Dokumentar: "Lahutari i fundit"

9.11.2009, 20:19

Citim:

U shfaq premiera e filmit dokumentar "Lahutari i fundit"

Prishtinë, 9 nëntor - Të shtunën në Prishtinë është shfaqur premiera e filmit dokumentar "Lahutari i fundit", një bashkëprodhim i shtëpisë filmike A.S. "Vizioni" dhe Qendrës Kinematografike të Kosovës (QKK).

Regjinë e filmit e ka bërë Sahit Kokolli, kurse skenarin e ka shkruar Dardan Luta, skenar ky që ishte pëzgjedhur nga juria e QKK së në konkursin e vitit 2008, si skenari më i mirë për film dokumentar.

Filmi trajton temën e eposit shqiptar, që është një nga eposet e fundit të gjalla në Evropë. Në qendër të filmit janë rapsodët shqiptarë nga treva e Rugovës që e këndojnë këtë epos duke e shoqëruar me lahutë, e cila konsiderohet vegla më e lashtë kordofone në Evropë.

Në film parqitet Isë Elezi nga Koshutani i Rugovës si një lahutar i përmasave homerike, i cili këndon mbi 20 mijë vargje të eposit shqiptar, kryesisht nga cikli i kreshnikëve, por edhe të epikës historike shqiptare.

Përmes Isë Elezit fimi rrëfen për teknologjianë e këndimit të këtyre këngëve, ndërtimi i tyre, figurat stilistike, lashtësia dhe autenticiteti i tyre. Përndryshe këngët e eposit të kreshnikëve, nga studiuesit janë cilësuar bazë e letërsisë shqipe dhe janë veprat e para të letërsisë fantastike në letrat shqipe. Ndërsa, kompozitori i njohur hungarez Bela Bartok, i quan mbetje të fundit të eposit të vjetër me mijëvjeçarë, që çojnë deri në antikitet në kohën e poemave të Homerit.

Lahutarët shqiptarë kryesisht e kanë punuar vetë instrumentin e lahutës. Teknologjia e punimit të saj është paraqitur në film nga lahutari rugovas Sadik Rama, i cili i punon lahutat, por është edhe njëri nga këngëtarët më të mirë i eposit të kreshnikëve.

I gjithë filmi përshkohet nga peizazhe të mrekullueshme të trevës së Rugovës në kohë vjeshte.

http://www.kosova.com/artikulli/57322

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar