Mbi historinë arbërore

vlug

"Burime të zgjedhura për historinë e Shqipërisë" (në dy vëllime, deri në shek XV), ka dalë nën kujdesin e Universiteti shtetëror i Tiranës/ Instituti i Historisë dhe i Gjuhësisë. 1962.

"Bujqësia në Arbërinë e shek. XIII-XVII" e Prof.dr. Spiro Shkurtit, Akademia e Shkencave / Instituti i Kulturës Popullore, Tiranë 2004. Kushton 300 lekë. Vepra është një pasqyrë e hollësishme e situatës në të cilën ndodhej bujku shqiptar në atë kohë.


P.s. Për libra që janë botime të viteve të kaluara dhe që nuk dalin më, ofroj ndihmën time që çdokush me dëshirë për t'i pasur, t'i krijohet mundësia.

vlug

Nga Shkëlzen Raça. Kjo është një monografi që shpjegon arsyet e shpërnguljes së arbërve, situatën, rrethanat. Autori studion mbijetesën e toponimeve shqiptare në Greqi dhe arvanitasit e mbetur.

Vepra ka dalë në Prishtinë më 2004, në Tiranë nuk besoj se gjendet më.

vlug

"Qytetet e bregdetit shqiptar gjatë sundimit venedikas", nga Luan Malltezi. Dalë na A.Sh.Sh Istituti i Historisë. Tiranë 1988.
Në përgjithësi autori ka përdorur ankesat e popullsisë drejtuar këshillit në Venedik, si burim për punimin e tij.

"Studime për epokën e Skënderbeut", përgatitur nga Selam Pulaha, Luan Malltezi dhe Përparime Huta.
Në katër vëllime (por tre kanë dalë realisht), përbërë nga artikuj shkencorë që prej shek. XIV-XV deri në pushtimin osman, ku ka një llojshmëri punimesh dhe autorësh për çdo pjesë të shoqërisë shqiptare të kohës. Të tre librat janë për tu këshilluar (janë perla) vetëm se është pak e vështirë për t'i gjetur tani.

"Shkrimet Shqipe, në vitet 1332-1850", nga Dhimitër Shuteriqi.
Autori ka renditur në mënyrë kronologjike të gjitha shkrimet shqiptare, nga "Formula e pagëzimit" e deri tek autorët e rilindjes. Aty ka shtuar edhe një analizë e përshkrim të shkurtër për çdo shkrim.*

* Libri edhe pse botim i vjetër (1976) gjendet akoma në treg dhe me çmim të lirë. Po kështu gjenden edhe "Kuvendi i studimeve ilire I-II" dhe shumë tituj të tjerë.