Therandë: Verifikohen gjetjet arkeologjike në Shirokë

6.2.2010, 18:47

Citim:

Theranda verifikon gjetjet arkeologjike në zonën industriale në Shirokë

Therandë, 6 shkurt - Para fillimit të ndërtimeve në Shirokë, të përcaktuar nga komuna e Therandës si tokë për zonë industriale do të ketë një lloj verifikimi rreth vlerave arkeologjike, pasi ky lokalitet ndodhet afër Hisarit, zonë kjo në të cilën janë zbuluar gjetje arkeologjike, konfirmuan për KosovaLive zyrtarët përkatës.

Kuvendi komunal i Therandës, në periferi të qytezës në Shirokë ka hartuar një projekt për shtrirjen e zonës industriale në sipërfaqe prej 146 hektarësh, ndërsa kjo zonë ndodhet në afërsi të lokacionit të Hisarit, në të cilin kohë më parë janë kryer gjurmime arkeologjike.

Demir Zekolli, menaxher komunal për trashëgimi kulturore në Therandë, konfirmoi për KosovaLive se para fillimit të ndërtimeve në lokacionin periferik, Shirokë, të përcaktuar nga komuna si tokë ndërtimore për zonë industriale do të ketë një lloj verifikimi rreth vlerave arkeologjike që mund të përmbajë kjo zonë.

“Gjatë hulumtimeve të para nëse ka indikacione se mund të ketë gjetje arkeologjike në këtë zonë, atëherë Instituti Arkeologjik i Kosovës do të bëjë hapjen e sondave kontrolluese, ndërsa nëse rezultojnë gjetje arkeologjike atëherë do të vendoset por gjurmime të mirëfillta arkeologjike në këtë pjesë me qëllim të nxjerrjes së tyre”, tha ai.

Zekolli thotë se paraprakisht do të bëhet pastrimi fizik i terrenit për të larguar shkurret dhe materialet tjera inerte, punë kjo që parashihet të bëhet në gjysmën e parë të këtij viti.

“Vetëm pasi të kryhet një lloj ‘testi’ i përmbajtjes arkeologjike do të jepet leja përkatëse ndërtimore për zonën industriale në Therandë”, tha ai.

Në anën tjetër, Dr. Enver Rexhaj, drejtor i Institutit Arkeologjik të Kosovës, gjatë një takimi me zyrtarët e Therandës, përfshirë edhe kreun komunal Blerim Kuçi, sqaroi se këtë vit parashihet që të kryhen gërmime arkeologjike edhe në 4 lokalitetet të tjera të Therandës.

“Punimet në terren do të fillojnë kah fundi i shkurtit në Tumën e fshatit Gjinoc, ndërsa do të vazhdojnë deri në mesin e muajit prill” tha ai.

Kryetari i Kuvendit Komunal (KK) të Therandës, Blerim Kuçi ndërkaq tha se përkundër që komunal i ka dhënë një prioritet trashëgimisë kulturore për fat të keq, gjatë këtij viti vijat buxhetore për t’i dhënë përkrahje kësaj çështje, por do të punohet në drejtim të gjetjes eventuale të mundësive në këtë drejtim.

Ndryshe territori i Therandës vlerësohet si zonë e pasur arkeologjike, ndërsa pas lufte janë kryer disa gjurmime në zonën e Hisarit, afër qytezës./

http://www.koha.net/index.php?cid=1,8,10885

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar