Malësi: Shqiptarët humbasin njësinë zgjedhore

6.2.2010, 19:58

Citim:

Shqiptarët në Mal të Zi humbin njësinë e tyre zgjedhore

Podgoricë, 5 shkurt - Edhe pse që të gjithë deputetët e partive nacionale parlamentare shqiptare kanë qenë këmbëngulës, që me ligjin e ri zgjedhor, i cili është në periudhën e finalizimit, të definohet njësia e posaçme zgjedhorore shqiptare, nga e cila do të dilnin 5 deputetë, përvojë kjo që aplikohet tash 13 vjet në Malin e Zi, Grupi punues kuvendor nuk e mori parasysh këtë, bën të ditur KosovaLive.

Pikërisht pesë deputetët shqiptarë nga zona e posaçme e tyre zgjedhore, ishin përcaktues që Mali i Zi të shpallet shtet i pavarur dhe sovran dhe të miratojë Kushtetutën e re, që e definon këtë.

“Mali i Zi do të jetë një njësi zgjedhore, pa mandate të garantuara për çka kanë insistuar shqiptarët, dhe në Parlament do të mund të hyjnë komunitetet që e kalojnë cenzusin e karakterit qytetar prej 3 për qind,” thotë bashkërenduesi i Grupit punues parlamentar, Miodrag Vukoviq, duke theksuar se përveç përfaqësuesve shqiptarë, të gjithë anëtarët tjerë ishin unikë për këtë model.

Përfaqësuesi i socialistëve në pushtet, Vukoviq nënvizion se bashkësitë nacionale, të cilat në numrin e përgjithshëm të popullsisë marrin pjesë me mbi 2 për qind, duhet të arrijnë pragun prej 3 për qind.

Sipas tij, këtë model e kanë pranuar të gjitha partitë përveç atyre shqiptare, të cilat kërkojnë përfaqësim autentik sipas ligjit të deritashëm.

Përfaqësuesi i Partisë boshnjake, Kemal Purishiq vlerëson se minoritetet, që në strukturën shtetërore janë më pak se 2 për qind (siç janë kroatët), nuk mund të arrijnë kushtin për t'u përfaqësuar në parlament.

Kështu, pas një debati dyvjeçar shumë të nxehtë politik, merr fund insistimi i shqiptarëve për pesë mandatet nga zona e tyre zgjedhore. Ky propozim i ligjit së shpejti do të miratohet në parlamentin malazias.

http://www.koha.net/index.php?cid=1,24,10792

11.2.2010, 19:54

Citim:

Reagim i Këshillit Nacional të Shqiptarëve në Malin e Zi

Nëpërmjet një komunikate për media dhe opinion reagon Këshilli Nacional i Shqiptarëve në Malin e Zi. Ky këshill modelin e pranuar të forcave të bashkuara politike të pozitës dhe një pjese të opozitës, në lidhje me përfaqësimin autentik të popujve pakicë, në këtë rast konkretisht popullit Shqiptar, që e parasheh Malin e Zi si një njësi zgjedhore.

Por tani pa mandatet e garantuara për Shqiptarët,të zgjedhur prej vitit 1998 në vendvotimet e posaçme për shqiptarët, me vendim të Kuvendit të Malit të Zi, e përjeton si të dobët e keqdashës dhe paraqet një hap prapa kur janë në pyetje të drejtat e Shqiptarëve, sepse mohon të drejtat e tyre të arritura.

Më tej në komunikatë thuhet se konsiderojmë që një zgjidhje e tillë, e pranuar nga shumica e trupit punues kundër vullnetit të përfaqësuesve legjitim të Shqiptarëve është në kundërshtim me përcaktimet Kushtetuese të cilët garantojnë përfaqësimin autentik dhe në kundërshtim me përfundimet e Kuvendit të Malit të Zi për përfaqësimin autentik të shqiptarëve.

Këshilli Nacional i Shqiptarëve përkrah në tërësi dhe pa asnjë razervë qëndrimin dhe kërkesat e deputetve shqiptarë , si dhe të subjekteve politike Shqiptare në Malin e Zi, dhe qëndron fuqishëm në mbështetje të kërkesave të tyre legjitime.

Rreth tërë kësaj çështje lidhur me propozimin e lartëpërmendur për Ligjin e ri zgjedhorë të cilat i konsiderojmë të pa pranueshme, momenti i vetëm që gëzon sa i përket KNSH-së është fakti se të gjithë Deputetët Shqiptarë por dhe subjektet politike Shqiptare janë unik në kërkesën, se nuk ka kthim prapa sa i përket të drejtave të arritura për Shqiptarët.

Prandaj duke qenë jetësisht të interesuar që të drejtat e arritura për Shqiptarët asnjiherë të mos vehen në dyshim, ftojmë institucionet relevante në Mal të Zi por dhe faktorin ndërkombëtarë , që në vepër të tregojnë se respektojnë principet demokratike dhe se vërtet janë të përcaktuar për ndertimin e një shoqërie demokratike në të cilën popujt pakicë, autokton dhe të tjerë,do gëzojnë të drejta të plota njerzore e kombëtare, përfundon komunikata e këtij Këshilli.

http://www.botasot.info/?gjuha=0&category=3&id=46916

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar