Kukës: Në dhjetor tenderi për HEC-in e Skavicës

30.11.2009, 18:17

Citim:

Skavica, një tjetër hidrocentral i madh në vend

Kukës – Tenderi për hidrocentralin e Skavicës, në lumin Drin do të hidhet gjatë muajit dhjetor, ku në garë janë gjashtë kompani. Megjithëse tenderi është hapur që në vitin 2008, ai është shtyrë, ku shkak duket se është bërë edhe kriza.

Gjashtë kompanite e interesuara janë TGK Skavica srl, nje kompani italiane qe ka pergatitur edhe projektin, “Korea Electric Power Corporation”, STATKRAFT nga Norvegjia, konsorciumi VERBUND KELAG GRUP nga Austria dhe “R.W.E” AG nga Gjermania.

Sipas përllogaritjeve, ndërtimi i këtij hidrocentrali do të kushtojë rreth 800 milion euro, ndërsa mendohet se do të prodhojë pas ndërtimit 1.3-1.8 miliardë kilovatore energji në vit.

E thënë në para, do të thotë se do të nxjerrë 60-80 milionë euro, duke pasur parasysh çmimet aktuale të energjisë që vendi ynë prodhon. Ajo që është më pozitive janë kompanitë në garë, të cilat janë të rëndësishme në tregun evropian të energjisë. Me ndërtimin e këtij hidrocentrali, vendi ynë do të ketë deri 15% energji më shumë.

Ndërtimi i hidrocentralit të Skavicës, pranë fshatit me të njëjtin emër në Kukës, është projektuar gjatë viteve ’80. Atëherë vetëm sa i projektuar dhe u caktua vendondhja, por nuk u investua më tej.

Ekspertët thonë se Skavica është më i rëndësishmi nga të gjitha kontratat e nënshkruara deri tani nga qeveria shqiptare, për shkak të sasisë së energjisë që pritet të prodhohet, si dhe për shkak të rentabilitetit shumë të lartë që pritet të ketë.

Dhënia me konsecion e këtij hidrocentrali, do të bëjë që energjia të shfrytëzohet për rreth 35-vite nga firma ndërtuese dhe vetëm më pas ai do të kthehet në pronë të Shqipërisë.

http://www.gazetastart.com/lajm.php?...onomia&nr=8270

30.1.2010, 19:00

Citim:

Pas dështimit të parë, sërish tender për HEC-in e Skavicës

Ministria e Ekonomisë, Tregtisë dhe Energjetikës pritet të hapë sërish procedurat për zhvillimin e tenderit ndërkombëtar për dhënien me koncesion të hidrocentralit të Skavicës. Kjo pasi tenderi i parë për këtë HEC dështoi, për shkak të mos pjesëmarrjes së kompanive, që kishin shfaqur interes.

Burime nga ky dikaster bëjnë të ditur se në garë për ndërtimin e këtij hidrocentrali ishin gjashtë shoqëri. Bëhet fjalë për shoqëritë "TGK Skavica srl", një kompani italiane që ka përgatitur edhe projektin, "Korea Electric Power Corporation", "Statkraft" nga Norvegjia, konsorciumi "Verbund Kelag Group” nga Austria dhe "R.Ë.E" AG nga Gjermania.

Ministria e Energjetikës bën të ditur se deri në datën e përcaktuar në dokumentet standarde të procedurës konkurruese, pranë Autoritetit Kontraktues nuk u paraqit asnjë ofertues për konkurrim në këtë procedurë konkurruese.

Në këto kushte, Komisioni i Vlerësimit të Ofertave vendosi të shpallë mossuksesin e procedurës konkurruese dhe rishpalljen e saj. Shkaku i mos paraqitjes së kompanive në këtë tender vlerësohet se ka qenë kriza financiare dhe shtrëngimi i kredive nga bankat për investitorët.

Nga hidrocentrali i Skavicës mund të prodhohen rreth 1.3-1.8 miliardë kilovat/orë energji në vit, që ka vlerë tregtare prej rreth 65-80 milionë eurosh, sipas çmimeve aktuale të energjisë së importuar në Shqipëri.

Nëse realizohet, kjo vepër energjetike pritet të rrisë prodhimin e energjisë elektrike në vendin tonë me 10-15 për qind nga niveli aktual.

http://www.gazeta-agon.com/mat.php?idm=12247&l=a

5.2.2010, 00:03

Citim:

Qeveria shqiptare 500 milionë euro për HEC-in e Skavicës

Tiranë, 4 shkurt 2010 - Qeveria shqiptare do të marrë përsipër ndërtimin e Hidrocentralit të Skavicës, i cili do të jetë projekti më i rëndësishëm i kaskadës së Drinit, që do të synojë minimizimin e përmbytjeve si dhe prodhim më të madh të energjisë elektrike.

Kryeministri Sali Berisha e cilësoi Skavicën si mëmën e të gjitha digave të kaskadës, pasi garanton optimizimin e funksionimit të saj.

Ndërtimi i kësaj vepre gjigande publike do të rriste me të paktën 400 megavat prodhimin e energjisë elektrike. Ideja për ndërtimin e Hidrocentralit të Skavicës ka qarkulluar të paktën për 30 vjet.

http://www.kosova.com/artikulli/59411

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar