Mbi përdorimin e logut dhe faqosjen e shkrimeve

MbV

Për çdo vërejtje që nuk shihet e arsyeshme apo është e pamundur të kryhet nën logun "Teknike", mund të lidheni me ne me anë të këtij kërkesori.


1. Anëtarësimi

1.1 Leximi është i lirë për çdo kalimtar, por për të shkruar në log, kërkohet së pari anëtarësim.

1.2 Për t'u anëtarësuar kërkohet një kah postar, një nofkë dhe një fjalëkalim. (Për nga natyra e logut, nuk këshillohet të shkruhet nën emrin e vërtetë, bashkëfjalimet kryhen rreth ideve dhe jo rreth shprehësve të ideve.)


2. Njoftimi

2.1 Për t'u njoftuar në log përdoren fushat lart në të djathtë.

2.2 Për të qëndruar i njoftuar pa kufi kohor zgjidhet qoka "Të ruhen të dhënat?" (nuk këshillohet në mjedise publike). N.q.s. nuk zgjidhet kjo qokë, çnjoftoheni vetiu prej sistemit pas një kohe të caktuar. (Një praktikë e mirë, në mjedise publike, është të kryhet gjithnjë çnjoftim dorazi nga logu.)


3. Kërkimi

3.1 Kërkimi në log me të gjithë veçoritë e tjera është i mundur vetëm për anëtarët.


4. Kumtimi

4.1 Logu përfshin një sistem të brendshëm kumtimi vetjak mes anëtarëve (Kv). Përdorimi kryhet tek pulti i tarimit të anëtarit.

4.2 Gjithashtu mund të kumtohet dhe nëpërmjet postës nëse marrësi ka zgjedhur të pranojë postë nga anëtarët e tjerë. Nëse nuk dëshiron ta bësh të ditur kahun tënd postar, çaktivizo marrjen e postës gjatë anëtarësimit ose më vonë në pultin e tarimit.


5. Faqosja e shkrimeve

5.1 Për lehtësi leximi është kusht teknik i logut vendosja e një radhe hapësirë mes dy kryeradhëve të njëpasnjëshme.

5.2 Për të faqosur shkrimin përdoren kodet përkatëse sipas kësaj mënyre:

Hapim urdhrin mes dy kllapave katrore: [urdhri], japim brendinë e çfarëdoshme që do faqoset: brendia, mbyllim urdhrin me djathëthyesë ( / ) pas kllapës së parë katrore: [/urdhri].

Trajta përfundimtare e çdo urdhri është: [urdhri] brendia [/urdhri]

Çdo urdhër i tillë faqosjeje (thënë ndryshe: kod BB) mund të vendoset lehtë me pullat përkatëse që ndodhen mbi fushën e redaktimit të shkrimeve.

MbV

5.2.1 Shkrimi:

[b]trashë[/b] = trashë
[i]pjerrët[/i] = pjerrët
[u]nënvizuar[/u] = nënvizuar
[s]mesvizuar[/s] = mesvizuar
[n]mbishënim[/n] = ^mbishënim
[size=1]madhësia 1[/size] = madhësia 1 (ku madhësia 1 mund të ndryshohet nga 1 deri në 4, sipas funksionit)


5.2.2 Vendndodhja:

[indent]kryeradhë[/indent]

kryeradhë

[left]majtas[/left]

[center]mes[/center]

[right]djathtas[/right]


5.2.3 Nyjet:

Normalisht n.q.s. jepet një nyje e plotë në trajtën http://vargmal.org atëherë do të aktivizohet vetiu si e tillë: http://vargmal.org, pa qenë nevoja të lakohet me kodin e posaçëm. Për ta çaktivizuar krijim e vetishëm të nyjes, në faqen e redaktimit, çzgjidh qokën: Krijo vetiu nyjet në shkrim.

Për të paraqitur një fjalë apo shprehje në rolin e nyjes:

[url=http://vargmal.org]Shprehje me nyje[/url] = Shprehje me nyje

5.2.4 Citimet:

Për citim pa përmendur thënësin përdorim kodin: [quote]citimi[/quote]
Për citim duke përmendur dhe thënësin: [quote=MbV]citimi[/quote]

5.2.5 Fotografitë (ndrisat)

Të brendshme (bashkëngjitje me shkrimin). Fotografitë mund të ngarkohen si bashkëngjitje në shkrimin përkatës (siç dhe këshillohet). Me anë të urdhrit [attach] duke marrë dhe numërnjoftimin përkatës të fotografisë së bashkëngjitur ato trupëzohen në shkrim si vijon:

[attach]56[/attach]

Numri 56 në shembullin sipër është numërnjoftimi i fotografisë së bashkëngjitur. Ky numërnjoftim është i veçantë për çdo bashkëngjitje dhe mund ta gjendet pasi është ngarkuar fotografia dhe mbyllur dritarja e ngarkimit, duke kaluar me mi sipër nyjeve të bashkëngjitjeve të ngarkuara që shfaqen nën fushën e shkrimit. Nyjet e bashkëngjitjeve kanë trajtën:

http://vargmal.org/attachment.php?attachmentid=56&stc=1&d=1155844440

Pjesa që na nevojitet është: attachmentid=56, gjegjësisht vetëm numri, në këtë rast: 56.

Me anë të urdhrit [attach] fotografia (apo çdo lloj bashkëngjitjeje tjetër .doc, .pdf, etj.) mund të vendoset kudo në shkrim.


Të jashtëme (nyjëtim). Për të vendosur fotografi nga jashtë kërkohet patjetër të lakohet vendndodhja e saj me urdhrin [img]:

[img]http://vargmal.org/psh/ndrisa.jpg[/img]

MbV

Që sot nofkat janë të ndryshueshme për të gjithë anëtarët. Ndryshimet bëhen në Pultin e tarimit të anëtarit, në zgjedhjen Ndrysho postën, fjalëkalimin & nofkën.

Nofkat që zgjidhen parapëlqehen në shqip, megjithatë nuk ka kufizime.

Nofka mund të ndryshohet në çdo kohë, por për të mos krijuar hutim në log nuk këshillohet të ndërrohet shumë shpesh. 1 herë në muaj është minimum i arsyeshëm.

MbV

Simboli k majtas poshtë shkrimeve shërben për t'i dhënë autorit të një shkrimi koment rreth shkrimit në fjalë. Për të mos rënduar çështjet me fjali që në thelb janë komente shoqërore apo bisedë jashtë teme, mund të përdoret pikërisht ky funksion.

Komentet më të vjetra se 4 muaj shuhen automatikisht.