Parti dhe zgjedhje

Kandhaon · 15.11.2009, 12:28

15.29 % e votuesve kanë dalë në zgjedhje deri në orën 11:00

18.11.2009, 11:04

Citim:

Kosovë, KQZ shpall rezultatet paraprake

Prishtinë - Komisioni Qendror i Zgjedhjeve në Kosovë ka publikuar rezultatet paraprake të zgjedhjeve lokale. Në 16 komuna subjektet politike fituan që në raundin e parë. Kryetarja e KQZ-së, Nesrin Lushta ka theksuar se rezultatet janë paraprake dhe mund të pësojnë ndryshime, meqë nuk janë llogaritur votat me kusht.

"Në Prishtinë, Isa Mustafa nga LDK-ja ka fituar 56.6 për qind. Pjesëmarrja elektorale ka qenë 46.76 për qind", ka thënë Lushta, gjatë takimit me gazetarë.

Komuna e Ferizajt është fituar nga kandidati i PDK-së, Bajrush Xhemajli.

Ndërsa kandidati i AAK-së, Pal Lekaj ka fituar në Gjakovë.

Në Prizren dhe në Gjilan do të mbahet raundi i dytë zgjedhor, në të cilin do të garojnë kundrejt njëri-tjetrit kandidatët e PDK-së dhe LDK-së.

Ndërsa në Mitrovicë do të hyjë në balotazh PDK-ja me AKR-në.

Në Pejë në balotazh shkojnë kandidatët e AAK-së dhe LDD-së.

Partia Demokratike e Kosovës, përveçse në Ferizaj, fiton pa balotazh edhe në Gllogovc, Skënderaj, Shtime dhe Zubin Potok.

Lidhja Demokratike e Kosovës pa balotazh, përveç kryeqytetit, fiton edhe në Fushë Kosovë dhe në Podujevë.

Kandidatët e Aleancës për Ardhmërinë e Kosovës, përveç Gjakovës, kanë fituar pa balotazh edhe në Deçan, Leposaviq dhe Zveçan.

Ndërsa, Partia Demokratike Turke e Kosovës ka fituar, që në raundin e parë në Mamushë.

Përfaqësuesit serbë kanë fituar në raundin e parë në tri komunat e reja, në Kllokot, Graçanicë dhe në Ranillugë.

Partia Demokratike e Kosovës shkon në balotazh me Lidhjen Demokratike të Kosovës në Vushtrri, Malishevë, Kaçanik, Dragash, Lipjan, Obiliq dhe Rahovec.

Lidhja Demokratike e Kosovës shkon në balotazh me Aleancën për Ardhmërinë e Kosovës në Istog dhe në Junik.

Partia Demokratike e Kosovës dhe Lidhja Demokratike e Dardanisë shkojnë në balotazh në Viti.

Mes Partisë Demokratike të Kosovës e Aleancës për Ardhmërinë e Kosovës gara për kryetar komune do të zhvillohet në Klinë dhe Suharekë.

Partia Demokratike e Kosovës dhe Aleanca Kosova e Re do të garojnë për Kamenicën.

LDK do të jetë në garë me Partinë Nacional Demokrate Serbe për të fituar Novobërdën.

Ndërsa, në komunën tjetër të përzier etnikisht, Shtërpcë, garon në raundin e dytë Partia Liberale Serbe kundër PDK-së.

PDK do të garojë kundër kandidatit të pavarur Rufki Suma në Han të Elezit.

KQZ nuk ka bërë të ditur se kur do të shpallen rezultatet përfundimtare, por ka njoftuar se një gjë e tillë do të bëhet pas numërimit të votave me kusht.

http://www.gazetastart.com/lajm.php?...iptare&nr=7840

19.11.2009, 12:47

Citim:

LDK-ja dhe AAK-ja në Prizren lidhin koalicion

Sot bëhet zyrtarizimi publik i marrëveshjes mes Degës së LDK-së dhe të AAK-së në Prizren, e lidhur të mërkurën mbrëma, që kjo e fundit të përkrahë kandidatin e LDK-së për kryetar të Prizrenit, Hanefi Muharremi, në rundin e dytë të zgjedhjeve, me 13 dhjetor. Në balotazh, Muharremi do të ketë për kundërshtar Ramadan Mujën e PDK-së.

“Dega e Lidhjes Demokratike të Kosovës dhe Dega e Aleancës për Ardhmërinë e Kosovës në Prizren kanë arritur marrëveshje që në balotazh për kryetar të Komunës së Prizrenit kandidati i Degës së Lidhjes Demokratike të Kosovës, Hanefi Muharremi, të mbështetet nga Aleanca për Ardhmërinë e Kosovës”, thuhet në një njoftim të dërguar nga zyrat për informim të degëve të dy këtyre partive në Prizren.

Sipas njoftimit, me marrëveshjen që pritet të zyrtarizohet sot, do të bëhen publike modalitetet e koalicionit në një konferencë të përbashkët për shtyp.

Kandidati i LDK-së, Hanefi Muharremi, në bazë të rezultateve të bëra publike nga KQZ-ja, ka marr 30.3 për qind të votave, kundrejt Ramadan Mujës të PDK-së, i cili ka marr 31.2 për qind të votave, për kryetar të Prizrenit.

Ndërkaq, për Kuvendin Komunal, LDK-ja ka marr 25.9 për qind nga 41 ulëset sa ka KK-ja e Prizrenit, ndërsa PDK-ja ka marr 28.8 për qind të ulëseve, sipas rezultateve të rritshme të bëra publike nga KQZ-ja.

Pas këtij koalicioni, LDK-ja dhe AAK-ja arrijnë një forcë prej 33.8 për qind të ulëseve në KK-në (AAK-ja ka marrë 7.9 për qind)..

Në bazë të kësaj përqindje, maksimumi i ulëseve që mund të sigurojnë bashkarish në KK këto dy subjekte, është 14 ose 15 këshilltarë, që nuk mjafton karshi të paktën 21 votave, sa i duhet një subjekti politik që të ketë shumicën në Kuvendin Komunal, nëse i fiton edhe zgjedhjet për kryetar komune, me 13 nëntor. (Koha Ditore)

http://www.ina-online.net/Default.as...1079849b6&ln=3

19.11.2009, 17:47

Citim:

Vasili: “Protesta e PS-së, rrezik nga A/H1N1”

Protesta e Partisë Socialiste e planifikuar për datën 20 nëntor përbën rrezik për përhapjen e mëtejshme të gripit të derrit.

Sipas ministrit të Shëndetësisë, Petrit Vasili, kjo protestë përbën rrezik për shkak të grumbullimit që është planifikuar të organizohet, duke i shtuar kësaj dhe faktin që ajo do të zgjasë për tri ditë dhe pjesëmarrësit do të flenë në çadra.

Kështu, ministri i Shëndetësisë është shprehur se në këto ditë gatishmëria do të jetë më e lartë. Vetëm pak kohë më parë, ISHP ka bërë të ditur se duhet të evitohet qëndrimi në grupe të mëdha në këtë situatë pandemike.

Sipas ministrit të Shëndetësisë, gjendja aktuale është e vështirë, pasi kemi një kombinim të gripit të derrit me virusin sezonal, i cili po shfaq komplikacione të rënda.

http://www.ballkan.com/index.php?pag...ws&newsID=2461

20.11.2009, 00:03

Citim:

Prishet koalicioni qeveritar?

RTK ka mësuar nga një burim i lartë brenda PDK-së se pas prishjes së njëanshme të marrëveshjen nga ana e LDK-së, pasi që kjo e fundit ka lidhur koalicion me partitë tjera, megjithëse ishin marrë vesh për të shkuar veçmas në balotazh, pritet të ketë ndryshime në nivelin qendror të qeverisjes.

Sipas këtij burimi, PDK pas ndryshimeve të ndodhura në terren, pritet që të premten të nënshkruajë koalicionin e ri në nivel qendror me AKR, LDD dhe partitë e minoriteteve. Gjithnjë sipas atij burimi, president i ri do të jetë Behgjet Pacolli, kryeministër Hashim Thaçi ndërsa kryetar i Kuvendit do të jetë Nexhat Daci .

Ndërkohë, nëpërmjet një komunikate për media, PDK ka njoftuar se kjo parti ka vendosur “që të rishqyrtojë ose të riformatizojë koalicionin qeverisës në nivel qendror”.

“Partia Demokratike e Kosovës, pas konstatimit të shkeljeve së marrëveshjes së koalicionit nga ana e Lidhjes Demokratike të Kosovës, ka vendosur që të rishqyrtojë ose të riformatizojë koalicionin qeverisës në nivel qendror. Takimet konsultative do të vazhdojnë edhe gjatë ditës së nesërme (e premte), deri në marrjen e një vendimi definitiv”, thuhet në komunikatë.

http://www.telegrafi.com/?id=2&a=6321

Citim:

Shkatërrohet koalicioni qeveritar PDK-LDK

Të enjten vonë RTK- ja bëri publik lajmin për prishjen e koalicionit të tashëm qeveritar PDK-LDK. Sipas burimeve brenda PDK-së, koalicioni do të prishet për shkak se LDK-ja ka lidhur marrëveshje me parti tjera para mbajtjes së balotazhit për kryetarë të komunave.

Sipas këtyre burimeve, që i transmeton RTK, Partia Demokratike e Kosovës do të lidhë koalicion me AKR-në, LDD-në dhe partitë e minoriteteve.

Me marrëveshjen e re të koalicionit, kryeministër i vendit do të mbetet Hashim Thaçi, derisa vendin e Fatmir Sejdiut në ulësen e presidentit do ta zë Behgjet Pacolli, ndërsa atë të kryeparlamentarit aktual, Jakup Krasniqi, do ta zë ish-kryeparlamentari dhe kryetar i LDD-së, Nexhat Daci.

Pritet që marrëveshja për nënshkrimin e koalicionit të ri të nënshkruhet të premten në orën 14:00.

http://alsat-m.tv/index.php/lajme/rajoni/20618.html

20.11.2009, 12:07

Citim:

Dule i PBDNJ bën sekserin e PS-së

Vangjel Duke, Kryetar i partisë Bashkimi për të Drejtat e Njeriut, i vetmi deputet opozitar, i cili merr pjesë në seancat e Kuvendit, u ka bërë thirrje dy palëve, maxhorancës dhe opozitës, të gjejnë kompromis.

Dule ka theksuar se të dy palët duhet të lëshojnë nga qëndrimet e shprehura pasi në të kundër do të jetë e pamundur gjetja e gjuhës së përbashkët. Kreu i PBDNJ-së i ka kërkuar Kryeministri Berisha që të bëhet ai iniciatori i nisjes së dialogut.

“Ky është momenti i ndërmarrjes nga kryeministri i nismave të guximshme. Merrni iniciativa që mund të jenë edhe në dëmin e forcës suaj politike për ta futur vendin në rrugë të lirë”,- tha Dule.

Pasi përshëndeti vendimin e Bashkimit Europian për shqyrtimin e kërkesës së Shqipërisë për marrjen e statusit të vendit kandidat, Dule shtoi se ky është momenti për bashkëpunim mes forcave politike.

“Fatkeqësisht, ne tani gjendemi të fragmentarizuar, gjysma brenda dhe gjysma jashtë parlamentit. Kemi gjëra të përbashkëta, një axhendë që mund të shërbejë si nyjë e përbashkët, siç është implementimi i MSA, prej së cilës asnjë forcë politike nuk është distancuar”,- është shprehur kreu i PBDNJ-së.

http://www.gazeta-agon.com/mat.php?idm=10928&l=a

20.11.2009, 13:25

Citim:

Konfirmohet prishja e koalicionit, koalicioni i ri PDK-AKR-LDD

Zëvendëskryeministri i Kosovës Ramë Manaj nga radhët e LDK-së ka konfirmuar për marrjen e njoftimit nga zv.kryeministri Hajredin Kuqi për prishjen e koalicionit në mes të PDK-së dhe LDK-së.

Sipas Manajt, zv.kryeministri Kuqi ka kërkuar nga z. Manaj që të njoftohet Presidenti për prishjen të këtij koalicioni. Nesër pritet të mblidhet urgjentisht kryesia e LDK-së. Manaj ka deklaruar se ka pasur një telefonatë nga zv. kryeministri Hajredin Kuçi, njëherësh nënkryetar i PDK-së, i cili i ka thënë se kjo parti ka arritur koalicion të ri në nivel qendror me AKR-në dhe LDD-në dhe që në lidhje me këtë përmes tij të njoftohet presidenti Fatmir Sejdiu, ndërsa ka shtuar se LDK-ja nuk do ta ketë aspak problem që të dalë nga koalicioni me PDK-në.

“Natyrisht ishte e papritur dhe befasi e llojit të vet. Unë e kam njoftuar presidentin dhe mbetet të shihet të premten në mëngjes se çfarë do të ndodhë më tej. Zoti Kuçi nuk na ka dhënë asnjë arsye, asnjë zbërthim të mëtejmë, duke thënë se vetëm kemi bërë koalicion me LDD-AKR-në si qeveri e vetme”, ka thënë Manaj.

Duke komentuar mundësinë që në prishjen e koalicionit të ketë dikuar arritja e koalicionit në nivel lokal ndërmjet LDK-së dhe AAK-së në Prizren, Manaj ka thënë se kështu është dëgjuar të jetë thënë nga PDK-ja, por sipas tij, ky ka qenë vetëm pretekst.

Lidhur me atë nëse kanë pasur marrëveshje LDK me PDK-në që të garojnë të vetme në balotazh dhe të mos bëjnë koalicion me asnjë parti tjetër, Manaj ka deklaruar se LDK-ja ka hyrë në zgjedhje dhe është certifikuar si e vetme, dhe asnjëra parti nuk ka pasur koalicion parazgjedhor.

“Ne kemi mbetur edhe më tutje me opsionin e garës si të vetëm, por edhe pas përfundimit të rundit të parë të zgjedhjeve. Ne do të shikojmë të gjitha variantet dhe të gjitha opsionet dhe do të shohim se çfarë do të ndodhë më tutje”, ka thënë Manaj, duke komentuar mundësinë që Kosova të shkojë në zgjedhje të parakohshme.

http://www.botasot.info/?gjuha=0&category=3&id=37819

Citim:

Deklaratat e djeshme janë aventura interesante, thotë Kryeziu

Pas takimit të sotëm, Kryesia e LDK së ka dalë me një deklaratë rreth zhvillimeve më të reja rreth qeverisjes së vendit.

Në deklaratën lexuar para gazetarëve nga nënkryetari i saj Eqrem Kryeziu, theksohet se "LDK ja është parti e përgjegjshme e cila objektiv parësor e ka stabilitetin e vendit".

"Zgjedhjet lokale të 15 nëntorit kanë dhënë një provë të fuqishme të pjekurisë dhe demokracisë në Kosovë në të cilën LDK ja ka dhënë kontribut madhor. LDK ja në balotazh do të krijojë partnerë të ndryshëm lokalë sipas specifikave të secilës komunë. Në të njëjtën kohë, LDK ja do të vazhdojë të angazhohet me përgjegjësi për funksionimin dhe zbatimin e obligimeve shtetërore që dalin nga partneriteti në nivel qendror, e që është e rëndësisë parësore për funksionimin e institucioneve qendrore shtetërore të Republikës së Kosovës, presidencës, parlamentit dhe qeverisë, në pajtim me kushtetutën dhe ligjit".

http://www.botasot.info/?gjuha=0&category=3&id=37837

Citim:

PDK tërhiqet nga vendimi për shqyrtimin e koalicionit qeverisës

Kryesia e Partisë Demokratike të Kosovës (PDK), përmes një komunikate për media, u tërhoq të premten nga qëndrimi i vetëm disa orëve më herët për shqyrtimin e marrëveshjes me partnerin e koalicionit, Lidhjen Demokratike të Kosovës (LDK) dhe reformatimin e qeverisë.

PDK, ka lëshuar një komunikatë për media, ku ndër të tjera thekson se, kjo parti “mbetet fuqimisht e përkushtuar për stabilitetin funksional të institucioneve qendrore të Republikës së Kosovës dhe procesin e shtetndërtimit”.

“Zgjedhjet lokale të 15 nëntorit, të lira, fer dhe demokratike dhe me gjithëpërfshirje, nuk do te mund të ndikojnë në funksionimin e mirë të institucioneve qendrore: Parlamentit, Presidentit dhe Qeverisë së Republikës së Kosovës”, thuhet në komunikatë.

Partneriteti i koalicionit në nivel qendror – sipas komunikatës së PDK-së – “mbetet i konsoliduar dhe i pacenueshëm e funksional, në pajtim me Kushtetutën dhe ligjet e Republikës së Kosovës dhe marrëveshjen e koalicionit deri në zgjedhjet nacionale të vitit 2011”.

“PDK do të vazhdojë përkushtimin në filozofinë e shtetndërtimit dhe unitetit në prag të procesit të Republikës së Kosovës në Gjykatën Ndërkombëtare të Drejtësisë dhe pritjes së njohjeve të reja dhe proceseve integruese euro-atlantike”, përfundon komunikata e PDK-së.

http://www.rtklive.com/new/?cid=1&newsId=33842

20.11.2009, 20:08

Citim:

AAK akuzon PDK-në për simulim

Aleanca për Ardhmërinë e Kosovës ka reaguar lidhur me mundësinë e prishjes së koalicionit qeveritar mes PDK-së dhe LDK-së. AAK përmes një kumtese për media thekson se zhvillimet e fundit rreth koalicionit qeveritar, janë edhe një humbje e madhe për Kosovën.

“Aleanca për Ardhmërinë e Kosovës vlerëson se simulimi i prishjes së koalicionit qeveritar nga ana e Partisë Demokratike të Kosovës ndodhi në kohë të keqe për shkak të proceseve të rëndësishme që përballet Kosova, sikurse procesi në Gjykatën Ndërkombëtare të Drejtësisë dhe rundi i dytë i zgjedhjeve lokale”, thuhet të reagimin e AAK-së.

Nga ky subjekt politik thuhet se qeveria Thaçi i ka shkaktuar humbje të mëdha vendit, ndërsa loja e orëve të fundit e kryeministrit të vendit vërteton papjekurinë politike të Hashim Thaçit dhe të PDK-së.

“Kjo papjekuri shkakton çrregullim të mëtejmë institucional në një moment shumë të rëndësishëm për vendin. AAK fton forcat politike në Kosovës që të punojnë për një qeveri të djathtë të Kosovës, të përgjegjshme, që garanton stabilitet dhe e cila mund t’i bartë proceset drejt integrimit në Bashkimin Evropian dhe NATO”, thuhet në këtë komunikatë të AAK-së.

Kjo parti ka kërkuar që zgjedhjet parlamentare të mbahen sa më shpejtë që është e mundur.

http://www.gazetaexpress.com/index.p.../19465/C4/C13/

Citim:

LDK-AAK, marrëveshje për balotazh edhe në Sharr

Pas arritjes së djeshme të koalicionit në Prizren, Lidhja Demokratike e Kosovës dhe Aleanca për Ardhmërinë e Kosovës (AAK) kanë arritur të premten marrëveshje për koalicion për balotazh edhe për komunën e Sharrit (Dragashit), ku kandidati i LDK-së Halim Shemsedini do të ketë përballë kandidatin e PDK-së Salim Januzi.

Në zgjedhjet e 15 nëntorit, në garën për të parin e komunës së Sharrit kandidati i PDK-së Salim Januzi ka fituar 39.7 për qind të votave, derisa Halim Shemsedini nga LDK ka fituar 37.2 për qind.

Për shkak se asnjëri nga kandidatët nuk ka marrë mbi 50 për qind të votave të nevojshme, do të shkohet në balotazh më 13 dhjetor. Arritja e marrëveshjes për koalicion ndërmjet LDK-së dhe AAK-së ka zemëruar PDK-në, e cila mbrëmë pat paralajmëruar prishjen e koalicionit dhe hyrjen në koalicion me LDD-në, AKR-në dhe minoritetet, por që më vonë hoqi dorë nga kjo deklaratë.

http://www.telegrafi.com/?id=2&a=6336

23.11.2009, 19:59

Citim:

Opozita thirrje për mosbindje civile

Partia Socialiste në vijim të protestës së saj, ka vendosur mbrëmë në një mbledhje në “qiell të hapur” për strategjinë që do të ndiqet në vijim për hapjen e kutive të votimit.

Të gjithë anëtarët e Kryesisë së PS-së kanë qenë dakord për përshkallëzimin e protestës së tyre, duke arritur tek një pikë që ka të bëjë me një ultimatum qeverisë për hapjen e kutive të votimit.

Partia Socialiste i ka lënë një afat mazhorancës një afat prej dy javësh për të reflektuar mbi kërkesat e opozitës. Mitingu tre ditor i kësaj partie mbyllet sot, ndërsa është hedhur ideja e një tjetër mitingu më datë 29 nëntor ose më 5 dhjetor.

Duket se protesta do të përshkallëzohet deri në mos njohjen e shtetit dhe thirrjen për popullsinë që të mos njohi këtë qeveri. Opozita do t'u kërkojë ish-ushtarakëve, shoferëve të linjave urbane, punonjësve të administratës lokale, etj. Që të mos njohin autoritetin e qeverisë qendrore.

http://www.telegrafi.com/?id=3&a=4510

Citim:

Paloka: Çunat e Bllokut duan të vijnë në pushtet me dhunë

Deputeti i Partisë Demokratike, Edi Paloka, lëshoi akuza të ashpra ndaj drejtuesve të Partisë Socialiste. Duke i quajtur “Çunat e Bllokut”, Paloka tha se drejtuesit e PS-së kërkojnë të vijnë në pushtet me dhunë, pasi sipas tij, ata janë të etur për pushtet.

“Ditët e fundit çunat e Bllokut po iu tregojnë qartë shqiptarëve se kanë vetëm një qëllim e një dëshirë, etjen e tyre për pushtet. Çuni i Kristaqit, çuni i Sule Bushatit, çuni i Xhelilit dhe ai i Hamitit së bashku me ministrin e fundit të Sigurimit të Shtetit, ministrin e fundit që qëndronte në krah të Ramiz Alisë në ’90-ën dhe eksponentë të mafies së kuqe, duan të vijnë në pushtet me dhunë”, - deklaroi Paloka në një dalje publike për mediat.

Paloka tha më tej se mazhoranca premton se nuk do të lejojë që në Shqipëri bijtë e diktaturës të cenojnë demokracinë në vend. Deputeti i PD-së shtoi se fatin e baballarëve do e pësojnë edhe bijtë e tyre.

“Unë jam këtu për t’iu bërë të qartë se ne që hodhëm në koshin e plehrave të historisë baballarët e tyre, jemi të gatshëm dhe ju premtojmë se do ju rezervojmë të njëjtin fat, ne mos më keq, këlyshëve të Bllokut nëse iu shkon ndërmend të përmbysin demokracinë e të kërkojnë të vijnë në pushtet me dhunë. Megjithëse unë mendoj se këlyshët e rrahur vetëm lehin e kujisin”, - përfundoi deklaratën e tij Edi Paloka, deputeti i PD-së.

http://standard-al.com/tekst.php?idt=23932

Amantia · 23.11.2009, 20:15

Këta mund të jenë çunat e bllokut po ama teserën e partisë e ka pas shoku Sali Berisha kryeministri i tanishëm i Shqipërisë. Nuk po arrij ta kuptoj kush është më e kuqe, pozita apo opozita ?

puntori · 24.11.2009, 02:13

Në njërin krah kemi pseudo-antikomunistët dhe në krahun tjetër neo-komunistët. Jan ndar gjoja në të djatht e të majt, kur në fakt po përfundojm në një form qeverisëse tipike amerikano-latine....përtej të majtës dhe të djathtës !

24.11.2009, 11:08

Citim:

Protestat, Lame: “Po përsërisim historinë e para 19 vjetëve”

Anëtari i Asamblesë së Partisë Socialiste, Artan Lame, ka deklaruar se në Shqipëri historia po përsëritet si para 19 vjetësh ku populli u ngrit në protesta për demokraci dhe për lirinë e fjalës dhe të votës.

Lame ka theksuar se jemi në të njëjtën pikë dhe historia mbetet e njëjtë dhe për këtë përgjegjës është Berisha.

Anëtari i Asamblesë së PS-së, duke e cilësuar kryeministrin Berisha si e keqja më e madhe e Shqipërisë, theksoi se vendi tashmë është futur në një krizë politike.

Sipas tij, protestat nuk janë e vetmja zgjidhje e problemeve, por është e vetmja mënyrë për të dëgjuar problemet.

Lame gjithashtu theksoi se, edhe pse tashmë ka një egërsim të madh të popullit, kryeministri Berisha po bën rolin e shurdhit.

http://www.ballkan.com/index.php?pag...ws&newsID=2580

25.11.2009, 22:35

Citim:

PS shpërndan paratë për ata që fjetën tek Kryeministria

Në dy-tre njësi bashkiake në Tiranë dje ka pasur një radhë të pazakontë. Njerëz që kërkonin, nuk shkonin për të marrë certifikatë apo pasaportë, por që prisnin të merrnin para për fjetjen në trotuar dy net rresht.

Bëhet fjalë për protestuesit e PS-së që qëndruan dy net e tri ditë në bulevardin para Kryeministrisë, të cilët me sa duket janë paguar për ta bërë këtë sakrificë njerëzore dhe nuk e kanë bërë se janë shumë socialistë apo se besojnë tek qëllimi i protestës.

Burime shumë të sigurta pranë stafit organizues të protestës të PS-së bënë të ditur për “standard” se shumica e atyre që kanë pranuar të qëndrojnë në shesh për dy net kanë pranuar ta bëjnë këtë kundrejt pagesës. Sipas këtyre burimeve, pagesa ka qenë simbolike 20 mijë lekë të vjetra nata, por që nxjerr në pah mënyrën se si funksionojnë tubimet e kësaj natyre, të cilat më pas Rama i cilëson revolucione popullore.

Paratë janë shpërndarë dje dhe do të vijojnë në vazhdim pranë në mënyrë private nga stafet organizuese të PS-së, por dhe në njësi bashkiake apo në bashkitë e qyteteve të tjera që drejtohen nga PS-ja. Ndërkaq të gjithë e dinë se njerëzit flasin dhe gjërat merren vesh. Në fund të fundit ata që ishin në bulevard dy net për PS-në nuk kanë nënshkruan ndonjë kontratë heshtjeje.

Disa protestues nga qyteti i Cërrikut, të cilët janë farefis me njëri-tjetrin, thonë se janë të majtë në bindje, por për të ardhur në Tiranë ata kishin 20 mijë lekë të vjetra.

Ka të tjerë që flasin dhe për shuma të tjera, por thelbi mbetet i njëjtë, protestim në këmbim të pagesës.

http://standard-al.com/tekst.php?idt=24009

25.11.2009, 23:02

Citim:

Mbeten enigmë, KQZ nuk tregon emrat e financuesve të partive

Komisioni Qendror i Zgjedhjeve nuk e ka bërë publikimin e emrave të financuesve të partive politike. Raporti i nxjerrë në faqen zyrtare të internetit të këtij institucioni nuk e përmban listën e financuesve, duke e lënë të mjegullt këtë element të rëndësishëm.

Gazeta "Shqip" iu drejtua përmes një letre zyrtare Komisionit Qendror të Zgjedhjeve, më datë 3.11.2009 dhe kërkonte raportet e shpenzimeve të fushatës për të gjitha partitë pjesëmarrëse në zgjedhjet e 28 qershorit.

Kryetari i këtij institucioni, Arben Ristani, përmes një shkrese të datës 5.11.2009 thotë se "në përgjigje të shkresës tuaj, të datës 03.11.2009, dëshirojmë t‘ju sqarojmë se, në bazë të nenit 91 të Kodit Zgjedhor, KQZ mund të bëjë verifikime të të dhënave të raportit dhe jo më vonë se 30 ditë nga data e paraqitjes së raportit ose përfundimit të verifikimit, do të bëjë publikimin e raporteve të auditimit të subjekteve zgjedhore".

Në këto kushte, vijon Ristani, KQZ do t‘ju vërë në dispozicion dokumentacionin e kërkuar, menjëherë pasi të ketë përfunduar verifikimi si dhe afati ligjor i përcaktuar në dispozitën e sipërcituar.

Në shkresë zoti Ristani nuk sqaron se kur përfundon verifikimi dhe kur fillon numërimi i afatit ligjor prej 30 ditësh që cakton Kodi. Deri dje, kur data shënonte 24.11.2009, asnjë përgjigje zyrtare ndaj kërkesës nuk kishte mbërritur në redaksinë e gazetës "Shqip".

Informacioni i publikuar dje në internet nga KQZ nuk përmban të dhënat për emrat e financuesve, por vetëm shifra në total mbi partitë dhe shpenzimet e tyre. Në përmbledhjen e publikuar thuhet se lista e personave që dhurojnë mbi 100 mijë lekë duhet të bëhet kurdoherë publike.

Shtatë subjekte politike kanë përfituar donacione në shuma mbi 100 mijë lekë. Këto subjekte janë:
- Partia Demokratike,
- Partia Socialiste,
- Partia Lëvizja Socialiste për Integrim,
- Partia G99,
- Partia Lëvizja e Legalitetit,
- Partia e të Drejtave të Mohuara e Re dhe
- Partia Rruga e Lirisë.

13 parti politike nuk kanë çelur llogari bankare të posaçme:

- Partia Aleanca Demokratike,
- Partia e të Drejtave të Mohuara e Re,
- Partia Toleranca e Re,
- Partia Lëvizja e Legalitetit,
- Partia Bashkimi Demokrat Shqiptar,
- Partia Demokracia e Re Europiane,
- Partia Lëvizja për të Drejtat dhe Liritë e Njeriut,
- Partia e Gjelbër,
- Partia Lëvizja për Zhvillim Kombëtar,
- Partia Forca Albania,
- Partia Republikane,
- Partia Socialdemokrate,
- Partia Demokracia Sociale,
- Partia Bashkimi për të Drejtat e Njeriut,
- Partia Demokristiane,
- Partia Aleanca për Demokraci dhe Solidaritet,
- Partia Balli Kombëtar,
- Partia Lidhja Demokristiane,
- Partia për Drejtësi dhe Integrim,
- Partia e Reformave Demokratike Shqiptare,
- Partia Ora e Shqipërisë,
- Partia Ligj dhe Drejtësi dhe
- Partia Konservatore.

http://www.gazeta-shqip.com/artikull.php?id=76296

27.11.2009, 13:55

Citim:

PS nxit revoltën nga pushteti lokal
PS drejton 25 bashki, nga 64 që janë gjithsej

Partia Socialiste po shkon drejt një radikalizimi edhe në pushtetin lokal, pas bojkotit të Kuvendit që vazhdon ende me një afat të papërcaktuar.

Opozita, me në krye PS, sipas gjasave dhe afatit të vendosur, do të bojkotojë shërbimet në bashkitë dhe komunat ku ajo drejton. Bashkitë dhe komunat që drejton PS, duke pezulluar punën dhe mos ofruar shërbim për qytetarët çon në mosbindje civile drejtuesit e pushtetit vendor.

Mosbindje civile do të thotë mospagim taksash, moszbatim ligjesh dhe moszbatim të vendimeve të qeverisë etj. Të zgjedhurit vendorë të Partisë Socialiste në bashkitë dhe komunat e vendit i kanë paraqitur qeverisë 5 kushte, duke lënë si afat për zgjidhjen e tyre 5 dhjetorin. Ndër 5 kushtet, kërkohet të anulohet amendamenti i miratuar në muajin maj, në ligjin bazë të taksave e tarifave vendore. Po ashtu u kërkua të anulohet vendimi i tetorit 2009, që bën unifikimin e disa taksave për bashkitë në një tarifë tavan.

Në gjirin e ngushtë të lidershipit të PS është hedhur si tezë edhe një variant tjetër, e cili kërkon dorëheqjen e të gjithë drejtuesve në bashki edhe komuna, për të çuar kështu vendin në zgjedhje të parakohshme. Kjo do ishte rruga e shkurtër, por duket se edhe mosofrimi i shërbimeve mund të shpie në fund të të njëjtin fat.

Kushtetuta parashikon shkarkim të drejtuesve të pushtetit vendor nëse këta të fundit nuk zbatojnë ligjet. Edi Rama, kryetar i PS dhe Kryetar i Bashkisë së Tiranës, u është drejtuar, me anë të një letre, të gjithë bizneseve në kryeqytet, ku bën me dije se nuk do të lejohen që masat e qeverisë për ndryshimet e bërë mbi taksat të mos hyjnë në fuqi.

“Keni të gjithë solidaritetin tim kundër masës së qeverisë për kalimin e subjektit tuaj nën të njëjtën barrë fiskale si biznes i madh me regjim TVSH-je e tatim mbi fitimin. Në këtë kohë krize të rëndë ekonomike kjo masë për bizneset, me xhiro mbi 5 milion lekë, kërcënon me falimentim masiv shumë ndër ju, provokon rritje të detyrueshme çmimesh për klientët atyre që do të mbizotërojnë dhe zbraz arkën e qytetit për të mbushur buxhetin e shtetit”,- shprehet Rama në letër.

Kryetari i Bashkisë, duke bërë një interpretim jo të plotë të masave të reja të qeverisë, thekson se është në krah të bizneseve. Kujtojmë se qeveria, vetëm para pak muajsh vendosi që të përcaktojë një rritje tavan për taksat.

Kryeministri, Sali Berisha, pasi u bëri thirrje bashkive dhe komunave të ulin taksat, mori vendimin që të gjitha tarifat dhe taksat e përkohshme, të marra së bashku, nuk do të mund të jenë më shumë se 10 për qind e nivelit të përcaktuar me ligj “për taksimin e biznesit të vogël”. Berisha akuzoi kryesisht Bashkinë e Tiranës se ka rritur çdo vit taksat për bizneset e vogla, kryesisht për pastrimin dhe gjelbërimin.

Nga ana e tij, Rama në letrën e drejtuar biznesmenëve shprehet se qëndron në krah të tyre pasi qeveria, sipas tij, po kërkon cilësimin e bizneseve të vogla në biznese të mëdha. “Si kryetar i Bashkisë së Tiranës, së bashku me të gjithë kryetarët e bashkive e komunave të opozitës, jo vetëm e kundërshtoj me forcë këtë masë shkatërruese për shumë biznese të vogla, por edhe kam nënshkruar një Apel Publik për kreun e qeverisë Sali Berisha, ku kërkohet anulimi i vendimit në fjalë.

Ky vendim nuk duhet të hyjnë në fuqi në Janar dhe unë do të bëj të pamundurën që kjo të mos lejohet të ndodhë”,- është teksti i letrës drejtuar të gjithë bizneseve të kryeqytetit nga Rama. 25 bashki, nga 64 që janë gjithsej të të gjithë republikën.

Paradoksi është se bashkia e Tiranës, e cila me këtë akt kërkon të dalë në krah të bizneseve, u dërgon atyre faturën e taksave dhe kërkon që ajo të paguhet deri me datë 30 nëntor, në të kundërt do zbatohet kamatëvonesa. Bashkia nuk ka marrë parasysh që datat 28-29 janë festa kombëtare dhe administrata do të qëndrojë pushim deri më 30 nëntor.

http://www.gazeta-agon.com/mat.php?idm=11081&l=a

Citim:

Nëpunësit dhe punonjësit e Bashkisë së Tiranës nënshkruajnë peticion

“Ne, nëpunësit dhe punëtorët e Bashkisë së Tiranës kërkojmë sot vëmendjen e opinionit publik shqiptar dhe partnerëve ndërkombëtarë, mbi kulminacionin e një fushate akuzash e shpifjesh që prej vitesh të tëra lëshohen drejt Bashkisë së Tiranës, ndërmarrjeve të saj të varësisë, punonjësve dhe drejtuesve të saj, duke marrë përmasa poshtëruese për të gjithë ne, ditët e fundit.

Ne jemi ata që pastrojmë çdo natë Tiranën, që ndërtojmë e mirëmbajmë çerdhet, kopshtet e shkollat dhe mikpresim çdo vit në dyert e Bashkisë, individualisht 70 mijë qytetarë në vit.

Ne jemi ata që kujdesemi për fëmijët, të moshuarit e njerëzit në nevojë. Ne jemi ata që projektojmë, ndërtojmë e mirëmbajmë rrugë e trotuare, parqe e lulishte, kënde lojërash e kënde sportive.

Ne jemi ata që konceptojmë e hartojmë vendimmarrjen e këtij institucioni model, që duke ndryshuar rrënjësisht vetveten, ka ndryshuar tërësisht Tiranën.

Ne jemi ata që përmes punës shpeshherë pa orar dhe përkushtimit ndaj detyrës, ndërtojmë çdo ditë Tiranën që duan të gjithë, por fatkeqësisht jemi gjithashtu ne, që kur kthehemi në shtëpi, duhet të dëgjojmë nga ekranet e televizorëve akuza monstruoze që na prekin të gjithëve, të cilat prej vitesh na kanë trazuar shpirtërisht e madje familjarisht.

Ne sot jemi këtu, në emër të 2633 qytetarëve në detyrë, nga punëtorët e pastrimit e gjelbërimit, deri tek specialistët e drejtuesit e Bashkisë së Tiranës, por edhe në emër të familjeve tona, të gjyshërve, prindërve, fëmijëve, të këtij komuniteti nëpunësish e punonjësish që nuk mund të heshtë më.
Dinjiteti ynë njerëzor, dinjiteti ynë profesional, dinjiteti ynë si nëpunës të shtetit shqiptar, në një institucion të këtij shteti, është cenuar thellësisht dhe durimi ynë ka sosur.

Duke punuar çdo ditë nën trysninë e përbaltjes së politikës, që për interesat e saj lëshohet ndaj Bashkisë së Tiranës dhe me ndjenjën e lartë të detyrimit tonë ligjor, moral e profesional, për të garantuar shërbime gjithnjë e më të mira për qytetarët e Tiranës, ne kërkojmë publikisht në emrin tonë, të familjeve tona e të rrethit tonë shoqëror:

Ndaljen e agresionit të patolerueshëm verbal, të akuzave ekstreme e të shpifjeve vulgare ndaj pushtetit vendor që ne përfaqësojmë, nga ana e qeverisë qendrore.

Sensibilizimin e opinionit publik mbi karakterin antikushtetues, antiligjor, antiqytetar, madje antinjerëzor të kësaj përbaltjeje që në fakt godet çdonjërin nga ne, 2633 të padukshmit që cenohemi në punën, në dinjitetin e në familjen tonë.

Informimin e të gjithë trupit diplomatik në Shqipëri dhe organizmave të tjera ndërkombëtare, mbi shkeljet flagrante të përditshme të lirive e të të drejtave tona si njerëz që shohim e bëjmë punën tonë, e cila është sot e kushtëzuar edhe nga shkelje të pajustifikueshme të Kushtetutës e të Kartës së Autonomisë Vendore.

Viola Haxhiademi
Drejtor i Përgjithshëm i Shërbimeve Mbështetëse

27 Nentor 2009

http://www.gazeta-albania.net/news.php?id=22305

Citim:

Qeveria: Do të zbatojmë Kushtetutën

Kundrejt një mase të tillë nga ana e njësive vendore të drejtuara nga PS, qeveria ka marrë masat për kundërpërgjigje. Ashtu siç është shprehur Sali Berisha që me “darët e ligjit do i shkulen dhëmbët dhe dhëmballët”, është nënkuptuar zbatimi i Kushtetutës për një rast të tillë.

Neni 115, pika 1, thuhet se “Organi i zgjedhur drejtpërdrejt i njësisë qeverisëse vendore mund të shpërndahet ose të shkarkohet nga Këshilli i Ministrave për shkelje të rënda të Kushtetutës ose të ligjeve”.

Pas kësaj, organi i shpërndarë ose i shkarkuar mund të ankohet në Gjykatën Kushtetuese brenda 15 ditëve. Gjithashtu, në Kushtetutë parashikohet se “Në rastin e mos ushtrimit të së drejtës së ankimit brenda 15 ditëve, ose në rastin e lënies në fuqi të vendimit të Këshillit të Ministrave nga Gjykata Kushtetuese, Presidenti i Republikës cakton datën e zgjedhjeve në njësinë vendore përkatëse”.

Një gjë të tillë e paralajmëroi edhe Ferdinand Poni, zv.ministër i Ministrisë së Brendshme, i cili theksoi se ligji do të veprojë nëse ndërmerren hapa për pezullimin e shërbimeve. Poni ka deklaruar se zbatimi i një skenari të tillë nga bashkitë dhe komunat e drejtuara nga PS nuk do të ketë impaktin që parashikon dhe kërcënon kryetari i kësaj partie.

“Sapo ligji të cenohet, ne do ta vrojtojmë”,- ka thënë Poni gjatë punimeve të Komisionit për Çështjen Ligjore, Administratën Publike dhe të Drejtat e Njeriut.

http://www.gazeta-agon.com/mat.php?idm=11081&l=a

Citim:

PE i kërkon opozitës të ndërpresë bojkotin

Me 551 pro dhe 17 kundër, Parlamenti Europian ka miratuar Rezolutën mbi Strategjinë e zgjerimit të Bashkimit Europian, ku përfshihen shtetet e Ballkanit Perëndimor, Islanda dhe Turqia.

Gjatë prezantimit të kësaj strategjie, e cila u hartua nga Komisioni Europian, Komisioneri për Zgjerimin, Olli Rehn, është shprehur se javën që vjen BE do të ndërmarrë një hap të rëndësishëm përpara me hyrjen në fuqi të Traktatit të Lisbonës, kur fillon edhe një epokë e re në politikën e jashtme europiane.

Rezoluta e miratuar kërkon nga vendet aspirante për anëtarësim në BE që të zbatohet çdo kriter politik.

Pjesë e kësaj rezolute është një pikë, e cila i bën thirrje opozitës në Shqipëri t’i japë fund bojkotit të parlamentit dhe i kërkon asaj të kryejë detyrën kryesore, që është përfaqësimi i votuesve të saj në legjislativ.

Thirrja është e sanksionuar në amendamentin 15, pika a, ku shpreh qartë qëndrimin e legjislativit europian për vendimin e Partisë Socialiste për të lënë jashtë dyerve të Kuvendit deputetët e saj të zgjedhur më 28 qershor.

Përfshirja e një pike të tillë në rezolutë është kërkuar nga Doris Pack, ku sipas saj nuk mund të anashkalohet një fakt, ku opozita bojkoton institucionin më të rëndësishme vendimmarrës.

Po ashtu, amendamenti 15 a, i Rezolutës Strategjia e Zgjerimit të BE-së me vendet e Ballkanit Perëndimor, Islandës dhe Turqisë, thotë shprehimisht se Strasburgu është i kënaqur me përbërjen e koalicionit të ri qeverisës në Shqipëri, dhe me raportin e fundit të OSBE-së mbi mbarëvajtjen e zgjedhjeve të 28 qershorit.

Në lidhje me liberalizimin e vizave, eurodeputetët kanë vlerësuar ecurinë e Shqipërisë që pas raportprogresit të fundit, në veçanti në fushën e dokumenteve të identitetit. Nga Parlamentin Europian ftohen autoritetet shqiptare që të përshpejtojnë implementimin e reformave në mënyrë që të përfitojnë sa më shpejt.

Eurodeputetët ritheksuan qëndrimin e tyre si avokatë të liberalizimit të vizave me Shqipërinë dhe Bosnje Hercegovinën, duke u kërkuar këtyre dy vendeve të nxitojnë në plotësimin e kushteve të mbetura, në mënyrë që ky regjim të hyjë në fuqi që nga korriku i vitit 2010.

http://www.gazeta-agon.com/mat.php?idm=11082&l=a

27.11.2009, 14:56

Citim:

KQZ publikoi rezultatet përfundimtare

Komisioni Qendror i Zgjedhjeve në Kosovë të enjten mbrëma ka publikuar rezultatet përfundimtare për zgjedhjet lokale 2009.

Sipas të dhënave të KQZ-së, të publikuara nga agjencia e lajmeve INA, Prishtinën e fiton LDK, Ferizajn-PDK, Gjakovën-AAK. Prizreni, Peja, Mitrovica dhe Gjilani shkojnë në balotazh.

Gjakova- AAK 51,92 për qind
Deçan – AAK 67,82
Gllogovc- PDK 95,54
Gjilan – PDK 38,66; LDK 27,63; AAK 13,89
Dragash – PDK 39,45; LDK 37,20; VAKAT 13,11
Burim - LDK 47,47; AAK 21,52
Kaçanik- PDK 48,36; AAK 26,64; LDK 15,87
Klinë- PDK 36,77; AAK 31.88; LDK 22.08
Fushë Kosovë- LDK 57,0
Kamenicë –PDK 33,16; LDK 21,66
Mitrovicë- PDK 39,17, AKR 22,57
Leposaviq- AAK 100
Lipjan – PDK 42,67, LDK 39,9; AKR 13,81
Artanë – LDK 43,73; SNSD 11,48
Obiliq – PDK 32,45; LDK 24,41; AAK 22,07
Rahovec – 36,00;LDK 22,84; AAK 18,82; AKR 13,62
Pejë- AAK 43,7; LDD 15,91; PDK 14,02
Podujevë- LDK 49,9; PDK 30,61
Prishtinë- LDK 57,22
Prizren – PDK 32,30; LDK 29,73
Skenderaj- PDK 85,02
Shtime- PDK 50,62
Therandë- AAK 34,03; PDK 32,61; LDK 31,03
Ferizaj- PDK 50,46
Viti – LDD33,31; PDK 29,97
Vushtrri- PDK 48,96; AAK 26,43; LDK 19,58
Zubin Potok – PDK 53,32
Zveçan – AAK 100
Malishevë- PDK 46,96; LDK 32,18
Junik- AAK- 49,6; LDK 32,68
Mamushe – KDTP 80,10
Hani i Elezit- Rufki Suma 44,29; PDK 36,47. (INA)

http://www.ina-online.net/Default.as...6a44a20f2&ln=3

1.12.2009, 12:05

Citim:

Protesta e PS, “Dua të shoh votën time” edhe në Athinë

Athina do të jetë ndalesa e radhës e protestave nën moton “Dua të shoh votën time”. Dega e PS-së në këtë qytet ka bërë njoftim duke ftuar të gjithë emigrantët të bëhen pjesë e këtij reagimi qytetar.

Protesta, e cila do të zhvillohet në 17:30, është caktuar pikërisht para godinës së OSBE-së në këtë qytet ku pritet të ketë dhe një mbledhje të krerëve të diplomacisë së vendeve evropiane për çështjen e sigurisë në rajon.

Burimet nga PS sqarojnë se ndërkohë është marrë dhe leja e nevojshme nga organet e rendit publik.

http://www.ballkan.com/index.php?lan...ws&newsID=2748

8.12.2009, 11:36

Citim:

“Ushqim” e show politikanësh me 13 kallëzime

Ekspertët: Shumica e tyre bëhen nga gjendja emocionale e teatreske e politikanëve

TIRANE- Subjektet dhe personazhet politike në Shqipëri këtë vit janë denoncuar 13 herë për ndjekje penale në Prokurori, apo padi civile në gjykatë, por realisht asnjërit prej tyre nuk i ka hyrë gjemb në këmbë. Sipas hetuesve dhe gjyqtarëve, kjo ndodh për faktin se shumica e kallëzimeve, kryhet nga gjendja emocionale dhe teatreske e subjekteve politike, të cilat çdo ditë të vitit janë në qendër të vëmendjes së opinionit publik.

Kallëzimet penale

Pjesa më e madhe e këtyre kallëzimeve ka shërbyer më shumë si një show politik, ku përfaqësuesit e subjekteve politike, fillimisht dorëzojnë në sekretari kallëzimin dhe më pas zbresin shkallët, duke iu drejtuar mediave për t’i thënë kundërshtarit forcën e ligjit. Kjo gjë ka ndodhur në të gjitha rastet, madje liderët politikë janë shfaqur, duke mbajtur edhe dokumente në duar, duke pretenduar se ato janë prova për organin e akuzës. Mirëpo përtej deklaratave lart e poshtë, hetuesit duket se nuk e vënë fare ujin në zjarr, lidhur me hetimin dhe procedimin e personave politikë që kanë kryer shkelje penale. Kjo për shkak se nga 10 kallëzimet e depozituara në Prokurorinë e Tiranës, 8 prej tyre janë pushuar, ndërkohë që vetëm 2 vazhdojnë të hetohen. Këto dy kallëzimet e fundit flasin, për abuzimet e pretenduara nga PS-ja, lidhur me lirimin e të burgosurve për zgjedhjet e 28 qershorit, si dhe kallëzimi i fundit i Bashkisë së Tiranës.

Paditë civile

Zemërimi që pushtetarët shprehin për njëri- tjetrin në media të ndryshme dhe në dalje publike, shërben si ushqim për ta, madje i jep mundësinë të kërkojnë edhe dëmshpërblim moral në gjykatë në disa raste ekstreme. Gjatë këtij viti, ndonëse mes politikanëve të shumtë ka pasur sharje e fyerje publike, kanë qenë më të rralla paditë në gjykatë. Ndërsa theksojmë se pjesa e parë e këtij viti ka qenë e qetë për pjesën e politikës dhe debateve mes tyre, për të kaluar në pjesën e dytë të këtij viti, i cili përket edhe me momentin e pas zgjedhjeve të qershorit. Gjuha që kanë përdorur mes tyre politikanë të ndryshëm ka bërë që ata t’i drejtohen gjykatës. Kryesisht bëhet e ditur nga të dhënat e marra në gjykatë se janë regjistruar të paktën tre padi civile. Një nga paditë është regjistruar nga Astrit Patozi, kundër një medie të pavarur, e cila ka publikuar një informacion që sipas tij quhet pasmashtrim. Padia e dytë është bërë nga kryetari i PS-së kundër Kryeministrit dhe padia e tretë është regjistruar nga kryetari i PDK-së Nard Ndoka.

Lista e politikanëve paditës për 2009-n

Edi Rama

Vetëm pak ditë më parë Edi Rama nëpërmjet juristes së tij regjistroi në gjykatë një padi brenda së cilës përfshiheshin tre padi civile. Edi Rama ka paditur për shpifje Kryeministrin e vendit Sali Berisha, ministrin e Punës dhe Çështjeve Sociale, Sokol Olldashi, dhe Partinë Demokratike, e cila drejtohet nga Sali Berisha. Të tria paditë u regjistruan në gjykatë dhe shumë shpejt priten të hidhen në short.

Ndoka

Modelin e Edi Ramës e ka ndjekur edhe kryetari i PDK-së Nard Ndoka. Ky i fundit e paditi Kryeministrin për shpifje dhe vjedhje të hapur të votave në zgjedhjet e 28 qershorit.

Patozi

Deputet i Partisë Demokratike ka paditur në gjykatë ndryshe nga të parët, një media të përditshme. Padia ka si qëllim zbardhjen e një lajmi të publikuar në këtë të përditshme.

“Zgjohu”

Kallëzimi kundër Erion Veliajt nga lëvizja “Zgjohu”, ku kjo e fundit pretendon se së bashku më vëllain e tij, drejtuesi i G99 ka vjedhur 300 mijë euro të organizatës “Mjaft”.

Bashkia Tiranë

Kallëzimi i Bashkisë së Tiranës për Sokol Olldashin, të cilin e akuzon për veprën penale të “shpifjes”, pasi ministri ka pohuar se Edi Rama ka shitur tokën tek “Tajvani”.

Dogjani

Kallëzimi i Asllan Dogjani për ish-presidentin Alfred Moisiun, të cilin e akuzon se i ka publikuar padrejtësisht emrin në një raport, ku flitej për kandidatët jo të përshtatshëm.

PD-ja

Kallëzimi i PD ndaj përfaqësuesit të PS-së, Pjerin Ndreu, të cilin e akuzon se ditën e zgjedhjeve, Ndreu ka kanosur komisionerët e PD-së në zonën e Kombinatit.

Policia

Kallëzimi i policisë ndaj përfaqësuesit të LSI-së, Fatos Klosi, të cilin e akuzon për “shpifje”, duke pretenduar se Klosi ka gënjyer lidhur me një automjet përgjimi.

Transportet

Kallëzimi i Ministrisë së Transporteve kundër Edi Ramës për akuzën e “korrupsionit” dhe “falsifikimit të dokumenteve” për shitjen e tokës tek “Tajvani”.

PS-ja

Kallëzimi i PS ndaj 50 punonjësve të policisë për “shpërdorim detyre”duke pretenduar se ata kanë ndikuar në ndryshimin e rezultatit në disa qendra votimi.

PS-ja

Kallëzimi i PS ndaj Drejtorisë së përgjithshme të Burgjeve, duke e akuzuar se ditën e zgjedhjeve ka liruar rreth 120 të burgosur.

PD-ja

Kallëzimi i përfaqësuesit të PD, Aldo Bumçi, ndaj ish-sekretares së tij në Ministrinë e Drejtësisë, duke e akuzuar për “shpifje”.

PDK-ja

Kallëzimi i PDK-së ndaj grupeve të numërimit të Partisë Demokratike, duke i akuzuar ata për grabitjen e votave dhe ndryshim të rezultatit të zgjedhjeve.

KQZ-ja

Kallëzimi i KQZ për 43 komisionerët e Fierit, Shkodrës, Beratit që vendosen të largohen nga qendrat e votimit. Vendim, ky që çoi në kolaps procesin e numërimit.

PS-ja

Kallëzimi i PS-së ndaj Arben Ristanit dhe anëtarëve të PD- së, pasi këta të fundit rrëzuan kërkesën për rinumërimin e votave në qarkun e Beratit.

Pas selektimeve

Shumica e dosjeve pushohet nga organi i Prokurorisë

Shumë kallëzime që janë dorëzuar në Prokurori nga subjektet politike, kanë përfunduar të pushuara, pasi në pjesën më të madhe organi i akuzës nuk ka mundur të kualifikojë ligjërisht akuzat e ngritura. Një nga këto çështje është ajo e lëvizjes “Zgjohu”, ku ka denoncuar drejtuesin e partisë G99 Erion Veliaj, duke e akuzuar për “evazion fiskal”, pasi sipas kallëzimit Veliaj së bashku me vëllain e tij kishin fshehur rreth 300 mijë euro të organizatës “Mjaft”. Mirëpo sipas organit të akuzës, kjo akuzë është pushuar pasi për të nuk është arritur të gjendet prova, për të fajësuar vëllezërit Veliaj. Ndërkohë që fatin e tyre e kanë pasur edhe dosje të tjera, duke filluar nga ajo e Pjerin Ndreut, e deri tek ajo më e fundit të ish-shikasit aktualisht përfaqësues i LSI-së Fatos Klosi. Një tjetër pushim është edhe ai që ka të bëjë me shitjen e tokës nga ana e Bashkisë së Tiranës në parkun Rinia, për të cilin Ministria e Transporteve ka depozituar kallëzim penal në organin e akuzës kryeqytetase. Kjo dosje është pushuar me pretendimin se nuk plotëson elementët e veprës penale.

Në gjykatë

Procedura e regjistrimit dhe marrja në shqyrtim

Mënyra e procedimit për regjistrimin e një padie civile e më pas vazhdimin e gjykimit është e përcaktuar në ligj. Pala paditëse ka të drejtë ta paraqesë atë në sekretari. Brenda një periudhe të shkurtër kjo kërkesë padi hidhet në short. Ndërsa pas shortit gjyqtari i caktuar merr kërkesën dhe pasi cakton një datë për fillimin e shqyrtimit të saj, njofton palët nëpërmjet postës. Fillimisht caktohet një seancë, e cila quhet pajtimore. Në këtë seancë palët thirren për ta zgjidhur çështjen në mënyrë paqësore duke i dhënë fund ecurisë së seancave gjyqësore. Në rast të mospajtimit bëhet e kundërta. Ndërsa nga praktika e deritanishme dihet shumë mirë se Kryeministri dhe personat e veshur me imunitet nuk gjykohen në shkallën e parë. Kompetente për shqyrtimin e padive civile apo penale për këtë kategori personash e ka vetëm Gjykata e Lartë. Megjithatë, statistikat tregojnë se këto lloj procesesh ende pa u filluar mirë.

Ç’ndodh me denoncimet

Fati i kallëzimeve, sirtarëve të plurosur

Në regjistrin e organit të akuzës janë të regjistruara me dhjetëra kallëzime penale në ngarkim të një partie politike apo të një tjetre. Pasi këto kallëzime i delegohen prokurorëve të ndryshëm ato futen në sirtarët e zyrave deri në një periudhë kohore të caktuar. Pasi kanë kaluar një kohë të gjatë në sirtarët e zyrave të Prokurorisë, atyre u shkundet pluhuri për t’u dërguar në gjykatë dhe të deklarohet mbyllja e hetimeve për shkak të mosgjetjes së provave për kallëzimin e bërë. E vetmja dosje që nuk ka pasur fatin e çështjeve të pushuara, është ajo që ka të bëjë me kallëzimin penal të deputetit Asllan Dogjani, i cili denoncoi për shpifje ish-presidentin Alfred Moisiu. Pas një hetimi disa mujor, organi i akuzës vendosi të mbyllë çështjen dhe të marrë të pandehur ish-presidentin. Materialet në ngarkim të tij, ju dërguan gjykatës së Tiranës për veprën penale të “shpifjes”.

http://www.gazetametropol.com/tekst.php?idt=63204

14.12.2009, 22:02

Citim:

PD-PS, 180 konferenca shtypi në 22 ditë - Foltoret e partive zëvendësojnë Parlamentin

Që prej 22 nëntorit, kur përfundoi mitingu treditor i partive opozitare, politika ka zbritur në shesh. Në 22 ditët që pasuan mitingun e socialistëve, produkti që ka ofruar skena politike janë konferencat e shtypit dhe batutat televizive në distancë.

Në gjithë këtë periudhë rezulton të jenë mbajtur mesatarisht 180 konferenca shtypi nga Partia Demokratike dhe Partia Socialiste, ndërsa Parlamenti është mbledhur vetëm tri herë në seancë.

Proporcion që krijon dukshëm tablonë e një politike që zhvillohet në rrugë dhe jo në institucione. Bazuar mbi këto shifra duket qartë se mazhoranca, dashje pa dashje, ka rënë në "lojën" e opozitës duke u zhvendosur në shesh.

Tensioni politik arriti kulmin më 22 nëntor, kur Partia Socialiste vendosi një ultimatum dhjetëditor për mazhorancën, ku kërkohej hapja e kutive të votimit të zgjedhjeve të 28 qershorit.

Në mungesë të një përgjigjeje pozitive, kreu i mazhorancës organizoi sulmin e pandalshëm ndaj kreut të opozitës dhe në tërësi grupit parlamentar. Deklaratave të kampit të mazhorancës i erdhi "pushkë më pushkë" reagimi i Partisë Socialiste. Aq sa selitë respektive filluan të monitorojnë kujdesshëm televizionet për t‘i vënë çdo deklarate një kundërdeklaratë.

Mesatarisht në këto 22 ditë janë zhvilluar nga 4-5 konferenca shtypi në secilën prej selive të partive kryesore politike në vend. Çka do të thotë se në një llogaritje paraprake, çdo parti ka bërë në kaq ditë rreth 90 konferenca.

Me këtë llogaritje lihen mënjanë replikat e klasit të parë mes Kryeministrit Sali Berisha dhe kreut të opozitës, Edi Rama.

http://www.gazeta-shqip.com/artikull.php?id=77596

2.1.2010, 13:38

Citim:

Haradinaj: Qeveria Thaçi, e dështuar

Ramush Haradinaj e shpall të bankrotuar Qeverinë e Kosovës të drejtuar nga Hashim Thaçi. Në një intervistë për ALSAT, kryetari i Aleancës për Ardhmërinë e Kosovës thotë se tani kur Kosova e ka mbyllur edhe një vit si shtet i pavarur, e ka të vështirë ta gjej një moment të mirë për vendin gjatë vitit 2009. duke u nisur nga kjo, ai shprehet se e përjashton çdo mundësi që AAK të hyjë në ndonjë marrëveshje koalicioni qeveritar me PDK-në pas zgjedhjeve, nëse ato mbahen në vitin 2010.

“Ofrojmë partneritet për qeverisje me partitë e spektrit të djathtë, mendoj në LDK-në dhe partitë tjera. Me PDK-në? Unë nuk mund të jap garanci për llojin e qeverisjes dhe cilësinë e qeverisjes në rast të një koalicioni me PDK-në. Nuk e synoj këtë, apo thënë ndryshe e përjashtoj këtë mundësi. Nuk mendoj se mund t’i ndihmoj vendit në një qeverisje të përbashkët me PDK-në”, tha Ramush Haradinaj, Kryetar i AAK-së.

Lideri i opozitës në Kosovë thotë se qeverisja në Kosovë ka vazhduar trendin negativ gjatë vitit 2009, ndërsa shprehet se lajmin më të mirë që pret në vitin 2010 është ai i shpalljes eventuale të zgjedhjeve parlamentare të cilat Haradinaj nuk pranon t’i quajë të parakohshme.

“Ne shohim vazhdim të logjikave negative. Është një gjendje e rëndë qeverisëse. Me këtë nivel qeverisës, edhe vendet më të zhvilluara do të bankrotonin. Ve veq kemi të bëjmë me një bankrotim politik të qeverisjes Thaçi dhe dihet kush i paguan këto dëme- qytetari i vendit”, theksoi Haradinaj.

Në procesin e profilizimit të partisë, Haradinaj ka zgjedhur që AAK-në ta orientojë kah qendra e djathtë. Në këtë proces, ai ka lidhur marrëveshje bashkëpunimi me PD-në e Kryeministrit të Shqipërisë Sali Berisha. Pas një vere aktive, udhëtimet e tij në Tiranë muajve të fundit u rralluan. Haradinaj e ka një shpjegim për këtë.

“U kënaqëm për rrugën. Tash ëhstë tuneli i mbyllur dhe për shkak se kemi e provuar të shkojmë rrugës Durrës- Kukës, tash po na vjen më vështirë t’i biem rrotull, por ruajmë komunikimin dhe shkëmbejmë me Kryeministrin Berisha dhe me kolegë tjerë nga PD. Bashkëpunimi ynë është afatgjatë dhe përkrahja jonë e ndërsjellë është afatgjatë”, deklaroi Ramush Haradinaj, Kryetar i AAK-së.

Në zgjedhjet lokale të vitit 2009 partia e Haradinajt jo vetëm që dyfishoi numrin e komunave nga 3 në 6 por e dyfishoi edhe përqindjen e votave në nivel kombëtar nga 9.5 për qind në rreth 18 për qind.

http://alsat-m.tv/index.php/lajme/rajoni/21859.html

Përdorimi i çështjes
Shfaq pamjen për shtyp Dërgoje faqen me postë
Paraqitja
Vijore E ndërthurur E shkallëzuar

15.11.2009, 12:28	#41
Kandhaon Bisha Anëtarësuar: 8.2006 Vendndodhja: Në breshta, mes bredhave,	15.29 % e votuesve kanë dalë në zgjedhje deri në orën 11:00

23.11.2009, 20:15	#50
Amantia Ulkonja Anëtarësuar: 9.2009 Vendndodhja: Ne kala	Këta mund të jenë çunat e bllokut po ama teserën e partisë e ka pas shoku Sali Berisha kryeministri i tanishëm i Shqipërisë. Nuk po arrij ta kuptoj kush është më e kuqe, pozita apo opozita ?

24.11.2009, 02:13	#51
puntori gjallar Anëtarësuar: 4.2009	Në njërin krah kemi pseudo-antikomunistët dhe në krahun tjetër neo-komunistët. Jan ndar gjoja në të djatht e të majt, kur në fakt po përfundojm në një form qeverisëse tipike amerikano-latine....përtej të majtës dhe të djathtës !