen e kushteve dhe kërkesave të Kritereve të Kopenhagës dhe të Procesit të Stabilizim – Asocimit.

Edhe procesi i liberalizimit të vizave për të gjitha vendet e rajonit tonë duhet të vazhdojë dhe përveç si një proces teknik i arritjes së standardeve të kërkuara, duhet të shihet edhe nga perspektiva humane e lirisë së lëvizjes dhe ofrimit të mundësive të reja për qytetarët e shteteve tona. Por, po ashtu, ne besojmë se ky proces nuk duhet të jetë politik apo të politizohet në çfarëdo mënyre.

Të nderuar pjesëmarrës, zonja dhe zotrinj,

Pjesë e rëndësishme e integrimit është edhe synimi për marrëdhënie të mira fqinjësore. Kosova ka raporte të shkëlqyeshme me Shqipërinë, Maqedoninë dhe Malin e Zi. Ne kemi vendosur marrëdhënie diplomatike në nivel ambasadorësh me Shqipërinë, Maqedoninë dhe së shpejti presim të emërojmë ambasadorët e ndërsjellë edhe me Malin e Zi.

Unë besoj se raportet tona fqinjësore vazhdojnë të dëshmojnë për rajonin tonë, por edhe më gjerë, se pavarësia e Kosovës është faktor i paqes dhe stabilitetit rajonal, duke sjellë edhe më shumë bashkëpunim mes shteteve të Ballkanit Perëndimor. Kosova është e përkushtuar për marrëdhënie të mira me fqinjët, me vendet e Bashkimit Evropian dhe me çdo vend tjetër, si një shtet mik i të gjithëve. Kosova është e gatshme të bashkëpunoj edhe me Serbinë për të gjitha çështjet e interesit të ndërsjellë.

Ne e ritheksojmë edhe këtu vullnetin dhe gatishmërinë tonë për të kontribuar në rritjen e nivelit të komunikimit dhe bashkëpunimit rajonal, me të gjithë dhe pa përjashtime, dhe mbesim me shpresë se takime të kësaj natyre do të mund të organizohen edhe në të ardhmen, gjithmonë në funksion të stabilitetit rajonal, zhvillimit ekonomik dhe integrimit evropian të rajonit tonë.

Ju faleminderit për vëmendjen tuaj.

http://www.botasot.info/?gjuha=0&category=3&id=52601

Citim:

Berisha: Shqiptarët synojnë të rikthehen në familjen evropiane

Sali Berisha

Samiti në Bërdo

Është një kënaqësi e veçantë për mua të marr pjesë sot, në këtë konferencë, e cila zhvillohet në një çast shume të rëndësishëm të zhvillimit të marrëdhënieve të vendeve tona me Bashkimin Europian, por edhe të evoluimit të këtij të fundit pas hyrjes në fuqi të Traktatit të Lisbonës. Ndaj, gjej rastin të falënderoj mikpritësit tanë, kryeministrat Kosor dhe Pahor për ftesën dhe organizimin e shkëlqyer të kësaj ngjarjeje.

Shqipëria përshëndet hyrjen në fuqi të Traktatit të Lisbonës. Ne jemi thellësisht të bindur se ky Traktat do t’i japë një frymëmarrje të re ëndrrës për një Europë të vetme, të bashkuar e të lirë, por do të sjellë, njëkohësisht, një bazë të re ligjore për funksionimin e këtij Unioni dhe një rritje të kapaciteteve integruese të tij për Europën Juglindore.

Gjatë muajve të fundit, rajoni ynë ka hedhur hapa të rëndësishëm përpara, në kuadër të procesit të integrimit në BE e të proceseve të tjera, të lidhura me të, të cilat afrojnë vendet tona në lidhje gjithnjë e më të ngushtë me familjen europiane të vlerave të përbashkëta. U bë propozimi për hapjen e negociatave të anëtarësimit të Maqedonisë në BE dhe u sinjalizua përfundimi i shpejtë i negociatave të anëtarësimit të Kroacisë.

Shqipëria e ka në fuqi Marrëveshjen e Stabilizim-Asociimit me BE-në. Shqipëria, Mali i Zi dhe Serbia kanë paraqitur kërkesën për anëtarësim dhe ndodhen jo shumë larg njëra - tjetrës në procesin e plotësimit të Pyetësorit.

Ndërkohë, janë liberalizuar vizat për Maqedoninë, Serbinë dhe Malin e Zi dhe ne presim që kësaj liste t’i bashkohet së shpejti Shqipëria dhe Bosnjë‑Hercegovina, por edhe Kosova të ketë procesin e saj me një udhërrëfyes konkret.

Ndërkohë, Shqipëria dhe Kroacia u bënë anëtarë të plotë të NATO-s në Samitin e Strasbourg/Kehl-it, në prill 2009, një ngjarje kjo historike për këto dy vende, por edhe mbarë rajonin. Proceset e integrimit në Bashkimin Europian janë shndërruar në udhërrëfyes real dhe shtysë jashtëzakonisht efikase për reforma e për modernizimin e mëtejshëm të vendeve tona.

Ne i konsiderojmë këto reforma jashtëzakonisht dobiprurëse, në radhë të parë, për zhvillimin e vendeve tona e për përmirësimin e standardeve të jetesës së qytetarëve të tyre, ndaj mbështesim përqasjen: “progres i bazuar në performancën individuale”.

Nga ana tjetër, proceset e integrimit në BE dhe në NATO kanë shërbyer si katalizatorë të fuqishëm në promovimin dhe forcimin e bashkëpunimit rajonal e në transformimin rrënjësor që rajoni ynë ka përjetuar gjatë dekadës së fundit, duke u shndërruar gjithnjë e më shumë, në mjedis paqeje e sigurie.

Vendet e rajonit tonë janë të vendosura për të forcuar bashkëpunimin në të gjitha fushat, në kuadrin europian dhe të nismave të sigurisë, por edhe në kuadrin rajonal e atë dypalësh, në interes të paqes e të prosperitetit të secilit vend, si dhe të rajonit, në tërësi.

Në këtë kontekst, jemi mbledhur sot, këtu, për të ripohuar vendosmërinë dhe angazhimin tonë të padiskutueshëm, për të vijuar me procesin e reformave për demokratizim dhe konsolidim të mëtejshëm të standardeve europiane, brenda vendeve tona, por, njëkohësisht, për të demonstruar vullnetin tonë të fuqishëm për ta shndërruar realisht Ballkanin Perëndimor në një rajon, ku mbizotëron fryma europiane e bashkëpunimit të gjithanshëm dhe e përpjekjeve të përbashkëta për integrim e prosperitet.

Gjej rastin të shpreh mirënjohjen ndaj Bashkimit Europian, institucioneve të tij dhe vendeve anëtarë, për mbështetjen e vazhdueshme që i kanë dhënë vendeve tona dhe rajonit, në përgjithësi, në përpjekjet europianizuese. Në veçanti, dëshiroj të shpreh mirënjohjen ndaj presidencës spanjolle për përkushtimin dhe rëndësinë që i ka kushtuar rajonit tonë dhe perspektivës së tij europiane.

Në këtë kontekst, Ministeriali i ardhshëm BE-Ballkani Perëndimor do të jetë një kontribut qartësisht pozitiv, të cilin ne e mbështesim fuqishëm. Shqiptarët besojnë fuqishëm në rikthimin e vendit të tyre në familjen e vlerave të përbashkëta europiane, ndaj janë krenarë që projekti madhor kombëtar i anëtarësimit në BE vijon të mbështetet nga mbi 94 përqind e opinionit publik dhe nga të gjitha forcat politike në vend.

Mbështetur në këtë përkrahje publike, qeveria shqiptare dhe mazhoranca e koalicionit e ndërtoi programin e saj elektoral dhe atë qeverisës për mandatin e dytë, bazuar tërësisht në përparësitë e axhendës së anëtarësimit në BE.

http://www.botasot.info/?gjuha=0&category=20&id=52576

21.3.2010, 09:49

Citim:

Jeremiq: Mbledhja e Bërdos e pasuksesshme

Beograd, 20 mars – Ministri i Jashtëm serb, Vuk Jeremiq, ka vlerësuar se konferenca e sotme e liderëve të vendeve të Ballkanit Perëndimor, e mbajtur në Bërdo të Sllovenisë, nuk ka qenë mirë e organizuar dhe ka qenë e pasuksesshme, kanë raportuar mediat serbe.

Jeremiq në RTV-në e Serbisë ka thënë se konferenca, në të cilën nuk ka marrë pjesë kryetari i Serbisë, Boris Tadiq, për shkak të pjesëmarrjes së kryeministrit të Kosovës, Hashim Thaçit, megjithë përpjekjet, në fund ka pasur efekte nën çdo parashikim”.

“Lufta për ruajtjen e rendit kushtetues, lufta për ruajtjen e tërësisë territoriale ka qenë shumë më e rëndësishme se sa pjesëmarrja në konferencën joformale, dhe për fat të keq, jo të menduar dhe të organizuar mirë. Nuk është ndonjë humbje e madhe që kjo konferencë ishte e pasuksesshme, do të ishte mirë të kishte qenë e suksesshme, por do të ketë raste për këtë”, ka thënë ai, raporton gazeta “Blic”.

Jeremiq ka thënë se ka pasur presione që Serbia të marrë pjesë në konferencën në Bërdo, madje edhe “presione publike dhe të pasjellshme, por ne kemi qëndrim të qartë nga i cili nuk mund të heqim dorë”.

" Ne dëshirojmë marrëdhënie më të mirat të mundshme me të gjithë fqinjët, por Kosova nuk është dhe nuk do të jetë fqinji ynë. Kosova është pjesë përbërëse e Serbisë”, ka thënë Jeremiq.

http://www.koha.net/index.php?cid=1,17,15279

22.3.2010, 06:31

Citim:

Blic: Mediet sllovene fajësojnë BE-në për bojkotin e Tadiqit

Lubjanë, 21 mars – “Mediet sllovene kanë vlerësuar sot se konferenca rajonale në Bërdo afër Kranjit, në të cilën presidenti i Serbisë, Boris Tadiq, nuk erdhi për shkak të mosrespektimit të vendimit të OKB-së, nuk ishte mossukses i organizatorëve, por i BE-së”, shkruan gazeta serbe Blic.

Serbia ka kërkuar që përfaqësuesit e institucioneve të përkohshme të Prishtinës mund të jenë të pranishme në takimin e djeshëm vetëm në pajtim me Rezolutën 1244 të Këshillit të Sigurimit të OKB-së, përkatësisht si Kosova-UNMIK, që organizatorët, Sllovenia dhe Kroacia, nuk pranuan.

Sipas Blicit, gazeta kryesore sllovene “Delo” ka vënë në dukje përpjekjet e mëdha të Pahorit që në mënyrë të pasuksesshme u përpoq që në konferencën rajonale ta sjellë edhe Tadiqin dhe kujtoi se kryeministri slloven për përbërjen joformale të takimit fajësoi BE-në, e jo presidentin e Serbisë.

Pahori për mosardhjen e Tadiqit tregoi shumë mirëkuptim, duke thënë se akoma i ka dyert e hapura për një iniciativë të tillë, por theksoi se konferenca ishte një mundësi e humbur për Evropën, thekson “Delo”.

Gazeta gjithashtu transmetoi paralajmërimin e Pahorit se edhe vetë BE-ja është e ndarë kur është fjala për Kosovën, pasi që disa vende anëtare nuk e kanë njohur pavarësinë e njëanshme të Kosovës, siç ekzistojnë gjithashtu ndarje për shtrirjen e BE-së në Ballkanin Perëndimor.

Kjo është Evropa që e njohim nga situatat e ngjashme në të kaluarën, e cila nuk ka arritur të identifikojë “pikat e kthesës” për gjithë regjionin, e as të vlerësojë se çfarë mundësie i ofron rajoni Evropës, vlerëson “Delo”.

Ndërsa sipas gazetarit të televizionit slloven, Edi Zhitnik, përfaqësuesit e lartë të BE-së nuk erdhën në konferencë pasi që së shpejti, madje në format tjetër, do të mbahet një konferencë tjetër, të përgatitur nga Spanja, e cila është kryesuese e BE-së.

http://www.koha.net/index.php?cid=1,17,15334

mesdimr · 22.3.2010, 06:33

Me pak fjalë konferenca dështoi dhe për karshillëk BE-ja do të zhvillojë konferencë tjetër...

Një Serbi i sjell rrotull tërë sahanlëpirësit e "Ballkanit". Ashtu si një IRJM ka 20 vjet që sjell rrotull Greqinë.

22.3.2010, 18:48

Citim:

"Economist": Lubjana mund t'i hakmerret Beogradit

Londër, 22 mars 2010 - Qeveria e Sllovenisë mund t'i hakmerret Serbisë duke e ngadalësuar afrimin e saj në proceset integruese të BE së, pasi presidenti Boris Tadiq refuzoi të vijë në samitin e liderëve të Ballkanit në Bërdo afër Kranjit, shkruan e përditshmja britanike "Economist".

Gazeta vlerëson se me këtë hap, Tadiq e fitoi betejën, por nuk mund ta fitojë luftën, duke paralajmëruar se në qoftë se Serbia përsëri nuk do të marrë pjesë, atëherë pasojat do të jenë të rënda.

"Economist" shkruan se çështja e pranisë së Kosovës në konferencën në Bërdo afër Kranjit e ka vënë Tadiqin para një zgjedhje të rëndë.

Ai më në fund vendosi se nevojat e brendshme janë më të forta se ato shtetërore, dhe mbeti në shtëpi, pas së cilës u tërhoqën Rompui dhe Moratinos, duke e "minuar samitin në mënyrë fatale", pohon "Economist".

http://www.kosova.com/artikulli/60572

22.3.2010, 18:51

Citim:

Serbia godet sistemin arsimor të Kosovës

Ministria e arsimit e Serbisë ka urdhëruar mësimdhënësit dhe personelin tjetër shkollor të komunitetit serb të Kosovës që të mos vazhdojnë të pranojnë të ardhura nga institucionet e Kosovës.

Sipas një raporti të gazetës beogradase “Politika”, inspektorët arsimor të shtetit serbë kanë nisur këto ditë që, në territorin e Kosovës, të takojnë drejtorët e shkollave, me urdhër që ata dhe personeli tjetër të ndërpresin çfarëdo kontakti me institucionet e Kosovës, përfshirë edhe pagat e tyre.

Në raport përmenden shifra se bëhet fjalë për 60 shkolla fillore, 25 të mesme dhe 10 ente parashkollore.

Në këtë aksion, zyrtarët e shtetit serb po kërkojnë deklarata me shkrim nga të gjithë punonjësit e arsimit të komunitetit serb, se nuk janë duke marrë paga nga Ministria e Arsimit e Republikës së Kosovës. Deri tash, ata kane marrë rregullisht paga nga buxheti i Kosovës, por edhe nga Serbia.

http://www.koha.net/index.php?cid=1,17,15461

23.3.2010, 10:31

Citim:

“Dello”: Evropa i dha porosi të gabuar Serbisë

Presidenti i Këshillit të Evropës Herman van Rompuj, me mosardhjen në konferencën për Ballkanin Perëndimor në Bërdo afër Kranjit, i dha porosi të gabuar Serbisë, vlerëson gazeta “Dello”.

“Me këtë akt me pavetëdije mbështeti Serbinë në bllokimin e saj të plotë komunikues të Kosovës, me atë se ardhjen e tij në Bërdo e kushtëzoi me ardhjen e Tadiqit, Serbinë e ngriti në pozitë të privilegjuar të superfuqisë rajonale, e cila është më e fuqishme se të tjerat”, thekson gazeta.

“Dello” konstaton se Van Rompuj “me paditurinë e tij ndoshta ka dërguar sinjal të gabuar i cili mund të ketë pasoja negative për normalizimin e marrëdhënieve në ballkan” dhe shton se “Beogradi tani ndoshta ka marrë sinjal se në ballkan mund t’i lejojë vetes më shumë se të tjerët”.

Gazeta po ashtu thekson se Boris Tadiq para disa javëve, në takimin me kryeministrin e Sllovenisë dhe Kroacisë, Borut Pahor dhe Jadranka Kosor, u pajtua të ketë takim në të cilin do të jetë edhe Hashim Thaçi, por me kusht të mos ketë kurrfarë shenja ose simbole shtetërore.

“Kur për shkak të situatave të brendshme politike serbe ndërroi mendimin dhe filloi të insistojë që Kosova të përfaqësohet në kuadër të misionit të KB-ve (UNMIK) u bë e qartë se Pahor dhe Kosor kanë shpejtuar për t’i ulur bashkë Thaçin dhe Tadiqin në një tryezë”, vlerëson “Dello”.

Gazeta sllovene, në komentin e sotëm, konstaton se Evropa sërish tregoi se sa pak e interesojnë gjendjet në Ballkanin Perëndimor.

http://www.shqipmedia.com/2010/03/%e...abuar-serbise/

Citim:

Pasojat e obstruksioneve nga Serbia

Zyrtarë kosovarë për integrimet evropiane thonë se obstruksioni i Serbisë karshi Kosovës do t’i kushtojë tërë rajonit në rrugën e tij kah integrimet evropiane. Kosovarët kërkojnë nga Brukseli që të mbajë qëndrim më rigoroz karshi Serbisë.

Nëse Brukseli nuk merr ndonjë qëndrim zyrtar për t’i trajtuar takimet diskutabile rajonale, kosovarët frikësohen se samiti i Bërdos do të përsëritet edhe herëve të tjera.

Serbia refuzoi pjesëmarrjen në samit, për shkak se Kosova nuk u ftua nën ombrellën e UNMIK-ut, duke shkelur kështu një nga kriteret kryesore për integrimin në Bashkimin Evropian - bashkëpunimin rajonal.

Kryetarja e Komisionit Parlamentar për Integrime Evropiane, Zylfije Hundozi (AAK), konsideron se Serbia nuk po e trajton seriozisht procesin e integrimit në BE.

“Serbia vetëm ka treguar edhe një herë kapriçiot e veta në raport me Bashkimin Evropian. Ajo, sjelljet i ka pasur të ngjashme edhe para pavarësisë së Kosovës, por tash ka një presion edhe më të madh”.

“Mirëpo, në këtë rast ka humbur, se kapriçio është kapriçio dhe jo një mënyrë e vërtetë e diplomacisë. U tregua se shtetet e BE-së e përkrahën Kosovën dhe Slloveninë, duke thënë se duhet mbajtur mbledhja, pa marrë parasysh a vjen apo jo Serbia“, thotë Hundozi.

Por, nënkryetari i Komisionit për Integrime Evropiane, Bujar Bukoshi (LDK), mendon se përveç pesë shteteve të BE-së që nuk e kanë njohur Kosovën, ka qarqe të caktuara politike në Bruksel që mbështesin Serbinë.

“Ne po shohim se Brukseli nuk po lëviz në këtë sens, por disa slogane boshe, që, sipas teorisë së Brukselit, Serbia qenka demokratizuar brenda 24 orëve, por po harrohet se mendësia në politikën serbe ka mbetur gati e njëjtë”.

“Edhe sjellja e politikës së jashtme të Serbisë tregon katërçipërisht se po abuzohet edhe me gatishmërinë e BE-së, që ta përfshijë edhe Serbinë në proceset integruese. Janë dy standarde të dyfishta të Brukselit; ne po e shohim edhe me liberalizimin e vizave, me trajtimin e Kosovës, Serbisë”, shprehet Bukoshi.

Pengesat e Serbisë në bashkëpunimin rajonal për shkak të Kosovës, nuk kalojnë pa pasoja. Kosova tashmë po i vuan ato, siç është, ndër të tjera, bllokimi i mallrave të Kosovës nga Serbia dhe Bosnja, në kuadër të Marrëveshjes CEFTA.

Për hir të, siç thuhet, bashkëpunimit rajonal, Kosova nuk i është kundërpërgjigjur me masa të njëjta këtyre dy shteteve. Zylfije Hundozi thotë se është koha që Serbia ta ndryshojë sjelljen e vet karshi Kosovës.

“Serbia duhet ta ndryshojë shpejt sjelljen e vet nëse do që të anëtarësohet në BE dhe kjo i është thënë shumë herë edhe prej zyrtarëve të BE-së. Nëse nuk do, ajo do të mbetet një shtet i izoluar, pa marrë parasysh se është një ndër shtetet më të mëdha në Ballkan”, thotë Hundozi.

Por, në anën tjetër, Bujar Bukoshi alarmon se obstruksioni serb do t’i kushtojë jo vetëm Kosovës, por tërë rajonit. Ndërkaq, më e keqja, sipas Bukoshit, është se Serbia nuk ka kurrfarë vullneti politik për të ndryshuar sjellje.

“Ne po e shohim se sa vullnerabël është shteti i ri i Kosovës, aq më tepër që nuk kemi arritur njohjen më masive ndërkombëtare dhe gjithmonë pozicioni obstruktiv i Serbisë, mungesa e çfarëdo vullneti politik nga Brukseli, që jo vetëm ta ledhatojë Serbinë, por të kërkojë kushte konkrete dhe ta detyrojë atë që të heqë dorë nga obstruksionizmi karshi Kosovës”.

“Ne do t’i vuajmë ato, por pasojat do të jenë multilaterale, jo vetëm për Kosovën dhe Serbinë, por për tërë rajonin, sepse gjithçka do të ndalet dhe nuk do të ketë kurrfarë akselerimi kah BE-ja”, thotë Bukoshi.

http://www.gazetaexpress.com/web/ind.../27208/C4/C13/

Citim:

Kosova dhe Serbia duhet të njihen mes vete

Kosova është e gatshme për pjesëmarrje në të gjitha takimet, ku prezantohet si shtet i pavarur, ndërsa Beogradi me bojkotime e dëmton vetveten, pohon kryeministri i Kosovës Hashim Thaçi, në intervistë për Detusche Wellen

DW: Në takimin në Bërdo afër Kranjit nuk erdhi presidenti i Serbisë Boris Tadiq, për shkak se Kosova u ftua si shtet dhe jo sipas Rezolutës 1244 të KS të OKB-së. Si mund të tejkalohen problemet rreth pjesëmarrjes së Kosovës dhe Serbisë në takimet e këtilla, pasi bashkëpunimi rajonal është një prej kushteve kryesore në rrugën e integrimeve evropiane?

Thaçi: Probleme nuk ka sa i përket Kosovës. Probleme ka Serbia, e cila krejt padrejtësisht dhe jomençurisht po bojkoton këto takime, që tek e fundit po i kthehet si bumerang. Vizioni ynë është bashkëpunimi, ndërtimi i fqnijësisë së mirë, respekti i ndërsjellë dhe perspektiva euroatlantike.

DW: Ju deklaruat para gazetarëve se zgjidhja më e mirë për Prishtinën dhe Beogradin do të ishte njohja bilaterale e Kosovës dhe Serbisë si shtete. Mendoni se kjo është reale?

Thaçi: Mendoj se definitivisht duhet të mirret ky vendim edhe nga Prishtina edhe nga Beogradi, në mënyrë që të ndodhë hapi i rëndësishëm i perspektivës së bashkëpunimit rajonal, fqinjësisë së mirë dhe perspektivës sonë të përbashkët për t'u anëtarësuar në familjen evropiane.

DW: Serbia disa herë ka kërkuar vazhdimin e dialogut me Prishtinën për statusin e Kosovës, ndërkohë që ju jeni për dialog, por vetëm për çështjet konkrete. A është i mundur dialogu mes Kosovës dhe Serbisë në kushte të këtilla?

Thaçi: Këtë çështje Serbia gati e ka harruar e nëse jo, do ta harrojë. Çështja e statusit është e përfunduar në bazë të dokumentit të presidentit Ahtisari, me shpalljen e Kosovës shtet i pavarur dhe sovran. Pavarësia e Kosovës është një proces i pakthyeshëm, një proces i cili tash e tutje ka për synim forcimin e shtetit, demokratizimin, multietnicitetin dhe integrimin në NATO dhe BE.

DW: Jeni ju të gatshëm për pjesëmarrje në takimet e ngjashme, të cilat eventualisht do të organizoheshin edhe në Beograd?

Thaçi: Ne do të marrim pjesë në të gjitha takimet, ku Kosova përfaqësohet si shtet i pavarur dhe sovran, siç do ta ftonim edhe Beogradin që të marrë pjesë në takimet, që do të mbaheshin në Kosovë. Ne duhet t'ia lehtësojmë punën njëri-tjetrit për t'u intergruar e jo ta pengojmë njëri - tjetrin. Është pra një veprim i njëanshëm, jo i qëlluar dhe jo i drejtë i Beogradit, për mosparticipim. Por heret a vonë Beogradi do të bindet për pjesëmarrje.

DW: Qeveria juaj ka hartuar një strategji për veriun e Kosovës. Çfarë ju bën optimist se mund ta realizoni këtë strategji?

Thaçi: Unë jam optimist dhe gjërat kanë filluar të lëvizin. Kemi formuar grupet punuese për sundimin e ligjit, për formimin e komunës së re, por edhe për organizimin e zgjedhjeve të lira në tri komuna në veri të Mitrovicës si dhe për angazhimet socio-ekonomike. Kemi prezencën atje edhe të NATO-s dhe EULEX-it.

DW: A keni njoftime për gatishmërinë më të madhe të serbëve të veriut për pjesëmarrje në proceset, që organizohen nga qeveria e Kosovës, pasi deri tani ato janë bojkotuar prej tyre?

Thaçi: Për mua ishin impresionuese deklarimet e kryeministres së Kroacisë, Jadranka Kosor, e cila tha se ata i inkurajojnë dhe u sugjerojnë kroatëve në Bosnje-Hercegovinë që kryeqyteti i tyre është Sarajeva, se shteti i tyre është Bosnje-Hercegovina dhe se perspektiva e tyre është në këtë shtet. Mendoj se edhe zoti Tadiq duhet të marrë guximin qytetar dhe shtetëror që të dërgojë mesazhe të këtilla edhe për serbët në veri, se kryeqyteti i tyre është Prishtina, shtet i tyre është Kosova dhe perspektiva e tyre është në Kosovë.

DW: Kryeministri i Republikës Serpska, Millorad Dodik këto ditë mbështeti idetë për ndarjen e Kosovës, me qëllim që të ndahen edhe serbët e Bosnje-Hercegovinës....

Thaçi: As nuk do të ketë ndarje të Kosovës, as nuk do të ketë dialog për statusin dhe as nuk do të ketë Dejton. Kosova është shtet i pavarur, sovran dhe i njohur ndërkombëtarisht.

http://www.dw-world.de/dw/article/0,...-4280-xml-mrss

mesdimr · 23.3.2010, 10:33

BE-ja s'e ka fshehur ndonjëherë që na ka për letër higjienike, por a janë të sigurt këta të "Dello"-s se BE-ja e mbështeti Serbinë "me pavetëdije"?...

Citim:

Por, në anën tjetër, Bujar Bukoshi alarmon se obstruksioni serb do t’i kushtojë jo vetëm Kosovës, por tërë rajonit. Ndërkaq, më e keqja, sipas Bukoshit, është se Serbia nuk ka kurrfarë vullneti politik për të ndryshuar sjellje.

Ironia është se Serbia po i mëson karakter gjithë langove të Ballkanit... kurse shqipfolësit në Tiranë e Prishtinë e kudo s'kanë lënë sahan pa lëpirë. Ironia bëhet më e fortë kur mendon se të dy palët nga Nëna Parti e Beogradit kanë dalë.

23.3.2010, 12:02

Citim:

Jeremiq: Serbia kundër anëtarësimit në NATO, shtetit të Kosovës dhe centralizmit të BeH

Beograd, 22 mars – Serbia nuk do të pranojë shtetëzimin e Kosovës, centralizimin e Bosnjës dhe Hercegovinës dhe hyrjen në NATO, edhe pse një pjesë e bashkësisë ndërkombëtare e dëshiron këtë, sepse një zgjidhje e këtillë nuk është demokratike dhe nuk siguron paqe dhe stabilitet afatgjatë, ka deklaruar sot ministri i Jashtëm serb, Vuk Jeremiq, raportojnë mediet serbe.

“Janë një numër analistësh, një numër zërash jashtëzakonisht të fuqishëm në botë, të cilët në Ballkan shikojnë nëpërmjet syzave të krijuara në vitet e 90-ta. Ata thonë se ekzistojnë tri probleme dhe ofrojnë këto zgjidhje: Kosova duhet të shtetëzohet, Bosnja dhe Hercegovina duhet të centralizohen dhe të gjitha vendet e rajonit duhet të futen në NATO”, ka thënë Jeremiq duke shtuar se “udhëheqja demokratike e zgjedhur e Serbisë nuk mund të pajtohet me këtë”, ka transmetuar agjencia Tanjug.

“Nuk mund të pajtohemi me shtetëzimin e Kosovës, nuk mund të përkrahim centralizimin e BeH në kundërshtim me vullnetin e popujve dhe entiteteve dhe Serbia në mënyrë demokratike ka sjellë vendimin që të jetë neutrale ushtarakisht”, tha shefi i diplomacisë serbe para studentëve të Universitetit “Megatrend”.

Jeremiqi tha se prioritet i shtetit të Serbisë mbetet mbrojtja e integritetit territorial të vendit në Kosovë, anëtarësimi i Serbisë në BE, marrëdhëniet e mira ndër fqinjësore në rajon dhe zhvillimi i diplomacisë ekonomike.

“Nuk do të jetë lehtë. Disa nga partnerët tanë kanë të rrënjosur mendime të tjera dhe ne duhet të jemi të matur e të vendosur, dhe në asnjë moment nuk guxojmë që ta heqim nga mendja se cila është linja e jonë e kuqe e ku duam ta shpijmë këtë vend”.

Sipas tij, ky vit është shumë i rëndësishëm në histori dhe Serbia duhet të gjejë vend në politikën multilaterale botërore.

http://www.koha.net/index.php?cid=1,17,15502

24.3.2010, 10:28

Citim:

Serbia nuk njeh Kosovën, kërkon zgjidhje të pranueshme

Serbia nuk do të njohë pavarësinë e Kosovës, por kërkon një zgjidhje të pranueshme për të gjithë. Kështu ka deklaruar në një intervistë për Euronjuz, kryeministri serb, Mirko Svetkoviç, i cili tha se Kosova vazhdon të jetë pjesë e Beogradit. Rrjeti prestigjoz shprehet se pikërisht ky qendrim i qeverisë serbe, vonon rrugën e Serbisë drejt Bashkimit Europian.

Në lidhje me pyetjen se kë do të zgjidhte Serbia, BE apo Kosovën, Zvetkoviç tha se BE nuk i ka kërkuar qeverisë së Tadiç të bëjë një zgjedhje të tillë, megjithatë ai tha se nëse kjo do të ndodhë, do të zgjidhet Kosovën.

Ndërkaq, duke folur gjatë një takimi me studentë në Beograd, ministri i Jashtëm Serb Vuk Jeremiç, tha se pavarësia e Kosovës dhe e Bosnjes, janë thjesht zgjidhje të përkohshme.

http://www.tvklan.tv/lajmi.php?id=9983

Citim:

Serbia pa legjislacionin e BE-së

Serbia është vendi i vetëm në rajon i cili nuk ka marr legjilsacionin e përkthyer të Bashkimit Evropian nga Kroacia.

Kështu shkruan e përditshmja serbe BLIC duke saktësuar se në Bërdo afër Kranjit, Kryeministrja e Kroacisë, Jadranka Kosor i ka dorëzuar homologëve të rajonit 100 mijë faqe të përkthyera dhe 13 mijë akte ligjore nga legjislacioni evropian, pjesë kjo e rëndësishme e integrimit në BE dhe një punë e cila ka marr shumë shumë kohë ndërsa taksapaguesëve kroat u ka kushtuar 8 milionë euro.

Përveç Malit të Zi dhe Bosnjes që dokumentin në gjuhën kroate mund ta përdorin lirshëm në procesin e tyre të integrimit, përkthimin e ka marr Maqedonia, Kosova e madje edhe Shqipëria, ndërsa Kryeministri shqiptar Sali Berisha me këtë rast është shprehur në Bërdo të Sllovenisë: “Bën edhe në gjuhën kroate?!”

Këtë zhvillim në Bërdo të Kranjit, analistët dhe mediat e rajonit e shpjegojnë si përgjigje Serbisë për bojkotimin që i bëri këtij samiti të rëndësishëm për Ballkanin Perëndimor, ku mungesën serbe e shoqëroi edhe ajo e Ministrit spanjoll të Punëve të Jashtme, Migel Anhel Moratinos shteti i të cilit është edhe kryesues i rradhës së Bashkimit Evropian.

Edhe pse i gjithë procesi i dorëzimit të këtij dokumentacioni ka filluar të përfolet që nga viti 2008, pritet që Kroacia t’ia dorëzoj zyrtarisht Serbisë këtë material të përkthyer në Samitin e Sarajevës që pritet të mbahet në muajin qershor, samit për të cilin vet Moratinos tha se do të marr pjesë si Serbia ashtu edhe Kosova, edhe pse për këtë të fundit dihet formula spanjolle, vetëm në siglën “Kosovo - Unmik”.

Ndryshe, për Samitin e kundërshtuar të Bërdos afër Kranjit nga Serbia ka shkruar edhe gazeta londineze “The Economist”. “Me vendimin për të mos marr pjesë në këtë takim, kur u tërhoqën Herman van Rompej dhe Migel Angel Moratinos, Tadiç e fitoi betejen por jo edhe luftën.

Për shkak të këtij përçmimi, qeveria sllovene mund të hakmerret duke ngadalësuar integrimet evropian të Serbisë”, vlerëson gazeta britanike “The Economist”.

http://www.alsat.tv/lajme-nga-rajoni...n-e-be-se.html

mesdimr · 24.3.2010, 10:30

Në çdo lajm që ka ardhur ndonjëherë nga BE-ja ne jemi konsideruar si jugosllavë, dhe që duhet të dimë jugosllavisht, kështu që s'e kuptoj çudinë më lart. Fuere, para pak kohe, a nuk bëri thirrje të mësojnë shqiptarët sllavisht se ndryshe nuk integrohen siç duhet? Mjafton të shikohet çdo dokument pa përjashtim i BE-së.

Dhe vazhdoj ta kem të paqartë se çfarë presin shqiptarët nga hyrja në BE. Çdo pushtet i centralizuar ka për synim asimilimin e pjesëve që thith, dhe kjo nuk është as e fshehtë, është e shprehur kudo. Në këtë centralizim të radhës ne konsiderohemi thjesht një anomali në kuadër të botës sllave (sepse gjysmën e kombit e kemi nëpër regjime sllave) dhe që duhemi zgjidhur me mjete paqësore (se demek "nuk jemi në mesjetë që t'i zhdukim me dhunë") brenda këtij kuadri të sllavëve të jugut, në zonën e tyre të ndikimit dhe në arealin e tyre kulturor e administrativ. Kjo shihet dhe në nivel praktik se nuk ia ka kujt ënda të rrijë të merret me 10 minishtete kur mund t'i tufëzojë në një grup me tipare të përbashkëta... sllave. Thjeshtohen procedurat.

Këto mjetet paqësore me të cilat do zgjidhemi ne si anomali e botës sllave, po na parakalojnë përditë në media dhe po na shiten si gjëja më normale e mundshme kundër së cilës nuk ka pse të dalë kush. Dhe duke parë këtë lloj trajtimi që na ruhet, e pas kaq mijë vjetësh histori e "integrimesh nëpër struktura", i vetmi shpjegim i kësaj "ëndrre shekullore" në gojën e personave publikë është se kushedi çfarë çrregullimi hormonal ka pësuar një pjesë e shqiptarëve.

Shkurt e shqip, atë që s'arriti ta bënte Jugosllavia do të provojnë ta bëjnë nën hyqmin e BE-së që nesër pret të centralizohet në një superstrukturë legjislative dhe ekzekutive mbishtetërore që me kalimin e kohës do i zhdukë shtetet. Këto janë pjesë të teorive gjoja të reja të pushtetit, që vetëm terminologjia dhe metoda "e sofistikuar" e nënshtrimit i dallon nga perandoritë e vjetra. Në thelb është e njëjtja histori bajate që përsëritet për të satën herë, ku në fund të çdo centralizimi ne dalim me më pak njerëz e me më pak territor se me ç'hymë.

Ndërkaq e kundërta duhet të ndodhë, faktorizimi i shqiptarëve në rajon dhe bashkimi i plotë kombëtar para çdo lloj integrimi në cilëndo strukturë. Nuk duhet hedhur asnjë hap "integrimi" pa u shpjeguar me hollësi kushtet dhe pasojat afatshkurtra dhe afatgjata të tij për ekzistencën tonë kombëtare, në rrethanat tona dhe në mjedisin tonë. Përndryshe "integrimi" s'ndryshon nga pushtimi; dhe nëse hyjmë copa-copa në BE, ajo do të jetë dhe perandoria e fundit ku do të hyjmë...

25.3.2010, 15:13

Citim:

Imami: Shqipëria nuk është kundër Serbisë në NATO

Shqipëria është dakord me planin strategjik të NATO-s, për zgjerimin e saj me anëtarë të rinj.

Ministri i Mbrojtjes Arben Imami, gjatë referimit në një konferencë për konceptin e ri të strategjisë që NATO po harton, u shpreh përpara ushtarakëve më të lartë në vend, se Shqipëria nuk do të jetë kundër as për hyrjen e Serbisë në NATO apo edhe të vendeve të tjera të rajonit.

Imami gjate kumtesës në lidhje me planin politik të kësaj strategjie, ka theksuar se Shqipëria është dakord edhe në lidhje me politikat e reja të Aleancës së Atlantikut, në lidhje me Rusine dhe vendet e Amerikës Latine.

http://www.top-channel.tv/artikull.php?id=178863

29.3.2010, 13:57

Citim:

Turk: Nuk ka afate për anëtarësimin e Ballkanit Perëndimor në BE

Presidenti i Sllovenisë, Danillo Turk, ka deklaruar se vendet e Ballkanit Perëndimor do të pranohen në Bashkimin Evropian kur secili të ketë përmbushur kushtet.

"Sllovenia mbështet angazhimet e vendeve kandidate dhe është e gatshme t'i ndihmojë në afrimin e tyre me Bashkimin Evropian", ka thënë Danillo Turk.

Gjithashtu residenti slloven Danillo Turk ka pohuar se nuk ka afate të përcaktuara të pranimit të vendeve të Ballkanit perëndimor në BE.

http://www.ora-news.com/mat1.php?idm=51652

29.3.2010, 14:12

Citim:

Presidenti serb Boris Tadiç do të vizitojë Tiranën

Presidenti i Republikës së Serbisë, Boris Tadiç, do të zhvillojë një vizitë zyrtare në vendin tonë. Edhe pse nuk është bërë e ditur një datë konkrete kur do të bëhet kjo vizitë, mësohet se një gjë e tillë është një ndër pikat prioritare të axhendës së kreut të shtetit serb.

Ky lajm, i cili është bërë publik nga radio serbe me seli në Beograd B92, që në vlerësimet e saj ka konsideruar si historike vizitën në fjalë, pritet të ndodhë më vonë gjatë këtij viti. Takimet që Presidenti Tadiç pritet të ketë me krerët më të lartë të shtetit shqiptar, do të jenë në funksion të bashkëpunimit rajonal dhe forcimit të marrëdhënieve mes Shqipërisë dhe Serbisë.

Kjo vizitë do të kontribuonte në afrimin më shumë të dy vendeve, raportet e të cilave prej shumë vitesh kanë qenë të ngrira dhe tepër të acaruara, për shkak të çështjes së Kosovës. Ardhja e Presidentit serb në vendin tonë do të zhvillohet pas vizitës që zëvendëskryeministri dhe ministri i Punëve të Jashtme të Shqipërisë, Ilir Meta, ka bërë mesin e këtij muaji në Beograd.

Gjatë kësaj vizite, shefi i diplomacisë shqiptare ka zhvilluar një takim kokë më kokë me Tadiçin. Mësohet se një ndër temat e diskutuara ka qenë edhe kjo vizitë e pritshme në Tiranë. Pas kësaj vizite numri dy i Qeverisë shqiptare ka deklaruar se mes dy vendeve do të vazhdojnë shkëmbimet e vizitave zyrtare.

“Shkëmbime vizitash do të ketë në vazhdimësi, në nivelet më të larta dhe natyrisht që Presidenti Tadiç është i mirëpritur të vizitojë Shqipërinë”, ka deklaruar ai.

Por më e rëndësishme për ministrin e Jashtëm është se e vetmja rrugë që dy vendet kanë përpara është rruga e bashkëpunimit. Zyrtarë të lartë të të dy vendeve kanë theksuar se prioritet i politikës së jashtme të dy vendeve është bashkëpunimi, forcimi i marrëdhënieve dhe integrimi në Bashkimin Evropian.

http://www.gazetametropol.com/tekst.php?idt=64905

31.3.2010, 18:22

Citim:

Kushner: Në Kosovë dhe Bosnje nuk duam një Qipro të re

Sarajevë – Ministri i Jashtëm francez, Bernard Kushner e sheh me dyshim anëtarësimin e Bosnje-Hercegovinës dhe Kosovës në Bashkimin Evropian.

"Nuk duam të përsëritet Qiproja, respektivisht në BE të pranohet një vend i ndarë", deklaroi kryediplomati francez për shtypin boshnjak. Kushner ka shtuar se Bashkimi Evropian duhet të jetë këmbëngulës lidhur me Bosnje-Hercegovinën.

Ai i ka bërë këto komente pas takimit të ministrave të Jashtëm të tetë vendeve më të industrializuara në Kanada.

http://www.gazetastart.com/lajme/Hap...qiptare/13356/

31.3.2010, 19:59

Citim:

Greqia të ndryshojë qëndrimin ndaj Kosovës

Greqia duhet ta ndryshojë qëndrimin ndaj shtetit më të ri në botë, Kosovës, të cilin e kanë njohur 22 nga gjithsej 27 vende anëtare të Bashkimit Evropian, ka thënë shefi i diplomacisë maqedonase, Antonio Milloshoski.

Në një deklaratë për media të mërkurën, kreu i diplomacisë maqedonase ka ftuar Athinën zyrtare të ndryshojë qëndrimin e saj ndaj Maqedonisë dhe Kosovës

“Nëse Greqia me të vërtetë dëshiron ta promovojë planin Ballkani Perëndimor 2014, ajo duhet ta ndryshojë qëndrimin e saj ndaj çështjes së integrimeve evropiane të Maqedonisë dhe qëndrimin e saj ndaj shtetit më të ri në këtë rajon, pavarësia e së cilës është njohur nga pjesa më e madhe e vendeve të Bashkimit Evropian, e kjo është Kosova”, ka thënë Milloshoski.

Duke komentuar “incidentin jotolerant militant ekstremist”, sikur i ka quajtur ai thirrjet e ushtarëve grekë anti fqinjëve gjatë një parade në Athinë, Milloshovski theksoi se derisa “flitet për fqinjësi të mirë, promovohen slogane negative dhe emocione”.

http://www.gazetaexpress.com/web/ind.../27814/C4/C13/

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

22.3.2010, 06:33	#108
mesdimr Anëtarësuar: 8.2006	Me pak fjalë konferenca dështoi dhe për karshillëk BE-ja do të zhvillojë konferencë tjetër... Një Serbi i sjell rrotull tërë sahanlëpirësit e "Ballkanit". Ashtu si një IRJM ka 20 vjet që sjell rrotull Greqinë.

24.3.2010, 10:30	#115
mesdimr Anëtarësuar: 8.2006	Në çdo lajm që ka ardhur ndonjëherë nga BE-ja ne jemi konsideruar si jugosllavë, dhe që duhet të dimë jugosllavisht, kështu që s'e kuptoj çudinë më lart. Fuere, para pak kohe, a nuk bëri thirrje të mësojnë shqiptarët sllavisht se ndryshe nuk integrohen siç duhet? Mjafton të shikohet çdo dokument pa përjashtim i BE-së. Dhe vazhdoj ta kem të paqartë se çfarë presin shqiptarët nga hyrja në BE. Çdo pushtet i centralizuar ka për synim asimilimin e pjesëve që thith, dhe kjo nuk është as e fshehtë, është e shprehur kudo. Në këtë centralizim të radhës ne konsiderohemi thjesht një anomali në kuadër të botës sllave (sepse gjysmën e kombit e kemi nëpër regjime sllave) dhe që duhemi zgjidhur me mjete paqësore (se demek "nuk jemi në mesjetë që t'i zhdukim me dhunë") brenda këtij kuadri të sllavëve të jugut, në zonën e tyre të ndikimit dhe në arealin e tyre kulturor e administrativ. Kjo shihet dhe në nivel praktik se nuk ia ka kujt ënda të rrijë të merret me 10 minishtete kur mund t'i tufëzojë në një grup me tipare të përbashkëta... sllave. Thjeshtohen procedurat. Këto mjetet paqësore me të cilat do zgjidhemi ne si anomali e botës sllave, po na parakalojnë përditë në media dhe po na shiten si gjëja më normale e mundshme kundër së cilës nuk ka pse të dalë kush. Dhe duke parë këtë lloj trajtimi që na ruhet, e pas kaq mijë vjetësh histori e "integrimesh nëpër struktura", i vetmi shpjegim i kësaj "ëndrre shekullore" në gojën e personave publikë është se kushedi çfarë çrregullimi hormonal ka pësuar një pjesë e shqiptarëve. Shkurt e shqip, atë që s'arriti ta bënte Jugosllavia do të provojnë ta bëjnë nën hyqmin e BE-së që nesër pret të centralizohet në një superstrukturë legjislative dhe ekzekutive mbishtetërore që me kalimin e kohës do i zhdukë shtetet. Këto janë pjesë të teorive gjoja të reja të pushtetit, që vetëm terminologjia dhe metoda "e sofistikuar" e nënshtrimit i dallon nga perandoritë e vjetra. Në thelb është e njëjtja histori bajate që përsëritet për të satën herë, ku në fund të çdo centralizimi ne dalim me më pak njerëz e me më pak territor se me ç'hymë. Ndërkaq e kundërta duhet të ndodhë, faktorizimi i shqiptarëve në rajon dhe bashkimi i plotë kombëtar para çdo lloj integrimi në cilëndo strukturë. Nuk duhet hedhur asnjë hap "integrimi" pa u shpjeguar me hollësi kushtet dhe pasojat afatshkurtra dhe afatgjata të tij për ekzistencën tonë kombëtare, në rrethanat tona dhe në mjedisin tonë. Përndryshe "integrimi" s'ndryshon nga pushtimi; dhe nëse hyjmë copa-copa në BE, ajo do të jetë dhe perandoria e fundit ku do të hyjmë...