Libër: "Princi i rapsodisë shqiptare", Mark Mesuli

26.7.2010, 17:39

Citim:

Për një princ patriark të rapsodisë

Mark Mesuli është studiues i zellshëm dhe ndriçues i disa figurave të shquara të krahinës së Pukës dhe të Mirditës. Libri “Princi i rapsodisë shqiptare” prej 440 faqesh është i katërti në serinë e botimeve të tij që synon t’i vazhdojë edhe disa të tjera në të ardhmen.

Frrok Haxhia është njëri prej rapsodëve më të njohur në të gjithë trojet e Shqipërisë etnike e më gjerë gjatë shekullit XX dhe vazhdon. Është vlerësuar “një princ, një patriark i madhërishëm i këngës popullore...”

Pa dyshim, ky studim monografik ka risi në mënyrën e analizës e të sintezës së krijimtarisë artistike të Frrok Haxhisë. Arkivi i tij përmban një pasuri me vlerë të veçantë ku ruan një korrespondencë të më shumë se 100 personaliteteve të kulturës kombëtare.

Ky punim serioz bën një analizë dhe sintezë të rapsodisë në përgjithësi të shekullit të njëzetë dhe të asaj të Frrok Haxhisë në veçanti. Ai arrin në përfundimin se kjo krijimtari ka kryer misionin e vet fisnik për trashëgiminë folklorike dhe për t’ia lënë atë brezave.

“Kënga popullore si art bëhet nga njerëz me talent, të përkushtuar, që përbëjnë elitën, fisnikërinë e këtij arti”, - thotë Akademiku, prof. dr. Mark Tirta dhe vijon: “Një princ, një patriark i madhërishëm i këngës popullore me çifteli është pa dyshim artisti Frrok Haxhia, që për rreth 60 vjet krijon e këndon në këtë fushë të artit... që vijon një traditë popullore që udhëtoi në shekuj, por atë e ngriti në një lartësi të re si art, si ide, si forcë ndikuese në mendje e zemër të shqiptarëve, në atdhetarizëm, në përparim social e kulturor që koha e sotme na e kërkon...”

Pikërisht duke u nisur nga ky vlerësim është vënë edhe titulli i librit. Kritiku i artit, prof. dr. Josif Papagjoni, vë në dukje: “... (Frrokut) vargu i buronte, sepse është pjesë e qenies së tij, fibër e shpirtit, patos emocional... kronikan... që në vargje e këngë me çiftelinë e tij, frynte e gjëmonte historia, shfaqeshin e përshfaqeshin portretet legjendare të Skënderbeut... të Bajram Currit e Ded Gjo Lulit, të Ismail Qemalit e Selam Musait... dhjetëra e dhjetëra njerëz të pushkës e të dijes vinin natyrshëm, shpreheshin, identifikoheshin... Kur dilnin në skenë at e bir (Tonini i vogël), shkaktonte te publiku një kënaqësi të veçantë, e shoqëruar me simpati, admirim, dashuri, gjer edhe me habi... Ishte mbrujtur si rapsod epik, veç zemra e tij preku po aq edhe nga dashuria e çiltër, e pastër...”

http://www.standard.al/index.php/kulture/9529.html

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

Tituj të ngjashëm
Çështja
Libër: "Maqedonia shqiptare" nga VNf në danën "Të reja"