Ohër: Liqeni pasurohet me 300 mijë trofta të reja

11.9.2009, 01:55

Citim:

Liqeni i Ohrit pasurohet me 300 mijë trofta të reja

Gjithsej 300 mijë trofta të reja sot u lëshuan në liqenin e Ohrit. Për këtë nga Ministria e bujqësisë, pylltarisë dhe ekonomisë së ujërave janë ndarë 10 milion denarë. Ministri Lubço Dimovski përkujtoi se organet shtetërore janë të brengosura për gjendjen me troftën dhe belushën në liqe andaj edhe është marrë vendimi për ndalimin e plotë të peshkimit deri më vitin 2014.

Dimovski paralajmëroi se së shpejti do të formohet komiteti dypalësh midis Shqipërisë dhe Maqedonisë, për formimin e të cilit gjatë kohë angazhohen ekologët dhe opinioni profesional .

‘Roli në këtë organ do të jetë përfshirja e institucioneve të palës shqiptare në aksionin tonë dhe pjesëmarrja e tyre aktive në mbrojtjen e troftës së Ohrit në mënyrën e njëjtë sikurse që e bëjmë ne’, theksoi ministri Dimovski.

Ndërkaq, Shqipëria nuk e ka ndaluar peshkimin në pjesën e vet të liqenit, kështu që puna e komitetit nënkupton edhe fillimin e aksioneve të përbashkëta në luftën kundër peshkimit ilegal. Njëkohësisht dy shtetet aktivisht do të përfshihen në pllenimin me trofta dhe belusha të reja. Inspektorët shtetëror megjithatë nuk fshehin faktin se mungon epilogu gjyqësor i rasteve me peshkatarët.

‘Atje ku ka kallëzime kundërvajtëse deri më tash nuk ishim të kënaqur, por shpresojmë se pas bartjes së kompetencave nga ministria e drejtësisë në gjykatat lokale, se efektet do të jenë më të madhe, kurse kallëzimet penale do të procesuohen’, tha Vanço Dimitrievski, inspektor shtetëror i bujqësisë.

Që nga formimi para tre viteve i shërbimi të rojës në anën maqedonase të liqenit të Ohrit janë sekuestruar dhe asgjësuar rreth 10 mijë rrjeta, shumë pajisje peshkimi si dhe varka që janë marrë dhe dorëzuar në gjykata.

http://www.botasot.info/?gjuha=0&category=12&id=30794

14.12.2009, 23:43

Citim:

Mediu dhe Jakupi, hodhën trofta në liqenin e Ohrit

Rreth 30.000 copë trofta të vogla të Ohrit në pjesën maqedonase të liqenit të Ohrit, si dhe 150.000 copë në pjesën e Shqipërisë, i lëshuan në ujërat e liqenit, ministrat e Ambientit të Jetesës të dy vendet fqinje, Nexhati Jakupi dhe Fatmir Mediu.

Kjo është hera e parë që dy funksionarë të lartë të bëjnë një hap të këtillë. Mirëpo, athua ky është një akt i vullnetit të mirë ose vetëm për t'i treguar opinionit se të dy palët kanë një interes për ta mbrojtur popullacionin kaherë të rrezikuar të troftës së Ohrit?

Ministri shqiptar lidhur me faktin se para syve të të gjithëve në Shqipëri po peshkohet dhe asgjësohet trofta, tha se arsyeja ishte statusi social i shumicës së qytetarëve të cilët në shitjen e peshkut kërkonin mënyrën për të ekzistuar.

Ideja për lëshimin e troftave të vogla në liqenin e Ohrit ishte një nismë e ministrit të Ambientit Jetesor të Shqipërisë Fatmir Mediu.

Ndërsa, homologu i tij nga Maqedonia, Nexhati Jakupi, u shpreh: "Unë kam një mesazh të fuqishëm nga ministri në agjendën e tij për Liqenin e Ohrit, kështu që prioritet do të jetë mbrojtja e tij me një theks të veçantë ndaj peshkimit të paligjshëm të troftës së Ohrit, dhe masat e ministrisë së tij dhe Qeverisë shqiptare që do t’i ndërmarrin në periudhën e ardhshme. Ai kërkoi prej meje që t’i ndajmë me ta përvojat tona për sa i përket legjislacionit dhe zbatimin e tyre në praktik".

Dy ministrat paralajmëruan se aksioni për lëshimin e peshqve të vegjël në liqe do të bëhet tradicional.

http://alsat-m.tv/index.php/lajme/vendi/21345.html

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar