Pejë: Themelohet organizatë e pyjorëve privatë

8.1.2010, 17:57

Citim:

Pejë, 7 janar- Atë që s’kanë mundur ta bëjnë Ministria e Bujqësisë, Pylltarisë dhe e Zhvillimit Rural (MBPZHR), Agjencia Pyjore e Kosovës dhe administratat komunale për mbrojtjen e pyjeve, do të provojë të bëjë Shoqata e Pylltarëve Privatë në Pejë.

Komuna e Pejës, si rajoni më i pasur me pyje dhe me kullosa, posedon afro 25 mijë hektarë pyje me dru të cilësisë së lartë, jo vetëm për ngrohje, por me dru halor të pishave dhe të bredhave.

Sipas të dhënave të kompetentëve të Agjencisë Pyjore të Kosovës, rreth 63 për qind e tokave në komunën e Pejës është e mbuluar me pyje dhe me kullosa. Prej tyre, mbi 40 për qind u takojnë pronarëve privatë. Ata që në komunën e Pejës kanë në pronësi 5600 hektarë me pyje, deri tash nuk ishin të organizuar në shoqata, nëpërmjet të cilave do t’i mbronin interesat e veta.

Bashkim Gashi, koordinator nacional i pronave të pyjeve private, thotë se krijimi i shoqatave nga pronarë të pyjeve është në harmoni me përshtatjen e kushteve të decentralizimit edhe në fushën e menaxhimit të resurseve natyrore dhe pyjeve.

“Asociacioni i Pyjeve Private është duke bërë përpjekje që të themelojë një shoqatë në kuadër të komunës së Pejës, që është më e njohura në vend për sipërfaqet e mëdha me dru të cilësisë së lartë. Shoqata do të jetë aktive, e pavarur dhe shumë e nevojshme, duke iu përshtatur kushteve të decentralizimit, që është duke ndodhur në pyjet e Kosovës”, shprehet ai.

Edhe Sebiha Ramaxhiku, këshilltare e pylltarisë në APK, thotë se organizimi në shoqata është forma më e përshtatshme për t’i mbrojtur pronarët dhe familjet që burim ekzistence i kanë malin, bjeshkën dhe frutat që mblidhen nga natyra.

“Programi i APK-së për krijimin e shoqatave të pronarëve të pyjeve është i përkrahur edhe nga MBPZHR-ja dhe ka për qëllim ngritjen e kapaciteteve kultivuese dhe menaxhuese të pronarëve të pyjeve private, që në mënyrë të organizuar t’i përfaqësojnë interesat e tyre. Të organizuar në shoqatë, pronarët e pyjeve private kanë mundësinë që të ndërhyjnë në përmirësimin e kornizës ligjore në kuadër të MBPZHR-së dhe ta menaxhojnë pyllin, duke e shfrytëzuar edhe të drejtën për prerje të matur, në mënyrë që të kenë edhe përfitime ekonomike nga shfrytëzimi i pyjeve të tyre”, tha Ramaxhiku.

http://gazetalajm.info/index.php?opt...article&id=119

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar