Përdorimi


Prektora 1, nuk është program, nuk ka nevojë të rendet. Ajo është thjesht një librari .dll që përmban të dhënat që udhëzojnë sistemin operativ se çfarë shkronje përkon me cilën prekë të prektorës.

Në Windows Vista dhe XP çdo gjuhë ka librarinë e vet, ku jepen këto të dhëna. Po ashtu dhe krejt përshtatja e re e shqipes përmbahet në këtë skedar .dll, i cili vetëm lexohet nga sistemi, por as ekzekutohet dhe as ndërvepron me të në mënyrë tjetër. Ajo çka zbritet në faqen e këtushme, është një instalues i kësaj librarie, i cili përfshin dhe një skedar ndihmës me udhëzimet se si duhet zgjedhur gjuha shqipe duke i bashkëngjitur kësaj librarinë Prektora 1, të pajisur siç duhet sipas kodit faqosës SQ 1252, ku përfshihet shqipja sipas standardit latin 1, ISO-8859-1 dhe në renditje shkronjore QWERTY.

Për të shkarkuar instaluesin, kaloni më poshtë, ose përdorni nyjen e shpejtë në shtyllën djathtas, dhe pasi ta rendni, thjesht ndiqni udhëzimet që ju bëhen të ditura gjatë instalimit. Në fund të instalimit jepet mundësia të zgjidhet ose jo hapja e skedarit ndihmës që tregon lëvizjet që duhen ndërmarrë për tarimin e gjuhës.

prktr116.exe

sfv: a279d779
md5: bec7c10d31fb8ab3ff762b4b48d48a93

Kushtet e përdorimit

• Ky shtrat shkronjor mund dhe duhet të shpërndahet dhe të përdoret falas, mjafton që instaluesi të ruhet i pandryshuar.
• Përshtatja shkronjore që kryhet përmjet këtij instalimi punon në WINDOWS VISTA, XP dhe 2000 Pro. (Në sisteme të tjera kjo përshtatje nuk vlen).
• Shtrati shkronjor është provuar e zbatuar dhe nuk paraqet asnjë rrezik kundrejt sistemit bujtës. Megjithatë për çdo rast përgjegjësia për pasoja që mund të lindin prej këtij, mbetet e përdoruesit.
• Gjatë instalimit ndryshimet e vetme e të domosdoshme që kryhen në sistem janë :
  • Vendosja e librarisë "prktr1.dll" në dosjen "X:/WINDOWS/system32/" (ku X: disku aktual i sistemit operativ)
  • Vendosja e fjalëkyçeve të duhura në regjistër për njohjen e librarisë në fjalë.
  • Vendosja e skedarëve të nevojshëm për çinstalimin Prektorës 1, nëse ndodh që kjo përshtatje nuk përmbush kërkesat.

Historiku


2006.12.18: Laria 1.16 - Shtohet shkurtesë për hapjen e dritares së zgjedhjes së gjuhëve (falë ndihmës së Shtegtarit në vargmal.org).
2006.08.06: Laria 1.15 - Shtohen zanoret me theksim, gërmat gjermane dhe shenja të tjera. Përditohet instaluesi dhe ndihmësi. Preka [ ` ] luan rolin e theksuesit dhe ndryshuesit duke zbehur përdorimin me [ ALT-GR ].
2005.11.15: Laria 1.14 - Rishikohet partia e shenjave me [ ALT-GR ] dhe hiqen 3 nga hundoret.
2004.11.26: Laria 1.12 - Ndryshohet instaluesi.
2004.05.13: Laria 1.11 - Shtohet skedar ndihmës në trajtë .chm.
2004.05.10: Laria 1.10 - Shtohen shenja të tjera Unicode nga kodi 1252 perëndimor.
2004.04.26: Laria 0.90 - Përfshihet në instalues të pavarur.
2004.04.10: Laria 0.60 - Shtohen shenjat Unicode ©, ®, ™, rikthehet gërma w.
2004.03.13: Laria 0.20 - Shtohen dhe 3 zanore hundore nën prekën [ ALT-GR ].
2004.02.22: Laria 0.15 - Shtohen zanoret hundore â dhe ô, hiqet gërma w.
2004.02.12: Laria 0.10 - Rikëmbehet y me z.

blinklist · del.cio.us · digg · furl · rawsugar · shadows · netvouz · ask · blogmarks Vargmal © 2004 - 2009 | CSS | XHTML 1.1