Festa e vjeljes së rrushit në Rahovec

mesdimr · 8.9.2009, 01:10

Citim:

Filloi festa e vjeljes së rrushit “Rahoveci 2009”

Emri: rrush-rahovec.jpg
Shikimet: 27
Madhësia: 73,2 KB

Nën patronatin e presidentit të Kosovës dhe në praninë e ministrit të Bujqësisë dhe strukturave tjera institucionale, sot në Rahovec filloi fushata e vjeljes së rrushit “Rahoveci 2009”. Në ekspozitën e sotme, përvec varieteteve të rrushit dhe produkteve të tij, janë ekspozuar edhe produkte tjera tradicionale të kësaj komune.

“Jemi në një vend të kultivimit të rrushit, ku fermerët e Rahovecit sigurojnë të ardhurat për jetesë nga kjo kulturë shekullore”, kështu tha ministri i Bujqësisë Idriz Vehapi, pasi preu kalaveshin e parë në vreshtat e Rahovecit.

Vit shumë të bereqetshëm për fermerët dhe prodhuesit e veres së Rahovecit, e quajti edhe kryetari i komunës Qazim Qeska, duke theksuar kontributin e Ministrisë së Bujqësisë në komunën e Rahovecit.

Fermerët e Rahovecit i uroj edhe përfaqësuesi i Presidencës duke theksuar se kjo tashmë është bërë traditë e presidencës, ku për herë të parë është mbajtur nën patronatin e presidentit të ndjerë Ibrahim Rugova.

Ndërkaq, përfaqësuesi i Bodrumit të vjetër të prodhimit të verës Nevzat Haxhijaha, në këtë panair, nënvizoi luhatjet e çmimeve që janë bërë dhe po bëhen pengesë për eksportin e prodhimeve të tyre në treg.

E veçanta e këtij panairi, ishte madhësia e një kungulli që peshonte më shumë se 86 kg.

Ndryshe, festa e vjeljes së rrushit në komunën e Rahovecit, ka nisur që në vitin 2003, dhe tash e 6 vjet, kjo festë për rahovecasit është tradicionale.

http://rtv21online.com/home/?section...ls&newsid=3312

8.9.2009, 22:12

Citim:

Rahovec: Fermeri Xhemajl Durmalaj arriti të prodhojë një kungull që peshon 84.6 kg

Një kungull që ka peshuar 84.6 kg, ka qenë e veçanta që ka befasuar të gjithë mysafirët që vizituan të hënën panairin e rrushit, verërave dhe produkteve të tjera tradicionale, të fermerëve të komunës së Rahovecit.

Fermeri Xhemajl Durmalaj ka provuar që në fermën e tij të vogël, të mbjellë një farë kungulli të cilën e ka marre nga Gjermania. Sipas tij, që nga mbirja e deri sa ky varietet i veçantë arriti peshën prej 84. 600 kg, nuk i janë dashur shërbime të veçanta .

Sipas agronomit Shaqir Kryeziu, varietete të tilla mund t’i përshtaten shumë mirë kushteve klimatike që ka vendi ynë, por një vlerë të veçantë në këto raste ka përkushtimi i fermerit për të arritur atë që do.

Edhe viteve të kaluara ka pasur raste të veçanta, sidomos të varieteteve të kungullit, që fermerët kanë provuar të mbjellin me iniciativën e tyre, por nuk kanë arritur këto përmasa të këtij kungulli të Rahovecit, i cili sot tërhoqi vëmendjen e shumë mysafirëve të festës tradicionale të vjeljes së rrushit në këtë komunë.

http://www.rtklive.com/?categoryId=2&newsId=39673

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar