Tastierë shqip për Windows (Prektora 1)

mesdimr

Dy fjalë

Prektora 1 është një përshtatje që rendit gërmat e shqipes në prektorë (tastierë) sipas standardit perëndimor (QWERTY). Kjo përshtatje vlen për sistemet operative Windows Vista, XP dhe 2000 Pro.



Risitë e Prektorës 1:



Renditja shkronjore pas instalimit të Prektorës 1 - Pamja normale - Ruhet w, dhe shtohen ë dhe ç.


# Gërmat ë dhe ç caktohen përkatësisht aty ku më parë ishin ; dhe [ - të cilat me radhën e vet rivendosen atypari
# Shtim i theksimit të zanores é të shqipes së njësuar (si dhe á, ú, í, ý, ó, me anë preke të posaçme dhe të zanores përkatëse).
# Shtim i zanoreve hundore â dhe ô si dhe i shkronjave gjermane ü, ä, ö, ß.
# Shtim i shenjave të përdorimit të përgjithshëm në shkresa si p.sh. €,™, ©, ®, ±, ÷, ‰, µ, etj.

http://vargmal.org/shqip

MbV

(Marrë nga "Ndihma" që vjen me instaluesin)

Pas instalimit mbeten dhe disa veprime për të zgjedhur gjuhën dhe përshtatjen e duhur. Ilustrimi më poshtë është kryer sipas ndërfaqes në anglisht.

1. "Start -> All Programs -> Prektora -> Përshtatja"




2. Shtypim mbi prekën "Add" për të shtuar gjuhën e re bashkë me përshtatjen që instaluam.




3. Në dritaren që hapet tokim mbi listën e parë për të zgjedhur gjuhën shqipe, "Albanian".

MbV

4. Në listën e dytë zgjedhim së fundi diku më poshtë përshtatjen "Prektora1".






5. "OK" për të përfunduar me përzgjedhjen.




6. Shtypim dhe këtu mbi "OK" për të pranuar shqipen me përshtatjen e re në listën e gjuhëve të sistemit.

MbV

Prej këtu e tutje, mund të këmbehet mes gjuhëve me anë të prekave "ALT + SHIFT" ose në ninëzat ( , , etj) që shfaqet në rreshtin e fushëpunës. *







____________
* - Nëse ninëza nuk shfaqet atëherë nga dritarja e pikës 7 lart, shtypim majtas, poshtë, mbi "Language Bar" dhe kryejmë përzgjedhjet sipas figurave më poshtë.

MbV

- Për ta zgjedhur shqipen gjuhë themelore shkrimi të sistemit, në dritaren e pikës 2 (ku n.q.s. kemi aktivizuar ninëzën gjuhëtreguese mund të shkojmë më shpejt duke djathtë-tokur mbi ninëz dhe duke zgjedhur "Settings"), lart, në listën "Default input language" zgjedhim "Albanian - Prektora1" dhe "OK" për të pranuar ndryshimin. Tanimë gjuha e parë në përdorim do të jetë shqipja.

- Përshtatja "Prektora1" mund t'i shtohet dhe cilësdo gjuhe tjetër që i përket standardit perëndimor dhe evropianoqendror (latin 1, ISO-8859-1, ISO-8859-2, kodit 1252 ose 1250) duke ruajtur po atë vendosje shkronjore! Nëse nuk dëshirohet të instalohen mbi një gjuhë në sistem, kjo do të ishte zgjidhja e këshilluar për të vazhduar përdorimin e shqipes dhe në gjuhë tjetër. Kështu për t'ia shtuar përshtatjen një gjuhe tjetër ndjekim hapat nga pika 3, por aty nuk zgjedhim më "Albanian", por gjuhën së cilës duam t'i bashkëngjisim Prektorën1. Për të këmbyer mes përshtatjesh brenda një gjuhe përdorim prekat "CTRL + SHIFT".

Punë të mbarë!

shtegtari

Ju përshëndes të gjithëve në Vargmal. Punë të bukur paskët bërë dhe paskët hapur një vend ftues për propozime dhe sygjerime.

Kam plot syresh. Pikësëpari, po filloj me një hap i cili iu bie trup 6 hapave të parë të udhëzuesit për instalim të 'prektorës' (më shumë, herën tjetër, mbi këtë emërtim). Provojeni këtë urdhër në fushën që hapet me START+R, duke e kopjuar (cut and paste) brenda saj

rundll32.exe shell32.dll,Control_RunDLL input.dll

dhe shifni se a do të kishte qenë ide e mirë të përfshihet në udhëzues apo e vështirëson atë edhe më shumë.

Ose, duke kapërcyer më pak hapa (vetëm katër), mund të përdoret edhe 'intl.cpl' me START+R, që çon vetëm në 'Regional and Languge Options' por edhe mbahet më lehtë në mend.

mesdimr

Shtegtar, flm. Kjo do të hyjë në fund të instaluesit me zgjedhje të lirë, siç hapet dhe ndihma, gjithashtu mund ta jap dhe si shkurtesë në dosjen e shkurtesave te Start->All Programs->Prektora->Përshtatja.


Prektorë/prekë. Prekë vjen nga prek, me prek (si cek-cekë, heq-hekë, tek-tekë, ndal-ndalë, shkel-shkallë, etj.) - prej andej prektorë.

Pse prekë? Sepse në gjermanisht Tastatur, Taste nga tasten; frëngjisht clavier, por touche nga touche; italisht tastiera, tasto nga tasto; ku tasten, touche, tasto = prek (tok, cik, çik, cek, cekoj, thek, takoj, etj.)... Ndaj, prekë - prektorë. Tingëllimi e rrënja duken të paqme, gramatika e semantika të sakta.

MbV

Deri të dielën duhen kryer ndryshimet që të shfaqen dhe këtu.

Gjithashtu do qe mirë sikur teksti i instaluesit të kalojë në UTF-8, për sisteme që nuk janë në anglisht, se duket të jetë në ANSI.

mesdimr

Vetëm ANSI lejon instaluesi, ka qenë kufizim që në fillime. Megjithatë s'duhet të jetë problem i madh, në këtë fazë. Prektora kaloi në 1.16, ndryshimet e ndihmës mund të sillen dhe këtu.