Ligji për mësimin e anglishtes që në klasën e dytë fillore

Shqipe

Më 1 prill 2007, "Zëri i Amerikës" në gjuhën shqipe lajmëroi se është futur gjuha angleze si lëndë mësimi në shkollat fillore që në klasën e dytë. Kjo i bie në moshën 8 ose 9 vjeqare, kur nxënësi ende nuk e ka mësuar si duhet gjuhën amtare, ende nuk i di rregullat e gramatikës shqipe.

"Në klasën e parë mëso shkrim-lexim shqip, kurse një vit pas mëso gjuhën angleze", - më duket plotësisht antikombëtare. Të mos keqkuptohemi tash meqë nuk është çudi që kjo të ndodhë në të ardhmen edhe në Kosovë, meqë dihet kënd e kemi "sipër kokës".

Mendoj se ligji do të shkaktojë dukurinë e njohur të përdorimit të fjalëve angleze si zhargone të përditshme, duke e bastarduar gjuhën, dhe në rastin pak më të keq se ky, asimilimi do të jetë shumë i lehtë. E tërë kjo duket se është një përzierje e politikës anglosaksone në Shqipëri përmes shërbimeve sekrete, me qëllim të zbatimit të planit të tyre për anglofonizimin e sa më shumë popujve, dukuri kjo që veq është vërejtur e po vërehet edhe më shumë dhe nuk është e panjohur për ne.

vlug

Mundet të fillojë dhe më vonë. Nuk është e rëndësishme të mësohet që në atë moshë. Të paktën fëmija duhet të arrijë, një moshë të konsiderueshme dhe shqipja të mos vihet në rrezik nga mësimi i një gjuhe të dytë.

Duke konsideruar që fëmijët shqiptarë kalojnë shumë kohë para televizorit, duke dëgjuar në gjuhë të huaj, pothuajse pa kontroll nga prindërit. Çështja e të mësuarit gjuhë të huaj me metodikë nuk është dhe aq shqetësuese. Por vetëm nëse ne humbim kontrollin mbi fëmijët!

Për sa i përket vendimeve për shkollat fillore, tek ne Ministria e Arsimit asnjëherë nuk është konsultuar me prindërit...