OSSH, KOSTT kërkojnë rritje çmimi të elektrorrymës

29.10.2009, 17:38

Citim:

Edhe KESH e OST duan rritje të tarifave

Korporata Elektroenergjetike Shqiptare (KESH) i ka dorëzuar Entit Rregullator të Energjisë një kërkesë për rritje të çmimit të energjisë që kjo kompani i shet operatorit të shpërndarjes.

Sipas këtij propozimi, çmimi rritet nga 1,6 në 2,5 lekë për kilovat/orë. Drejtori i KESH, Muharem Stojku, thotë se kjo kërkesë për rritje të çmimit të energjisë ka ardhur pasi ky çmim nuk justifikon shpenzimet për investime.

Pak ditë më parë, edhe Operatorit i Sistemit te Transmetimit të Energjisë Elektrike bëri kërkesë zyrtaret tek ERE për rritje të çmimit nga 0,5 lekë për kilovat/orë në 0.9 lekë për kilovat/orë pa përfshirë Tatimin mbi Vlerën e Shtuar.

Kërkesa për rritjen e çmimit sipas OST-së mbështetet në nevojën për fonde që ka shoqëria në realizimin e investimeve dhe pagesën e kredive. Duket se kërkesa e dy operatorëve, KESH dhe OST, vjen si reaksion zinxhir pas kërkesës së bërë nga Operatori i Sistemit të Shpërndarjes për rritjen e çmimit të energjisë elektrike për konsumatorin final me rreth 20 për qind.

http://www.gazeta-shqip.com/artikull.php?id=74340

Citim:

ERE kërkon nga CEZ planin e investimit

Para se të hyjë në fuqi, propozimi i OSSH-së duhet të miratohet nga Enti Rregullator i Energjisë.

Sikurse është bërë publike prej dy javësh, kërkesa e kompanisë çeke është për rritje mesatare të tarifave deri në 31 për qind, më e larta e propozuar ndonjëherë. Negociatat mes CEZ-it dhe ERE-s pritet të jenë të vështira, me shumë tension dhe të gjata, ku për herë të parë do të shikohet ballafaqimi i shtetit me një kompani private.

Beteja e parë nisi rreth një javë më parë, kur ERE dhe CEZ u përplasën për nivelin e humbjes në rrjet të energjisë elektrike.

Vendimi për t‘i kërkuar OSSH-së planin e investimit për vitin 2010, është marrë nga Enti Rregullator i Energjisë më 15 shtator, rreth dy javë para se CEZ të aplikonte për rritje të çmimit të dritave. Sipas vendimit të marrë nga ERE, "plani i investimeve duhet të hartohet në mënyrë që të sigurojë efektivitet të lartë dhe kosto të ulët".

Pra, Enti i lëshon mesazh të qartë CEZ-it, duke e paralajmëruar se investimet duhet të jenë të justifikuara dhe me kosto të ulët, pasi sa më të larta të jenë shpenzimet e OSSH-së, aq më e justifikuar bëhet kërkesa për rritje të çmimit të dritave, me pretekstin se po investohet në rrjet etj.

Rregullorja e re ka të bëjë me të gjithë operatorët që janë në tregun energjetik, si prodhuesit, shpërndarësit dhe transmetuesit, të cilët në datën 30 qershor të çdo viti duhet të paraqesin planin e investimit. Por, duke qenë se në këtë kohë kanë aplikuar për rritje tarife, si OSSH ashtu dhe KESH e OST, Enti Rregullator u detyrua të bënte përjashtim, duke e kërkuar planin brenda periudhës kur do të vendoset për ndryshim çmimi, që përkon deri më 15 dhjetor 2009.

Në planin e investimit subjektet duhet të paraqesin listën e objekteve ku do të ndërhyhet.

Familjet shqiptare pritet të përballen vitin e ardhshëm me rritjen më të fortë të çmimit të dritave të kryer ndonjëherë në Shqipëri, në rast se çmimi i propozuar nga Operatori i Sistemit të Shpërndarjes miratohet nga Enti Rregullator i Telekomunikacioneve.

Propozimi i OSSH-së parashikon heqjen e sistemit aktual të tarifimit dynivelor, si dhe përcaktimin e një çmimi prej 9.15 lekësh pa TVSH. Aktualisht, familjet shqiptare paguajnë 7 lekë për kWh për konsumin nën 300 kilovat orë në muaj dhe 12 lekë për konsumin mbi këtë fashë. Familjet shqiptare konsumojnë mesatarisht 250 kilovat në muaj dhe në këtë rast, për shumicën dërrmuese fatura e dritave mund të rritet deri në 31 për qind.

http://www.gazeta-shqip.com/artikull.php?id=74326

3.11.2009, 08:58

Citim:

ERE: Shifrat e OSSH-së janë të ekzagjeruara dhe të paevidentuara

Çmimi i energjisë elektrike për konsumatorin dhe biznesin nuk pritet që të rritet në nivelin e kërkuar nga çekët e Operatorit të Sistemit të Shpërndarjes, kjo pasi Enti Rregullator i Energjisë ka hedhur poshtë shifrat e prezantuara nga OSSH në lidhje me nivelin e humbjeve, duke i konsideruar ato si të ekzagjeruara dhe të paevidentuara.

Pas analizës që ky Ent i bëri humbjeve të energjisë për vitin 2008, doli në përfundimin se ky nivel është 3.7% më i ulët nga se pretendon OSSH-ja. Në lidhje me këtë në një prononcim për mediat, përfaqësuesja e Entit Rregullator të Energjisë, Entela Çipa bën të ditur se një vendim i tillë u mor vetëm pasi ERE shqyrtoi këtë propozim të kompanisë më datë 16.10.2009 dhe vendosi të mos miratojë raportin e auditit për nivelin e humbjeve.

"Propozimi i tyre për nivelin e humbjeve 35.7% nuk është pranuar dhe në fuqi do të mbetet niveli i miratuar nga Bordi i Komisionerëve 32%", u shpreh Çipa.

Humbjet më të mëdha në rrjet konstatohen tek konsumatorët familjarë, të cilët përbëjnë mëse 60% të konsumit të energjisë elektrike, por duke ditur që niveli i humbjeve është njëri prej elementeve kryesorë që mbështet kërkesën për rritjen e çmimit të energjisë, atëherë do të ketë pak gjasa që energjia gjatë vitit të ardhshëm të rritet 20-23%, nivel për të cilin kanë aplikuar çekët e OSSH-së, shtatorin e këtij viti.

Vendimi i Entit Rregullator të Energjisë për mospranimin e nivelit të humbjeve prej 35.7% është marrë dy javë më parë dhe mësohet se është apeluar nga OSSH-ja. Në një deklaratë bërë vetëm pak kohë më parë, nga kreu i Entit Rregullator i Energjisë Elektrike, Bujar Nepravishta, është evidentuar fakti se në rritjen e çmimit të energjisë elektrike ndikojnë një sërë faktorësh. Së pari, në momentin që do të ketë një furnizim me energji pa ndërprerje, atëherë edhe çmimi i saj do të jetë më i lartë.

"Sasia e importit dhe konjuktura e tregut ndërkombëtar për importin e energjisë elektrike janë sërish faktorë që ndikojnë negativisht në çmimin e energjisë elektrike. Niveli i humbjeve, aktualisht tani, ndikon në rritjen e çmimit të energjisë elektrike. Faktor tjetër që ndikon janë investimet, duke qenë një subjekt privat OSSH do të ketë dhe një normë fitimi të caktuar, e cila natyrisht do të jetë në rendin normal, nuk mund të jetë pra, më e vogël se sa interesat bankare. Kështu që në këtë aspekt dhe kjo do të ndikojë. Nga ana tjetër, kushtet e mira hidrologjike, prodhimi i vendit ndikon në zvogëlimin e çmimit", shprehet Nepravishta.

Tarifat aktuale të energjisë

Tarifat ekzistuese të energjisë hynë në fuqi në mars të vitit 2008-ë. Sipas vendimit të marrë atë vit nga ERE, për familjarët që konsumojnë deri 300 kwh, çmimi i energjisë nuk pësoi rritje, tarifa për këtë kategori konsumatorësh vazhdoi të jetë 7 lekë/këh.

Sipas përllogaritjeve, gati 76 përqind e familjeve shqiptare konsumojnë deri në 300 kwh energji në muaj. Pjesa tjetër konsumojnë më shumë se 300 kwh energji. Për këtë kategori familjesh që nuk e kursejnë energjinë çmimi është 12 lekë/kwh.

Pra, për bandën deri në 300 kilovat rritja e çmimit ishte zero, ndërsa për bandën e dytë mbi 300 kwh rritja ishte 71.4 përqind.

Për herë të parë që nga marsi i vitit të kaluar paguajnë para edhe ata konsumatorë që nuk konsumojnë energji. Pra, nëse fatura mujore shënon "zero kwh" konsum, tarifa që do të paguhet është 200 lekë në muaj dhe kjo shumë paguhet për shërbimet që kryen OSSH si lexim i matësit, shpërndarja e faturave etj. Për sa i përket bizneseve, çmimi i energjisë nuk u rrit vetëm për furrat e bukës apo fabrikat e prodhimit të miellit.

Në bazë të kontratës së shitjes, kompania çeke "Çez" ka derdhur për llogari të qeverisë shqiptare në fund të transaksionit 102 milionë euro. Përsa i takon humbjeve, në kontratë është parashikuar, që "ÇEZ" të ulë me 8% humbjet në 2 vitet e para.

Kompania çeke ka blerë aksionet e qeverisë shqiptare, çka do të thotë se nuk merr përsipër të mbulojë borxhet e akumuluara për shkak të humbjeve apo edhe ndërhyrjeve në rrjet, apo si rezultat i mospagimit të faturave nga abonentët.

http://www.rilindjademokratike.com/R...or/sociale.htm

15.11.2009, 16:18

Citim:

KESH e shet energjinë shumë lirë

Qeveria mbështet kërkesën e bërë nga KESH për rritjen e çmimit të energjisë elektrike, të cilën ia shet Operatorit të Sistemit të Shpërndarjes. Ministri i Ekonomisë, tregtisë dhe Energjetikës ka deklaruar gjatë takimit të përjavshëm me median se çmimi aktual me të cilin korporata e shet energjinë, është shumë i ulët krahasuar me atë që aplikojnë kompanitë e tjera në botë.

Megjithëse vendimin për miratimin apo jo të rritjes së çmimit, pas kërkesës së bërë nga Korporata Elektroenergjetike Shqiptare e ka vetëm Enti Rregullator i Energjisë, si institucioni i pavarur që mbikëqyr tregun energjetik në Shqipëri.

“Çmimi që KESH-i i shet OSSH-së energjinë, është 2.2 lekë për kilovat. Nuk ka kompani në botë që e shet energjinë me këtë çmim”, -është shprehur ministri Prifti.

Rritja e çmimit të energjisë është kërkuar nga KESH-i, Operatori i Sistemit të Transmetimit dhe Operatori i Sistemit të Shpërndarjes. Dy kompanitë e para janë shtetërore, ndërsa OSSH është privatizuar nga shoqëria çeke, CEZ.

Drejtori i përgjithshëm i KESH-it, Muharem Stojku, ka shpjeguar në momentin e aplikimit pranë ERE se kërkesa për rritjen e çmimit të energjisë ka ardhur, pasi çmimi ekzistues nuk justifikon shpenzimet.

“Ne kemi kërkuar një tarifë minimale të mundshme, në mënyrë që të arrijmë kostot dhe disa variante mbi kostot. Ne kemi kërkuar që çmimi i kostos të jetë 2.55 lekë. Çmimi i kostos tonë na del duke shlyer edhe detyrimet për brenda afatit 5- vjeçar, pa kryer investime të mëdha”,- është shprehur Stojku.

http://www.gazeta-agon.com/mat.php?idm=10826&l=a

27.11.2009, 13:20

Citim:

Çmimi i Dritave, OSSH: Duam të paktën 23% rritje të tarifave

Rritja e çmimit të energjisë duket se do të jetë e pashmangshme. Kjo u diskutua dje gjatë zhvillimit të seancës dëgjimore me aktorët, që u organizua nga Enti Rregullator i Energjisë.

Në prezantimet e tyre KESH, Operatori i Sistemit të Shpërndarjes dhe Operatori i Sistemit të Transmetimit kanë parashtruar kërkesat e tyre për rritje të çmimit të shërbimit.

Ndërkohë që Enti Rregullator u përqendrua vetëm në kërkesën që ka bërë OSSH, pikërisht ky ka qenë dhe boshti ku u rrahën diskutimet.

CEZ Grup i cili zotëron 76% të OSSH, ka kërkuar fillimisht një rritje prej 44% të çmimit të energjisë, por dje përfaqësuesit çekë kërkuan një rritje 23% të çmimit për vitin 2010, ndërkohë që pjesa tjetër e mbetur të rritet në vitin pasardhës.

“Kur flasim për rritje të energjisë ne kemi deklaruar shifrën 44% dhe kjo është hipotetike. Propozojmë që për 2010 rritja të jetë 23.1% ndërsa diferenca të kalojë për vitin tjetër”, thanë çekët.

Humbjet në rrjet, vjedhjet e energjisë pa kriter, mungesa e matësve në disa zona, dhe borxhet e shumta janë arsyet se pse CEZ pretendon se ka humbje të theksuara në rrjet të cilat po e dëmtojnë atë financiarisht.

ERE që është aktori kryesor në këtë çështje dje i ka drejtuar një sërë pyetjesh përfaqësuesve çekë, duke filluar që nga mënyrat që do të ndiqen për të rregulluar tregun e deri tek rritja e pagave të punonjësve të OSSH.

Sipas përfaqësuesve të CEZ Grup është menduar një strategji për këtë pikë ndërkohë që ajo që është më shqetësuese mbetet fakti që kompania po del çdo ditë e më shumë me humbje dhe duhet të mendohet si do zgjidhet kjo, sepse CEZ rrezikon maksimalisht pozitat e saj dhe në një pikë gjendja mund të jetë kritike.

Avokati i Popullit ka kundërshtuar pretendimet e OSSH duke kërkuar që të jepeshin detaje se sa kallëzime penale ka bërë kjo kompani për abuzuesit.

Ndërkohë, Dobjani ka theksuar që janë rreth 100 000 mijë matës që mungojnë dhe se çdo vit trendi rritet me 35 mijë dhe në këtë pikë OSSH e ka të gabuar pretendimin.

ERE dëgjoi me vëmendje propozimin e çekëve por u tregua i prerë me pretendimet e KESH-it dhe OST-së për të rritur çmimet. Pas pyetjeve dhe përgjigjeve që u parashtruan, ERE pritet që të marrë një vendim në muajin dhjetor lidhur me rritjen e çmimit të energjisë dhe sa do të jetë kjo e fundit. Nëse miratohen propozimet e të tre aktorëve rritja për konsumatorët do të jetë e një niveli rekord.

http://www.panorama.com.al/index.php?id=35624

mesdimr · 27.11.2009, 23:58

Kjo "rritja e çmimit" ka nja 3 vjet që po kërkohet nga Banka Botërore për vendet e rajonit, jo vetëm për Shqipërinë. Se cila është arsyeja e vërtetë pas retorikës së tyre ekonomike për "qëndrueshmërinë e ndërmarrjeve energjetike" të rajonit, mbetet e paqartë sepse BB njihet për praktika politike kundër vendeve në zhvillim.

6.12.2009, 18:30

Citim:

Korporata energjetike e Sërbis kërkon rritjen e energjis elektrike

Beograd – Korporata energjetike e Sërbis (EPS) ka njoftuar se në ditët e ardhshme do të dërgoj një kërkesë për rritjen e çmimeve të energjisë elektrike me një mesatare prej 10 për qind nga 1 Janar i vitit 2010.

Drejtori i përgjithshëm i EPS Dragomir Markoviç tha se plani i biznesit për vitin 2010. ka parapar edhe një rritje të rrymës elektrike me 1 Korrik, gjithashtu me një mesatare prej 10 për qind.

http://bujanoci.net/?p=187

11.12.2009, 14:27

Citim:

Rritja e energjisë, CEZ kushte qeverisë shqiptare

Tiranë – Kompania çeke, CEZ që ka blerë Sistemin e Shpërndarjes së Energjisë në vendin tonë, i ka kërkuar qeverisë shqiptare që të plotësojë disa kushte të saj në mënyrë që të mos shtrenjtohet çmimi i energjisë në masën 44.2 për qind, por vetëm 23 për qind.

Kusht për këtë, është kompensimi që kjo kompani kërkon, që kap një shumë prej 7.2 miliardë lekë si diferencë e krijuar nga mosrritja e tarifave më 2009-ën. Kopania e kërkon këtë kompensim për shkak të humbjeve të krijuara gjatë vitit 2009, të cilat kapin një vlerë 78 milionë dollarë.

http://www.gazetastart.com/lajm.php?...onomia&nr=8703

14.12.2009, 16:16

Citim:

OSSH, nesër do të publikojmë çmimin e ri të energjisë

Joseph Heisek kreu i bordit të OSSH deklaroi se tarifa e re e energjisë do të bëhet publike nesër.

Në një deklaratë të posaçme për mediat Heisek u lëshoi apel dhe konsumatorëve duke thënë se faturat e papaguara do të zgjidhen nëpërmjet gjykatës dhe nëse nuk paguhen brenda një afati kohor prej 10 ditësh do të ketë ndërprerje të energjisë.

“Ne duhet të rrisim mbështetjen ndaj OSSH-së në mënyrë që të rrisim kualitetin. Rritja e çmimit nuk është një gjë e mirë prë cilindo qytetar, por nëse këtë vit ne nuk e rrisim çmimin, atëherë ai do të duhet të rritet më shumë vitin që vjen dhe humbjet në vlerë monetare do të jenë më të mëdha pasi do të na duhet të mbulojmë kreditë e marra nga huadhënësit.

Nëse marrim mbsëhtetjen e qeverisë dhe të entit rregullator ne mund të vazhdojmë me investimet. Për sa i përket familjeve debitore, të cilat nuk kanë paguar faturat e energjisë ne i kemi dërguar letra ku i kërkojmë shlyerjen e faturave por ata sërish nuk paguajnë. Në këtë nuk mund ta tolerojmë dhe nëse 17 % e debitit nuk paguhet brenda 10 ditëve duke filluar nga sot do të ndërpresim energjinë.

Gjithashtu ka pasur ndërhyrje dhe tek aparatet e energjisë elektrike nga konsumatorët mbase këta të ndihmuar dhe nga njërezit tanë. Ne do i ndëshkojmë ata me fakte duke i çuar në gjykatë.”

OSSH do të pushojë nga puna dhe 450 punonjës të cilët nuk zbatojnë kriteret dhe që kanë ndihmuar konsumatorët në mënyrë të jashtligjshme të grabisin energjinë elektrike.

http://www.tvklan.tv/lajmi.php?id=8479

15.12.2009, 14:43

Citim:

CEZ kërcënon ERE: Nëse nuk rrit çmimin e energjisë, do ti drejtohemi Bankës Botërore

Kompania çeke CEZ, ka dalë ditën e djeshme me një paralajmërim se në rast se ERE, në vendimin e sotëm nuk do të japë vendimin për rritjen e çmimit të energjisë, ata mund ti drejtohen për zgjidhje Bankës Botërore, e cila ka dalë garant për këtë proces.

Banka Botërore ka ngurtësuar një fond, i cili do të përdoret vetëm në rast se qeveria shqiptare nuk rrit sa duhet tarifat e reja, të cilat janë parashikuar të jenë çdo vit 18 për qind më të larta. Kjo do të thotë, se ky do të jetë niveli dysheme me të cilin do të përballen qytetarët, nga 1 janari i vitit të ardhshëm.

“Kemi arritur marrëveshje me qeverinë që nga viti 2010 deri në 2014 energjia të rritet çdo vit me 15 për qind plus normën e inflacionit. Kjo rritje do të na jepte ne garancinë për të vijuar me investimet. “Enti Rregullatorë është i detyruar ta zbatojë këtë marrëveshje, pasi në të kundërt ne i drejtohemi Bankës Botërore. Ndaj enti duhet të reflektojë mbi dokumentin që ai vetë ka firmosur”, u shpreh Hejsek drejtori i përgjithshëm i OSSH-së.

Edhe pse kjo konferencë e parë për shtyp e pronarëve çek vjen një ditë para përcaktimit të tarifave, drejtuesit e kompanisë mohojnë që ajo të jetë një presion ndaj strukturave të shtetit.

Drejtori evidentoi një sërë institucionesh buxhetore dhe private që i kanë borxh OSSH-së, detyrime këto që arrijnë në 24 miliardË lekë.

“15 milion lekë na ka kjo rafineri. Ndërkohë që kompanitë e tjera na detyrohen në shumën prej 91 milion lekë”, vijoi më tej Hejsek.

E nëse kësaj situate do ti shtonim edhe humbjet teknike, atëherë bilanci do të përkeqësohej më tej. Por drejtori paralajmëroi se do të nisë një fushatë të ashpër për të arkëtuar çdo detyrim. Sipas tij i është dërguar shkresë zyrtarë qeverive lokale ndaj të cilave kërkojmë që ato të paguajnë energjinë. Në se këtë nuk e realizojnë do ti paralajmërojmë që ti ndërpritet energjia. E njëjta praktikë tha drejtori është ndjekur edhe në Çeki dhe ka pasur rezultat.

Sot Enti Rregullator pritet të publikojë tarifat e reja të cilat me sa duket nuk do të jenë të kënaqshme për pronarët e rinj çek. Përveç kësaj CEZ, është nën hetim edhe nga Komisioni Europian, për thyerje të rregullave të konkurrencës dhe rritje artificiale të çmimit të energjisë, në të gjitha shtet ku kjo kompani operon.

Ky është presioni i dytë që po bën CEZ, pasi pak ditë më parë ajo kërcëno se do ti marrë shtetit shqiptar dhe 7.2 miliardë lekë, pasi kërkon kompensim për mos rritjen e çmimit të energjisë për vitin 2009.

Nga ana e saj CEZ është duke ushtruar presion mbi shtetin shqiptar dhe Entin Rregullator të Energjisë, në mënyrë që kjo e fundit të pranojë me çdo kusht kërkesën e CEZ për rritjen e çmimit të energjisë.

http://www.sot.com.al/index.php?opti...ticle&id=19488

15.12.2009, 16:09

Citim:

Çmimi energjisë, ERE miraton rritjen me vetëm 13 përqind

Enti Rregullator i Energjisë ka miratuar mesditën e së martsë rritjen e çmimit të energjisë elektrike në nivelin 13 përqind.

3 muaj më parë pronarët e OSSH, çekët e CEZ, i kërkuan ERE-s tarifa 23,1 për qind më të larta për energjinë elektrike, por Enti Rregullator pas një analize të detajuar të këtij propozimi, ka vendoosur të pranojë një rritje më të moderuar të çmimit, pasi është e mendimit se niveli i humbjeve në rrejt është 4 përqind më i ulët nga sa pretendon OSSH-ja.

ERE ka vendosur të mbajë të pandryshuar fashën e konsumit prej 300 kilovatorësh në muaj. Me tarifat e reja konsumatoret që konsumojnë më pak se ky prag, do të paguajnë 7,7 lekë për kilovat/orë nga 7 që është aktualisht, ndërsa për çdo kilovat/orë mbi nivelin 300 kilovat/orë çmimi shkon në 13,5 lekë.

ERE ka miratuar edhe rritjen e çmimit të kërkuar nga Korporata Elektroenergjetike, nga 1,6 lekë aktualisht në 2,03 lekë për kilovat orë, si edhe çmimin e shumicës të Operatorit të Sistemit të Transmetimit nga 0,5 në 0,6 lekë për kilovat/orë.

Enti rregullator ka vendosur uljen e tarifave të energjisë për furrat e bukës nga 8 në 7,6 lekë për kilovat/ore.

http://www.tvklan.tv/lajmi.php?id=8486

16.12.2009, 11:04

Citim:

Konfindustria: Nuk ka arsye reale per rritjen e cmimit

Fill pas publikimit te lajmit nga Enti Rregullator i Energjise per rritjen e cmimit, Konfindustria eshte shprehu kunder vendimit. Permes nje deklarate per mediat Konfindustria vlereson se

"perpara vendimit per rritjen e cmimit te energjise elektrike ishte e domosdoshme te arsyetohet publikisht nga ERE, sesi eshte e mundur te kerkohet rritje e cmimit te energjise elektrike. Ne kushtet kur cmimi i energjise elektrike eshte ne ulje ne tregjet nderkombetare, si pasoje e uljes se ndjeshme te cmimit te karburanteve te ndodhur ne vitet e fundit, te gjendjes mjaft te mire prej disa vitesh radhazi perfshi edhe vitin 2009 te prodhimit te brendshem energjetik dhe te ecurise se nivelit te cmimeve ne rajon".

Konfindustria kerkon nga ERE te publikoje kushtezimet ligjore, ne rast se ka, te marreveshjes per privatizimin e OSSH-se nga shteti shqiptar, qe mund te lidhen me rritjen e cmimit te energjise elektrike.

Ne njoftimin per shtyp nenvizohen edhe pasojat qe sipas Konfindustrise do te sjelle vendimi i ERE per rritjen e cmimit te energjise.

"Pasoja e pare e ndjeshme, e rritjes se cmimit te energjise do te jete ndikimi i drejtperdrejte ne uljen e konkurueshmerise se prodhimeve dhe sherbimeve shqiptare ne krahasim me vendet e rajonit dhe me tej. Ulja e konkurueshmerise do te sillte pashmangmerisht rritjen e falimentimeve per industrite vendore me gjithe pasojat e padeshirueshme shoqeruese".

Nderkaq Konfindustria ka vleresuar si te domosdoshme, garancine e sigurimit te energjise elektrike per industrite e vendit.

http://www.kohajone.com/html/artikull_49493.html

17.12.2009, 22:37

Citim:

OSSH u pret dritat institucioneve dhe kompanive të mëdha

FIER- OSSH Fier ka nisur dje ndëshkimin e gjithë familjarëve dhe institucioneve shtetërore debitorë të energjisë elektrike.

Ditën e djeshme ka nisur edhe ndërprerja e furnizimit me energji elektrike për të gjithë konsumatorët që gjatë këtij viti nuk kanë shlyer sasinë e të hollave për energjinë e harxhuar.

Në këtë listë qëndron në krye kompania ARMO, e cila rezulton me një shifër prej 140 milionë lekësh të reja debi.

Pas saj renditet TEC Fier me një debi prej 5.3 milionë lek të reja, e treta debitore e rëndësishme e OSSH Fier është kompania Albpetrol me një debi prej 5.2 milionë lekësh.

Debitorë të tjerë janë institucionet vendore në Bashki dhe komuna të Fierit, si dhe Ndërmarrjes Ujësjellës-Kanalizimeve që varen prej tyre.

Një urdhër i dalë nga zyrat qendrore të OSSH-së në Tiranë ka mbërritur edhe në rajonin e Fierit, ku mesditën e sotme për të vënë në zbatim këtë urdhër kanë nisur ndërprerjen e energjisë për ujësjellësit, kompanitë e mëdha debitore dhe njësi të qeverisjes vendore dhe institucioneve të ndryshme shtetërore.

Burime nga OSSH Fier është shprehur se ky aksion do të vijojë edhe ditën e nesërme dhe në vijim dhe se sipas këtij burimi nuk do të ketë asnjë tolerim derisa debitorët shtetërorë do të derdhin të hollat e prapambetura, që kapin një shifër deri në 2 milionë lek të reja.

http://www.gazetametropol.com/tekst.php?idt=63411

18.12.2009, 01:43

Citim:

Kreu i ERE-s raporton në k.parlamentar

Kreu i Entit Rregullator të Energjisë, Bujar Nepravishta raporton para komisionit për rritjen e energjisë.

Ai deklaroi se u vendos që çmimi i energjisë të rritej me 13 përqind pasi kjo ishte më e justifikueshme për të mbuluar koston e operatorit dhe për të mos dëmtuar shumë konsumatorin shqiptar.

"OSSH kërkoi që çmimi të rritej me 23 përqind, por humbjet të cilat dolën më të ulta se 38 përqind nuk e justifikuan një rritje të tillë", u shpreh ai.

Nepravishta deklaroi gjithashtu se deri në vitin 2015 pritet që të liberalizohet tregu energjitik në vend. Kështu konsumatori familjar do të ketë mundësi që të zgjedh operatorin që dëshiron. Kjo pritet që të ndikojë edhe që çmimi i energjisë të ulet.

Një tjetër pikë për të cilën u diskutua ishte dhe kontrata midis CEZ dhe qeverisë për rritjen e çmimit të energjisë në katër vitet në vazhdim.

Nepravishta u shpreh se vendimin për çdo rritje të çmimit e merr vetëm ERE dhe kjo do vendoset në bazë të humbjeve dhe faktorëve të tjerë ndikues.

http://www.ora-news.com/mat1.php?idm=41499

18.12.2009, 02:06

Citim:

71 % e familjeve nuk preken nga shtrenjtimi i energjisë

Pjesa dërrmuese e familjeve shqiptare nuk do të preken nga rritja e çmimit të energjisë elektrike me 13 për qind, e cila do të hyjë në fuqi nga 1 janari I vitit 2010.

Drejtuesit e Entit Rregullator të Energjisë deklarojnë se mbrojtja e pjesës më të madhe të konsumatorëve familjarë bëhet nëpërmjet ruajtjes së bllokut ndarës prej 300 kilovat orë. Pasi sipas ERE-s, 71 për qind e familjeve nuk konsumojnë më shumë se kjo sasi.

“Enti Rregullator i Energjisë është institucioni që ka autoritetin ligjor për të monitoruar të gjithë të licencuarit në sektorin e energjisë. Në këto kushte deklarojmë se konsumi i energjisë elektrike deri në nivelin 300 kilovat orë në muaj, për periudhën janar-dhjetor 2009, e deklaruar nga OSSH, në aplikimin e saj për çmimet dhe tarifat e vitit 2010, përfaqëson 79 për qind të konsumit të përgjithshëm familjar dhe harxhohet nga 71 për qind e familjeve shqiptare, kurse konsumi deri në 210 kilovat orë në muaj harxhohet nga 47.4 për qind e familjeve. Konsumi mesatar vjetor i energjisë elektrike të faturuar për klientët familjarë për vitin 2008 ka rezultuar me 216 kilovat orë në muaj”,- ka deklaruar Eduard Elezi, drejtor juridik pranë ERE-s.

Nga ana tjetër, Enti Rregullator i Energjisë pranon rritjen më të madhe të çmimit që është bërë për bizneset.

Por sipas ekspertëve të këtij institucioni, është treguar kujdes me sektorët bazë, si prodhuesit e miellit dhe furrat e bukës, me qëllim shmangien e shtrenjtimit të bukës për qytetarët.

“Për furrat e bukës çmimi ka pësuar një ulje prej 0.4 lekë për kilovat orë. Rritje e vogël e çmimit të energjisë është miratuar për industrinë dhe bujqësinë, si sektorët promotorë për zhvillimin e ekonomisë së vendit. Ndërsa një rritje më e madhe e tarifave është bërë për tregtinë dhe shërbimet. Por duket pasur parasysh, se furnizimi pa ndërprerje kushton më shumë se furnizimi I planifikuar me ndërprerje. Prandaj, është menduar që bizneset të furnizohen pa ndërprerje me energji,. Për të mos penalizuar aktivitetin e tyre”,- shprehen specialistët e Entit Rregullator të Energjisë.

Çmimi I energjisë për bizneset varet nga linja prej nga ku furnizohen. Pjesa dërrmuese e subjekteve të vogla dhe të mesme furnizohen nga linja e tensionit të ulët.

Për këto biznese që operojnë në sektorin e industrisë dhe bujqësisë, çmimi i energjisë rritet nga 10 lekë në 10.5 lekë për kilovat orë, për tregtinë dhe shërbimet tarifa rritet nga 10 lekë në 12.2 lekë për kilovat orë, ndërsa për sektorët e tjerë do të ketë një rritje të çmimit nga 10 lekë në 12 lekë për kilovat orë.

Për furrat e bukës dhe prodhuesit e miellit çmimi ulet nga 8 lekë në 7.6 lekë për kilovat orë, me qëllim shmangien e rritjes së çmimit të bukës.

Ndërsa për institucionet buxhetore, çmimi i energjisë do të rritet nga 12 lekë në 14 lekë për kilovat orë.

Rritje çmimi do të ketë edhe për kompanitë e mëdha në sektorin e industrisë, të cilat furnizohen nga linja e tensionit të lartë. Për to, çmimi do të rritet nga 5.2 lekë, që është aktualisht në 6.2 lekë për kilovat orë.

http://www.gazeta-agon.com/mat.php?idm=11452&l=a

31.1.2010, 22:57

Citim:

Çmendet CEZ, kërkon rritjen e çmimit të energjisë me 44 për qind

Kompanisë çeke CEZ, nuk i ka mjaftuar rritja e çmimit të energjisë me 13 për qind e vendosur nga Enti Rregullator i energjisë, por ka ngulmuar duke e çuar çështjen në gjykatë. Kjo vjen si pasojë e mungesës së operatorëve të tjerë në tregun tonë, pasi CEZ-OSSH, kanë monopolin në Shqipëri. N

Në kërkesën e saj CEZ i ka kaluar kufijtë e çmendurisë, duke mos e kërkuar më rritjen e energjisë 23 për qind por po e kërkon që brenda këtij viti çmimi të rritet me 44 për qind. Mosmarrëveshjet mes kompanisë private të shpërndarjes së energjisë dhe Entit Rregullatorë kanë përfunduar në gjykatë.

Sikundër ishte parashikuar, çekët e OSSH-së kanë ngritur një padi ndaj Entit Rregullator të Energjisë Elektrike, ku kërkojnë pavlefshmëri të vendimit të këtij institucioni, i cili rriti tarifat e energjisë me 13 për qind, nga 44 për qind që kishte kërkuar kompania private.

Seanca e parë pritet të zhvillohet në datën 10 shkurt në Gjykatën e Rrethit e Tiranës. Eduard Elezi, drejtor juridik në ERE, tha se kompania private në akt padinë e saj kërkon që gjykata të mos njohë vendimin e entit për çmimet e reja të energjisë elektrike si dhe të parashikojë në këto tarifa edhe nivelin e amortizimit të rrjetit.

Por sipas Elezit vendimi që ka marrë enti kanë bazë ligjore dhe janë të mbështetura në marrëveshjet e lidhura mes qeverisë dhe kompanisë. Ndërsa për sa i përket ankimimit që kompania OSSH mund të bëjë pranë Bankës Botërore, Elezi thotë se janë tejkaluar afatet që të ngrihet një panel i cili të analizojë mosmarrëveshjet e krijuara.

Përplasjet mes kompanisë dhe entit nisën me sasinë e pretenduar të humbjeve në rrjet. Çekët kërkuan që humbjet teknike të jenë 3 për qind më të larta nga se kishte pranuar Enti, por ky pretendim u hodh poshtë.

Më pas Enti Rregullator mori vendimin për tarifat, të cilat shtuan më tej pakënaqësitë e kompanisë privatë, çka detyruan këtë të fundit të kërkojë drejtësinë e pretenduar në gjykatë.

Ndërsa për kreun e ERE Bujar Nepravishta, veprimi i bërë nga ana e OSSH, është një veprim i lirë, dujke theksuar se në gjykatë do të ktë një përballje provash ndërmjet CEZ dhe ERE.

http://www.sot.com.al/index.php?opti...ticle&id=22093

11.2.2010, 19:15

Citim:

KEK kërkon shtrenjtime të energjisë

Prishtinë, 9 shkurt 2010 - Korporata Energjetike e Kosovës ka dorëzuar aplikacionet finale për tarifat e reja, të cilat do të hyjnë në fuqi më 1 prill, sipas agjendës të përcaktuar nga Zyra e Rregullatorit të Energjisë (ZRrE).

Të hënën pasdite, aplikacioni i KEK ut ka mbërritur në zyrën e Rregullatorit. Zyrtaret e KEK ut nuk kanë qenë në gjendje të japin detaje të aplikacionit të tyre për shkak të vonesave që janë bërë deri në dorëzimin e aplikacionit në ZRRE.

Megjithatë, burimet e gazetës brenda Korporatës Energjetike, kanë bërë të ditur se kjo korporatë ka kërkuar që energjia elektrike të shtrenjtohet mbi 10 për qind. Deri më 25 shkurt, ZRrE ja do t'i bëjë një vlerësim aplikacioneve të KEK ut dhe Operatorit të Sistemit, Transmisionit dhe Tregut (KOSTT).

Nga kjo datë (25 shkurt) deri me 5 mars, për një periudhë prej 10 ditëve palët e interesit do të kenë mundësi t?i bëjnë komentet e tyre, pas të së cilave ZRrE ja do të marrë vendimin përfundimtar. Tarifat e reja me pakicë të energjisë elektrike llogariten në bazë të shqyrtimit të kërkesës së KEK ut dhe të KOSTT it dhe bazohen në të hyrat e lejuara për këto dy ndërmarrje për vitin 2010.

Ky është shqyrtimi i katërt i tarifave të energjisë elektrike nga ana e ZRrE së. Në një letër që Kryesuesi i Bordit të ZRrE së, Ali Hamiti, i ka dërguar palëve thuhet se vendimi final për tarifat e reja do të merret më 15 mars, ndërsa nga data 1 prill do të fillojnë së aplikuari tarifat e reja.

Përderisa në vitin 2008 çmimi i energjisë elektrike ishte shtrenjtuar për 5%, në 2009 çmimi ishte rritur mesatarisht për 2.5 për qind. Ministrja e Energjisë dhe e Minierave, Justina Shiroka Pula ka përkrahur idenë që duhet të ketë një ngritje graduale të tarifave të energjisë elektrike.

http://www.kosova.com/artikulli/59496

12.2.2010, 02:13

Citim:

PD: Shtrenjtimi i rrymës i papranueshëm

Partia e Drejtësisë (PD) ka reaguar sot pas paralajmërimeve për shtrenjtimin e energjisë elektrike.

“Shtrenjtimi i energjisë elektrike është i papranueshëm për Partinë e Drejtësisë, në situatën kur më shumë së gjysma e popullatës së shtetit gjendet në situatë të mbijetesës”, ka thënë nënkryetari i PD-së, Amir Ahmeti, në një konferencë me gazetarë.

Kjo parti kërkon nga Kuvendi i Kosovës që t’ia tërheqë vërejtjen Rregullatorit të Energjisë se kërkesa e KEK-ut për shtrenjtim të rrymës për rreth 14,6 për qind është e papranueshme për rrethanat aktuale sociale dhe ekonomike në vend.

http://www.gazetaexpress.com/web/ind...ujt/lexo/24709

26.2.2010, 05:17

Citim:

Borxhet, ndërpritet energjia në 167 institucione

Në përfundim të afatit, Operatori i Sistemit të Shpërndarjes ka nisur ndërprerjet e energjisë për buxhetorët dhe jobuxhetorët që nuk kanë shlyer detyrimet. Në total, borxhi i tyre llogaritet 4.5 miliardë lekë

Skadon afati që Operatori i Sistemit të Shpërndarjes iu la institucioneve shtetërore për shlyerjen e detyrimeve të energjisë elektrike. Dje paradite, OSSH-ja ka ndërprerë furnizimin me energji të 167 instiucioneve buxhetorë dhe jobuxhetore në të gjithë vendin.

Kompania ka publikuar gjithashtu edhe listën e këtyre subjekteve. Bëhet fjalë për institucione në Tiranë, Kukës, Elbasan, Berat, Fier, Burrel dhe Shkodër. Ndërkohë OSSH-ja ka paralajmëruar se energjia do të ndërpritet te të gjithë debitorët deri në momentin që do të shlyhen detyrimet e prapambetura.

Institucionet, 4.5 miliardë lekë borxh

Më datë 23 shkurt, Operatori i Sistemit të Shpërndarjes njoftoi se institucionet shtetërore që kishin fatura të dritave të papaguara kishin afat 72 orë për të shlyer këtë borxh. Në të kundërt, do të ndërpritej energjinë elektrike.

OSSH-ja njoftoi se u ka dërguar një letër informuese të gjitha institucioneve buxhetore dhe jobuxhetore, të cilat kanë borxh të akumuluar kundrejt kompanisë, duke i informuar ata që nëse nuk i paguajnë detyrimet e tyre financiare brenda 3 ditëve, nuk do të furnizohen me energji nga ora 9.00 deri 13.00 çdo ditë për një afat të papërcaktuar.

Kompania bën të ditur se në bazë të llogaritjeve që janë bërë, ka rezultuar se në fund të vitit 2009-të, kompania ka një borxh të akumuluar prej 28 miliardë lekësh, prej të cilave 3.2 miliardë lekë janë borxhe të subjekteve jobuxhetore dhe 1.3 miliardë lekë të atyre buxhetore.

OSSH-ja njofton se sipas ligjit, debitor konsiderohet ai klient që nuk e ka paguar energjinë elektrike për më shumë se dy muaj. Debitorët do të njoftohen të paktën 72 orë përpara dhe nëse pagesa nuk bëhet, OSSH do të jetë e detyruar të ndërpresë furnizimin me energji elektrike.

Kompania ka kërkuar mirëkuptimin dhe mbështetjen e konsumatorëve dhe autoriteteve lokale në përpjekjen e saj për të siguruar cilësinë e shërbimit për klientët e saj dhe për t’i dhënë fund kohës kur ata që paguajnë, paguajnë dhe për ata që nuk paguajnë.

http://www.gazeta-agon.com/mat.php?idm=12735&l=a

27.2.2010, 07:25

Citim:

OSSH, lë pa drita TEC-in në Vlorë dhe tunelin e Kalimashit

Operatori i Sistemit të Shpërndarjes ka filluar dje me ndërprerjet e paralajmëruara të energjisë për katër orë ndaj debitorëve buxhetorë dhe jo buxhetorë.

Rreth 167 subjekte në gjithë vendin kanë mbetur pa energji, nga ora 09:00 deri në 13:00, ndërkohë që kompania njofton se ndërprerjet do të vazhdojnë edhe në ditët në vijim.

Në listën e debitorëve përfshihen mes të tjerash edhe selitë e partive politike si Partia Demokratike e Partia Socialiste. përkatësisht në Kukës e Tropojë. Pa drita janë lënë edhe tuneli i Kalimashit dhe TEC Vlora.

OSSH, në një njoftim për shtyp jep detaje se 167 nuk është numri i plotë i debitorëve dhe se ka ende të tjera subjekte që do t’i nënshtrohen masave ekstreme, nëse nuk bëjnë pagesën e borxhit.

Ndërprerjen e energjisë, çekët e paralajmëruan disa ditë më parë duke deklaruar se borxhi i përgjithshëm ndaj kompanisë është në vlerën 28 miliardë lekë dhe nga këto 3.2 miliardë lekë janë borxhe të subjekteve jo buxhetore dhe 1.3 miliardë lekë të atyre buxhetore.

Pronarët e rinj të Operatorit të Sistemit të Shpërndarjes kanë vënë si synim mbledhjen e një pjese të borxhit dhe për këtë kanë organizuar strukturat përkatëse.

Momentalisht CEZ Albania është duke marrë masa ndëshkuese ndaj debitorëve të mëdhenj, por siç edhe e kanë paralajmëruar masat do të aplikohen për të gjitha kategoritë që janë në borxh me OSSH-në.

Fillimisht Operatori njoftoi se hapi i parë për strategjinë e mbledhjes së borxhit ka qenë informimi përmes një letre i gjithë debitorëve, në të cilën ju kërkohej shlyerja e borxhit. Atyre ju lihet një afat prej 72 orësh dhe pas kësaj, nëse pagesa nuk kryhet ende, atëherë do të fillohet me ndërprerjen e energjisë.

http://www.panorama.com.al/index.php?id=38642

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

27.11.2009, 23:58	#5
mesdimr Anëtarësuar: 8.2006	Kjo "rritja e çmimit" ka nja 3 vjet që po kërkohet nga Banka Botërore për vendet e rajonit, jo vetëm për Shqipërinë. Se cila është arsyeja e vërtetë pas retorikës së tyre ekonomike për "qëndrueshmërinë e ndërmarrjeve energjetike" të rajonit, mbetet e paqartë sepse BB njihet për praktika politike kundër vendeve në zhvillim.