Tiranë: Kuvendi i ri 17 000 m²

2.11.2010, 14:35

Citim:

Parlamenti i ri i Shqipërisë, 17 mijë metra katrorë

Tiranë, 1 nëntor - Parlamenti i ri i Shqipërisë, që pritet të ndërtohet në vendin ku tani ndodhet Piramida, ish-mauzoleu i diktatorit Enver Hoxha, parashihet të ketë 100 zyra të reja me nga 20 metra katrorë për deputetët. Parlamenti i ri do të ketë kapacitet për 250 deputetë dhe parashikohen 17.010 metra katrorë zyra.

Vendimi për të ndërtuar në vend të Piramidës objektin e Parlamentit ka ngjallur reagime ndër opozitarë dhe njerëz të kulturës.

http://www.koha.net/index.php?cid=1,16,39013

Citim:

Kompleksi i ri parlamentar 17 mijë metra katrorë

Parashikohet se kompleksi i ri që do të ngrihet tek Piramida aktuale do të ketë një hapësirë prej 17 mijë metra katrorë, ku janë parashikuar me detaje të gjitha llojet e ambienteve.

Vlen të theksohet se në ndërtesën e re do të ketë edhe një apartament banimi për Kryetaren e Kuvendit prej 250 metrash katrorë, në të cilin edhe mund të banohet.

Në bazë të projektit do të ketë 13 salla për komisionet parlamentare si dhe dy salla për konferenca shtypi si dhe një sallë për mbledhjen e komisioneve të përbashkëta.

Gjithashtu do të ketë zyra edhe për krerët e grupeve parlamentare dhe një sërë zyrash të tjera. Në kompleksin e ri janë paraparë edhe bare dhe restorante, si dhe shërbim mjekësore dhe ato të sigurisë.

http://www.gazetastart.com/lajme/Aktualitet/26794/

25.3.2011, 03:28

Citim:

Tiranë: Shpallet fituesi i kompleksit të ri parlamentar

Tiranë, 24 mars 2011 - Shpallet projekti fitues për ndërtimin e kompleksi të ri parlamentar. Projekti vjenez me kodin 11022, është shpallur fitues i konkursit kombëtar për ndërtimin e Parlamentit të ri të Shqipërisë. Juria që e dha këtë vendim kryesohej nga Johannes Ibelings dhe kishte si anëtarë të saj Imad Hassan, Mario Struzzi, Agron Lufin dhe Florian Nepravishtan. Mësohet se projekti fitues ka arritur që të marrë 88 pikë gjithsej, përfshirë këtu edhe vlerësimin e publikut, i cili ka mbërritur prej votimeve në faqen elektronike të Kuvendit.

Projekti me kodin 11022 e paraqet sallën e Parlamentit duke reflektuar hapësirën bazë demokratike si sundimi i fuqisë së elektoratit, duke vendosur publikun mbi pjesëtarët e zgjedhur të Kuvendit pa i hequr të drejtën sallës së madhe, hollit që të jetë qendra metaforike dhe fizike e ndërtesës.

Për kompleksin e ri parlamentar ishin në garë 12 projekte. Kompleksi fitues mori 88 pikë, ndërsa publiku ishte përzgjedhës me 15 % të pikëve për kompleksin. Ndërsa studio nga Viena u shpall fituese, në vendin e dytë u rendit studioja nga Bolonja. Juria ka renditur në vendin e tretë studion nga Parisi. Kryetarja e Kuvendit Jozefina Topalli ka falënderuar arkitektët që morën pjesë në këtë garë.

http://www.kosova.com/artikulli/70346

Citim:

14.7.2011, 15:47

Citim:

Votohet prishja e Piramidës, 72 vota pro ndërtimit të Parlamentit të ri

Tiranë, 14 korrik 2011, NOA- Pas përfundimit të diskutimeve në Parlament deputetët e maxhorancës kanë miratuar në unanimitet të plotë, projektligjin për prishjen e Piramidës.

Kanë qenë 72 vota të ligjvënësve të maxhorancës ata që i kanë vënë vulën prishjes së Piramidës e cila ndodhet në qendër të Tiranës, për ti hapur rrugë kështu ndërtimit të Kompleksit të ri Parlamentar, projekti i të cilit u përzgjodh pas një konkursi të hapur.

Ky kompleks parlamentar do të jetë qendra e debateve të deputetëve të majtë dhe të djathtë, pavarësisht se në vijimësi nga ana e socialistëve dhe nga përfaqësuesve të shoqërisë civile prishja e Piramidës është kundërshtuar fuqishëm.

Ky projektligj kaloi në komisionin e Ligjeve vetëm dy ditë më parë.

http://www.noa.al/2011/07/votohet-pr...amentit-te-ri/

24.1.2012, 23:43

Citim:

Projekti i parlamentit te ri

Emri: parlamenti i ri.jpg
Shikimet: 147
Madhësia: 6,5 KB

Ky do te jete parlamenti i ri i shqiptareve, te paktën sipas zotimit te fundit te qeverise shqiptare për kompleksin e ri parlamentar.

Ne emisionin “Debat” kryeministri njoftoi, se për shkak te mosmarrëveshjeve për pagesën, nuk do te jete studioja vjeneze qe do realizoje parlamentin e ri, por studioja nga Bolonja qe zuri vendin e dyte ne konkursin e zhvilluar marsin e shkuar.

http://www.vizionplus.tv/index.php?o...ike&Itemid=206

13.3.2012, 22:54

Citim:

Austriakët e ndërtojnë Parlamentin e ri shqiptar

Pas një diskutimi në Komitetin Shtetëror për Ndërtimin e Kompleksit të ri Parlamentar, projekti austriak, Coophimelbau u shpall projekti fitues. Mbledhja i zhvillua në Kryesinë e Kuvendit ku ishin të pranishëm kryetari i Bashkisë së Tiranës dhe ministra të kabinetit qeverisës. Në fjalën e saj kryetarja e Kuvendit Jozefina Topalli theksoi se Parlamenti i ri do të jetë një monument i demokracisë.

“Ky është një vendim i rëndësishëm për përzgjedhjen e monumentit të demokracisë. Është ky komitet që do të bëjë përzgjedhjen e projektit fitues. Siç është bërë e ditur në konkursin për ndërtimin e Kompleksit të ri Parlamentar u ftuan 25 studio dhe paraqitën maketet (projekt-idetë), 14 studio, ndër më prestigjiozet në botë” ka theksuar Topalli.

Nga ana e tij, Kryeministri Sali Berisha vlerësoi të mahnitshëm të 3 projektet e prezantuara, austriakun, italianin dhe francezin dhe theksoi se personalisht mbështet projektin që përzgjodhi juria ndërkombëtare. Kryeministri bëri me dije se pavarësisht se projekti austriak kushton rreth 3 milionë euro më shumë, ky projekt është përzgjedhur nga juria ndërkombëtare si i duhuri për ndërtesën e parlamentit të ri.

“U bënë përpjekjet për të negociuar me studion gjë që për shkak të kompleksitetit të projektit studio e gjeti të pamundur të zbriste nga shuma e kërkuar. Shumë kjo, që të nderuar të pranishëm, ndryshon me një vlerë 2.5 ose rreth 3 milionë euro nga oferta e dytë e paraqitur. Kemi shansin për të vendosur për projektin më të mirë, të mendohemi dhe njëherë para se të vendosim. Ose të zgjedhim projektin që ka zgjedhur juria ndërkombëtare, ose nga juria kombëtare”, tha Berisha.

http://www.kosovapress.com/index.php?cid=1,83,144354