Prop:OJF/ Dezinformimi nga organizatat joqeveritare

16.5.2012, 21:44

Citim:

Save the Children: Shqipëria, ritme të larta të vdekshmërisë gjatë lindjes

Organizata prestigjoze Save the Children ka publikuar ditët e fundit raportin e saj vjetor mbi gjendjen e nënave në botë. Raporti është një thirrje për veprim ndaj qeverive mbi vëmendjen që duhet t’u kushtohet nënave për të garantuar një të ardhme të shëndetshme për kombin. Shoqata nënvizon një numër problemesh që vërehen në Shqipëri në drejtim të mirëqënies së nënës dhe fëmijës.

Këtë vit, Save the Children përqendrohet tek rëndësia e ushqyerjes së mirë të fëmijëve në 1000 ditët e para të jetës, një periudhë që përfshin 9 muajt e shtatzanisë dhe 2 vitet e para të jetës së foshnjes. Është një ndër periudhat kritike në jetë thotë specialistja për ushqimin pranë kësaj organizate, Paige Harrigan.

“Nëse problemet e kequshqyerjes nuk kapen dhe korigjohen brenda 1 mijë ditëve të para të jetës, është shumë e vështirë të ndreqet kjo mungesë”.

Raporti i organizatës analizon 165 vende, të cilat i ndan në dy kategori – vende më të zhvilluara dhe vende më pak të zhvilluara, të cilat vlerësohen në bazë të tre indekseve: mirëqënia e nënës, mirëqënia e fëmijës dhe mirëqënia e përgjithshme e gruas. Të dhënat janë përftuar nga statistikat e Të dhënat janë përftuar nga statistikat e Organizata Botërore e Shëndetësisë, UNICEF-it, dhe Bankës Botërore. Shqipëria, e cila përfshihet në kategorinë e vendeve më të zhvilluara, renditet e fundit në grupin me 43 vende në të tria këto indekse.

Megjithë përmirësimet që autoritetet shqiptare deklarojnë në shëndetin e gruas, raporti identifikon një numër problemesh serioze në këtë indeks:

“Në Shqipëri përdorimi i kontraceptivëve është tepër i ulët, në 10 për qind të popullatës krahasuar me mbi 80 % në vende që dilnin më mirë. Personeli i kualifikuar gjatë lindjes është i kufizuar dhe rreziku nga vdekja gjatë lindjes është mjaft i lartë, një në 1 mijë e 700”.

Vdekshmëria gjatë lindjes në Shqipëri mbetet më e larta në kategorinë e vendeve më të zhvilluara. Si ilustrim, ritmet e vdekshmërisë prej 1 në 1700 gra gjatë lindjes janë dy herë më të larta se ato të regjistruara në Mal të Zi, apo afro 4 herë më e lartë se vdekshëria në Serbi ose Maqedoni. Ndërkaq, në një vend me zhvillim të lartë si Italia, vdekshmëria e nënës gjatë lindjes regjistrohet në 1 në 15000.

Shqipëria ka ndërkaq ritmet më të ulëta për sa i përket nivelit të arsimit që marrin gratë brenda grupimit të vendeve më të zhvilluara.

“Vërehet një lidhje e qartë mes nivelit të arsimit të nënës dhe mundësisë së grave për të marrë vendime në mënyrë të pavarur dhe mirëqënies së fëmijëve. Kemi vërejtur gjithashtu ndërlidhje mes mbështetjes që u jep shoqëria përparësive të nënës dhe mbarëvajtjes së fëmijëve”.

Zonja Harrigan ndalet në veçanti tek problemet që shfaqet në Shqipëri në vitet e para të jetës së fëmijëve:

“Shqipëria është një rast shumë interesant për sa i përket ushqyerjes. Problemi i kequshqyerjes shfaqet nga njëra anë me peshën e ulët që vërehet në fëmijë të moshës nën pesë vjeç. Por po shfaqet edhe problemi i obezitetit tek një përqindje e fëmijëve. Ky zbulim është diçka që vendim-marrësit duhet ta ndjekin me vëmendje, pasi ka ndikim real tek mbarëvajtja e një popullate dhe produktiviteti i saj”.

Shqipëria ka gjithashtu ritme shumë të larta të vdekshërisë nën moshat 5 vjeç.

Problemet e theksuara ekonomike për një pjesë të popullatës u vërejtën edhe në raportin e fundit të UNICEF-it, që konstatoi se afro një e katërta e familjeve me fëmijë nën 18 vjeç jeton nën nivelin e varfërisë.

Autoritetet shqiptare e pranojnë ekzistencën e problemit dhe kanë vënë në zbatim nisma të përbashkëta me UNICEF-in dhe Organizatës Botërore të Shëndetësisë të përqendruara tek problemi i kequshqyerjes.

Megjithë vëmendjen dhe fondet, Shqipëria mbetet prapa vendeve të rajonit dhe për pesë vjet radhazi, shoqata Save the Children e rendit në fund të listës të vendeve të zhvilluara në raportin mbi gjendjen e nënave të botës.

http://www.voanews.com/albanian/news...151719465.html

mesdimr · 16.5.2012, 23:54

Është i njëjti "raport" (copy-paste) i majit të vitit të kaluar që është diskredituar përpara në këtë temë nga shifrat e rreme që përdor. Në mos tjetër tregon haptas "prestigjiozitetin" (deri dhe përshkrimin e kanë copy-paste) e këtyre OJF-ve dhe se ku i çojnë fondet. Miliona dollarë për ctrl+c dhe ctrl+v (ose direkt F12 për zyrëbanuesit e regjur).

20.6.2012, 11:44

Citim:

SHBA: Shqipëria dhe Kosova destinacion për trafikimin njerëzor

Me një ceremoni në Departamentin e Shtetit, Sekretarja Hillary Rodham Clinton paraqiti të martën pasdite Raportin mbi Trafikimin e Personave për vitin 2012. Raporti bën vlerësimin e përpjekjeve të qeverive kudo në botë për të luftuar trafikimin e qenieve njerëzore.

Në pjesën për Shqipërinë, raporti thotë se ajo është kryesisht një vend burimi ku burra, gra dhe fëmijë i nënshtrohen trafikimit për seks dhe punë të detyruar, duke përfshirë detyrimin e fëmijëve për të lypur.

Në pjesën kushtuar Kosovës, raporti shprehet se vendi është burim, destinacion, dhe ndoshta vend tranzit për gratë dhe fëmijët që janë viktima të trafikimit për seks, dhe për fëmijët që i nënshtrohen lypjes së detyruar.

Raporti thotë se qeveria e Kosovës po bën përpjekje domethënëse për të përmbushur plotësisht standardet minimale për eliminimin e trafikimit, por në të veçohet gjithashtu fakti se pavarësisht njoftimeve mbi raste bashkëpunimi në trafikim nga ana e punonjësve qeveritarë, asnjë zyrtar nuk është dënuar për këtë vepër penale.

Viktimat shqiptare, thuhet në raport, janë objekt i kushteve të punës së detyruar dhe trafikimit për seks në Greqi, Itali, Maqedoni, Kosovë, Serbi dhe kudo në Evropën Perëndimore.

Shqipëria vazhdon të jetë vend i klasifikuar në shkallën e dytë përsa i përket trafikimit të qënieve njerëzore. Në klasifikimin e Departamanetit të Shtetit janë gjithsej katër shkallë, ku shkalla e parë përfshin vendet që i përmbahen plotësisht standardeve minimale për eliminimin e trafikut.

Autoritetet kanë raportuar se gjatë vitit në Shqipëri kanë gjetur viktima trafikimi nga Greqia dhe Ukraina. Fëmijët janë shfrytëzuar për seks komercial, lypje të detyruar dhe kriminalitet të detyruar, si vjedhje dhe shpërndarje droge. Edhe vajzat i janë nënshtruar prostitucionit ose punës së detyruar pas martesave me detyrim. Ka prova, thuhet në raport, se burra shqiptarë i janë nënshtruar punës së detyruar në bujqësi në Greqi dhe në vende të tjera fqinje.

Qeveria e Shqipërisë, thotë raporti, nuk u është përmbajtur plotësisht me standardet minimale për eliminimin e trafikut. Megjithatë ajo po bën përpjekje të rëndësishme për këtë qëllim. Gjatë vitit, qeveria shtoi aftësitë për të identifikuar viktimat e trafikimit si dhe përdori programin për mbrojtjen e dëshmitarëve për të mbrojtur një viktimë trafikimi.

Raporti rekomandon që Shqipëria të verë në zbatim procedura të reja standarde për identifikimin e viktimave si dhe të shtojë fondet për organizatat joqeveritare që merren me ndihmën për viktimat.

Ai rekomandon gjithashtu që të merren masa për vazhdimin e programit për mbrojtjen e dëshmitarëve si dhe të hetojë në mënyrë aktive rreth zyrtarëve që mund të kenë gisht në trafikimin e qënieve njerëzore.

Përsa i përket Kosovës, Raporti mbi Trafikimin e Personave për vitin 2012 thotë se shumica e viktimave të trafikimit seksual të shfrytëzuara në vend, janë qytetare femra të Kosovës. Fëmijë nga Kosova dhe vendet fqinje shfrytëzohen për lypje të detyruar brenda territorit të Kosovës.

Pjesa më e madhe e viktimave të huaja të prostitucionit të detyruar - vazhdon vlerësimin DASH - janë gra të reja nga Evropa Lindore, duke përfshirë Moldavinë, Shqipërinë, Poloninë dhe Serbinë.

Gra dhe fëmijë kosovarë i nënshtrohen prostitucionit të detyruar, martesave shfrytëzuese, dhe punës së detyruar në të gjithë Evropën. Raporti citon policinë e Kosovës për të përmendur se trafikantët shfrytëzojnë më rrallë viktimat e trafikimit të seksit në bare dhe kafene, duke u mbështetur kryesisht tek banesat private.

Qeveria e Kosovës, thuhet në raport, nuk përmbush plotësisht standardet minimale për eliminimin e trafikimit, megjithatë, ajo po bën përpjekje domethënëse për ta arritur këtë. Qeveria ka vazhduar zbatimin e procedurave operative standarde të saj të përqëndruara tek viktimat si dhe standardet minimale për kujdesin e viktimave të trafikimit.

Përpjekjet nga ana e qeverisë së Kosovës për parandalim e trafikimit vazhduan të jenë shumë të forta, duke përfshirë thirrje me bazë të gjerë në media, përqëndrim tek të rinjtë, dhe koordinim qeveritar në disa nivele. Por raporti i DASH i referohet organizatave ndërkombëtare duke thënë se është vërejtur se gjyqësori dhe prokurorët mbeten jo plotësisht të aftë për të ndjekur penalisht rastet e trafikimit, duke rezultuar në vënie të pamjaftueshme para përgjegjësisë të autorëve të trafikimit. Pavarësisht njoftimeve mbi raste bashkëpunimi në trafikim nga ana e punonjësve të qeverisë, asnjë zyrtar qeveritar nuk është dënuar për bashkëpunim.

Raporti mbi Trafikimin e Personave për vitin 2012 i Departamentit amerikan të Shtetit rendit edhe disa rekomandime për Kosovën, duke kërkuar që vendi të bëjë përpjekje më të fuqishme për të ndjekur penalisht, fajësuar dhe dënuar autorët e trafikimit për seks dhe për punë, duke përfshirë zyrtarët e përfshirë në trafikim; të rrisë trajnimin specifik për trafikimin të prokurorëve dhe gjyqësorit, të sigurojë që mbrojtja e punës sociale për viktimat e trafikimit të jetë plotësisht e financuar; duke kërkuar gjithashtu që Kosova të zbatojë Planin Strategjik dhe të Veprimit Kombëtar kundër Trafikimit të Qenieve Njerëzore për vitet 2011-2014; të shtojë hetimet e veprave penale të punës së detyruar si dhe të rrisë rastet e zbulimit dhe të mbrojtjes së viktimave të lypjes së detyruar në Kosovë.

Për Departamentin amerikan të Shtetit është e rëndësishme gjithashtu që të sigurohet që të gjitha viktimat e trafikimit të lejohen të lënë vendstrehimet sociale të papërgjuar dhe me vullnetin e tyre e të financohet në mënyrë të përshtatshme në nivel komunal puna sociale e kujdesit për viktimat e trafikimit. Raporti thotë se Kosova duhet të vazhdojë vlerësimin e programeve të trafikimit për të siguruar efikasitetin e tyre; të sigurojë që emigrantët pa dokumenta të jenë shqyrtuar për të parë nëse janë viktima të trafikimit para se të dërgohen në vendet e tyre; të përmirësojë procedurat e kthimit për t’u lejuar viktimave të trafikimit të kenë mundësi të përdorin këto procedura kthimi; të ndajë të dhënat e autoriteteve ligjore për anti-trafikimin seksual nga ai i punës si dhe të vazhdojë fushatat për ndërgjegjësimin e publikut, duke përfshirë edhe fushata rreth rreziqeve të lypjes.

http://www.botasot.info/def.php?category=43&id=173428

21.11.2012, 21:11

Citim:

75 % e fëmijëve te dhunuar

UNICEF publikon shifra alarmante per dhunën ndaj fëmijëve ne Shqipëri. Pas një anketimi te fëmijëve nga 2-14 vjeç është vene re se 75% e fëmijëve shqiptare kane vuajtur te paktën një forme te dhunës fizike ose psikologjike.

Ambasadori i BE Ettore Sequi vlerësoi si shqetësues fenomenin e lypësve ne rruge, te cilet janë fëmije qe dhunohen nga prindërit e tyre dhe detyrohen te punojnë ne vogëli. Ndërsa kryeministri Sali Berisha kërkoi ndryshime ne kodin e familjes per te forcuar sanksionet ndaj prindërve ne raste te dhunës ndaj fëmijëve te tyre.

http://www.vizionplus.tv/index.php?o...ale&Itemid=120

19.5.2013, 22:49

Citim:

Shqipëria, ndër vendet me vdekshmëri më të lartë foshnjore

Tiranë, 19 maj - Raporti më i fundit i publikuar nga “Save the Children” e rendit Shqipërinë ndër vendet me vdekshmërinë foshnjore më të lartë. Sipas raportit 18% e vdekjeve nën moshën 5-vjeçare ndodhin në ditën që lind fëmija, ndërsa 50% ndodhin brenda muajit të parë të lindjes. Sipas raportit në Europën Qendrore dhe Lindore, rreziku i vdekjes në ditën e lindjes është më i lartë në Shqipëri, Turqi dhe Rumani. Shqipëria ka nivelin më të lartë të vdekshmërisë në ditën e parë të lindjes nga çdo vend tjetër në Gadishullin Ballkanik, transmeton BW.

“Bota ka bërë progres të jashtëzakonshëm që nga viti 1990 në reduktimin e vdekshmërisë së nënave dhe foshnjave përfshirë këtu edhe Shqipërinë. Numri i fëmijëve që vdesin nën 5 vjeç në mbarë botën çdo vit është ulur me mbi 40%, nga 12 milionë – 6.9 milionë. Por, pak progres është bërë për foshnjat e porsalindur të cilët janë më të rrezikuar nga të gjithë”, thuhet në raport.

Sipas këtij raporti dita më kritike për jetën e foshnjës është dita e parë e lindjes. Ky përfundim është arritur pas një hulumtimi të thellë në statistika.

http://www.koha.net/?page=1,14,146242

26.7.2013, 20:12

Citim:

Padi për fondet e OJF-së së mbrojtjes së grave

TIRANE – Një kallëzim penal për abuzim me fondet në shoqatën “Në dobi të gruas shqiptare” ka mbërritur dje në Prokurorinë e Tiranës. Dy ditë më parë, Policia e Tiranës ka bërë të ditur se më 22 korrik 2013 filloi procedimi penal në gjendje të lirë ndaj shtetases Fabiola Shefqet Laço, e datëlindjes 12.04.1963, lindur dhe banuese në Rrugën e Durrësit Tiranë.

Sipas Policisë, procedimi penal filloi sepse ndaj saj ka bërë kallëzim shtetasja Sevim Ilmi Arbana, e datëlindjes 28.09.1951, lindur dhe banuese në rrugën “Pjetër Bogdani”, Tiranë. Kjo e fundit ka denoncuar Fabiola Laçon me pretendimin se duke qenë në punë në shoqatën “Në dobi të gruas shqiptare”, ka falsifikuar vulën e shoqatës me qëllim që të përfitojë fonde nga donatorë të huaj”.

Materiali ka mbërritur në Prokurorinë e Tiranës dhe mësohet se ende nuk është marrë ndonjë vendim në lidhje me nisjen e hetimeve apo jo.

Në padi, Sevim Arbana, në cilësinë e drejtueses së shoqatës, pretendon se e denoncuara prej saj ka falsifikuar dokumente, firma dhe vula të kësaj shoqate dhe ka bërë madje edhe disa tentativa për tërheqje shumash në banka në emër të kësaj organizate për mbrojtjen e grave.

Pak ditë më parë, drejtuesja e shoqatës, Sevim Arbana, pati një konflikt me një tjetër anëtare të OJF-së që drejton, ndërsa policia filloi hetimet për kanosje.

http://www.panorama.com.al/2013/07/2...tjes-se-grave/

27.9.2013, 15:34

Citim:

Metodat kontraceptive, ISHP: Nuk përdoren as nga të rinjtë

Rreth 11% e shqiptarëve përdorin metodat kontraceptive. Ndërkohë, pjesa tjetër ose nuk i njohin ato ose janë indiferentë ndaj përdorimit të tyre. Lidhur me këtë fakt, nga një studim i Shëndetit Publik, adoleshentët në vendin tonë kanë ende probleme me informimin e përdorimit të këtyre metodave të cilat janë një masë e sigurt parandalues ndaj shtatëzanive të padëshiruara por edhe sëmundjeve seksualisht të transmetueshme.

Përballë kësaj situate specialistët e ISHP deklarojnë se Ministria e Shëndetësisë dhe ajo e Arsimit do të fillojnë rishikimin e kurrikulave në sistemin parauniversitar në lëndën e biologjisë dhe të shëndetit riprodhues.

“Adoleshentët në disa raste kanë keq informimin e përdorimit të metodave kontraceptive dhe duke qenë kjo arsyeja Ministria e Shëndetësisë dhe Ministria e Arsimit është duke punuar intesitivisht. Ministria e Arsimit është duke shikuar kurrikullat shkollore të fokusuara kryesisht tek shëndeti seksual dhe riprodhues. Është menduar që kjo të filloj që ne klasën e katërt. Ne do të dëshironim që të përdorej prezervativi si metoda më e mirë për të rinjtë që siguron një mbrojtje të dyfishtë jo vetëm për një shtatëzani të planifikuar por edhe për infeksione seksualisht të transmetueshme. Por të rinjtë përdorin në masë të gjera nga sondazhet që kemi bëre neve kontraceptivin e urgjencës”-tha Lumturi Mërkuri , specialiste në ISHP.

Por situata e mos e përdorimin në masë të gjerë të kontraceptivëve si dhe keq informimi janë një problem në mbarë botën. Më shumë se 41% e shtatzënive në të gjithë botën nga 208 milion që ndodhin çdo vit janë të padëshiruara.

Më tepër se gjysma e këtyre shtatzënive të padëshiruara përfundojnë në abort. Sipas të dhënave të OBSH , një në tre vdekje tek gratë, të lidhura me shtatzëninë dhe lindjen mund të shmangen nëse gruaja përdor kontraceptiv.

http://www.gazetarepublika.al/2013/0...nga-te-rinjte/

kalimtar/e · 27.9.2013, 18:15

Shifra nga Shqipëria nuk ka, apo nuk përputhen me projektet që kanë në plan?

28.9.2013, 21:15

Citim:

Në Shqipëri dhe Kosovë abuzohen seksualisht fëmijët

Në raportimin vjetor të publikuar në Independent News Balkan Agency mbi abuzimet e fëmijëve dhe të miturve , Shoqëria Ndërkombëtare për Prandalimin e Abuzimit të Fëmijëve dhe Neglizhimin e tyre , ka publikuar raportin vjetor në Kongresin që po mbahet në Honolulu të shtetit amerikan Hawai.

ISPCAN , kërkon hetimin dhe parandalimin e abuzimit të fëmijëve në vendet e Evropës Juglindore, duke i këshilluar këto vende që të mos neglizhojnë fenomenin e abuzimit seksual të fëmijëve dhe të miturve.

Sipas raportit të shkëputur nga Përmbledhja e Punimeve të Kongresit të 18-të Ndërkombëtar që po mbahet në Hawai është konkluduar se :

"Në vendet e Evropës Juglindore ekzistojnë grupe që kanë abuzuar sistematikisht seksualisht fëmijët .Ata që kanë kryer në mënyrë të organizuar aktet e dhunës seksuale janë kategoritë si : miqët , familjarët , mësuesit , punëdhënësit dhe priftërinjët."

" Në vitin 2010-12 ne kemi marrë raporte për 227 raste të abuzimit seksual të të miturve kryesisht nga shtetet e Europës JugLindore”, ka thënë ISPCAN.

Skandaloze : Serbia , Shqipëria dhe Kosova , me rastet më të shumta të abuzimit seksual të fëmijëve.

Sipas ISPCAN në Kosovë kemi 48 raste të raportuara të abuzimit seksual të fëmijës të përdhunuar nga, priftërinjtë, mësuesit dhe banorët pranë.

Në Shqipëri 39 raste të raportuara të abuzimit seksual të fëmijës të përdhunuar nga priftërinjtë, mësuesit dhe banorët pranë.

Ndërsa udhëheq Serbia me 62 raste të raportuara të abuzimit seksual të fëmijës të përdhunuar nga priftërinjtë, mësuesit dhe familjet.

"Fatmirësisht" Kosovën dhe Shqipërinë e dallon nga vendet fqinje vetëm fakti se asnjë raportim nuk është bërë për abuzime nga ana e familjarëve.

ISPCAN, vlerëson gjithashtu se ekzistojnë shumë raste të tjera të paraportuara për shkak të mentalitetit të frikës dhe injorimit nga shoqëria që përballen viktimat.

http://www.botasot.info/lajme/243498...lisht-femijet/

rrëqebull · 21.11.2013, 06:05

inthelandofeagles.wordpress.com/2012/07/26/if-you-are-an-albanian-woman-you-hav-one-third-chance-to-be-beaten-by-your-husband/

ky komenti i shpejgon të gjitha:

Citim:

Bullshit!

We don’t go to psychologist, we talk to each other about anything. Whatever happens, neighbors, friends and relatives come to know. And stories of men beating their woman are quite rare.
Furthermore, with 1/3 chances as you claim, you would see woman with signs of violence everywhere you turn your eyes in the street.

The truth is, thousands of Albanians study psychology, public communication, politic sciences, and other easy but useless disciplines. There is no job for such qualifications, but many of them managed to self employ themselves by creating countless NGOs that live with the money of EU and USA taxpayers.

This is a war for survival: they have to report dramatic situations in their respective fields in order to justify the money they get, and they don’t know how to do anything other than this.

S'ka ngelë më skutinë haleje e huaj pa na përgojuar.

16.5.2012, 23:54	42
mesdimr MBARËVAJTJA Anëtarësuar: 6.2001	Është i njëjti "raport" (copy-paste) i majit të vitit të kaluar që është diskredituar përpara në këtë temë nga shifrat e rreme që përdor. Në mos tjetër tregon haptas "prestigjiozitetin" (deri dhe përshkrimin e kanë copy-paste) e këtyre OJF-ve dhe se ku i çojnë fondet. Miliona dollarë për ctrl+c dhe ctrl+v (ose direkt F12 për zyrëbanuesit e regjur).

27.9.2013, 18:15	48
kalimtar/e	Shifra nga Shqipëria nuk ka, apo nuk përputhen me projektet që kanë në plan?