Muzeu Etnografik në Berat

Aht

Muzeu etnografik është pozicionuar ne pjesen e poshtme të kodrës, ne te djathtë të rrugës per në kala. Muzeu është organizuar ne një shtepi tepër karakteristike, përfaqësuese e banesës tipike beratase, e cila daton ne fundin e shek. XVIII. Godina e muzeut, në të dy katet e saj, ka nje trajtim airkitektonik dhe konstruktiv mjaft interesant, duke kombinuar si elementë ndëtimi gurin (në katin e parë) dhe drurin (në katin e dytë)
kombinime këto që evidentojnë së tepërmi vlerat estetike te banesës.

Befasuese është koncepimi dhe ndertimi Çardakut. Individualiteti në vetvete, avantazhet funksionale dhe voluminoze, dekori i pasur popullor, lidhja e ngushte me natyrën, e bëjnë çardakun një element me vlera jo të zakonta arkitektonike. Interesante është zgjidhja funksionale e komunikimit nga çardaku me të gjitha dhomat nëpërmjet dyerve të vendosura në krah të njëra-tjetrës.

Godina e Muzeut, oborri, kompleksi muzeal shtepive rreth e qark dhe veçanërisht objektet dhe vlerat muzeale të ekspozuara ne të gjitha mjediset e Muzeut, jane një dëshmi e nje kulture etnografike so interesante, aq edhe të pasur e të kultivuar.


(vazhdon)

Aht

Muzeu është i organizuar në një nga shtëpitë më karakteristike dhe interesante të qytetit, me sfondin e pasur të objekteve (mbi 1000 obiekte muzeale) është një nga dëshmitë e kulturës dhe traditës mjaft të pasur dhe mjaft interesante të trevës së Beratit. Pasi merr emocionet e para, kur vështron godinën interesante, oborrin tepër funksional dhe tërheqes, gjendesh në katin e parë të godinës ku është organizuar një Pazar Mesjetar me dyqanka, me zejet dhe objektet e shumta të ekspozuara

Si: veshjet e burrave dhe grave të qëndisura me ar e argjend,veshjet e burrave te zonës malore, objekte dhe elemente të shumellojta zbukurimi, serviset e bakrit etj. Në një mjedis tjetër të katit te parë, brenda harkadave prej guri janë vendosur paisjet dhe objektet e përpunimit te vajit (presa), të pijeve, të poçerise, të kovaçanës etj., të cilat (së bashku me objektet e pazarit mesjetar) dëshmojnë per nje traditë mjaft të kultivuar dhe me mjaft interes.
Ne katin e dyte te godines te befason bukuria arkitektonike e çardakut (ku mund te veshtrosh pamje nga me interesantet qe ofron natyra) dhe mjediset e dhomave, mjediset familjare të jetesës të pajisura me objekte te shumta etnografike. Në një nga dhomat e katit të dytë është organizuar Dhoma e Miqve
një dhomë shumë interesante me mafil (pjesa e sipërme ku qëndronin gratë), me një oxhak të bukur e funksional, me minderet rreth e qark dhomës, me pushkën e një flamur të para 100 vjetëve (aq domethënës per traditën shqiptare) me sofrën në mes të dhomës dhe objektet e shumta të servisit etj. Pranë dhomës së miqve është Kuzhina, me një mori objektesh që lidhen me traditën dhe kulturën e gatimit dhe servirjes. Interesante është zgjidhja arkitektonike e pjesës së siperme të kësaj dhome (baxhaja) prej së cilës depërton drita natyrale. Prane njëra-tjetrës, po ne katin e dytë ndodhen edhe dy dhoma të tjera, e para Dhoma e Fshatit dhe Dhoma e Tezgjahut.



Të dyja dhomat janë tërheqëse dhe interesante, jo vetëm pse ato të ofrojnë mjedise të veçanta konstruktive, por edhe mjedise jetese e pune me mjaft interes. Në këtë kontekst vecoimë në dhomën e fshatit traditën zakonore të mikpritjes, të jetesës, të objekteve të shumta të vendosura përreth dhomës. Një pamje tjetër të ofron Dhoma e Tezgjahut, një mjedis pune por edhe familiar. Në këtë dhomë shikon objekte të shumta dhe paisje tezgjahu që lidhen me përpunimin e leshit dhe të pambukut për përgatitjen dhe prodhimin e qilimave, rrugicave etj. Edhe mjediset e tjera dytësore të Muzeut janë funksionale dhe interesante. Në tërësi vetë godina si nje ansambël vërtetë arkitektonik unikal, pasuria e rrallë etnografike e objekteve, të nxisin e ofrojnë ndjesi të përhershme kontakti e komunikimi.

Muzeu Etnografik

Hapur : Nga e marta deri të djelën
Pushim : Të hënën
Orari : 09:00 - 16:00
Çmimi : 200 lekë / 2 euro
Tel : 00 355 32 32224