Durrës: Festivali ndërkombëtar i poezisë, Poeteka 2007

Diellza

Së shpejti do të zhvillohet në Durrës Festivali Ndërkombëtar i Poezisë, Poeteka III (30 Prill – 5 Maj 2007). Është edicioni i tretë i këtij festivali që dalëngadalë po krijon traditën e tij. Vlen për t’u përmendur në dy edicionet e mëparshme pjesmarja e krijuesve të njohur të trevave shqiptare si Xhevahir Spahiu, Bardhyl Londo, Ali Podrimja, Ali Aliu, Ervin Hatibi, Luljeta Lleshanaku, Arian Leka etj, si edhe krijues e artistë të ftuar nga shtete të ndryshme të botës.

E veçanta e Poetekës është jo vetëm pjesmarja e gjerë e krijuesve, por ndërthurja që i bën ajo artit të fjalës me tradita të tjera shqiptare si folklori, muzika, kulinaria, vinoteka etj, të cilat promovohen gjatë ditëve të festivalit.

Ajo çfarë Poeteka synon të arrijë është të bëjë të njohura vlerat më të mira të artit shqiptar të fjalës. E ideuar dhe e realizuar në qytetin e lashtë të Durrësit, Poeteka gjithashtu kërkon të risi interesin në faktin që kombi shqiptar ka shumë për të ofruar me kulturën, traditën dhe historinë e tij të lashtë.

Për më tepër rreth këtij aktiviteti mund të shikoni - http://www.poeteka.org/