Tiranë: Gjykata Kushtetuese rrëzon dhe dy ligje të tjera

6.2.2010, 18:05

Citim:

Gjykata Kushtetuese pritet të rrëzojë ligjin e tretë

Gjykata Kushtetuese pritet të shpallë antikushtetues ligjin e miratuar nga Kuvendi një vit më parë “Për auditimin ligjor, organizimin e profesionit të ekspertit kontabël të regjistruar dhe të kontabilistit të miratuar”.

Ligji, i cili ka qenë mjaft i debatuar nga profesionistët e fushës gjatë miratimit të tij në Kuvend, u ankimua në Gjykatën Kushtetuese menjëherë pas miratimit nga Kuvendi, nga Organizata Profesionale e Ekonomistëve, e cila kërkoi shfuqizimin si i papajtueshëm me Kushtetutën të këtij ligji.

Ligji në fjalë ka për qëllim përmirësimin dhe forcimin e mbikëqyrjes publike të profesionit të ekspertit kontabël të regjistruar, si dhe rregullimin e profesionit të kontabilistit të miratuar. Ai parashikon dispozitat që rregullojnë auditimin ligjor të pasqyrave financiare vjetore, individuale dhe të konsoliduara, organizimin e profesionit të ekspertit kontabël, të shoqërive të auditimit, të kontabilistit të miratuar, si dhe rregullimin e organizatave profesionale në fushën e kontabilitetit.

Brenda dy javëve Gjykata Kushtetuese ka rrëzuar dy ligje dhe një marrëveshje të miratuara nga mazhoranca aktuale qeverisëse, duke i cilësuar ato antikushtetuese.

http://www.gazetametropol.com/tekst.php?idt=63982

6.2.2010, 19:23

Citim:

Kushtetuesja hedh poshtë dhe dy ligje të maxhorancës

Gjykata Kushtetuese hedh poshte dy ligje te miratuar me shumice votash nga mazhoranca e djathte. Ligjin “Për auditimin ligjor, organizimin e profesionit të ekspertëve kontabël të regjistruar dhe të kontabilistit të miratuar” eshte shpallur antikushtetues.

Ne keto pak dite Gjykata Kushtetuese hodhi poshte edhe ligjin per transportin e gjyqtareve, sipas te cilit i hiqeshin makinat gjyqtareve dhe prokuroreve.

Keto dy vendime te Gjykates Kushtetuese jane ne vazhden e disa vendimeve te njepasnjeshme te ketij organi, i cili keto dite ka punuar ne menyre intensive si asnjehere tjeter.

Pak dite me pare presidenti Bamir Topi paralajmeroi zevendesimin e 4 prej antareve te Gjykates Kushtetuese per efekt te mbarimit te mandatit. Mazhoranca nen drejtimin e kryeministrit Berisha eshte akuzuar nga opozita se harton ligje te njepasnjeshme antikushtetues.

Deputetja socialiste Vasilika Hysi tha se vendimet e fundit te gjykates kushtetuese jane prova me e mire e akuzave te opozites. Ajo paralajmeroi edhe antikushtetueshmerine e ligjeve me te fundit per Sherbimin Informativ Shteteror dhe ate per organizmin e Policise.

Vendimet me te fundit te Gjykates Kushtetuese hedhin poshte edhe pretendimet e kryeministri Berisha per moshapjen e kutive tha Vasilika Hysi.

http://www.alsat.tv/lajme-nga-vendi/...xhorances.html

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar